Жаңалықтар

Алматы соты өзін мемлекеттік қызметші ретінде таныстырып жүрген алаяқ Арнұр Әпсейтовті қамауға алу туралы үкім шығарды. Ол алаяқтық жасағаны үшін бұрын шартты түрде бас бостандығынан айырылған. 17 қазанда өткен BeWoman форумында олигарх Сергей Канның жұбайы Жанна Канға медаль таққан.

Илон Масктың анасы Мэй Маск, Wildberries негізін қалаушы Татьяна Ким. ресейлік журналист Ксения Собчак және көптеген іскер адамдар қатысқан BeWoman Орталық Азия әйелдер форумы Алматыда қазан айында ғана өткен. Форум аясында Республика сарайының сахнасында Forbes тізіміндегі кәсіпкер Сергей Канның жұбайы әрі шараны ұйымдастырушысы Жанна Канға 21 жастағы Арнұр Әпсейітов «Адал еңбегі үшін» медалін тағылған.

Әпсейітовті жүргізушілер «Президент жанындағы Сыбайлас жемқорлыққа қарсы...

Қазақстанда 1 млн азамат банкроттық шегінде өмір сүреді. Бұл жайлы Мемлекеттік кірістер комитеті төрағасының орынбасары Сейілжан Ахметов айтты.

Ахметовтың мәліметінше, 1 млн қазақстандық банкроттық критерийлеріне келсе де, жеке тұлғаның банкроттығына өтініш бермеген.

«Банкроттық критерийлеріне сәйкес келетін 1 миллионға жуық азамат рәсімді қолдануға асықпайды»,- дейді комитет өкілі.

Бұл азаматтар 12 айдан астам уақыт бойы несие төлемеген. Несие төлеу қабілетінің төмендегеніне қарамастан, олардың банкроттық рәсімдеуге асықпауының бірнеше себебі бар.

Комитет статистикасына сәйкес, банкроттыққа өтініш беретіндер арасында ер...

Банк ЦентрКредиттің еншілес ұйымы – BСC Invest брокерлік компаниясы 2024 жылдың 9 айында 6,3 млрд теңге таза пайда алған. БЦК инвестициялық компанияның 100 пайыз акциясына иелік етеді. Брокер инвестициялық басқарушы компаниялар арасында актив көлемімен екінші орында тұр.

Қазақстан қор биржасының сайтында жарияланған 9 айлық есепке сүйенсек, брокер жыло басынан бері таза пайдасын 3,7 млрд теңгеден 6,3 млрд теңгеге дейін 1,7 есе өсірген.

Компания таза пайдасының өсуіне таза пайыздық емес кіріс пен негізгі қызметтен түскен кірістің артуы ықпал еткен. 9 айда брокердің таза пайыздық емес кірісі 5,7 млрд теңгеге жеткен. Ал негізгі қызметтен 8,3 млрд теңге кіріс алған...

Morgan Stanley компаниясының сарапшысы Майк Уилсон 2024 жылдың соңына дейін S&P 500 индексінің 6,5%-ға өсуін болжап отыр. Қытай Еуроодақтың электрмобильдерге салған тарифтеріне байланысты ДСҰ-ға шағым түсірді. Ал Германия үкіметі банкроттықтың алдында тұр.

Dow, S&P 500 және Nasdaq қор индексі АҚШ-тағы президент сайлауы қарсаңында төмендеді

Нью-Йорк биржасында сауда-саттықтың басым бөлігі сайлау қарсаңында «қызыл аймақта» өтті. Yahoo Finance-тің хабарлауынша, сайлау нарықтар үшін үлкен қауіп төндіреді.

Сауалнамаларға сәйкес, сайлау күні қарсаңында демократтар Айовада көш бастап келеді, бұл Камала Харристің мүмкіндігін арттырады. Бұған дейін Уолл-стрит Дональд Трамптың мүмкіндігін сәл жоғары бағалаған болатын. Осыдан кейін доллар бағамы төмендеп, қазынашылық облигациялар кірісі де азайды: он...

Алматы қаласы Медеу ауданының соты «Алматы бас жоспары» ЖШС бас директорының орынбасарын Сәкен Өмірәліұлын 3,5 жылға бас бостандығынан айырды. Бұған қоса, ол өмір бойы мемлекеттік және квазимемлекеттік қызмет атқару құқығынан айырылды.

