Жаңалықтар

Америка биржасы инвестициялық қорының биткоины – Bitcoin ETF бір айдан аса уақыттан бері 5,5 млрд доллардан айырылды. Ол Дональд Трамп билікке келгелі бері құнын жоғалта бастаған.

Bitcoin ETF неге құнсызданып жатыр?

Bloomberg агенттігінің мәліметінше, кейінгі бес аптада инвесторлар 12 ETF-тен 5,5 млрд доллардан аса қаражат шығарып алған. Себебі олар АҚШ президенті Дональд Трамптың жаңа салық саясаты басталмай жатып құнын жоғалтуы мүмкін активтерден құтылуға ұмтылған. Инвесторлардың осындай әрекеті Трамп Ақ үйге қайта оралған уақытта басталған.

Осының өзі криптоинвесторлардың да АҚШ, Еуропа және Қытай арасындағы сауда соғысына көз тікіп отырғанын аңғартады.

«Биткоин және криптовалюта жалпы...

Президент Қасым-Жомарт Тоқаев Қытайдың СNNC компаниясының бас директоры Шэнь Яньфэнді қабылдап, атом энергетикасы саласындағы ынтымақтастық перспективасын талқылаған. Бұл туралы Ақорда хабарлады.

Қасым-Жомарт Тоқаев Шэнь Яньфэнге Қазақстанның атом энергетика саласын дамыту жөніндегі жоспарын таныстырып, таяуда Ядролық энергетика агенттігі құрылатынын айтқан.

Сондай-ақ президент Қытай Халық Республикасының атом энергетикасында көшбасшы саналатын CNNC тәжірибесіне Қазақстан тарапының үлкен қызығушылық танытып отырғанын жеткізген.

Қытайлық компания өкілі президентке CNNC-дің Қытайдағы және одан тысқары жерлердегі жобалары туралы айтқан.

«Әңгімелесу барысында атом энергиясын бейбіт мақсатта пайдаланатын озық технологияларды зерделеу және қазақстандық мамандарды оқыту бағытындағы ықпалдастық мәселелері қарастырылды», – делінген Ақорда хабарламасында.

Астана, Алматы сияқты елдегі ірі қалаларда такси нарығының шамамен 90%-ы Яндекске тиесілі және бұл көрсеткіш жыл сайын өсіп келе жатыр. Мұндай мәліметті Бәсекелестікті қорғау және дамыту агенттігі төрағасының орынбасары Болат Самбетов келтірді.

Агенттік өкілінің айтуынша, «Яндекс.Таксидің» тарифтеріне мониторинг жүргізілген. Аудит барысында  шетелдік сарапшылар тартылып, баға  белгілеу жүйесі салыстырылып қаралған. Осының нәтижесін ескерген агенттік «Яндекс.Такси» комиссиясының мөлшерін азайтуды ұсынып отыр.

«Яндекс.Такси» қазір тек осы қалаларда ғана емес, әсіресе Астана мен Алматыда монополист болып отыр – бүгінгі таңда нарықтың шамамен 90%-ы осы компанияға тиесілі. Ол жыл сайын өз монополиялық позициясын күшейтіп келеді, яғни қазіргі уақытта бұл шамамен...

«Қазақстан автокөлік одағы»  (ҚАО) мәліметінше, 2025 жылғы ақпан айында 15 мыңнан аса жаңа жеңіл автомобиль, 755 жүк көлігі мен автобус сатылды. Бұл былтырғыдан шамамен 30% көп.

Жалпы 2025 жылғы қаңтар-ақпан айларында республикада 27 мыңнан аса автокөлік сатылды (2024 жылдағыдан 15,7% жоғары көрсеткіш).

Автоұйым ақпандағы сауда көлемі қаңтардағыдан 40%-ға жоғары болғанын атап өтті.

