Жаңалықтар

Дональд Трамп АҚШ-тағы президент сайлауында жеңіске жеткеннен кейін әлемдегі 10 бай адамның табысы 63,5 млрд долларға артты. Олардың тізімін Bloomberg жариялады.

Мәселен, сәрсенбі, 6 қараша күні Tesla Inc. компаниясының басшысы, миллиардар Илон Масктың кірісі 26,5 млрд долларға көбейді. Бір күндік табысы еселенген байлардың қатарында Amazon.com Inc. басшысы Джефф Безос және Oracle Corp. басшысы Ларри Эллисон бар. Бұл Bloomberg-тің әл-ауқат индексі жүргізіле басталған 2012 жылдан бері бір күн ішінде тіркелген ең үлкен өсім болып тұр.

Ал Трамп таққа отырғалы табысы артқан 10 байдың қатарында жоғарыдағы үшеуден бөлек, Марк Цукерберг, Бернар Арно, Билл Гейтс, Ларри Пейдж, Сергей Брин, Уоррен Боффетт...

8 қарашаға қараған түні сағат 2:00 шамасында Топорков көшесінде орналасқан жеке сектордағы ішкі кварталдық жылу желілерінде зақымдану пайда болды. 8:30-да зақымдану қалпына келтіріліп, кварталдық құбыр қайта іске қосылды, деп хабарлайды қала әкімдігі.

Әкімдіктің мәліметінше, сағат 6:00-де Строительная көшесіндегі жеке секторда тағы бір зақымдану пайда болып, 27 абонент уақытша жылусыз қалды. Үйлердің ішіндегі температуралық режим сақталды. Апатты жоюға 11 қызметкер мен 3 техника жұмылдырылды.

Айта кету керек, бұл құбырлар магистральдық желілерге жатпайды, және осы учаскелерде бұған дейін жөндеу жұмыстары жүргізілмеген. Рудный қаласы бойынша жалпы ішкі кварталдық желілердің ұзындығы 140 км құрайды, оның ішінде жеке сектордағы желілердің ұзындығы 44 км.

Соңғы...

10 айда Қазақстанда 460,7 мың тонна мұнай-газ-химия өндірілген. Бұл жайлы Энергетика министрлігінің баспасөз қызметі хабарлады.

«Осы жылдың 10 айының қорытындысы бойынша мұнай-газ-химия өнімдерін өндіру көлемі 460,7 мың тоннаны немесе өткен жылдың сәйкес кезеңімен салыстырғанда 171,2%-ды құрады»,- делінген хабарламада.

Ал 2023 жылы өндіріс көлемі 269 мың тонна көлемінде болған. Министрлік бұл орайда 2024 жылы саланың барлық өнімдері бойынша өсім көрсеткенін хабарлайды. Атап айтқанда:

Ресейдегі сары май тапшылығы, бағасының өсуі шекаралас жатқан Қазақстанның кейбір өңірлеріне ықпал етіп жатқаны байқалады. Мәселен, Орал қаласында сары май бағасы бірден мың теңгеге қымбаттаған. Келісі қазір 5 жарым мыңнан сатылып жатыр.

Ұлттық статистикасы бюросының 1 қарашада жариялаған мәліметі бойынша, сары майдың бағасы 10,4 пайызға қымбаттаған еді. Оған инфляция түрткі болып отырғаны айтылады. Өйткені, басқа да азық-түлік өнімдері 10-15 пайызға дейін қымбаттағаны мәлім.

Ресми деректерге сенсек, Ресейдегі фактордан өзге, бұл өнімнің қымбаттауына басқа негіз болмауы тиіс. Айталық, Қазақстанда биыл сары май өндірісі 18,6%-ға артқан болатын. Бұрын 26,3 мың тонна өндіріп келсе, биылғы көрсеткіш 31,1 мың тоннаға жеткен еді. Ауыл...

Дубайдағы беделді Emirates Hills ауданындағы сәнді виллалар, Францияның көк жағалауындағы премиум пәтерлер, Мәскеудегі элиталы жылжымайтын мүліктер – мұның барлығы бай-қуатты қазақстандықтардың мемлекет меншігіне заңсыз алған мүлік ретінде қайтарып берген нысандары. «Қайтарылған активтерді басқару  компаниясы» ЖШС Қазақстан иелігіне өткен шетелдегі жылжымайтын мүліктердің тізімін ұсынды.

