Жаңалықтар

Украина президенті Владимир Зеленский АҚШ президенті Дональд Трамптың Киевке әскери қолдауының өтеуі ретінде сирек металдардың жартысын беру туралы ұсынысынан бас тарту себебін айтып берді. Бұл туралы Униан басылым хабарлады.

Оның сөзінше, Трамп елдің қауіпсіздігіне кепілдік бермеген.

«АҚШ пайдалы қазбалар туралы құжатта көрсетілгеннің 50%-ын алғысы келді. Бірақ онда қауіпсіздік кепілдіктері туралы бірде-бір сөз жоқ. Онда нақты ештеңе көрсетілмеген. Мен мемлекетті сата алмаймын», – деді Зеленский журналистерге.

Зеленский сондай-ақ Трамптың «АҚШ Украинаға 500 млрд доллар көмек берді» деген сөзін терістеді. Оның айтуынша, соғыс елге 320 млрд долларға түскен.

«Оның 120 миллиардын украин...

Наурыз айынан бастап пойыз билеттері қымбаттайды. Бұл туралы Көлік министрлігі Теміржол және су көлігі комитеті төрағасының орынбасары Нұржан Келбуғанов айтты.

«1 наурыздан бастап инфляцияға қатысты индексация жасалып, пойыз билеттері қымбаттайды. Бұл жыл сайынғы шара. Былтыр инфляция 20%-дан асып түскен кездің өзінде бізде билеттер 7%-ға ғана қымбаттады. Биыл да баға осы көлемде ғана өседі», – деді комитет өкілі.

Айта кетсек, бүгін, 19 ақпанда, Көлік вице-министрі Талғат Ластаев қосылған құн салығы көтерілсе де, пойыз бен әуе билеттеріне баға өспейтінін айтқан болатын. Министрлік өкілі теміржол билеттері субсидияланатынын, сол себепті ҚҚС-тің көтерілуі билет құнына еш...

Алдағы күндері ел аумағында күн райы күрт өзгереді. Бұл туралы «Қазгидромет» хабарлады.

Синоптиктердің болжамынша, елдің солтүстік аймақтарына антициклон әсер етіп, аяз болса, оңтүстікте керісінше күн жылиды.

«Оңтүстік циклон оңтүстік аймақтарға әсер етеді – баяу жылжып, күндізгі ауа температурасының біртіндеп 10-15 жылуға дейін көтерілуіне әкеледі» делінген хабарламада.

«Қазгидромет» мәліментінше, алдағы үш күнде оңтүстік астана – Алматыда ауа температурасы 4-7 аралығында жылы болады. Қызылордада ауа температурасы +3 градустан +10 градусқа дейін көтерілсе, Шымкент пен Түркістанда 15 градус жылы болады. Таразда 13 градусқа дейін көтеріледі.

Төтенше жағдайлар қызметі күннің жылуынан оңтүстікке су тасқыны қаупі төнетіні туралы хабарлады...

Еуроодақ елдері Ресейге қарсы санкциялардың жаңа пакетін мақұлдады. Бұл жолы Брюссель алюминий өнеркәсібі мен мұнай экспортын шектеуді одан сайын күшейтуді көздейді.

ЕО-ға мүше 27 ел санкциялардың жаңа пакетін 19 ақпан күні таңертең мақұлдады.

Қаржы мекемелері де бар

Financial Times басылымының санкция мазмұнымен таныс дереккөздерінің айтуынша, шектеулердің Ресейдегі тағы 13 банкке, мұнай шикізатын заңсыз экспорттайтын 73 танкерге қатысы бар.

Бұған қоса, ЕО Ресейдің алюминий өнімдерінің белгілі бір түрлерін одақ елдеріне сатып алуға біртіндеп тыйым сала бастайды.

Дереккөздер мәліметінше, пакетке Ресейге Украинаға қарсы соғыс жүргізуіне көмектесіп отырған компаниялар мен жекелеген азаматтардың көбі кірген.

Reuters агенттігінің хабарлауынша, «қара тізімге...

