Жаңалықтар

Алматыдағы Достық даңғылының бойында ашылғалы жатқан шағын кафенің атауы желіде шу тудырды. Мекеме Lenina 36 деген атау алған.

Кафеге мұндай атау берілгеніне қарсы тарап мекеме орналасқан даңғыл көптен бері «Достық» деп аталатынын басшылыққа алған.

Қолдаушы тараптың пікірі мекеме даңғылдың бұрынғы атауын алғанда тұрған не бар дегенге саяды.

Одан бөлек тараптар Владимир Лениннің тарихи тұлға ретіндегі маңызы мен оның әрекеттерінің зардабын айтып, кафе басшылығының шешімі төңірегінде дауласып жатыр.

Шешімді қолдаушылар мекемеге баруға шақырса, наразы жақ аяқ аттап баспауға үндейді.

Қолдаушылардың дені даңғылды бұрынғыша айтуға үйреніп қалғандықтан, бұдан еш әбестік көрмейтінін жеткізген.

«Алматылық жергілікті тұрғындар үшін бұрын...

Алматыда Райымбек көшесінің бір бөлігі жабылады. Бұл туралы Алматы қаласы әкімдігінің баспасөз қызметі хабарлады.

«18 шілде сағат 22:00-ден 19 шілде сағат 08:00-ге дейін Райымбек даңғылының бойымен Сейфуллин даңғылынан бастап Бөкейханов көшесіне дейін екі бағытқа қарай автокөлік қозғалысы жартылай шектеледі», – делінген әкімдік хабарламасында.

Көшелер магистральді құбыр желісін жөндеу жұмыстарына байланысты жабылады. Бұл маңайдағы құбыр желілері 1990 жылы пайдалануға берілген. Әкімдік қаланы жылыту маусымына дайындап, апаттық жағдайлардың алдын алу үшін құбырларды жөндеу туралы шешім қабылдаған.

Жөндеу жұмыстарын «Алматы жылу жүйесі» ЖШС жүргізіп жатыр.

Басқа қандай көшелер жабылады?

Айта кетейік, компания қаланы...

«ADCB» Ислам Банкі» АҚ «Даму» қоры арқылы кәсіпкерлерді қолдауға 25 млрд теңге бөледі. Бұл жайлы ұлттық экономика министрі Серік Жұманғарин мен «ADCB» Ислам Банкі» АҚ Басқарма төрағасы Гордон Хаскинспен кездесуінде айтылды.

Серік Жұманғарин агроөнеркәсіптік кешенді, әсіресе мал шаруашылығына инвестиция салуды ең перспективалық жобаның бірі ретінде қарастыруды ұсынды. Қазақстан Таяу Шығыс елдерінің премиум сапалы өнімге деген жоғары сұранысына сай ет экспортын тұрақты түрде арттырып келеді.

«ADCB» Ислам Банкі – Қазақстан мен ТМД елдерінде ашылған алғашқы ислам банкі. 2010 жылы Қазақстан Республикасы мен Біріккен Араб Әмірліктері арасындағы үкіметаралық келісімге сәйкес құрылған. 15 жыл ішінде банк еліміздегі жобаларға 3 млрд доллардан астам...

2025 жылдың қаңтар–маусым айларында Қазақстанда 8 млн шаршы метрге жуық тұрғын үй пайдалануға берілді. Ұлттық статистика бюросының деректеріне сәйкес, бұл көрсеткіш өткен жылдың осы кезеңімен салыстырғанда 6,6 %-ға жоғары.

2025 жылдың алғашқы жартыжылдығында жалпы 7 933 447 шаршы метр тұрғын үй салынды, оның 5 млн шаршы метрі көппәтерлі болса, 2,8 млн шаршы метрі  жеке тұрғын үйлер.

Қазақстандағы барлық тұрғын үйдің шамамен 93 %-ын жеке құрылыс компаниялары тұрғызған.

2025 жылы Қазақстанда не салынды?

Жарты жылдың ішінде ел бойынша пайдалануға берілген:

6 айда 72 300 пәтер пайдалануға берілд...

