Жаңалықтар

Жамбыл облысында қылмысты жасырған полиция басшысының орынбасары ұсталды. Бұл туралы Жамбыл облысының прокуратурасы хабарлады.

Прокуратура мәліметінше, Байзақ аудандық полиция бөлімінің бастығының орынбасары ауыр қылмысты әдейі жасырды деген күдікке ілінді. Прокуратура Қылмыстық кодекстің 433-бабының 2-бөлігі («Қылмысты жасыру») бойынша сотқа дейінгі тергеу амалдарын бастады.

Қандай қылмыс жасырылған?

Күдікті полиция қызметкері 10 700 000 теңге көлеміндегі ұрлық туралы арызды Біріңғай сотқа дейінгі тергеу реестріне тіркемей, қылмыстық істі жасырған.

«Тергеу барысында бұл әрекеттің алдын ала сөз байласқан топпен жасалғаны анықталды. Сондықтан күдіктінің әрекеті ҚК-нің 433-бабы 3-бөлігі 2-тармағы («Ауыр қылмысты топпен жасыру») бойынша сараланды», делінген хабарламада.

Конституциялық сот құмар ойынға қатысты кей нормалардың азаматтардың құқын шектейтінін анықтап, заңға өзгеріс енгізу жөнінде қаулы шығарды.

Бұл қандай норма?

Нақты айтқанда, Қазақстан Республикасының Конституциялық Сотына Азаматтық Кодекстің 914-бабының Қазақстан Республикасы Конституциясының 13-бабының 2-тармағына және 14-бабының 1-тармағына сәйкестігін қарау туралы өтініш түскен.

Ал Азаматтық кодекстің 914-бабына сәйкес егер ойын бизнесін ұйымдастырушы құмар ойындарды және бәс тігуді өткізудің шарттарын сақтаса, онда азаматтар мен заңды тұлғалардың тәуекелге негiзделген ойындар немесе бәс тiгуді ұйымдастыру, өткiзуге немесе оларға қатысуға байланысты талаптары сотта қаралмайды. Бірақ та АК-нің 913-бабында аталған қатынастардан туындайтын талаптар бұған кірмейді.

Өтініш білдіруші осы норманы Конституция ережелеріне қайшы...

Жаңа Зеландия билігі шетелден ауқатты мигранттар тарту үшін елдің көші-қон заңдарын біршама жеңілдетуді көздеп отыр. Бұл туралы Bloomberg басылымы хабарлайды.

Шетел инвесторлары «алтын виза» бағдарламасын пайдаланғысы-ақ келеді, бірақ кейбір көші-қон шектеулері оған кедергі келтіріп отыр.

Соған байланысты билік инвестициялық виза беру талаптарын жеңілдетіп, 1 сәуірден бастап ағылшын тілін меңгеру деңгейін анықтайтын сынақты алып тастайды. Бірақ соның өзінде шетел азаматтары осы елден жылжымайтын мүлік сатып ала алмайды. Себебі мұндай құқық, ел тұрғындары мен салық резиденттерінен бөлек, Аустралия мен Сингапур азаматтарына ғана берілген.

«Біз сингапурлықтар мен аустралиялықтарға осында жылжымайтын мүлік сатып алуға рұқсат береміз. Біз әлем елдерін...

Қытайдағы тұтынушылық бағалар индексі қаңтар айының қорытындысы бойынша 2024 жылдың тамыз айынан бері алғаш рет жеделдеп, 0,1%-дан (желтоқсан) 0,5%-ға дейін өсті. Бұл туралы жексенбі күні Қытайдың Ұлттық статистика бюросы хабарлады. Bloomberg агенттігінің сауалнамасына қатысқан экономистердің болжамы 0,4% өсімді құраған еді.

Агенттіктің мәліметінше, бағаның көтерілуі үй шаруашылықтарының Шығыс күнтізбесі бойынша Жаңа жылды мерекелеу кезеңіндегі шығындарының артуымен байланысты. Дегенмен, дефляциялық қысым сақталуы мүмкін. Себебі өнеркәсіптік бағалар индексі қатарынан 28-ші ай төмендеп отыр. Қаңтар қорытындысы бойынша көрсеткіш 2,3%-ға төмендеді, бұл желтоқсандағы мәнмен шамалас.

