Жаңалықтар

Деметриус Джонсон жеңіл салмақтағы чемпион Ислам Махачевті әлемнің ең мықты жауынгері деп атады. Демек Шавкат Рахмоновқа қарсы тұра алады.

UFC-дің бұрынғы жеңіл салмақтағы чемпионы салмақ дәрежесі маңызды еместігін де ескерте кеткен.

«Ол – әмбебап»

Vringe ақпаратына қарағанда, Деметриус Джонсонның ойынша, қазіргі таңда Ислам Махачевке тең келетін ешкім жоқ. Салмағына қарамастан, жер бетіндегі ең үздік файтер екенін алға тартқан.

«Ол тұрып айқасуда керемет жұмыс істейді.  Мықты күресе де алады. Дзюдо және джиу-джитсу техникасы да жоғары деңгейде. Ол — әмбебап. Мен үшін ол – pound-for-pound-тегі ең үздік спортшы. Джон Джонс – одан кейінгі орында. Өйткен...

Әлеуметтік желіде ниқаб киген қыздардың Қазақстанның мемлекеттік туын ұстап тұрған сәті түсірілген фотосы тарады. Желі қолданушылары мемлекеттік туға араб тіліндегі сөздер жазылғанына наразылық білдірді. Сондай-ақ фотоның Атыраудағы мұз сарайында түсірілгені айтылды. Осы жағдайдан кейін облыс полициясы мемлекеттік рәміздерді қорлау бабы бойынша қылмыстық іс қозғады деп хабарлайды KursivMedia.

«Әлеуметтік желіде таралған жазба бойынша мемлекеттік рәміздерді қорлау бабымен қылмыстық іс тіркеліп, сотқа дейінгі тергеу амалдары жүргізіліп жатыр. Таралған жазбадағы төрт күдікті де анықталып, полиция бөлімшесіне жеткізілді», – делінген полиция таратқан ақпаратта.

Фотодағы төрт қыздың екеуі жасөспірім болғандықтан, олардан ата-анасының қатысуымен жауап алынып жатыр.

Полиция іс бойынша...

Ұлттық банк 28 наурыздан бастап ежелгі сақ үлгісімен безендірілген құны 1 мың теңгелік банкнотаны айналымға шығарады.

Қадағалаушы мекеме мәліметінше, бұл сақ үлгісімен сәнделген төртінші жаңа банкнота болғалы тұр.

Жаңа банкноталар жаппай қолданысқа жылдың екінші жартысында ғана беріле бастайды. Себебі оларды аймақтарға жеткізу үшін, жабдықтарды (банкоматтар, терминалдар және басқа да кассалық техникалар) бейімдеу үшін қосымша уақыт қажет.

Банкноталардың түсі – қоңыр және ашық қоңыр. Бет жағында көте қалықтап ұшқан құс пен «өмір ағашының» бұтағы бейнеленген. Есік қорғанында табылған Алтын адамның бас киімінде осындай ою бар. Ал көне тартпа Бесоба қорғанында табылған.

Бір мың теңгелік банкнотаның екінші бетінде төбет пен тазы...

Екі жыл бұрын Алматыда  үш науқастың АИТВ жұқтыру оқиғасынан кейін отставкаға кеткен Иран Шаметеков қайтадан мемлекеттік қызметке оралды. Енді ол Павлодар облысының Денсаулық сақтау басқармасын басқарады. Оның тағайындалуын аймақ әкімі Асайын Байханов мақұлдады.

Шаметеков бұған дейін Алматы, Қызылорда облыстарының денсаулық сақтау басқармаларында және ҚР Денсаулық сақтау министрлігінде басшылық қызметтер атқарған.

2023 жылы Алматыдағы Орталық клиникалық ауруханада үш науқас инвазивті процедуралар кезінде АИТВ жұқтырған. Сол уақытта қаладағы денсаулық сақтау саласын Иран Шаметеков басқарған болатын. Осы жанжалдан кейін аурухананың бас дәрігері Нариман Табынбаев қызметінен шеттетілген еді. Ал Шаметековтың лауазымдық мансабы Денсаулық сақтау министрлігінде жалғасты.

