Жаңалықтар

Алакөлге құятын өзен басында шошқа асырап, суды ластаған Qaratas шаруа қожалығының экологиялық талаптарды бұзғаны анықталып, аймақтан көшірілген. Бұл туралы Экология министрлігінің баспасөз қызметі хабарлады.

Мәселенің мән-жайы

Әлеуметтік желіде Жетісу облысы Алакөл ауданы Үшбұлақ ауылдық округінің тұрғындарының видеосы тарады. Елдімекен халқы Алакөлге құятын өзен басында шаруа қожалығының жабайы шошқа асырап жатқанын, маңайды сасық иіс басып кеткенін хабарлаған. Сонымен бірге тұрғындар жабайы шошқаның ішек-қарны әр жерде шашылып, өзеннің ластанып жатқанын айтып, биліктен жағдайды реттеуді сұраған.

«Мынау Қарабұлақ өзені, бұл Қызылтауға құяды. Қызылтау Алакөлге құяды. Соның басында, дәл тұмада Qaratas деген шаруа қожалығы...

Астана сотында Перизат Қайрат пен Ғайни Алашбаеваға қатысты қылмыстық іс қаралып жатыр. 17 шілдедегі сот отырысына Назарбаев Зияткерлік мектебінің қызметкері Жанерке Сатқанбекова қатысты.

Әйел бұл мектепте 10 жылдан бері жұмыс істейтінін, су тасқыны кезінде ақша жинап, көмек көрсету туралы ой пайда болғанын айтты. Осылайша мектеп әкімшілігі, ата-аналар және оқушылар ақша жинаған. Қаражатқа Жанерке Сатқанбекова жауапты болған. Нәтижесінде «Biz Birgemiz Qazaqstan 2030» қорының шотына 2024 жылдың 10 сәуірінде 2 900 396 теңге аударған.

Содан кейін сотқа қатысушыға Перизат Қайраттың адвокаты Асланбек Дәулетьяров бірнеше сұрақ қойды. Жанерке Сатқанбекова өзінің 10 мың теңге қосқанын, қалған қаражат басқа ата-аналардың, мектеп әкімшілігінің ақшасы екенін айтты.

Жетісу облысы бойынша бүгінгі күнге дейін ата-аналардан баласын 1-сыныпқа қабылдау туралы 9700-ден астам өтініш түскен, деп хабарлады Жетісу облысы әкімінің баспасөз қызметі. 

Жалпы алдағы жаңа оқу жылына өңірдегі 315 жалпы білім беретін мектептің бірінші сыныбына 13 мыңға жуық бала қабылдау жоспарланған.

1-сыныпқа құжат қабылдау 1 сәуірден басталған. Облыстық білім басқармасының мәліметінше, бүгінгі күнге дейін 9717 өтініш түссе, соның 77% жуығы мемлекеттік тілде оқуға өтініш берген. Бұл ретте 3429 өтініш, яғни ең көбі облыс орталығы Талдықорған қаласынан түсіп отыр.

Ата-аналар баланың құжаттарын электрондық үкімет еgov.kz веб-порталы арқылы тапсыра алады. Балалар бірінші сыныпқа алты жастан бастап ата-анасы немесе заңды өкілінің өтініші негізінде...

Астана қаласындағы ауданаралық сотта прокурор Мәдина Оразалина сотталушы Перизат Қайраттың білімі туралы деректерді жариялады.

Прокурордың айтуынша, сотталушы Ақтау қаласындағы №10 жалпы білім беретін мектепті бітірген.

«Оқу үлгерімі туралы табель бар. 2024 жылдың 23 тамызында аттестатты жоғалтуына байланысты ХҚКО-ға жүгінген. Қолда 9-сыныпты аяқтағаны туралы аттестат бар», – деп мәлімдеді Оразалина.

Сондай-ақ мемлекеттік айыптаушы тарапында сотталушының колледжде білім алғанын растайтын құжаттар бар. 2007 жылы Перизат Қайрат Маңғыстау облысындағы өнер колледжіне оқуға түскен. Ол кезде оның тегі Қасенғалиева болған.

«Касенғалиева Перизат «Хор дирижері» факультетіне қабылданған. Алайда колледжді аяқтағаны туралы диплом жоқ», – дед...

