Жаңалықтар

Соңғы жылдары Қазақстандағы инвестициялық белсенділік қарқын алып келеді. 2024 жылы негізгі капиталға салынған инвестиция көлемі 19,4 трлн теңгеге жетіп, өткен жылмен салыстырғанда 7,5%-ға артқан. Бұл – экономикадағы оң серпіннің айқын көрінісі. Бірақ бұл сандардың артында не жатыр? Қай салаға көбірек қаржы құйылды? Инвесторлар қай жаққа бет бұрды? Осы сұрақтарға бірге үңіліп көрейік.

Инвестиция қайдан келді?

2024 жылғы инвестициялардың негізгі көзі – жеке сектор. Нақтырақ айтсақ, негізгі капиталға салынған инвестицияның 64,4%-ы (12,5 трлн теңге) кәсіпорындар мен жеке компаниялардың өз қаржысынан құралған. Бұл бизнес ортадағы сенімнің жоғары екенін және кәсіпкерлердің болашаққа деген үмітінің зор екенін көрсетеді.

Мемлекеттік қолдау да айтарлықтай – 4,1 трлн теңге немесе жалпы инвестицияның 21,1%-ы бюджет есебінен...

Мемлекет басшысы Қасым-Жомарт Тоқаев спортшы Кирилл Герасименконы үстел теннисінен абсолютті чемпион атануымен құттықтады.

Астаналық теннисші Кирилл Герасименко Президент Қасым-Жомарт Тоқаев өзін жеңісімен және Қазақстанның абсолютті чемпионы атағына ие болуымен құттықтағанын хабарлады. 

Спортшы мұндай жоғары құрмет алдағы жетістіктерге жігерлендіретінін атап өтіп, жанында болғандарға алғыс айтты.

Герасименко Алматыда өткен үстел теннисінен Қазақстан чемпионатында үш алтын медаль жеңіп алып, 2025 жылғы елдің абсолютті чемпионы атанған. Ол барлық бағдарламада үздік нәтиже көрсеткен болатын.

Герасименко аралас жұпта Зәуреш Ақашевамен бірге жеңіске жетсе, ерлер жұбында Қадырәлі Қабдылуахитовпен бірге топ жарды. Жекелей сында Алан Құрманғалиевті финалда ұтып, чемпион атанды.

Оңтүстік Кореяның оңтүстік-шығыс аймағын жайлаған орман өрті 26 наурызда өрши түсті. Өрт сөндірушілер жойқын жалынды ауыздықтауға барынша күш салғанымен, өрт бірнеше ғасырлық тарихы бар храмды күлге айналдырды деп хабарлады Yonhap News.

21 наурыз, жұма күні елдің оңтүстік-шығысындағы Санчхонг округінде басталған өрт көршілес Уйсон ауданына тарап, кейіннен Андон, Чхонсхон, Ёнъян және Ёндок аймақтарына дейін жетті деп хабарлады өрт сөндіру қызметі.

Қызыл жалын 681 жылы Силла дәуірінде салынған ежелгі Гунса храмын күлге айналдырған. Онда сақталған ұлттық қазыналар қауіпсіз жерге көшірілген.

Билік ЮНЕСКО-ның мұралар тізіміне енгізілген Андондағы Хахо фольклорлық ауылына да қауіп төніп тұрғанын мәлімдеп, оны қорғау үшін барлық мүмкіндік жұмылдыруда.

Елдің уақытша...

Беларусь астанасы Минскіде президент Александр Лукашенконың инаугурация рәсімі өтті деп хабарлады БелТа агенттігі. Ол осылайша, ресми түрде жетінші рет ел президенті атанып отыр.

Ұлықтау рәсімі Тәуелсіздік сарайында өтті. Салтанатты шарада алғашқы болып Орталық сайлау комиссиясының төрағасы Игорь Карпенко сөз сөйлеп, Александр Лукашенко демократиялық сайлауда ел президенті болып сайланғанын жариялады.

Лукашенко антты беларусь тілінде қабылдады, содан кейін Беларусьтің мемлекеттік гимні орындалып, ол ант қабылдау туралы актіге қол қойды. Одан кейін ОСК төрағасы оған президент куәлігін табыстады.