Өмірәліұлы жер учаскесінің нысаналы мақсатын өзгерткені үшін қалалық жер қатынастары басқармасының лауазымды тұлғаларына 9,6 млн теңге көлемінде пара беруге жергілікті кәсіпкерді көндіріп, арандатқаны үшін кінәлі деп танылған.

Іс туралы

2023 жылдың маусым айында кәсіпкер Мұхаметов Алматыдағы Әбіш Кекілбайұлы көшесі, 28/2 мекенжайында сауда нысанының құрылысын бастап, өз мүддесін қорғау үшін Шаяхметов-ке сенімхат береді. Шаяхметов ғимаратты жатақхана ретінде пайдалану үшін жоба мақсатын өзгертудің жолын сұрап, «Алматы бас жоспарында» жұмыс істейтін...

Америкалық Eleview International Inc. компаниясы мен оның екі басшысына елге қойылған шектеулерді айналып өтіп, миллиондаған долларлық АҚШ технологиясын Ресейге экспорттады деген айып тағылып отыр. Бұл туралы АҚШ әділет министрлігінің мәлімдемесінде жазылған.

Компания басшылары Вирджинияда тұратын 54 жастағы Олег Наяндин мен 39 жастағы Виталий Борисенко қарашаның 4-і күні сол штаттың Шығыс округінің федералды сотына келді. Оларға «Экспорттық бақылау туралы заңдарды бұзды» деген айып тағылды.

«Күдіктілер Ресейге енгізілген экспорттық шектеулерді айналып өту үшін үш жалтару схемасын пайдаланған», – деді Ұлттық қауіпсіздік жөніндегі АҚШ бас прокурорының көмекшісі Мэтт Олсен.

Қылмысы дәлелденсе ол 20 жылға дейін...

Биыл елімізде 300 мың адам газға қол жеткізбек. Бұл туралы Энергетика министрлігінің баспасөз қызметі хабарлады.

Министрліктің хабарлауынша, елді газдандыру жұмыстары әлі жалғасып жатыр. Оның деңгейі 2024 жылдың соңына дейін 61,8%-ға жеткізу жоспарланып отыр. Бұл 369,0 мың адамды немесе 140 елдімекенді газбен қамтамасыз етуге мүмкіндік береді.

Шегініс жасасақ, 2024 жылдың 1 қаңтарында газдандыру деңгейі 60%-ға жеткен еді. 20 млн адамдың 12 млн-ы газға қол жеткізіп отыр.

2025 жылы газдандыру деңгейін 62,1%-ға жеткізу жоспарланып отыр. Бұл – 55 мыңнан аса адамды немесе 21 елдімекенді газбен қамтамасыз етеді деген сөз.

Айта кететін жайт, 2024 жылдың 15 наурызында Президент Қасым-Жомарт Тоқаев Ұлттық құрылтай отырысында...

Freedom Holding Corp. және S&P Global мәліметі бойынша, 2024 жылдың қазан айында Қазақстанның өңдеу өнеркәсібіндегі іскерлік белсенділік индексі (PMI) 51,7 тармақты құрады. Бұл қыркүйек айындағы көрсеткіштен (52,3 тармақ) сәл төмен. Сонымен қатар, қызмет көрсету саласындағы іскерлік белсенділік индексі 51,1 тармақтан 49-тармаққа дейін азайған. Индекс 50-ден жоғары болса, белсенділік артқанын, ал 50-ден төмен болса, іскерлік белсенділік баяулағанын білдіреді. Бұл туралы Freedom Holding Corp. хабарламасында жазылған.

Freedom Finance Global PLC қаржылық талдау департаментінің директоры Ерлан Әбдікәрімовтің айтуынша, Қазақстанның өңдеу өнеркәсібі тұрақтылық көрсетіп, алдағы айларда өсім әлеуетін сақтап отыр. Сұраныс азайғанымен, өсім жалғасып жатыр: өндіріс пен жаңа тапсырыс көрсеткіштері қатарынан сегіз ай...

Оралда пара алып жатқан жерінен қалалық сот төрағасы Руслан Жұмағұлов ұсталды.  Төрағамен бірге екі адвокат та құрықталды.

