Жаңалықтар

ALMEX холдингтік тобы арқылы ерлі-зайыптылар Тимур Құлыбаев пен Динара Құлыбаева бақылайтын Halyk Bank акционерлері, қолданыстағы акционерлердің артықшылықты сатып алу құқығын қолданбай, 2024 жылғы 9 желтоқсандағы кезектен тыс жиналыста банктің акцияларын орналастыру тәртібін, ең көп саны мен мерзімін анықтау мәселесін қарайды.

«Акционерлердің жалпы жиналысының күн тәртібі… 2. «Қазақстан Халық Банкі» АҚ жай акциялары бойынша дивидендтер төлеу туралы шешім қабылдау туралы. «Қазақстан Халық Банкі» АҚ бір жай акциясына дивиденд мөлшерін бекіту туралы. 3. 2025-2027 жылдарға арналған қызмет нәтижелері бойынша «Қазақстан Халық Банкі» АҚ қаржылық есептілігіне аудит жүргізу үшін аудиторлық ұйымды анықтау туралы. 4. «Қазақстан Халық Банкі» АҚ акцияларын...

«7-20-25» ипотекалық кредиттеу бағдарламасына басты үш өзгеріс енгізілді. Бұл туралы Қазақстан Ұлттық Банкі хабарлады.

Өзгерістер осы бағдарламаны бекіту туралы қаулыға енгізілмек. Ұлттық Банктің мәліметіне сүйенсек, 2025 жылы аталған бағдарламаның көлемі  100 млрд теңге болады деп белгіленіп отыр.

Екінші өзгеріске келсек, әскерге шақырылған азаматтардың қарызы мен оның сыйақысын төлеу мерзімі кейінге қалдырылатын болды. Және отан алдындағы борышын өтеп келген азаматтың жұмыс табуына да мүмкіндік беріліп отыр. Әскерден келген соң, оларға 60 күнге дейін мерзім беріледі.

Үшінші өзгеріс – қарыз алушыларға қатысты талап. 2025 жылдың 1 қаңтарынан бастап қарыз алушының еліміздің аумағында меншік құқығында үйі болмауы тиіс. Отбасы мүшесіне шаққанда 15 шаршы...

OLX Kazakhstan компаниясының бұрынғы бас директоры Ұлан Қайырбеков Yandex Qazaqstan компаниясына орналасты. Бұл туралы компанияның баспасөз қызметі хабарлады.

Ұлан Қайырбеков Яндекс Поиск сервисін дамытумен айналысады. Ол Қазақстандағы Яндекс Поиск қызметінің стратегиялық дамуы, жаңа сценарийлер мен технологияларды енгізуге жауапты болмақ.

Ол бұған дейін 2,5 жыл OLX Kazakhstan компаниясының бас директоры қызметін атқарған. Сонымен қатар, ол қызмет көрсету және жұмысшы іздеу платформасы – Naimi.kz жобасын құрған.

Яндекс Қазақстан — машиналық оқыту мен нейрожелі негізінде өнімдер мен қызмет әзірлейтін технологиялық компания. Ол Қазақстанда 2009 жылдан бері жұмыс істейді. Цифрлық орта мен пайдаланушылардың өмірін жақсартуға бағытталған инновациялық технологияларды енгізумен айналысады.

Freedom Holding Corp. 2025 фискалдық жылдың ІІ тоқсанының қорытынды есебін жариялады. Бұл кезең 2024 жылғы 30 қыркүйекте аяқталған еді. Холдингтің түсімі 580,9 млн долларды құрады. Көрсеткіш 145,3 млн долларға (33%-дан астам) өсті.

Көрсеткіштер жақсарды

Есепке назар аударсақ, көрсеткіштердің жақсаруына бірнеше факторлар ықпал еткен. Оның ішінде, сақтандыру секторынан түскен кіріс бар. Ол зейнетақы аннуитеті және жазатайым оқиғалардан сақтандыру бойынша шарттар санының ұлғаюы есебінен 160,3 млн долларға дейін (177%-дан астам) артты.

Сонымен қатар бағалы қағаздармен саудадан таза пайда Қазақстанның тәуелсіз облигацияларын сату есебінен 50,8 млн доллардан 68,3 млн долларға дейін (35%-дан астам) өсті.