Goldman Sachs инвестициялық банкінің сарапшылары 2025 жылдың соңына дейін алтынның бағасы 9%-ға қымбаттауы мүмкін деп болжайды. Егер АҚШ-тың импортқа салатын баж салығын көтеруіне байланысты үлкен сауда соғысы басталса, алтын құны 30%-ға дейін өсуі ықтимал.

Goldman Sachs компаниясы алтын бағасының өсуіне қатысты өз болжамын жаңартты. Сарапшылардың пікірінше, жыл соңына дейін алтынның бағасы 3,1 мың долларға дейін жетуі мүмкін. Бұған дейінгі болжам 2,89 мың доллар болған. Оған орталық банк тарапынан алтынға деген сұраныс (айына шамамен 50 тонна) және алтын құймаларын сатып алатын қорларға (ETF) инвестицияның артуы әсер етеді.

Сонымен қатар сарапшылар АҚШ президенті Дональд Трамптың импорттық баж салығын одан әрі арттыруы...

Кейбір адамдар арасында «Арақ ішкен адам қырық күннен кейін ғана ораза ұстай алады» деген түсінік бар. Осыған байланысты Қазақстан мұсылмандары діни басқармасы мәлімдеме жасады.

ҚМДБ мәліметінше, oраза белгілі бір уақытта орындалатын ғибадат. Рамазан айы келгенде әрбір мұсылман ораза ұстауға міндетті. Егер адам оразадан бұрын арақ ішіп қойған болса, бірақ кейіннен шынайы тәубе етіп, жаман әдетін доғарса, оның oраза ұстауына ешқандай кедергі жоқ.

Жалпы, шариғат бойынша оразаның қазасын өтеу міндетті. Егер адам оразасын әдейі бұзса, кейін сол күндердің қазасын өтейді. Себепсіз оразаны бұзу үлкен күнә болып саналады.

Қандай жағдайда ораза ұстамауға болады?

Шариғат кейбір жағдайларда ғана ораза ұстамауға...

Депутат Жанарбек Әшімжан TikTok-ты шектеуді ұсынды. Бұл туралы премьер-министр Олжас Бектеновке жолдаған сауалында айтты.

Депутаттың мәліметінше, соңғы екі жылда платформаға 14,1 млн қазақстандық тіркелген. Платформаның негізгі тұтынушылары жастар мен санасы қалыптаспаған балалар екенін айтып, зиянды контентті шектеп, платформа жұмысын реттеуді ұсынды.

«Құмар ойындарды жарнамалау, стримдер арқылы әдепсіз әрекеттер көрсету, боқауыз сөздер, порнография, суицидке шақыру, діни уағыздардың оңды-солды таралуы, буллинг, тыйым салынған заттардың жарнамасы секілді теріс әрекеттерге шақыратын лас ақпараттар осы TikTok арқылы таралып жатыр», – дейді депутат.

Шетел тәжірибесі

Айтуынша, бірнеше ел платформаға шектеу енгізген. Мысалы Ресей, Қырғызстан, Өзбекстан, Тәжікстан...

Мәжіліс депутаты Магеррам Магеррамов «шетелдік агенттер» туралы заң қабылдауды ұсынған әріптесі Ирина Смирноваға қарсы «ұйымдастырылған қудалау» жасалды деп санайды. Оның пікірінше, бұған депутаттың бастамасын қолдамайтын Батыс елдері тапсырыс берген.

Магеррамов желіде Смирнова туралы жалған ақпарат таратып балағаттау мен буллинг науқаны жүріп жатқанын айтады. Ол осыған байланысты құзырлы органдарға арыз түсірілгенін жеткізді.

«Депутатты, әйелді ренжіткен адамдар жауапсыз қалмайды. Арыз түсіріліп қойды, барлығы сараптамаға берілді, барлық қажетті шара қабылданды. Әлеуметтік желілерде жазғанымдай, біз жолдастарымызды бұл қиындықпен бетпе-бет қалдырмаймыз», – деді Мәжіліс кулуарында.

Магеррамов Смирноваға жасалды делінген кибербуллингтің артында шетелдік ұйымдар қаржыландыратын адамдар тұруы мүмкін деп болжайды.

