Жаңалықтар

Мәдениет және ақпарат вице-министрі Евгений Кочетов «Қазақанимация» шығармашылық бірлестігін Алматыдан Астанаға неліктен көшірілгелі жатқанын түсіндірді.

Оның сөзінше, алдағы уақытта креативті индустрияны қолдауға арналған мамандандырылған қор құрылады.

«Анимация осы индустрияның ажырамас бөлігі. Біз аталған саланы дамытуға бағыттталған кешенді стратегия жасап жатырмыз. Ал көшіру туралы айтар болсам, оның бірнеше қисыны бар. Біріншіден, осында Астана хаб орын тепкен. Ал анимация қызметі IT индустириямен тығыз байланысты. Бұл саланың дамуына белгілі бір импульс береді. Екіншіден, Астанада жыл сайын аниматорлардың «Comic Con» деген фестивалі өтіп тұрады. Бұл ТМД деңгейіндегі ірі фестиваль. Үшіншіден, құрылатын қордың белгілі бір ресурсы болады», – деді вице-министр.

ММА жауынгері Қуат Хамитов волейболист Сабина Алтынбекованың ажырасқаны туралы жаңалыққа қатысты өз ойын айтты.

Sports.kz хабарлауынша, Қуат Хамитовтің Сабина Алтынбековадан көңілі суып кеткенге ұқсайды. Оның айтуынша, көп жігіттер сұлу волейболист қыз ажырасқан соң, «шансың бар» дегенді меңзеп, спортшыға Сабинаға қатысты ақпараттарды қарша боратқан.

«Жігіттер мені белгілегендеріңді тоқтатыңдар. Маған қандай қыздар ұнайтыны жөнінде бұрын айтқанмын», – деп жазды Қуат Хамит.

Айта кететін жайт, 2020 жылы «Қызық Live» бағдарламасында жүргізуші Қуат Хамитовтан қашан шаңырақ көтеретіні туралы сұраған болатын. Ол кезде ММА жауынгері көзі түсіп жүрген қызы бар екенін айтқан. Қалыңдығы ретінде әлі тұрмыс құрмаған Сабина Алтынбекованы...

18 наурыз – Қазақстанда Ұлттық киім күні ретінде атап өтілетін ерекше мейрам. Бұл күн қазақтың дәстүрлі мәдениетін жаңғыртып, ұлттық киімнің маңыздылығын насихаттауға бағытталған.

Қазақ халқының ұлттық киімі – тарихымыз бен мәдениетіміздің ажырамас бөлігі. Әрбір ою-өрнек, әрбір түйме мен зергерлік бұйым белгілі бір мағынаға ие. Қазақы шапан, камзол, сәукеле, тақия, белбеу мен етік – халқымыздың өмір салты мен эстетикалық талғамын көрсетеді.

Ұлттық киім күні қалай атап өтіледі?

Бұл күні еліміздің әр өңірінде ұлттық киімге қатысты түрлі шаралар ұйымдастырылады:

Kaspi.kz 18 наурызда бес жылдық облигацияларын саудаға шығару арқылы нарықтан 500 млн доллар тартуды көздеп отыр. Бұл туралы Bloomberg агенттігі жазды.

Облигацияларды орналастырумен Citigroup Inc. және JPMorgan Chase & Co. айналысады.

Биыл қаңтарда Kaspi түріктің D-Market Electronic Services & Trading (Hepsiburada) онлайн-ритейлерінің 65,41% акцияларын сатып алды. Келісім құны – 1,127 млрд доллар. Соның 600 млн доллары келісім жабылатын соңғы күні төленді. Ал қалған 526,9 млн долларды компания алты айдың ішінде төлеуге уәде берді. Екі компания да өз брендтері мен операциялық құрылымдарын сақтап қалды.

JPMorgan сарапшысы Реджинальд Смит келісімді Kaspi-ге әлемнің жоғары лигасына жол ашқан «батыл қадам» деп сипаттады.

Kaspi қазір түріктің Rabobank...