«Мен – бақытты президентпін, ал Беларусь – өмір сүргің келетін ел», – деді Лукашенко салтанатты рәсімде.

26 қаңтардағы сайлауда...

Таразда Төтенше жағдайлар департаментінің құтқарушылары сауда үйлерінің бірінен жылан ұстады.

Мән-жайы

112 пультіне қоғамдық орында бауырмен жорғалаушы жүргені туралы хабарлама келіп түседі. Құтқарушылар сауда орталығына жедел келіп, азаматтарға қауіп төндірмеу үшін арнайы құралдың көмегімен жыланды ұстап, елдімекеннен алыс қауіпсіз жерге жіберген.

ТЖМ ескертуі

ТЖМ жылан табылған жағдайда адамдарды орын-жайдан шығарып, жануарды оқшаулап, құтқарушыларды шақыруды ұсына отырып, жыланды өздігінен ұстау әрекеті қайғылы жағдайға әкелуі мүмкін екенін ескертеді.

Дижитал өнім жасаған кезде орындалатын маңызды дүниенің бірі — UX-зерттеулер. Өйткені сол арқылы қолданушыларға интерфейстің қаншалықты түсінікті екені, қандай мәселелерге тап болатыны және оны қалай шешуге болатынын біле аламыз. Егер осы кезеңді қалдырып кетсе, компаниялар алдағы уақытта клиенттен айырылып қалып не әлдебір қиындыққа тап болуы әбден мүмкін. Бүгінгі материалда UX-зерттеудің қалай жасалатынын, қандай түрлері барын және оның нәтижесі жұмысқа қалай көмектесетінін айтамыз.

UX-зерттеудің қаншалықты қажеті бар?

UX-зерттеулер бағдарламашыларға, дизайнерлерге және бизнеске аудиториясын жақсырақ түсінуге көмектеседі. Қолданушы тәжірибесі туралы шынайы деректер қолда болмаса, өнім шикі жасалуы мүмкін. Соның кесірінен алда көп қате шығады.

UX-зерттеудің басты міндеттері:

Ресей президенті Владимир Путиннің баспасөз хатшысы Дмитрий Песков Сауд Арабиясында 12 сағатқа жалғасқан Ресей-АҚШ келіссөздерінің мазмұнын күтпеуге шақырды. Бұл туралы Интерфакс агенттігі жазды.

«Бұл техникалық келіссөз. Олар егжей-тегжейлі талқылауды қамтиды, сондықтан, әрине, олардың мазмұны жарияланбайды. Мұны күтудің қажеті жоқ»,– деген Песков келіссөздер қорытындысы бойынша қандай да бір мәлімдеме жасала ма деген сұраққа жауап бере отырып.

25 наурыз күні Сауд Арабиясының Эр-Рияд қаласында Ресей мен АҚШ сарапшылары деңгейінде келіссөз өтіп, 12 сағатқа созылған. БАҚ деректеріне сәйкес, олардың нәтижелері сейсенбі күні жариялануға тиіс болған. Келіссөзде энергетикалық нысандарды атқылауды 30 күнге тоқтату туралы келісімнің шарттары талқыланатыны айтылған.

Елде электромобильдердің аккумуляторлық батареяларын зарядтау бойынша қызметті 25 заңды тұлға мен 42 жеке кәсіпкер ұсынады. Бұл туралы премьер-министрдің бірінші орынбасары Роман Скляр депутатар сауалына берген жауабында айтты.

Оның сөзінше, қазіргі таңда республикалық маңызы бар автомобиль жолдарының бойында 27 электрлік автожанармай құю станциясы істейді. Ал оларды орнату бойынша жұмыстар жалғасады.

«2025 жылы тағы 20 жаңа станцияны пайдалануға беру жоспарлануда, бұл электр көліктерінің иелері үшін зарядтау инфрақұрылымының қолжетімділігін едәуір арттырады. Бекітілген Ұлттық инфрақұрылымдық жоспарға сәйкес, 2029 жылға қарай ЭАС санын 78 бірлікке дейін арттыру жоспарлануда«, – дейді ол.

