Жаңалықтар

Қазақстандықтар үшін Марокко, Черногория және Оманға визасыз режим енгізілді. Бұл туралы Сыртқы істер министрлігі хабарлады.

Мароккомен визасыз режим күшіне енеді

2025 жылдың 19 наурызынан бастап Қазақстан мен Марокко арасындағы визалық талаптар өзара жойылады. Осы келісімге сәйкес, екі ел азаматтары ұлттық паспорт иегері болған жағдайда әрбір 6 ай ішінде 30 күнге дейін визасыз сапар жасай алады.

Бұл келісім туристік, іскерлік және мәдени байланыстарды дамытуға жаңа мүмкіндіктер ашады.

Черногория қазақстандықтар үшін визасыз режимді ұзартты

Черногория билігі Қазақстан азаматтары үшін визасыз режимді 2025 жылдың 31 желтоқсанына дейін ұзартты. Бұл шешім Черногорияға туристік және іскерлік сапарларды жоспарлайтын қазақстандықтар...

Украина президенті Владимир Зеленский Ресеймен әскери тұтқындар алмасуы сәтті өткенін растады. Президенттің айтуынша, Украина тарапына 175 әскери қайтарылды.

«Бүгін 175 қорғаушымыз елге оралды. Сонымен қатар 22 жауынгер айырбасқа кірмейтін шаралардың арқасында үйіне қайтып келеді. Олардың арасында ауыр жараланғандар мен Ресей ойдан шығарған қылмыстар бойынша қудалаған сарбаздар бар», – деп жазды Зеленский.

Зеленский елге қайтарылған әскери қызметкерлер арасында Украина Қарулы Күштерінің (ҚК), Әскери-теңіз күштерінің (ӘТК), Ұлттық гвардияның, Территориялық қорғаныс күштерінің және Шекара қызметінің сарбаздары, сержанттары мен офицерлері бар екенін айтты.

Сондай-ақ Зеленский тұтқын алмасу процесінде арағайындық танытқан Біріккен Араб Әмірліктеріне алғысын білдірді.

Бұған дейін Ресей...

АҚШ валютасы қайта қымбаттап жатыр. Қазақстан қор биржасындағы сауда-саттықта доллар бір күнде 4,14 теңгеге көтеріліп, 500,67 теңгеге жетті.

Ұлттық банк 19 наурызға арналған ресми бағамды 496,41 теңге деп белгіледі. Дегенмен сауда-саттық соңында теңге күрт әлсіреп, доллар 503,56 теңгеге, ал рубль 6 теңгеге дейін жеткен. Доллармен сауда-саттық көлемі 201 млн доллардан асқан.

kurs.kz сайтының дерегіне сәйкес, Алматының ақша айырбастау пункттерінде доллар 503-504 теңгеден сатылып жатыр.

Кейінгі апта доллар мен теңге жұбында валюта бағамы қатты құбылып тұр. Мәселен 11 наурызда 488 теңге тұрған доллар 18 наурызда 495 теңгеге дейін көтерілді.

Бірнеше айдан бері ереуілдер жүріп жатқан Сербия елінің үкіметі отставкаға кетті. Бұл туралы Сербияның бұқаралық ақпарат құралдары хабарлады.

«Сербияның парламенті 19 наурызда премьер-министр Милош Вучевич басқаратын үкіметті отставкаға жіберді. Вучевич президент Александр Вучичтің жақын серіктесі болатын», – деп жазады ел басылымдары.

Вучевичтің отставкаға кетуіне студенттік наразылықтар себеп болды. Студенттер 2024 жылдың 1 қарашасында Новый-Сад қаласындағы теміржол вокзалының төбесі құлап, 15 адамның өмірін қиған қайғылы оқиғадан кейін жаппай ереуілге шыға бастады. Студенттерді ел билігінің құрылыс мәселесіне қатысты салғырттығы ашуландырды. Төбесі опырылып түскен вокзал ғимараты 2021 жылы ғана жөндеуден өткен. Ал 2024 жылы...