Ол елдегі жетекші шығармашылық және білім беру ұйымдарының қатысуымен қорпоративтік қор ретінде құрылады. Бұл жайында Мәдениет және ақпарат министрі Аида Балаева Үкімет отырысында мәлім етті.

Қор қызметін 4 негізгі бағыт бойынша жүзеге асырады. Идеядан бастап дайын өнім мен қызметке дейінгі барлық кезеңдерді қамтитын болады:

Министр мұндай құрылымдар әлемнің жетекші елдерінде де барын айтады. Ұлыбританияда...

Қазақстанда кино түсіретіндер мен дайын туындыны прокатқа шығаратындар арасында табыс тепе-теңдігі жоқ. Бұл туралы Үкімет сағатында премьер-министр Олжас Бектенов айтты.

«Қазіргі уақытта фильмнен түсетін пайданың көбі кинотеатр иелерінде қалады. Сондықтан кино түсірушілер мен оны прокатқа шығарушылардың мүдделерінің тепе-теңдігін бекіту маңызды. Ол үшін түскен ақшаның ашықтығын және авторлық құқықтың сақталуын қамтамасыз ететін «е-кино» платформасын жедел іске қосу керек», – деді премьер-министр.

Бектенов қазақстандық кино өндірісі былтыр 58%-ға өскенін, кассалық табысы ең жоғары 10 фильмнің арасында әрбір екінші туынды отандық картина екенін айтты. Сонымен бірге соңғы жылдары ұлттық контентке деген сұраныс артып, нәтижесінде шетелдік және...

2030 жылы мұсылмандар үшін ерекше құбылыс болады – қасиетті Рамазан айы бір жылдың ішінде екі рет тойланады. Бірінші Рамaзан шамамен 6 қаңтарда, ал екіншісі 26 желтоқсанда басталады.

Неге Рамазан жыл сайын өзгеріп отырады?

Бұл құбылыс ислам күнтізбесінің ерекшеліктеріне байланысты. Исламдық ай күнтізбесі 354 немесе 355 күннен тұрады, яғни григориан күнтізбесінен шамамен 10-11 күнге қысқа. Осы айырмашылықтың нәтижесінде Рамазан айы жыл сайын он күнге ерте басталып отырады.

Мысалы, егер 2025 жылы Рамaзан наурыз айында басталса, келесі жылы ақпанға ауысады. Осы циклдің нәтижесінде 2030 жылы Рамазaн екі рет өтеді – қаңтарда және желтоқсанда.

Мұндай жағдай шамамен әр 33 жылда бір...

Өскеменде «Бипэк Авто – Азия Авто» компаниялар тобының сегіз топ-менеджеріне қатысты үкім шығарылды. Оларға алаяқтық, ақшаны заңдастыру және салық төлеуден жалтару айыптары тағылған. Сот үш менеджерді ақтап шықты, ал қалғандарына екі жарым жыл бас бостандығынан айыру жазасы тағайындалды.

«Бипэк Авто» басшылығы неге сотталды?

Істің қозғалуына Өскемендегі автозауыттың құрылысы себеп болды. 2020 жылы «Бипэк Авто – Азия Авто» холдингі Өскеменде толық циклді автозауыт салу жөніндегі міндеттемелерін орындамағаны анықталды. Осыдан кейін компания басшысы Анатолий Балушкин іздеуге жарияланып, топ-менеджерлерге қатысты тергеу басталды.

Сот 2024 жылдың наурыз айында басталды. Айыпталушылар – Дмитрий Борзых, Константин Лобанов, Андрей Рябец, Елена Кузьмина, Александр Толстяков, Игорь...

Алматы қаласында 21-25 наурыз күндері таңнан кешке дейін Наурыз мейрамына арналған 100-ден астам мерекелік шаралар ұйымдастырылады. Бұл туралы Алматы әкімдігінің баспасөз қызметі хабарлады.