Сондай-ақ ол биыл 16 автожанармай құю бекетін салу

25 наурызда толассыз жауын-шашынның салдарынан Алматы облысындағы Қотырабұлақ өзені арнасынан асып, Талғар ауданы Бесағаш ауылында жеті аула аумағы мен медициналық орталықты су басты. Бұл туралы облыстық төтенше жағдайлар департаменті хабарлады.

Алдын ала мәліметтер бойынша, су басуға өзен арнасының заңсыз тарылуы себеп болған. Тұрғындар өзеннің табиғи арнасына қоршау мен күркелер орнатқан, бұл судың өткізу қабілетін төмендеткен.

«Салдарын жою және су басудың алдын алу мақсатында Талғар ауданының Төтенше жағдайлар бөлімі жергілікті атқарушы органдармен бірлесіп, су басқан үйлердің жоғарғы бөлігінде арық жүйесін тереңдету жұмыстарын жүргізуде. Жұмысқа Алматы облысы ТЖД және жергілікті атқарушы органдарынан 15 адам, 5 техника және...

БҚО-ның Жәнібек ауданында белгісіз ұшқышсыз ұшу аппаратының бөлшектері табылды деп хабарлады жергілікті Орал апталығы басылымы.

Оқиға орнында мамандар жұмыс істеп жатыр. 

«Батыс Қазақстан облысының полиция департаменті уәкілетті қызметтермен бірлесе отырып, Жәнібек ауданында ұшқышсыз ұшатын аппараттың бөлшектеріне ұқсас заттардың табылуына қатысты тексеру жұмыстарын жүргізіп жатыр», – деді полиция департаментінің өкілдері.

Облыстық полицейлер нысан елдімекендерден шалғай жерге құлағанын айтқан. Оқиғаның мән-жайы анықталып жатыр.

Бұл облыс аумағынан табылған үшінші ұшу аппараты. Бұған дейін дрон 18 наурызда Тасқала ауданынан табылған. Ал алғашқы ұшу аппараты облыс аумағына 18 ақпанда құлаған болатын.

Әскери шолушы Амангелді Құрмет Батыс қазақстан облысына құлаған...

ҚР Мәжілісінің депутаты. КСРО-ның еңбек сіңірген спорт шебері Дәулет Тұрлыханов Азия күрес федерациясының президенті қызметінен кетті. Бұл туралы спорт журналисі Назерке Сұлтанбек телеграм арнасында жазды.

«Дәулет Тұрлыханов екі мерзім (8 жыл) осы қызметті атқарды. Бүгін Аммандағы (Иордания) Азия чемпионаты басталарда Бас ассамблея өтіп, жаңа президент сайланды. Иорданиялық Мұхаммед Әл-Ауамала 38 елден рекордтық 34 дауысқа ие болып, 2028 жылға дейін осы орынға жайғасты. Әл-Ауамала туралы көп дерек жоқ, тек Иордания күрес федерациясының президенті екені белгілі. Десек те, күресі, жалпы спорты қатты дамымаған ел ретінде Иордания, жалпы Араб елдері үшін бұл үлкен жеңіс екені анық», – делінген...

АҚШ-тың Ғаламдық медиа жөніндегі агенттігі (USAGM) Азат Еуропа/ «Азаттық» радиосына конгресс бөлген қаржының бір бөлігін беруге келісті деп хабарлады «Азаттық» радиосы.

Бұл жөнінде АЕ/АР-дың USAGM басшылығына талап-арызы бойынша сот отырысы өтердің алдында, 24 наурызда белгілі болған.

Нәтижесінде Азат Еуропа/ «Азаттық» радиосы 1-14 наурыз аралығын қамтитын 7,46 млн доллар соманы алады.

«Агенттік төлем жасауға қажет жылдам әкімшілік шараларды орындады» делінген USAGM-нің сот ісіне тіркелген хатында.

Азат Еуропа/Азаттық радиосы биылғы бюджет жылының соңына, яғни 2025 жылғы 30 қыркүйекке дейін бөлінген грант қаржысын алуға талпынып жатқанын жеткізді. 2025 жылғы бюджетке шамамен 153 млн доллар қарастырылған. Бұл бойынша...