Бұған дейін, 2020 жылы, Иран Шаметеков карантин тәртібін...

Kaspi компаниясы Rabobank-тың Түркиядағы бөлімін сатып алу жөніндегі келісімге қол қойды. Бұл туралы қазақстандық компанияның өзі хабарлады.

Қаржы мекемесінің мәліметінше, 2025 жылғы 27 наурызда Kaspi мен Rabobank Group сауда келісіміне қол қойған. Шағын мәліметте Rabobank A.Ş. Түркияда банк лицензиясына ие екені айтылған.

Енді тараптар Түркияның қадағалаушы органдарының рұқсатын күтеді. Сонда ғана келісімді жүзеге асыруға болады.

Келісім құны жарияланбады.

Сауда жүзеге асқан жағдайда, бұл Kaspi-дің биылдыққа Түркияға қатысты екінші ірі келісімі болады. Естеріңізге сала кетейік, 2025 жылғы қаңтардың аяғында отандық компания Hepsiburada түрік маркетплейсінің 65,41% акциясын сатып алған. Сол кезде келісім 1,1 млрд долларға түскен.

Kaspi мен Rabobank Group келіссөз...

Қолданбалы этносаяси зерттеулер институты қолданбалы зерттеулер орталығының директоры Ғали Дінмұхаммед соңғы екі жылда қарқын алған иммиграциялық процестерге назар аударуға шақырды. Оның айтуынша, мәселеге қазірден мән бермесе, алдағы уақытта жағдай шиеленіске әкеліп соғуы мүмкін.

Ғали Дінмұхаммед кейінгі екі жылда Тәжікстан, Өзбекстан мен Ресейден ірі миграция байқалып отырғанына назар аударды.

«Олар негізінен ірі мегаполистерге шоғырлануда. Қазіргі уақытта жағдай тұрақты болып тұрғанымен, алдағы уақытта сырттан келген мигранттар мен жергілікті халық арасында әлеуметтік шиеленістер туындау қаупін жоққа шығаруға болмайды. Аталған демографиялық өзгерістермен қатар, белгілі бір әлеуметтік қиындықтар да байқалуда«, – деді ол.

Ғалым мұндай қиындықтар қатарына қоныс аударушылар арасында...

Өзбекстан «жаппай тәртіпсіздікке» қатысқандарды ғана емес, дайындалғандарды да жазаламақ. Ал қаржыландырғандарға да аяушылық болмайды.

Сонымен қатар дайындыққа қаржы бөлген адамдарды да жауапкершілікке тартуды көздеп отыр. Өзбек президенті Шавкат Мирзиёев 27 наурызда осындай заңға қол қойды.

Қылмыстық жауапкершілікке кімдер тартылады?

Газета.uz ақпаратына қарағанда, бұл туралы Әділет министрлігі хабарлаған.

«Қолданыстағы заңнама жаппай тәртіпсіздіктерді ұйымдастырғаны, оған белсенді қатысқаны және азаматтарға қарсы күш қолданғаны үшін қылмыстық жауапкершілік көздейді», – делінген ақпаратта.

Сонымен қатар құжатта «жаппай тәртіпсіздіктер жасау мақсатында» дайындықтан өткен және оларды ұйымдастыруды қаржыландырған адамдарға да қылмыстық жауапкершілік белгіленеді.

«Дайындықтан өткендер...

Украинаның 30-ға жуық одақтасы бейсенбі, 27 наурызда, Парижге жиналды. Олар атысты доғару, әскери көмек көрсету, Ресеймен бейбіт келісім шарттары секілді мәселелерді талқылайды.

Саммитке кімдер қатысады?

Франция бастаған коалицияның үшінші саммитіне Украина президенті Владимир Зеленский, Ұлыбритания премьер-министрі Кир Стармер, Еуроодақ комиссиясының президенті Урсула фон дер Ляйен, Польша премьер-министрі Дональд Туск, НАТО бас хатшысы Марк Рютте, Түркия вице-президенті Жевдет Йылмаз және басқа да саясаткерлер бар. Саммитті Франция президенті Эмманюэль Макрон өткізеді.

