Жаңалықтар

Алматы қалалық полиция департаменті басшысының орынбасары Ержан Ұзабаев мекеме басшысы Арыстанғани Заппаровтың әйеліне Lexus LX 600 автокөлігін сыйлапты-мыс деген мәліметтің таралуы бойынша қылмыстық іс қозғалды.

«Бұл ақпарат шындыққа жанаспайды. 28 қаңтарда А.Р. Заппаров әлеуметтік желіде өзіне қатысты шыққан ақпаратты ресми түрде теріске шығарған болатын. Аталған факті бойынша Алматы қаласы ПД-мен ҚК-нің 247-бабына сәйкес қылмыстық іс тіркелді (көрінеу жалған ақпарат тарату). Бүгінгі таңда тергеу жүргізілуде», – деп хабарлады Ішкі істер министрлігінің баспасөз қызметі Kursiv.Media тілшісіне.

Министрлік өкілінің айтуынша, жалған ақпарат таратушы күдіктілер қылмыстық іс аясындағы «тергеу барысында анықталады».

Бұған дейін, биыл 27 қаңтарда «Республика» басылымында...

Қазақстанда төрт адамнан тұратын, қалада тұратын отбасының ай сайынғы шығыны 900 мыңнан асады. Numbeo порталы респонденттер арасында сауалнама жүргізіп, осындай қорытындыға келген

Портал мамандары бір отбасының басты ай сайынғы шығындары ретінде азық-түлік және транспорттар сомасы жазылған. Одан бөлек балабақша шығыны, спорт секциялары және киім-кешек бағасы да қосылады. Әлбетте, ең көп қаржы пәтерді жалға алуға кетеді.

Жалпы әр адамның орташа айлық шығыны 257 524 теңгені құрайды.

Нәтижесінде 4 адамнан тұратын отбасының бір айлық шығыны 924 мың теңге деп көрсетілген. Қазақстанда өмір сүру құны АҚШ-пен салыстырғанда 58,2%-ға төмен деп жазады Numbeo сарапшылары.

Басқа елдерде өмір сүру деңгейі қандай?

Қазақстанның Көлік министрлігі AZAL әуе компаниясына тиесілі ұшақтың апаты туралы алдын ала есебін жариялағаннан кейін де Ресей тарапы оқиғаны біржақты түсіндіруді жалғастыруда. Бұл туралы әзербайжандық Apa.az басылымы жазды.

Басылым есептегі нашар метеожағдайға байланысты экипаж екінші рет қону әрекетін орындай алмай, Бакуге оралу туралы шешім қабылдағаны туралы ақпаратты келтіреді.

«Осы сәттен кейін борттағы CVR құрылғысына екі бөгде дыбыс тіркелген, олардың аралығы 24 секунд. Бірінші дыбыстан 4 секунд өткен соң, үшінші гидравликалық жүйе істен шықты. Тағы 6 секундтан кейін – бірінші, ал 21 секундтан кейін – екінші гидравликалық жүйе істен шығып, ұшақ толық басқарусыз қалған» деп жазады...

Президент телерадиокешенінде радиохабар тарату іске қосылады.Бұл туралы «Ашық НҚА» порталында жарияланған құжатта айтылған.

Үкімет акцияларының 50%-дан астамы мемлекетке тиесілі кәсіпорындар, заңды тұлғалар және олармен үлестес тұлғалар жүзеге асыратын қызмет түрлерінің тізбесіне толықтыру енгізетін қаулы жобасын дайындады.

Жоба авторларының айтуынша, радио ашу туралы бастама Қасым-Жомарт Тоқаевтың, Парламент пен Үкіметтің қызметі туралы контентті тарату арқылы ақпараттық жұмысты күшейту мақсатында қажет болып отыр.

Президенттің телерадиокешенінде атауында радио сөзі кездескенімен, қазіргі уақытта өз радиохабарын тарату мүмкіндігі жоқ. Кешен негізінен телевизиялық контент, мультимедиялық жобалар және мемлекет басшысының қызметін жариялау бойынша жұмыс істейді.

Құжат «Ашық НҚА» сайтында 20 ақпанға дейін...

