Жаңалықтар

Қазақстаннан Ресейге бірқатар ауыл шаруашылық тауарларын тасымалдауға тыйым салынды. Бұл туралы «Қазақстан темір жолы» компаниясы хабарлады.

«ТМД мемлекеттері қатысушыларының Теміржол көлігі кеңесінің дирекциясы Ресей темір жолдарының өтініші бойынша Қазақстаннан Ресейге бірқатар жүктерді тасымалдауға уақытша конвенциялық тыйым салды», – делінген ҚТЖ хабарламасында.

ҚТЖ баспасөз қызметінің хабарлауынша, бидай, жасымық және зығыр тұқымдарына қатысты шектеу енгізілген. Бұл өнімдер Қазақстан станцияларынан «Ресей темір жолы» АҚ-ның барлық станциясына жеткізілмейді.

Десе де, бұл тыйым Новороссийск (Солтүстік Кавказ темір жолы) және Новый порт станциялары арқылы транзиттік астықты тасымалдауға әсер етпейтіні жазылған. Яғни фитосанитариялық сертификаттар түпкілікті жеткізілуі тиіс елге және...

Ұлттық банк өзінің еншілес ұйымынан 370 млрд теңгеден аса дивиденд алды. Қазақстанның орнықтылық қоры бас ұйымына кейінгі 6 жылдағы қызметі үшін дивиденд төлеген. Қор биржасының сайтындағы хабарламада ақша 19 наурызда аударылғаны жазылған.

Орнықтылық қоры дивидендті екі бөліп төлеген. 2024 жылғы дивиденд 79 млрд теңгені құрады. 1 қарапайым акцияға есептегенде 159 теңге 98 тиын төленген.

Ал 2019 және 2020 жылды есетемегенде, 2017-2023 жылдар үшін 292,3 млрд теңге есептелген. Бұл ретте бір қарапайым акцияға 592,12 теңге дивиденд бөлінді.

Орнықтылық қоры қашан құрылды?

Қазақстаннның орнықтылық қоры банк секторына қаржылық қолдау көрсету мақсатында құрылған. Ол негізінен қаржы институттарын қолдау...

Бұрынғы мәдениет және спорт вице-министрі Ерлан Қожағапановтың 12 жылға сотталуы мүмкін екені туралы ақпарат тарады. Мұны Сыбайлас жемқорлыққа қарсы күрес агенттігі төрағасының орынбасары Дархан Құрақбаев Сенат кулуарында айтқан. KursivMedia тілшісі Қожағапановқа қандай айып тағылғанын және қылмыстық іс бойынша тағы кім айыпталып отырғанын білді.

Істі Астана қаласының қылмыстық істер жөніндегі ауданаралық сотының судьясы Қанат Тобағалиұлы қарап жатыр.

Бұрынғы вице-министр Ерлан Қожағапановқа Қылмыстық кодекстің 361-бабы 4-бөлігі 3-тармағы бойынша айыпталып отыр. Бұл бапта ауыр салдарға алып келген лауазымдық өкiлеттiктерді теріс пайдалану әрекеті көрсетілген. Қылмыстық іс бойынша тағы бір сотталушы бар – Ләззат Көккөзова. Ол Қылмыстық кодекстің 189-бабы 4-бөлігі 2-тармағы бойынша айыпталып отыр...

Атырауда жалған АҚШ долларын сатумен айналысқан күдікті қолға түсті. Бұл туралы Polisia.kz хабарлады.

Атырау облысы полиция департаментінің ұйымдасқан қылмысқа қарсы іс-қимыл басқармасы жүргізген жедел іздестіру шарасы барысында 24 жастағы ер адам жалған 50 АҚШ долларын сатуға әрекеттенгені анықталды.

Күдіктіні тінту кезінде жалпы сомасы 8 750 АҚШ долларын құрайтын 175 дана жалған 50 долларлық купюра тәркіленді. Сондай-ақ, оның шет мемлекеттерден көлік әкеліп, сатумен айналысатыны белгілі болды.

Аталған факті бойынша ҚР Қылмыстық кодексінің 231-бабы («Шетел валютасын немесе шетел валютасындағы бағалы қағаздарды өткізу мақсатында жасау, сақтау немесе өткізу») бойынша қылмыстық іс қозғалып, сотқа дейінгі тергеу амалдары жүргізіліп жатыр.