«Орал апталығы» басылымының мәліметінше, судья сотталушыға қатысты оң шешім шығару үшін 1,5 млн теңге көлемінде пара алған.

Қылмыстық кодекстің 366-бабы 1-1-бөлігіне сай, «Пара алу» бойынша қылмыстық іс қозғалды. Жедел-тергеу амалдарын ҰҚК орталық аппаратының және БҚО бойынша департаментінің қызметкерлері жүргізген.

Руслан Жұмағұлов 1980 жылы туған. БҚО облыстық сотының ресми сайтындағы ақпаратқа сүйенсек, ол 2001-2011 жылдары аралығында Батыс Қазақстан облысының прокуратурасында қызмет атқарған. 2011 жылдан 2015 жылға дейін Батыс-Қазақстан облыстық адвокаттар алқасында қорғаушы болып жасаған.

2015 жылы Президент Жарлығымен Орал қалалық сотының судьясы болса, 2019 жылы қалалы...

Қазақстан мен Ресей шекарасындағы Құрманғазы өткізу пунктінде 300-ге жуық жүк көлігі жиналып қалған. Көлік кептелісінің пайда болуына не әсер еткенін Мемлекеттік кірістер комитеті түсіндіріп берді.

«2024 жылғы 4 қарашадағы жағдай бойынша Атырау облысының «Құрманғазы» өткізу пунктінде Ресей Федерациясына баратын маршрут бойынша 280-ге жуық жүк автокөлігі жинақталған. Кептелістің себебі – «Атырау-Астрахань» тас жолында жөндеу жұмыстарының аяқталуы болды. Бұл көлік құралдарының санының күрт өсуіне әкелді»,- деп түсіндіреді комитет.

Ведомство өткізу пунктінің тәулігіне 200 көлік жіберетінін, ал бекеттен өтуге күніне 300-ге жуық жүк көлігі келетінін хабарлайды. Бұл шекарада көлік санының арта түсуіне ықпал еткен. Комитет алдағы...

16 қыркүйекте Қазақстанда жалпыға бірдей декларациялаудың үшінші кезеңі аясында есеп тапсыру аяқталды. Кірістері мен мүлік туралы есеп тапсырмағандарға ескерту жасалды. Ал кейін есепшоттары да бұғатталуы мүмкін. Бұл туралы Мемлекеттік кірістер комитеті хабарлады.

Үшінші кезең аясында жеке кәсіпкерлер, компания басшылары, заңды тұлғалардың құрылтайшылары және олардың жұбайлары декларация ұсынды.

Азаматтар 250-нысан бойынша активтері мен міндеттемелері туралы кіріс декларациясын, ал өзгелері 270-нысан бойынша кірістері мен мүлік туралы декларация тапсыруы тиіс.

Жалпы Мемлекеттік кірістер комитетінің мәліметінше, биыл 2 млн-нан астам жеке тұлға алғаш декларация ұсынған. Дегенмен, белгілі бір себептермен мұны істемегендер де бар. Олардың барлығына ескертулер жолданған.

Алматының бұрынғы әкімі Бақытжан Сағынтаевтың қайтыс болған күйеу баласы Бақыт Ибрагимнен тәркіленген коттедж электронды аукционнан алынып тасталған.

Құны 380 млн теңгеге бағаланған ғимараттың аукционы 5 қарашада өтуі тиіс болған. Алайда аукцион өтпей қалды. Ғимаратты сауда-саттыққа Алматы қаласының Мемлекеттік активтер басқармасы шығарған.

«Сауда-саттықтар басталуына дейін жойылды», – деп түсіндірген себебін Е-қазына жүйесінде.

Аукцион күні 2024 жылдың 21 қараша деп ауыстырылған. Алайда жаңа сауда-саттық туралы хабарлама жария болмаған.

Шымбұлақ тау-шаңғы курортына апарар жолда орналасқан коттеджді сатып алу үшін 57 млн теңге кепілдік жарна құю керек.

«Сатылымға шыққан ғимарат 2003 жылы салынған. Жалпы...

Jusan Bank жылдық 8%-бен 100 млрд теңгеге (бір дана үшін 1000) он жылдық облигациялар шығарады. Бұл туралы Қазақстан қор биржасындағы хабарламада жазылған.