Hyundai көш басында

Қазір Қазақстандағы бюджет дағдарысы мемлекеттік қарыздың күрт өсуімен тұспа-тұс келіп тұр. Бұл Қазақстанның борыш нарығындағы тәуекелін арттырып, алатын қарызды тым қымбат етуі мүмкін. Halyk Finance сарапшыларының айтуынша, осылай кете берсе ел нетто-кредитор мәртебесін жоғалтуы ықтимал.

Бұл дегеніміз – елдің сыртқы қарызы оның беретін несиелерінен асып кетеді. Осы жағдай салдарынан инвесторлар үшін Қазақстанның қарызын сатып алу қауіпті болып көрінуі мүмкін, сондықтан мемлекет қарыз алған кезде оған жоғары пайыздық мөлшерлеме (тәуекел сыйақысы) белгіленеді.

Қарыз процентінің өсуі және Ұлттық қор трансферттерінің қысқаруы – бюджет тапшылығын қаржыландыруды қиындатады.Қазіргі кезде Қаржы министрлігі осы мақсатта нарықтан қарық тартыду одан әрі арттырып, екі есе көп қарыз...

Енді бөтен адамның электронды цифрлы қолаңбасын (ЭЦҚ) қолданғаны үшін айыппұл түріндегі әкімшілік жауапкершілік қарастырылған. Есеп беру кезінде заң бұзбас үшін не істеу керек? Цифрлық даму, инновациялар және аэроғарыш өнеркәсібі министрлігі түсіндірді.

Есеп беру кезінде ЭЦҚ-ны айыппұл төлемей қолданудың мынадай тәсілдері ұсынылған:

Заң талаптары бұзылмас үшін заңды және жеке тұлғаларға ресми сенімхат рәсімдеуі керек.

«Қазақстан Республикасының «Электрондық құжат және электрондық цифрлық қолтаңба туралы» Заңының 10-бабының 3-тармағына сәйкес, заңды тұлғаның басшысы немесе оны алмастыратын тұлға осы заңды тұлғаның қызметкеріне немесе оның тағайындаған тұлғасына (соның ішінде аутсорсингтік ұйымдарға) электрондық құжатқа...

Астана халықаралық әуежайы 2025 жылғы 22 сәуір мен 7 мамыр аралығында елорда әуе кеңістігінде уақытша шектеулер енгізілетінін хабарлады. Бұл өзгерістер Ұлы Отан соғысындағы Жеңістің 80 жылдығы мен Отан қорғаушы күніне арналған әскери парадқа дайындықпен байланысты.

Әуежайдың баспасөз қызметінің хабарлауынша, осы уақыт аралығында әскери авиацияның оқу-жаттығу ұшулары жүргізілетіндіктен, жолаушылар рейстерінің ұшу және қону уақытында өзгерістер болуы мүмкін.

Әуежай жолаушыларға алдын ала рейс кестесін тексеріп, қажетті ақпаратты әуе компанияларының ресми арналарынан немесе әуежайдың ресми сайтынан алуға кеңес береді.

Айта кетейік, бұған дейін Қазақстанда Жеңістің 80 жылдығына орай мерейтойлық медаль бекітілетіні белгілі болды. Сондай-ақ, Ұлы Отан соғысының ардагерлеріне 5 миллион теңгеден төлеу...

Табиғат туралы деректі фильмдер көру, жабайы табиғатты тамашалау адамның ауырсыну сезімін едеуір жеңілдетеді.

The Independent ақпаратына қарағанда, Эксетер университеті мен Вена университетінің ғалымдары осындай ұйғарымға келіп отыр. Олар табиғатпен байланыстырған кезде мидың ауырсынуды өңдеу тәсілі өзгеретінін анықтаған.