Тергеу мүддесіне байланысты полиция...

«Қайрат» футбол клубының және Қазақстан құрамасының шабуылшысы Дастан Сәтпаев Кюрасаоға қарсы өткен ойында ұлттық құрама сапында алғаш рет алаңға шықты.

Бұл матчта Сәтпаев Қазақстан құрамасының жаңа рекордын орнатып, ұлттық команданың тарихындағы ең жас дебютант атанды.

Дастан алаңға 16 жас 7 ай 8 күнінде шығып, бұған дейінгі рекорд иесі Жамбыл Көкеевтің көрсеткішін жаңартты. Көкеев 2006 жылы 14 ақпанда Иорданияға қарсы ойында 17 жас 4 ай 25 күнінде ұлттық құрама жейдесін алғаш рет киген еді.

Дастан Сәтпаев қазір алматылық «Қайрат» футбол клубында өнер көрсетеді. Жас футболшы 18 жасқа толған шағында Англияның «Челси» футбол клубына ауысады.

Еске сала кетейік, 19 наурыз...

Солтүстік Қазақстан облысының прокуратурасы ерекше экожүйесі бар Теке көлін мемлекет меншігіне қайтарды. Көлдің жалпы ауданы 21,5 мың гектарды құрайды, ал кадастрлық құны 26,7 млрд теңгеге тең.

2020 жылы жергілікті атқарушы органдар тұз өндіру жөніндегі келісімшарт аясында көлді жекеменшік компанияның пайдалануына берген. Кейіннен көлдің су айдынын қамтитын жер телімі жалға берілді. Алайда 2022 жылы келісімшарт мерзімі аяқталғанына қарамастан, уәкілетті орган оны біржақты тәртіпте бұзуға екі жыл бойы ешқандай шара қабылдамаған. Бұл Жер кодексінің бұзылуына және су қоры жерлерінің мақсатсыз пайдаланылуына әкелді.

Прокуратураның араласуымен жалға беру келісімі сотқа дейінгі тәртіпте біржақты бұзылып, көл мемлекеттік меншікке қайтарылды. Сонымен қатар бұл өзгеріс ресми интернет-ресурстарда...

Шаруаларға көктемгі егіс жұмыстарына 5% мөлшерлемемен 700 млрд теңге жеңілдетілген несие беріледі. Бұл туралы Ауыл шаруашылығы министрлігінің баспасөз қызметі хабарлады.

Ауыл шаруашылығы министрлігінің хабарлауынша, «Кең дала» бағдарламасы аясында жеңілдетілген несие алуға 4377 фермерден өтінім түскен. Олар 356,6 млрд теңгеге өтінім берген. Соның ішінде 3 мыңнан астам шаруаға 229,2 млрд теңге көлемінде жеңілдетілген несие берілген.

Жеңілдетілген несие алуға, әсіресе, Ақмола, Қарағанды, Қостанай, Павлодар, Солтүстік Қазақстан және Түркістан облыстарындағы ауылшаруашылық өндірушілері тарапынан көп өтінім түскен.

Жеңілдетілген несиеге өтінім қабылдау 2024 жылғы 29 қарашада басталған.

«Жалпы, көктемгі егіс және егін жинау жұмыстарына 700 млрд теңгеге дейін қаржы...

Қазақстанда марганец өндірісі соңғы 13 жылдағы ең төменгі деңгейге түсті. Ақпан айында небәрі 2,1 мың тонна марганец кені өндірілген. DataHub арнасының жазуынша, бұл қаңтармен салыстырғанда 22 есе, ал 2024 жылдың ақпанымен салыстырғанда 18 есе аз.

Марганец кенін өндіру көрсеткіштері ай сайын өзгеріп отырады. Алайда жалпы үрдіс оның қатты құлдырап жатқанын байқатады. 2012 жылмен салыстырғанда 2024 жылдың орташа айлық өндірісі 7,5 есе қысқарып, 33,2 мың тоннаны құрады.

Қазіргі уақытта марганец кені Ұлытау облысының Қаражал қаласы (390,5 мың тонна) мен Жаңаарқа ауданында (8,3 мың тонна) өндіріледі. Бұрын бұл өндіріс Қарағанды облысының Нұра ауданында да жүргізілген. Алайда Қарағандыдағы марганец кеніштері жабылып...