Бірінші жартыжылдықта жедел медициналық көмек қызметі 4 млн-нан астам шақыртуға қызмет көрсеткен. Бұл туралы Денсаулық сақтау министрлігі хабарлады.

Министрлік кеш орындалған шақыртулардың үлесі өткен жылмен салыстырғанда екі есеге жуық – 4,3%-дан 2,6%-ға дейін төмендегенін айтады.

«Инсульт және инфаркт сияқты өмірге қауіп төндіретін жағдайларда шұғыл көмек барған сайын жедел көрсетілуде. Қалалардағы инсультпен ауыратын науқастардың 98%-ға жуығы алғашқы 40 минут ішінде өмірді сақтау және функцияларды қалпына келтіру үшін маңызды «алтын сағат» шегінде мамандандырылған орталықтарға жеткізілді. Сондай-ақ бригадалар жедел миокард инфарктісімен 14 мыңнан астам шақыруға қызмет көрсетті», – делінген ДСМ хабарламасында.

Шақырулардың негізгі себебі: тыныс алу ағзаларыны...

Қазақстанның Даму банкі былтыр басқарма мүшелеріне жалпы сомасы 272,9 млн теңге сыйақы алған. Бүл туралы Қазақстан қор биржасындағы ақпаратта жазылған.

Бұл сома 2023 жылдың қорытындысы бойынша берілетін сыйақы, Қазақстан Республикасының мемлекеттік мерекесіне арналған сыйлықақы, сондай-ақ еңбекақы түріндегі кірісті қамтыған. Аталған сома салықтар мен бюджетке төленетін басқа да міндетті төлемдерді ескере отырып есептелген.

Ақпаратта сыйақы жеті адамға төленгені жазылған. Бірақ банк басқармасында қазір бес адам бар: Марат Елібаев, Владимир Ли, Ботагөз Әбішева, Әсет Шәріпов және Бақытжан Омаров. Бұл құрам 2024 жылдың қыркүйегінде бекітілген.

Жыл ішінде басқарма құрамы бірнеше рет өзгерді. Мәселен, 2024 жылғы ақпанда басқарма төрағасының орынбасары Амангелді Исенов...

2025 жылдың алғашқы жартысында Қытай «Бір белдеу, бір жол» инвестициялық бағдарламасына 124 млрд доллар құйып, рекорд орнатты. Бұл туралы The Financial Times жазды.

Басылымның мәліметінше, Бейжің биыл BRI («Белдеу және жол») елдерімен 176 инвестициялық келісімшартқа отырған. Қазірдің өзінде жобадағы қытай қаражаты 2024 жылғы көрсеткіштен асып түсті. Былтыр ҚХР бағдарламаға барлығы 122 млрд доллар құйған.

2013 жылы іске қосылған «Бір белдеу, бір жол» бастамасын Си Цзиньпин Қытайдың экономикалық ықпалын арттыруға, 150 елмен сауда байланысын дамытуға пайдаланды, деп жазды FT. 12 жылдың ішінде BRI құрлықаралық жобасына барлығы 1,3 трлн доллар құйылған.

Ол Африкамен 39 млрд долларға, Орталық Азиямен 25 млрд...

Алматы әкімі Дархан Сатыбалды Абай даңғылынан әл-Фараби даңғылына дейінгі аралықтағы Достық даңғылын кешенді жаңғырту жұмыстарының барысын көріп қайтты.

Бұған дейін бұл аумақтың тротуары тар болып, көлік бейберекет қойылып келген. Күтімсіз жасыл желегі көзге бірден түсетін. Әкімдік енді бұл жер заманауи әрі қауіпсіз қоғамдық кеңістікке айналатынына сендіріп отыр.

Жаңғырту жұмыстары 4,18 гектар жерді қамтып, ұзындығы 1,5 шақырымды құрамақ.

Жоба аясында жаяу жүргіншілер жолы жаңартылып, жаңа сквер салынып,
шағын сәулеттік нысандар орнатылады. Тротуар кеңейтіліп, тұрғындарға ыңғайлы заманауи автотұрақ жасалмақ. Сондай-ақ, спорт алаңдары мен жаңа ағаштар отырғызылып, жасыл аймақтар көбеймек.