Ауруды басатын дәріні жартылай алмастыра алады

Ғалымдар мынадай қызық тәжірибе жасаған. 49 адамның миын бақылап, сканерлеген. Оларға әртүрлі бейнелер көрсетіп, ара-тұра жеңіл түрде тоқ ұрғызған. Табиғат көріністерін көрсеткен кезде олардың ауырсыну деңгейі азайған. Ал қала немесе кеңсе көріністері кезінде зерттеуге қатысушылар ауырсынуды қаттырақ байқаған.

Ауырсынуды басатын дәрінің күшіне тең болмаса да, табиғатты тамашалау мұндай дәрі-дәрмекті жартылай алмастыра алатыны анықталып отыр.

«ҚазТрансОйл» (КТО) акционерлік қоғамының былтырғы таза пайдасы 41 млрд 577,97 млн теңге болды. Бұл 2023 жылмен салыстырғанда 26,6%-ға көп.

17 наурызда «ҚазМұнайГазға» еншілес «ҚазТрансОйл» 2024 жылдың қорытынды есебін жариялады.

Былтыр ҚТО-ның шоғырландырылған түсім көлемі 311 млрд 900,1 млн теңге болды. Бұл 2023 жылмен салыстырғанда 7,4%-ға жоғары. Бұған қоса, компанияның жеке түсімі 258 млрд 660,6 млн теңге болды (2023 жылға қарағанда 7,3% артық).

«ҚазТрансОйл» былтыр мемлекеттік бюджетке 41,3 млрд теңгені салық және басқа төлемдер түрінде төлеген. Бұл 2023 жылмен салыстырғанда 3%-ға артық.

ҚТО 2024 жылы 44,887 млн тонна мұнай тасыған. Компания құрлықта 5,3 мың км, ал суда 2,3 мы...

Қазақстанда көп балалы отбасыларға берілетін жәрдемақының ең төменгі мөлшері – 63 030 теңге. 8 және одан да көп бала болса, оларға 4 АЕК-тен яғни әр балаға 15 728 теңгеден бөлініп отыр. Бұл биылғы жылдың көрсеткіші. Еңбек және әлеуметтік қорғау министрлігі елдегі көпбалалы және награда алған аналарға мемлекеттен қанша сомада жәрдемақы берілетінін жария етті.

Министрлік ұсынған мәліметке сенсек, бүгінге дейін көпбалалы және наградталған 848,6 мың отбасыға жалпы сомасы 99,9 млрд теңгеге мемлекеттен жәрдемақы төленген.

«Оның ішінде: көпбалалы отбасыларға берілетін жәрдемақымен – 606,9 мың отбасы 86,9 млрд теңгеге; наградталған анаға берілетін жәрдемақымен – 241,8 мың адам 13 млрд теңгеге қамтылды...

Таза энергетикаға көші мен электромобильдер қатарының артуына байланысты әлемде сирек металдарға деген сұраныс артып келеді. Бұл ретте Астана халықаралық қаржы орталығы (AIFC) сарапшыларының пікірінше, осы сұранысқа сай сирек маталдарды Қазақстан ұсына алады.

Орталықтың зерттеуі бойынша, елде экспорттық әлеуетке ие 9 тауар тобы бар. Олардың қатарында Қазақстан қазірдің өзінде экспорттап отырған металдар және болашақта әлеуеті ашылуы тиіс пайдалы қазбалар енген.

Қазақстан қандай металдарды экспорттайды?

АҚШ енді Украинадағы соғыс кезінде Ресей әскерилері жасаған қылмыстарды тексермейді. Бұл туралы The New York Times басылымы хабарлаған.

Басылымның хабарлауынша, АҚШ әділет министрлігі еуропалық шенеуніктерге Америка Құрама Штаттарының Украинаға басып кіруге жауапты жетекшілерді, соның ішінде Ресей президенті Владимир Путинді тергеу үшін құрылған жұмыс тобынан шығатыны туралы хабарлама жіберген.

