Жаңалықтар

Қазан айының ортасынан бастап Қазақстанның бірнеше өңірінде қар жауады. «Қазгидромет» болжамына сүйенсек, қыс алдымен елдің солтүстік және оңтүстік өңірлеріне келеді.

Әсіресе, алдағы демалыста күннің жылы болуына қарамастан, қар негізінен оңтүстік өңірлерге жауады. Қызылордада күн райы +20 +10 аралығында құбылып, қар жауып найзағай соғады. Мұндай құбылыс Тараз (+18 +15), Түркістан (+22 +16) мен Шымкентте де (+19 +15) қайталанады.

Демалыста қар ауа температурасы ең төменгі бағанды көрсететін солтүстік өңірлерге де жауады. Қостанайда температура 0 градустан -2 градусқа дейін, Павлодарда +10 градустан -2 градусқа дейін, Петропавлда 0 градустан -2 градусқа дейін, Өскеменде +23 градустан -1 градусқа дейін төмендейді.

Орталық Қазақстанда демалыста қар аралас  жаңбыр...

Доллар күннен-күнге қымбаттап жатыр. Қор биржасында 11 қазан күні сағат 10.00 шамасында 1 доллар 492 теңгеден сатылған. Ұлттық банк төрағасының орынбасары Әлия Молдабекова  Tengrinews-ке берген пікірінде доллардың қымбаттау себебін түсіндірген. Сондай-ақ Ұлттық банк бағамды ұстап тұру үшін қандай шаралар қолданатыны жөнінде айтқан.

Әлия Молдабекованың айтуынша, доллар-теңге арасындағы құбылмалылық қазан айының басынан байқалған. Теңге динамикасына сыртқы және ішкі факторлар бірдей әсер еткен.

«Сыртқы факторлардан біз дамыған және дамып келе жатқан нарықтарда да валюталардың әлсіреуін көріп отырмыз. Доллардың жаһандық нығаюы аясында еуро 1,8%-ға, фунт стерлинг 2,4%-ға, бразилиялық реал 2,6%-ға әлсіреді. Ал ресей рублі – 4,1%-ға әлсіреп...

АҚШ еңбек нарығының апталық теріс статистикасына қарамастан, ФРЖ өкілдері мөлшерлеменің одан әрі біртіндеп төмендейтінін меңзеп отыр. Сонымен қатар Дүниежүзілік сауда ұйымы жаһандық саудаға қатысты болжамдарын жақсартты. Ал Дүниежүзілік банк алдағы жылдары ең жоғары экономикалық өсім көрсететін өңірді атады. Осы және өзге де тақырыптар туралы 10 қазандағы әлемдік БАҚ шолуынан оқыңыз.

ФРЖ өкілдері АҚШ-та монетарлық саясаттың біртіндеп жұмсаратынын меңзеп отыр

Чикаго Федералды резервтік банкінің президенті Остан Гулсби Reuters агенттігіне берген сұхбатында алдағы бір-екі жыл ішінде ФРЖ пайыздық мөлшерлемелерді біртіндеп төмендететінін айтты. Оның пікірінше, АҚШ-тағы инфляция ФРЖ-ның 2% мақсатты көрсеткішіне жақындап келеді. Ал «экономика толық жұмыспен қамтылуға жақын». Реттеушінің міндет...

Қазақстан мен Аустрия арасында тікелей әуе рейсі 2025 жылдың көктемінде ашылады, бұл туралы Көлік министрлігі хабарлады.

Қазақстан-Аустрия Іскерлік кеңесінің 9-отырысы аясында ҚР Көлік вице-министрі Талғат Ластаев бастаған қазақстандық делегация құрамында SCAT әуе компаниясының вице-президенті Владимир Сытник пен Аустриядағы Қазақстан елшілігінің өкілдері Аустрияның туризм жөніндегі мемлекеттік хатшысы Сюзанна Краус-Винклермен және Вена әуежайының бас директоры Юлиан Йегермен кездесу өткізді.

Министрліктің мәліметінше, кездесу барысында SCAT әуе компаниясының 2025 жылдың көктемінде аптасына 2 рет қатынайтын тікелей әуе рейсін ашу мәселелері талқыланды. Сондай-ақ, туризмді дамытуға визалық қолдау көрсету мәселелері де қарастырылды.

Еске сала кетейік, бұған дейін Алматыдан Лондонға тікелей рейс ашылатыны туралы жазған...

Полиция Тұздыбастау ауылындағы дәмханада атыс болды деген ақпаратты теріске шығарып отыр.

«Кафеге келгендер өзара сөзге келіп, аяғы жанжалға ұласқан. Осы төңіректі шолып жүрген экипаж жағдайды шұғыл бақылауға алды», – делінген Алматы облыстық полиция департаментінің хабарламасында.

Мұның алдында түнде Талғар ауданы Тұздыбастау ауылында атыс болғаны, бір топ адам дәмхана алдында төбелесіп, оқ атылғаны туралы хабар тараған еді.