Бокс Олимпиада бағдарламасына қайта қосылды. Бұл туралы Грекияның Коста-Наварино қаласында өткен Халықаралық Олимпиадалық комитеттің (ХОК) 144-ші сессиясында талқыланды. Сессия барысында 2028 жылы Лос-Анджелесте өтетін Олимпиада ойындарының бағдарламасына боксты енгізу туралы шешім қабылданды.

Бұл спорт түрі бастапқыда 2022 жылдың ақпанында 2028 жылғы Олимпиаданың жарыс бағдарламасынан алынып тасталған еді. Мұндай шешім Халықаралық бокс қауымдастығы (IBA) қабылдаған.

Алайда 2024 жылғы Париж Олимпиадасында бокс жарыстары ХОК-тің арнайы жұмыс тобының бақылауымен өтті. Бұл бокстың Олимпиадалық қозғалыс үшін аса маңызды спорт түрі екенін тағы бір рет дәлелдеді.

2023 жылы құрылған World Boxing халықаралық бокс федерациясы олимпиадалық бокстың жаңа даму кезеңінде басқару міндетін өз мойнына...

Қазақ билігі OPEC+ талабын орындау үшін АҚШ пен Еуропаның ірі компанияларын мұнай өндірісін азайтуға көндіре алмай отыр деп жазды Reuters.

Мұнай өндірісін азайтуға көнбейді

Агенттіктің үш дереккөзінің мәліметінше, 2025 жылғы сәуірде Каспий құбыр желісі консорциумы тәулігіне 1,7 млн баррель (шамамен 6,5 млн тонна) мұнай экспорттайды. Reuters Қазақстандағы кен орындарынан осы құбырмен ағатын мұнай көлемі наурыздағымен шамалас болады. Сәуір наурыздан бір күн қысқа.

«Қазақстан OPEC+ алдындағы міндеттерін орындау үшін мұнай өндірісін қысқартуға уәде берді, бірақ оған ірі мұнай кен орындарын иегеретін америкалық және еуропалық мүнай компанияларын көндіру қиынға түседі», – деп жазды Reuters.

2024 жылдан бастап елімізде 20 наурыз – Ұлттық спорт күні ретінде аталып өтеді. Бұл мереке ұлттық спорт түрлерін дәріптеп, халық арасында кеңінен насихаттауға бағытталған. Осыған орай, биыл да Қазақстанның барлық өңірлерінде түрлі спорттық-бұқаралық іс-шаралар ұйымдастырылып жатыр.

Астана қаласы

Елордада ұлттық спорт түрлерінен қойылымдар өтеді. Қала тұрғындары мен қонақтары қыз қуу, аударыспақ, садақ ату, ләңгі тебу, теңге ілу сияқты дәстүрлі ойындарды тамашалай алады. Сонымен қатар, тоғызқұмалақ, асық ату, арқан тарту, қол күресі бойынша турнир ұйымдастырылады.

Шымкент қаласы

Қалада ұлттық ат спортының басты сайыстарының бірі – көкпар жарысы өтеді.

Атырау облысы

И.Тайманұлы мен М.Өтемісұлы атындағы орталық алаңда қазақ күрес...

2025 жылдың 3 айында 2 мың адам банкрот деп танылған. Бұл туралы Қаржы министрлігі Мемлекеттік кірістер комитеті төрағасының орынбасары Сейілжан Ахметов айтты.

Комитет өкілінің айтуынша, 2023 жылдың 3 наурызынан бастап, Қазақстанда 120 млрд теңге сомасына орындалмаған міндеттемелері бар 22,6 мың азаматтың банкроттық туралы өтініші қабылданған. Сонымен бірге банкроттықтан 7 азамат бас тартып, өз міндеттемелерін орындай отырып, төлем қабілеттілігін қалпына келтіруге өтініш берген.

2023 жылы банкроттыққа тапсырған азаматтардың өтініштер саны 77 мыңнан асқан. 2024 жылы – 83 мың, ал 2025 жылдың 3 айында 38 мыңға жуықтаған. Бірақ өтініш бергендердің барлығы банкрот деп танылмаған. Ахметов заңның арқасында халықтың қарызы төмендегенін...