«Ең әуелі біз Украинаға тез арада көмек беру мәселесін талқылаймыз. Оны тоқтатпау керек. Себебі қарсылық көрсету маңызды», — деп мәлімдеді Макрон.

Франция Украинаға...

Израильдің қорғаныс күштерінің шабуылы кезінде Ливанның оңтүстігінде «Хезболла» қозғалысының элиталық бөлімшесі «Әл-Хаджи Радван» батальонының жетекшісі Ахмад Аднан Бажиги қаза тапты. Бұл туралы Ynet басылымына сілтеме жасап, Интерфакс хабарлады.

«Соғыс кезінде бұл террорист ЦАХАЛ әскеріне қарсы шабуылдарды ұйымдастыруға бұйрық берді. Ол Израильге жасалған лаңкестік шабуылдарды басқарып, ел азаматтарының өміріне қауіп төндірді», – деп мәлімдеген Израильдің қарулы күштері.

ЦАХАЛ ұйым жетекшісінің Дердгайя аймағында ұшқышсыз ұшақ көмегімен өлтірілгенін атап өткен.

Айта кетсек, 2024 жылдың күзінде Ливан мен Израиль атысты тоқтату туралы келісімге келген болатын. Оған сәйкес «Хезболла» ұйымы шекараға жақын аймақта инфрақұрылымдарға әскер орнатпауы...

Павлодарда бизнестегі серіктесін өлтірді деген күдікке ілінген қазақстандық Ресейде ұсталды. Бас прокуратура Қазақстан азаматын елге экстрадициялау үшін шара қабылдап жатыр, деп хабарлайды KursivMedia.

Ресми ақпаратқа сәйкес, күдікті Ресейдің Красноярск өлкесі Шарыпово қаласында жедел іздестіру шаралары барысында ұсталған.

Айта кетейік, 2025 жылдың ақпанында Павлодар қаласындағы үйлердің бірінің ауласында кәсіпкердің мәйіті табылған. Содан кейін қылмыстық кодекстің 99-бабы (кісі өлтіру) бойынша тергеу басталды. Бұл бапта 15 жылға дейінгі мерзімге бас бостандығынан айыру жазасы қарастырылған.

Қазір прокуратура ер адамды Қазақстанға жеткізу үшін шара қабылдап жатыр.

Армения парламенті «Армения Республикасының Еуропалық Одаққа кіру процесін бастау туралы» заңды екінші оқылымда мақұлдады. Құжатты 64 депутат қолдап, 7 депутат қарсы дауыс берген.

Еуропарламент заң жобасын қабылдауды құптады

ЕуроОдақ Ереван парламентінің заң жобасын қабылдауын «ЕО мен Армения арасындағы берік қарым-қатынастың тағы бір маңызды қадамы» ретінде бағалады.

«Еуропалық Одақ туралы шарттың 49-бабына сәйкес, Копенгаген критерийлері мен демократия қағидаттарын ұстанса, негізгі бостандықтар мен адам құқықтарын, азшылықтардың құқықтарын құрметтесе, сондай-ақ заң үстемдігін сақтаса кез келген еуропалық мемлекет ЕО-ға мүшелікке өтініш бере алады», – деді Еуропарламенттің Оңтүстік Кавказбен байланыс жөніндегі делегациясының басшысы Нил Ушаков пен Армения бойынша тұрақты баяндамашы Мириам Лексманны...

2050 жылы Қазақстан халқының саны 27,5 млн-ға жетеді. Бұл туралы Сенат комитетінің отырысында Еңбек және халықты әлеуметтік қорғау вице-министрі Олжас Анафин айтты.

