Жаңалықтар

Әйгілі баскетболшы Майкл Джорданның зәулім үйін айына 230 мың доллар немесе 114 млн теңгеге (1 доллар – 498 теңге, ред,) жалға алуға болады. Оны сатып алған HAN Capital инвестициялық компаниясы жалға бере бастады деп жазады Realtor.com.

«Ерекше шара ұйымдастырсаңыз да, сыйлы қонақтар күтіп алып немесе жоғары деңгейдегі бизнес-демалыс жоспарласаңыз да, бұл үй бақуатты өмірдегі таңғажайып демалыс үшін арналған», – деп жазылған хабарландыруда.

Хайленд-Паркте орналасқан зәулім үйдің 9 жатын бөлмесі, 19 жуыну бөлмесі бар. 14 тұрақ орны, бассейн, теннис корты және гольф ойнауға арналған алаңқай да орналасқан. Сондай-ақ толыққанды баскетбол алаңшасы және сигара бөлмесін...

Мемлекеттік кірістер комитетінің тексеруінше, елдегі 600-ге жуық блогер, инфлюенсер тәрізді танымал тұлғаларға салық төлеу туралы ескерту жіберілген. Олар шамамен 53,3 млрд теңгеге жуық кірісін дұрыс көрсетпеген.

«Түрлі ақпарат көздерінен алынған деректерді ұсынылған салық декларацияларының мәліметтерімен салыстыру қорытындысы бойынша 594 тұлғаларға 53,3 млрд теңгеге сәйкессіздіктер белгіленді, нәтижесінде осы жылдың 13-14 ақпан аралығында «кірістерді төмендету» бұзушылықтары бойынша камералдық бақылау хабарламалары жіберілді», – деп жазылған комитет таратқан хабарламада.

Ведомство мәліметінше, тұлғалардың интернетте әртүрлі оқу курстарын сату, ұтыс ойындарын өткізу, онлайн жарнамалар жариялауына назар аударылған.

Мемлекеттік кірістер комитетінен хат алған тұлғалар 30 күн ішінде қосымша салық есебін...

«Костенко» шахтасындағы апатқа байланысты 10 адамға айып тағылып, іс сотқа жіберілген. Бұл туралы Қарағанды облыстық прокуратурасы хабарлады.

«Қарағанды облысының прокуратурасы Костенко шахтасында кеншілердің қаза табуына қатысты 106 томдық қылмыстық істі сотқа жіберді», – делінген баспасөз хабарламасында.

Сотқа дейінгі тергеу жұмыстарын Бас прокуратураның арнайы прокурорлары мен Ішкі істер министрлігінің мамандары, Сыбайлас жемқорлыққа қарсы іс-қимыл агенттігі, Қаржылық мониторинг агенттігі және Төтенше жағдайлар министрлігі қызметкерлері жүргізген.

Тергеу мәліметтеріне сәйкес, апатқа тау-кен жұмыстары кезінде қауіпсіздік ережелерінің сақталмауы себеп болған. Жарылыс көмір шаңының белгіленген нормадан асып, шамадан тыс шоғырлану салдарынан болған. Нәтижесінде 28 кенші жарақат алып...

Оңтүстік Корея Қытайдың DeepSeek жасанды интеллект (ЖИ) моделін қауіпті деп танып, ел аумағында жүктеуге шектеу қойды. Бұл туралы Кореяның дербес деректерді қорғау жөніндегі комиссиясы ресми түрде мәлімдеді.

Комиссияның хабарлауынша, DeepSeek чат-боты Оңтүстік Кореяның жеке деректерді қорғау заңнамасына сай өзгерістер енгізілгеннен кейін ғана қайта қолжетімді болады.

DeepSeek танымал бола бастаған алғашқы аптаның ішінде-ақ Оңтүстік Кореяда 1 миллион рет жүктеліп, мобильді қосымшалар дүкендерінде сатылым бойынша бірінші орынға шыққан еді.

DeepSeek-ке тыйым салудың себептері

Кореяның дербес деректерді қорғау комиссиясы 15 ақпаннан бастап App Store және Google Play платформаларында DeepSeek-ті жүктеуге тыйым салынғанын растады.

Бұған дейін кейбір мемлекеттік органдар өз қызметкерлеріне...