Сарапшылар Қытайдағы дефляцияға алаңдаулы. Өйткені әлемдегі екінші ірі экономика Жапонияның жолын қайталауы ықтимал. Жапония 2001 жылдан 2023 жылдың тамызына...

Америкалық миллиардер Илон Маск «Азаттық радиосы» мен «Voice America» медиакорпорацияларын «радикалды солшылдар» деп атап, оларды жабуға шақырды.

Масктің пікірінше, бұл ұйымдар америкалық салық төлеушілердің қаражатын босқа жұмсап отыр.

«Бұл жай ғана өзара сөйлесіп отырған радикалды солшыл есалаңдар, олар жылына 1 миллиард доллар салық төлеушілердің ақшасын жұмсап отыр», – деп жазды Маск X (бұрынғы Twitter) әлеуметтік желісінде.

Миллиардердің айтуынша, бұл медиакорпорациялар оқырмандарын жоғалтқан және оларды қаржыландыруды тоқтату керек.

Масктің АҚШ үкіметінде лауазымы қандай?

Кейбір БАҚ Масктың АҚШ үкіметінің тиімділігі департаментін (DOGE) басқаратынын хабарлағанымен, The Guardian газетінің мәліметінше, DOGE – ресми мемлекеттік орган емес...

Қазақстан ұлттық құрамасы Халықаралық бокс қауымдастығының (IBA) жаңартылған рейтиңінде бірінші орынға көтерілді.

IBA рейтингінің соңғы жаңартылған нұсқасы бойынша, Қазақстан 81 300 ұпай жинап, әлемдегі ең мықты бокс державасы атанды.

Рейтиң көшбасшылары

1. Қазақстан – 81 300 ұпай
2. Өзбекстан – 76 100 ұпай
3. Үндістан – 34 200 ұпай

Бұл көрсеткіш Қазақстан құрамасының соңғы жылдардағы әлем чемпионаттары мен халықаралық турнирлердегі табысты өнер көрсетуімен тікелей байланысты. Ерлер және әйелдер құрамасы да әлемдік додаларда жоғары нәтижелерге қол жеткізіп, үздік бокс елдерінің біріне айналды.

Қазақстан боксының жетістіктері

Chevron корпорациясы Қазақстандағы мұнай Теңіз мұнай кенішін кеңейту жұмыстарын жеделдетті. Бұл туралы Reuters агенттігі екі дереккөздің мәліметіне сүйене отырып хабарлайды.

Батыл жоспар

Агенттік дереккөздерінің айтуынша, алпауыт корпорация өндірісті әлемдегі мұнай шикізаты көлемінің 1 пайызына жеткізуді жоспарлап отыр. Қаңтар айында Chevron Теңіз кенішін кеңейту жобасының құны 48 млрд доллар тұратынын мәлімдеген. Теңіз – шикізатты өте тереңнен алатын, мұнайының құрамында күкірт көп, табиғи жағдайы аса қолайсыз кеніштердің бірі.

2012 жылдан кеніштегі өндірісті кеңейту жұмыстары басталғалы бері оған көп қаражат бөлініп, осы уақытқа дейін қайта-қайта іркіліп қалып жүрген. Chevron-ның халықаралық барлау және өндіріс жөніндегі бөлімінің басшысы Клэй Нефф өткен айда...

2024 жылдың қорытындысы бойынша қайталама автонарықтағы сауда көлемі өткен жылғы көрсеткіштермен шамалас болды. Ал тізгінделген автокөліктердің бағасы төмендеді. Бұл жаңа автокөліктер нарығындағы ұсыныстың сандық және сапалық тұрғыдан кеңейгенін көрсетеді.

2024 жылы ресми дилерлер жаңа жеңіл автокөліктерді сатудан рекорд орнатып, 200 мыңнан астам  темір тұлпар өз иесін тапты. Дилерлердің мұндай жоғары көрсеткіш тіркеуіне екінші деңгейлі банктермен бірлескен тиімді қаржылық құралдар көмектесті. Көлік сатып алушылар үшін бастапқы жарнасыз немесе жеңілдетілген мөлшерлемемен автонесие, сондай-ақ бөліп төлеу мүмкіндіктері ұсынылды. Бұған қоса, Наурыз, Жаңа жыл сынды мерекелердің қарсаңында немесе модельдік қатар жаңарғанға дейін дәстүрлі түрде жеңілдіктер жасалып отырғаны тағы бар.