Валюталық операциялар бойынша таза пайда 3,7 млн...

Шымкенттің бұрынғы әкімі Мұрат Әйтеновтың ағасы Марат Әйтенов миллиондаған алимент қарызын төлемегені үшін автокөлігінен айырылды.  Оның Mercedes S-санатындағы көлігі тәркіленді.

Астана қаласының жеке сот орындаушыларының мәліметінше, Әйтеновтің балалары алдындағы қарызы 23 миллион теңгеден асып кеткен. Көлік үш балаға алиментті өндіру ісін орындау бойынша айыппұл тұрағына қойылған. Экс-әкім ағасының темір тұлпары енді электронды сауда арқылы сатылып, одан түскен қаражат алимент қарызын өтеуге берілмек. Яғни аукционнан түскен  ақша тікелей балаларға берілетін болады.

Ал Марат Әйтеновтің бұрынғы...

АҚШ-тың жаңа сайланған президенті Дональд Трамптың Мар-а-Лагодағы резиденциясының төңірегін робот ит күзетуге кірісті. Бұл туралы  жергілікті NBC атты телекомпанияның аумақтық бөлімі хабар таратты.

Арнаның мәліметінше, Трамп сайлауда жеңген соң, Трамптың тұратын үйде қауіпсіздік шаралары барынша күшейтілген. Жағалау күзетінің қарулы катерлері де кезекшілік атқаратын болған.

Жарияланған кадрда бронды жилет киген адамдары бар катер көрінеді. Оның тұмсығына пулемет орнатылған. Америкалық Boston Dynamics компаниясы жасап шығарған Spot роботтарына ұқсас робот ит жағалауды күзетіп жүргені көрінеді.

Америкалық ақпарат құралының хабарлауынша, АҚШ-та қауіпсіздікті қамтамасыз ету міндеттерін орындау кезінде құқық қорғау органдары робот иттерді жиі қолданып жүр.

Айта кететін жайт, Дональд Трампқа сайлау науқаны кезінде қастанды...

«Қайтарылған активтерді басқару компаниясы» қайтарылған бірнеше активті аукцион арқылы сатпақ. Олардың қатарында марқұм Болат Назарбаевқа тиесілі болған зәулім сарай, Қайрат Шәріпбаевтың қызы иеленген қос компания мен бір жер телімі бар.

Аукционға Астана мен Алматы қаласына орналасқан біршене жылжымайтын мүлік шығарылады. Сауда-саттық 22 және 26 қарашаға жоспарланған.

Астана қаласындағы қандай активтер аукционға шығарылады?

Астана қаласында 4 тұрғын емес үй-жай аукционға шығарылады. Төртеуі де Нұра ауданы, Қайым Мұхамедханов көшесі, 17-үй, яғни Samruk Towers кешенінің жанында орналасқан. Соның ішінде 2 ғимарат 84,4 млн теңгеге бағаланса, қалған екеуін компания 116 млн теңгеге сатуға ниетті.

«Астана...

Ауылдағы әкімдердің жиналысына халық бармайды. Халық пен жергілікті билік арасында байланыс жоқ. Бұл мәселе мәслихат жанындағы Қоғамдық палатаның отырысында талқыланды.

Депутаттар ауылдық елді-мекендерде өзін-өзі басқару жүйесі дұрыс жолға қойылмағанын айтты. Осы орайда қоғамдық кеңестер құру ұсынылды. Бұл кеңестер билік пен халық арасындағы көпір функциясын атқаруы тиіс. Сонымен бірге ауылдық жерлерде әкімдіктердің жанынан мәслихат ашылуы керек деген ұсыныс айтылды. Алайда депутат Анас Баққожаев екеуінің де қажеті жоқ деп санайды.

«Ауыл әкімдіктеріне кеңес керек, мәслихат керек, өзгерту керек деп жатырсыздар. Ештеңені өзгертудің қажеті жоқ. Қазір бәрі жақсы»,- дейді депутат.

Баққожаев елді мекендерде халы...

Израиль үкіметі өз азаматтарын Нидерланд астанасынан эвакуациялау үшін шұғыл түрде арнайы ұшақтар жіберді. Бұл шешім Палестина жақтастарының Амстердам көшелерінде израильдің жанкүйерлеріне жасаған шабуылдарынан кейін қабылданды. Бұл туралы The Guardian басылымы жариялады.

Шетелдік ақпарат көздерінің мәліметінше, футболдан Еуропа лигасы аясында жергілікті «Аякс» пен тель-авивтік «Маккаби» арасындағы футбол матчыннан кейін израильдік жанкүейерледі білгісіз біреулер соққыға жықты.

Матчты көру үшін Амстердамға Израильден үш мыңға жуық жанкүйер келген болатын. Ойын «Аякс» командасының 5:0 есебімен жеңісімен аяқталды. Ойыннан кейін Амстердам көшелеріне агрессивті топтар шығып, израильдіктерді қудалай бастады. Израиль Сыртқы істер министрлігінің деректеріне сәйкес, кем дегенде 12 адам зардап шеккен, ал үш адам із-түзсіз жоғалғандар...

Түркия президенті Реджеп Тайып Ердоған Ресей мен Украина арасындағы жанжалды АҚШ-тың жаңа президенті Дональд Трамп тоқтата алады деп сенетінін мәлімдеді. Ол үшін жаңа администрация ерік-жігерін көрсете білуі керек.

Ердоғанның сөзіне қарағанда, Түркия алғашқы кезде-ақ бейбітшілікті жақтаған. Тараптардың бірін таңдау талаптарымен келіспей, Мәскеумен де, Киевпен де қатынасын үзбеген. Алайда, Батыс дипломатиялық жолмен мәселені шешуге болады деп көп сенбейді.

«Трамп тұсында АҚШ әкімшілігінің бұл мәселеге реттеу тұрғысынан келгенін көрсек, бұл соғысты оңай тоқтата аламыз», – деді Ердоған.

Сайлау кезінде не айтылмайды?

Десе де, Мәжіліс депутаты Айдос Сарым соғыс оңай тоқтайды дегенге күмәнмен қарайды.

Wildberries компаниясының негізін қалаушы Татьяна Кимнің бұрынғы күйеуі Владислав Бакальчук Қырғызстан азаматтығын алды. Бұл туралы ол өзінің Telegram арнасында хабарлады.

Бакальчук бұл шешімін бизнесін Қырғызстанда дамытуға көмектесетін қадам ретінде түсіндірді.

«Достар, әртүрлі қауесеттер мен жалған ақпараттардың алдын алу үшін жағдайды түсіндіре кетейін: Қырғызстан азаматтығын көктемде алдым — бұл қадам менің осы керемет әрі достық қатынастағы елде бизнес жүргізуіме көмектеседі. Қырғызстан – біз үлкен логистикалық орталық салуды жоспарлаған елдердің бірі. Компанияға оралған сәтте мұны тиімді жүзеге асыратыныма сенімдімін», – деп жазды Бакальчук.

Сондай-ақ, Бакальчук Wildberries компаниясына қайта оралып, оның дамуына үлес қосуды көздейтінін және Ресейден...

ҚР Ұлттық статистика бюросының деректері бойынша, 2024 жылдың қазан айында Қазақстандағы тұрғын үй нарығында аралас динамика тіркелді.

Қазанда жөндеу жасалған тұрғын үйлерді сату бойынша мәмілелер саны 0,4%-ға төмендеді (+3,9% жылдық). Осылайша орташа баға 1 шаршы метрге 509,4 мың теңгені құрады (қыркүйекте 511,1 мың теңге).

Жаңа тұрғын үйлерді сатып алу бойынша мәмілелер саны 0,6% (+2,3% жылдық) өсті. Орташа баға 1 шаршы метрге 497,3 мың теңгені (қыркүйекте 494,2 мың теңге) құрады.

Ал тұрғын үйді жалға беру бағасы бір айда 0,6% қымбаттады (+6,7% жылдық). Орташа көрсеткіш 1 шаршы метрге 4,5 мың теңгені (қыркүйекте 4,5 мың теңге) құрады.

Жеті өңірде айтарлықтай өсім байқалды

Алдағы демалыс күндері Қазақстанда ауа райы құбылуы жалғасады. Жел соғып, жаңбыр мен қарлы боран құяды. Бұл туралы «Қазгидрометтің» 9-11 қарашаға арналған ауа райы болжамында жазылған.

Солтүстік циклон Қазақстан аумағының басым бөлігін қамтиды, бұл тұрақсыз ауа-райын тудырады.

«Қар жауады, батыс және оңтүстік аймақтарда жауын-шашын болады: жаңбыр, қарлы боран мен көктайғақ күтіледі. Елдің басым бөлігінде екпінді жел 15-29 м/с болады», – делінген болжамда.

Синоптиктер 9 қарашада түнде Қостанай облысында, 10-11 қарашада еліміздің шығысында қалың қар жауады деп болжаған.

Солтүстікте күн райы -2 шамасында сақталады. Өңірде жел жылдамдығы одан әрі өсе бермек, осыған дейін 15м/с болған жел...

Қазақстан футбол федерациясының президенті Әділет Барменқұлов қызметінен кетті. Бұл туралы Барменқұлов бүгін федерацияның кезектен тыс жиынында мәлімдеді.

Әділет Барменқұлов ҚФФ-ға 2022 жылы президент болып сайланған еді. Ол бұл қызметте Әділбек Жақсыбековті алмастырған болатын.
 
Экс-президенттің тұсында футболдан Қазақстан ұлттық құрамасы Еуро-2024 турниріне іріктеу кезеңінде тәуір өнер көрсетіп, жолдама алуға сәл жақын қалды. Алайда, шешуші сәтте Магомед Адиев жаттықтырған құрама Словенияға есе жіберді. Кейін қосымша ойында Грекияға жол берді.

Соңғы уақытта футбол федерациясы жиі сынға алынып, мәжіліс пен сенат депутаттарына дейін федерацияны тексеру мәселелерін көтерген. Еске сала кетейік, сонымен қатар, ұлттық құраманың бас бапкері Станислав Черчесов қазақ тіліне байланысты бірнеше...

Қазақстандағы ең ықпалды 50 кәсіпкердің қатарына енетін Олег Новачуктың Finaccord Limited компаниясы акционеріне қосымша 1,6 млрд теңге дивиденд төледі. Жалғыз акционердің шешімі Қазақтан қор биржасы сайтына орналастырылған.

Finaccord Limited – 2022 жылы Астана халықаралық қаржы орталығында тіркелген компания. Ол акционердің қаржысын қоса алғанда, жеке инвестициясын басқарумен айналысады.

Компания 2023 жылы 14,8 млрд теңге таза пайда тапқан. Соның 4,8 млрд теңгесі бұған дейін акционеріне дивиденд ретінде төленген. Енді 10 млрд теңгетаза пайдасынан тағы да 1,6 млрд теңге дивиденд бөлді.

1,6 млрд теңге немесе Ұлттық банктің 28 қазандағы бағамына сәйкес, 3,4 млн доллар акционердің банктік шотына аударылған.

Жеке...

Енді қазақстандықтарды вакциналау кезінде Face ID технологиясы қолданылатын болады. Сонымен қатар елдегі барлық емханаларда науқастарды тіркеу үшін дәрігерлер кабинетіне камера орнатылады. Бұл жайында Денсаулық сақтау вице-министрі  Ербол Оспанов айтты.

«Вакцинация жайына мәселесіне келер болсақ, өздеріңіз білесіздер, бұл тұрғыда мәселелер бар, яғни  әлеуметтік желілерде екпе салынды немесе  салынбады  деген түрлі жалған хабарламалар пайда болуда. Осы  түсініспеушіліктерді жою үшін біз Face ID технологиясын қолдануды жоспарлап отырмыз», – деді  вице-министр ОКҚ брифингінде.

Сондай-ақ, Ербол Оспанов науқастардың емханаға келгенін тіркеу үшін дәрігерлер кабинетіне камера орнатылатынын айтады. Спикердің сөзінше, бұл пилоттық жоба ретінде басталып та кеткен, қазір Астананы...