Астанада ұйымдасқан қылмыспен күрес басқармасының қызметкерлері техникалық жөндеу орталығының (СТО) қойма бөлмесінен заңсыз ұсталған арыстанды тапты.

Қазақстан Республикасы Ішкі істер министрлігінің мәліметінше, 27 жастағы астаналық азамат жабайы аңды заңсыз ұстаған.

«27 жастағы елорда тұрғыны ТЖО қоймасында жабайы жануарды заңсыз асыраған», – деп хабарлады ІІМ.

Құқық қорғау органдары арыстанды тәркілеп, жақын арада оны зообаққа өткізу жоспарланып отыр.

Қазіргі уақытта сирек кездесетін жануарға заңсыз иелік ету дерегі бойынша қылмыстық іс қозғалды. Тергеу амалдары жүргізіліп жатыр.

Қытай Қырғызстанға грант негізінде жаңбыр шақыратын әрі зиянкестерді жоюға арналған ауыл шаруашылығы техникасын береді.

Бұған Қырғызстан премьер-министрлігінің орынбасары, су ресурстары, ауыл шаруашылығы және өңдеу өнеркәсібі министрі Бақыт Торобаевтың Қытайдың Үрімші қаласына жасаған сапарының нәтижесінде қол жеткен.

«Цюаньибао» компаниясымен келіссөз барысында компания Қырғызстанға 1,12 миллион доллар сомасына грант негізінде жаңбыр шақыру және зиянкестерді жоюға арналған ауыл шаруашылығы техникасын беретін болып шешілген.

Сонымен қатар, «Қыргыз Агрохолдинг» АҚ мен «Цюаньибао» компаниялары өзара ынтымақтастық туралы меморандумға қол қойған.

Кездесу аясында Шу облысында «Азия-Еуропа алтын жолы» халықаралық кеден-логистикалық паркін салу жобасы талқыланған. Бақыт Торобаев паркке арналған жер учаскесін бөлу жоспарланып отырғанын жеткізіп, парк ек...

Каспий құбыр консорциумы (КТК) өзінің мұнай тасымалдау жүйесі қалыпты режимде жұмыс істеп жатқанын хабарлады. Бұл мәлімдеме ресейлік БАҚ-тың КҚК инфрақұрылымына дрондардар шабуыл жасағаны туралы ақпараттан кейін жасалды.

«Кропоткинская» мұнай айдау станциясы (Ресей Федерациясы) жұмыс істемейді, қалпына келтіру жұмыстары жүргізілып жатыр. Бірақ құбыр желісі қызметін жалғастырып, мұнай тиеу жұмыстары штаттық режимде жүріп жатыр. Шабуыл КТК-ға тиесілі емес нысанға жасалған», – деп хабарлады консорциум өкілдері.

РФ Қорғаныс министрлігі: Шабуыл әдейі жасалған

Ресей Қорғаныс министрлігі Украина Қарулы күштері Краснодар өлкесіндегі «Кавказская» станциясына әдейі шабуыл жасады деп мәлімдеді.

19 наурызға қараған түні үш ұшқышсыз ұшу аппаратыКраснодар...

«Қазақмыс» компаниялар тобына қарасты Ұлытау облысындағы Шығыс-Жезқазған кенішінде жұмысшы қаза тапты. Бұл туралы корпорацияның баспасөз қызметі хабарлады.

Апат тауарлық-материалдық құндылықтарды түсіру кезінде болған.

«1994 жылғы жұмысшы жүк оқпаны алаңындағы саңылауға құлап кеткен. Алған жарақаттарының салдарынан жұмысшы оқиға орнында көз жұмды. Оқиғаның мән-жайы мен себебі анықталуда, жазатайым оқиғаны тергеу бойынша арнайы комиссия құрылды» делінген компания хабарламасында.

«Қазақмыс» қаза тапқан жұмыскердің отбасына ұжымдық шартта қарастырылған барлық қажетті көмек көрсетілетенін атап өтті.

Корпорация сондай-ақ өндірістік нысандарында жазатайым оқиғалардың жиілеуіне байланысты бүгіннен бастап бекітілген кестеге сәйкес тәуекел деңгейі жоғары барлық технологиялық процесті тоқтата тұру туралы шешім қабылданғанын

Иран парламентінің спикері жаңа заң қабылданған соң хиджаб полициясы таратылады деп мәлімдеді. Президент уәдесі орындалып жатыр.