Автокөлік нарығы жыл сайын өзгеруде. Дәстүрлі көшбасшылар сатылымның төмендеуін хабарлауда, ал қытайлық брендтер өз позицияларын нығайта түсті. Focus2move агенттігі 159 елдің нарығын зерттеп, 2025 жылдың басындағы ең көп сатылған автокөлік брендтерінің рейтингін жариялады.

Әлемдегі ең көп сатылған 10 автокөлік бренді қандай?

Көш басында Toyota компаниясы. Аталған бренд 706 544 көлік сатқан. 2024 жылдың қаңтарымен салыстырғанда көрсеткіш  -6,6% төмендеген.

 1.⁠ ⁠Toyota – 706 544 көлік (-6,6%)

 2.⁠ ⁠Volkswagen – 395 777 көлік (-4,3%)

 3.⁠ ⁠Honda – 277 991 көлік (-22,5%)

 4.⁠ ⁠Ford – 270 437 көлік (-5,4%)

 5.⁠ ⁠Hyundai – 263 208 көлік (-9,8%)

 6.⁠ ⁠Nissan...

Наурыздың 24-інен 25-іне қараған түні Жаңаөзенде сауда орталығында өрт болды. Бұл туралы Маңғыстау облыстық төтенше жағдайлар департаменті хабарлады.

24 наурыз күні 23:20-де қаладағы 1-шағынауданда орналасқан әлі пайдалануға берілмеген «Заңғар» сауда үйінде өрт шыққан.

Өрттің жану аумағы – 300 м² құраған.

Өрт сөндіруге 2 шақырту бойынша техникалар мен жеке құрам жұмылдырылған. Оның ішінде ТЖД-нің 18 қызметкері мен 6 техникасы, «Семсер» қызметінің 10 адамы мен 3 техникасы тартылған.

Өрт құрбандары мен зардап шеккендер жоқ. Аталған фактіге байланысты тергеу басталған.

Түркияда Ыстанбұл мэрі әрі оппозиция өкілі Экрем Имамоғлу тұтқындалғаннан кейін, басталған жаппай наразылық жалғасып жатыр. Толқу кезінде ұсталғандар мыңнан асып, арасында журналистер де бар екені хабарланды.

19 наурыздан бері жалғасып жатқан наразылықтар барысында қамауға алынғандар саны 1133 адамға жеткен. Бұл туралы 24 наурыз, дүйсенбі күні, кешке Түркияның ішкі істер министрі Али Ерлыкая мәлімдеген. Түркияның Медиа және құқықты зерттеу қауымдастығының (MLSA) мәліметінше, ұсталғандар арасында 10 фотограф пен журналист бар.

Жергілікті Disk-Basin-Is БАҚ қызметкерлерінің кәсіподағы жаппай ұстау әрекеттерін «баспасөз бостандығына және халықтың шындықты білу құқығына жасалған шабуыл» деп мәлімдеді.

24 наурыз кешінде Ыстанбұл мен Анкарада мыңдаған адам тағы да көшеге шығып...

«Қазгидромет» ел бойынша температуралық фон төмендеп, кей өңірлерде қайтадан аяз болатынын хабарлады.

Синоптиктер елдегі ауа райы екі атмосфералық процесс анықтайтынын айтады. Солтүстік және орталық өңірлерді қамтитын антициклоннан негізінен жауын-шашынсыз ауа райы күтіледі. Циклон республиканың оңтүстігіне, оңтүстік-шығысына, шығысына жаңбыр мен қар түрінде әсер етіп, көктайғақ пайда болуына, желдің күшеюіне әкеледі. Елдің шығысында төмен қарлы боран күтіледі. Кейбір аудандарда қалың тұман күтіледі.

Түнгі уақытта елдің барлық аумағында ауа температурасының төмендеуі болжанып отыр.