Үкімет жеке адамдардың мобильді аударымдарын тексереді. Оған себеп – жеке кәсіпкерлердің табысынан салық төлемей, ақшаны аударым арқылы алуы. Алайда салық органдары тексеретін аударымдардың нақты шегі әлі заңмен белгіленбеген. Кірістер комитеті бір адамға 3 ай қатарынан 100 адамнан жалпы 1 млн теңгеден аса қаржы түссе, тексеруді ұсынады.

Бұл ұсыныс қазір Ұлттық банкпен бірге талқыланып жатыр. Бұл туралы Қаржы министрлігі Мемлекеттік кірістер комитетінің KursivMedia ресми сауалына берген жауабында жазылған.

Салық органдары тексерісті «Салық және бюджетке төленетін басқа да міндетті төлемдер туралы» Қазақстан Республикасының Кодексінің (Салық кодексі) 19-бабы 2-тармағы 4) тармақшасына сәйкес жүргізбек. Онда салық органдары салықтық міндеттеменің туындауы, орындалуы...

«Қазақмыс» компаниясы өндірістік қауіпсіздік пен еңбекті қорғау шараларын күшейту үшін кеніштердің жұмысын уақытша тоқтатады. Бұл туралы баспасөз қызметінен хабарлайды.

Кәсіпорындардың жұмысы бекітілген кестеге сәйкес кезекпен тоқтатылады.

20 наурыздан бастап – Шығыс Жезқазған, Абыз, Саяқ, Қоңырат кеніштері; Нұрқазған, Қарағайлы, Балқаш байыту фабрикалары; Мамандандырылған жөндеу-механикалық басқармасы, құрылыс-монтаждау басқармасы, құю-механикалық зауыты және мамандандырылған энерго-жөндеу  басқармасы.

·       21 наурыздан бастап – Оңтүстік Жезқазған, Ақбастау, Қажықонған, Шатыркөл, Жайсаң кеніштері.

·       22 наурыздан бастап – Батыс Жезқазған кеніші.

·       23 наурыздан бастап – Жыланды кеніші.

·       24 наурыздан бастап – Жезқазған байыту фабрикасы.

Ал бұған дейін тоқтатылған Жомарт кенішінде тексеріс жалғасуда.

«Барлық жұмыстың қауіпсіздік ережесіне сәйкестігін тексеру үшін арнайы...

Ақмола облысында «Қазақалтын» АҚ-ға тиесілі «Бестөбе» кен орнында шахтада жыныс опырылып 1985 жылы туған кенші қаза тапқан. Оқиға туралы ақпарат бүгін шығып жатқанымен, жағдай кеше болғаны анықталды. Бұл туралы жергілікті Nayza Kokshe порталы жазды.

Белгілі болғандай, кен орнында 700 метр тереңдікте күмбез бекіткіштерін орнату кезінде жыныс массасы құлаған. Салдарынан бір кенші қаза тауып, тағы бір кенші түрлі жарақаттармен Степногорск қалалық ауруханасына жеткізілген.

Қайғылы оқиғаның себептерін анықтау үшін арнайы комиссия құрылып, оның құрамына өңірдің еңбек инспекциясы мамандары да кіргені хабарланды.

Ақмола облысының полиция департаменті еңбек жағдайындағы қазаға байланысты қылмыстық іс қозғаған.

«Бестөбе» кен орны «Қазақалтын» ЖШС-ға тиесілі, ол өз кезегінде...

Данияр Елеусінов келісімшартқа қол қойған боксерлік промоушеннен 750 000 доллар табыс табу мүмкіндігі бар.

Спорт Шредингера ақпаратына қарағанда, Дана Уайт және Түрки әл-аш Шейхтің TKO Boxing-і төлейтін гонорары белгілі болды. Жаңа промоушен «бірыңғай чемпион, адал рейтинг және промоутерлер ықпалы болмайды» деп уәде беріп отыр.

Қол қойғанға – 5 000 доллар

Әр бес ай сайын бір жекпе-жек өткізуге келіскен былғары қолғап шеберлері 3 жылға келісімшартқа отыра алады. Оған қол қойғаны үшін 5 000 доллар көлемінде бонус алмақ.