Kia жаңартылған Sportage моделін Оңтүстік Кореяда таныстырды, деп хабарлады автоөндірушінің баспасөз қызметі. Бұл көлік 2025 жылдың екінші тоқсанында сатылымға шығады деп жоспарланған.

Кроссовер капоттының астында не бар?

Автокөлік 180 ат күшімен жабдықталған. Сонымен қатар кроссовер 1,6 литрлік қозғалтқыш, бұрынғы жеті жылдамдықтың орнына сегіз сатылы беріліс қорабы және диаметрі 17-19 дюйм болатын жаңа дөңгелектермен қамтылған.

Салоны қандай?

Электроды экран да жаңартылған. Яғни, көлік жаңа буын ccNC операциялық жүйесімен жұмыс істейтін 12,3 дюймдік сенсорлық жүйемен жабдықталған. Сонымен қатар авто дисплейі де өзгерген.

Жаңа модельде спутниктік навигация орнатылған. Бұған қоса көлік жылдамдығын реттейтін круиздік бақылау кроссовердің жүріп келе жатқан жерін...

Өзбекстанда 2025 жылдың 1 қаңтарынан бастап мемлекеттік және көшпелі цирктерінде кейбір жануарларды қолдануға, оларды ұстауға тыйым салынады. Бұл туралы елдің заңнамалық деректерінің ұлттық базасында жарияланған қаулыда айтылған.

Құжатқа сәйкес, жабайы жануарларды жеке тұлғаларға «жартылай еркіндік жағдайында, жасанды тіршілік ету ортасында немесе тұтқында» ұстауға тыйым салынды. Сонымен қатар, заңды тұлғаларға осы тізімге енгізілген жабайы жануарларды ұстау тәртібі де көрсетілген.

Өзбекстандық ақпарат көздерінің мәліметінше, тізімге кірген жабайы жануарларды тек зоопарктерде және арнайы питомниктерде (террариумдарда, океанариумдарда, серпентариумдарда және т.б.) ұстауға рұқсат етіледі. Бұл мекемелер заңды тұлғалар тарапынан Экология, қоршаған ортаны қорғау және климаттың өзгеруі министрлігінің рұқсатымен құрылуы тиіс.

Тыйым салынған жануарлар...

Әлеуметтік желіде «Шаңырақ» қоғамдық бірлестігінің жетекшісі Алмасбек Садырбаев 31 қазанда түсірілген бейнежазбасы жария болды. Сөзіне қарағанда, оны олигархтар қаматып отырған көрінеді.

«Егер сіз мына видеоны көріп отырсаңыз, онда мен шектеліп, бәлкім абақтыда отырмын. Мені ол жерге тыққан – олигархтар. Бүгін бізде қазанның 31-і. Осы уақытқа дейін менің үстімнен үш қылмыстық іс қозғалды. Билікті алу, билікке қарсы күрес, елдің арасында наразылық тудыру әрекеттері деп, Ішкі істер министрлігі Ұлытау жұртына, қазақ жерін қорғау амалдарына байланысты қылмыстық іс қозғады», – дейді Алмазбек Садырбаев бейнежазбада.

Оның айтуынша, бұл – тапсырыс, бірақ бірде-бір дәлелі, дәйегі жоқ.

13-20 қазан аралығында өткен Алматыда өткен ATP 250 санатындағы турнирі халықаралық ATP Tour күнтізбесінде ең үздік турнирлердің бірі ретінде танылды. Бұл туралы Қазақстан теннис федерациясы хабарлады.

Әлемнің жетекші теннисшілері арасында жүргізілген жасырын дауыс беру қорытындысы бойынша алматылық турнир әлемдегі үздік үш турнир қатарына кіріп, 5-тен 4.45 деген баға алды. Бұл көрсеткіш ATP 500 санатындағы көптеген турнирлердің бағасынан жоғары болып, тек Мадридте өтетін Masters турнирінен (4.5) сәл төмен болды.

Жалпы баға 30-дан астам түрлі көрсеткіштерге негізделді, оның ішінде корттардың сапасы, киім ауыстыру бөлмелерінің ыңғайлылығы, көрермендер саны, аренадағы атмосфера және басқа да аспектілер бар. Турнирге қатысушылар мен қонақтардың пікірінше, Алматыда алғаш...