Жаңғырту жұмыстарына 2,35 млрд теңге бөлінген.

Жобаны «Алматыбасжоспар» ғылыми-зерттеу институты әзірлеп, ол
мемлекеттік сараптамадан...

Екібастұзда прокуратура екі ірі кәсіпорынның мемлекетке төленуі тиіс салық міндеттемелерін едәуір төмендеткенін анықтады. Бюджетке төленбеген жалпы сома шамамен 1 млрд теңгеге жуықтайды.

Қадағалау шаралары барысында, «Б. Нұржанов атындағы Екібастұз ГРЭС-1» ЖШС-ы жабдықтарды жөндеу кезінде кіріс әкелетін қызметке қатысы жоқ тауарлар, жұмыстар мен қызметтер бойынша сомаларды шегеріп тастағаны анықталды. Нәтижесінде 421 млн теңге көлемінде салық төленбеген.

Бұдан бөлек, «Қазақстандық вагон жасау компаниясы» ЖШС-ның қызметінде өнімді өткізу айналымын да  төмендеткен. Бұл да бюджетке түсетін түсімге әсер еткен — төленбеген салықтың жалпы сомасы 550 млн теңге.

«Қадағалау актісі негізінде салық органдары камералдық бақылау жүргізіп, салық төлеушілердің қатысуымен әкімшілік тыңдаулар ұйымдастырылды...

Болашақта АЭС салынатын Балқаш көлінің деңгейі жарты жылда 32 см-ге көтерілген. Бұл туралы Су ресурстары және ирригация министрлігінің баспасөз қызметі хабарлады.

«2025 жылдың бірінші жартысында Балқаш көлінің деңгейі орта есеппен 32 см-ге көтерілді. Нақтырақ айтқанда, Балтық жүйесі бойынша 341,55 метрден 341,87 метрге дейін», – делінген баспасөз хабарламасында.

Министрліктің мәліметінше, осы жылдың 6 айында Алматы облысындағы Қапшағай су қоймасынан Балқаш көліне 8,52 млрд текше метр су жіберілген. Бұл өткен кезеңмен салыстырғанда айтарлықтай көп. Өткен жылы осы кезеңде Балқашқа 8 млрд текше метр су жіберілген. Осының нәтижесінде су деңгейі әдеттегіден жоғары болған.

Жыл соңына...

Алматы әкімі Дархан Сатыбалдының өкімімен Қалалық жоспарлау және урбанистика басқармасының басшысы қызметіне Алмас Жанбыршы тағайындалды.

Ол 1979 жылы Алматы қаласында дүниеге келген. Алматы қаласындағы Қазақ бас сәулет-құрылыс академиясын және Л.Н. Гумилев атындағы Еуразия ұлттық университетін тәмамдаған.

Еңбек жолын 2003 жылы сәулетші болып бастаған. 2005-2018 жылдар аралығында Алматы қаласының Сәулет және қала құрылысы басқармасында әртүрлі лауазымдарда жұмыс істеген.

2018-2019 жылдары «Алматыбасжоспар» ғылыми-зерттеу институты» ЖШС директоры болған.

2019-2021 жылдары Астана қаласы Сәулет, қала құрылысы және жер қатынастары басқармасы басшысының орынбасары қызметін атқарған.

2021-2022 жылдары «Астанабасжоспар» ғылыми-зерттеу институты» ЖШС директоры атанған.

2022-2023 жылдары Астана қаласының Сәулет, қала құрылысы және жер қатынастары басқармасыны...

16 шілдеде Алматы қаласында Бұқар Жырау бульвары мен Байзақов көшесінің қиылысында газ құбыры жарылды. Бұдан келген залалды мердігер ұйым өтейтін болды. Бұл туралы «QazaqGaz Aimaq» АҚ баспасөз қызметі хабарлады.

«Біз жедел әрекет еттік, аумақ қоршалып, алғашқы тексеру жүргізілді. Газбен қамтуда ақау жоқ, қауіп жоқ. Келтірілген залалды мердігер ұйым өтейді. Әлеуметтік жауапты компания ретінде жағдайды бақылауда ұстап отырмыз. Біз халықпен біргеміз», – деді компанияның Алматы филиалының директоры Ақылбай Сапаров.