Мұхаммед Багер Галибаф ел азаматтарының дресс-код тәртібін қадағалайтын орган жойылатынын Х әлеуметтік желісіне жазды.

«Қолданыстағы заң (хиджаб полициясының) көшедегі кезекшілігіне тыйым салған. Алайда үкіметтің басқа да мәселелерге қатысты тез шешуді қажет ететін проблемасы жетерлік», – деп мәлімдеді спикер. Оның айтуынша, хиджаб кию тәртібін енді басқа бір мекеме қадағалайды.

Президенттің хиджаб мәселесіне қатысты уәдесі

2024 жылғы қыркүйекте Иран президенті Масуд Пезешкиан қыз-келіншектерді киіміне байланысты мазаламауға уәде берген.

«Әдеп полициясы әйелдерге қарсы...

Танымал журналист Динара Сәтжан Қазақстан ұлттық құрамасының капитаны Асхат Тағыбергеннің үйінде сұхбат алып, оның жағдайы мен айналасындағы соңғы оқиғалар туралы ойын білді.

«Әкімнің айтқан сомасы асыра көрсетілген»

Журналистің айтуынша, әкім атаған жалақы мөлшері шындыққа сай келмеуі мүмкін. Сонымен қатар ол футболшы мен клуб арасындағы келісімшарт құпия екенін еске салды:

«Біріншіден, әкімнің атаған сомасы, менің білуімше, асыра көрсетілген. Екіншіден, келісімшарт құпия емес пе? Үшіншіден, клубты Асхатпен келісімшартқа қол қоюға ешкім мәжбүрлеген жоқ қой», – деп жазды Сәтжан

Қазақстандық футболшылар лайықты табыс табуға құқылы

Динара Сәтжан бұл жағдайды қазақ футболшыларына деген әділетсіздік...

Жәнібек Әлімханұлы оразаның келесі қарсыласын жеңуге кедергі болмайтынын мәлімдеді. Айтуынша, рингке тас-түйін дайындықпен шығады.

WBO/IBF нұсқалары бойынша орта салмақтағы әлем чемпионы Жәнібек Әлімханұлы Seconds Out басылымына сұхбат берген.

Жәнібек екі белбеуді қорғайды

Онда танымал боксер отыз күн ауыз бекітудің дайындыққа әсеріне баға беріп, келесі қарсыласы туралы пікір білдірген.

Жәнібек Әлімханұлы оразаның 5 сәуірде француз Анауэль Нгамиссенгемен өтетін жекпе-жекке дайындығына ешқандай кедергі келтірмейтінін айтты.

Астана қаласында өтетін бокс кешінің басты айқасында «Қазақ стилі» екі чемпиондық белбеуін қорғамақ.

Ораза әлсіретпей ме?

Оған: «Сен Рамазанда ораза ұстайсың ба? Олай болса, бұл дайындыққа қаншалықты әсер етед...

Арзан бағада тауар сататын Fix Price дүкендер желісі Сербия нарығына шығуға дайындалып жатыр. Бұл туралы «Коммерсанть» хабарлайды.

Fix Price-тің өзі Сербия нарығына шығу деген мақсатын растады. Жоспар бойынша, 2025 жылдың екінші жартысында бірнеше дүкендер ашылуы мүмкін және онлайн-сатылым да іске қосылады. Компания өкілінің атап өтуінше, нарықтың жағдайы және тұтынушылық сұраныс Fix Price-тің бизнес-моделіне сай келеді.

«Коммерсантъ» жазуынша, Сербия экономикасындағы ең табысты сектор – бөлшек сауда нарығы. Бірақ ресейлік компания үлкен бәсекелестікпен бетпе-бет келуі мүмкін. Себебі ол нарықта немістің Lidl, словениялық Mercator және нидерландық Delhaize компаниясы бар. Ресейлік тағы бір дискаунтер «Светофор» да Сербия да жұмыс істейді.

