Ресей президенті Владимир Путин Ресей Федерациясының Қарулы күштерімен келісімшарт жасасқан шетелдіктерге Ресей азаматтығын беру туралы жарлыққа қол қойды.
Жарлыққа сәйкес, Ресей Федерациясының азаматтығын алуға әскерге қосылғандардан бөлек, олардың туыстары да өтініш бере алады.
«Арнайы әскери операция (Украинадағы соғыс – ред.) кезеңінде Ресей Федерациясының Қарулы күштерімен келісімшарт жасасқан шетел азаматтары Ресей Федерациясының азаматтығына қабылдау туралы өтініш бере алады», – делінген жарлықта.
Құжатқа сәйкес, Ресей азаматтығын алу жөніндегі өтінішті денсаулық жағдайына байланысты Ресей Федерациясының Қарулы күштерінен әскери қызметтен босатылған немесе жасы жетіп, келісімшарты аяқталған азаматтар бере алады. Бұдан бөлек, Қарулы күштер құрамында болып, әскери іс-қимыл аяқталуына байланысты босатылған адамдар...