Жаңалықтар

«ҚазТрансОйл» («ҚазМұнайГаз» компаниясының еншілес ұйымы) Каспий құбыр консорциумы арқылы мұнай тасымалдауда қиынды туындаса, қосымша мұнайды экспортқа жөнелтуге дайын. Бұл туралы «ҚазТрансОйл» компаниясының тасымалдау жөніндегі бас директорының орынбасары Абай Бейсембаев мәлімдеді. Оның айтуынша, мұнайды Атырау – Самара құбыры арқылы экспорттауға болады.

Ал «Кропоткинская» мұнай айдау станциясына жасалған шабуылға қатысты түсініктеме беруден бас тартқан Бейсембаев бұл мәселені КҚК-ға жолдаған дұрыс болатынын айтты. Дегенмен, «ҚазТрансОйл» компаниясы техникалық тұрғыдан мұнайдың белгілі бір көлемін қабылдап, оны Атырау – Самара құбыры арқылы тасымалдауға дайын екенін жеткізді.

Сонымен қатар, ол Теңіз және Қашаған кен орындарындағы мұнай өндіру көлемінің азаюы «ҚазТрансОйл» жұмысына қалай әсер ететінін түсіндірді. Оны...

Шапан мен қажекей, қамзол мен тақияны бұрынғыдай тек базардан ғана таппайсыз. Цех ашып, ұлттық киім тігетін бизнес иелері де баршылық. Бірақ бағасы да әртүрлі. Бір жерден 15 мыңға қамзол алсаңыз, екінші дүкенде шапанның бағасы 100 мыңнан асып жығылады. Kursiv.Media нарықтағы ұлттық киім бағасын шолып көрді.

Жеке өндіріс, жеке бренд

Нарықтағы ең қымбат шапанның бірі – танымал сән үйлерінде. Мәселен, Динара Сәтжан жеке шоу-румында әйелдерге арналған шапандар 125 мың теңгеден басталады. Бархыттан тігілген, өңірі әшекейлермен безендірілген шапандар бағасы 138 мың, 165 мың теңгеге дейін жетеді.

Дәл осындай сапа мен бағадағы ұлттық киімдерді Аида Қауменованың сән үйінен таба аласыз. Дизайнер...

Қазақстан Ұлттық құрамасының капитаны Асхат Тағыбергеннің әйелі Махаббат Тағыберген әлеуметтік желіде пост жазды.

Ол Шымкент қаласының әкімі Ғабит Сыздықбековтың Асхат Тағыбергенді сын тезіне алғанына жауап беруді жөн көрген. Махаббат күйеуін мақтан тұтатынын айтқан.

«Әйелі ретінде мен Асхаттың футболға қосқан үлесімен және әділ ойнап, бар күшін салатын қағидаларымен мақтанамын», – деді ол.

Асхат Тағыбергеннің әйелі Шымкент әкіміне ұстамды түрде жауап беруді ұйғарыпты.

«Ешкіммен айтысып, салғыласпаймын. Бірақ әділетсіздікке үнсіз қалу да дұрыс емес. Әр жанкүйерді құрметтеймін, бірақ бір маусыммен ғана баға бермей, жақсы сәттерді ұмытпайық. Қолдауларыңыз үшін алғысым шексіз», – деп жазды...

Ақордада президент Қасым-Жомарт Тоқаевтың төрағалығымен Қауіпсіздік Кеңесінің кезекті отырысы өтті.

Отырыста не талқыланды

Жиында Ұлттық қауіпсіздік стратегиясын жүзеге асыру үшін қабылданған Ұлттық қауіпсіздік тәуекелдерін басқару жөніндегі 2021-2025 жылдарға арналған іс-қимыл жоспарына сай былтырғы атқарылған жұмыстардың нәтижелері қарастырылған.

Үкімет пен бірқатар салалық мемлекеттік органның басшылары негізгі көрсеткіштердің орындалуы туралы мәлімет берген. Кеңес отырысында әлі де пысықтауды қажет ететін, соның ішінде қоғамдық, экономикалық, экологиялық және ақпараттық қауіпсіздік бағытындағы мәселелер талқыланған.