Еске салайық, оқиға жер астындағы жаңа газ құбырына сынақ жұмыстары жүргізіліп жатқан кезде болған. Жұмысты «СантехКомплектГрупп» ЖШС атқарған.

Технологиялық тығынды кесу барысында диаметрі 426 мм құбыр жарылып...

Шымкентте «ҚазМұнайГаз Инвест» қаржы пирамидасының қызметі әшкереленді. Бұл туралы Қаржы мониторингі агенттігі хабарлады.

Ресми ақпаратқа сәйкес, алаяқтық схема азаматтардың сенімін теріс пайдалану арқылы құрылған.

«Ұйымдастырушылар «ҚазМұнайГаз» Ұлттық компаниясының акцияларын сатып алу арқылы мол және жылдам табыс табуға уәде берген. Күдіктілер салымшыларға әр 15 күн сайын 50% кіріс түсетінін айтып алдаған. Алайда іс жүзінде ешқандай бағалы қағаздар сатып алынбаған. Төлемдер тек жаңадан тартылған қатысушылардың қаражаты есебінен жүзеге асырылған», – делінген ақпаратта.

Бастапқы салым 500 мың теңгеден басталған. Салдарынан шамамен 200 азамат қаржы пирамидасының құрбанына айналып, жалпы сомасы 1 млрд теңгеден астам қаржысынан айырылған.

Күдіктілер бұл ақшаға Түркістан облысында жалпы...

«Евро-Азия Эйр» әуе компаниясы 2025 жылдың басында бір қызметкері мекемеден ақша ұрлағанын анықтады. Тергеу жүріп жатыр. Қомақты қаражат қолды болғандықтан, компания 2024 жылғы есебінде 1,973 млрд теңге күйіп кеткенін мойындады. Соған қарағанда, мекеме ұрланған ақшаның қайтатынына күмәнданады.

«Евро-Азия Эйр» АҚ 2024 жылғы қаржы есебін жариялады. Әуе компаниясы резервте елеулі өзгеріс болғанын атап өтті. Резерв бірден 100 есе — 2023 жылы 19,3 млн теңге болса, 2024 жылы 1,9 млрд теңгеге дейін өсті.

Мәлім болғандай, 2025 жылғы қаңтарда компания бір қызметкердің ақша ұрлағанын анықтаған. Қылмыстық іс қозғалды. Сот-экономика сараптамасы нақты қанша ақша қолды болғанын анықтайды.

«Ақшаны кері қайтару...

АҚШ президенті Дональд Трамп Real America’s Voice телеарнасына берген сұхбатында 150-ден астам елден келетін импорттық тауарларға кедендік баж салығын енгізбекші екенін мәлімдеді. Жаңа тарифтер 10-15% көлемінде болады деп хабарлайды Bloomberg агенттігі.

«Тарифтер шамамен 10 немесе 15 пайыз болады, әзірге нақты шешім қабылданған жоқ», – деп нақтылады Трамп.

Бұған дейін ол аталған елдерге төлем жасау қажеттігі туралы ескерту жіберілетінін айтқан. Жаңа тарифтер 1 тамыздан бастап күшіне енеді. Ескерту хаттары Жапония мен Оңтүстік Корея секілді кейбір мемлекеттерге әлдеқашан жіберілген көрінеді. Ал өзге елдерге де жаппай хат жолданып, онда нақты тариф көрсетіледі.

Дегенмен Трамп егер кейбір елдер...

Төтенше жағдайлар министрлігі бірнеше өңірде ауа температурасы 46 градусқа дейін көтеріліп, өрт қаупі күшейетінін ескертті.

Министрліктің мәліметінше, апта соңында Қазақстанның көптеген өңірінде күн ыстық болады. Ақтөбе, Алматы, Түркістан, БҚО, Маңғыстау, Жамбыл және Жетісу облыстарында ауа температурасы +46 ° дейін көтеріледі.

Министрліктің ресми сайтында жарияланған ақпаратқа сәйкес, республиканың көп бөлігінде жоғары және төтенше өрт қаупі сақталады.