«Бұзақылық әрекет дерегі бойынша қылмыстық іс қозғалды. Оқиғаға қатысушылардың барлығы полицияға жеткізілді», – делінген хабарламада. 

Полиция мәліметінше, оқиға кезінде зардап шеккендер болмаған. Қазір оқиғаның егжей-тегжейі анықталып жатыр.

Тұздыбастау – Алматының іргесінде орналасқан елдімекен. Аудан...

10 қазанда Алматы облысы Іле ауданы Өтеген батыр ауылында денесі табылған Lenovo компаниясының директоры Ермек Жақыпжановтың өліміне қатысты танымал адамдар естелік жариялады.

Режиссер Қанат Бейсекеев Жақыпжановтың жақсы танығанын, жақын дос болғанын, өз ағасындай көргенін жазды. Бейсекеевтің жазуынша, Жақыпжанов отбасын, өз ісі мен өмірді қатты жақсы көрген.

«Мен қалай ғана басқа адамның өмірін қию туралы шешім қабылдауға болатынын түсінбеймін. Саналы түрде зұлымдық жасау үшін адамның ойында не болуы керек? Сендер адам өлтіруге, ұрып-соғуға, 16 жасар баланы шешесінің көзінше өлтіруге болады деген шешімді қабылдағанда не ойлайсыңдар?», – деп жазды режиссер.

«Қазақтелеком» компаниясының басшысы Бағдат Мусин марқұммен таныс болғанын...

11 қазанға қараған түні Линц қаласында Қазақстан футбол құрамасы Аустрия командасынан 4-0 есебімен жеңілді.

Командалар Ұлттар лигасының В3 тобы аясындағы үшінші турдың матчында кездесті. Ойын «Райффайзен Аренада» өтіп, алаң иелерінің пайдасына аяқталды.

Қазақстан құрамасы 10 минутта алғашқы голды жіберіп алды. Аустриялық футболшы Кристоф Баумгартнер допты тартып алып, Игорь Шацкий қорғаған қақпаға дәл соққы бағыттады. 54 минутта Филипп Линхарт бұрыштан келген допты баспен қақпаға бағыттап, есепті еселеді. Одан кейін Аустрия құрамасының капитаны Марсель Забитцер үшінші голды соқса, Маттиас Зайдль ойынды Қазақстан құрамасы үшін ауыр жағдайға түсіретін төртінші голды салды.

Бұл матчта Қазақстан құрамасы қарсыластарының шабуылына төтеп бере алмай, айқын жеңіліске ұшырады.

Мемлекеттік кірістер комитеті мен Ұлттық банк Цифрлық қосылған құн салығы пилоттық жобасын іске қосты. Бұдан былай кәсіпкерлер қосылған құн салығын небәрі 15 жұмыс күн ішінде қайтарып ала алады. Мұндай мүмкіндік пилоттық жоба аясында сандық қаржыны пайдалану арқылы іске асырылады.  

Бұған дейін елімізде валютаның 2 түрі бар болатын. Олар қолма-қол ақша және олардың банкте банкноталары сақталатын онлайн нұсқасы. Енді осы санатқа сандық қаржы қосылды. Жаңа валюта бірқатар артықшылықтарға ие.

Есеп айырысудың бұл түрі қаржылық қозғалыстарды бақылауға мүмкіндік береді. Сонымен қатар сандық қаржыны токендеу, яғни бағдарламалауға болады. Цифрлық қосылған құн салығын қайтаруға бағытталған пилоттық жоба осы негізде жұмыс жасайды. 

 Пилотты...

Мамандандырылған халыққа қызмет көрсету орталықтарының жүйесіне аутентификацияның екі бөлігі енгізіледі. Әзірге бұл жүргізуші куәлігін алуға үміткерлерге ғана қатысты болмақ. Бұл туралы «Азаматтарға арналған үкімет» корпорациясы хабарлады.

Электронды жүйеде емтихан тапсырушы азаматтар екі факторлы аутентификациядан өтуі қажет. Жүргізуші куәлігіне үміткерлерге 1414 нөмірінен хабарлама келіп, жеке деректерді алуға рұқсат бергеннен кейін, биометриялық сәйкестендіруден өту керек.

Мемлекеттік корпорацияның басқарма төрағасы Арман Кенжеғалиевтің айтуынша, бұл алаяқтық әрекеттердің алдын алу үшін жасалып отырған қадам. 

«Екі факторлы аутентификацияны енгізу емтихандағы бұзушылықтардың санын азайтуға көмектеседі деп сенемін. Сәйкесінше қызмет алушының деректері де сенімді қорғалады», – деп атап өтті Кенжеғалиев.

Әзірге жаңа бастама Астана қаласында 11 қазаннан іске асады. Өзге өңірлердегі өзгерістер жыл...

NextChem технология және инжиниринг компаниясы қазақстандық «ҚазМұнайГаз» мемлекеттік мұнай-газ компаниясының еншілес ұйымы – «ҚазМұнайГаз-Аэро» ЖШС-мен СО2 алу арқылы таза авиациялық отын мен төмен көміртекті сутегін өндіру туралы келісім жасасты.