Баршамызға танымал Nutella шоколад пастасына биыл 60 жыл толады. Бұл бренд қалай пайда болған және неге сонша әйгілі? Kursiv шолуында ұсынамыз

Nutella-ны кім ойлап тапты?

Алғашында барлығы қарапайым басталған. 1942 жылы Италияның Альба қаласында тұратын наубайшы Пьетро Ферреро тәттілер дүкенін ашады. Екінші дүние жүзілік соғыс жүріп жатыр. Соғыс уақыты, шоколад өте тапшы.

Ферреро какаоны үнемдеу үшін түрлі тәжірибе жасауға кіріседі. Бірде шоколадқа үгітілген жаңғақтарды араластырып, тәтті әрі тойымды пастаны жасап шығарады. Қызығы, бұл өнім бастапқыда кедейлерге арналған екен. Таза шоколадты сатып ала алмаған халық осылай жаңғақ араласқан тәттіні сатып алады. Оны қатты плитка күйінде де, паста күйінде...

Астана қаласының әкімшілік құқық бұзушылықтар жөніндегі мамандандырылған ауданаралық соты әлеуметтік желіде Астананың бас имамы туралы шындыққан жанаспайтын ақпарат таратқан азаматқа 700 мың теңгеден астам сомаға айыппұл салды.

Соттың анықтағаны

Сот отырысы барысында құқық бұзушы кінәсін толық мойындап, үйдің кімге тиесілі екенін, оның қандай қаражатқа салынғанын білмейтінін айтқан.

Жәбірленуші айыпкер абыройы мен қадір-қасиетіне және беделіне нұқсан келтіретін жалған ақпарат таратқандықтан, оны жазалауды сұраған.

Жаза

Сот айыпкерді ӘҚБтК 73-3-бабы 2-бөлігі бойынша кінәлі деп тауып, оған 180 АЕК (707 760 теңге) мөлшерінде әкімшілік айыппұл салу тіралы үкім шығарды.

Қаулы заңды күшіне енген жоқ.

Астаналық азамат бұған дейін әлеуметтік желілерге зәулім үй...

Apple көптен күткен iPhone SE 4 моделін 11 ақпанда таныстырады. Алайда, Bloomberg мәліметінше, құрылғының нақты сатылымға шығуы ақпан айының соңына дейін кешіктірілуі мүмкін. Жаңа модельге арналған арнайы презентация өтпейді, Apple оны өз сайтында ғана ресми түрде таныстырады деп күтіліп отыр.

Классикалық дизайнмен қоштасу

Жаңа iPhоne SE 4 (кодтық атауы V59) – SE сериясының дәстүрлі дизайнынан бас тартқан алғашқы моделі болмақ. Touch ID батырмасы жойылып, оның орнына Face ID енгізіледі. Сонымен қатар iPhone SE 4 бұрынғы қалың жақтаулардан толық арылған экранға ие болады. Мұндай дизайн алғаш рет iPhone X моделінде 2017 жылы қолданылған еді.

Apple жаңа SE моделін...

Президент Қасым-Жомарт Тоқаев отандық бизнес өкілдерімен кездесуде Үкіметке қосымша құн салығы мәселесін тағы да пысықтауды тапсырды. Оның айтуынша, Үкіметтің қазіргі ұсынып отырған мөлшерлемесі тым жоғары.

«Сіздер нақты цифрды айттыңыздар. Оны қоғам қызу талқылады. Тіпті, кей жағдайда артық сөздер де айтылды. Дегенмен бұл қоғам талқысына алдын ала салынған ұсыныс болатын. Тағы қайталап айтамын, Үкіметтің бұл бағыттағы жұмысы бизнес, қоғам, кәсіпкерлер, сарапшылардың, яғни барлық тараптың пікірі ескеріле отырып жалғасуы керек. Биыл нақты шешім қабылдануға тиіс. Мен бұған дейін де айттым: Үкімет бұл мәселені депутаттармен және сарапшылармен егжей-тегжейлі талқылауы керек. Бүгін айтылған ой-пікірлер де ескеріледі. Мемлекетке барынша оңтайлы...