«jusan Bank жылдық 8%-бен 100 млрд теңгеге (бір дана үшін 1000) он жылдық облигациялар шығарады», – деп жазылған хабарламада.

Былтыр жазда банк Ғалымжан Есеновтың иелігіне өтті. Оның банктегі үлесі 97%-ға дейін жеткен. Ол «First Heartland Securities» арқылы акциялардың 77,86%-ын иеленсе, қалған бөлігі 19%-ы тікелей өзіне тиесілі.

Jusan Bank активтерінің көлемі бойынша елдегі ең ірі 6 банктің қатарына кіреді. Банктің өтімді активтері 2,8 трлн теңгеден асады. 2024 жылдың 9 айында Jusan Bank...

Қытай Алматының солтүстігінде бой көтеретін Алатау қаласының құрылысына көмектеспек. Вице-премьер Қанат Бозымбаев Қытай даму институтының вице-президенті Цзянь Цюймен Алатау қаласын салу мәселелері бойынша келісімге қол қойды.

Қытай даму институты (China Development Institute) – 1989 жылы Шэньчжэнь қаласында құрылған тәуелсіз аналитикалық орталық. 2015 жылдан бастап Қытайдағы жетекші аналитикалық орталықтардың бірі ретінде танылған. Екі жақты кездесуде Қанат Бозымбаев Қазақстанды Шэньчжэнь арнайы экономикалық аймағын дамытудағы тәжірибесі қызықтыратынын атап өтті.

 «Жобалық кеңсе аясында заңнамалық өзгерістер енгізу, инвестиция, инфрақұрылым, жер мәселелері және сауда бойынша сарапшылар қауымдастығын тарта отырып, үш жұмыс тобы құрылды. Барлық топтар тиісті жұмыстарды атқаруда. Бізге Алатау қаласын...

Алматы қаласында 5 қараша сағат 10:00 шамасында жер сілкінді. Бұл туралы қалалық Төтенше жағдайлар департаменті хабарлады.

Жер сілкінісінің негізгі ошағы Қазақстан шекара аумағында екені, Алматы қаласынан 33 шақырым қашықтықта орналасқаны белгілі. Қала тұрғындары толқудың 3 балл сезінсе, Талғар мен Есікте 4 балл болған.

Еуропалық сейсмологиялық орталықтың хабарлауынша, жер сілкінісінің негізгі ошағы Қазақстанның шығыс жақтағы шекарасында болған. Тереңдігі – 10 км. Магнитудасы – 4.7.

Бұған қоса, төтенше жағдайлар департаменті ғимараттарды тексеріп, мониторинг жүргізе бастады. Қалада жағдай тұрақты екені хабарланды.

31 мамырда Алматыда Mass Alert жүйесі іске қосылған. Бұл төтенше жағдайлар кезінде құлақтандыру жүйесі. Дегенмен, 5 қарашадағы жер сілкініс...

Қаржы министрлігі мемлекеттік қызметкерлерге сыйақы төлеуге тыйым салынбағанын хабарлады. Ведомство түсіндіруінше, белгілі бір тізбеде көрсетілген баптар бойынша сыйақы төлеуге тыйым салынған. Министрлік мемлекеттік қызметкерлерге қандай қаражат көздерінен сыйақы берілмейтінін түсіндірді.

Қазақстан Республикасы Үкіметінің 2001 жылдың 29 тамызындағы №1127 қаулысына сәйкес, мемлекеттік қызметшілерге сыйақы төлеу бюджет қаражатын үнемдеу есебінен ғана жүзеге асырылады.

Қаражат қаулы ережелерінде көрсетілген нақты шығыс тізбесі бойынша ғана беріледі. Онда да бұл шығыс түрлерінен ақша үнемделген жағдайда ғана сыйақы қарастырылады. Мәселен, іссапарларға, коммуналды және көлік қызметтеріне, байланыс қызметтеріне, үй-жайларды жалға алуға және т.б. шығыстарға жоспарланған қаражаттан ақша үнемделсе, мекемеде жақсы жұмыс нәтижелерін көрсеткен қызметкерге сыйақы төлену...

АҚШ-тың Пенсильвания аймағының соты миллиардер Илон Масктың сайлаушылар арасында лотерея ойнатуына тыйым салмады. Шешім өзіндік символикаға ие болып отыр. Себебі үкім 4 қараша шықса, лотерея 5 қарашада аяқталады.

Сот Масктың сайлау қарсаңында «күмәнді» штаттардың сайлаушылары арасында 1 млн доллар лотерея ойнатуына тыйым салмады. Жалпы юрисдикция сотының судьясы Анджело Фольеттаны Масктың адвокаттары жеңімпаздардың арнайы таңдалып отыратынына сендірді. Яғни ешбір кездейсоқ адам лотерея ұтып кете алмайды.

«1 млн доллар алушылар кездейсоқ таңдалмайды. Біз бүгін және ертең кім жеңімпаз болатынын білеміз», – деді миллиардердің адвокаты Крис Гобер.

Лотереяны ойнатып жатқан Маскқа тиесілі America PAC компаниясы жеңімпаздардың көзқарасы компания көзқарасымен...

4 қарашада АҚШ-та Нэшвилл маңындағы энергетикалық нысанды жою үшін нео-нацистік шабуыл жасауға тырысты деген күдікпен 24 жастағы Теннесси тұрғыны ұсталды.

Елдің Әділет министрлігінің ақпаратына сүйенсек, Скайлер Филиппи шабуылдың «жүйені қалай дүр сілкіндіруі» мүмкін екендігі туралы зерттеулер жүргізгеннен кейін жарылғыш заттармен толтырылған дронды пайдаланып, Нэшвиллдің электр желісіне шабуыл жасауды жоспарлаған. Өзінің жоспары туралы АҚШ-тың Федералды тергеу бюросына (FBI) хабарлаған.

FBI маусым айында ақпарат келіп түскеннен кейін Филиппиге қатысты тергеу бастаған. Тергеу барысында Колумбия мен Теннесси маңында болған жаппай атыстың бейнежазбасын тапқан. Прокурор ақпаратынша, бейнежазбада күдікті Филиппи дронды сынақтан өткізіп жатқан.

Айыптаушылар Филиппи елдің энергетикалық секторына террористік шабуыл жасап, азаматтық соғысқа...

Сауд Арабиясының Эр-Рияд қаласында 2024 жылғы WTA маусымдық финалдық турнирі өтіп жатыр, оған маусымдағы ең мықты сегіз теннисші қатысып отыр. Қазақстанның бірінші ракеткасы Елена Рыбакина топтық кезеңдегі екінші кездесуінде Қытай өкілі Чжэн Циньвэньге қарсы өнер көрсетіп, жеңіліске ұшырады. Бұл туралы теннис федерациясы хабарлады.

Матч нәтижесі 6:7 (4:7), 6:3, 1:6 болып аяқталды. Екі сағат 24 минутқа созылған кездесуде Рыбакина сегіз эйс жасап, бір қос қателік жіберді және алты брейк-пойнттың үшеуін пайдаланды. Чжэн Циньвэнь алты эйс жасап, бес қос қателік жіберді, сондай-ақ 13 брейк-пойнттың төртеуін орындап үлгерді.

Енді соңғы ойында Елена Рыбакина әлемнің бірінші ракеткасы Арина Соболенкомен кездеседі, ал Чжэн Жасмин...

Қазақстан президенті Қасым-Жомарт Тоқаев Францияға ресми сапарының қарсаңында Le Figaro басылымына мақала жариялады. Мұнда Қазақстан дипломатиясы, Франциямен қарым-қатынасынан бөлек, екі елдің қандай салаларда ынтымақтастық орнатуға мүдделі екенін атап өткен.

«Президент Эммануель Макронның өткен жылдың қараша айында Астанаға сапары барысында біздің елдеріміз сирек жер металдары, жаңартылатын энергия көздері және азаматтық атом энергетикасы саласындағы өзара іс-қимылды дамытуға өзара қызығушылық танытты, бұл біздің стратегиялық әріптестігімізді кеңейту үшін жаңа перспективалар ашады», – делінген мақалада.

Тоқаев Қазақстанда өткен АЭС салуға қатысты референдумдағы оң шешім болашақта екі елдің ынтымақтастығына берік негіз қалайтынын жазып, станцияның энергетикалық қауіпсіздіктінығайтуға әсер ететінін атап өткен.

Мақалада президент Қазақстанның табиғи...