Сарапшылардың пікірінше, ресми дилерлік орталықтарды...

Meta Platforms (Facebook, Instagram және WhatsApp иесі) компаниясы келесі аптада жаппай жұмыстан шығаруды жоспарлап отыр. Сонымен бірге машинамен оқыту инженерлерін жалдау процесін жеделдетпек. Бұл туралы компанияның ішкі жазбаларында айтылған.

Reuters таратқан ақпаратқа сүйенсек, жұмыс орнындарын қысқарту туралы хабарламалар 10 ақпанда күні таңертең жергілікті уақыт бойынша сағат 5:00-де, АҚШ-ты қоса алғанда, өзге елдердегі қызметкерлерге жіберіле бастайды, деп жазылған Meta-ның кадрлар бөлімінің басшысы Джанель Гейлдың бір жазбасында.

Германия, Франция, Италия және Нидерландыдағы қызметкерлер жергілікті еңбек заңнамасына байланысты қысқартудан босатылған. Сонымен қатар құжатта 11-18 ақпан аралығында Еуропаның, Азия мен Африканың бірнеше елдерінде де хабарламалар жіберіле бастайтыны туралы жазылған.

Meta компаниясының өкілі бұл...

Израильдің Қорғаныс армиясы (ЦАХАЛ) Газадағы Нецарим дәлізін толық босатып, солтүстік және оңтүстіктегі палестиналық анклавтарды бөлетін аумақтан әскерін шығарады.

Ynet порталдың мәліметі бойынша, ХАМАС радикалды қозғалысы ұстаған тұтқындарды босату туралы келісім шарттарына сәйкес, Израиль әскері 9 ақпан, түнде Нецарим дәлізі бойындағы позициялардан әскерін шығару процесін аяқтауды жоспарлап отыр.

ХАМАС өз кезегінде Нецарим тексеру пунктінде жеке америкалық компаниялардың болуына келісім берді, олар оңтүстік және орталық аудандардан солтүстікке көшірілген тұрғындарды үйлеріне қайта оралуына мүмкіндік береді. Бұл туралы Палестина зерттеу орталығының директоры Мұхаммед әл-Масри мәлімдеді.

Еске сала кетсек, Израиль Газа ХАМАС-пен атысты тоқтату туралы келісімге келді. Қазіргі таңда ХАМАС кепілге алынған азаматтарды босатып жатыр. Ал Израиль...

Mercedes-Benz Қазақстан нарығына жасанды интеллект негізіндегі дауыстық басқару жүйесі бар жаңа CLA седанын шығаруды жоспарлап отыр.

Mercedes-Benz компаниясы Қазақстан нарығына жаңа CLA седанын шығаруды жоспарлап отыр. Бұл модельде қазіргі заманғы дауыстық басқару жүйесі болады. Ол жасанды интеллект негізінде жұмыс істейді. Компания өкілдері Курсив Автоға берген сұхбатында, MBUX жүйесі (жасанды интеллектімен жабдықталған цифрлық кешен, дауыстық командаларды түсінетін) және ChatGPT қолдауы бар алғашқы көліктер елімізге 2026 жылдың басында жеткізілетінін мәлімдеді.

Жаңа жүйе кең ауқымды сұрақтарға жауап бере алады. Соның ішінде навигация, ауа райы туралы ақпарат және тарих немесе ғылым сияқты жалпы тақырыптарды қамтиды.

Mercedes жаңа дауыстық көмекшісі не істей алады?

Қазақстан құрамасы Азия ойындарында алғашқы алтынды жеңіп алды. Бұл туралы Ұлттық олимпиада комитеті хабарлады.

Комитеттің мәлімдеуінше, шорт-тректен Қазақстан ерлер құрамасы 5000 метрлік эстафетада топ жарған. Қазақстан атынан эстафеталық жарысқа Денис Никиша, Абзал Әжғалиев, Әділ Ғалиахметов, Глеб Ивченко, Мерсаид Жақсыбаев, Айбек Насен қатысты. 