Жеке медициналық кітапша 2025  жылдың 1 қаңтарынан бастап электронды форматқа енгізілді. Бұл туралы Денсаулық сақтау министрлігі хабарлады.

Бұл не үшін керек?

Азаматтар egov mobile мобильді қосымшасындағы E-Densaulyk сервисі арқылы өзінің санитарлық кітапшасының мәліметтері мен медициналық тексерулердің нәтижелерін ала алады. Бұл медициналық тексеруден өту уақытын қысқартады. Терапевтке қайта барып жүрмейді. Санитарлық кітапша әзір болған кезде азаматтар 1414 нөмірінен СМС хабарлама алады.

Жұмыс берушілерге несімен тиімді?

Жұмыс берушілер қызметкерлерінің жеке медициналық кітапшасының өзектілігін тексеру жеңілдетеді. Бұл үшін hr.enbek.kz атты тегін еңбек ресурстары порталына кіру жеткілікті. Олар санитарлық нормалардың сақталуын оңайлатып, қателіктерді болдырмайды.

Кімде жеке...

Қостанай облысының Жітіқара ауданында кәсіпкер жер учаскесін жайылымдық мақсатта сатып алып, алтын өндіру мақсатында пайдаланған. Бұл туралы Ауыл шаруашылығы министрлігі хабарлады.

«Қазақстан Республикасы Ауыл шаруашылығы министрлігінің Қостанай облысы бойынша жер ресурстарын басқару басқармасы Жітіқара ауданының прокуратурасымен және ішкі істер органдарымен бірлесіп, жайылымға арналған жер телімінде заңсыз алтын өндіру фактілерінің жолын кесті», – делінген баспасөз хабарламасында.

2,6 млн теңге айыппұл не үшін салынды?

Прокурорлар мен құзыретті органдар тексеріс барысында компанияның жерді «ауыл шаруашылығы тауарын өндіру мақсатында» алғаны белгілі болған. Бірақ жердің нысаналы мақсатын елеместен, жер учаскесінде алтын іздеумен айналысқан. Солайша заңсыз кен істерін...

2024 жылы Ұлттық қордан 3,6 трлн теңге нысаналы трансферт алынған. Қаржы министрлігінің есебіне сүйенсек, бұл қаржы аурухана мен мектеп салу, жол жөндеу әуежай инфрақұрылымын дамыту, тұрғын үй құрылысына, жоғары жетістіктер спортын қолдауға, су ресурстарын тиімді басқаруға жұмсалған.

Қаржы қалай бөлінді?

3,6 трлн теңге нысаналы трансферттің 3,57 трлн теңгесі толығымен пайдаланылған. Ал 21,8 млрд теңге әлі игерілмеген. Сонымен қатар республикалық бюджеттен 1,36 трлн теңге жергілікті бюджеттерге аударылып, оның 97,6%-ы игерілген, ал 32,7 млрд теңге пайдаланылмай қалған.

Министрлік дерегі бойынша, бөлінген қаражаттың 2 трлн теңгесі субвенцияларға, яғни жоғары тұрған бюджеттен төменгі деңгейдегі бюджетке бөлінетін трансферттерге жұмсалған.

Негізг...

Астананың азаматтық істер жөніндегі соты «Қазақстан темір жолы» компаниясын осыдан жеті жыл бұрын пойыз вагонында зорлыққа ұшыраған жолаушыға өтемақы төлеуге міндеттеді. Бұл туралы адвокат Снежанна Жукова фесбуктегі парақшасында жазды.

Сот шешіміне сай, ҚТЖ жәбірленушіге 3 млн теңге төлеуге тиіс. Құқыққорғаушы бұл өте аз екенін айтады.

«Ашудан айтарға сөзім жоқ. 3 000 000 теңге – Астана қаласының ауданаралық азаматтық істер жөніндегі соты зорланған әйелдің моральдық зиянын осылай бағалады. Бұл – шамамен 6000 доллар. Яғни пойыз жолаушысының жыныстық қол сұғылмаушылығы бұзылғанда, біздің елде моральдық өтемақы осылай есептеледі… Қорқынышты…», – дейді заңгер.

Снежанна Жукованың сөзінше, жәбірленуші қатты...