«Халал» сертификат – өнім шариғат заңы бойынша дайындалғанын, барлық талаптарға сай екенін білдіретін құжат. Ол тауар тек мұсылмандар ғана арналады деген сөз емес. Бизнес ортада өнімінің сапалы екенін дәлелдеу үшін де халал сертификат алады.

Қандай өнімдерге халал сертификатын алуға болады?

«Халал» сертификатын алу үшін қандай талаптарға сай болу керек?

Ет өнімдері халал деген талапқа сай болу үшін малдың басын құбылаға қаратып, Алланың атымен пышақпен бауыздау керек. Басты...

Қасым-Жомарт Тоқаев Ұлытау облысының «Қазақмыс» кенішінде қаза тапқан жұмысшылардың отбасына көңіл айтты. Бұл туралы Ақорда хабарлады.

«Мемлекет басшысы Ұлытау облысында кеншілердің қаза табуына байланысты көңіл айтты», – делінген хабарламада.

Президент Қасым-Жомарт Тоқаев «Қазақмыс» корпорациясының Ұлытау облысындағы кенішінде тау массасының құлауына байланысты қаза болған кеншілердің туған-туыстары мен жақындарына көңіл айтып, жеделхат жолдаған.

Бұдан бөлек президент Үкіметке қайғылы оқиғаның мән-жайын мұқият тексеруді тапсырған. Ал салалық ведомстволар мен өңір әкімдігіне қаза болған кеншілердің отбасына қажетті көмек беруді міндеттеген.

Апат туралы

Кеніште апат 17 ақпан күні кешкі уақытта болды.  Төтенше жағдайлар министрліг...

Канаданың Торонто қаласында Delta Airlines компаниясына тиесілі Bombardier CRJ900LR ұшағы қону кезінде аударылып, борттағы 18 адам түрлі жарақат алды. Бұл туралы BBC хабарлады.

Ұшақта 76 жолаушы мен 4 экипаж мүшесі болған. Көпшілігі аман-есен эвакуацияланды. Лайнер N932XJ борттық нөмірімен Delta Connection бренді аясында Edeavor Air әуе компаниясы арқылы Миннеаполис – Торoнто бағыты бойынша рейс жасаған.

Апат себебі анықталып жатыр. Канада Көліктегі қауіпсіздік басқармасы оқиғаның мән-жайын тергеуді бастады.

Алғашқы мәліметтер бойынша, бала мен екі ересек жолаушы ауыр жарақат алғаны айтылған еді. Алайда Торонто әуежайының басшысы Дебора Флинт кейінгі брифингте ауыр жарақат алғандар жоқ екенін растады.

«Миннеаполистен...

Ұлытау облысы Жаңаарқа ауданындағы «Жомарт» кенішіндегі іздестіру-құтқару жұмыстары барысында құтқарушылар тобы «Қазақмыс» корпорациясының жеті жұмысшысының денесін тапты.

Олардың жеке басының ақпараты анықталып жатыр деп хабарлайды Төтенше жағдайлар министрлігі. Таңғы сағат 8:00-ден кейін құтқарушылар жетінші адамның да денесін тапты.

Министрлік мәліметінше, қазір оқиғаның мән-жайын анықтау үшін тергеу жүріп жатыр.

Үкімет комиссия құрды

Бұл уақытта премьер-министр Олжас Бектеновтің тапсырмасы бойынша Ұлытау облысында шахтадағы апат себептерін анықтау және зардап шеккендерге көмек көрсету жөніндегі арнайы комиссия құрылды.

Комиссияны премьер-министрдің орынбасары Қанат Бозымбаев басқарды. Вице-премьерге мемлекеттік органдар мен ұйымдардың жұмысын үйлестіру үшін апат орнына шұғыл түрде бару тапсырылды.

ТЖМ мәліметінше...

Oninvest.com сайты ақпараттық контенттен және акциялар деректер базасынан тұрады. Пайдаланушы әлемдік нарықтар туралы сарапшылардан маңызды жаңалықтар мен сараптаманы алады, сондай-ақ 50 000-нан астам эмитенттердің акциялары туралы инвестициялық талдауды көреді.

Журналистік материалдар мен деректер базасындағы ақпараттар инвестицияға қызықты компаниялардың негізгі трендтерін бақылауға, сондай-ақ мүмкін болатын инвестициялар үшін ерекше нысандарды табуға көмектеседі. Арнайы бөлім ретінде small caps – АҚШ-тың орта және шағын капитализациясы бар компаниялары туралы ақпараттық лента ұсынылған.

