Жаңалықтар

Ресей президенті Владимир Путин санкцияға қарамастан, Каспий құбыры консорциумының (КҚК) жөндеу жұмыстары үшін қажетті құрылғылары елге кіргізуді ұсынды. Консорциум инвесторларының қатарында Қазақстан да бар.

Путин не деді?

18 ақпанда кешке Путин үкімет мүшелерімен жиналыс өткізіп, КҚК мұнай өңдейтін станциясына дрондардың шабуыл жасауына қатысты пікір білдірді.

Оның түсіндіруінше, КҚК тек ресейлік емес, халықаралық ұйым. Тиісінше жөндеу жұмысына шетелдік инвесторлар да атсалысуы керек.

«Менің түсінуімше, өнімді бөлу бойынша келісімге сай ол (КҚК – ред.) шетелдік акционерлерге тиесілі. Шабуыл нәтижесінде болған шығынды есептеуге де сол компанияның өкілдері қатысады. Нысанды қалпына келтіру мүмкіндігі мен мерзімін бағалайды. Ендеше...

Көлік вице-министрі Талғат Ластааев қосылған құн салығы көтерілсе де, теміржол және әуебилеттері қымбаттамайтынына сенімді. Айтуынша, теміржол билеттері субсидияланады. Ал әуе билеттері арзанға алу үшін алдын-ала сатып алуды ұсынды.

«Пойыз билеттері қымбаттамайды. Пойыз жолаушыларының билеттері субсидияланады. Сол себепті теміржол билеттерінің тарифі үкіметпен қадағаланады», – деді вице-министр үкімет сағатынан кейінгі брифингте.

Ластаев әуе билеттерінің де қымбаттамай қоймайтынын айтады. Жалпы билеттерді арзан алу үшін вице-министр әуе билеттерін ертерек сатып алуды ұсынды. Баға алған уақытына байланысты құбылып тұрады Сол себепті ҚҚС-тің көтерілуі билет құнына айтарлықтай әсер ете қоймайды-мыс. Десе де, вице-министр бағалардың сәл көтерілуі мүмкін екенін де жоққа...

Қайырымдылыққа жиналған қомақты қаржыны ұрлады деген айыппен қамалған «BizBirgemiz Qazaqstan» қайырымдылық қорының жетекшісі Перизат Қайраттың ісін тергеу аяқталуға жақын. Бұл туралы Қаржылық мониторинг агенттігі төрағасының орынбасары Жеңіс Елемесов мәлім етті.

Тергеу қашан аяқталады

«Қазіргі уақытта тергеу амалдарын аяқтап қалдық. Жуық арада тергеудің біткенін хабарлап, іс материалдарымен танысу кезеңіне өтеміз. Танысу қанша уақытқа созылатынын нақты айта алмайтын», – деді Мәжіліс кулуарында журналистердің сұрағына берген жауабында.

Оның айтуынша, іс материалдары он томнан асқан. Сот қашан өтетіні тараптардың іс материалдарымен толық танысып шығуына байланысты болмақ. Тергеу шамамен наурыз айының басында аяқталуы мүмкін.

Жаңа эпизод...

Ақтаудағы ұшақ апатының тергеу қорытындысы жыл соңына дейін жарияланады. Бұл туралы Көлік вице-министрі Талғат Ластаев хабарлады.

Ұшақ апатын тергеу орталығы құрылмақ

Вице-министрдің айтуынша, елімізде авиациялық оқиғаларды тергеу көрсеткіші 51%-ды құрайды. Бұл – Халықаралық азаматтық авиация ұйымының (ИКАО) қауіпсіздік бағалауындағы 8 маңызды критерийдің бірі. Қазақстан бұл көрсеткіш бойынша ең төменгі деңгейде қалып отыр.

«Ахуалды жақсарту үшін жыл соңына дейін жоғары білікті мамандарды тарта отырып, қажетті жабдықтармен қамтамасыз етілген ұшақ апаттарын тергеу жөніндегі арнайы орталық құру жоспарланып отыр», – деді Ластаев.

Ақтаудағы әуе апатының қорытынды есебі қашан жарияланады?