Аляскада ауа райының қолайсыздығынан Bering Air компаниясына тиесілі ұшақ жоғалып кетті. Әуе кемесінде 10 адам болған.

Оқиғаның мән жайы

Қазіргі уақытта Аляска билігі  із-түссіз жоғалған ұшақты іздестіруде.

«Бейсенбі күні, жергілікті уақытпен сағат 16:00 шамасында, Bering Air компаниясының ұшағының жоғалғаны туралы хабарланды. Ұшақ Уналаклит қаласынан Номға бағыт алған, бортта тоғыз жолаушы мен бір ұшқыш болған», — деп хабарлады Reuters Аляска штатының Қоғамдық қауіпсіздік департаментіне сілтеме жасап.

Департаменттің мәліметінше, құтқару қызметтері ұшақтың соңғы белгілі координаттарын анықтау үшін жұмыс істеп жатыр. Жоғалған әуе кемесі — шағын турбовинттік Cessna Caravan моделі.

Ал FlightRadar24 сайтының мәліметінше...

2024 жылы Ресейдің Украина құбыр жүйелері арқылы мұнай тасымалдау көрсеткіші 15 пайызға, яғни 11,5 млн тоннаға (тәулігіне 230.3 мың баррель) азайды.

Ресей мұнайын экспорттау неге азайды?

Мәліметті Reuters агенттігі «Ведомости» газетінің дерегіне сілтеме жасай отырып таратты.

Газеттің Ресей Энергетика министрлігі мәліметтерімен таныс екі дереккөзінің айтуынша, федерацияның батысқа мұнай экспортының 42%-ы Венгрия үлесіне тиесілі. Былтыр Венгрия Ресейден 4,8 млн тонна мұнай алған. Словакияға мұнай экспорттау көрсеткіші 13%-ға, яғни 4 млн тоннаға, ал Чехияға мұнай жеткізу 2,7 млн тоннаға дейін кеміген.

Ресей мұнайды Украина аумағымен КСРО кезінде салынған «Дружба» мұнай құбыры арқылы экспорттап отыр. Оның оңтүстік тармағы Венгрия...

Көктемгі су тасқыны кезінде Ақтөбе облысындаға «Мағаджан» су қоймасының жарылып, үш бірдей елдімекеннің су астында қалуына себепкер болған адам 2,5 жылға сотталды. Бұл туралы прокуратураның баспасөз қызметі хабарлады.

Хромтау ауданының прокуратурасы көктемгі су тасқынын тексере келе, «Мағаджан» плотинасына иелік ететін компания басшысының тиісті шараларды дер кезінде қолға алмағанын анықтаған. Компания басшысы пайда табу мақсатында қоймаға көп мөлшерде жиналған суды жібермей қойған.

Қандай елдімекендерді су басты?

Салдарынан су қоймасы жарылып, сол маңдағы Табантал, Қызылту және Бесқоспа елдмекендерін су басып, халықтың мүлкі мен инфрақұрылымға зиян келтірген.

«Платинаға иелік ететін ЖШС директоры пайдакүнемдік...

Қазақстандық теннисші Александр Бублик «Витя Кравченко» Youtube арнасына берген сұхбатында Елена Рыбакина жайлы, сондай-ақ ресейлік спортшылардың неге басқа елдің туы астында өнер көрсетуге мәжбүр болатыны туралы айтты.

Ресейде бәріне бірдей ақша жетпейді

Александр Бублик 2016 жылға дейін Ресейдің атынан ойнағанымен, қаржылай қолдау тапшылығына байланысты Қазақстанға ауысқан. Оның айтуынша, дәл осындай жағдай Рыбакинада да болған.

«Ресей теннис федерациясында барлық талантты спортшыларды қаржыландыруға мүмкіндік жоқ, сондықтан кейбірі өзге елдердің қолдауын іздеуге мәжбүр. Кез келген спорт түрінде бірінші басшылар үшін ақша табылады, бірақ талантты жастардың барлығына жете бермейді», – деді Бублик.

Қазақстан Рыбакинаны...