Осыған дейін «Қайтарылған активтерді басқару компаниясы» баланысына өткен бірнеше шетелдегі активтердің барын хабарлаған болатын. Нақтырақ айтқанда Дубайдағы 2 вилла, Францияның Антиб қаласындағы 4 пәтер, Түркияда 2 үй және 1 пәтер, Мәскеудегі 5 автотұрақ компания баланысында тұрғанын мәлім еткен еді.   Компанияның  мәліметінше, бүгінде Түркиядағы элиталы үйлер мен пәтерлер және Rolls Royce Cullinan и Aston Martin Vantage маркалы қымбат көліктер сатылып...

2024 жылғы қазанда биржадан тыс нарықта барлығы 71,6 млрд рубль сатып алынған. Бұл өткен айдан 3,6 есе жоғары. Транзакцияның орташа көлемі 361,6 млрд теңгені құрады, деп жазылған Ұлттық банктің айлық есебінде.

Рубль саудасы қыза түсті

Қазақстандық банктер бір айда шетел банктерінен Ресей валютасын 3,8 есе көп сатып алды. Осылайша транзакциялардың жалпы көлемі 67,9 млрд рубльді құрады. Көрсеткіш өткен жылдың қазан айымен салыстырғанда 2 есе жоғары.

Сонымен қатар, елдің қаржы ұйымдары қыркүйекпен салыстырғанда рубльді сатуды 9,3%-ға арттырған. Былтырғымен салыстырғанда транзакциялар көлемі 6 есеге өскенін де байқауға болады.

Қытай валютасымен сауда жанданды

Сонымен қатар бейрезидент банктермен жүргізілген юань...

Семей қаласы маңында 2021 жылы қоқыс өңдеуге арналған ангар салынып, сұрыптау желісі іске қосылуы керек болған. Оған қажетті қондырғылар да алынып қойған. Алайда облыс пен қала әкімдіктері өз міндеттемелерін орындамаған. Нәтижесінде 2,6 млн еуроға алынған қондырғылар ашық аспан астында қалып кетіп, 4 жылда істен шығып қалған. Бұған қатысты прокуратура әкімдікке қатысты тергеу бастаған. Осы мәселенің анық-қанығын білу үшін KURSIVMEDIA редакциясы Экология және табиғи ресурстар министрлігі мен әкімдікке сауал жолдаған болатын.

Экология министрлігінің хабарлауынша, Семей қаласында қатты тұрмыстық қалдықтарды басқару инфрақұрылымын дамыту мақсатында 2020 жылы «ҚТҚ бөлек жинау және сұрыптау жүйесін енгізу жөніндегі» Жол картасы бекітілген. Жол картасына қоршаған ортаны...

Алматыда круассан шығаратын автоматтандырылған жаңа желі іске қосылмақ. «Art Bakery» компаниясы «Almaty Business – 2025» кәсіпкерлікті дамыту бағдарламасы аясында 128 млн теңге несие алып, оны жабдық алуға жұмсайды. Бұл жобаны «Алматы ӘКК» АҚ еншілес ұйымы – «Almaty Finance» ЖШС қаржыландырған.

Өндірісті автоматтандыру өнім көлемін 15 есе арттырып, айына 33 мыңнан 490 мыңға дейін круассан мен өзге де нан өнімдерін шығаруға мүмкіндік береді.

Қазіргі уақытта «Art Bakery» компаниясы круассан өнімдерін Алматы мен Қазақстанның өзге қалаларындағы сауда желілері, супермаркеттер мен кофеханаларға жеткізіп отыр. Сонымен қатар өнімін шетелге шығаруды жоспарлаған.

Жалпы аумағы 580 шаршы метрді құрайтын жаңа цех және Алматының индустриалды...

Қазақстанда 21 эндаумент-қор жұмыс істейді. Олардың бірнешеуі ғана қор нарығына инвестиция салады. Негізгі инвестициялық табыс меценаттық қызмет объектісін – ЖОО, мектеп немесе медициналық орталықты қолдауға бағытталады. Қорлардың басым бөлігі қайырымдылықтан түскен қаражатты депозиттерде ұстайды немесе бірден пайдаланады.