Алматының ауданаралық экономикалық соты кәсіпкер Патох Шодиевтың «Еуразиялық қаржы компаниясына» (оған «Еуразиялық банк» пен «Еуразия» сақтандыру компаниясы кіреді) қарсы арызын қанағаттандырмады. Бұл ақпарат «Сот кабинеті» жүйесінде жарияланған іс материалдарында көрсетілген.

Шодиев – компанияның акционерлерінің бірі. Ол 2025 жылдың 2 маусымында директорлар кеңесі қабылдаған шешімдерді жарамсыз деп танып, акционерлердің кезектен тыс жиналысын өткізуді міндеттеуді сұрап, сотқа жүгінген.

Сот 11 шілдеде өтінішті қанағаттандырудан бас тартты.

Іс материалында «мұндай тыйым үшінші тұлғалардың (акционерлердің) мүдделерін бұзуы мүмкін және компанияның жұмысын тоқтатып қоюы ықтимал. Осы жағдайларда талапкердің өтініші қабылданбайды» деп көрсетілген.

Директорлар кеңесі нақты қандай шешімдер қабылдағаны құжаттарда айтылмаған...

SCAT әуе компаниясы жолаушының жолжүгін уақытылы жеткізбегені үшін айыппұл төлейтін болды. Сот жәбірленушінің талап арызын ішінара қанағаттандырды.

Шымкент қаласының тұрғыны жолжүгін 2 күн кешіктіріп жеткізгені үшін SCAT әуе компаниясын сотқа берген. Істі қалалық азаматтық істер жөніндегі ауданаралық соты қарады. Ол соттан әуе компаниясынан 56 мың теңге – тұрақсыздық айыппұлын, 500 мың теңге моральдық зиян өндіріп беруді сұраған.

«Сотта талап қоюшы Алматы қаласынан Фукуок қаласына ұшып келгеннен кейін өзінің жолжүгін ала алмағаны анықталды. Әуе компаниясына арызданғаннан кейін, жолжүгі табылып, талап қоюшыға екі күннен кейін жеткізілген», – делінген Шымкент қалалық соттың хабарламасында.

Оқиға 2024 жылды...

«Алматы тазалық» мекемесінің қызметкерлерінің бір күндік жалақысын «Biz Birgemiz Qazaqstan 2030» қоғамдық қорына аударған. Бұл – 3 миллион теңге. Бұл туралы Перизат Қайрат пен Ғайни Алашбаева сотына қатысқан компания өкілі Құрман Мақсат мәлімдеді.

Айтуынша, қызметкерлер су тасқынынан зардап шеккендерге қолдау көрсету мақсатында аптап ыстықта еңбек етіп, осы қаражатты жинаған. Қаражат 2024 жылғы 26 сәуірде аударылған.

«Менің білуімше, «Алматы Тазалық» мекемесінде бұл қаражаттың нақты қайда жұмсалғанын кейіннен ешкім тексермеген. Біз қор басшыларының адалдығына сенім арттық. Ел ішінде отандастарымызға көмек қажет деген ақпарат болды және біз қолдау көрсеттік», – деп атап өтті Құрман Мақсат.

Компания өкілдері зардап...

Ақмола облысы бойынша Мемлекеттік кіріс департаментінің басқарма басшысы пара алды деген күдікпен ұсталды. Бұл туралы Ұлттық қауіпсіздік комитетінің Сыбайлас жемқорлыққа қарсы іс-қимыл қызметі хабарлады.

«Бұл факті бойынша сотқа дейінгі тергеп-тексеру басталды. Оған бұлтартпау шарасын қолдану мәселесі қаралуда», – делінген ақпараттық хабарламада.

ҰҚК тергеу мақсатында өзге ақпаратты жарияламады.

Бұған дейін, ірі лауазымды тұлғалар пара алғаны үшін ұсталып, олардан 196 млн теңге тәркіленген. Олардың қатарында «Бірінші кредиттік бюро» ЖШС-ның бас директоры Омаров, «Еңбек ресурстарын дамыту орталығы» АҚ-ның басшысы, Tңбек және халықты әлеуметтік қорғау министрлігінің экс вице-министрі А.Сарбасов, «Еңбек ресурстарын дамыту орталығы» АҚ-ның бұрынғы басшысы әр...