«Бұл Қазақстан үшін осы Азия ойындарындағы алғашқы алтын медаль болды. Қазақстан финалда Жапонияны (екінші орын) және Қытайды (үшінші орын) басып озды. Ал фаворит Оңтүстік Корея командасы жарыстан шеттетілді»,- деп хабарлады ҰОК.

Айта кетейік, Қазақстан шорт-тректен тарихта алғаш рет Азия ойындарында алтын медаль жеңіп алды. Харбинде шорт-трекшілер үш медальға ие болды. Олардың барлығын эстафеталық жарыстарда...

Іле Алатау тауларында, теңіз деңгейінен 3500 метр биіктікте шыққан турист ауыр жарақат алды. Қазақстандық құтқарушылар дер кезінде көмек көрсетіп, шетелдік туристі құтқарып қалды.

ТЖМ мәдімдеуінше, 112 пультіне Іле Алатауы тауларында, Богданович мұздығының маңындағы тау үңгірінің жанында адам жарақат алғаны туралы хабарлама келіп түскен.  Тез арада ТЖМ «РЖҚЖ» жедел тобының құтқарушылары шығып, зардап шеккен адамды теңіз деңгейінен 3500 метр биіктіктен тауып алады. Оның сол аяғы сынған.

Оқиға орнында құтқарушылар қажетті медициналық көмек көрсетті. ТЖМ РЖҚЖ мен Алматы қ. құтқару қызметі құтқарушыларының бірлескен күш-жігерімен зардап шегушіні «Шымбұлақ» тау шаңғысы курортына дейін тасымалдады. Оған медициналық көмек көрсету үшін...

Көппәтерлі үйде тұрудың да жыры көп. Әсіресе, көршілермен талас-тартыс пен сөзге келіспей қалатын жағдайлар өмірді тіпті қиындатып жібереді. Шулы ойын-сауық кештері, қоқыс шашыла беретіні немесе көршіңіз мүлкіңізді зақымдаса, бұл әрине, ауыртпалық салады, шаршатады. Kursiv.Media тұрғын үй кешенінде тұру ережелерін жинап, нендей әрекет үшін қандай айыппұл салынатыны туралы деректерді жинап, арнайы нұсқаулық әзірледі.

Не істеуге болмайды?

Подъездге қоқыс тастап кетуге болмайды

Қоқысты пакетке салып, бір бұрышқа қойып кетсеңіз де, заң бұзған болып есептелесіз. Бұл үшін Әкімшілік құқықбұзушылық кодексінің 434-2 бабы, яғни «Ортақ пайдаланылатын орындарды ластау» айыбы бойынша жауапқа тартылуыңыз мүмкін.

«Ортақ пайдаланылатын орындарды, саябақтарды, скверлердi ластау, оның iшiнде...

Қазақстандық спортшы Аяна Жолдас 2025 жылғы Қысқы Азия ойындарында Қытайдың Харбин қаласында өткен фристайл-акробатика жарысында қола медаль жеңіп алды.

Финалда отандасымыз 76,54 балл жинап, үшінші орынға тұрақтады. Жеңісті қытайлық Цю Мэнтао 90,94 ұпаймен жеңіп алды. Екінші орынды тағы бір қытайлық спортшы Чэнь Сюжень (81,58 балл) иеленді. Қазақстан намысын қорғаған тағы бір спортшы Ардана Маханова шешуші кезеңге өте алмай қалды.

Қазақстан құрамасының өкілі Аяна Жолдас жарыстан кейін өз өнерін бағалады. Спортшының айтуынша, ол бір жыл бұрын екі мәрте ота жасатып, секіруді тек биылғы қаңтар айында бастаған.

 «Бапкерімнің тапсырмасын толықтай орындауға тырыстым. Жылдамдық бәрі жақсы болды. Бапкерімде...

АҚШ президенті Дональд Трамп пен Ресей президенті Владимир Путин телефон арқылы сөйлесті. Бұл туралы америкалық New York Post басылымына берген сұхбатында хабарлады.