Сайттан бөлек, жобаның редакциясы Oninvest телеграм-арнасын және апталық e-mail жаңалықтар таратылымын дамытып жатыр. Эмитенттер деректер базасы PRAAMS сервисімен бірлесіп әзірленген.

Oninvest.com қаржылық инвесторы – қазақстандық кәсіпкер, қаржыгер Тимур Турлов. Жоба Алматыда...

Ұлытау облысы Жаңаарқа ауданындағы «Қазақмыс корпорациясы» ЖШС-ның «Жомарт» кенішінде апат болды. Салдарынан 7 адам үйінді астында қалды.

Ресми дерекке сүйенсек, 640 метр тереңдіктегі шахтада тау массасының құлаған. Кабельдердің үзілуіне байланысты  үйінді астында қалған кеншілермен әзірге байланыс жоқ.

«Құлау аймағының артында шахтаның 7 қызметкері қалды. Қазіргі уақытта «АСС Сериктес» ЖШС құтқару бөлімшелерімен авариялық-құтқару жұмыстары жүргізілуде.  Оқиға орнына дереу Ұлытау және Қарағанды облыстары ТЖД күштері мен құралдары, оның ішінде кинологиялық есептоптар, Қазақстан ТЖМ Апаттар медицинасы орталығының медицина қызметкерлері мен психологтары дерек жіберілді», – деп хабарлады ТЖМ баспасөз қызметі.

ТЖМ Командалық орталығы және Ұлытау облысының ТЖД базасында жедел...

FlyArystan әуе компаниясының борт жолаушылары 19 сағат бойы Ақтөбеден Астанаға ұша алмай әуежайда отыр. Рейстің не себепті кешігіп жатқанына қатысты компания түсініктеме берді.  

Онлайн рейс кестесіне сәйкес, ұшақ 18 ақпан күні сағат 00:15-те ұшады.

«2025 жылғы 17 ақпанда Ақтөбе — Астана бағытында қатынайтын FS7394 рейсі техникалық себептерге байланысты кешіктірілуде. Осы рейстің жолаушыларына сусындар, тамақтану және қонақүйде тұру қызметтері ұсынылды. Сондай-ақ, жолаушыларға өзге рейске тегін қайта брондау немесе толық ақшасын қайтару мүмкіндігі берілді»,- деп хабарлады  әуекомпаниясының баспасөз қызметі.

FlyArystan көрсетілген қолайсыздықтар үшін кешірім сұрап, қауіпсіздік компанияның басты басымдықтары екенін еске салды.

«Қазіргі уақытта...

8 мыңға жуық инфлюенсерлер, блогерлер, спортшылар мен танымал тұлғалар 14 ақпаннан бері салық органдарынан «хат» алып жатыр. Осылай деген қазақстандық танымал блогер Әлішер Елікбаев әлеуметтік желіде жазба жариялады. Оларға 2022-2023 жылдары төленбеген салықтар үшін миллиардтаған теңге қарыз есептелгенін мәлім етті.

Салық органдары блогерлер, вайнерлер, инфлюенсерлер мен әзілкештер салықтық төлемдеріне қатысты тексеріс жүргізіп, оларға қомақты сомада қарыз тағайындаған. Тізімде Геннадий Головкиннің де аты аталған.

«Жалпы, 8 мың адамға осындай ескерту хаттар жіберілген деген ақпарат бар. Блогерлер, инфлюенсерлер, вайнерлер, тіпті спортшылар да бар. Оларды салықтық жауапкершілікке тарту үшін толық тексеріс басталған секілді. Себебі біз әлеуметтік желілерде «бай-бағлан» өмірді көрсетеміз...

Қазақстан 2024 жылы Еуразиялық экономикалық одақ елдері арасында өнеркәсіп өндірісінің ең төменгі өсу қарқынын көрсетті – 2,7%. Бұл көрсеткіш орташа одақ деңгейінен (4,5%) айтарлықтай төмен. Бұл туралы Еуразиялық экономикалық комиссияның (ЕЭК) шолуында айтылған.