Аталған ұйымның рейтингіне кірмеген қарсыласпен өнер көрсету құны 20 000 доллар деп белгіленіп отыр. Ал рейтингте 5 және 10-орынға ие қарсыласпен жекпе-жек...

Алматы облысында орналасқан «Лукойл Лубрикантс Орталық Азия» мотор майлары зауыты жеке меншігіндегі автожолынан айырылуы мүмкін. Бұл туралы Алматы облысының мамандандырылған экономикалық сотында қаралып жатқан іс материалдарынан белгілі болды.

2025 жылғы қаңтарда Талғар ауданының жер қатынастары бөлімі сотқа талап арыз түсірді. Мекеме «Лукойл Лубрикантс Орталық Азия» зауытынан жер телімін мемлекет меншігіне қайтаруды талап етеді.

Жалпыға ортақ пайдаланылатын автожолдар жеке меншікте бола алмайды.Мұндай жерлер тек үкіметтің шешімімен инвесторға сатылған жағдайда ғана жеке меншікке берілуі мүмкін деп түсіндіреді аудандық жер қатынасты бөлімінің мамандары.

Даулы автожол ұзындығы – 0,5 шақырым. Ол ауыл шаруашылық мақсатындағы жерлерді жекеменшік иелерінен сатып алу арқылы салынған.

Компания...

20 наурызда, Талдықорғанда Балалар Кубогы – 2025 шахмат турнирінің 1-кезеңі – Т. М. Қарипбаев мемориалы басталды. Бұл жарысқа 7-14 жас аралығындағы 228 жас шахматшы қатысып жатыр.

Балалар Кубогы – 2025: ережелер мен кезеңдер

Балалар Кубогы – 2025 Қазақстан шахмат федерациясы (KazChess) ұйымдастыратын ересектер арасындағы Кубокпен қатар өтетін көп кезеңді турнир. Биылғы маусымда 6 кезең және финалдық турнир қарастырылған, ал әр кезеңнің жүлде қоры 3 миллион теңгені құрайды. Финал 20-30 қараша аралығында Алматыда өтеді.

Турнирдің алғашқы кезеңі – Т. М. Қарипбаев мемориалы 20-26 наурыз аралығында Жетісу облысының үстел теннисі орталығында өтеді.

Турнир форматы

Жарыс швейцариялық жүйе бойынша...

Бұрынғы әділет министрі Марат Бекетаевтың ісі сотқа жолданды. Сыбайлас жемқорлыққа қарсы іс-қимыл агенттігі экс-министрге қатысты тергеуді аяқтап, іс материалдарын 3 наурызда сотқа жолдаған. Бекетаевқа және басқа да адамдарға қатысты алаяқтық, аса ірі мөлшерде ұрлау және кәсіпкерлік қызметке заңсыз қатысу фактісі бойынша қылмыстық іс қозғалғаны айтылды. Алайда іс бойынша нақты қанша адам бар екені әлі белгісіз. KursivMedia экс-министр Бекетаевқа қатысты деректерді жинақтады.

Марат Бекетаевтың қызмет жолы

Марат Бекетаев Шымкент қаласында туған, 48 жаста. Қазақ мемлекеттік заң институтын заңгер мамандығы бойынша тәмамдаған, Лондон экономика және саяси ғылымдар мектебінде оқыған. Қызмет жолын 2001 жылы сыртқы саясатқа қатысты органдарда бастаған. Одан мемлекеттік...

Қазақстанда таралған деректер тізілімі құрылады. Бұл туралы Цифрлық даму, инновациялар және аэроғарыш өнеркәсібі министрлігінің Ақпараттық қауіпсіздік комитетінің төрағасы Руслан Әбдіқалықов мәлімдеді.

Бұл тізілім көмегімен азаматтар өзінің жеке деректері таралған-таралмағаны жөнінде ақпарат алады.

«Біз әрбір азамат өзінің белгілі бір деректерін, аты-жөнін, телефон нөмірін немесе электрондық поштасын енгізе алатын база құрамыз. Жүйе осы деректер бойынша әлемде ақпараттың таралуының болған-болмағаны жөнінде мәлімет береді. Бұл реттеуші ретінде бізге маңызды. Ал азаматтарға бұл қанша деректің таралғанын түсіну үшін қажет», – деді комитет өкілі.