Қазақстандық дипломаттар Каспий құбыры консорциумына жасалған шабуыл мәселесін украин тараппен талқылайды. Бұл туралы СІМ-нің ресми өкілі Айбек Смадияров хабарлады.

«Бұл Қазақстан экономикасы үшін өте маңызды мәселе және біз әрине бұл жағдайды украиналық серіктестерімізбен дипломатиялық арналар арқылы талқылайтын боламыз», – деді ол Kursiv Media-ға.

17 ақпанда украиналық дрондар тобы Каспий құбыры консорциуымындағы «Кропоткинская» мұнай станциясына шабуыл жасалды. Ол желі арқылы Қазақстаннан өндірілетін мұнайдың 80%-ы тасымалданады.

Каспий құбыры – Қазақстан үшін маңызды маршруттың бірі. Әзірге оның орнын алмастыра қоятын балама бағыт та жоқ. Сарапшы Абзал Нарымбетов геосаяси мәселе шешілмейінше, қауіп әрдайым туындай беред...

2025 жылғы 1 ақпандағы мәліметтерге сәйкес, Орталық депозитарийдің номиналды ұстау жүйесіндегі (KCSD) брокерлік шот саны 3 723 941 жетті. Оның ішінде 686 679 ұстаушылардың қосалқы шоттарына, ал 3 037 262 омнибус-шоттар арқылы есепке алынатын ұстаушылардың брокерлік шоттарына тиесілі.

Қазақстандық инвестордың портреті қандай

Инвесторлардың гендерлік құрылымы бұрынғы үрдісті сақтауда: әйел инвесторлар 49,8%, ал ер инвесторлар 50,2%-ды құрайды. Бұл тұрақты тепе-теңдік 2023 жылдың сәуір айынан бері сақталып келеді.

Инвесторлардың жас құрылымы бірнеше негізгі топтарға бөлінеді:

19 ақпаннан 20 қараған түні футбол әлеміндегі ең тартысты кездесулердің бірі – «Реал Мадрид» пен «Манчестер Сити» арасындағы Чемпиондар лигасының қарымта ойыны өтеді.

Матчты қайдан көруге болады?

Қазақстандық футбол сүйер қауым бұл ойынды «Qazsport» телеарнасынан тамашалай алады. Тікелей эфир сағат 00:50-де басталады.

Алдыңғы ойын қалай өтті?

«Этихад» стадионында өткен алғашқы кездесуде мадридтіктер 3:2 есебімен жеңіске жетті. Өзбекстандық жас қорғаушы Абдухолик Хусанов алғашқы ойында алаңға шықпаған еді. Бүгінгі матчта Хусанов Килиан Мбаппе мен Винисиус Жуниорға қарсы төтеп беру үшін алаңға шығуы мүмкін.

Solidcore Resources plc. қазақстандық «Банк ЦентрКредитпен» келісімге отырды. Қаржы ұйымы компанияға жеті жыл мерзімге 60 млн долларға дейін несие бермекші. Бұл туралы Solidcore Resources сайтында жазылған.

Алынған қаражат кәсіпорындарда күн және газ поршенді электробекеттердің құрылысына жұмсалады.

Атап айтқанда, Варваринск кен орнында қуаттылығы 40 МВт болатын газ поршенді электрбекеті және қуаты 23 МВт болатын күн станциялары салынады. Сондай-ақ Қызыл кен орнында 17 МВт болатын тағы бір күн энергиясымен жұмыс істейтін бекет іске қосылады.

Жоба жүзеге асырылса, Solidcore Resources көмір электрстанциялары өндіретін энергияға балама қуат табылады. 2023 жылмен салыстырғанда ауаға шығарылатын зиянды заттар көлемін 27%-ға азайтады. Сыртқы энергия көздеріне тәуелділік...

Депутат Арман Қалықов «Қазақмыс» кенішіндегі қайғылы жағдайдан соң, кәсіпорындардағы қауіпсіздік бақылауын күшейтуді талап етті. Мәжілісмен кәсіпорындардағы қауіпсіздік шараларын күшейту үшін арнайы мемлекеттік орган құру қажет деп санайды. Оны тікелей Премьер-министрге  ғана бағынышты ету керектігін ұсынды.