«Украинаға қарсы агрессиялық қылмысты қудалау жөніндегі халықаралық жұмыс тобына Байден әкімшілігі 2023 жылы қосылған. Ал одан шығу туралы шешім Трамп әкімшілігінің украиндықтарға қарсы жасалған қылмысы үшін Путинді жауапкершілікке тартпайтынын білдіреді», – деп жазады басылым.

АҚШ өз шешімі туралы бүгін, 17 наурызда топ ұйымының мүшелеріне...

Маңғыстау облысында 6 жыл бойы ауаға шикі газ жаққан компания мемлекетке 8,4 млрд теңге зала келтірген. «Бузачи Оперейтинг Лтд» компаниясы келтірген шығынды толық өтеді.

Маңғыстау облысының прокуратурасы тексеріс жүргізіп, Buzachi Operating Ltd компаниясының заң бұзғанын анықтаған. Компания алты жыл бойы мұнай мен газ өндіріп, шикі газды рұқсатсыз жаққан және мұнай-газ шығындарына жол берген.

Сот компанияны 8,4 миллиард теңге көлемінде шығынды өтеуге міндеттеді. Компания сот шешіміне қарсы шағымданғанымен, апелляциялық сот оны өзгеріссіз қалдырды.

Наурыз айында компания мемлекетке барлық шығынды толық өтеген.

Аталмыш компания 2014 жылы құрылған. Маңғыстау облысындағы Солтүстік Бозашы кен орында шикі мұнай мен ілеспе газ өндіру және...

«Кенесары ханның бас сүйегін қайтару тарихты түбегейлі өзгертеді. Бұл – ежелгі рухты оятып, Қазақстанның күшеюіне әкеледі».

Жасанды интеллект осындай ұйғарым жасаған. Тіпті, бас сүйектің қайда жасырылғаны жөнінде де өз болжамы бар.

Шоқан Уәлиханов атындағы Тарих және этнология институтының мәліметінше, Кенесары Қасымұлы 1841–1847 жылдары барша қазақтың ханы болған. Шыңғыс тұқымы. 1837–1847 жылдар аралығында Ресей империясына қарсы ұлт-азаттық күрестің басшысы. Қоқан хандығына да қарсы әскери қимылдар жүргізген.

«Мәселе – тарихта емес, билікте»

Жасанды интеллект Кенесарының бас сүйегінде тылсым күш барлығы жайында сөз етіп отыр.

«Қазақтың соңғы ханы Кенесарының бас сүйегі – тарихи жәдігер емес...

Алматы облысы Қарасай аудандық мәслихатының экс-депутаты мемлекеттен жымқырған қаражатқа көлік сатып алып, казиноға жұмсаған. Қазір осы іске қатысты Қаржылық мониторинг агенттігі тергеу жүргізіп жатыр.

Күдікті мемлекеттен субсидия алу үшін Алматы облысының ауыл шаруашылығы басқармасына таңқурай сатып алатыны туралы жалған құжат ұсынған.

«Бұл кірістерді жылыстату үшін күдікті 21 жеке кәсіпкермен көшеттерді орау, тиеу, түсіру жұмыстарын орындау үшін жалған келісімшарттарды қамтитын көп деңгейлі схеманы әзірлеген, бірақ іс жүзінде бұл жұмыстар орындалмаған. Аталған жалған келісімдер мен төлем құжаттары негізінде 431 млн теңге қолма-қол қаражат алынды», – деп хабарлайды агенттіктен.

Ал ұрлаған қаражатты заңды түрде пайдалану үшін...

Ұлыбритания Ресейдің Украинаға басып кіруіне қарсы тұру үшін қақтығыс аймағына шексіз мерзімге өзінің бітімгерлік контингентін жіберуді ойластырып жатыр. Бұл туралы The Times басылымы хабарлады.

Басылымға бұл туралы Ұлыбританияның лауазымды тұлғаларының бірі хабарлаған. Дереккөз әскердің бейбітшілік келісімін сақтап, Ресейді тежеу ​​үшін жіберілетінін айтқан. Сонымен бірге дереккөз Ұлыбритаия премьер-министрінің бейбітшілік сақтау мақсатында батыс одақтастарымен бірге әскер жіберуге қатысты міндеттеме алуға дайын екенін жеткізген.