Түркістан облысында 44°С қатты ыстық болады. Ал өңірдің оңтүстігінде ауа температурасы +46°С дейін көтеріледі.

Қызылорда облысында 42°С дейін қатты ыстық болады. Осы өңірдің оңтүстігінде ауа температурасы +45°С дейін жоғарылайды.

Атырау, Маңғыстау  облыстарында ауа температурасы күндіз 44°С дейін өте қатты ыстық болады.

Жамбыл облысында ауа температурасы 41°С дейін көтеріліп, өңірдің оңтүстігінде +43°С...

Еуропалық комиссия 2028–2034 жылдарға арналған ұзақмерзімді бюджеті аясында Украинаға 100 млрд еуро бөлуді ұсынды. Бұл туралы комиссия төрайымы Урсула фон дер Ляйен бюджет жобасын таныстыру кезінде мәлімдеді.

2027 жылға дейінгі қайта қаралған ЕО бюджетінде Украинаға көмек қоры ретінде 50 млрд еуро қарастырылған. Урсула фон дер Ляйеннің айтуынша, бұл қаражат біртіндеп таусылып жатыр, сондықтан жаңа ұсыныс бұрынғыдан екі есе көп сомаға есептеліп отыр. Мақсат – Украинаға қайта қалпына келу, тұрақтылықты сақтау және ЕуроОдаққа мүше болу жолында қолдау көрсету үшін көмек қорын қайта толықтыру.

Еурокомиссия ұсынған 2028–2034 жылдарға арналған жалпы ЕО бюджетінің көлемі 1,816 трлн еуроны құрайды. Бірақ әзірге бұл жоба...

16 шілдеде Маңғыстау облысы Жаңаөзен қаласындағы саудагерлер базарға жарық беруді талап етіп жолды жапты. Бұл туралы жергілікті Lada.kz басылымы жазды.

Кәсіпкерлер қаладағы «Шаңырақ» базары мен «Заңғар» сауда үйінде электр қуатының жоқтығына наразы болған. Әлеуметтік желілерде тараған видеолардан бірнеше адамның жол бойына ағаш үстелдер қойғанын, көліктер өте алмай тұрғанын байқауға болады.

Саудагерлер жарық мәселесіне биліктің назарын аудару үшін жолды жапқан. Жаңаөзен әкімдігі басылымға мәлімет берді.

«16 шілдеде қаладағы шағын электр құрылғысының бірі істен шығуына байланысты Шаңырақ ықшам ауданы мен Абай көшесінде сауда нысандарының бірқатары жарықсыз қалды. Олардың арасында «Заңғар» сауда үйі мен «Шаңырақ» базары да...

Рәгәткі ұстаған полиция қызметкері / ЖИ көмегімен дайындалған сурет

Абай облысында қарамағындағы бір қызметкерге рәгәткімен тас атқан полиция бөлімінің басшысы қызметтен алынды. Бұл туралы өңірдің полиция департаменті хабарлады.

Полиция қызметкерінің аша таяқпен, яғни рәгәткімен тас атқаны туралы видео әлеуметтік желілерде таралған. Оқиға полиция бөлімшесінің ғимаратында болған. Мәліметтерге қарағанда, тас атқан адам – Абай облысы Жарма ауданына қарасты Шар қалалық полиция бөлімінің басшысы Дәурен Әлжапаров. Ал қашып бара жатқан адам – оның қарамағындағы бір қызметкер.

Сол кезде өңірдің полиция департаменті осы оқиға бойынша тексеру жүріп жатқанын хабарлаған. Енді ол аяқталып, шешім шықты.

«Тәртіп комиссиясының шешімімен, Жарма...

Жергілікті әкімдік мәліметінше, Балқаш көлі биыл туристер көп жиналатын орындардың біріне айналды. 5-7 шілде күндері ғана өңірге 60 мыңнан аса турист келген.

Балқаш билігі биыл көл жағасында демалуға кем дегенде 160 мың адам келеді деп болжады. Былтырғы көрсеткіш – 135 мың.

Дегенмен Балқашта демалған туристер мыңдаған адам ағылған бұл орынның кемшілігі көп екенін алға тартып отыр.