Экстремизм мен терроризмге қарсы күрес

Президент Ұлттық қауіпсіздік стратегиясының іске асырылуы нақты нәтижелермен бағалануға тиіс екеніне назар аударды. Оның қоғам үшін маңызы зор...

Jusan Bank қаржы нарығын реттеуші ұйымнан ескерту алды. Қаржы ұйымы банк туралы заңның 45-1 және 46 бабын бұзған.

Қаржы нарығын реттеу және дамыту агенттігінің хабарламасында:

«Қазақстан Республикасындағы банктер және банк қызметі туралы» Қазақстан Республикасы Заңының 45-1 және 46-баптарының талаптарына сәйкес Банкке жазбаша нұсқама қолданылды», – деп жазылған.

Бұл баптар бойынша қолданылатын талаптар тізімі ұзақ. Реттеушінің хабарламасында банк нақты қандай талапты бұзғаны жазылмаған.

Қазақстандағы ең бай кәсіпкер Вячеслав Ким ақпан айында Jusan Bankті сатып алуға ниетті екенін хабарлады. Ол ҚНРДА-ға сәйкес өтінішін беріп қойған.

Ұлттық Банк дерегі бойынша, Jusan...

Жаңа үйлердің бағасы бір жылда 15%-ға қымбаттаған. Бұл туралы krisha.kz сайтындағы хабарламаларды талдаған Applied Economics Research Centre сарапшылары жазады.

Ақпан айында тұрғын үйлердің орташа шаршы метр құны 2,2% қымбаттап, 468 818 теңгені құрады. Бұл 2024 жылдың ақпан айымен салыстырғанда 15,6%-ға жоғары. Былтыр баға 400 мың теңге шамасында болған.

Соның ішінде элиталық тұрғын үйлердің бағасы айтарлықтай жоғары қарқынмен өсіп жатыр. Бұл сегменттегі жылдық өсім 6,7%-ды құрады. Эконом, бизнес және комфорт санатындағы тұрғын үйлердің бағасы 2,3%, 1,9% және 0,7% көтерілген.

Әсіресе, Алматыда тұрғын үй бағасы айтарлықтай өсті. Ақпандағы көрсеткіш 5,3% көтеріліп, 723 587 теңгеге жетті. Жылдық өсім 21,5%-ды құрады. Бұл...

Алматы қаласының кірістер департаменті 2024 жылға жеке тұлғалардың көлік салығын төлеу мерзімі 1 сәуірде аяқталатынын еске салып, салық уақытылы төленбесе, әр кешіктірілген күн үшін өсімпұл есептелетінін ескертті.

Салық мөлшерін қайдан білем

Департамент төлеуге қажетті салық сомасын азаматтар өз бетінше есептеуі қажеттігін атап өтті. Бұл үшін e-Salyq Azamat мобильді қосымшасындағы немесе Мемлекеттік кірістер комитетінің сайтындағы калькуляторды пайдалануға болады.

Ал 15 наурыздан кейін жүргізушілер алдын ала есептелген салық сомасын екінші деңгейлі банктердің мобильді қосымшалары арқылы PUSH-хабарламалар ретінде ала бастады. Салықты сол қосымшалардың көмегімен немесе «Қазпошта» АҚ арқылы төлеуге болады.

2024 жылдың қорытындысы бойынша қалада 456 мың тұлға 764 мы...

Қытай автогиганты BYD электромобильді бар болғаны бес минутта қуаттайтын құрылғыны таныстырды. Енді электрокардың бензинмен жүретін автомобильден ешқандай кемшілігі жоқ.

Бәсекелестерін басып озды

Осы жаңалықтан кейін BYD «электрокарды қуаттау бензин құйғандай тез» деп ұрандата алады деп жазды Bloomberg. Осының алдында ғана қытай автогиганты «бағасы бір, бірақ функциясы көп», «ақылды басқару жүйесіне бәрі лайықты» деген ұрандар тастаған. Себебі ол көпшілікке арналған ең арзан өнімдерінің өзіне озық үлгідегі технологиялар орнатып жатыр.