«Еңбек және халықты әлеуметтік қорғау министрлігі жыл сайын демографиялық болжам әзірлейді. Болжам елдегі демографиялық ахуалды ескере отырып жасалады. Оған сәйкес, Қазақстан халқының саны арта түседі. Солайша 2050 жылға қарай халық саны 27,5 млн адамға жетеді деп болжанып отыр. Өңірлер бөлінісінде өсім біркелкі болмайды. Негізгі өсімге мегаполистердегі халық санының артуы әсер етеді», – деді министрлік өкілі.

Қазақстанда ата-анасын қараусыз қалдырған балалар алимент төлей ме? Жалақысының 50%-ын есепшотынан ұстап қалу қаншалықты заңды? Бұл сұрақтарға Үкімет басшысының орынбасары Ермек Көшербаев жауап берді.

Ата-анасын қарттар үйіне жібергендерді не күтіп тұр

Осыған дейін мәжілісмендер  өз балаларынан зәбір көріп жүрген қарттардың жағдайына алаңдаушылық білдірген еді.  

«Еңбекке жарамды кәмелетке толған балалар өздерінің көмекке мұқтаж, еңбекке жарамсыз ата-аналарын күтіп-бағуға және оларға қамқорлық жасауға міндетті» және «балаларынан алимент өндіріп алуға құқылы, ол сот тәртібімен алынады» делінген. Бірақ бұл бап орындалып жатқан жоқ. Себебі ешбір кейуана өз баласына шағым түсірмейді. Сол себепті бұл бап орындалмайды. Сондықтан ата-анасын...

Қазақстанның футбол федерациясы мен бірқатар клубтарға жүргізілген прокуратуралық тексерулер нәтижесінде 3 миллиард теңгеге жуық қаржылық бұзушылықтар анықталды.

Бас прокуратура мәліметінше, Федерацияның бұрынғы басшылығы кезеңінде басқарудағы тиімсіздік пен қаражатты мақсатсыз жұмсау фактілері тіркелген.

Негізсіз сыйақылар мен жалған келісімшарттар

Федерация тарапынан жекелеген қызметкерлер мен спортшыларға 300 миллион теңгеден астам негізсіз сыйақы төленген. Сонымен қатар, спортшылармен жасалған күмәнді келісімдер мен олардың тамақтануына бөлінген қаражатты жымқыру деректері де тіркелген.

Іс жүзінде орындалмаған құрылыс жұмыстарына төлем жасалған

Талғар қаласындағы жаттығу базасы мен Федерацияның әкімшілік ғимаратына байланысты да заңбұзушылықтар анықталды. Аталған нысандарды салу барысында нақты орындалмаған жұмыстарға 350 миллион теңгеден аса...

Halyk Bank 2024 жылы таза табысын 921 млрд теңгеге дейін жеткізді. Бұл жыл бұрынғы көрсеткіштен 32,8%-ға артық.

Қаржы мекемесінің есебін Астана халықаралық биржасы (AIX) жариялады.

Мәліметтерге қарағанда, банк табысы несие беру мен транзакцияны арттыру нәтижесінде көбейген.

Halyk Bank активтері бір жылда 3,05 трлн теңгеге артқан (19,7%). Бұған несие көрсеткішінің ұлғаюы әсер еткен. Бір жылда мұндай портфель 23,2% немесе 2,26 трлн теңгеге артып, 12,04 трлн теңгеге жеткен.

Жеке тұлғалардың банктегі депозиттері бір жылда 26,1% көбейіп, 6,06 трлн теңге болған. Азаматтардың банк шотындағы қаражат 11,5% көбейіп, 1,14 трлн теңгеге жеткен.

Үкімет елдегі 130 гидротехникалық нысанды жөндеу мен жаңғыртуға 280 млрд теңге жұмсамақшы. Бұл туралы депутаттық сауалға берген жауабында премьер-министр Олжас Бектенов айтқан.

Премьер-министр елдегі Қазақстандағы су нысандарын жаңғырту бойынша кешенді жоспар әзірленгенін, оған сәйкес елдегі біршама ірі нысандар жөнделетінін жеткізген.

«Кешенді жоспарға сәйкес, 279,9 млрд теңгеге 130 гидротехникалық нысан жөнделіп, жаңғыртылады», – делінген жауапта.