Әлемдік тәжірибеде эндаумент қорлары компаниялар мен жеке тұлғалардан қайырымдылық жинап, оларды қаржы құралдарына салады және алынған инвестициялық кірісті студенттерге грант беруден бастап медициналық зерттеулер жасауға дейін қолданады.

KusivMedia бірнеше қазақстандық эндаумент-қорларға инвестициялық стратегия туралы сұрақтар қойып, олардың әлі де аз инвестиция жасайтынын анықтады.

Сыртқы нарыққа инвестициялар

Елдегі ең көне әрі ең үлкен Nazarbayev Fund әлемде қабылданған модель бойынша жұмыс істейді. Баспасөз қызметін...

Шығыс Қазақстан облысында мерзімді қызметтегі әскери қызметші қаза тапты, бұл ақпаратты Ұлттық қауіпсіздік комитетінің баспасөз қызметі растады.

«7 қарашада Шекара қызметі Шығыс Қазақстан облысы бойынша департаментінің мерзімді қызметтегі әскери қызметшісі қаза тапты. Алдын ала мәлімет бойынша өлім себебі – суицид», делінген хабарламада.

Кейбір ақпарат көздерінің мәліметінше, 2005 жылы туған қатардағы сарбаз 7 қараша күні кешкі сағат бес шамасында Калашников автоматынан өз басына екі рет оқты.

Полиция органдары Қылмыстық кодекстің 105-бабы 1-бөлігі бойынша сотқа дейінгі тергеп-тексеруді бастады.

Еске сала кетейік, 20 қыркүйек күні Аягөзде тағы бір әскери қызметкердің өзіне қол салып, қайтыс болғаны туралы ақпарат...

Nissan дағдарысқа ұшырады. Себебі көліктің жаңа моделі болжамнан да нашар сатылуда. Компания қызметкерлерін жаппай жұмыстан шығарып жатыр. Тағы бір автогигант Қытайдың қысымы мен менеджменттің қателігінен нарықтағы өз орнын жоғалтуы мүмкін.

Bloomberg мәліметінше, аталған диллер 2025 жылы операциялық пайда бойынша болжамын 500 млрд иеннен 150 млрд-қа дейін төмендетеді. Сондай-ақ өндіріс көлемін 20%-ға қысқарып, әлем бойынша тоғыз мыңға жуық қызметкерін жұмыстан босатты.

Сонымен қатар Nissan компаниясы Mitsubishi Motors Corp-тің 10% үлесін сатуды жоспарлап отыр. Бұл өндіруші 2016 жылы сатып алған 34% үлесінің бір бөлігі.

Бұған қоса өндіруші Tesla, сондай-ақ BYD сияқты жылдам дамып келе жатқан қытайлық өндірушілермен қатаң бәсекелестікке тап...

Қарағанды облысындағы «Абай» шахтасынан 155 жұмысшы шұғыл эвакуацияланды, деп хабарлады Qarmet компаниясының баспасөз қызметі.

Компнаияның мәліметінше, бұл жағдай электр қуатының үзілуіне байланысты болды. 7 қараша сағат 20:29-да шахтаға электр энергиясының берілуі тоқтағаны туралы ақпарат орталық диспетчерлік қызметке түсті. Белгілі болғандай, «Қарағанды жарық» кәсіпорнының №9 трансформаторында ақау орын алған.

«Қызметкерлер шұғыл эвакуация жоспарын жүзеге асырып, 155 адамнан тұратын ауысым қауіпсіз түрде жер бетіне шығарылды. Кәсіпорынның барлық қызметтері тиісті алгоритмдерге сәйкес жедел әрекет етті», – делінген хабарламада.

Қазіргі уақытта электр қуаты қалпына келтіріліп, шахтада қауіпсіз жұмысты жалғастыру үшін тексеру жұмыстары жүргізіліп жатыр.

Еске сала кетсек...

Беларусь президенті Александр Лукашенко экстремизм үшін сотталған 31 азаматқа кешіріп беріп, бостандыққа шығару туралы шешім қабылдады.