Түптеп келгенде, осының бәрі BYD гигантын Илон Масктың Tesla-сы секілді тікелей бәсекелестерін басып озуға көмектеседі. Қазірдің өзінде электрокарды тез қуаттау жағынан қытай автоөндіруші бірінші орынға көтеріліп үлгерді. Бұл жағынан...

Алматы облысы Наурыз меркесіне жаппай дайындықты бастап кетті. Облыс орталығы Қонаев қаласы мен өңірлерде Наурыз құрметіне 368 іс-шара ұйымдастырылады. Бұл туралы Алматы облысы әкімдігінің баспасөз қызметі хабарлады.

«Алматы облысында Ұлыстың ұлы күні – Наурыз мейрамына орай кең ауқымды мерекелік шаралар өтеді. Қонақтар үшін театрландырылған қойылымдар, ұлттық ойындар, концерттер мен ерекше мәдени перформанстар ұйымдастырылады», – делінген баспасөз хабарламасында.

Облыс орталығы Қонаев қаласында іс-шаралар негізінен мына үш локацияда өткізіледі.

Негізгі шара Орталық алаңда өтеді. Бұл жерде мереке күндері 25 қазақ үй тігіліп, қонақтарға қазақтың дәстүрлі тағамдары ұсынылады. Ал орталықта құрылған сахнада Қазақстан эстрада жұлдыздарының концерті өтеді.

Қазақстандықтар цифрлық құжаттарын 20-21 наурыз күндері ала алмайды. Бұл туралы «Ұлттық ақпараттық технологиялар» компаниясы хабарлады.

Компания цифрлық экожүйенің тұрақты жұмысын қамтамасыз ету үшін жоспарлы техникалық жұмыстар жүргізбекші.

«Техникалық жұмыстар 2025 жылғы 20 наурыз сағат 23:00-ден 21 наурыз сағат 08:00-ге дейін жүргізіледі. Уақыт аралығы пайдаланушылардың ең аз белсенділігі ескеріле отырып таңдалды. Бұл мүмкін болатын қолайсыздықтарды барынша азайтуға мүмкіндік береді»,– делінген хабарламда.

Осы уақыт аралағында бірқатар мемлекеттік электрондық сервистердің жұмысы уақытша шектеледі:

Қазақстандық «Көшпенділер рухы» мәдени жобасы оқиғалар маркетингі саласындағы үздік әлемдік бастамалардың бірі ретінде танылып, бірден екі беделді BEMA (Best Experience Marketing Awards) халықаралық марапатына ие болды. Kazakh Tourism қолдауымен Creative Innovation Institute ұйымдастырған көрме «Үздік ЭКСПО-оқиға» санатында 2-орын, ал «Үздік фестиваль» санатында 3-орын алды.

BEMA байқауы

Биыл Best Experience Marketing Awards байқауына 586 жоба ұсынылып, оның 321-і қысқа тізімге енді. Нәтижесінде 58 номинация бойынша 200 үздік жоба таңдалды. Қорытынды кезеңде қатысушылар өз жұмыстарын халықаралық сарапшылар алдында қорғады. Қазақстан, Ресей, Қырғызстан, Өзбекстан, Беларусь, Грузия, Түркия және Қытай елдерінің өкілдері өзара бақ сынады.

Kazakh Tourism төрағасы Қайрат Сәдуақасов бұл...

Су және ирригация министрлігі Қазақстан мен Ресей су тасқынына дайындық аясында трансшекаралық өзендер бойынша күн сайын ақпарат алмасатынын хабарлады.

Министрліктің мәліметінше, су тасқынына дайындық аясында трансшекаралық өзендер бойынша ақпарат алмасу күнделікті жүріп, су тасқыны кезеңі аяқталғанға дейін жалғасады.