«Алматы Наурыз мейрамын кең көлемде тойлауға дайын! Қала тұрғындары мен қонақтарын шаһардың басты алаңдарында 100-ден астам іс-шара күтіп тұр. Дәстүр заманауи технологиямен үйлесіп, ерекше мерекелік атмосфера жасайды», – деп хабарлайды әкімдік.

Бұл күні қандай шаралар өтеді?

Басты концерт – 21 наурыз күні Астана алаңында өтеді. Бұл концерт күндізгі сағат 11:00-де басталады. Шараға «Дос-Мұқасан», Майра Мұхамедқызы, Жанар Айжанова, «КешYou» және т.б. өнер иелері қатысады.

 21–22 наурыз күндері ек...

Иран мен Еуразия экономикалық одағы (ЕАЭО) арасында еркін сауда туралы келісім 2025 жылғы 15 мамырда күшіне енеді. Бұл туралы Еуразия экономика комиссиясының сауда жөніндегі министрі Андрей Слепнев мәлімдеді.

Оның айтуынша, Тегеран комиссияға еркін сауда ұйымына толыққанды қосылуға дайын екенін жеткізген.

«Келісім шарттарына сәйкес, құжат күшіне енуі үшін 60 күн уақыт қажет. Осылайша, Келісім 2025 жылғы 15 мамырда күшіне енеді», – деп мәлімдеді ЕЭК сауда жөніндегі министрі Андрей Слепнев.

Еркін сауда туралы келісім ЕАЭО мен Иран арасындағы уақытша келісімді алмастырады. Бұл құжат 2018 жылы 17 мамырда Астанада қабылданған. Қазақстан оны 2019 жылғы 7 мамырда...

АҚШ президенті Дональд Трамп Украина бойынша бейбіт келісім аясында Қырымды Ресейдің бөлігі ретінде мойындауды қарастырып жатыр. Бұл туралы Semafor басылымы Ақ үйдегі жоғары лауазымды шенеуніктерге сілтеме жасап хабарлады.

Ақ үйдің ұстанымы

Басылымның мәліметінше, Ақ үй бұл қадамды Украинаның шығысында атысты тоқтатуға ықпал ететін маңызды шешім деп санайды. Тіпті, Вашингтонның БҰҰ-ға Қырымды Ресейдің аумағы ретінде халықаралық деңгейде мойындау жөнінде ұсыныс жасау мүмкіндігі талқыланып жатыр.

Дегенмен, бұл мәселе бойынша Трамп әлі нақты шешім қабылдаған жоқ. Қазіргі уақытта түрлі нұсқаларды қарастырып, Украинадағы қақтығысты бейбіт жолмен реттеу шарттарына енгізу мүмкіндігін зерттеп отыр.

АҚШ Ұлттық қауіпсіздік кеңесінің пікірі

АҚШ...

Ақтөбе облысында көктемгі су тасқыны салдарынан «Қандыағаш – Ембі – Шалқар – Ырғыз» автожолының бір бөлігі су астында қалды. Осыған байланысты 2025 жылғы 18 наурыз сағат 07:00-ден бастап барлық көлік түрлерінің қозғалысына шектеу енгізілді.

«ҚазАвтоЖол» мәліметінше су деңгейінің көтерілуі Жем өзені көпірінің маңындағы айналма жолдың шамамен 100 метрлік бөлігін су басуына алып келді. Су биіктігі 50 см-ге дейін жеткен. Қауіпсіздікті қамтамасыз ету мақсатында Қандыағаш қаласы мен Ембі қаласы арасындағы 3-92 шақырым аралығында көлік қозғалысы тоқтатылды.

Жүргізушілерге ескерту

Төтенше жағдайлар қызметі азаматтарға жолға шықпас бұрын ауа райы жағдайы мен жолдардың ашықтығы туралы ақпаратты қадағалауға кеңес береді.

Жергілікт...