Солтүстік Қазақстан облысының прокурорлары жыл басынан бері мақсатқа сай пайдаланылмаған 75 жер учаскесін анықтады. Олардың жалпы аумағы 146 мың гектардан асады.

Тексерудің нәтижесінде аумағы 33,2 мың гектарды құрайтын 36 жер учаскесі мемлекет меншігіне қайтарылды. Олардың нарықтық құны 29,8 млрд теңгені құрайды.

Атап айтқанда, Ақжар, Есіл, Тимирязев, Уәлиханов және Ғ.Мүсірепов аудандарындағы жер пайдаланушылар Жер кодексінің талаптарын бұза отырып, ұзақ уақыт бойы ауыл шаруашылығы үшін деп алған 45 жер учаскесін мақсатқа сай пайдаланбаған.

Ал Петропавл қаласында бір кәсіпкер аумағы 123 гектар болатын, коммерциялық мақсаттағы жер учаскесін үш жыл бойы пайдаланбай келген.

Қазіргі уақытта жергілікті атқарушы органдар қайтарылған жерлерді адал жер пайдаланушыларға...

Соңғы күндері әлеуметтік желілерде «Қызылжар» футбол клубы ойыншыларының жаттығудан екі күн қатарынан бас тартқаны туралы ақпарат тарады. Бұл мәлімдемелерге байланысты клубтың баспасөз қызметі ресми түсініктеме берді.

Клубтың хабарлауынша, 2025 жылдың қаңтар-ақпан айларындағы жалақының кешіктірілуіне қаржыландыру туралы келісімшарттың дер кезінде жасалмауы себеп болған. Бұл жағдай клубтың емес, тапсырыс беруші тараптың кінәсінен орын алған. Қазіргі таңда мәселе шешімін тауып, жуық арада барлық берешек толық өтеледі деп жоспарланып отыр.

Сонымен қатар, маусым айындағы жалақыны төлеу де тапсырыс берушінің құжаттарды уақытылы рәсімдемеуінен кешіккен.

«Клубты қаралауға бағытталған мүдделі тараптар мен жалған ақпарат таратушыларға сенбеулеріңізді сұраймыз. ‘Қызылжар’ футбол клубы мен оны...

Samsung Electronics компаниясының директорлар кеңесінің төрағасы Ли Чжэ Ёнге қатысты сот процесі аяқталды. Оңтүстік Кореяның Жоғарғы соты оны бухгалтерлік есептегі алаяқтық пен акциялармен манипуляция жасау бойынша барлық айыптаудан толық ақтады.

Осылайша 2014 жылдан бері жалғасып келе жатқан сот процесіне нүкте қойылды.

Жоғарғы сот төменгі инстанциялар соттарының шешімін қуаттап, Ли жэ Ёнды Cheil Industries Inc. пен Samsung C&T компанияларының бірігуіне байланысты қозғалған қаржылық қылмыстар бойынша кінәсіз деп тапты. Барлығы Samsung басшысына 19 айып тағылған еді.

2023 жылы Оңтүстік Корея прокуратурасы Ли Джэ Ёнға қатысты 5 жыл бас бостандығынан айыру және айыппұл салу туралы талап қойған. Алайда сот мәміле заңсыз...

Алакөл — Қазақстанның жазғы туризміндегі ең танымал аймақтың бірі. Емдік қасиетімен танылған бұл көлге жазда демалушылар ағылып келеді. Әсіресе, көлдің Жетісу облысындағы жағалауы — Ақши мен Көктұма ауылдары демалыс үшін сұранысқа ие. 2025 жылы бұл бағыттағы демалыс орындары бағаларын жаңартып, қызмет сапасын да арттыра түскен. Біз Ақши мен Көктұма ауылдарындағы биылғы нақты бағалар мен ұсыныстарды жинап шықтық.

Ақшидегі қонақүй бағасы

Ақши – Алакөлдің оңтүстік жағалауындағы танымал демалыс аймағы. Мұндағы қонақүй мен отельдер түрлі талғам мен бюджетке сай келеді. Мәселен, Alakol Ocean демалыс орнында бір адамға бір түн 16 000 теңгеден басталады. Көлге жақын орналасқан, табиғат аясындағы тыныш...

Астана сотында прокурор экс-дипломат Сәкен Мамашты 6 жылға бас бостандығынан айыруды сұрады, деп хабарлайды KursivMedia.