Алдағы бейсенбі, 20 наурыз күні Лондонда қорғаныс басшылары кездесіп, бітімгершілік күштерді қайда орналастыратынын нақтылайтыны айтылған. Жалпы Украинаға
Ұлыбритания, Франция, Түркия, Канада және Аустралия сияқты елдер бітімгершілік әскерін жіберуді ойластырып жатыр. Барлық ел бірігіп, жалпы 30 мыңға жуы...

Қазақстанда алтын бағасы қатты қымбаттады. Ұлттық банктің ресми бағамына сәйкес, бағалы металдың 1 грамы 48,7 мың теңгеге жеткен.

Ресми бағам бойынша алтын өткен жұмадағы 46,9 мың теңгеден 48,7 мың теңгеге жеткен. 3 күнде 1 грамы бірден 2000 теңгеге қымбаттады. Ал бір унция алтынның құны 1,5 млн теңгеден асады.

Бұл – рекордық көрсеткіш. 2023 жылдан бері бағасы көтеріліп келе жатқан алтын құны былтыр 40% қосты. 2024 жылдың көктемінде алтынның 1 грамы 31 мың теңге тұратын.

Бағалы металдың бағасы әлемдік нарықта да шарықтап, 1 унциясы 3000 долларға жақындап қалды.

Алтын бағасының күрт қымбаттауына не себеп?

Шетелдік БА...

2017 жылдан бері «Қазақстан Тұрғын үй компаниясы» 252 құрылыс компаниясына 1,2 трлн теңгеге кепілдік берген. Соның нәтижесінде 68 мыңнан астам үлескердің қаражаты қорғалды деп хабарлайды компаниядан.

Кепілдік беру үлескерге де және құрылыс компаниясына да артықшылық береді. Біріншіден, үлескердің қаржысына 100% қорғайды. Егер жоба банкротқа ұшыраса, құрылыс «Қазақстан Тұрғын үй компаниясы» есебінен аяқталады.

Кепілдік берілген жобалардың ең көбі:

Бүгінде Қазақстанда «Тұрғын үй құрылысына үлестік қатысу туралы» заңға сәйкес, құрылыс салушының үлескерлердің қаражатын тартуы...

Шымкентте мемлекетке 640 млн теңге залал келтірген компания басшысы 3 жылға сотталды. Бұл туралы Шымкент қалалық прокуратурасының баспасөз қызметі хабарлады.

Баспасөз қызметінің хабарлауынша, прокуратура салық заңнамасының сақталуын қамтамасыз ету мақсатында көлеңкелі экономикаға қарсы іс-шаралар барысында тексеріс жүргізген.

Тексеріс барысында «A» ЖШС құрылыс компаниясының жұмысынан біршама олқылықтарды анықтаған. Компания өзіне жүктелген міндеттемені орындамаған. Компания қағаз жүзінде тауарларды тиеп, жөнелткені туралы жалған шот-фактура жазып, іс жүзінде ешқандай қызмет жүргізбеген болып шықты.

Бұған қоса, жұмысшыларына зейнетақы, әлеуметтік және жеке табыс салығын төлемегені әшкереленді.

«Нәтижесінде мемлекетке 640 миллион теңгеге залал келтірілді», – делінген прокуратура хабарламасында.

АҚШ президенті Дональд Трамп 18 наурызда Ресей президенті Владимир Путинмен сөйлесіп, Украинаға қатысты келіссөздерде «активтерді бөлісу» мәселесін талқылайды.

Трамп соғысты аяқтауға тырысады

Құрама Штаттар президенті дүйсенбіге қараған түні Флоридадан Вашингтонға ұшып келе жатқан уақытта Air Force One бортындағы журналистерге осылай деп мәлімдеді. Трамптың айтқандарын Reuters агенттігі таратты.

