Жаңалықтар

Талдықорған сотында Шерзат Полаттың қазасынан кейін айып тағылған сотталушы Нұрбол Тоқтаубаевтан жауап алынып жатыр, деп хабарлайды KursivMedia.

Оның сөзінше, 2024 жылы 3 қазанда Дархан Әскентай хабарласып, «Қамажай» дүкеніне келуін сұраған. Хабарласқан кезде өзін біреудің ұрғанын айтқан.

«Досың шот төлемеді» деді. «Мен ұрдым деді, артынан балам ұрды» деді. 1 000 теңге төлеуі керек екен, артығымен 1 500 теңге төледім. (…) Жолда досым ақша төлегенін айтып ақталды. Кикілжің ақшаға байланысты туған соң дүкенге қайта бардық», – деді Тоқтаубаев.

Нұрбол Тоқтаубаев Қылмыстық кодекстің 293-бабы 3-бөлігінде (бұзақылық) көрсетілген әрекетті жасады деп айыпталып отыр.

Сотта ол Шерзат Полаттың ағасы Нұрқанат Ғайыпбаевты бірнеше...

Ақтөбеде адамның ішкі ағзаларын сатпақ болған тұрғын ұсталды. Бұл туралы Ақтөбе облысының прокуратурасы хабарлады.

Прокуратураның жүргізген мониторинг жұмыстарының нәтижесінде, әлеуметтік желілердің бірінде Ақтөбе қаласының тұрғыны адамның ішкі ағзаларын сату туралы заңсыз мәміле жасамақ болғаны туралы ақпарат анықталды.

Облыс прокуратурасы қаулысы негізінде облыстық полиция департаментімен бірлесіп жедел-іздестіру іс-шаралары жүргізілді. Соның нәтижесінде, 2025 жылдың 30 сәуірінде ұйымдасқан қылмысқа қарсы күрес басқармасының қызметкерлері жалпы сомасы 15 млн теңгеге адамның ішкі органдарын сатпақ болған күдіктіні ұстады.

Аталған дерек бойынша ҚР Қылмыстық кодексінің 116-бабының 1-бөлігіне сәйкес («Адамның ағзалары мен тіндерін алып қоюға мәжбүрлеу немесе заңсыз алып қою») сотқа дейінгі тергеп-тексеру...

Байқоңыр ғарыш айлағында Чехияның екі азаматы ұсталды. Туристер космодромға жасырын өтіп, зымыранды суретке түсіріп алғысы келген. Бұл туралы RBC хабарлады.

Агенттіктің мәліметінше, шетел туристерінің үстінен әкімшілік хаттама толтырған. Екеуіне де 5 мың рубль айыппұл салған. Сосын туристерді босатып жіберген.

Shot телеграм-арнасы Байқоңырдан ұсталған азаматтардың аты-жөнін жариялады. Олар: 26 жастағы Ондржей мен 25 жастағы Якуб. Мәліметтерге қарағанда, екеуі «Энергия» зымыранына өтуге талпынған. Туристердің айтуынша, шетел азаматтары ғарыш айлағына фотоаппарат алып барған, бірақ жасырын түрде кіре алмаған.

Байқоңыр — әлемдегі алғашқы әрі ең ірі ғарыш айлағы. Ол 1955 жылы салынған. Қазақстан Байқоңырды Ресейге 2050 жылға дейін жалға берген.

Байқоңырдан...

Электросамокаттарға мемлекеттік нөмір қойылмайды. Бұл туралы Мәжіліс кулуарында  Ішкі істер министрінің орынбасары Игорь Лепеха айтты.

«Самокаттарға мемлекеттік нөмір қойылмайды. Өйткені барлық самокаттарда сәйкестендіру нөмірлері бар. Олар кішкентай әрі көрінбейді. Оларды агрегатор фирмалардың өзі қояды. Қазір сол сандарды үлкенірек етіп жазуға қатысты бастама көтеріп жатырмыз. Егер самокат жүргізушісі біреуді қағып кеткен болса, үлкен етіп жазылған нөмір бойынша полицияға хабарлауға мүмкіндік болады», – деді Лепеха.