Министрлік Ақтау маңында...

Курорттық аймақтарда әуежай салуға 118 млрд теңге жұмсалады. Бұл туралы Үкімет сағатында Көлік вице-министрі Талғат Ластаев айтты.

Вице-министрдің айтуынша, Қатонқарағай, Зайсан және Кендірлі курорттық аймақтарында өңірлік шағын авиацияға арналған жаңа әуежай жобалары жүзеге асырылады. Оған шамамен 117,7 млрд теңге жұмсау көзделіп отыр.

«Қазіргі уақытта құрылыс маусымына қажетті дайындық шаралары жүргізілуде. Үш әуежайдағы ұшу-қону жолағының параметрлері – 2 200 х 35 метр. Жобалардың жалпы құны – 117,7 млрд теңге», – деді Ластаев.

Министрлік өкілі бұл әуежайларда ATR-72, Q-400 Bombardier сияқты сыйымдылығы 74 орыннан тұратын шағын өңірлік ұшақтар пайдаланылатынын айтты. Үш аймаққа үш ұша...

Мәжіліс депутаты Ерлан Саиров Шерзат Полаттың өліміне күдіктілердің тергеу изоляторында туған күн тойлап жүргенін азаматтардың сезімін таптау деп бағалады.

Депутат түзеу мекемелеріндегі жемқорлық фактілерін жоққа шығармайды.

«Ішкі істер министрлігі жағдайды телефонына түсірген қызметкер мен оның басшысы жұмыстан кеткенін айтып отыр. Меніңше, бұл мәселені ары қарай қылмыстық деңгейде қарастыру керек. Өйткені ол азаматтардың осылай видео жасауы қоғамды сыйламауы, адамдардың сезімін таптауы деп білемін», – деді депутат Мәжіліс кулуарында.

Журналистер Саировтан уақытша ұстау изоляторында күдіктілер емін-еркін телефон қолданып, жүріп тұратынына қылмыстық-атқару жүйесі комитеті неге жауапкершілік арқаламайтынын сұрады.

Депутат аталған оқиғадан кейін 16 адам жұмыстан шығарылғанын атап...

Мәжіліс депутаты Ринат Зайытов блогерлердің салық төлеу мәселесіне қатысты пікір білдірді. Зайытовтың айтуынша, кейбір блогерлердің табыстарын ашық көрсетіп, өздерінің мақтаншақтығынан салық органдарының назарына ілікті.

«Блогерлер өздері кінәлі.Кейбір блогерлер бар ғой, ақшаны көрсетеді, өтірік көліктерін көрсетеді, мынша табам деп мақтанады. Сосын салық органдары қарап отырмайды да, тексеруге алады», – деді Зайытов.

Салық тексерулері күшейді

Айта кетейік, 13-14 ақпан күндері Мемлекеттік кірістер комитеті (МКК) елдегі 543 блогер, инфлюенсер және танымал тұлғаға салықтық ескерту хаттарын жіберді. Оларға 2022-2023 жылдардағы табыстарын толық көрсетпеді деген айып тағылған.

Көп ұзамай әлеуметтік желілерде осы санатқа кіретін 31 адамның тізімі жарияланды...

Мемлекеттік кірістер комитеті әлеуметтік желіде тараған блогерлер тізіміне қатысты пікір білдірді. Әзірге салық органдары тізімнің рас-өтірігін растамады.

«Тек ресми ақпаратқа сенуге шақырамыз» – дейді мемлекеттік кірістер комиетінің өкілі Kursiv.Media сауалына.

18 желтоқсанда телеграм-арналарда 31 адамның тізімі жарияланды. Ол жерде кәсіпкер, блогер, жүргізушілер, инфлюенсерлер тәрізді танымал тұлғалардың есімдері жазылған.
Аталған тізімге сенсек, әрқайсысы миллиондаған кірісін заңды түрде көрсетпеген.

Ең көп қаражат Бейбіт Әлібековке тиесілі. Ол 2022-2023 жылдар аралығында 2 млрд теңге кірісі бойынша есеп бермегені көрсетілген.