Балқаштағы сансыз турист

Қала әкімдігі шілденің алғашқы демалыс күндері 20 мыңнан аса автокөлік кіргенін, ал темір жолмен 7 мыңнан аса жолаушы жеткенін хабарлады. Қонақ үйлердің, демалыс орындарының және жалға берілетін үйлердің бәрі толған. Орталық жағалаулар күнде 10 мыңға дейін адам...

Қазақстан азаматтары такси қызметін пайдаланғаны үшін салық мекемесімен 2%-ға дейін кэшбэк алып, бағалы сыйлықтар ұтысына қатыса алады. Бұл туралы «Бухта» салық мәліметтері операторы хабарлады.

«Бухта» төлем чектерінен кэшбэк қайтару бойынша мемлекеттік бағдарламаның әріптесі атанды. Соның арқасында қазақстандықтар жолақысын бір бөлігін кері қайтара алады. Оның ішінде Яндекс Go сервисі де бар.

Бағдарлама Amian мобильді қосымшасы арқылы жұмыс істейді. Оны Мемлекеттік кірістер комитеті дайындаған.

Кэшбэкті қалай алуға болады? Мына төрт ережені сақтаңыз:

Қосымшаны App Store және Google Play арқылы...

Президент «Қазақстан Республикасының кейбір заңнамалық актілеріне әскери-патриоттық тәрбие, әскери қызмет және жекелеген орталық мемлекеттік органдардың функцияларын қайта бөлу мәселелері бойынша өзгерістер мен толықтырулар енгізу туралы» заңға қол қойды.

Заң арқылы Еңбек кодексіне, «Қазақстан Республикасының қорғанысы және Қарулы Күштері туралы», «Білім туралы», «Әскери қызмет және әскери қызметшілердің мәртебесі туралы», «Қорғаныс өнеркәсібі және мемлекеттік қорғаныстық тапсырыс туралы» заңдарға және басқа да заңнамалық актілерге өзгерістер мен толықтырулар енгізіледі.

Өзгеріске сай, енді қандай да бір оқу орнында оқып жатқан жастар білім алуына байланысты әскерге шақыруды бір рет қана кейінге шегере алады. Бұл университет студенті сабағына байланысты 4 жылда бір рет қана әскерден босатылады

Армения ҰҚШҰ-дан шығуы мүмкін. Бұл жайлы елдің премьер-министрі Николь Пашинян айтты.

«Біз мүшелікті уақытша тоқтатқанша ҰҚШҰ құрамынан шығуымыз әбден мүмкін», – деді ол.

Сондай-ақ ол Ереванның Еуроодаққа кіргісі келетінін де жариялады.

» Арменияда ЕО-ға кіру процесінің басталуы туралы қабылданған заң Арменияның Еуроодақ мүшесі болғысы келеді дегенді білдіре ме? Еуропалық әріптестерімізден осындай сұрақ түсті. Менің жауабым: иә, Армения Еуроодақ мүшесі болғысы келеді», – деп атап өтті премьер-министр.

Пашинянның сөзінше, екі тарап бұл мәселені талқылап, оңай процесс болмайтынына тоқталған.

Армения ҰҚШҰ-ға неге өкпелі?

Армения Ұжымдық қауіпсіздік...

Президент Қ.Тоқаев Барселонада өткен халықаралық STEM олимпиадасында, сондай-ақ Біріккен Араб Әмірліктерінде ұйымдастырылған химия пәнінен халықаралық олимпиадада жеңіске жеткен оқушыларға құттықтау жеделхатын жолдады.

Қасым-Жомарт Тоқаев мұны елдің абырой-беделін арттыра түсетін тарихи жетістік ретінде бағалаған.

– Бұл – Қазақстанда білім беру саласы қарқынды дамып келе жатқанының айқын дәлелі. Мемлекет жастардың сапалы білім, тағылымды тәрбие алуына әрдайым баса мән береді. Еліміз сіздерді мақтан тұтады. Жарқын жеңістеріңіз көп болсын! – деп жазды Президент.

Бұған дейін, әлем чемпионатында күміс жеңіп алған шахматшылар министрден ақшалай сыйлық түрінде марапат алғанын жазғанбыз.