Қарағандыдағы үш бірдей шахтада жұмыс жасаған депутат өндірістегі жазатайым оқиғаларға немқұрайлы қараған Үкімет пен Ұлттық экономика министрлігін сынның астына алды. Оның айтуынша, «Қазақмыс» нысандарындағы қайғылы оқиғалар компанияның өнеркәсіптік қауіпсіздікке немқұрайлы қарайтынын көрсетеді.

«Сандар өздігінен-ақ бәрін айқындап тұр. 2023 жылы Балқаш мыс балқыту зауытында және Шығыс Жезқазған кенішінің №57 шахтасында монтажшы мен тау-кен шебері қаза тапты. Қараша айында Жезқазғандағы №2 байыту фабрикасында...

Мәулен Әшімбаев пен Қарақат Әбілдинаны не байланыстырады? Бірі – Сенат Төрағасы, екіншісі – өнер жұлдызы. Бір қарағанда, екеуі – екі әлем өкілдері. Екі танымал тұлғаның өмірбаянында басын қосатын бір кезең бар екені қатты қызықтырып отыр.

Жұлдыздар мектебі

Бір қызығы, Сенат төрағасы Мәулен Әшімбаев отырған партада Қарақат Әбділдина да отырған. Бейбіт Қорған, Тоқтар Серік, Тамара Асар сол мектептің дәлізінде жүгірген. Ақбота Керімбекова, Нұрлан Албан да Сенат төрағасымен бір мектепті тәмамдаған.

Мәулен Әшімбаев пен Қарақат Әбілдина оқыған мектеп Алматы қаласында орналасқан. Оны «жұлдыздар мектебі» деп айтсақ та, көп қателеспейміз. Танымал композитор Кеңес Дүйсекеев те осы ұядан ұшқан. Әңгіме...

2025 жылы Алматыда жаңа Astana Motors Manufacturing Kazakhstan мультибренд зауыты іске қосылады. Онда Changan, Chery және GWM (Haval мен Tank) секілді Қытай автокөліктері құрастырылады.

Өндіріс көліктің төрт түрін шығарумен басталады, бірақ кейін басқа да автокөлік құрастыру көзделіп отыр. Бұл туралы Kursiv.Media-ға Astana Motors өкілі айтып берді.

Қытай автокөліктерінің түрлері

Қазақстанда әуелі Chery Tiggo 2 PRO, Haval Jolion, Tank 300 және Changan CS55 Plus құрастырыла бастайды. Өндіріс 2025 жылдың алғашқы жартысында іске қосылады деп жоспарланған. Содан кейін зауыт басқа да Қытай автокөліктерін шығаруды қолға алады. Тағы қандай автокөліктер құрастыруға болатыны туралы келіссөз жүріп жатыр. Тізімді автоөндірушілермен келістіру қажет.

18 ақпанда Лондон қор биржасында (LSE) мен Қазақстан қор биржасында (KASE) Air Astana компаниясының акциялары күрт қымбаттады.

Лондон қор биржасында әуе компаниясының акциялары 5,2%-ға өсті. Ал KASE-де бағалы қағаздар 6,1%-ға қымбаттады. Қазақстан қор биржасында компания акциялары 764 теңгеден жоғары сатылып жатыр.

Сарапшылар болжамы

Freedom Broker сарапшылары Air Astana акцияларын бұлай күрт қымбаттауына аса маңызды себеп көріп отырған жоқ. Дегенмен бұл өсімге компанияның 2024 жылғы 30 сәуірде басталған bayback бағдарламасының бірінші кезеңінің аяқталуы ықпал етуі мүмкін. Бағдарлама аясында компания 4,6 миллионнан астам акциясын 8,2 млн АҚШ долларына сатып алған.

«Бұдан бөлек, біз инвесторларды...

Ресейлік «Газпром нефть» компаниясына еншілес «Газпром Нефть – Қазақстан» жанармай құю бекеттері желісі «Алатау Преиум Мұнай» болып қайта тіркелді.