Министрлік өкілі жауапкершіліктен ешкімнің қашып құтылмайтынын, қаққан адамды агрегатор арқылы анықтау оңай екенін жеткізді.

«Самокат жүргізушілері нөмір болмаған соң, жауапкершілікке тартылмаймыз деп ойлайды. Алайда біз көтеріп...

Шерзат Полаттың қазасы бойынша өтіп жатқан сот процесі сотталушы Азамат және Нұрбол Тоқтаубаевтың адвокаты Бабажанова қылмыстық істі прокуратураға қайтаруды сұрады, деп хабарлайды KursivMedia.

Бабажанованың сөзінше, қылмыстық іс құжаттарында Тоқтаубаевтарды күдікті деп тану туралы қаулы жоқ.

«Бұл күдіктіге қатысты қылмыстық қудалаудың заңда белгіленген тәртіптің сақталмай басталғанын көрсетеді. Бұл қылмыстық-процестік кодекстің 64-бабында «қорғау құқығы» сияқты маңызды құқығының бұзылуына әкеледі», – деді адвокат Бабажанова.

Сөзінше, күдікті ретінде қаулының болмауы қылмыстық істі мән-жайы бойынша қарауға мүмкіндік бермейтін құқық бұзушылық саналады.

«Қылмыстық-процестік кодекстің 321-бабына сәйкес алдын ала тыңдау тағайындап, бұл істі қылмыстық-процестік кодекстің 323-бабына сәйкес прокурорға қайтаруды...

Қазақстандағы ең ірі мұнай жобасы – Теңіз кен орнын игеріп жатқан «Теңізшевройл» (ТШО) компаниясы І тоқсанда өндірісті 25% арттырған. Бұл туралы ТШО-ның баспасөз қызметіне сілтеме жасай отырып, «Интерфакс-Қазақстан» агенттігі хабарлайды.

Қаңтар-наурыз айларында «Теңізшевройл» 9,37 млн тонна мұнай өндірген. Шамамен 74,5 млн баррельге тең көрсеткіш былтырғы сәйкес кезеңмен салыстырғанда 25%-ға артық. 2024 жылдың I тоқсанында өндіріс көлемі 7,5 млн тоннаны құраған еді.

ТШО – Chevron (50%), ExxonMobil Kazakhstan Ventures Inc (25%), «ҚазМұнайГаз» (20%) және ЛУКОЙЛ (5%) компанияларынан құралған бірлескен кәсіпорын. Компания Атырау облысындағы Теңіз және Королевское кен орындарын игерумен айналысады. Тек Теңіздің өзінде шамамен 3,1 млрд тонна мұнай қоры...

Duisenbi тобы – тыңдармандардың жүрегін жаулап келе жатқан жас өнерпаздар. Бұл — тек музыкалық жоба емес, бұл — достық пен табандылықтың, шынайылық пен арманның тоғысқан тарихы.

Достықтан туған дуэт

Топ мүшелері — Saqi (Сағындық) пен Daus (Самғат) — мектеп кезінен дос. Екеуі алғаш рет 2017 жылы ортақ достары арқылы танысқан. Бір қызығы, Самғат кейін Сағындық оқитын мектепке ауысып келеді. Сол кезден бастап шығармашылық байланыс орнай бастайды. Самғат бала күнінен «әртіс болам» деп армандаса, Сағындықтың бұл арманын өмір желі ұмыттырып жіберген екен.

2022 жылы екеуі өнер адамдарының ортасында жүріп, алғашқы демо әндерді жаза бастайды. Ал 2023 жылдың мамыр...

Temu маркетплейсін пайдаланушылар тағы да ұжымдық талап-арыз түсірді. Оларды компанияның жеке деректерді заңсыз жинап, үшінші тараптарға сатқандығы алаңдатып отыр.

Қытайлық алпауытқа кезекті сот соққысы

АҚШ-тың Potter Handy, LLP атты заң компаниясы PDD Holdings-ке тиесілі Temu маркетплейсіне қарсы кезекті ұжымдық талап-арызды дайындап жатыр. Пайдаланушылар маркетплейсті жеке мәліметтерді заңсыз жинап, оларды үшінші тараптарға сатты деп айыптауда. Талап-арызда Temu қосымшасының жарияланған құпиялылық пен деректерді қорғау стандарттарын бұзатыны айтылған.