Fix Price

Алматы әкімдігі Наурыз мерекесінің құрметіне «Медеу» мұз айдынының сырғанау маусымын 10 күнге созды. Бұл туралы әкімдіктің баспасөз қызметі хабарлады.

«Биылғы жылы «Медеу» таулы мұз айдыны маусымды әдеттегіден он күн өткен соң, яғни 25-ші наурызда аяқтайды. Жаппай сырғанауды ұзарту туралы шешім Наурызды мерекелеу құрметіне және алматылықтардың мұзда сырғанауға деген ерекше сүйіспеншілігін ескере отырып қабылданды», – делінген баспасөз хабарламасында.

Жылда Алматының мұз айдыны сырғанау мерзімін 15 наурыз күні аяқтайтын. Ал биылғы жылы Наурызнама онкүндігіне орай және халық тарапынан сырғанауға деген сұраныстың артуына байланысты мұз айдынының жұмыс уақыты қосымша 10 күнге ұзартылған.

Әкімдік күнн...

Алматы әкімі Ерболат Досаев «Қалқаман» метро бекетінің құрылыс алаңына барды. Қала билігі жаңа бекет 2026 жылдың қаңтарына дейін аяқталады деп уәде берді. Биылғы жылы бұл құрылысқа 28 млрд теңге бөлінбекші.

Метро құрылысы бойынша жоба 2020 жылы басталған болатын. Бірақ кейінірек бірнеше түзетулер енгізілді. Алматы әкімдігі баспасөз қызметінің мәліметінше, аралық туннельдердің ұзындығы 1,98 шақырымды құрайды. Ал бекеттің өзі Абай даңғылының бойында, Әшімов көшесінің батысында орналасады.

«Станция платформасының ұзындығы 98 метрге жетеді, оған іргелес аумақ абаттандырылады. Оның ішінде 380 автокөлік пен 28 автобус тұрақтары қарастырылған. Жобаның бас мердігері BCN-Group (бұрынғы Bazis construction) компаниясы болып табылады», — делінген хабарламада.

Ресейлік Globaltrans Investment PLC компаниясы өзіне тиесілі теміржол активтерін 766,7 млн долларға сататынын хабарлады. Бұл шешім 3 сәуірге жоспарланған акционерлердің жалпы жиналысында қарастырылатын болады.

Сатылымға қандай активтер шығарылды?

Globaltrans 5 еншілес компаниясын сатуды жоспарлап отыр. «БалтТрансСервис» компаниясын 247 млн долларға бағаласа, «ГТИ Менеджменттің» құны – 136,3 млн доллар Одан бөлек, «Новая перевозочная компаниясын» 260,3 млн долларға сатып,«Уральская Вагоноремонтная Компанияны» 8,6 млн долларға өткізуді жоспарлап отыр. Ал Adaptive Capital Ltd акцияларын 1 долларға бағалаған

Сонымен қатар компания 94 млн және 19,4 млн доллар көлеміндегі екі несие келісімі бойынша құқықтарын да сатпақ. Жалпы келісім құны 766,7 млн долларды...

Түркіменстанда тұрмысқа шықпаған қыздарға сары орамал тағу міндеттелді. Бұл әйелдің некеде емес екенін көрсетуі үшін енгізілді, деп хабарлады «Азаттық радиосының» түрікмен қызметі.

Мұндай дресс-код енгізген жұмыс берушілер «жоғарыдан келген бұйрықты» алға тартқанымен, құжат нақты қайдан және қашан шыққанын ашып айтпаған.

Басылым талап наурыз айының басында пайда болғанын жазады. Сонымен қатар тұрмысқа шыққан әйелдерге жұмысқа сары көйлек кию міндеттелген. Жаңа киім ережесін сақтамағандарға жұмыстан шығарылу қаупі төнеді

Бұған дейін елде мемлекеттік қызметтегі әйелдерге косметика қолдануға, денеге жабысып тұратын көйлек киюге, шаштарын ашық түске бояуға тыйым салынған болатын.

Түркіменстанда азаматтардың сырт келбеті мен қоғамдық орындарда өзін-өзі ұстауына қатысты көптеген шектеу бар...