Соған байланысты компанияның елдегі май құю бекеттері бұрынғы атауын жасырып, жаңасына көшуге әрекеттеніп жатыр. Осындай бекеттердің бірі брендті ақ материалмен бүркелеп қойғанына OilgazKZ Telegram-арнасы назар аударған.

Ашық дереккөздердегі мәліметтерге қарағанда, «Алатау Премимум Мұнай» 2021 жылы Алматы облысы Боралдай кентінде тіркелген. Оның бұрынғы атауы – «Газпромнефть-Казахстан Операционная Компания». Ол 2025 жылғы 5 ақпанда атауын өзгерту арқылы қайта тіркелген. ЖШС-ның жалғыз құрылтайшысы – ресейлік «ГПН-Операционное Управление».

2022 жылғы ақпанда Ресей Украина аумағына басып кіргеннен кейін, Еуроодақ, АҚШ, Ұлыбритания және басқа да елдер...

Қазақстанда құрылыс компаниияларына ҚҚС мөлшерлемесін 16%-ға дейін көтеру ұсынылып отыр. «Бұл бастама тұрғын үй бағасына әсер етуі мүмкін бе» деген сұраққа Мәжіліс кулуарында Ұлттық экономика вице-министрі Азамат Әмрин жауап берді.

Оның айтуынша, Үкімет бизнес өкілдері мен сарапшылармен кездесіп, олардың ұсыныстарын тыңдаған. Алдағы бір-екі күнде осы ұсыныстарды жинақтап, Мәжіліс қарауына кіргізеді.

Вице-министр сондай-ақ инфрақұрылымдық алымның талқыланып жатқанын атап өтті.

«Инфрақұрылымдық алым қазір талқылануда. Оның түпкілікті шешімі жоқ, бірақ менің ойымша, оны ҚҚС-пен қамту дұрысырақ», – деді ол.

Азамат Әмрин 2023 жылы Қазақстанның ЖІӨ көлемі 135 трлн теңгені құрағанын, оның 17,5%-ы көлеңкелі экономикаға тиесілі екенін атап өтт...

АҚШ президенті Дональд Трамп Сауд Арабия астанасында Украинадағы соғысты тоқтату бойынша Ресеймен өткен келіссөзден кейін Украинаны айыптай сөйледі. Бұл туралы ВВС-дің орыс қызметі жазды.

«Мен олардың келіссөздерге қатыса алмағанына ренжігенін естідім. Бірақ оларда бұл мүмкіндік үш жыл бойы және одан да бұрын болды. Бұл мәселені өте оңай шешуге болатын еді», – деді ол Флоридадағы резиденциясында BBC тілшісінің сұрағына жауап беріп.

Владимир Зеленский бұған дейін Эр-Риядтағы Ресей-АҚШ кездесуі Киев үшін күтпеген жағдай болғанын айтып, соғысты тоқтату туралы шешім Украинаның қатысуынсыз қабылданбауы керек екенін мәлімдеген

Зеленскийге қарсылық

Bloomberg агенттігінің дереккөзіне сүйенсек, Сауд Арабиясының та...

Депутат Бақытжан Базарбек «Қазақмыстың» жекенің қолына қалай өткенін тексеру керек деп санайды. Бұл туралы депутат KursivMedia тілшісінің сұрағына берген жауабында айтты.

«18 ақпан күнгі комитет отырысында сіз «Қазақмысты» мемлекетке қайтару мәселесін көтердіңіз. Осыған дейін «АрселлорМиттал Теміртау» компаниясын шетел инвесторынан алып, отандық инвесторға бердік. «Қазақмысты» да солай, отандық инвестордан алып, басқа инвестор іздеуге тура келе ме? Ол қаншалықты мүмкін және орынды?», – деп сұрады редакция тілшісі.

Депутат «Қазақмыс» компаниясының қалай жекешелендірілгенін, қандай шарттар негізінде сатып алынған тексеретін уақыт жеткенін айтады.

«Қазақмыстың» жекеменшікке өту себебі мен негіздерін тексеру керек. Мұндағы айтпағым, кез-келген жекешелендіру...

Мәжіліс депутаты Дәулет Мұқаев блогерлердің салықтан жалтару мәселесіне байланысты пікір білдіріп, мандаты ақталған соң «блогерлік жұмысқа ораласыз ба» деген сауалға жауап берді.