Температуралық фон:

Илон Маск — технологияның болашағы, электромобиль, ғарыш туралы қалыптасқан түсінікті «төңкеріп» тастаған тұлға. Мұндай адамның кітап оқымауы мүмкін емес. Шынында сұхбаттарында кітаппен дос екенін, тұлға ретінде қалыптасуына зор ықпал еткенін бірнеше мәрте атап өткен. Бала кезден 10 сағаттап жата-жастанып кітап оқыған. Маск көркем әдебиетті де, пәлсапаны да, ғылыми әдебиеттерді де жақсы көреді. Осы ретте бас визионердің сүйікті 6 кітабына шолу жасағанды жөн көрдік.

1. The Hitchhiker’s Guide to the Galaxy — «Автостопом по Галактике» (Дуглас Адамс)

Кітап туралы

Бұл роман қоғам мен біздің оны қабылдауымызға қатысты интеллектуал сатира ретінде жазылғандай әсер қалдырады. Бас кейіпкер — Артур Дент. Ол Жер жойылып...

Сапарға шықпас бұрын керек-жарақты түгендеп алған абзал. Сонда саяхат жайлы болады. Әйтпесе тізім жасамай, болмаса білместікпен жолға шығып кетсеңіз, түрлі қолайсыздыққа тап болуыңыз мүмкін. Олай болмас үшін саяхат кезінде қатты керек болатын гаджеттерге шолу жасағанды жөн көрдік.

1. Байланыста болу үшін Power Bank алып жүріңіз

Смартфон, құлаққап, планшет — бәріне қуат керек. Қуаттап жүрмесеңіз, нағыз керек кезде өшіп қала салады. Соның кесірінен баратын жердің мекенжайын таба алмай, мінетін автобустың бағытын білмей қалуыңыз мүмкін. Сапарластарыңызбен хабарласа алмай қалсаңыз ол да әжептәуір мазасыздық тудырады.

Таңдағанда не нәрсеге мән беру керек:

24 наурызға қараған түні Краснодар өлкесіндегі Каспий құбыр консорциумының (КҚК) Кропоткинская мұнай айдау станциясына тағы да шабуыл жасалды. Бұл туралы Ресейдің Қорғаныс министрлігі хабарлады.

Әуе шабуылына қарсы қорғаныс жүйесі дронды станциядан 7 шақырым жерде атып түсірді, оның қалдықтары Кавказская теміржол станциясының маңына құлаған.

Бұған дейін, 19 наурызда, Кавказская станциясындағы мұнай базасына дрондар шабуыл жасап, нәтижесінде мұнай қоймасындағы резервуар бұзылып, өрт шыққан. 21 наурызға қараған түні жарылыс болып, жанып жатқан мұнай төгілді. Оқиға салдарынан екі өрт сөндіруші жарақат алған. Өрттің жалпы аумағы 10 мың шаршы метрге жетті.

Ресей Қорғаныс министрлігі 19 наурыздағы шабуыл Владимир Путин мен АҚШ-тың бұрынғы президенті Дональд...

Премьер-министр Олжас Бектенов Қытайдың Xinjiang Lihua компаниясы директорлар кеңесінің төрағасы Чжан Цихаймен кездесті. Жиыннан белгілі болғандай, шетелдік тарап Түркістан облысындағы TURAN арнайы экономикалық аймағында мақта-тоқыма кластерін салатын болды.

Жоба мақта өсіруден бастап иірілген жіп, мата, киім түріндегі басқа да дайын тоқыма өнімдерін шығаруға дейін өндірістің толық циклін құруға бағытталған. Жалпы 10 зауыт салу жоспарланып отыр. Оның ішінде мақта өңдеу зауытынан бөлек, тігін және бояу-әрлеу фабрикасы және 4 тоқыма зауыты бар. Инвестицияның жалпы сомасы 200 млрд теңгеден асады. 4 мыңнан астам жұмыс орнын, оның ішінде 3 мың тұрақты жұмыс орнын ашу көзделген.

Қазір класстердің қажеттіліктері үшін ПВХ құбырларын шығаратын зауыт...