Сыбайлас жемқорлыққа қарсы іс-қимыл агенттігі 2024 жылы жемқорлық фактісі туралы хабарлаған 104 азаматқа 35,5 млн теңге төлеген. Бұл туралы Сыбайлас жемқорлыққа қарсы іс-қимыл агенттігінің баспасөз қызметі хабарлады.

Агенттіктің хабарлауынша, жемқорлық фактілерін хабарлағаны үшін сыйақы төлеу азаматтық қоғамды ынталандыруға бағытталған. Агенттік бекіткен талаптарға сәйкес мұндай адамдарға 4 АЕК-ке дейінгі көлемінде сыйақы көзделген. Яғни сыбайлас жемқорлық құқық бұзушылықтар туралы сенімді ақпарат берген адам 15,7 млн теңгеге дейін сыйақы алады.

«2024 жылы Сыбайлас жемқорлыққа қарсы қызмет жалпы сомасы 35,5 млн теңгеге 104 азаматты көтермеледі, оның ішінде 38 мемлекеттік қызметші грамоталармен марапатталды», – делінген баспасөз хабарламасында.

Ұлттық банк төлем жүйелерінің тізімін жаңартты. CONTACT, FASTER, ЮНИСТРИМ және Ria Money Transfer атты төрт төлем жүйесі ол реестрден алынып тасталды. Олар 2024 жылы жұмысын тоқтатқан еді.

Банкаралық ақша аударымдары жүйесі – жүйелік маңызы бар төлем жүйесі. Ол арқылы бағалы қағаздар мен валюта нарығындағы ақшалай міндеттемелер бойынша төлемдер, ақша аударымдары, сондай-ақ мемлекеттік ақша-кредит саясатын жүргізу мақсатындағы төлемдер мен ақша аударымдары жүргізіледі.

2024 жылы елімізде бірнеше төлем жүйесі жұмыс істеді. Олар – банкаралық клиринг жүйесі, VISA карталық төлем жүйесі және шетелге ақша аударымдарын жүргізетін «Золотая корона» ақша аударымдар жүйесі. Жалпы елімізде 15 төлем жүйесі жұмыс істейді.

Сондай-ақ 2024 жылды...

Англияның «Манчестер Сити» клубында өнер көрсететін өзбекстандық қорғаушы Абдукодир Хусанов ұлттық құрамаға шақырту алып, отанына оралған сәтте сүйіктісіне үйлену туралы ұсыныс жасады. Сонымен қатар, футболшы әкесіне қымбат Mersedes автокөлігін сыйлап, отбасы мүшелерін де қуантты.

Хусанов қазіргі таңда Өзбекстанның ең беделді әрі жас футболшыларының бірі. Оның спорттық мансабы мен жеке өмірі жанкүйерлер арасында қызу талқыланып жатыр.

Тойы қашан және қайда өтеді?

Футболшы маусым аяқталғаннан кейін, дәлірек айтқанда...

Әлемдегі ең ірі нарықтардың бірі Қытайда ақпан айындағы автокөлік сатылымының көрсеткіштері белгілі болды.

BYD ақпанда 192 101 көлік сатып айқын көшбасшы атанды. Екінші орында 123 823 автокөлік сатқан Volkswagen тұр. Ал үшінші орынға өз отанында 119 366 көлік сатқан Geely жайғасқан.

Әйгілі жапондық модель Toyota үздік үштікке кіре алмады. Компания өткен айда Қытайда 82 274 көлік сатып, тек төртінші орынды иеленді. Toyota-ны 64 999 көлік сатқан тағы бір қытайлық бренд Wuling (SAIC Motor, General Motors және Liuzhou Wuling Motors-тың бірлескен кәсіпорны) өкшелеп келеді.

Geely Қытайдағы сатылым көрсеткіші жөнінен Toyota-ны қатарынан екінші ай бойы басып озды. Автомамандар бұл жапондық бренд...

Солтүстік Қазақстанды су алу қаупі күшейіп тұр. Өйткені Есіл өзенінің деңгейі бір тәулікте 1 метрге дейін көтерілген.