Депутат салықтан жалтарды делінген блогерлердің тізімі шындыққа сай, я сай емесін білмейтінін, салық органдарының өзі бұған нақты түсінік бермей отырғанын атап өтті. Алайда ол салық арқылы креативпен айналысуға шектеу қойылмауға тиіс екенін баса айтты.

Сондай-ақ депутат мандаты аяқталған соң, «блогерлікке қайта ораласыз ба» деген сұраққа жауап берді.

Депутат өзінің қызметі блогерлік емес, ағартушылық екенін айтты.

«Блогер деген бірінші кезекте мамандық емес. Менің мамандығым экономист, философия ғылымдарының докторымын. Математиканы үйреткенім бар, Ұлттық университетті бітірген со...

Мәжілістің жалпы отырысында ғимараттар мен құрылыстарда, онлайн-платформалар мен бұқаралық ақпарат құралдарында (БАҚ) букмекерлік кеңселер мен тотализаторлардың жарнамасына тыйым салу туралы түзетулер қабылданды. Бұл туралы Мәжіліс депутаты Нартай Аралбайұлы хабарлады.

Алайда, депутаттың айтуынша, бұл шектеу спорттық іс-шаралар өткізу кезінде спорт нысандарының ішінде орналасқан жарнамаларға, букмекерлік кеңселердің интернет-ресурстары мен спорттық БАҚ-тағы жарнамаларға әсер етпейді.

«Бұдан бөлек, отандық телеарналар халықаралық спорт жарыстарын тікелей эфирде көрсеткен кезде, букмекерлік кеңселер мен ұтыс ойындарының жарнамасын тарата алады. Сонымен қатар түзетулер ұялы байланыс операторларына электронды казинолар мен онлайн-казиноларды жарнамалауға, сондай-ақ абоненттік құрылғыларға құмар ойындар мен бәс тігулерге қатысты жарнамалық мәтіндік хабарламаларды жіберуге тыйым...

Мәжіліс депутаты Айдос Сарым мемлекеттің Байқоңыр ғарыш айлағына байланысты жоспарын бөлісті.

Оның сөзінше, айлақтан Ресейдің басы бүтін кетіп қалуы белгілі бір мәселелер тудырады.

«Бізде қазір ол жерде 60-70 мың халық тұрады. Егер Ресей Байқоңырдан біржола кететін болса… қазір олардың екі космодромы бар, егер сол жаққа технологиясымен түгел ауысатын болса, онда біз 70 мың халықты көшіріп, жұмысқа орналастырып, жағдайын жасауымыз керек», – дейді депутат.

Депутат бүгінде мемлекет Байқоңырды барынша бейбіт, халыққа, экологияға барынша кем әсер ететін технологиялармен жалғастыруды мақсат етіп отырғанын мәлім етті.

Ресей Байқоңыр ғарыш айлағын Қазақстаннан 2050 жылға дейін жалға алған. Келісімге сай, Ресей...

Ақтауда «ҚазМұнайГаздың» еншілес ұйымы – «Ойл Транспорт Корпорейшэн» компаниясының басшыларына қатысты сот ісі жүріп жатыр. Мұнай-сервис компаниясының бұрынғы басшыларына бас компанияға ірі көлемде зиян келтірді, 11 млн теңгені жымқырды деген айып тағылған.

Алайда журналист Ботагөз Омарова айтуынша, еншілес компанияның «ҚазМұнайгазға» ешқандай шығын келтірмегені туралы құжат қолдарында бар. Бірақ Қаржы мониторингі агенттігінің тергеушілері бұл құжатты іс материалдарына қоспаған көрінеді.

Нәтижесінде журналист тергеуде бір жылдан аса жатқан адамдар заңсыз қамауға алынғанына сенімді. Осы ретте Қаржы мониторингі агенттігі төрағасының орынбасары Жеңіс Елемесовтен «компания басшыларының кінәсіздігі сотта дәлелденсе, Маңғыстау облысы бойынша экономикалық тергеп-тексеру департаментінің басшысы Ержан Бөлегенов қызметінен кете ме және іст...