Бизнес бастау үшін шотыңызда бірнеше миллиондар болуы керек емес. Бар болғаны 500 мың – 1 млн теңгеге де кәсіп бастап кетуге болады. Бастысы – дұрыс бағыт таңдау, клиенттер табу және тиімді маркетинг жүргізу. Бұл мақалада сондай бизнес идеялар, сатуға болатын платформалар және клиенттерді қалай табуға болатыны жайлы айтамыз.

Фото және видео қызмет. Егер сіздің фото не видео түсіруге қабілетіңіз болса, жеке фотограф немесе видеооператор ретінде кәсіп бастап кетсеңіз болады. Алда жаз маусымы, той-томалақ жиі өтеді. Сапалы фотосессия жасап беретін мамандарға сұраныс көбейеді.

Клиенттерді қайдан табуға болады?

Израиль әскері сейсенбіге қараған түні ХАМАС қозғалысының сектордағы нысандарына жойқын әуе және артиллериялық соққы жасады. Бұл шешім елдің саяси басшылығының бұйрығынан кейін жүзеге асырылған. Газадағы билік әуе шабуылдары мен атқылау салдарынан ондаған адам қаза тапқанын хабарлады.

Израильдің ресми мәлімдемесі

Израильдің Қорғаныс армиясы (ЦАХАЛ) мен Шин-Бет қауіпсіздік қызметінің бірлескен мәлімдемесінде:

«Саяси басшылықтың шешіміне сәйкес, Израиль әскері ХАМАС террористік ұйымына тиесілі нысандарға ауқымды шабуыл жасап жатыр,» – делінген.

Израиль премьер-министрінің кеңсесі бұл әрекетті ХАМАС-тың кепілдегі адамдарды босатудан бас тартуымен түсіндірді.

«Бұл – ХАМАС-тың біздің тұтқындарды босатудан бас тартуының салдары. Израиль...

АҚШ пен Ресей арасындағы қарым-қатынастар соңғы жылдары санкциялар, әскери қақтығыстар және саяси текетірестермен күрделене түсті. Ұзаққа созылған қақтығыс екі тарапқа да экономикалық және саяси тұрғыдан ауыр салмақ түсіріп отыр. Сондықтан тараптар қақтығысты дипломатиялық жолмен шешуге мүдделі болуы мүмкін.

Экономикалық қысым

Ресей: Санкциялар, шектеулер және халықаралық оқшаулану Ресей экономикасына ауыр әсер етуде. Қаржы жүйесінің шектелуі, мұнай мен газ экспортының төмендеуі және капиталдың сыртқа ағылуы Мәскеуді келіссөздерге итермелеуі мүмкін.

АҚШ: Украина мен Таяу Шығыстағы жағдайлар Вашингтонға қосымша әскери және қаржылық жүктеме түсіріп отыр. АҚШ-тың ішкі экономикалық қиындықтары (инфляция, бюджет тапшылығы) Ресеймен қатынасты реттеуді өзекті етуі мүмкін.

Инфографика...

Қосылған құн салығы (ҚҚС) мен корпоративтік табыс салығының (КТС) көтерілуі медициналық қызметтердің қымбаттауына әкелуі мүмкін. Мұндай болжамды Мәжіліс депутаты Асхат Аймағамбетов пен оның әріптестері айтып отыр. Осыған байланысты депутат денсаулық сақтау саласына түсетін салықтық ауыртпалықты жеңілдетуді ұсынуда.

ҚҚС мөлшері медициналық қызметке қалай әсер етеді?

Аймағамбетов қазіргі уақытта медициналық қызметтер ҚҚС-тан босатылғанын еске салды. Алайда жаңа Салық кодексінде Үкімет бұл салаға 10% мөлшерлеме енгізуді жоспарлап отырғанын мәлімдеді.

«Алғашында біз әріптестерімізбен бірге бұл мөлшерлемені 5%-ға дейін төмендетуді ұсындық. Қазір онкология, паллиативтік көмек (хоспистер), инсультті емдеу, мүмкін, босандыру және басқа да әлеуметтік маңызы бар медициналық қызметтерді ҚҚС-тан...