Бұл Temu-ға қарсы АҚШ-тағы алғашқы шағым емес. 2023 жылы Иллинойс штаты мен басқа өңірлердің тұрғындары да осындай шағымдар түсірген. Ол кезде пайдаланушылар маркетплейсте алғашқы сатып алулардан кейін микронесиелік компаниялар мен онлайн-дүкендерден...

Қазақстандықтар жылына 4 кг ғана балық тұтынады. Бұл Дүниежүзілік денсаулық сақтау ұйымы бекіткен нормадан әлдеқайда төмен. Сенат отырысында балық шаруашылығын дамыту мәселесі талқыланды.

Сенатта  «Аквашаруашылық туралы» заң қаралды. Заңда аквашаруашылық субъектілері қызметінің түрлері, балық шаруашылығы су айдынын немесе учаскесін конкурстық және конкурстан тыс негізде бекіту тәртібі нақтыланған. Жобаны талқыға салған сенаторлар бірқатар толықтырулар мен ұсыныстар енгізу үшін заңды Мәжіліске кері қайтарды.

Депутат Арман Өтеғұлов аквашаруашылық – еліміздің агроөнеркәсіп кешенін әртараптандыруға, халықтың әл-ауқатын арттыруға, қосымша жұмыс орындарын ашуға, кәсіпкерлердің табысын арттыруға ықпал ететін болашағы зор сала екенін атап өтті.

Бүгінде Қазақстанның балық шаруашылығы бойынша экспорттық әлеуеті көршілес...

Құрама Штаттар Түркияға 304 млн долларға зымыран сатуға келісім берді. Анкара АҚШ-тан жүзден аса зымыран сұратқан. Бұл туралы Bloomberg хабарлады.

15 мамыр күні АҚШ мемлекеттік хатшысы Марко Рубио НАТО елдері сыртқы істер министрлерінің кездесуіне қатысу үшін Түркияға барды. Қару сату жөнінде келісім сол кезде жасалды. Рубио ертең Ыстанбұлға барып, Ресей мен Украина арасындағы келіссөздерге қатысуы мүмкін.

Түркия Құрама Штаттардан «әуе-әуе» санатына жататын, орта қашыққа ұшатын 53 зымыран, сонымен бірге 60 Block II зымыранын сұратып отыр. Қару саудасын RTX корпорациясы жүзеге асырады.

Агенттік мәліметінше, Түркия президенті Реджеп Ердоған АҚШ президенті Дональд Трамппен кездесіп, екі ел арасындағы қарым-қатынасты жақсартқысы келеді. Түркия...

ҚР Президентінің Іс басқармасы Медициналық орталығының Ұлттық госпиталінің директоры Асхат Бралов Сара Назарбаеваның қайтыс болғаны туралы ақпаратты жоққа шығарды.

«Науқастың қайтыс болғаны туралы ақпарат шындыққа жанаспайды. Науқас ҚР Президенті Әкімшілігінің Медициналық орталығының Ұлттық госпиталінде емделуде», – деп мәлімдеді аурухана басшысы.

Асхат Бралов науқасқа қатысты мәліметтер жария етілмейтінін де атап өткен.

«Денсаулық сақтау және денсаулық сақтау жүйесі туралы» Қазақстан Республикасы Кодексінің 273-бабына сәйкес диагнозы мен денсаулық жағдайына қатысты мәліметтер медициналық құпияны құрайтын мәліметтер санатына жатады. Ақпаратты құпия сақтау туралы шешім пациенттің жеке өміріне қол сұғылмаушылыққа заңды құқықтарын қамтамасыз ету...

5 жылға сотталған «Атамекен» Ұлттық кәсіпкерлер палатасының бұрынғы басқарма төрағасы Абылай Мырзахметов шартты түрде мерзімінен бұрын босап шығуға өтініш берді. Ақпаратты Павлодар облысының соты растады деп хабарлайды KursivMedia.

«Шартты түрде мерзімінен бұрын босату туралы өтінішхат түсті, бірақ әлі қаралған жоқ», – деп жауап берді соттың баспасөз қызметі.