Бұл қаражатқа келесі өңірлердегі нысандар жөндеуден өтпек:

Абай облысында – 10 нысан;

Ақмола облысында – 10 насын;

Алматыда экология саласының мамандары баспасөз мәслихатын өткізіп, Үкіметтің Алматы маңындағы тау кластерін дамыту жоспарын сынады.

«Жасыл құтқару» ЭҚ төрағасы Сергей Куратов Туризм және спорт министрлігі мен Экология және табиғи ресурстар министрлігі әзірлеген кешенді жоспар тау экожүйелерінің одан әрі бұзылуына, Алматы қаласы мен облысындағы экологиялық жағдайдың нашарлауына, Қазақстан бекіткен халықаралық конвенция нормаларының бұзылуына әкеп соғатынын айтады.

Сондай-ақ ол кешенді жоспар жауапсыз даму салдары мен үстеме туризмнен пайда болатын антропогендік жүктемені азайтуды қарастырмайтынын атап өтті.

«Су сапасын жақсарту және қаланың ауа бассейнінің жағдайын жақсарту жоспары жоқ, саябақтарды толтырған қалдық мәселесін шешу жоспары да жоқ. Іле-Алатау ұлттық саябағы көптеген...

Қытай өндірісінің табысы 2025 жылғы қаңтар-ақпан айларында төмендеді. Reuters оның себебін Құрама Штаттармен арадағы сауда соғысының салдарынан көреді.

Қытай көрсеткіштері мәз емес

Биыл Қытай экономикасының көрсеткіштері мәз емес: жеке тауар саудасы ұлғайғанымен, өндіріс пен экспорт бәсеңдеген.

Ұлттық статистика бюросының мәліметінше, қаңтар-ақпан айларында өнеркәсіп кәсіпорындарының табысы 2024 жылғы көрсеткішке қарағанда 0,3%-ға төмендеген. Айта кетейік, желтоқсанда ғана табыс өсімі 11% болған еді.

Өнеркәсіп қатарынан үш жыл бойы төмен нәтиже көрсетіп келеді. Мұндай теріс үрдістің биыл да сақталуы алаңдатады. Оның үстіне, 2025 жылы АҚШ қытай тауарлары үшін баж салығын көтеріп жатыр.

«Сыртқы орта күрделене түсіп, кейбір...

Өстемір Жарқынбекұлы 14 жасынан бухгалтер болып ересек өмірге ерте  араласқан. Ақындығы мен сазгерлігі бір төбе.

Есеп-шотты саусақтарымен қаққанда көз жаңылатын есепшінің осы құралдың темір сымдары мен тастарынан ноталарды көріп, жыр төгілдіретінін көпшілік ол кезде байқамаған да еді.

Бала есепші

Өстемір Жарқынбекұлы 1940 жылы туылған. Өмір бойы бухгалтер болып жұмыс істеген. Бұл мамандыққа келуі де қызық. Бұл – 53-тің салқын жазы. Ол кезде білімді адамдар да тапшы. Оның үстіне, бар мамандар болмашыға жазықты болып, темір тордың арғы жағынан бір-ақ шығып жатқан кез. Зобалаң қазіргі Түркістан облысы Ордабасы ауданы Бірлік ауылы шаруашылығын да айналып өтпеген. Бухгалтерлік қызмет атқаратын маман да...

Астана халықаралық қаржы орталығы (АХҚО) Tabys инвестициялық мобильді қосымшасының 49% акциясын Teniz Capital Brokerage LTD брокеріне сатқанын хабарлады.

Мәміленің нақты құны белгісіз. Бірақ қосымшаның қалған үлесі қаржы орталығының өзінде қала береді.

Осы келісім арқылы енді инвестициялық қосымшаға AIX-та листингтен өткен акциялар мен облигациялар, басқа да қаржы құралдары қосылады. Tabys-тың бас директоры Жарас Мұсабековтің түсіндіруінше, алдымен инвесторлар арасында ең танымал қаржы құралдарын қоспақшы.