Сұхбат барысында Трамп Ресей басшысы Владимир Путинмен телефон арқылы сөйлескенін растады. Алайда әңгіменің ұзақтығына қатысты сұраққа ол: «Мен бұл туралы айтпай-ақ қояйын», – деп жауап берген.

Путин адам өлімін қаламайды

Трамптың айтуынша, Путин ұрыс алаңында сарбаздардың қаза табуына шынымен алаңдайды. Адамдардың өлімінің тоқтауын қалайтынын жеткізген.

Сондай-ақ Трамп Ресей мен Украина арасындағы соғысты тоқтатуға арналған нақты жоспары бар екенін мәлімдеп, оны жылдам жүзеге асыруға ниетті екенін жеткізді. Алайда жоспарының қандай болатыны жайлы нақты ақпарат бермеген.

PlayStation Network жұмысында бірнеше сағаттық ақау орын алды. Sony компаниясы пайдаланушылардың аккаунттарға, ойындарға, PlayStation Video, PlayStation Store сервистеріне кіруде қиындыққа тап болғанын растады. Сонымен қатар PlayStation Direct сайты да жұмыс істемей тұр. Бұл ақау PS Vita, PS3, PS4, PS5 және веб-платформаларды қамтыды.

Sony мәлімдемесінде: «Пайдаланушылар ойындарды, қосымшалар немесе желілік функцияларды іске қосу кезінде қиындықтарға тап болуы мүмкін», — деп хабарлады.

Мысалы, цифрлық сатып алынған ойындарды жүктеу, достар тізімін қарау, трофейлерді көру немесе PS5 жүйесінде желілік мәртебеңізді анықтау мүмкін болмай тұр.

Sony бұл мәселелерді «мүмкіндігінше тезірек» шешуге уәде берді.

Үкіметтің кеңейтілген отырысында Президент Қасым-Жомарт Тоқаев экономиканы әртараптандыру, су ресурстары мен цифрлық технологиялар, ядролық кластер мен агроөнеркәсіп кешені, цифрлық активтер мен кепілдік қорлары, жайлы мектептер мен әкімдерді сайлау мәселелерін көтерді.

Алайда біздегі блогерлер, экономистер мен сарапшылар, жалпы қоғам тек қосылған құн салығының (ҚҚС) көтерілуін ғана талқылап жатыр. Шамасы, олар Үкімет уақыт белдеуін ауыстыру немесе салықты көтеру секілді қарапайым шешімдерден басқаны реттеуге қабілетсіз деп санаса керек.

Қытай үкіметі жедел әрі тиімді жүзеге асыруға мүдделі болып отырған жоба

Біздің назарымыз Президент екінші кезекке қойған маңызды міндет – көлік-логистика инфрақұрылымын дамыту мәселесіне бірден ауғаны рас. «Транзит – жүк...

«Қазгидромет» синоптиктері Қазақстанның 13 өңірінде дауылды ескерту жариялады. Мамандардың болжамынша, бұл облыстарда қар, боран, тұман және қатты жел күтіп тұр.

Қарлы боран күтіп тұр

Абай, Ақтөбе, Шығыс Қазақстан, Қостанай облыстарының солтүстік, шығыс және орталық аудандарында қар жауып, боран соғады. Жел жылдамдығы 15-20 м/с, кей жерлерде 23 м/с-қа дейін күшеюі мүмкін. Түнде және таңертең тұман түсуі ықтимал.

Тұман және көктайғақ

Ақмола, Жамбыл, Қызылорда, Қарағанды, Солтүстік Қазақстан, Павлодар облыстарының кей жерлерінде тұман түсіп, көктайғақ болуы мүмкін. Желдің екпіні 15-20 м/с дейін күшейеді. Тараз, Қостанай, Қызылорда, Петропавл және Павлодар қалаларында да тұман болуы ықтимал.

Жетісу, Батыс Қазақстан...

Президент Қасым-Жомарт Тоқаев қазір еліміз үшін тарихи кезең, алдымызда биік мақсаттар тұр деп тұжырымдайды. Бұл туралы «Жаңа адамдар» жастар форумында сөйлеген сөзінде айтты.