Президент баспасөз қызметінің хабарлауынша, кешірімге ұшыраған азаматтар қатарында 2 әйел мен 29 ер адам бар. Олардың 17 созылмалы аурулармен ауырады. 3 азаматтың мүгедектігі бар екені хабарланған. 27 сотталушының балалары бар, оның 7 көп балалы.

Босатылған азаматтардың сотталғаны жере деректерінен алынып тасталмайды. Олар алда өтеуі тиіс жазадан босатылады. Ішкі істер министрлігі оларды бақылауда ұстайтын болады.

Елдің орталық сайлау комиссиясы 2025 жылдың қаңтарында болатын президент сайлауына кандидаттар құжаттарын қабылдай бастаған. Алғашқы үміткер болып Александр Лукашенко тіркелген.

Лукашенконың үміткер болып тіркелгені туралы ақпарат тарағаннан кейін еңбек...

Талғарда қала әкімінің сайлауы өтетін болды. ҚР Орталық сайлау комиссиясының мәліметінше, Талғар қаласының әкімі сайлауы 2024 жылғы 15 желтоқсанға белгіленді.

Бұған дейін, Талғaр әкімі Бақыт Күрішбеков 16 жастағы Шерзат Болаттың өлімімен байланысты оқиғадан кейін өз міндеттерін тиісті деңгейде орындамағаны үшін қызметінен босатылған болатын. Онымен бірге орынбасары Матан Сағындық қызметтен босатылды. Сонымен қатар, Талғaр ауданының әкімі Танат Айдарбековке сөгіс жарияланған еді.

Еске сала кетейік, Талғарда қылмыстық топқа қатысы бар «Хуторлық» деп аталып жүрген Хасан Қасымбаевтың бауыры Аслан Қасымбаев Талғар ауданы әкімінің апараты қызметінен босатылған еді.

Ал, «Хуторлық» ұйымдасқан қылмыстық тобына қатысы бар делінетін Хасан Қасымбаев 2021 жылдың маусымындағы...

Мемлекетке қосымша 525 млрд теңге көлемінде заңсыз активтер қайтарылған. Ал жыл басынан бері қайтарылған активтердің көлемі 900 млрд теңгені құраған. Бұл жайлы премьер-министр Олжас Бектенов айтқан.

Премьер-министр Активтерді қайтару мәселелері жөніндегі комиссия отырысын өткізген. Қосымша мемлекет кірісіне 525 млрд теңге аударылғаны сол жиында айтылған. Нақтырақ айтқанда осындай сомаға комиссия «Заңсыз иемденілген активтерді мемлекетке қайтару туралы» Заң субъектілерінен мемлекет пайдасына қаражат аудару және әлеуметтік жобаларды жүзеге асыру жөніндегі келісімдерді мақұлдаған.

«Мемлекет басшысы атап өткендей, қайтарылған барлық қаражат қазақстандықтардың игілігі үшін жұмыс істеуі тиіс. Биылғы жылдың басынан бастап Комиссия қайтарылған активтер бойынша жалпы сомасы...

Павлодар облысындағы барлық мектептер пен колледж қашықтан оқу форматына ауысты, бұл туралы Павлодар облысының білім басқармасы хабарлады.

Білім басқармасы қолайсыз ауа райына байланысты 8 қараша күні I ауысымдағы 0-9 сынып оқушыларын, колледждің 1-2 курс студенттерін қашықтан оқыту форматына ауыстырды.

Облыста төтенше жағдай жариялануы мүмкін.

«Қала, аудандар әкімдіктеріне жедел түрде Төтенше жағдайлар жөніндегі комиссиялардың отырыстарын өткізу және келтірілген залалды бағалау мен зардап шеккен нысандарды қалпына келтіру үшін табиғи сипаттағы жергілікті ауқымдағы ТЖ жариялау туралы қажетті шешімдер қабылдау тапсырылды», делінген хабарламада.

Әкімдіктің мәліметінше, 6-7 қарашада Павлодар облысы аумағында екпіні 28-30 м/с дейін жететін...