Істің мән-жайы

Сәкен Мамаштың әйелі Карина Мамаш 2024 жылдың мамырында видео жариялап, 10 жыл бойы күйеуінен қорлық көргенін айтты. Сол жағдайдан кейін дипломат елге шұғыл түрде шақырылды.

@taubayqyzy Ответ пользователю @🇰🇿Saken Сұқбат 2024 жылы алынған #каринамамаш#сәкенмамаш ♬ оригинальный звук – Aigerim Taubay

Содан кейін дипломаттың үстінен іс қозғалды. Сотқа дейінгі тергеуді Астана қаласы Есіл ауданы полиция басқармасы...

Іле-Алатауы мемлекеттік ұлттық табиғи паркінің бақылау-өткізу бекеттерінде автоматтандырылған жүйе кезең-кезеңімен іске қосылып жатыр.

Орман шаруашылығы комитеті мұны келушілер үшін қолайлы жағдай жасау, әрі көлік қозғалысын реттеуге бағытталған маңызды қадам екенін атап өтеді.

Демалыс күндері Алма-Арасан мен Аюсай шатқалдарына ағылатын автокөліктердің саны артып, ұзын-сонар кезек пен кептеліс туындайтын. Осы мәселені шешу мақсатында жаңа жүйе іске қосылған. Енді автокөлік жүргізушілері алдын-ала төлем жасап, кедергісіз өте алады.

Жаңа жүйе көліктің мемлекеттік нөмірін автоматты түрде оқып, QR-код арқылы төлем жасауға мүмкіндік береді. Бұл – уақыт үнемдеумен қатар, ашықтық пен тәртіпті қамтамасыз етуге көмектеспек.

Автоматтандырылған жүйе Алмарасан, Қаскелең, Бұтақты және Түрген шатқалдарында іске қосылған...

Перизат Қайраттың анасы Ғайни Алашбаева сотқа қатысып отыр. Ол өзін жақсы сезінетінін айтты.

2025 жылдың 17 шілдесінде түске дейін Алашбаева өзін жайсыз сезініп тұрғанын айтқан. Содан кейін оны жедел жәрдем алып кетті.

Түстен кейінгі сот отырысында ол жағдайының жақсарғанын айтты.

Айта кетейік, қылмыстық іс аясында Ғайни Алашбаева да сотталушы деп танылған. Оған қатысты үйқамаққа алу туралы қаулы шыққан.

Айта кетейік, бұған дейін сот отырысына Назарбаев Зияткерлік мектебінің қызметкері Жанерке Сатқанбекова қатысты. Ол жәрмеңкеден түскен ақшаны Перизат Қайрат қорына аударғанын айтты.

Ағылшын ғалымдары үш адамның қатысуымен жасалатын ЭКО әдісі балаларды тұқым қуалайтын аурулардан сақтайды деп есептейді. Осындай жолмен дүниеге келген сегіз баладан анасының аса күрделі ауруы анықталмады. Бұл туралы Reuters хабарлайды.

Ұлыбританияда үш адам қатысатын жаңа ЭКО, яғни жасанды жолмен ұрықтандыру әдісінің көмегімен сегіз бала дүниеге келді. Олардың бәрінің дені сау, яғни анасының генетикалық ауруы тұқым қуаламаған Сәрсенбі күні Ньюкасл университетінің ғалымдары жаңа әдіс туралы есебін жариялады.

Ағылшын ғалымдары аталықпен ұрықтанған аналық жыныс жұмыртқасын аноним донор ұсынған генетикалық сау аналыққа орналастырған. Мұндай әдіске әлем елдерінде, мәселен, Құрама Штаттарда тыйым салынған.

Жаңа әдіс ана митохондриясындағы мутацияға ұшыраған гендердің балаға берілуін...

B Қазақстанда сыбайлас жемқорлықпен күресетін тағы бір құрылым пайда болды. Президент Қасым-Жомарт Тоқаев ҚР Ұлттық қауіпсіздік комитетінің жанынан сыбайлас жемқорлыққа қарсы арнайы қызмет құру туралы Жарлыққа қол қойды.