Қосымшаны бақылау құқығы АХҚО-да қалады, ал клиенттердің шоттары бұрынғыдай AIX-тың Орталық бағалы қағаздар депозитарийінде (AIX CSD) сақталады.

Tabys-ты сатып алған Teniz Capital Brokerage LTD – АХҚО-да тіркелген Teniz Capital Investment Banking-тің еншілес құрылымы. Ол ...

2025 жылдың сәуір айында қазақстандықтар үшін қосымша ресми мерекелік демалыс күндері қарастырылмаған. Яғни, бұл айда мемлекеттік немесе ұлттық мерекелер жоқ. Сондықтан бес күндік жұмыс аптасы бар азаматтар сәуірде 20 жұмыс күні және 10 демалыс күнімен шектеледі.

Дегенмен, сәуір айында ел ішінде маңызы бар бірқатар бейресми мереке бар.

Астана сотында бұрынғы мәдениет және спорт вице-министрі Ерлан Қожағапановтан жауап алынды. Ол «SUCCESS K» стратегиялық коммуникациялар агенттігінің бас директоры Ләззат Көккөзовамен бірге 2018 жылы Петропавлда Қазақстан мен Ресейдің 15-ші өңіраралық ынтымақтастық форумы көрмесін ұйымдастыру кезінде 1 млрд теңгені жымқырды деп айыпталып отыр. 2025 жылдың 27 наурызында Қожағапанов қылмыстық іске қатысты өз ұстанымын айтты, деп хабарлайды Kursiv.Media.

Ерлан Қожағапановтың айтуынша, дау шыққан іс-шара – Нұрсұлтан Назарбаев президент ретінде қатысқан соңғы форум. Оны өткізуге сол кездегі Мәдениет және спорт министрі аса мән бергенін айтты.

«Форум 2018 жылы өтті. Назарбаев 2019 жылы отставкаға кетті. Демек, бұл – Назарбаев пен Ресей...

Туризм және спорт вице-министрі Серік Жарасбаевқа Сенат кулуарында спорт саласындағы діни радикализммен күрес мәселесіне қатысты сұрақ қойылды.

Журналистердің бірі министрлік спорттағы діни радикализммен күрес жүргізу үшін жол картасын қабылдағанын атап өтіп, оны жүзеге асыру барысы қалай болатынын сұрады.

«Акредиттелген спорт федерацияларын терроризмге, экстремизмге қарсы шараларды міндеттеу нормасын енгізіп жатсыздар. Бұл қалай жүзеге асады? Спортшыларға сақал қоюға, уағыз айтуға тыйым саласыздар ма?»,– деп сұралды вице-министрден.

Серік Жарасбаев спортшылардың бет-әлпетіне назар аударудан бұрын, радикалды діни ағымдарға қосылып кетпеу бойынша түсіндіру жұмыстары жүргізілетінін атап өтті.

«Профилактикалық жұмыстарға теологтар, дін комитетінің қызметкерлері жұмылдырылады. Түсіндіру жұмысын жүргізу...

Бас прокуратура порнографиялық каналға тіркелген 8 мыңнан астам адамның педофилияға қатысы бар-жоғын тексереді. Бұл туралы Бас прокуратураның баспасөз қызметі хабарлады.

Баспасөз қызметінің мәліметінше, Түркістан облысының прокуратурасы «Telegram» әлеуметтік желісіне талдау жүргізген. Нәтижесінде порнографиялық сипаттағы арнаны анықтаған. Ол арнада кәмелетке толмағандардың қатысуымен фото және бейне материалдары жарияланған. Бұдан кейін құзырлы орган арнайы қаулы шығарып, жедел-іздестіру іс-шараларын бастап кеткен.

«Тексеру барысында «Telegram» желісінде 2500 теңгеге порнографиялық бейнероликтер, оның ішінде кәмелетке толмағандар мен мектеп оқушыларына қатысты материалдар ұсынылғаны анықталды», – делінген баспасөз хабарламасында.

Бұл арнада барлығы 8012 жазылушы тіркелген. Олардың дені Қазақстан мен ТМД елдерін...