Өткен жылдың қаңтар-желтоқсан айларында өнеркәсіп өндірісінің өсу қарқыны бойынша Қырғызстан көш бастап тұр. Бұл елде көрсеткіш 5,5%-ға өскен. Одан кейінгі орында Беларусь (5,4%), Армения (4,7%) және Ресей (4,6%) елдері.

Қазақстанда өңдеу өнеркәсібі айтарлықтай қарқынмен дамып, бір жылда 5,9 %-ға өсті. Желтоқсан айында қарашаға қарағанда, өсім 13,1%-ға  артқан. Алайда сумен жабдықтау, кәріз жүйесі және қалдықтарды жинау мен тарату саласында  0,3%-дық төмендеу тіркелді. Ай сайынғы көрсеткіш 2,3%-ға төмендеген.

ЕАЭО бойынша...

Иранның азық-түлік өндіруші Solico Group компаниясы Қазақстанға қуырылған картоп, балалар тағамдары мен ірімшік шығаратын зауыттар салуға көмектеспек. Сондай-ақ екі ел ауыл шаруашылығы өнімдері саудасын ұлғайту туралы келісімге келді. Бұл жайында ҚР Ауыл шаруашылығы министрлігі хабарлады.

Қазақстан Иранға астық, ет, кондитерлік өнімдер және өсімдік майларын экспорттауды ұлғайтуды жоспарлап отыр. Өткен жылы екі ел арасындағы ауыл шаруашылығы өнімдері саудасы бірден 33%-ға артып, 220,1 млн долларға жеткен.

«Иран нарығына астық, ет өнімдері, өсімдік майлары және кондитерлік өнімдер экспортын кеңейтуге, бірлескен кәсіпорындар құруға мүдделіміз. Сондай-ақ Иран арқылы Парсы шығанағы елдеріне ауыл шаруашылығы өнімдерінің транзитін арттыруға дайынбыз», – деп атап...

Алматыда «Сергек» жүйесінің жаңа қызметі пилоттық, яғни сынақ режимінде іске қосылды.

Polisia.kz хабарлауынша, көлік тұрақтарын бақылап, көлігін дұрыс қоймағандар тіркелетін болады. «Сергек» қырағы көзі ереже бұзушылықты қалт жібермейді.

«Сергек» қайда қойылады?

Алматы қаласының Сәтпаев көшесі бойындағы учаскеде, Достық даңғылынан бастап, Уәлиханов көшесіне дейін солтүстік және оңтүстік бағыттарда бұл жүйе іске қосылды. Бейнебақылау жүйелері бұл жерлердегі тұрақ ережелерін бұзу, екінші қатарға көліктерін қойып кету деректерін тіркеп отырмақ.

Жол қозғалысы ережелерін сақтау талаптары

Алматы қаласы әкімшілік полиция басқармасы жүргізушілерге Қазақстан Республикасы Жол қозғалысы ережелерінің 85-бабын еске салып отыр. Бұл ережеге сәйкес, жол бойына көлік қою тек бір қатарда, жүріс бөлігіне қатар...

Қаржылық мониторинг агенттігі Ақтау қаласы әкімінің бұрынғы орынбасары Тимур Садвақасов Өзбекстан шекарасын заңсыз кесіп өту кезінде ұсталғанын хабарлады. Оны өзбек шекара қызметі қолға түсірген.

Оған қатысты Өзбекстан Республикасына заңсыз кіру фактісі бойынша қылмыстық іс қозғалған. Ол тергеу изоляторына қамауға алынған.

Агенттік қазіргі уақытта оны Өзбекстаннан экстрадициялау бойынша материал дайындалып жатқанын жеткізді.

Тимур Садвақасовқа алаяқтық және аса ірі көлемде пара беруге итермелеу бойынша айып тағылған.

Садвақасов пен «Обуховское» кен орнында заңсыз пайдалы қазбалар өндіру ісіне қатысты адвокат С.Н. Курманбаев лауазымды тұлғалар арасындағы байланыстарын пайдалана отырып, В.И. Долгалевқа кәсіптегі серіктестеріне қарсы қылмыстық іс қозғауды ұсынған.

Алдын-ала келісім бойынша параны...

2025 жылдың қаңтар айында Қазақстанның халықаралық резерві 2024 жылдың қыркүйегінен бері алғаш рет өсім байқатты. Оған себеп –монетарлық алтын үлесінің артуы.