Қазақстан құрамасы Лихтенштейнмен ойын өткізу үшін Вадуцқа келді. Ұлттық құрама 25-нен 26-наурызға қараған түні Вадуцта Лихтенштейн командасына қарсы ойнайды. Кездесу 2026 жылғы әлем чемпионатының іріктеу кезеңінің екінші туры аясында «Райнпарк» стадионында өтеді. Бұл матч бас бапкер Әли Әлиевтің командасы үшін алғашқы ұпайларын жинауға жақсы мүмкіндік болмақ.

Лихтенштейн – Қазақстан матчының тікелей көрсетілімі 26 наурызда Астана уақытымен 00:35-те «Qazsport» телеарнасынан көрсетіледі.

Қазақстан және Лихтенштейн құрамалары J тобында сынға түседі. Бұған дейін Қазақстан құрамасы 2026 жылғы әлем чемпионатының іріктеу кезеңіндегі алғашқы матчында Уэльске жол берді. Команда сапындағы жалғыз голды Асхат Тағыберген пенальтиден соқты.

Топта Қазақстан мен Лихтенштейннен бөлек, Бельгия, Уэльс және...

IELTS – ағылшын тілі бойынша ең танымал емтихандардың бірі. Көп адам дайындықты неден бастаймын, қандай дайындық ресурстары бар, жоғары балл жинау үшін не істеу керек деген сұрақтарға жауап таба алмай ұзақ жүріп қалады. Бүгінгі материалымызда IELTS-ке дайындалу туралы мағлұмат жинап, тегін ресурстар тізімін жинап, түрлі лайфхактарды жазып, дайындық бойынша оң нәтижеге жетуге көмектесетін кеңестерді қостық.

IELTS деген не және ол не үшін қажет?

IELTS (International English Language Testing System) – оқу үшін, жұмысқа орналасуға және ағылшын тілінде сөйлейтін елдерге көшкенде қажет болатын ағылшын тілі бойынша халықаралық емтихан. Ол адамның ағылшын тілі бойынша білімін Listening, Reading, Writing және Speaking...

Air Astana әуе компаниясының «Тбилиси – Алматы» бағытындағы рейсі 24 наурызда жергілікті уақыт бойынша 00:25-те Бакудегі Гейдар Әлиев атындағы халықаралық әуежайға шұғыл қонуға мәжбүр болды. Бұл туралы компанияның баспасөз қызметінен хабарлады.

Airbus A321 ұшағының капитаны жолаушылардың бірінің жағдайы күрт нашарлауына байланысты шұғыл қонуға рұқсат сұраған. Қонғаннан кейін, жолаушыға әуежайда медициналық көмек көрсетіліп, кейін жедел жәрдем бригадасына тапсырылды. Ол әрі қарай тексеру және ем қабылдау үшін Баку ауруханаларының біріне жеткізілді.

Air Astana әуе компаниясының шешімімен Алматыға аттанатын рейс уақытша кейінге шегерілді. Қалған жолаушылар жергілікті қонақүйге орналастырылып, ұшудың жалғасуы туралы авиакомпания нұсқауларын күтеді.

Еске салайық, өткен жылдың соңында Azerbaijan Airlines әуе...

Түркияның оппозициялық Халықтық-республикалық партиясы (ХРП) қамауға алынған Ыстанбұл мэрі Экрем Имамоғлуды ресми түрде президенттікке ұсынды. Партия ішіндегі праймеризге 15 миллион түрік азаматы қатысып, 13,2 миллион сайлаушы Имамоғлуды қолдап дауыс берді. Ол жалғыз үміткер болды.

ХРП төрағасы Өзгүр Өзел Түркияның қазіргі президенті Режеп Тайып Ердоғанды кезектен тыс президенттік сайлау өткізуге және сол сайлауда Экрем Имамоғлумен бәсекеге түсуге шақырды.

Ыстанбұлдағы жаппай наразылықтар

Ондаған мың оппозиция жақтастары Ыстанбұл мэриясының алдында жиналып, Ердоғанның саяси қарсыласына қатысты қозғалған істі саяси қудалау деп есептейтіндерін білдіріп, наразылыққа шықты. Associated Press агенттігінің хабарлауынша, митинг барысында Өзгүр Өзел: «Имамоғлу бір жағынан түрмеде отыр, ал екінші жағынан президенттікке жол...