«Сейсенбі күні мен президент Путинмен сөйлесем. Демалыс күндері көптеген шаруа атқарылды», – деп мәлімдеді Трамп.

Құрама Штаттар басшысы Путинмен атысты 30 күнге доғару мәселесі бойынша уәдесін алуды көздейді. Өткен аптада Украина уақытша бітімге келуге келіскен.

«Осы соғысты аяқтауға шамамыз жетеме ме...

Наурыз – қазақ халқы үшін Жаңа жылдың бастауы ғана емес, сонымен қатар молшылық пен бірліктің мерекесі. Бұл күні басты тағам – Наурыз көже дайындалады.

Наурыз көже – жеті түрлі тағамнан жасалады. Бұл жеті саны – қазақ дәстүрінде қасиетті саналып, жеті түрлі дәм өмірдің барлық қырын қамтиды деген түсінік бар. Көженің құрамындағы әрбір ингредиент өзіндік мағынаға ие:

Қазақстанда әлеуметтік нысандар салу және инфрақұрылымдық жобаларды жаңғырту бойынша жобаларға 194 млрд теңгеден астам қаражат жұмсалады. Бұл қаржы Арнайы мемлекеттік қордан бөлінеді.

«Мемлекет басшысының заңсыз шетелге шығарылған активтерді қайтарудан түскен қаражатты әлеуметтік мәселелерді шешуге бағыттау туралы тапсырмасы әлеуметтік инфрақұрылымды жаңғыртудың тиімді құралына айналды. Арнайы мемлекеттік қордан білім беру, денсаулық сақтау, спорт, әлеуметтік қамсыздандыру салаларындағы 280-ге жуық жобаны іске асыруға, сондай-ақ инженерлік желілер мен су құрылыстарын жаңғыртуға 194 млрд теңгеден астам қаражат аударылды», – деп жазылған үкімет сайтында.

Арнайы мемлекеттік қор 2023 жылы құрылған. Шетелден қайтарылған қаражат осы қордағы бақылау шотына жиналады. Оған «Мемлекетке...

Қазақстан соңғы алты жылда түрлі қиын кезеңдерден өтті. Пандемия, геосаяси шиеленіс, Қаңтар оқиғасы, су тасқыны. Осы қиындықтарды еңсеру жолында қандай шаралар атқарылды? Бұл сұраққа премьер-министр Олжас Бектенов өз есебінде жауап берген.

Бектенов өз есебінде Қасым-Жомарт Тоқаев басшылық еткен соңғы 6 жылда Қазақстан түрлі сынақтарға тап болғанына қарамастан, экономикасында біршама жақсы нәтижелерге қол жеткізгенін атап өткен.

«2024 жылдың соңында ЖІӨ 288 млрд долларды құрады. Жан басына шаққандағы ЖІӨ 14 мың доллардан асты. Қазақстан табысы жоғары елдер тобына едәуір жақындады», – дейді премьер-министр.

Мұнайдан тыс салалар дами бастады

Үкімет есебінде президенттің мұнайдан...

2025 жылы Қазақстан 150 мыңға жуық автомобиль шығаруды жоспарлап отыр. Бұл туралы Өнеркәсіп және құрылыс министрлігі хабарлайды.

Министрліктің мәліметінше, биыл республиканың автокөлік өндірісі 5%-ға артып, 149 мың жеңіл көлік шығарылады.

Екі автомобиль зауыты іске қосылады

2025-2035 жылдары министрлік металлургия, машина жасау және химия өнеркәсібі салаларында 9 ірі жобаны жүзеге асырады. Олар жобалық қуатына жеткенде өндірілетін өнім көлемі шамамен 7,3 млрд доллар болады деп болжанды.

Тоғыз жобаның екеуі 2025 жылы іске қосылады: