Жаңалықтар

Қазнетте берекелі шаңырақтың үлгісін көрсетіп, бір-бірі үшін жаралғандай көрінетін әдемі жұп жетерлік. Kursiv.Media тілшісі кейінгі кездері желіде жағымды пікірге ие болып жүрген, отбасын құрғандарына көп болмаса да, жұртшылықтың жүрегін жаулаған 5 жұптың тізімін жасады.

Артур Асқарұлы & Замира Саидова

Қазақстандық медиакеңістікте кейінгі жылы өте көп талқыланған, көзайымға айналған жұптың бірі. Өткен демалыста дүркіретіп үлкен тойын өткізді. Артур — танымал блогер, еліміздегі алғашқы вайнерлердің қатарында. Кезінде Yuframe командасының құрамында болды. Қазір блогпен қатар, жеке кәсібін де жүргізіп отыр. Танымал журналист Гүлмира Дайрабайдың үлкен ұлы. Қалыңдығымен былтыр мұсылманша неке қиған.

Жалпы сүйіктісі Замирамен кездесіп бастағанын жариялаған сәттен бастап...

Changan брендінің Ресейдегі кеңсесі Қазақстанда құрастырылған көліктерді жеткізуді бастайды. Бұл туралы компанияға сілтеп екі бірдей дереккөз – Auto.ru порталы мен «Қытай автокөліктері» телеграм арнасы жазды.

«Модельдер кең ауқымды болады, нақты қай модельдер екені әзірге белгісіз», – деген Changan өкілі.

Десе де, Ресейге жеткізілетін алғашқы модель – CS75 Plus кроссовері болады деп күтіліп отыр. Көлік тамыз айында дилерлердің қоймаларына жеткізілетіні хабарланды.

Телеграм арна әзірге «Астана Моторс» компаниясының мультибрендті зауытында құрастыру жоспарланған 12 модельдің 8-і белгілі екенін жазды. Бекітілген тізімде әзірге жалғыз Changan бар – ол CS55 Plus / Uni-S кроссовері.

Бұған дейін, зауытт Haval...

2025 жылдың екінші тоқсанында 720-дан аса ресейлік компания Қазақстаннан кетті. Бұл туралы Бірінші кредит бюросы ұлттық статистикаға сүйене отырып хабарлады.

Мәліметтерге қарағанда, 1 сәуірден бастап 1 шілдеге дейін Қазақстанда жұмыс істеген ресейлік компаниялар саны 728-ге қысқарған. Қазір елде Ресейдің 17,6 мың компаниясы қалған.

Теріс динамика бес тоқсан бойы жалғасып келеді. Қазір тіпті күшейіп кетті. 2024 жылғы сәуірден бері Ресейдің Қазақстандағы бизнесі 2,1 мың кәсіпорынға азайған. Ресейлік компаниялар саны елде 2022 жылы күрт көбейген. Кәсіпкерлердің жаппай Қазақстанға көшуіне Украинада соғыстың басталуы себеп болған.

Белсенділік экономиканың барлық саласында азайғаны байқалды, бірақ сауда мен IT үлесіне 55% тиесілі болып отыр. Соған қарамастан...

Қазақстанда отбасы құрғанына бес жылдан аспаған жұптарға арналған арнайы ипотекалық бағдарлама бар. Ол «Жас отбасы» деп аталады. krisha.kz басылымының жазуынша, бұл бағдарлама арқылы жас жұбайлар 5 пайызбен баспана ала алады.

Бұл бағдарламаға қатысу үшін жас жұптың ресми отбасы құрғанына бес жылдан аспауы тиіс. Жұбайлардың жасы маңызды емес, бастысы неке мерзімі ғана есепке алынады.

Бағдарлама шарттары қандай

Бағдарлама шарттарына келсек, бастапқыда жылдық мөлшерлеме 6 пайыз болып белгіленеді, кейінірек ол 5 немесе тіпті 3,7 пайызға дейін төмендейді. Қарыз сомасы 100 миллион теңгеге дейін жетуі мүмкін.

Бұл қаражатқа пәтер сатып алу, жер телімін алып, үй салу, тіпті жөндеу жұмыстарына...

ҚР Президенті Қасым-Жомарт Тоқаев шахматшы Меруерт Камалиденованы 2025 жылғы FIDE World Cup жарысындағы іріктеу кезеңінде көрсеткен жоғары нәтижесімен құттықтады. Тоқаев Грузияның Батуми қаласында өтіп жатқан байрақты бәсекеде танымал шахмат шеберлерін жеңген спортшыға арнайы жеделхат жолдады.

«Мемлекет өзіңіз сияқты талапты жастарға әрқашан қолдау көрсетеді. Елімізде бұл интеллектуалды ойын түрін жаппай дамыту үшін нақты шаралар қолға алынды. Өскелең ұрпақ өздеріңізге қарап бой түзейді. Әрбір жеңістеріңіз оларды жігерлендіреді», – делінген құттықтау хатында.

Президент Меруерт Камалиденоваға алдағы финалдық кездесулерде сәттілік тілеп, ел намысын абыроймен қорғауына тілектестік білдірді.

Еске сала кетейік, бұған дейін қазақстандық шахматшылар Лондонда өткен әлем чемпионатында...

Түркістан облысы Шардара ауданы Қоссейіт ауылдық округінің шаруалары егіндік жерінің астынан жүргізілген газ құбырын қазып алуды кейінге қалдыруды сұрайды.

Олардың айтуынша, қазір жоңышқа көктеп, мақта көсектеген кез. Газ құбырын қазса егіндікке зиян келеді. Оған қоса құбыр ондаған шаруаның егінін суғаруға арналған канал астынан да өткен. Егер канал бүлініп, су тоқтаса егіндіктің бәрі қурайды. Шаруалардың жанайқайынан ауылдық округінің әкімдігі хабардар. Әкімдік «газ құбырын қазып алуға соттың рұқсаты бар, сот шешіміне қарсы тұра алмаймыз, тек қопарылған жерді қалпына келтіруге көмектесеміз» деп отыр.

Жер астындағы құбыр мен шаруалардың жанайқайы

«Майра» шаруа қожалығының иесі зейнеткер Майра Шетенова 5,5 гектар жерге...

Перизат Қайрат сотына The Akan Building компаниясының өкілі Жұлдыз Амангелдинова қатысты. Ол су тасқынынан кейін компанияның маркетинг бөлімі жағдайды саралап, қайырымдылық көмек көрсету үшін «Biz Birgemiz Qazaqstan 2030» қорын таңдағанын айтты. Осылайша компания 689 983 теңгені қор шотына аударған.

«Біз бұл қорды мемлекеттік деп ойладық, себебі ол әлеуметтік желілерде белсенді түрде жарнамаланды», – деп түсіндірді Амангелдинова.

Алайда прокурор бұл қордың мемлекеттік емес екенін нақтылады. Бұған компания өкілі «біз білмедік» деп жауап берді.

Прокурор неге мұндай сома аударғанына «компанияның бос қаражаты» деп жауап берді.

Сонымен қатар ол компания бұл қаражаттың әрі қарай қалай жұмсалғаны туралы еш...

Cәрсенбі, 16 шілдеде түсте Алматы қаласында Бұқар жырау және Байзақов көшелерінің қиылысында газ құбыры жарылып, екі адам зардап шекті. Оқыс оқиға туралы Kursiv.Media-ға куәгерлер хабарлады.

Алматы қалалық денсаулық сақтау басқармасының мәліметінше, жедел жәрдем екі адамды ауруханаға жеткізген.

«Дәрігерлер науқастарды мұқият тексерген соң, оларға денесі сырылған деген диагноз қойылды. Науқастардың жағдайы тұрақты. Оларды ауруханаға жатқызу қажет емес. Олар амбулаториялық ем қабылдайды», – деп хабарлады басқарманың баспасөз қызметі.

Осының алдында QazaqGaz Aimaq кәсіпорыны қысымы орташа жерасты газ құбырын қысымға қаншалықты шыдайтынын тексеру барысында құбырдан ауа атылып шыққанын хабарлаған.

Оқиға куәгерлерінің Kursiv.Media-ға жолдаған видеодан ағаштар...

АҚШ президенті Дональд Трамп Украинаға қатысты ұстанымының жұмсаруына әйелі Мелания ықпал еткенін ішінара мойындады. Бұл туралы The New York Post басылымы жазды.

«Жұмыстан үйге келіп, бірінші ханымға: «Мен бүгін Владимирмен сөйлестім. Керемет әңгіме болды» деймін. Ол маған: «Әзілің бе?» Жаңа ғана тағы бір қала зардап шекті» деп жауап береді», – дейді Трамп үйдегі әңгімені еске алып.

Құрама Штаттардың бірінші ханымы Мелания Трамп Словенияда туған. Бұған дейін ол Украинадағы соғыс туралы көпшілік алдында ештеңе айтпаған. Дегенмен оның тарихи отаны 2022 жылғы ақпанда Ресей Украинаға басып кіргелі бері Кремльмен суық қарым-қатынасын сақтап отыр, деп жазды NYP.

Халықаралық Fitch Ratings агенттігі Қазақстан Республикасының егемен кредит рейтингін «BBB» деңгейінде растап, ал болжамын тұрақты деп қалдырды.

Агенттік талдауынша, рейтингтің жоғары деңгейде сақталуына бірнеше фактор әсер еткен. Атап айтқанда:

Fitch сарапшылары мұнай-газ секторының маңыздылығын атап өткен. Олардың болжамынша, Теңіз кен орнындағы мұнай өндірісінің артуы әлемдік мұнай бағасының төмендеуін белгілі бір дәрежеде өтеуге мүмкіндік береді.

Агенттік салық жүйесін реформалау бойынша Қазақстан билігінің жоспарын да оң бағалап отыр. Бұл бастама орта мерзімді кезеңде бюджет тапшылығын қысқартуға сеп болуы мүмкін.

Сонымен қатар...

Қазақстан қор биржасының жаңа төрағасы Әділ Мұхамеджанов алғаш рет ресми түрде журналистер алдына шығып, KASE-нің жартыжылдықтағы жұмысына есеп берді. Цифрлық теңге жобасы, жаңа Салық Кодексі тәрізді сұрақтарға жауабын айтты.

Жаңа төраға қор биржасының Ұлттық банкпен бірге цифрлық құралдарға қатысты заң жобасын әзірлеуге қатысып жатқанын атап өтті.

«Қазір Ұлттық банк нарық қатысушыларымен бірге цифрлық-қаржы активтері жайлы заңды аяқтап қалды. Меніңше, цифрлық құралдар әлемінде Қазақстан қор биржасы айтарлықтай орын алады. Орталық депозитариймен бірге ішкі архитектурамызды реттеп, жаңа нарыққа кіру үшін дайындалып жатырмыз», – деді ол.

Қор биржасы төрағасының сөзінше, цифрлық теңге жайлы заң қабылдағаннан...

Енді құны 20 000 АЕК-тен асатын мүлікті, оның ішінде «мемлекеттік тіркеуге жататын механикалық көлік пен тіркемені» сатып алғандар табысы мен мүлкі туралы декларация тапсыруға тиіс. Бұл туралы Kolesa.kz сайты жазды.

Бұл ереже ретроспективті түрде 2025 жылғы 1 қаңтардан бастап күшіне енбек. Демек биыл және алдағы жылдары елде және шетелде сатып алынған құны 20 мың АЕК-тен асатын (78 640 000 теңге немесе 148.6 мың доллар) барлық автомобильді декларациялау керек.

Кіріс пен мүлік туралы декларацияны есепті күнтізбелік жылдан кейінгі жылдың 15 қыркүйегінен кешіктірілмей тұрғылықты жері бойынша тапсыру қажет. Яғни азаматтар 2025 жылғы декларацияны 2026 жылғы 15 қыркүйекке дейін тапсырады.

Жаңа салық кодексінің жобасында ескі көлікке салық жеңілдігін беру және құны 75 млн теңгеден асатын қымбат машинаға қосымша...

Осы жылдың алғашқы алты айында «ЦентрКредитБанкі» АҚ, «Қазақстан Халық Банкі» және «ҚазМұнайГаздың» акциялары нарықта ерекше сұранысқа ие болды. Бұл жайлы жартыжылдық есепте KASE төрағасы Әділ Мұхамеджанов айтты.

«ЦентрКредитБанктің» акциялары алты ай ішінде бірден 55%-ға қымбаттап, бір акциясы 3400 теңгеден сатыла бастады.

Қазақстан Халық банкінің құнды қағаздары 23%-ға өсіп, 316 теңгеден, ал «ҚазМұнайГаз» акциялары 13%-ға қымбаттап, 16 616 теңгеден саудаланды. Сондай-ақ «Қазатомөнеркәсіп» акциялары 12%-ға өсіп, 22 599 теңгеден сатылды.

Акциясы арзандаған компаниялар қатарына KEGOC (-5%), «Қазақтелеком» АҚ (-7,5%), «Эйр Астана» (-10,7%) және Kaspi Bank (-16,1%) бар.

Жалпы 2025 жылдың басынан бері қор биржасында көлемі 163,4 млрд теңгеге акциялар...

Астанада Перизат Қайрат пен анасы Ғайни Алашбаеваға қатысты сот процесі жалғасып жатыр. 16 шілдедегі сот отырысына елордадағы Назарбаев зияткерлік мектебінің ата-аналар комитетінің төрайымы Сәуле Қуандықова қатысты.

Қуандықованың сөзінше, 2024 жылы Астанадағы физика-математика бағытындағы НЗМ ата-аналары су тасқынынан зардап шеккендерге көмек көрсету мақсатында ақша жинаған.

«НЗМ ата-аналары маған сенім білдірді, ал бұл қаражаттың мақсатқа сай пайдаланылмағанын ескерсек, өзімді жәбірленуші деп тануды және бұл соманы өндіріп беруді міндетті деп санаймын. 2024 жылдың 15 сәуірінде біз 901 855 теңге көлеміндегі соманы «Biz Birgemiz Qazaqstan 2030» қорына аудардық. Өйткені бұл қор қоғамда кеңінен танылды, Instagram-да жарнамасы көп болды», – дейд...

Сәрсенбі, 16 шілдеде сағат 11-45 шамасында Алматы қаласында Бұқар жырау және Байзақов көшелерінің қиылысында газ құбыры жарылды. Бұл туралы оқиға куәгерлері Kursiv.Media-ға хабарлады.

Редакция Алматы қалалық төтенше жағдайлар жөніндегі департаментіне сауал жолдады.

QazaqGaz Aimaq кәсіпорынындағылардың айтуынша, қысымы орташа жерасты газ құбырын қысымға қаншалықты шыдайтынын тексеру барысында құбырдан ауа атылып шыққан. Бұл құбырды қайта төсеу жұмыстарымен «СантехКомплектГрупп» ЖШС мердігер ұйымы айналысқан.

«Осы оқиғаның салдарынан жолға, ағаштар мен автокөлікке зақым келді. Қаланың құтқару бөліміндегі шұғыл топтардың бәрі оқиға орнына жиналды. Қазір осы жерді тексеру, себебін анықтау жұмыстары жүріп жатыр. Аумақ қоршалған. Тұрғындарға ешқандай қауіп жоқ. Ешкім зардап...

Жөндеу жұмыстарына байланысты Алматыдағы Серкебаев көшесінің бірқатар учаскелері жабылады. Бұл туралы AlmatyJoly Telegram арнасы хабарлады.

Шектеулер Серкебаев даңғылы бойындағы бірнеше учаскеде енгізіледі. Атап айтқанда, алдағы 3 күнде күнде мына учаскелерде көлік қозғалысы шектеледі:

Бұл учаскелерде жолдарды орташа жөндеу жұмыстары жүргізіледі. Сол себепті жүргізушілер мен тұрғындарға өз маршруттарын алдын-ала жоспарлау ұсынылған.

2025 жылдың бес айында бірыңғай жинақтаушы зейнетақы қорындағы қаржы (БЖЗҚ) 379,7 млрд теңгеге артып, 22,9 трлн теңгені құраған. Осы кезеңде қор 152,2 млрд теңге инвестициялық шығын шекті. Бұл туралы Қаржы нарығын реттеу және дамыту агенттігі жариялаған «Жинақтаушы зейнетақы жүйесінің ағымдағы жағдайы» атты шолуда айтылған.