Ұлттық экономика министрлігі «Ашық НҚА» порталына Қарағанды агломерациясын дамытудың 2024-2028 жылдарға арналған кешенді жоспарын талқылауға шығарды. Үкімет жоспарына сәйкес, өңірдің тау-кен өндірісіне тәуелділігі азайып, өндірістік аймаққа айналады.

«Агломерацияның дамуы ірі қалаларға қысымды төмендету, жолдардың, қалалардың жалпы қазақстандық желісін қалыптастыру, қоныстандырудың тірек қаңқасын қалыптастыру тұрғысынан алғанда үлкен мәнге ие. Қала-орталық және іргелес елді мекендер арасындағы халықтың өмір сүру деңгейінің теңгерімсіздігін қысқарту»,- делінген құжатта.

Үкімет жоспары бойынша, Қарағанды агломерациясы өнеркәсіп өндірісімен байланысты болады. Жоспарға сәйкес, қала агломерациясының мамандануы өнеркәсіп секторы металлургия, химия, жеңіл өнеркәсіп және машина жасау салаларына бағытталмақшы.

Солайша өңір өндірістік аймаққа...

Миллиардер Владимир Кимге тиесілі Bank RBK 2024 жылдың тоғыз айында қаржы көрсеткіштерін айтарлықтай жақсартқан. Қазақстан қор биржасының (KASE) сайтында жарияланған мәліметтерге сәйкес, банктің таза пайдасы 2023 жылдың 9 айындағы 33,4 млрд теңгеден 30,6%-ға өсіп, 43,6 млрд теңгені құрады.

Активтері мен міндеттемелері қандай?

2024 жылдың қаңтар-қыркүйек айларында қаржы ұйымының жиынтық активтері де, міндеттемедері мен жеке капиталы да біршама артқан. Соның ішінде:

Қанша несие берген?

2024 жылдың қыркүйегіндегі мәлімет бойынша банк 1,28 трлн теңге көлемінде несие берген. Соны...

Ресей Ішкі істер министрлігіне жаңа міндет берілуі мүмкін.  Енді полицейлер «дәстүрлі құндылықтардың нығаюы мен сақталуын» қадағалауы қажет. Бұл туралы Ресей президенті Владимир Путинге ұсынылған жобаның жарлығында жазылған.

«Ведомости» басылымының ақпаратына сүйенсек, Ресей Федерациясы ІІМ-нің жаңа міндеті туралы жазылған құжат ресейлік нормативтік құқықтық актілер сайтында орналастырылған. Онда жаңа норма «дәстүрлі орыс рухани-адамгершілік құндылықтарын сақтау және нығайту жөніндегі мемлекеттік саясаттың негіздері» контекстінде жүзеге асырылатыны жазылған. Путин бұл құжатты осы шілдеде мақұлдаған.

«Түсіндірме жазбаға сәйкес, «дәстүрлі ресейлік рухани-адамгершілік құндылықтарды сақтауға және нығайтуға бағытталған қызметті» жүзеге асыру ІІМ — нің міндеті болуы мүмкін», – деп жазады басылым.

Ресейде «дәстүрл...

S&P Global Ratings «Freedom Finance Insurance» сақтандыру компаниясының ұзақ мерзімді несиелік және қаржылық рейтингін «В+» деңгейінен «BB-» деңгейіне көтерді.

«Болжам «тұрақты», – деп хабарлады S&P Global Ratings.

Сонымен қатар Қазақстанның ұлттық шкаласы бойынша рейтингі «kzBBB+»-дан «kzA-» деңгейіне көтерілді.

Агенттікттің хабарлауынша, рейтингті жақсартуға Freedom Insurance былтырғы және биылғы операциялық көрсеткіштері ықпал еткен. Сонымен қатар S&P Global Ratings сақтандыру компаниясының қаржылық жағдайы әлі де жақсарды деп болжап отыр.

Сарапшылар 2023 жылы меншікті капиталдың табыстылығы (ROE) 38%, ал біріктірілген коэффициенті 85% болғанын атап өтті. Бұл жалпы қазақстандық сақтандыру секторы бойынша орташа көрсеткіштен жоғары – сәйкесінше...