Telegram негізін қалаушы Павел Дуров Франциядан Дубайға оралғанын мәлімдеді. Десе де, билік танымал мессенджердегі қылмыстық әрекеттерді тергеп жатыр.

Дуровқа қарсы іс

Дуров 2024 жылдың тамыз айында Париж маңындағы әуежайда ұсталған болатын. Оған Telegram арқылы жасалған қылмыстар, соның ішінде есірткі саудасы, балаларды жыныстық эксплуатациялау материалдарын тарату бойынша алдын ала айыптар тағылды. Дуров барлық айыптауды жоққа шығарды.

Бұған дейін оған Франциядан шығуға тыйым салынған болатын, 5 млн еуро көлемінде кепіл ақша төлеуге міндеттеліп, аптасына екі рет полицияға тіркелуге міндеттелді.

Дегенмен 15 наурызда AFP агенттігі француз билігінің шарттарды жеңілдетіп, Дуровқа елден уақытша кетуге рұқсат бергенін хабарлады.

Алматыда Halyk банкі филиалдарының бірінде қарақшылық шабуыл жасалғаны туралы хабарлама полицейлерді аяғынан тік тұрғызды. Әлеуметтік желіде Достық даңғылында бірнеше полиция көліктері тұрған кадрлар тарала бастады.

Kursiv.Media редакциясы оқиғаның мән-жайын анықтау үшін Алматы қаласы полиция департаменті мен Halyk Bank өкілдеріне хабарласты.

«Алматы қаласының полиция департаментінің жедел басқару орталығының «102» каналына белгісіз адам қылмыс туралы хабарлаған. Оқиға орнына бірнеше патрульдік полиция көліктері жіберілді. Бірақ банкке барған кезде шабуыл болмағаны анықталды», — деп мәлімдеді Алматы қаласы полиция департаменті.

Полиция қызметкерлері қоңыраудың жалған екенін анықтаған. Қазіргі уақытта құқық қорғаушылар телефон арқылы әзілдемек болған тұлғаны іздеп жатыр. Сондай-ақ оған қатысты жауапкершілік...

Әлеуметтік желіде әке-шешесінің оқымаған намазы мен ұстамаған оразасына артында қалған бала-шағасына підия төлеу қажет екені, оның өтемі ретінде ұстазға үй алып беруге болатыны туралы видео тарады. Kursiv.Media редакциясы әке-шешесі үшін балаларына салынатын мұндай «діни салықтың» қаншалықты орынды екенін білу үшін ҚМДБ-ға сауал жолдаған болатын.

Видео туралы

Әлеуметтік видеода ер адам уағыз айтып отырып, підия құны 18 млн теңгеге шығып кететінін айтып, бұл ақшаға бір ұстазға үй алып беруі керек екенін мәлімдеген.

«Бұл шариғатта бар нәрсе. Біреулер «підияны мынаған бер» десең, жаны шығып кетіп жатыр. Олар підияның орнын, пітір садақасымен жапсақ дейді… «Әкем...

Германияның Гера қаласында ер адам трамвайдың ішінде бір әйелді өртеген. Ертеңіне полиция 46 жастағы күдіктіні ұстады.

Риа новости ақпаратына қарағанда, бұл туралы Германияның құқық қорғау органының баспасөз қызметі хабарлаған.

Оқиға өткен жексенбі, 16 наурыз күні болған. Тюрингия федералды өлкесіне қарасты Гера қаласында белгісіз біреу трамвайда әйелдің үстіне тез тұтанатын сұйықтық құйып жіберген. Артынша от жағып, киіміне от қойып, қашып кеткен.

Жәбірленуші әйел ауыр жарақат алған. Алайда басқа жолаушылар зардап шекпеген. Полиция дереу іздеу жариялады. Көп күттірмей, ер адам полицияға өз аяғымен келіпті.

«Іздестіріліп жатқан адам бүгін таңертең Гера қаласындағы жергілікті полиция бөліміне өзі келіп, қарсылықсыз...