Айта кетейік, Мырзахметов бұған дейін де сотқа жазаның өтелмеген бөлiгiн неғұрлым жеңiл – бас бостандығын шектеу түріндегі жазаға ауыстыру туралы өтініш түсірген. Алайда сот сотталған азаматтың өтінішін қабылдамады.

2024 жылдың мамырында аса ірі мөлшерде алаяқтық жасағаны үшін кінәлі деп танылып, 5 жылға бас бостандығынан айырылған. Сол кезде...

Желіде Рахымжан Қошқарбаевтың тозған ескерткішінің суреті тараған еді. Суретте бояуы кетіп, батыр есімі жазылған тақтайшадағы әріптері өшіп қалған ескерткіш бейнеленген. Бұл ескерткіш Ақмола облысындағы Рақымжан Қошқарбаев ауылында орналасқан екен.

Бұл мәселеге байланысты Ақмола облысы әкімдігінің баспасөз қызметі Kursiv.Media сауалына жауап берді. Ведомствоның мәліметінше, ескерткіш Целиноград ауданы, Рахымжан Қошқарбаев атындағы ауылдағы орта мектептің ауласында орналасқан.

«2024 жылдың мамыр айында, Рахымжан Қошқарбаевтың 100 жылдығына орай, ескерткіш демеушілер есебінен толықтай қайта қалпына келтіріліп орнатылған», – делінген ресми жауапта.

Әкімдік қазіргі уақытта ауа райының күрт өзгеруі мен температураның ауытқуы салдарынан ескерткіштің беткі қабатындағы бояуы түсе бастағанын айтты.

Қырғыз арнайы қызметі қазақстандық кәсіпкер Ерқанат Жұмабековті іздестіріп жатыр. Бұл туралы 15 мамырда Қырғызстан ҰҚМК баспасөз қызметі хабарлады.

Комитеттің мәліметінше, оған Қамшы Көлбаевтың ұйымдасқан қылмыстық тобын қаржыландыру ісі аясында іздеу жарияланған.

«Қазақстандағы ірі кәсіпкерлердің бірі Ерқанат Жұмабековтің Қамшы Көлбаевтың қылмыстық тобын қаржыландырғаны дәлелденді», – деп хабарлады қырғыз арнайы қызметі.

Тергеудің нұсқасынша, Жұмабеков пен Көлбаев дос болған, талай мәрте кездескен. Кәсіпкер Қамшының жақын туыстарына қаржылай көмек көрсеткен.

Бішкектің Октябрь аудандық соты Жұмабековті сырттай қамауға алу жөнінде шешім шығарды. Кәсіпкерге іздеу жарияланды.

Қамшы Көлбаев 2023 жылғы 4 қазанда арнайы қызмет операциясы барысында атып өлтірілді. 2012 жылы...

2025 жылдың I тоқсанында халық алтын құймаларын 4,6 есе аз сатып алды. Бұл туралы ҚР Ұлттық банкі хабарлады.

Ресми дерекке сәйкес, 2025 жылдың қаңтар-наурыз айларында елімізде жалпы салмағы 176 кг болатын 11 084 өлшемелі алтын құйма сатылған. Ал 2024 жылдың сәйкес кезеңінде бұл көрсеткіш 816,4 кг (18 969 құйма) болған. Осылайша, алтынға деген сұраныс айтарлықтай төмендеген.

Ұлттық банк ЕДБ мен айырбастау пункттеріне 5 мыңға тарта алтын құйма өткізген.

Қандай құймалар көп сатылады?

Құймалар бес түрлі салмақта : 5 г, 10 г, 20 г, 50 г және 100 г. Халық ең көп 10 граммдық құйманы таңдаған...

Бауыржан Момышұлы диссидент Хасен Қожа-Ахметті жас кезінде түрмеден құтқарып қалған. Қазақ батырының тілдей хаты араша болыпты.

Хасен Қожа-Ахметтің жас кезінде барлық Кеңес одағының жастарынан ешқандай айырмасы жоқ еді. Тарихқа қызығып, музыканы ерекше жақсы көрді. Әскерде көрген құқайы оның алдағы тағдырына зор ықпал етті.

Жәбір көргені үшін – әскери түрмеге!