Есепті кезеңде қордың банк секторына салған қаражаты айтарлықтай қысқарған. Егер жыл басында банктердегі депозиттердің көлемі 696,9 млрд теңге болса, маусым айына қарай бұл көрсеткіш 139,4 млрд теңгеге дейін төмендеген. Депозиттердің жалпы инвестициялық портфельдегі үлесі 3,1%-дан 0,6%-ға дейін кеміген.

Мемлекеттік бағалы қағаздар үлесі өсіп отыр

Ұлттық қаржы құралдары арасынан ең көп өсім көрсеткен...

Алматы әкімі Дархан Сатыбалдының төрағалығымен Алатау ауданында аудан әкімдігі, салалық басқармалар, коммуналдық қызмет пен тиісті ұйымдардың қатысуымен көшпелі жиын өтті. Басқосуда ауданның қордаланған мәселесі мен инфрақұрылымдық жобаларды жеделдету жолдары қаралған.

Коммуналдық желі мәселесі

Ауданда инвестиция көлемі ұлғайғанымен, Шаңырақ-1, Самғау, Өжет, Шапағат сынды бірқатар шағынауданда инженерлік желілер, соның ішінде су құбыры мен кәріз жүйесі әлі толық пайдалануға берілмеген. Бұған сорғы станциялары құрылысының аяқталмауы, коллекторлардың жоқтығы мен жер телімдерін рәсімдеудегі кідіріс себеп болып отыр.

Дархан Сатыбалды әр нысан бойынша инженерлік желілерді іске қосу кестесін осы жаздың соңына дейін әзірлеп, заңдық кедергілерді жоюды тапсырды.

Қала әкімі аппаратының басшысы Ерлан Исабековт...

Милан-Кортина–2026 ұйымдастыру комитеті алдағы қысқы Олимпиада және Паралимпиада ойындарының медальдарын ресми түрде таныстырды. Презентация Италияның Венето аймағындағы тарихи Венеция қаласында өтті.

Жаңа медаль дизайны ерекше мағынаға ие — әрбір жүлде екі жарты бөліктен тұрады. Бұл спортшының жеке жолы мен сол жолда бірге болған, қолдау білдірген адамдарға деген құрметті білдіреді. Олимпиада мен Паралимпиада құндылықтары дәл осы бірлік арқылы көрініс табады.

Медаль дизайны тек эстетикаға ғана емес, эмоция мен командалық рухқа негізделген.

Марапаттар қайта өңделген металдан жасалады. Оларды Италияның Мемлекеттік монета сарайы мен баспа институты (IPZS) әзірлейді. Құю процесі жаңартылатын энергия көздерінен қуат алатын индукциялық пештерде жүзеге асады, ал орау...

Жамбыл облысында заңсыз жолмен елімізге темекі өнімдерін кіргізбек болған әрекет әшкереленді. Бұл туралы ҚР ҰҚК Шекара қызметі хабарлады.

2025 жылғы 11 шілдеде Жамбыл облысындағы «Қарасу» автомобиль өткізу бекетінде шекарашылар ірі көлемдегі контрабанданы тоқтатты. Құжатсыз, жасырын тасымалданған жүктен 466 мың қорап темекі табылған.

Темeкі өнімдері басқа тауарлардың арасына жасырылған. Осылайша бақылаудан өткізбеу көзделген.

Алдын ала есеп бойынша, тәркіленген өнімнің нарықтық құны 233 млн теңгеден асады.

Қазіргі таңда тәркіленген тауар тиісті уәкілетті органға өткізіліп, процессуалдық шешім қабылдау үшін тергеу жұмыстары жүргізіліп жатыр.

Еске сала кетейік, бұған дейін Қазақстанда темекі тағы 12%-ға қымбаттайтыны туралы жазған едік.

«Қазгидромет» алдағы үш күнге арналған ауа райы болжамын ұсынды. Синоптиктер ауа райы ел аумағында өте құбылмалы болатынын айтады.