Екінші орында Мамадалиева Мадинахон (@madlen) есімді блогер тұр. Ол 500 млн теңгеге жуық табысын заңды көрсетпеген.

Қызығы, мемлекеттік кірістер...

19 ақпан күні таңғы сағат 08:25 шамасында Алматы қаласының Әуезов ауданында қойма отқа оранды. Бұл туралы Төтенше жағдай департаменті хабарлады.

Алматы қаласы Төтенше жағдайлар департаментінің (ТЖД) мәліметінше, қызыл жалын жақын маңдағы үш қабатты әкімшілік ғимараттың шатырына таралған.

«Өрт сөндірушілер оқиға орнына 08:30-да жетті. Жедел штаб құрылып, жалынды сөндіру және ғимаратты қорғау үшін өрт сөндіру шлангілері іске қосылды. Өрт сөндіру көліктері су гидранттарына орнатылып, тұрақты су беру қамтамасыз етілді»,– делінген хабарламада.

Қазіргі уақытта өртті толық ауыздықтау және зардап шеккендер туралы ақпарат нақтыланып жатыр. ТЖД өрттің шығу себебін анықтау үшін тиісті тексеру жұмыстарын жүргізіп жатыр.

Қазақстанның Астана, Алматы, Шымкент, Ақтөбе, Қарағанды, Ақтау қалаларында авиахаб ашылады. Хаб құруға Үкімет 2,1 млрд долар көлемінде инвестиция тартуды көздеп отыр. Бұл туралы Үкімет сағатында Көлік вице-министрі Талғат Ластаев айтты.

«Авиахабтарды дамыту және ел әуежайларындағы жүк ағынын ұлғайту бойынша 6 әуежай анықталды. Осы мақсатта Астана, Алматы, Шымкент, Ақтөбе, Қарағанды, Ақтау әуежайларында инфрақұрылымды жаңарту мен логистикалық процестерді жеңілдетуге бағытталған 5 негізгі шара қарастырылған. Бұл жобаларды жүзеге асыру үшін 2 млрд 100 млн доллар көлемінде жеке инвестиция тарту жоспарлануда», – деді министрлік өкілі.

Ақтаудағы мультимодальды хаб

Ең маңызды хабтардың бірі Ақтау қаласындағы...

13-14 ақпанда Мемлекеттік кірістер комитеті елдегі блогерлер, инфлюенсерлер секілді 543 тұлғаға салық ескертуін жіберді. Олар 2022-2023 жылдар аралығында кірістерін дұрыс көрсетпеген деп отыр. Артынша әлеуметтік желілерде осы санатқа кіретін 31 адамның тізімі жарияланды. Олардың арасында кәсіпкер, жүргізушілер, блогерлер, әнші, журналистер де бар. Бірақ 31 адамның ешқайсысы салық органдарының айыбына келіспейтін тәрізді. KursivMedia солардың бірқатарының пікірін ұсынады.

Өркен Кенжебек: 214 млн теңге төлемегенсің дейді

Салық органдарынан ескерту алған блогердің бірі – Өркен Кенжебек. Оның инстаграмда 231 мың аудиториясы бар, саяхатшы, блогер. Өркенге мемлекеттік кірістер комитеті 2022 жылы 100 млн теңге, 2023 жылы 114 млн теңге табыс есебін дұрыс...

Илон Маск өзінің xAI компаниясы әзірлеген Grok-3 чат-ботының жаңа нұсқасын таныстырды. Бұл жасанды интеллект өнімі OpenAI-дың ChatGPT мен Қытайдың DeepSeek моделіне бәсекелес болу үшін жасалған.

Grok-3 чат ботын X (бұрынғы Twitter) әлеуметтік желісіндегі Premium+ жазылушыларына, сондай-ақ SuperGrok атты жаңа тарифтік жоспар арқылы xAI мобильді қосымшасында және Grok.com сайтында пайдалануға болады.

Kursiv Media Grok 3 чат ботынан ChatGPT-ден қандай артықшылығы бар екенін сұрап көрді.