Ауыл шаруашылығы министрлігінің хабарлауынша, «Голдбридж халықаралық компаниясы» Атырау өңірінде ірі қант зауытын салмақшы. Өндіріс орны жылына 144 мың тонна қант шығарады деп жоспарланып отыр.

Бұл зауыт ішкі нарықтағы қантқа деген сұранысты қанағаттандыру үшін салынады. Жоба құны 58 млрд теңге деп бағаланып отыр, жаңа 200 жұмыс орны ашылуы керек.

«Аталған көлемдегі қант өндіру үшін шамамен 900 000 тонна қызылша немесе қант құрағы шикізаты қажет болады. Инвестор атыраулық компаниямен келіссөздер жүргізді, ол қант қызылшасын өсіруге дайын», – деп жазылған министрлік хабарламасында.

2024 жылдың көрсеткішіне қарасақ, елімізде 25,2 мың гектар жерге қант қызылшасы егілген. Ал ол қызылшаны...

Ұлттық статистика бюросы әлеуметтік маңызды азық-түлік тауарлары бағасының 2025 жылға арналған индекстерін жариялады.

Жыл басынан бері халық көп тұтынатын азық-түлік тауарының бәрі дерлік қымбаттады. Атап айтқанда, картоп бағасы бір айдың ішінде 17,8 пайызға, ақ қырыққабат 8,2 пайызға, күнбағыс майы 4,4 пайызға, ал сиыр еті 2,7 пайызға көтерілген.

Әсіресе, Орал қаласында (33,3%), Ақтөбеде (25,9%), Астанада (24.9%), Семейде (24,2%) және басқа да өңірлерде картоп бағасы шарықтап кеткенін байқауға болады. Бір келі картоптың орташа бағасы 224 теңге деп көрсетілген. Ең қымбат картоп Жезқазғанда (299 теңге), Қонаевта (276), Өскеменде (270) және Талдықорғанда (264) сатылады.

Биыл бағасы сол қалпында қалған немесе төмендеген әлеуметтік маңызы...

Миллионер Қайрат Итемгеновке тиесілі  AQNIET Group «Marwin-Меломан» дүкендер желісін сатып алды. Бұл туралы forbes.kz басылымы жазады.

«Меломан-Marwin» дүкендер желісі 2024 жылдың соңында сатылған. «Меломан» холдингінің негізін қалаған Александр Дериглазов пен оның бауыры Игорь Дериглазов өз активтерінің шамамен 50%-ын Aqniet Group компаниясына сатты. Aqniet Group-тың мажоритарлық акционері – Қайрат Итемгенов.

«Меломан» – Қазақстандағы әлемдік брендтердің ірі дистрибьюторы. Компания Sony Pictures, Sony PlayStation, Disney, LEGO және басқа да танымал маркалардың ресми өкілі. «Меломан-Marwin» дүкендер желісі елдегі ірі қалаларда және Ресейде жұмыс істейді. Сонымен қатар онлайн-сауда платформалары да бар.

Александр Дериглазовтың айтуынша, сатып алушымен алғашқы келіссөздер бір жыл бұрын басталғанымен...

Шымкент мұнай зауыты жөндеу жұмыстарына байланысты дизель отынын шығаруды тоқтатты. Бұл туралы өз дереккөзіне сілтеме жасай отырып Reuters басылымы хабарлады.

Шымкент МӨЗ-і қашаннан бері жұмыс істемейді?

«Шымкент мұнай өңдеу зауыты жөндеу жұмыстарына байланысты 4 ақпаннан бастап дизельдік отын өндіруді тоқтатты», – деп хабарлады басылым.

Басылым дереккөзінің хабарлауынша, Шымкент мұнай өңдеу зауыты осы аптаның соңына дейін гидротазалау қондырғысын жөндеуден өткізеді. Ал дизель шығару 4 ақпан күні тоқтаған.

Зауыт неге жұмыс істемей қалды?

«ҚазМұнайГаз» компаниясы қаңтарда Шымкент мұнай зауытында 25-28 ақпан аралығында отынды гидротазалау қондырғысындағы катализатор ауыстырылатыны жөнінде хабарлаған. Біра...