«Біз жұрттан көш ілгері жүретін ел боламыз. Үйренетін де, үйрететін де ұлт боламыз. Жастар барлық өзгерістің бастауында тұрады. «Жаңа адамдар» – жаңа қоғамның айнасы. «Жаңа адамдар» – жаңа болмыс! Бұл – өз еліне адал жастардың қозғалысы! Біздің стратегиямызға қолдау білдірген сіздерге алғыс айтамын», – деді Мемлекет басшысы.

«Жаңа адамдар» қозғалысының жетекшісі Әсел Баденованың айтуынша, қазіргі кезде қозғалыстың 19 қалада кампусы, 15 мыңға жуық белсенді мүшесі бар. Қозғалыс елімізде ондаған...

Голан үстіртіндегі қазақстандық бітімгерлер Біріккен Ұлттар Ұйымының медалімен марапатталды. Төсбелгіні Гана Республикасының армия генералы, Бітімгерлік миссияның қолбасшысы Анита Асма табыстады

Қазақстанның дербес бітімгерлері Сириядағы Голан үстіртіндегі атысты тоқтату режимін қамтамасыз ету міндетін атқарып жүр. Фауар базасында қызмет ететін 139 әскери қызметші мен төрт штаб офицері осы халықаралық марапатқа ие болды.

«Бітімгерлер БҰҰ базаларын қорғап, жергілікті халықпен өзара қарым-қатынас орнату жұмыстарын жүргізеді. 11 ай ішінде олар 200-ге жуық жарылмаған снарядты залалсыздандырып, медициналық көмекке мұқтаж БҰҰ қызметкерін эвакуациялады. Өткен жылдың желтоқсанында қауіпті аймақтан БҰҰ персоналын сәтті шығару барысында қазақстандық әскери қызметшілер жоғары деңгейдегі кәсібилігін, келісілген әрекеттерін және...

Азия ойындары Қытайдың Харбин қаласында өтіп жатыр.

«Спортшы ерлер арасында классикалық стильдегі спринттің финалында үшінші болып мәреге жетті», – делінген хабарламада.

Қытайлық Ван Сянь бірінші орын алса, екінші орынды жапон Харуки Ямашита иеленді.

Қазақстандық Олжас Климин жарысты бесінші орынмен аяқтаған.

 Бұған дейін шорт-трекшілер мен конькимен жүгіруші Евгений Кошкин күміс жүлдені қанжығаға байлаған.

2023 жылы төмендеген ипотека нарығы 2024 жылы қайтадан өсе бастады. Банктер (соның ішінде «Отбасы банк») жалпы 2 трлн теңгеден астам жаңа ипотекалық несие рәсімдеп, бұл көрсеткіш 2023 жылмен салыстырғанда 24,6%-ға артты.

Ипотекалық несиенің артуына қандай факторлар әсер етті?

2021–2022 жылдары зейнетақы жинақтарының бір бөлігін пайдалануға рұқсат беру ипотекалық несие беруді жеделдетті. 2023 жылы бұл ресурс таусылғандықтан, нарық құлдырауға ұшырады. Бірақ 2024 жылы жаңа рекорд орнатылды. Ипотеканың өсуі несие алушылар санының артуымен емес, орташа несие сомасының ұлғаюымен байланысты болды.

Жылжымайтын мүлік бағасы қалай өзгерді?

Ипотекалық нарықтың жандануы үй бағасына айтарлықтай әсер еткен жоқ. 2024 жылы жаңа...

Ауа райының бұзылуына байланысты Қазақстанның екі облысындағы республикалық маңызы бар жолдарда қозғалыс шектелген. Бұл туралы «ҚазАвтоЖол» хабарлайды.

Ақтөбе облысында «РФ шекарасы-Ақтөбе-Қызылорда-Алматы-ҚХР шекарасы» автожолының 776-1240 шақырым аралығындағы учаскесі жабық. Бұл – Ақтөбе қаласынан Қызылорда облысының шекарасына дейінгі жол.

Ал Қызылорда облысында осы автожолдың 1240-1362 шақырым аралығындағы учаскесінде жол қозғалысы шектелген (Ақтөбе облысының шекарасынан Арал қаласына дейін).

Бұл жолдарды 2025 жылғы 8 ақпан сағат 20:00 ашу жоспарланған.