«Қазіргі уақытта Қазақстанның өзендері мен су қоймаларындағы су деңгейіне тұрақты бақылау жүргізілуде, тәулік бойы кезекшілік ұйымдастырылды. Су қоймаларында тасқын суды қабылдау және қауіпсіз өткізу үшін бос сыйымдылықтар қамтамасыз етіледі. Ресей Федерациясының аумағы арқылы өтетін Ертіс пен Жайықты қоса алғанда 240 шақырым өзен арнасы тазартылды»,– деді Су ресурстары және ирригация вице-министрі Нұрлан Алдамжаров.

Министрлік аталған мақсатта Қазақстан-Ресей бірлескен жұмыс тобының екі отырысы...

Allianz зейнетақы индексіне сәйкес, Қазақстан 71 елдің ішінде 26-орынға жайғасты. Былтыр еліміз 36-орында болған еді. Бұл рейтинг бойынша Қазақстан Аустрия, Испания, Чили, Сингапур, Гонконг және Қытайдан озып, 3,5 балл жинады.

Allianz зейнетақы индексі үш негізгі суб-индекстен тұрады. Қазақстан демографиялық өзгерістер мен мемлекеттік қарыз деңгейі тұрғысынан 4,1 балл (2023 жылы – 3,5 балл) жинады. Зейнетақы жүйесінің тұрақтылығын бағалайтын екінші суб-индекс бойынша 3,6 балға ие болды. Ал зейнетақының жеткіліктілігі тұрғысынан 3,2 балл (2023 жылы – 3,3 балл) көрсеткішін көрсетті.

Жалпы, әлемдік рейтингте үздік үштікке Дания (2,3 балл), Нидерланды (2,6 балл) және Швеция (2,6 балл) кірді. Ал зейнетақы жүйесі әлсіз деп танылған...

Жамбыл облысындағы балабақшалардың бірінде балалар жаппай уланып, ауруханаға түскен. Бұл туралы Жамбыл облысы әкімдігінің баспасөз қызметі хабарлады.

Әкімдіктің мәліметінше, оқиға Меркі ауданындағы «Нұрай» бөбекжай бақшасында болған. 17 наурыз күні бұл балабақша 10 тәрбиеленушісі аудандық ауруханаға жеткізілген.

9 балаға жіті ішек инфекциясы, 1 балаға энтеровирусты инфекция диагнозы қойылған.

Ауруханаға жеткізілген бір баланы денсаулығы ауыр деп бағаланып, жансақтау бөліміне жеткізілген.

​​​»1 бала жансақтау бөліміне ауыстырылған, жағдайы бірқалыпты. Оң нәтижелер байқалуда», – делінген әкімдік хабарламасында.

​​​Бұл оқиғадан кейін облыс әкімі Ербол Қарашөкеев жұмыс тобын құруды тапсырған. Бұл топ әр баланың жағдайымен танысып, жағдайды...

«Отбасы банк» жылдық мөлшерлемесі 2-5% аралығындағы ипотекалық несиелер бойынша өтінім қабылдау басталғанын хабарлады, деп жазады krisha.kz сайты.

Ипотека арқылы Қазақстанның әртүрлі өңірлеріндегі белгілі бір тұрғын үй кешендерінен пәтер алуға болады.

Міндетті шарттар:

Өтінімдер Otbasybank.kz сайтында қабылданады.

Өтінім қабылданып жатқан өңірлер

Текелі
– Ғарышкерлер көшесі, 3а мекенжайындағы тұрғын үй кешені.
– Пәтер саны: 40
– 1 м² бағасы: 160 000 теңге (таза әрлеуде).
– Өтінім қабылдау мерзімі: 11-26 наурыз.

Павлодар
– Ладожская көшесі, 8 және 19 мекенжайындағы тұрғын үй кешені.
– 1 м² бағасы: 160 000 теңге (таза әрлеуде).
...

2025 жылдың қаңтар-ақпан айларында негізгі капиталға салынған инвестиция айтарлықтай бәсеңдеп, экономиканың басым салаларында теріс динамика байқалды. Инвестиция көздері тұрғысынан алғанда, мемлекеттік бюджеттің үлесі артып, жеке меншік қаражаттың үлесі төмендеп барады.