Кеңес Одағының идеологиясы бойынша, «интернационализм», «халықтар достығы» деген ұғымдар ерекше дәріптелді.  Сондықтан кеңес офицерлері Байқоңырда әскери борышын өтеп жүрген қатардағы жауынгер Хасен Қожа-Ахметтің өзге солдаттармен қырғи-қабақтығын байқайды. Мұның себебі ұлттына қарай кемсітушілікте жатқанын білген олар істі жасырып жаппақ болады.

Жабулы қазанды жабулы күйінде қалдыру үшін ерекше шешім шығарады. «Сен...

Талдықорғандағы сот отырысында 2024 жылдың қазанында бір топ адамның Шерзат Полат пен ағасы Нұрқанат Ғайыпбаевты пышақтап, ұрып-соққан сәті түсірілген видео көрсетілді. Ол жерде ер адамның «скорый шақырыңдар» деген дауысы естіледі.

Сондай-ақ видеоға сәйкес, бір топ адамның арасында бір ер адам жерде жатқан адамды қатты затпен бірнеше рет ұрған.

«Нұрқанат Ғайыпбаев пен Шерзат Полаттың қасына сотталушылар Белғожаев, Шынасыл, Тоқтаубаев, оның артынан Сакиев келді. Ең бірінші Шерзатты...

Orda басылымының әлеуметтік желідегі парақшасына кибершабуыл жасалып жатыр. Бұл туралы басылымның телеграм арнасы хабарлады.

«Orda-ның инстаграм парақшасына кибершабуыл жасалып жатыр. Жаппай орынсыз шағымдар түсіп жатыр», – делінген басылым хабарламасында.

Басылымның хабарлауынша, біраз уақыт уақыт бұрын инстаграмдағы парақша еш себепсіз бұғатталған. Бірақ Meta компаниясына өтініш білдірген соң, инстаграм парақшасы қалпына келтірілген. Содан кейін аталмыш аккаунт тек бір күн ғана істеп, қайта бұғатталған. Meta компаниясы парақшаға ауқымды шабыл жасалып жатқанын, шағымдар саны артқанын мәлімдеген.

Қазіргі таңда Orda-ның TikTok және Facebook-тағы парақшалары жұмысын жалғастырып жатқаны айтылады. Сонымен бірге басылым сайтының жұмысына да ешқандай кедергі келтірілмеген.

BI Group холдингінің еншілес компаниясы – BI Development жетінші рет облигация шығаратынын хабарлады. Құны 2 млн АҚШ доллары болатын бағалы қағаздар 7,5% жылдық мөлшерлемемен, 24 ай мерзімге орналастырылмақ. Бұл шешім 2025 жылғы 2 мамырда өткен акционерлердің жалпы жиналысында қабылданған.

«Астана халықаралық биржасында (AIX) жалпы сомасы 2 000 000 АҚШ долларына жететін жетінші облигациялар траншын, жылдық 7,5% сыйақы мөлшерлемесімен, 24 айға дейінгі мерзімге шығару туралы шешім қабылданды», – делінген компанияның ресми хабарламасында.

2024 жылы BI Development KASE арқылы 15 млрд теңге және 15 млн доллар көлемінде облигациялар шығарып, қаражат тартуды көздеген. Теңгедегі облигациялар 16,75–17,25%, ал...

Қазақстанға Қытайдан келетін туристер саны 2019 жылдан бері 9 есе артқан. Бұл туралы Kazakh Tourism ұлттық компаниясының баспасөз қызметі хабарлады.

«2024 жылы Қытайдан келетін туристер ағыны қарқынды өсім көрсетіп, пандемияға дейінгі 2019 жылғы көрсеткіштен 9 есеге артты. Қазақстан қытайлық саяхатшылар үшін ең тартымды бағыттардың біріне айналып келеді», – делінген баспасөз хабарламасында.

Баспасөз қызметінің мәліметінше, 2024 жылы ҚХР Қазақстандағы қонақүйлер мен өзге де орналастыру орындарында тоқтаған шетелдік туристер саны бойынша екінші орынға шыққан. Компания мәліметінше, елдегі қонақ үйлерге 173 987 қытайлық турис орналасқан. Бұл көрсеткіш өткен жылмен салыстырғанда 66%-ға артық. Ал жалпы келушілер саны...