АҚШ президент сайлауында жеңіске жеткеннен кейін Дональд Трамп Ресей президенті Владимир Путинмен әлі сөйлеспегенін, бірақ сөйлесуге дайын екенін айтты. Ал Путин Трампқа қоңырау шалуға қарсы емес екенін атап өтті.

«Менің ойымша, біз міндетті түрде сөйлесеміз», – деді Трамп 7 қарашада берген сұхбатында.

Ол сайлаудың алдын-ала қорытындысы шыққаннан әлемнің түкпір-түкпірінен әртүрі елдің басшысы құттықтап хабарласқанын айтты. Оның ішінде Украина президенті Владимир Зеленскиймен тілдескенін ерекше атап өтті.

7 қарашада өткен Валдай форумындағы баспасөз мәслихатында Владимир Путин Трампқа қоңырау шалуға қарсы емес екенін айтып, оны жеңісімен құттықтаған.

«Қоңырау шалуға дайынмын. Бұрын Батыс елдерінің басшылары...

Қазақстан PTOS халықаралық тұрақтылық индексінде 196 ел арасында 59-орынға тұрақтады. Бұл туралы Астанада саясаттанушы Параг Ханна Qalam.global кездесуінде хабарлады. 

Елордада белгілі ғалым, саясаттанушы және футуролог Параг Ханнамен «Геосаяси шиеленіс пен климаттық өзгерістер дәуіріндегі жаңа Жібек жолы» тақырыбында қоғамдық талқылау өтті. Іс-шараны Қазақстан халықаралық қатынастар кеңесі қолдауымен Qalam.global мультимедиялық басылымы ұйымдастырды.

Дәріс барысында Параг Ханна өзі әзірлеген тұрақтылық рейтингінің нәтижелерін ұсынды. «Мемлекеттердің мерзімді кестесі» (PTOS) – елдің экономикалық, қаржылық және технологиялық әлеуеті, мемлекет басқару жүйесі, әлеуметтік тұрақтылық деңгейі және заң үстемдігінің сақталуы, сондай-ақ, елдің ұзақ мерзімді тұрақтылығы сияқты көрсеткіштерді жан-жақты өлшейтін мета-индекс.

Сарапшы көрсеткіштегі жоғары саты өмір сүру және жұмыс істеу...

8 қарашаға қараған түні «Астана» футбол клубы Конференция лигасының үшінші турындағы ойынында Кипрде «Пафос» командасымен кездесіп, матч соңында жеңіліске ұшырады. Ойын «Альфамега» стадионында өтті.

Кездесу алаң иелерінің 1:0 есебімен жеңісімен аяқталды. Матчтың 87-минутында «Пафос» сапындағы бразилиялық шабуылшы Андерсон Силва «Астананың» қақпасына гол салды.

Бұл ойын «Астана» үшін Конференция лигасындағы қатарынан екінші жеңіліс болды. Бұған дейін, астаналық клуб Уэльстің «Нью-Сейнтс» командасына ұтылды. Қазір команда үш ұпаймен турнирлік кестенің төменгі жартысында орналасқан.

Еске сала кетейік, «Астана» Конференция лигасындағы соңғы ойының 12 желтоқсан күні Алматының орталық стадионында әйгілі ағылшындық «Челси» командасына қарсы өткізеді. Бұл ойынға билеттер әлі сатылымға шыққан жоқ.

Сонымен қатар...

Кей адамға «бала сияқты бола бермеші» дегіңіз келе ме? Әлде осы сөзді жақындарыңыздан жиі естисіз бе? Қалай болған күннің өзінде баланың тірлігін істеудің қалыпты жағдай емесі белгілі. Ғылымда мұны «инфантилизм» дейді. Зерттеу көп жасалғанымен, әлі күнге дейін толық анықталып бітпегенін атап өту керек. Есейсе де бала әдетінен арыла алмай жүргендердің бұл қылығын қалай түсінуге болады? Ол қайдан шығады? Қандай кері әсері бар? Осы туралы айтамыз.

Инфантилизм деген не?

Заман өткен сайын кейінгі буын алдыңғысынан әлсіз бола береді деседі. Инфантилизмде де солай. Неге екенін түсіндірмес бұрын алдымен «инфантилизм» түсінігі жайлы айтайық. Жасы ересек болғанымен, психикасы мен қылықтары баланыкіндей күйде қалып...