Әлеуметтік желіде жақсы танымал имам Нұрлан Байжігітұлы АҚШ астанасы Вашингтонда Ақ үйдің қайырымдылық таңғы асына қатысты. «Дональд Трамптың тура алдында отырдым» деген имам бұл туралы өзінің әлеуметтік желідегі парақшасында бөлісті.

«Америка Құрама Штаттарының Вашингтондағы қайырымдылық таңғы асқа келіп отырмын…мыңдаған адам. Тура мына жерде АҚШ президенті сөйлейді. Тура президенттің алдында имамдарыңыз отыр», – деді Нұрлан имам.

АҚШ президенті Дональд Трамптың шара барысында сөйлеген сөзі Нұрлан имамға ерекше әсер еткен.

«Америка Құрама Штаттарының 45-ші және 47-ші президенті Дональд Трамп мырза қайырымдылық шарада сөз сөйледі. «Құдайым мені атқан адамға өлтіртпей, сіздердің алдарыңызға шығаруы, бұл...

Freedom Telecom Holding Батыс-Шығыс ұлттық талшықты-оптикалық гипермагистралі мен Tier-III деңгейінен төмен емес деректерді өңдеу орталықтарын (ДӨО) салмақ. Компания мен Цифрлық даму министрлігі ынтымақтастық туралы меморандумдарға қол қойды. Гипермагистраль құрылысы 2026 жылы аяқталады.

«Бұл бастамаларды жүзеге асыру елге Еуропа мен Шығыс Азия арасындағы халықаралық деректер транзиті үшін баламалы маршрут құруға, Қазақстанның цифрлық қызметтер саласындағы бәсекеге қабілеттілігін арттыруға және әлемдік ірі IT-компанияларды тартуға мүмкіндік береді», – делінген хабарламада.

Батыс-Шығыс ұлттық гипермагистралі интернет-трафикті өткізу әлеуетін едәуір кеңейтіп, Қазақстанды халықаралық деректер алмасу орталығы ретінде қалыптастыруға мүмкіндік береді. Жоба деректерді беру кідірістерін азайтып, қосылу жылдамдығын арттыруға және Азия мен...

Жетісу облысы, Кербұлақ ауданы, Көксай ауылында қайтарылған активтер есебінен мектеп құрылысы басталады. Бұл туралы Үкіметтің баспасөз қызметі хабарлады.

«Үкімет Арнайы мемлекеттік қордан облыстың Кербұлақ ауданы Көксай ауылында жаңа мектеп құрылысына 1,4 млрд теңге бөлді», – делінген хабарламада.

Үкімет мәліметінше, бұл ауылда бір ғана мектеп бар. Шағын ғимаратта 53 бала екі ауысымда оқуға мәжбүр. Мектепте оқуға қажетті жағдай жасалмаған. Мәселен, қарапайым спорт және акт залдары, асханасы жоқ. Пәндік кабинеттер жетіспейді.

Ал жаңа мектеп ауылдағы сұранысқа сәйкес, 60 орынға салынады. Бұл жоба мектепте орын тапшылығы мәселесін шешіп, қазір ауылда тұрып жатқан 7 жасқа дейінг...

Шартты-жинақтаушы зейнетақы жүйесі өзін ақтамайды, қазіргі қорқадаланған мәселерді шеше алмағандықтан оны жою керек. Қазақстан қаржыгерлер қауымдастығының басшысы Елена Бахмутова Forbes.kz басылымына берген сұқбатты осындай ұсыныс тастады.

2024 жылғы мамырда үкімет Салық кодексінің жаңа жобасын талқылады. Сонда айтылған ұсыныстардың бірі – жұмыс берушінің 2024 жылдың басында енгізілген міндетті зейнетақы төлемін алып тастау.

Бахмутованың айтуынша, төлемнің мұндай түрі салымшылардың меншігі саналмайды. Қаражатты пайдалану механизміне сәйкес, зейнет жасына жеткен азаматтар арнайы формуламен есептелген төлемді ала алады.

Өзін жұмыспен қамтып отырған азаматтар мұндай міндетті зейнетақы төлемін аудармайды, себебі оның жұмыс берушісі жоқ. Бахмутова осы санаттағы азаматтар үшін төлемді басқару жүйесін өзгерту қажет деп...