Марқұм Шерзат Полаттың қазасына қатысты қылмыстық істі қарап жатқан судья Ержан Жанұзақов блогерлер мен басқа да желі қолданушыларына ескерту жасады, деп хабарлайды KursivMedia.

«Әлеуметтік желілерде іске мүлде қатысы жоқ блогерлер мен басқа да азаматтар тергеу әрекеттері мен сот талқылауына қатысты жеке пікірін білдіріп, субъективті баға беріп жатыр. Осыған байланысты ҚР Конституциясының 75-бабы 1-тармағына сәйкес Қазақстанда сот төрелігін тек сот жүзеге асыратынын, сонымен қатар сот төрелігін жүзеге асыру жөніндегі сот қызметіне қандай да бір араласуға жол берілмейтінін, ол заңда белгіленген тәртіпте жауапкершілікке әкеп соғатынын еске саламыз. Іс қаралып бітіп, үкім шығып, ол заңды күшіне енгенге дейін сот...

Терең қаржы дағдарысына ұшыраған Nissan 20 мың жұмысшыны қысқартып, зауыттарын жабуға көшті. Сарапшылар жапон автокомпаниясы бәсекеге төтеп бере алмады деп есептейді. Дағдарыстан шығар жол бар ма?

Nissan көрсеткіштері төмен

Шамамен бір ғасыр бұрын құрылған компания ауыр кезеңді өткеріп жатыр. 2024 қаржы жылы оның әлемдегі саудасы 2,8%-ға төмендеді. Басқа да қаржы көрсеткіштері сын көтермейді. Соған байланысты жапон компаниясы қайта құрылымдау жоспарын жариялады. Енді ол зауыттарын жауып, 20 мың жұмысшыны қысқартуға мәжбүр. Себебі шығын өсіп барады. Nissan 2024 жылы 670,9 млрд иен (4,5 млрд доллар) шығынға ұшыраған.

Bloomberg мәліметінше, жапон компаниясы 2027 жылға қарай жеті кәсіпорынын жабуды көздеп...

Талдықорғанда жасөспірім Шерзат Полаттың қазасы бойынша сот процесі жалғасып жатыр. 2025 жылдың 15 мамырында сотталушылардан жауап алу жалғасады деп жоспарланған. Сондай-ақ қайғылы оқиға болған күні түсірілген видеолар көрсетіледі, деп хабарлайды KursivMedia.

Сот отырысы басында судья әлеуметтік желіде қылмыстық іске қатысты субъективті пікір таратуға болмайтынын ескертіп, мұның сотқа қысым деп қабылданатынын айтты.

Видеода сотталушы Дархан Әскентайдың «Қамажай» дүкені ішіне кірген сәті де түсірілген. Сыра алғаннан кейін, Әскентай танысына телефон арқылы хабарласып, мың теңге аударуды сұраған.  

Прокурор Ержан Құрақбаев видеолары қарау барысында бұған дейін сотқа куә ретінде қатысқан Эльмира Нұрбекова және Дана Жақсыгелді дүкенге кірген кезде қолдарында сөмкесі болғанына назар аударды. Олар сотта қолында сөмкесі болмағанын...

Иран ядролық қарудан қандай жағдайда бас тартатынын мәлімдеді. Иранның рухани жетекшісінің кеңесшісі Әли Шамхани NBC News арнасына берген сұхбатында Тегеранның АҚШ-пен ядролық энергетика туралы келісімге қол қоюға дайын екенін жеткізген. Ол үшін АҚШ санкцияларды алып тастауы керек.

Егер АҚШ Иран қойып отырған шарттарды орындаса, Иран ядролық қару жасауды тоқтатып, уранды тек азаматтық мақсатта ғана пайдаланады. Иран тіпті бұл процестерді бақылап отыру үшін бірнеше елдің қатысуымен консорциум құруды да ұсынған.

«Халықаралық инспекторларға Иранға қарсы барлық экономикалық санкциялардың тез арада жойылуы үшін осы процесті бақылауға мүмкіндік береміз», – деп мәлімдеген өз сұхбатында Шамхани.