Halyk Finance сарапшысы Салтанат Игенбекованың айтуынша, бұл құбылыс экономикадағы теңгерімсіздіктердің күшеюі, жеке инвестициялардың мемлекеттік қаржы есебінен ығыстырылуы және бюджет жүктемесінің артуына алып келуі мүмкін. Нәтижесінде, инвестициялық белсенділіктің әлсіреуі экономиканың өсу қарқыны мен сапасына кері әсерін тигізуі ықтимал.

Ұлттық статистика бюросының деректеріне сүйенсек, 2025 жылдың алғашқы екі айында негізгі капиталға инвестиция өсімі 0,5%-ға жетіп, өткен айдағы 0,2%-дан аздап жоғарылаған. Алайда бұл көрсеткіш жалпы ішкі өнімнің (ЖІӨ) өсу қарқынынан...

Қазақстанда мұғалімдерге көмектесетін робот-лаборанттар пайда болды. Оны ғалымдар емес, мектеп оқушылары жасаған.

Оқу-ағарту министрлігі баспасөз қызметінің хабарлауынша, бұл роботтарды Арсен Сисенбай мен Айдарбек Мирас атты оқушылар ойлап тапқан. Олар Ақтөбе облысы Шалқар қаласындағы №3 орта мектебінің 9-сыныбында оқиды екен.

«Жас өнертапқыштар құрылғыны C++ бағдарламалау тілін және Arduino микроконтроллерін қолдана отырып жасады. Роботты смартфон арқылы басқару үшін RemoteXY платформасын пайдаланған, ал схемалар Tinkercad көмегімен жасалды», – деп хабарлады министрлік.

Бұл роботтардың қызметі – оқу үдерісінде жәрдем беру. Робототехника пәндері кезінде қандай бөлшектердің керек екенін айтып береді. Сонымен қатар қауіпсіздік ережелерін ескертіп отырады. Роботтар физика және...

Қазақстан «Кинематографистер одағының» өкілдері «Қазақфильмде» қазақтілді режиссерлердің құқы шектелетінін мәлімдеді. Одақ өкілдерінің айтуынша, «Қазақфильмде» қазақтілді режиссерлерге қаржылық қолдау көрсетілмей, дискриманцияға ұшырап отыр. Бұл мәселеге қатысты Мәдениет және ақпарат вице-министрі Евегний Кочетов пікір білдірді.

«Ол жерде мәселе қазақ анимациясына қатысты болған. Ешкім қазақтілді режиссерлерге қысым көрсетіп, дискриминация жасаған жоқ. Ал қаржыландыруға бір оператор яғни Ұлттық кино орталығы жауапты. Ол жерде қазақ тілді контентке ешкім шектеу қойып отырған жоқ деп 100 пайыз сенімділікпен айтамын», – деді министрлік өкілі.

Кочетов кинематографистер одағы мүшелерінің дискриминацияға ұшырағаны туралы мәлімдемесінен кейін мәселенің анық-қанығын анықтауға көшкенін мәлімдеді.

Аудитор әрі салық кеңесшісі Рабиям Серікбаева картаға аударған ақшаның қай түріне салық салынбайтынын түсіндірді. Сарапшы құнды кеңесін әлеуметтік желіде жариялады.

Серікбаева картаға түскен ақшаның қай түрі табысқа жатпайтынын, яғни салықтан босатылатынын көрнекі кестемен түсіндірді. Онда Салық кодексінің тиісті баптарына сілтеме де берілген. Кестені мына жерден жүктеп алуға болады.

Сарапшының айтуынша, картаға аударған ақшалардың мына түрлеріне салық салынбайды:

Мәдениет және ақпарат вице-министрі Евгений Кочетов «Қазақанимация» шығармашылық бірлестігін Алматыдан Астанаға неліктен көшірілгелі жатқанын түсіндірді.

Оның сөзінше, алдағы уақытта креативті индустрияны қолдауға арналған мамандандырылған қор құрылады.