ҰҚК-ның арнайы бөлімшесі

Жаңа қызмет тек өкілеттіктерге ғана емес, сонымен қатар жеке заңды мәртебеге, штаттық құрамға және республикалық бюджеттен тікелей қаржыландыруға ие болады.

Басты мақсат – барлық деңгейдегі жемқорларды анықтау, соның ішінде лауазымын, байланыстарын және шетелдегі есепшоттарын жасырып жүргендерді әшкерелеу.

ҰҚК-нің жаңа бөлімшесінің функциялары: сотқа дейінгі тергеп-тексеру, жедел тыңдаулар жүргізу, айғақтарды тәркілеу, қаржылық құжаттармен жұмыс істеу, банктерге сұрау салу, қажет болған жағдайда халықаралық ынтымақтастық орнату.

Егер...

Алматы әкімі Дархан Сатыбалды Еуропалық қайта құру және даму банкінің Орталық Азия және Моңғолия елдері бойынша басқарушы директоры Хусейн Озханмен кездесу өткізді.

Тараптар қалалық инфрақұрылымды жаңғырту саласындағы ынтымақтастықты тереңдету және бірлескен жобаларды жүзеге асыру мәселелерін талқылаған.

Дархан Сатыбалды Алматы Қазақстандағы инвестициялық тартымдылығы жоғары өңірлердің бірі болып қала беретінін атап өткен. Соңғы үш жылда мегаполиске тартылған инвестиция көлемінің жылдық орташа өсімі 16% болған. Халықаралық Fitch агенттігі Алматының кредиттік рейтингін «BBB+» деңгейінде растаған, бұл ЕҚДБ желісі арқылы да сырттан қаржы тартуға қолайлы жағдай жасайды.

Кездесу барысында экологиялық көлік жобаларын жүзеге асыруға арналған «жасыл» облигация шығару, оның ішінде LRT құрылысы, электроавтобустарға арналған...

Премьер-министр Олжас Бектенов Түркістан облысының лауазымды тұлғаларын жауапқа тартуды тапсырды. Үкімет үйінің хабарлауынша, жауапты тұлғалар Түркістан облысында рұқсатсыз ылғалды көп қажет ететін өнімдерді егуге жол берген.

Түркістанда шаруаларды сумен қамту мәселесі күрделене түскенін Су ресурстары және ирригация министрі Нұржан Нұржігітов айтқан.

Түркістан облысындағы су тапшылығы

Министрдің айтуынша, күннің ыстық болуына байланысты Түркістан және Қызылорда облыстарында биыл вегетациялық кезең әдеттегіден 20 күн бұрын басталған. Сондай-ақ ыстық салдарынан топырақтың жоғарғы қабаттарында ылғал төмендеп кеткен. Салдарынан ауыл шаруашылығы дақылдарының су тұтыну көлемі алғашқы кезеңде орта есеппен алғанда 50%-ға бірақ артқан. Нәтижесінде суару көздеріне айтарлықтай ауыртпалық түскен.

Сондай-а...

Euronews телеарнасы Қазақстанның туристік бағыттары туралы түсірілетін Modern Nomads бағдарламасының екі жаңа эпизодының түсірілімін аяқтады. Бұл жолы түсірілім тобы Байқоңыр мен Катон-Қарағай өңірлеріне сапар шекті. Эпизодтар 2025 жылдың қыркүйек айында эфирге шығады деп жоспарланып отыр.

Байқоңырдағы түсірілім кезінде команда ғарыш айлағында өткен зымыран ұшыру сәтінің куәсі болды. Мұндай тарихи оқиғалар Байқоңырда жылына орта есеппен алты-жеті рет өтеді. Бағдарлама барысында көрермендер «Гагарин старты», «Буран» кемесі, Байқоңыр қалалық музейі секілді нысандармен таныса алады. Сонымен қатар, динамикалық сынақтар стенді мен монтажды-отын құю кешені де көрсетіледі.

Euronews тобы Қызылорда облысының киелі жерлеріне де ат басын бұрды. Атап айтқанда, Корқыт ата мемориалдық кешені мен...

Майлин көшесінің бір бөлігінде орташа жөндеу жұмыстары жүргізілуіне байланысты қозғалысқа уақытша шектеу енгізіледі.