Ұлттық Банктің алдын ала мәліметіне сәйкес, жыл басында Қазақстанның таза халықаралық резервтері (еркін айналымдағы резервтегі активтер, монетарлық алтын және Ұлттық қор активтері) 103,5 млрд АҚШ долларын құрады. Бұл қарашадағы 102,4 млрд АҚШ долларымен салыстырғанда біршама жоғары.

Алтын-валюта қоры қанша

Қаңтарда Қазақстанның таза алтын-валюта резерві 43,6 млрд АҚШ долларынан 45,0 млрд АҚШ долларына дейін өсті. Негізгі өсім монетарлық алтынның 8,4%-ға артуымен (25,8 млрд АҚШ долларына дейін) байланысты. Ал ЕАВ активтері 2,9%-ға қысқарып, 646 млн АҚШ долларына

Шерзат Полаттың қазасына күдіктілердің тергеу изоляторында туған күн тойлағанына байланысты қызметтік тексеріс басталды. Бұл туралы жәбірленуші тараптың қорғаушылары онлайн өткен баспасөз мәслихатында мәлім етті.

Мән-жайы

Алматы адвокаттар алқасының мүшесі Асылбек Әбдірайымов аталған факті Алматы облысы Еңбекшіқазақ ауданы Полиция басқармасының уақытша ұстау изоляторында болғанын, соған байланысты Бас прокуратураға сауал жолдағанын жеткізді.

Құқыққорғаушылардың сауалына Алматы облысы полиция департаментінен жауап келген.

Полиция жауабы

Полиция жауабында аталған факті бойынша қызметтік тексеру тағайындалғаны, оған қатысты лауазымды тұлғалар анықталып, оларды тәртіпті жауапкершілікке тарту мәселесі қаралып жатқаны айтылған.

Полиция мәліметінше, қазіргі уақытта күдіктілерден телефон, колонка тәркіленіп, уақытша ұстау изоляторындағы бейнежазбалар алынған.

Павлодар прокурорлары қаладағы балабақшалардың кейбірі азық-түлікті негізсіз қымбат бағамен сатып алмақ болғанын анықтады. Сүттің литрін 2812 теңгеден, ал картоптың келісін 1340 теңгеден сатып алмақ болған.

Құзырлы органның хабарлауынша, №23 бөбекжай мемлекеттік сатып алу порталында 18 000 литр сүтті 50 620 500 теңгеге, яғни литрі 2 812 теңгеден сатып алу туралы хабарландыру жариялаған. Алайда прокурорлар осыған ұқсас сүттің орташа бағасы литрі 345 теңгені құрайтынын анықтаған.

«№23 бөбекжай-бақшаның литрі 2 812 теңгеге сүт сатып алуы 44 410 500 теңге көлемінде бюджет қаржысын артық және негізсіз жұмсауға себеп болып отыр»,- делінген хабарламда.

Мұндай заңбұзушылық қаладағы тағы бір...

2024 жылғы 17 ақпанда Алматы қаласы бойынша Қылмыстық істер жөніндегі мамандандырылған ауданаралық сотта Алмасхан Ахмеджановқа қатысты сот үкімі шықты.

Bes Media мәліметінше, сот күдіктілерді лауазымын асыра пайдаланды, алаяқтыққа жәрдем берді, сеніп тапсырылған мүлікке қол салды, пара алды деп тапты.

Қандай жаза қолданылады?

Бұрынғы Қалалық жоспарлау және урбанистика басқармасының басшысы 11 жылға бас бостандығынан айырылды. Ол жазасын орташа қауіпсіздік мекемесінде өтейді. Сонымен қатар оған мемлекеттік қызметте жұмыс істеуге өмір бойына тыйым салынды.

Тағы кімдер сотталды?

Сот үкімі бойынша Алмасхан Ахмеджановпен бірге айыпталған тағы да бірнеше лауазымды тұлғалар сотталды.

Атап айтқанда, Ардақ Самамбетов...

Былтыр Қазақстанның әлем елдерімен саудасы 1,3%-ға көтеріліп, 141,4 млрд долларға жетті. 2024 жылы республика Азияға қарағанда, Еуропамен көбірек сауда жасады – 51,6 млрд доллар және 45,9 млрд доллар. Мұндай жағдай кейінгі бес жылда алғаш рет тіркеліп отыр.

Қазақстанның 2024 жылы сыртқы сауда айналымы қалай болғанын Ұлттық статистика бюросы хабарлады.