Қаңтар-қазан айларында 17 мыңнан астам интернет алаяқтық дерегі тіркелген. Бұл жөнінде Ішкі істер министрлігі хабарлады.

Әсіресе ғаламторда саудаласу өте қауіпті саналып отыр. Қаңтар айынан бермен алаяқ саудагерлерге алданғандарға қатысты 6200-ден астам дерек тіркелген. Интернет платформаларда жымысқы ниеті бар бағасы төмен тауарды ұсынады. Оған алданған тұтынушылар тауар бағасын алдын ала төлеп қойып, сосын сан соғып қалады.

«Тез байып кету» арманы да көп адамды опық жегізеді.  1960-қа жуық адам инвестиция салуға шақырғандардың құрбаны болды. Тіпті кредит алып, қарызға белшесінен батқандар да бар. Дивиденд төлейміз деп уәде беріп, қарасын батыратындар да жеткілікті.

Киберпол қылмыскерлердің тәсілдерінен сақ болуға шақырады, мына құралдарды жиі пайдаланатынын ескертеді:

АҚШ-тың Оңтүстік Каролина штатындағы Alpha Genesis зерттеу орталығында эксперимент жүргізіліп жатқан 40 маймыл қашып кетті.

NBS News хабарлауынша, полицейлер жануарларды ұстау үшін тұзақ құрған. Оларды іздеу үшін термовизиялық камералар қолданылады.

«Тұрғындарды бұл жануарлардың үйлерге кіруіне жол бермес үшін есіктер мен терезелерді жабық ұстауға шақырамыз», – делінген Йемасси Шериф департаментінің мәлімдемесінде.

Аталған орталық биомедициналық зерттеулерде приматтарды өсірумен және пайдаланумен айналысады. Қашып кеткен маймылдардың тұқымы қандай екені белгісіз. Бірақ орталықта макака мен капучиндер бар екені белгілі болған.

Тележурналистер қашып кеткен жануарлардың қай эксперименттерге қатысқанын және олардың қандай инфекцияға ұшырағанын анықтай алмады.

2023 жылдың 7 қарашасында Нұрсұлтан Назарбаев халықаралық әуежайы компаниясының акцияларының 100%-ын бір жылға сенімгерлік басқаруға алған Terminals Astana Airport Management компаниясы бұл иелік ету құқығын 2025 жылдың 7 қаңтарына дейін ұзартты.

«Қазіргі уақытта сенімгерлікпен басқару шарты күшінде қалды, шарттың қолданылу мерзімі 2025 жылдың 7 қаңтарына дейін өзгертілді», – деп хабарлады елорда әуежайының иесі – Қаржы министрлігі Мемлекеттік мүлік және жекешелендіру комитеті Kursiv Media сауалына жауап бергенде.

Бұл ретте комитет аталған сенімгерлік басқару шарты бойынша барлық ақпарат құпия болып табылатынын атап өтті. Ол бойынша қандай да бір мәліметтерді беруден бас тартты. Қазіргі басқарушы компаниямен келісімшарт мерзім...

Астанада күшті жел салдарынан үйлердің шатыры ұшып түсті, аялдамалар төңкеріліп қалды. Осыдан жергілікті деңгейде төтенше жағдай жарияланды. Bes Media-ның жазуынша, елорда әкімі Жеңіс Қасымбек нысандар қаншалықты бүлінгенімен, қазіргі қолданыстағы құрылыс талаптарын өзгретудің қажеті жоқ деп есептейді.

«Мұндай кезде осындай жайттар болып тұрады, бірақ жалпы қала осы алғаш дауыл болған күнді қалыпты өткізді. Өте ірі оқиғалар жоқ. Күшті желдің салдарынан бірнеше мәселе болды, соның ішінде бір мектептің төбесі жартылай бұзылды, екі аялдамада ақаулар пайда болды», – деді қала әкімі.

Жеңіс Қасымбек мемстандарт бойынша бекітілген құрылыс ережелері өзгермейтінін айтады. Деген әкімдік нысандардың беріктігін тексеруді бастап кетті.