Сонымен қатар әрбір азамат өзінің жеке жеректерінің таралып кеткенін анықтаса, деректердің таралуына жол берген компаниядан өтемақы...

Қазақстандағы Beeline брендіне ие VEON телекоммуникациялар тобы 2024 жылғы кірісі 14,6% болғанын жариялады.

Холдинг, бейсенбі, 20 наурыз күні 2024 жылдың қорытындысына қатысты есебін жариялады.

«2024 қаржы жылында кірістің базалық өсімі 14,6% болды. Кіріс көлемі Украинаға жасалған кибершабуыл, Бангладештегі саяси тәртіпсіздік және Қазақстанда TNS+-ті деконсолидациялау секілді жайттарды ескере отырып қайта есептелді» деп жазылған жылдық есепте.

Айта кетерлік жайт, Қазақстанның бәсекелестікті қорғау және дамыту агенттігі «байланыс операторлары тарифтерді келісіп көтерді» деп күдіктеніп, Beeline-нан бағаны арзандатуды талап еткен. «Тарифті түсірмейміз» деп Tele2, Altel мен Beeline мемлекеттік органның үстінен сотқа шағым түсіріп отыр.

Бір күн бұрын агенттікт...

Осы 20-26 наурыз аралығында 5-6 ақпанда жасалған камералдық бақылау туралы ескертулерді орындау мерзімі аяқталады. Салық органдарынан ескерту алған тұлғалар тезірек табыс бойынша есептерін өткізуі керек. Бұл туралы Маңғыстау облысы бойынша Мемлекеттік кірістер департаменті хабарлады.

Бұған дейін салық органдары екінші деңгейлі банктерден жеке кәсіпкерлер мен заңды тұлғалардың POS-терминалдар мен QR-төлемдер арқылы алған табысы туралы мәліметтерді алған еді. Ол деректерді 2023 жылғы бақылау-кассалық машиналар (БКМ) көрсеткіштері мен салықтық декларациялармен салыстырылып тексерілді. Нәтижесінде «Табысты төмендету» бойынша бұзушылықтар анықталып, ескертулер жасалды.

Кәсіпкерлер не істеуі керек?

Енді сондай ескерту алған кәсіпкерлер заңбұзушылықпен келіссе, ескертуде көрсетілгендей түзетілген салықтық есептілікті тапсыру қажет. Егер келіспесе, қағаз...

АҚШ президенті Дональд Трамп АҚШ пен бүкіл әлемде Наурыз мерекесін атап өтіп жатқан адамдарды көктемнің шуақты мерекесімен құттықтады.

Трамп құттықтауында Наурыз мейрамы парсы халқы үшін көктемнің басталуын және парсы Жаңа жылын білдіретіні атап өтілген.

«Бұл ежелгі дәстүр өткен жылдың игіліктерін еске алып, алдағы көктемді жаңарған рухпен, үміт пен оптимизммен қарсы алуға мүмкіндік береді.

Парсы халқы өзінің жарқын мәдениетімен және математика, ғылым, құқық, технология, өнер сынды салалардағы ерекше дарынымен қоғамға баға жетпес үлес қосып келеді.

АҚШ атынан баршаңызға осы тамаша мерекеде мол бақыт пен игілік тілеймін.
Наурыз құтты болсын!» делінген Трамп құттықтауында.

Наурыз – парсы мен түрк...

Қаңтар-ақпан айларында банктер 448,8 млрд теңге таза пайда тапқан. Бұл туралы Ұлттық банктің арнайы статистикасында жазылған.

Қазақстанда 21 екінші деңгейлі банк жұмыс істейді. Қаржы ұйымдарының таза пайдасы бір айда 228 млрд теңгеден 448,8 млрд теңгеге жеткен. 2024 жылдың қаңтар-ақпан айларымен салыстырғанда бұл көрсеткіш 15%-ға артық.

Бұл есепте жалпы банк секторының пайдасы көсетілген. Әр банктің жеке-жеке қанша табыс тапқаны туралы есеп ай соңында жарияланады.

2025 жылдың қаңтар айында отандық банктер 228,5 млрд теңге таза пайда тапқан. Оның жартысынан көбі екі ірі қаржы ұйымы – Halyk Bank пен Kaspi Bank-ке тиесілі. Halyk Bank бір айда 83,4 млрд теңге таза пайда...