«Анимация осы индустрияның ажырамас бөлігі. Біз аталған саланы дамытуға бағыттталған кешенді стратегия жасап жатырмыз. Ал көшіру туралы айтар болсам, оның бірнеше қисыны бар. Біріншіден, осында Астана хаб орын тепкен. Ал анимация қызметі IT индустириямен тығыз байланысты. Бұл саланың дамуына белгілі бір импульс береді. Екіншіден, Астанада жыл сайын аниматорлардың «Comic Con» деген фестивалі өтіп тұрады. Бұл ТМД деңгейіндегі ірі фестиваль. Үшіншіден, құрылатын қордың белгілі бір ресурсы болады», – деді вице-министр.

ММА жауынгері Қуат Хамитов волейболист Сабина Алтынбекованың ажырасқаны туралы жаңалыққа қатысты өз ойын айтты.

Sports.kz хабарлауынша, Қуат Хамитовтің Сабина Алтынбековадан көңілі суып кеткенге ұқсайды. Оның айтуынша, көп жігіттер сұлу волейболист қыз ажырасқан соң, «шансың бар» дегенді меңзеп, спортшыға Сабинаға қатысты ақпараттарды қарша боратқан.

«Жігіттер мені белгілегендеріңді тоқтатыңдар. Маған қандай қыздар ұнайтыны жөнінде бұрын айтқанмын», – деп жазды Қуат Хамит.

Айта кететін жайт, 2020 жылы «Қызық Live» бағдарламасында жүргізуші Қуат Хамитовтан қашан шаңырақ көтеретіні туралы сұраған болатын. Ол кезде ММА жауынгері көзі түсіп жүрген қызы бар екенін айтқан. Қалыңдығы ретінде әлі тұрмыс құрмаған Сабина Алтынбекованы...

18 наурыз – Қазақстанда Ұлттық киім күні ретінде атап өтілетін ерекше мейрам. Бұл күн қазақтың дәстүрлі мәдениетін жаңғыртып, ұлттық киімнің маңыздылығын насихаттауға бағытталған.

Қазақ халқының ұлттық киімі – тарихымыз бен мәдениетіміздің ажырамас бөлігі. Әрбір ою-өрнек, әрбір түйме мен зергерлік бұйым белгілі бір мағынаға ие. Қазақы шапан, камзол, сәукеле, тақия, белбеу мен етік – халқымыздың өмір салты мен эстетикалық талғамын көрсетеді.

Ұлттық киім күні қалай атап өтіледі?

Бұл күні еліміздің әр өңірінде ұлттық киімге қатысты түрлі шаралар ұйымдастырылады:

Kaspi.kz 18 наурызда бес жылдық облигацияларын саудаға шығару арқылы нарықтан 500 млн доллар тартуды көздеп отыр. Бұл туралы Bloomberg агенттігі жазды.

Облигацияларды орналастырумен Citigroup Inc. және JPMorgan Chase & Co. айналысады.

Биыл қаңтарда Kaspi түріктің D-Market Electronic Services & Trading (Hepsiburada) онлайн-ритейлерінің 65,41% акцияларын сатып алды. Келісім құны – 1,127 млрд доллар. Соның 600 млн доллары келісім жабылатын соңғы күні төленді. Ал қалған 526,9 млн долларды компания алты айдың ішінде төлеуге уәде берді. Екі компания да өз брендтері мен операциялық құрылымдарын сақтап қалды.

JPMorgan сарапшысы Реджинальд Смит келісімді Kaspi-ге әлемнің жоғары лигасына жол ашқан «батыл қадам» деп сипаттады.

Kaspi қазір түріктің Rabobank...

Ол елдегі жетекші шығармашылық және білім беру ұйымдарының қатысуымен қорпоративтік қор ретінде құрылады. Бұл жайында Мәдениет және ақпарат министрі Аида Балаева Үкімет отырысында мәлім етті.

Қор қызметін 4 негізгі бағыт бойынша жүзеге асырады. Идеядан бастап дайын өнім мен қызметке дейінгі барлық кезеңдерді қамтитын болады:

Министр мұндай құрылымдар әлемнің жетекші елдерінде де барын айтады. Ұлыбританияда...