Көзқарас пен стиль

Grоk: Гумор мен сатираны көбірек қолданады, кейбір жауаптарында Тони Старктың J.A.R.V.I.S.-іне немесе Дуглас Адамстың шығармаларына ұқсас стиль байқалады.

ChatGPT: Пайдаланушыға бейімделген, формальды және бейтарап жауаптар береді, сатира мен иронияны...

19 ақпанда Қазақстанның көптеген өңірінде ауа райы құбылмалы болады. «Қазгидрометтің» хабарлауынша, елдің батысы мен оңтүстігінде жаңбыр мен қар жауады, ал орталық, солтүстік-шығыс және оңтүстік-шығыста ауа райы жауын-шашынсыз өтеді.

Синоптиктердің болжамынша, тұман түсіп, көктайғақ болып, кей жерлерде қатты жел соғады. Әсіресе, батыс және оңтүстік аймақтарда жауын-шашынның көп жауады.

Бұған дейін Солтүстік өңірлерде ауа райының бұзылуына байланысты бірнеше жол жабылған еді. Құтқару қызметтері ауа райының бұзылуына байланысты сақтық шараларын ұстануды сұрайды. Төтенше жағдайлар туындаған жағдайда...

Смартфонның күнделікті өмірімізге біте қайнасып кеткені сонша, телефонсыз бір күн жүру мүмкін емес деген түсінік қалыптасып үлгерген. Бізге керектің бәрі соның ішінде: такси шақырамыз, сатып алған заттың ақшасын төлейміз, картадан керек жерді табамыз, әлеуметтік желі һәм мессенжерді қолданамыз. Мұның бәрі жақсы, әрине. Десе де, онлайн-ортаның кері әсері барын да ұмытпауымыз керек. Оның денсаулыққа зиянын білген соң, арагідік демалыс алып отырған артық болмайды. Смартфоннан қалай демалуға болады? Осы туралы айтайық. 

Әлеуметтік желінің психикалық саулыққа қандай әсері бар?

Бұл тақырыпта әлем ғалымдары аз зерттеу жүргізген жоқ. Әлеуметтік желінің қолданушылардың саны артқан сайын халықтың психикалық саулығы нашарлап бара жатқанын айтып дабыл...

«Транснефть» Каспий құбыр желісі консорциумымен (КҚК) қазақ мұнайын айдау көрсеткіші шамамен 30%-ға қысқаруы мүмкін екенін ескертті. Артынша Қазақстан энергетика министрлігі «отандық мұнайға шектеу жоқ, қабылдау кестеге сай жүзеге асады» деп мәлімдеді.

Қалай дегенмен, 17 ақпанда консорцуимның «Кропоткинская» мұнай айдау станциясының жеті бірдей әскери дрон шабуылына ұшырап, 1,5-2 айға істен шығып қалуы жылдар бойы айтылып жүрген мәселені тағы көтерді. Сарапшылардың пікірінше, Қазақстан экономикасы мұнай экспортына, одан қалды бір ғана мұнай құбырына тәуелді болып барады.

Каспий құбырына тәуелділіктің еселеп артуы

2001 жылы Каспий құбыр желісі консорциумы (КҚК) іске қосылған уақытта Қазақстанның ондағы үлесі әлдеқайда төмен болды. Содан бер...

Ішкі істер министрлігі Еңбекшіқазақ ауданының уақытша ұстау изоляторындағы (УҰИ) видеоның таралуына қатысты қылмыстық іс қозғады. Нәтижесінде 16 қызметкер мен басшы қатаң тәртіптік жазаға тартылды, бір адам жұмысынан босатылды.

Шерзат Полаттың өліміне күдіктілердің туған күн тойлаған видеосын уақытша ұстау изоляторының бұрынғы қызметкері түсірген. Ол өзінің жеке телефонын пайдаланған. ІІМ хабарлауынша, қызметтік тәртіпті өрескел бұзған ол қызметкер шенінен айырылып, теріс себеппен жұмысынан қуылды.

Ал уақытша ұстау изоляторының басшысы лауазымынан босатылды.