Қауіп қайдан?

Petropavlovsk.news хабарлауынша, Петропавл су қоймасындағы Есіл өзенінің су деңгейі 3 сантиметрге көтерілген. Бұл – 19 наурыз күні таңғы сағат 8-дегі мәлімет.

«Мұздың қалыңдығы – 33 см, су деңгейі – 700 см. Сергеев су қоймасында тәулігіне су деңгейі 5 см-ге көтеріліп, мұз қалыңдығы 77 см-ге жеткен. Су жіберу жылдамдығы – 18,3 м³/сек. Бірнеше аптадан бері өзгеріссіз тұр», – деп хабарлайды ақпарат көзі.

Ал Покровка ауылы маңында Есіл өзенінің деңгейі күрт көтеріліп, бір тәулікте су...

Үкімет резервінен тыңайтқыштарды субсидиялау үшін 48,4 млрд теңге бөлді. Премьер-министр Олжас Бектенов осындай қаулыға қол қойды.

Бөлінген қаражат Абай, Ақмола, Шығыс Қазақстан, Жамбыл, Қарағанды, Қостанай, Павлодар, Солтүстік Қазақстан және Түркістан облыстарының әкімдіктеріне тыңайтқыштардың құнын субсидиялау үшін жіберіледі. Оның негізгі көлемі минералды тыңайтқыштарды субсидиялау үшін жұмсалады.

Қазір Үкімет алдында 2024-2028 жылдар аралығында ауылшаруашылық өнімдерінің көлемін 2 есе ұлғайту деген мақсат тұр. Ал топыраққа минералды тыңайтқыштар енгізу деңгейін 50%-ға дейін арттыру қажет. Қазір бұл көрсеткіш 40%-ға жетті, ал 2024 жылы көрсеткіш 21% деңгейінде еді.

Бірақ бұған дейін Бектенов ауыл шаруашылығы саласында субсидия берілуін қатаң сынға алған еді. Ол мемлекет...

«Атырау» футбол клубының қызметкерлері, соның ішінде ойыншылар мен бапкерлер жалақыларын ала алмағанына үшінші ай болды. Осыған байланысты олар 30 наурызда өтетін «Ақтөбеге» қарсы матчқа шықпайтынын мәлімдеді.

Клуб өкілдерінің айтуынша, бұл жағдайға облыстық спорт басқармасының басшысы Нұрбол Сыдықов кінәлі. Себебі жыл басынан бері облыстық бюджеттен «Атырау» клубына қаражат бөлінбей келеді. Ал басқа спорт ұйымдары – хоккей және баскетбол клубтары өз қаржыларын алып үлгерген.

Жағдайдың ушыққаны сонша, футболшылар мен клуб қызметкерлері облыс әкімі Серік Шәпкеновке ашық үндеу жолдады. Олар бұл әділетсіздікке наразылық білдіріп, мәселені тез арада шешуді талап етті.

Құрметті, Атырау облысының әкімі Серік Жамбылұлы Шәпкенов мырза...

Қазақстанда кәмәлетке толмағандарға жыныстық зорлық жасаған 27 адам өмір бойына сотталды. Зорлық-зомбылық қылмыстары елдің 5 облысында көп тіркеледі.

Бала құқықтары жөніндегі уәкіл Динара Зәкиеваның айтуынша, кәмелет жасына толмағандарға жыныстық зорлық-зомбылық жасау қылмысы бойынша елімізде жыл сайын 900-ге жуық іс тіркеледі.

Осы заң күшіне енген сәттен бастап мұндай ауыр қылмыс жасаған 25-27 адам өмір бойына бас бостандығынан айырылды. Мұндай қылмыстар Алматы, Түркістан, Батыс Қазақстан, Қостанай және Жамбыл облыстарында көп тіркеледі, – деді балалар омбудсмені Мәжіліс кулуарында.

Омбудсмен көбіне мұндай қылмыс балалардың жақын адамдары – туыстары, көршілері, туыстарының достары, яғни балалар білетін және сенетін адамдар тарапынан жасалатынын айтады.