Жоғарғы соттың қылмыстық істер жөніндегі сот алқасы Бас прокурордың наразылығы бойынша Qazaq Вanki бұрынғы акционері, марқұм Бақыт Ибрагимге шыққан үкімді қарады деп хабарлайды KursivMedia.

Айта кетейік, 2020 жылы Ибрагим Bank RBK-дан 144 млрд теңге жымқыру ісі бойынша Жомарт Ертаевпен бірге айыпты деп танылды. Соның негізінде 8 жылға бас бостандығынан айырылған болатын. Алайда аппеляциялық сот оның жазасын 7 жылға төмендеткен. 2024 жылы ақпан айының басында Бақыт Ибрагимнің бостандыққа шыққаны хабарланған. Алайда наурызда оның қайтыс болғаны белгілі болды.

Қылмыстық іс аясында Бақыт Ибрагимнен Астана және Алматы қаласындағы бірнеше жылжымайтын мүлік тәркіленді. Оның ішінде Астана қаласы Байтұрсынов көшесіндегі Highvill Astana тұрғын үй...

2025 жылдың қаңтар айында зейнетақы жинақтарының жалпы көлемі азайды. Бұл жағдай инвестициялық кірістің төмендеуі және бюджет қаражаты есебінен төлемдердің жүргізілуімен байланысты.

Салымшылар саны артқанымен, жинақ көлемі төмендеді

2025 жылғы 1 ақпандағы жағдай бойынша міндетті зейнетақы жарналарын жасаған салымшылар саны 2 709 адамға көбейіп, 11 143 824 адамды құраған. Ал ерікті зейнетақы жарналарын төлеушілер саны 441 494-ке жетті (+2 282 адам). Сонымен қатар міндетті кәсіптік зейнетақы жарналары бойынша шоттар саны 717 408-ге дейін өсті (+3 330 адам).

Алайда бұл оң көрсеткіштерге қарамастан, жалпы зейнетақы жинағының көлемі азайды. 2025 жылдың басынан бері жинақталған қаражат 186,4 млрд теңгеге (-0,8%) кеміп...

2024 жылдың аяғынан бері Қазақстандағы турфирмалар Мемлекеттік кіріс комитетінен 2022–2023 жылдар үшін 20%-дық корпоративтік табыс салығын (КТС) төлеу жөнінде ескерту алған.

Салықшылар қатты қателеседі

Туроператорлар өкілдерінің айтуынша, фирмалардың кейбірінен бірнеше миллиард теңгеге дейін салық төлеуді талап еткен.

Қазақстан туристік қауымдастығының директоры Рашида Шәйкенова осындай талап қойған салықшылар қатты қателеседі деп мәлімдеді.

«Салықшылар туроператорлардың бүкіл ақша айналымынан, яғни шетелдегі әріптестеріне аударылған сомадан 20% КПС төлеуді талап етіп отыр. Өйткені олар соның бәрін резидент еместердің Қазақстаннан тапқан табысына жатқызған.

Жалған түсінік. Себебі туроператорлар айналымнан бар болғаны 1-5% ғана табыс көреді. Қалған 95-99%-ы – қонақүйлер қызмет...

«Шымбұлақ» тау шаңғысы курортының сол жақ Талғар ауданында қар көшкіні жүрді. Оқиға салдарынан 35 жастағы Ресей азаматшасы қаза тауып, тағы екі адам зардап шекті

ҚР Төтенше жағдайлар министрлігінің мәліметінше, қар көшкіні Алматы тауларында 3160 метр биіктікте жүрген.

«2025 жылғы 17 наурызда Сол жақ Талғар ауданында 3160 метр биіктікте көлемі шамамен 50 текше метр болатын қар көшкіні болды. Алдын ала деректер бойынша, оны көшкін қаупі туралы ескертулерге мән бермеген фрирайдерлер тудырған», – делінген хабарламада.

Шаңғышылар сырғанау кезінде тау беткейін кесіп өтіп, қардың қозғалуына себепкер болған. Соның салдарынан үшеуі де көшкін астында қалды.