«Қызметтік тәртіпті өрескел бұзғаны және тиісінше бақылау жүргізбегені үшін 16 басшы мен қызметкер лауазымнан босатылуға дейін қатаң тәртіптік жазаға тартылды. ІІМ мұндай бұзушылықтарға мүлдем төзбеушілік танытып...

Бұрынғы «Альфа-Банк Қазақстан» басқарма төрайымы болған (қазіргі атауы – Eco Center Bank, ред.) Алина Аникина мен осы қаржы ұйымының басқарма төрағасының орынбасары Серке Қасенов Bereke Bank басқарма құрамына кірді. Бұл туралы банк Қазақстан қор биржасына хабарлады.

Құжатқа сүйенсек, енді Bereke Bank басқарма құрамына үш адам мүше: Андрей Тимченко, Алина Аникина және Серке Қасенов.

Алина Аникина Ломоносов атындағы Мәскеу мемлекеттік университетінің экономика факультетін бітірген. 2012 жылы Қазақстандағы «Альфа-Банкке» шақырылып, ішкі аудит қызметінің басшысынан бастап, қаржы ұйымының басшысына дейін әртүрлі қызметтер атқарды. 2018 жылдан бастап басқарма төрайымы болды. 2023 жылғы сәуірде Bereke Bank басқарма төрағасының орынбасары болып тағайындалды.

Серке Қасенов...

Энергетика министрлігі Каспий құбыры консорциумындағы (КҚК) жағдайға қатысты түсініктеме берді. Ведомствоның түсіндіруінше, қазақстандық мұнайдың тасымалдануына ешбір кедергі жоқ.

«Қазіргі уақытта КҚК тарапынан қазақстандық мұнайға ешбір шектеу жоқ, барлығы графикке сай қабылданып жатыр. «Теңіз-Новороссийск» магистралді мұнай құбыры 2025 жылдың 17 ақпанында Мәскеу уақытымен 02:50-де транзитті режимде іске қосылды. Бірақ «Кропотинская» мұнай өңдеу станциясы қатысқан жоқ», – деп жазылған министрлік таратқан хабарламада.

17 ақпанда КҚК жүйесіндегі «Кропоткинская» мұнай айдау бекетіне жеті әскери дрон шабуылдаған. Осыдан кейін Теңіз – Новороссийск құбыр жүйесінде мұнай тасымалы шектеліп, станция жұмысы тоқтаған еді.

КҚК-ның ресейлік акционері өкілі мұнай бекетін қайта...

«Қазақмыс» шахтасында қайтыс болған жұмысшылардың отбасына мемлекет тарапынан көмек беріледі. Оның көлемі марқұмның асырауында отырған адамдар санына және ең төменгі күнкөріс деңгейіне байланысты деп хабарлады Еңбек және халықты әлеуметтік қорғау министрлігі.

Ведомство өкілдерінің хабарлауынша, қаза тапқан барлық шахтер міндетті әлеуметтік сақтандыру жүйесінің қатысушылары. Сондықтан оларға мемлекеттік жәрдемақымен қатар отбасыларына асыраушысынан айырылу бойынша МӘСҚ-тан әлеуметтік төлемдер беріледі.

Мысалы, шахтердің асырауында бір адам ғана болса, ол отбасына бюджеттен 42 530 теңге, ал МӘСҚ-тен 141 523 теңге төленеді. Егер асырауындағы адам бесеу болса, бұл сома сәйкесінше 127 127 теңге және 335 017 теңгені құрайды. Бұл төлемдер бала 18 жасқа толғанға дейін, ал...

Еуроодақ әскери техника сатып алу үшін Украинаға теңдессіз көмек бермек. Германия сыртқы істер министрі Аннален Бербоктың сөзінше, қаржылай қолдау 700 млрд еуроға дейін жетуі мүмкін деп жазады Berliner Zeitung басылымы.

«Біз бұған дейін болмаған үлкен пакет дайындап жатырмыз. Еуропада енді қауіпсіздік қамтамасыз ететін қаржылай пакет бар. Ол жақын арада болады», – деді Бербок.

Оның сөзінше, Украинаға бейбітшілік тек күшпен келетіндіктен, қару-жарақ пен әскери техникаға өте үлкен қаржы салу қажет.