Ресей үлесі жоғары

Бір жылдың ішінде Еуропамен сауда 17,1%-ға артқан, ал Азиямен, керісінше, 12%-ға қысқарған. Былтыр сыртқы сауда айналымының 36,5%-ы батыстағы құрлықпен, ал 32,4%-ы шығыспен жасалған. Еуропаға экспорттау үлесі 7,5%-ға, импорттау 0,8%-ға көтерілген. Бұл уақытта Қазақстан Азияға азырақ тауар сатқан – экспорт үлесі 6,8%-ға төмендеген.

Америка елдерімен арадағы...

Ауа райының қолайсыздығына байланысты үш облыста жол жабылды. «ҚазАвтоЖол» республикалық автожолдарда көлік қозғалысы шектелгенін хабарлады.

Солтүстік Қазақстан облысы:

 – «Жезқазған-Арқалық-Петропавл» автожолының 794-946 шақырым арылығы (Бескөл ауылы – Сергеевка қаласы);

– «Астана-Атбасар-Жақсы-Рузаевка-Сарыкөл-Қостанай-РФ шекарасы» автожолының 729-856 шақырым аралығы (Ақмола облысының шекарасы – Қостанай облысының шекарасы);

-«Мамлютка-Қостанай» автожолының 0-180 шақырым аралығы (Мамлютка қаласы – Қостанай облысының шекарасы);

 – «Волошинка-Сергеевка-Тимирязево» автожолының 58-119 шақырым аралығы (Тимирязево ауылы – KАZ13 жолы);

– «Тимирязево-Сарыкөл-облыс шекарасы» автожолының 0-32 шақырым аралығы (Қостанай облысының шекарасы – Тимирязево ауылы) жабылды.

Қостанай облысы:

– «Астана-Атбасар-Жақсы-Рузаевка-Сарыкөл-Қостанай-РФ шекарасы» автожолының 683-729 шақырым аралығы (Сарыкөл ауылы – СҚО шекарасы);

– «Мамлютка-Қостанай» автожолының 180-250 шақырым аралығы (СҚО...

Бас прокурор Берік Асылов 46 кеншінің өліміне әкелген Костенко көмір шахтасындағы апатты тергеу аяқталғанын мәлім етті.

«Бас прокуратураның арнайы прокурорларының басшылығымен ВЖТТ Костенко шахтасындағы 46 кеншінің қазасына қатысты қылмыстық істі тергеуді аяқтады. 10 айыпталушыға қатысты іс тау-кен жұмыстарының қауіпсіздік ережелерін бұзу (ҚК 277-бабының 3-бөлігі) бойынша сотқа жолданды» делінген Асыловтың Х желісіндегі жазбасында.

Бұған дейін Бас прокурордың орынбасары Ғалымжан Қойгелдиев тергеу барысында шахтаның сол кездегі иесі ArcelorMittal компаниясына қатысты тергеу жүріп жатқанын хабарлаған.

2023 жылғы 28 қазанда Қарағанды қаласында орналасқан Костенко шахтасында апат болып, 46 адам қаза тапқан. Ол кезде шахта ArcelorMittal компаниясына тиесілі болған...

Қазақстан ұлттық құрамасы Түркиядағы оқу-жаттығу жиыны аясында Солтүстік Корея құрамасымен жолдастық кездесу өткізеді. Матчты Астана уақытымен 19:00-де Qazsport телеарнасы тікелей эфирде көрсетеді.

Солтүстік Корея құрамасы 1966 және 2010 жылдары әлем чемпионаттарына қатысып, халықаралық аренада белгілі бір деңгейде жетістікке жеткен. Сонымен қатар, КХДР құрамасы АФК Челлендж кубогын екі рет (2010, 2012) жеңіп алған.

Бұл жолдастық кездесу Қазақстан құрамасы үшін жаңа ойыншыларды сынақтан өткізуге мүмкіндік береді. Бас бапкер Әли Әлиев жетекшілік ететін штаб бұл жиын барысында ұлттық құрамаға лайықты жаңа есімдерді іздестіруді мақсат тұтып отыр.

Айта кетейік, Қазақстан құрамасы осы жиын аясындағы алғашқы кездесуін Өзбекстанның «Локомотив» (Ташкент) клубына қарсы өткізіп...