1 КЕЗЕҢ: 17 шілде күні сағат 23:00-ден бастап 18 шілде сағат 11:00-ге дейін әуежайдан Бұқтырма көшесіне қарай жол жабылады. Қарсы бағытта кері қозғалыс ұйымдастырылады.

2 КЕЗЕҢ: 18 шілде сағат 23:00-ден бастап 19 шілде сағат 6:00-ге дейін Бұқтырма көшесінен әуежайға қарай жол жабылады. Мұнда да қарсы бағытта кері қозғалыс ұйымдастырылады.

Жөнделетін учаскеде екі жақты қозғалыс туралы ескерту белгілері орнатылып, жолақтар бойынша бөлу конустық шағылыстыратын чиптермен белгіленедітіні айтылды.

Қала әкімлдігі тұрғындардан маршрутты алдын ала жоспарлауды сұрайды.

Естеріңізге сала кетейік, қозғалысты шектеуге қатысты барлық ақпарат @AlmatyJoly Telegram-арнасында, аудан әкімдігін...

Астанада «KAZAKH INVEST» Ұлттық компаниясы» АҚ Басқарма төрағасының орынбасарлары Азамат Қожанов пен Мадияр Сұлтанбек италиялық Unione Coltivatori Italiani (UCI) ұйымының президенті Марио Серпилломен кездесті.

Кездесу барысында тараптар Қазақстанда техникалық қарасора өсіріп, оны терең өңдеу арқылы тоқыма, құрылыс материалдары мен дәрі-дәрмек өндіруге бағытталған инвестициялық жобаны жүзеге асыру мүмкіндігін талқылаған. Бұл бағытта заманауи агротехнологиялар қолдану көзделіп отыр.

Италиялық тарап бұл салада UCI ұйымының Италиядағы табысты тәжірибесін таныстырған. Әсіресе, тұрақты егіншілік технологияларына, тұйық өндірістік тізбектер құруға (май, талшық, биоматериалдар өндірісі), сертификаттау мен лицензиялау жүйесіне және медицина, косметология, тоқыма мен құрылыс салаларына маманданған ғылыми-зерттеу мекемелерімен ынтымақтастыққа ерекше назар аударылған.

Қазақстандық тарап халықаралық ынтымақтастыққа қызығушылы...

Танымал продюсер әрі актриса Баян Алагөзова жаңа киножобадағы рөлімен бөлісіп, желідегі оқырмандарына фильмнің атауын алғаш рет ашық айтты. Бұл жолы көпшілікке үйреншікті болған қалалық әйел бейнесін ауыл дәрігерінің қарапайым болмысына ауыстырды.

Алагөзова Instagram парақшасында түсірілім алаңынан кадрлармен бөлісіп, бұл фильмнің Олжас Ибраевтың режиссерлік жобасы екенін атап өтті. Картинаның атауы – «Қызым». Фильмде Баян басты рөлді сомдайды және бұл кейіпкер үшін образын түбегейлі өзгерткен.

Түсірілім жұмыстары Екібастұз және Павлодар қалаларында өткен. Актрисамен бірге экранда Ерболат Алқожаев пен Әбунасыр Серіков те бой көрсетеді.

Қазақстан үкіметінің 2026 жылға арналған негізгі макроэкономикалық болжамды қайта қараймыз деген ниеті теңгеге бағамына қазірден қысым көрсетуі ықтимал. Қазақстан иқаржыгерлер қауымдастығы осындай болжам жасайды.

Атап айтқанда, үкімет алдағы жылға арналған базалық доллар бағамын 475 теңгеден 540 теңгеге дейін көтеруді жоспарлап отыр. Бұл үкімет теңге алдағы жылы 13 пайызға әлсірейде деп болжам жасап отыр деген сөз. Сонымен қатар мұнай бағасының болжамы $75-тен $60-қа дейін, яғни 20%-ға төмендетілмек. Қаржыгерлер қауымдастығының пікірінше, мұндай өзгерістер ұлттық валютаға деген сенімді төмендетіп, нарықтағы девальвациялық күтулерді күшейтеді.

АФК мәліметінше, доллар сатып алушылар әлі де нарықта басым. Бұл да валюта бағамына қосымша қысым түсіріп отыр. Мұндай...