«Ол үшін Украинаға қауіпсіздікті қамтамасыз ететін ұзақ мерзімді кепілдік, күшті НАТО және Украинаның Еуроодаққа кіруіне қатысты келіссөздер қажет. Еуропалықтар және немістер...

Қазақстан мұсылмандары діни басқармасы 2025 жылғы ораза кестесін жариялады.

Биыл Рамазан айы 1 наурызда басталып, 29 күнге созылады. Наурыздың 26-сынан 27-сіне қараған түн Қадір түні болып бекітілді. Ораза айт 30 наурызда басталады.

Оразаның барлық аймақ бойынша кестесі төменде ұсынылып отыр:

Бұған дейін Оразаға қатысты маңызды нәрселердің топтамасын әзірлегенбіз.

Ресей мен АҚШ делегациясы Сауда Арабиясында өткізіп жатқан кездесулерінің бірінші бөлігін аяқтады. АҚШ Мемлекеттік департаменті Эр-Риядтағы келіссөздерден кейін екі тарап жалпы халықаралық мүдделер бойынша серіктестік орнатуға келістік деп мәлімдеді.

Бұл кездесу – Ресей Украинада соғыс бастағаннан бергі ең ірі келіссөздер. Reuters-тің жазуынша, АҚШ Мемлекеттік департаменті бұл жиынды «алға жылжуға маңызды қадам» деп атады. Екі тарап даулы мәселелерді шешу үшін жұмыс тобын құруға келіскен.

Ал ресейлік делегацияның құрамындағы Ресейлік тікелей инвестициялар қорының бас директоры Кирилл Дмитриев Ресей мен АҚШ өкілдері экономикалық серіктестіктің болашағын, энерготасымалдаушылардың әлемдік бағасын талқылаған. Дмитриевтің айтуынша, Вашингтоннан келген делегация америкалық бизнес ресейлік нарықтан кеткеннен кейін...

Қазақстанның 8 облысы Ресеймен шектеседі. Олар: Солтүстік Қазақстан, Қостанай, Павлодар, Шығыс Қазақстан, Батыс Қазақстан, Атырау, Ақтөбе және Абай облысы. Осы облыстардың Ресеймен сауда-саттық байланысы, өңірлердегі Ресей капиталы мен кәсіпорындары қандай жағдайда?

Демографиялық құлдырау

Ресеймен шектесетін аймақтардың демографиялық жағдайы әртүрлі сипатта. Батыс өңірлерде демографиялық жағдай біршама жақсы. Соңғы он жылда халық саны Атырау облысында 136 243 адамға, Ақтөбе облысында 130 420 адамға, Батыс Қазақстан облысында 69 176 адамға өсті.

Ал Солтүстік және Шығыс Қазақстан өңірлерінде демографиялық ахуал нашарлап кеткен. Соңғы он жылда Қостанай облысының тұрғындары 50 984, Солтүстік Қазақстан облысында 45 856, Шығыс Қазақстан облысында 36 504 адамға...

Ипотека немесе үй салу мәселесі отбасын құрған кез келген адамды мазалайтыны анық. Баспаналы болу – қазақстандықтар үшін жетістіктің, отбасылық бақытқа қол жеткізудің бір көрінісі.

Батыс елдеріндегідей, өмір бойы пәтерде тұру қазақстандықтар үшін сөкеттілік саналады. Сондықтан бұл сұрақ Қазақстанда әрқашанда өзекті. Ипотекаға үй алған дұрыс пе, әлде қолыңда бар қаражатыңа құрылыс бастаған жөн бе? Қазақстандағы нарық жағдайында қайсысы тиімдірек? Kursiv.Media бұл сауалдарға жауап іздеп көрді.

Алдымен нені ескерген жөн?

Жалпы елімізде құрылыс материалдарының құны өсіп жатқаны құпия емес. Ұлттық статистика бюросының мәліметінше, 2024 жылы құрылыс материалдарының бағасы 5,3%-ға, ал ағаш – 15,6%-ға өскен.

Ипотека немесе үй салу...