Францияның экономикасы әлемдегі ең ірі экономикалардың бірі болып саналады және ол Еуропалық Одақ пен жаһандық экономикаға маңызды ықпал етеді. Францияның экономикасы ЖІӨ (Жалпы ішкі өнім) көлемі бойынша әлемдегі алғашқы он елдің қатарына кіреді және Еуропалық Одақ ішінде Германиядан кейінгі екінші ірі экономика болып табылады  Францияның экономикалық моделі әртүрлі секторларды қамтиды, оның ішінде өнеркәсіп, ауыл шаруашылығы, қызмет көрсету салалары, сонымен қатар ғылым мен инновацияға ерекше көңіл бөлінеді. Париж қаласы Еуропадағы маңызды қаржы және сауда орталықтарының бірі ретінде әлемдік экономикада айтарлықтай рөл атқарады.

Қазақстан мен Франция арасындағы сауда және экономикалық ынтымақтастық екі ел үшін де маңызды орын алады. Қазақстан Францияға мұнай, уран...

Атырау мұнай өңдеу зауытында бірқатар қондырғыны жөндеу жұмысы аяқталды. Зауытта еңбек режимі толық іске қосылды.

АМӨЗ бір тәулікте 14 380 тонна мұнай өңдейді. Қараша айы басталғалы 44 мыңға жуық тонна мұнайды өңдеп үлгерген.

«Мұнай өнімдерін жөнелту жұмыстары Энергетика министрлігімен бекітілген жоспарға сәйкес жүргізілуде. Ай басынан бері автобензиндер 8 300 тонна, оның ішінде АИ-95 маркалы автобензин 2 852 тонна, ДТ-З маркалы қысқы дизель отыны – 5 622 тонна, сұйытылған газ – 2 873 тонна көлемінде жөнелтілді. Мұнай өнімдерін жөнелту процесі кедергісіз жүргізілуде, зауыт штаттық режимде жұмыс істеп тұр», – деп хабарлады кәсіпорынның баспасөз қызметі.

Зауыт тәулігіне 4930 тонна бензин...

Өнеркәсіпке арналған роботтар шығаратын қазақстандық Texol индонезиялық PT Ahli Teknik Nusantara компаниясына жабдық жеткізе бастайды, деп жазды «Интерфакс Қазақстан».

Индонезиялық компания Texol компаниясынан мұнай цистерналарын тазалауға және мұнай қалдығын өңдеуге арналған роботтарды сатып алады. Тараптар Қазақстандағы Индонезия елшілігінде келісімге қол қойды.

PT Ahli Teknik Nusantara бас директоры Нови Сумоланга: «Индонезиялық нысандарға Texol резервуарларын тазалау роботтық технологиясын енгізу мүмкіндігі нарықта бәсекеге қабілетті бағалар мен жоғары тиімділікті тудырады», – деді.

Texol Атыраудағы зауытта роботтар шығарады. Олар мұнай қалдықтарының көлемін азайтуға және мұнай өнімін 90% дейін өңдеуге мүмкіндік береді.

Роботтарды «ТексолКазСервис» компаниясы жасап жатыр. Egov.kz мәліметі бойынша құрылтайшылары Ғабдулхәкім Жәшібеков пен Шота Абхазава...

Франкфурт қаласының бас прокуратурасы ақшаны жылыстатты деген күдікке ілінген ресейлік олигарх Әлішер Усмановқа қатысты тергеу ісін тоқтатты, деп жазды DW басылымы. Дүйсенбі, 4 қарашада Ресейлік 71 жастағы кәсіпкерге қатысты алдын ала тергеу ісі 2024 жылдың 11 қазанын аяқталғаны хабарлады. Айыпталушы алым төлеуге келіскен.

Усманов енді 1,5 миллион еуро сомасын бірнеше коммерциялық емес ұйымға аударуы керек. Оған қоса, ол Германия мемлекетінің қазынасына 2,5 миллион еуро аударуға міндеттелді. «Бұл шарт орындалса, тергеу біржола тоқтатылады», – деді прокуратура.

Құзырлы орган Усмановтың бұл іс-әрекетіне көп уақыт өткенін және Германияға ешқандай шығын келтірмегенін ескерген.

Өз кезегінде кәсіпкердің адвокаттары прокуратура «Усмановқа тағылған айып бойынша нақты дерек...