Елдің басым бөлігінде атмосфералық фронтальды бөліктердің өтуіне байланысты найзағай ойнап, жаңбыр болуы мүмкін.

17 шілде – батыста, 18 шілде– солтүстік-батыста, 18-19 шілде – солтүстікте, 19 шілде – республиканың орталығында қатты жаңбыр, бұршақ және дауылды жел болады деп болжанады. Cолтүстік өңірлерде түнде температура 8–18°С дейін, күндіз 17–25°С дейін төмендейді.

Ал батыс пен оңтүстік-батыста қатты ыстық болады. Ауа температурасы 41–44°С дейін, оңтүстік-шығысында 42–43°С дейін жетеді. 17 шілдеде солтүстік-батыста, 18 шілдеде республиканың орталығында 40°С дейінгі ыстық болжанады. 18–19 шілдеде елдің оңтүстігінде 45-46°С дейін аптап...

Алдағы күндері Қазақстанның 6 қаласының ауасы қатты ластанады. Бұл туралы «Қазгидромет» хабарлады.

Метеорлогиялық болжамға сәйкес, 16-17 шілде аралығында елдің алты өңірінің атмосферасы бұзылып, онда РМ-2,5 қалқыма бөлшектері, күкірт диоксиді, көміртегі оксиді, азот диоксиді, азот оксиді, күкіртті сутегі, аммиак сынды ластаушы заттардың мөлшері шамадан артық болуы мүмкін.

Атап айтқанда, мынадай 6 қаланың ауасында ластаушы заттардың мөлшері артады деп күтіледі:

«Бұл күндері аталмыш қалаларда метеорологиялық жағдайлар атмосферада ластаушы заттардың жиналуына ықпал етеді. Жалпы қалалар бойынша ауаның ластану деңгейі жоғары болады деп күтіледі», – делінген метеорологиялық болжамда.

2025 жылдың алты айында Ұлттық қордың валюталық активтері 4,7 млрд АҚШ долларына жуық инвестициялық табыс әкелді. Бұл туралы Ұлттық Банк төрағасының орынбасары Әлия Молдабекова мәлімдеді.

Маусым айының соңында Ұлттық қордағы валюталық активтердің көлемі 60,3 млрд долларды құрады. «Ұлттық қор – балаларға» бағдарламасына бағытталмаған негізгі портфель жыл басынан бері 1,5 млрд долларға өскен.

«Әрине, белгілі бір деңгейде құбылу да байқалды. Мәселен, сәуірде АҚШ президенті Трамп енгізген сауда тарифтері нарықта қысқамерзімді толқу тудырды. Бірақ көп ұзамай жағдай тұрақталып, сауда саясаты төңірегіндегі келіссөздер оң нәтиже беретінін білдіретін белгілер мен риториканың жұмсаруы нарықтағы сенімді қайта қалпына келтірді», -дейді Молдабекова.

Қазақстан Ауғанстанмен сауда-экономикалық және гуманитарлық сала бойынша байланысты арттырмақ. Ақорда хабарлауынша, бұл туралы Қасым-Жомарт Тоқаевтың Ауғанстан бойынша арнаулы өкіл Еркін Тұқымовты қабылдауы кезінде айтылған.

Президент Ауғанстан билігімен екіжақты қарым-қатынасты нығайтуда арнаулы өкілдің маңызды рөл атқаратынын атап өтіп, Тұқымовқа бұл елмен сауда-экономикалық және гуманитарлық салалар бойынша өзара тиімді ықпалдастықты дамыта түсуді тапсырған.

Сонымен бірге Тоқаев Алматы қаласында ашылған БҰҰ аймақтық орталығының мүмкіндіктерін барынша пайдаланып, Орталық Азия мен Ауғанстан үшін орнықты даму мақсаттарын айқындау мәселесін де назардан қалдырмаған.

Кездесу барысында Қазақстанның Ауғанстанға қатысты бастамаларын тоқтатпайтыны, өңірде қауіпсіздік пен тұрақтылықты сақтау мақсатында гуманитарлық және білім беру бойынша іс-шаралар...