«Энергетика саласындағы әлемдік көшбасшылардың бірі ретінде Қазақстан біз үшін стратегиялық және бағалы серіктес. Шын мәнінде, ел ресурстарының біздің топтың технологиясы мен инженерлік ноу-хауымен үйлесуі тұрақты және төмен көміртекті экономикаға жаһандық көшуді ілгерілетудің бірегей мүмкіндігі. Біз осы жолмен бірге жүруге дайынбыз», – деп мәлімдеді Maire бас директоры Алессандро Бернини.

Миланда өтіп жатқан Қазақстан-Италия келіссөздері аясында өзара түсіністік туралы меморандумға KMG Aero бас директоры Ильдар Шамсутдинов пен MAIRE...

13 қазан күні Алматыда Ұлттар лигасы аясында Қазақстан – Словения матчы өтеді. Орталық стадионға матч басталмастан екі сағат бұрын, яғни сағат 16:00-ден бастап кіруге рұқсат етіледі.

Алматының спорт басқармасы билетті алдын ала Қазақстан футбол федерациясының ресми серіктесі – Ticketon сайтынан сатып алуға кеңес берді. Қарбалас тудырмас үшін билет стадион кассасында сатылмайды. Орталық стадионға сағат 16:00-ден бастап кіруге болады. Көрермендер үшін матч алдында қызықты бағдарлама дайындалған.

«Өткізу жүйесін жақсарту үшін билетке адамның аты-жөні жазылады. Стадионға билетте жазылған адам жеке басын куәландыратын құжатын (жеке куәлік, төлқұжат, жүргізуші куәлігі) көрсеткен соң кіргізіледі. Делдалдарға жолығып жүрмеңіз», – деп ескертті басқарма.

Forbes нұсқасы бойынша Қазақстандағы ең ықпалды бизнесмен атанған Владимир Кимнің байлығы 3,6 миллиард долларға бағаланып отыр: әлемдегі ең бай адамдар тізімінде. Кимнің байлығының негізін металлургиялық және қаржылық активтер құрайды.

Мыс – жаңа «алтын»: Кимде екеуі де бар

Владимир Ким Қазақстандағы ең ірі тау-кен кәсіпорындарының бірі болып табылатын KAZ Minerals Ltd компаниясының 63,5% акциясына иелік етеді. Компания бірнеше шахталарға иелік етеді:

• Бозшакөл – Павлодар облысындағы мыс кеніші.

• Ақтоғай – Шығыс Қазақстандағы мыс кеніші.

• Бозымшақ – Қырғызстандағы алтын-мыс кеніші.

Мыстың маңыздылығын атап өтсек, бұл ресурсқа сұраныс үнемі өсіп келеді. Алғашында мысқа энергетика саласында сұраныс көп болса, қазір...

Қазақстандық актер Еркебұлан Тоқтар бағасы 22 млн теңге тұратын Jeep Grand Cherokee көлігіне қосымша тағы 17 млн теңге жұмсады. Бұл туралы Kursiv Media YouTube арнасында актердің көлігіне жасалған шолу барысында айтылды.

Еркебұланның айтуынша, ең көп қаражат, көліктің моторын жаңартуға кеткен, яғни 4,5 млн теңге. Көлікке 6,4 литрлік қозғалтқыш орнатылған. Онымен қоса 500 ат күші бар және 100 км/сағ жылдамдыққа небәрі 5 секундта жетеді. Көліктің барлық бөлшегі Америкадан арнайы тапсырыспен алынған.

Сонымен қатар Еркебұлан алдағы уақытта дөңгелектерінің дискілеріне тағы 3 млн теңге салуды жоспарлап отыр. Танымал актер «Гелен айдайтындарды жолда қалдырамын» деп әзілдеді.

Толығырақ Kursiv Media Youtube арнасынан...

TikTok – түрлі тақырыпта, түрлі форматтағы видеолар жүктелген цифрлық алаң. Инфлюэнсерлер бұл платформаны еркіндік алаңы деп те атайды. Себебі қолданба модераторлары recomendations парағына кез келген видеоны шығаруы мүмкін. Сондықтан контент өндіруші қолданушылардың да бұл платформада отыруға деген мотивациясы жоғары. Кейінгі кездері TikTok-та BookTalk деген тренд пайда болды. Желі қолданушылары осы хэштегпен видео жүктеп, қандай кітап оқығанды жақсы көретінін, қазір қандай кітап оқып жүргенін, қай автор ұнайтынын, қай авторды ұнатпайтынын, неге ұнатпайтынын айтады, болмаса, осы тақырыптағы түрлі ойын айтады. Tiktok-тағы қазақтілді аудитория да бұл трендті өзінше бейімдеп алып, оған #Kitaptalk деген атау берді.

Бұл хэштегпен аздаған уақытта желіге мыңдаған видео жүктелген...

Швеция корольдік Ғылым академиясының шешімімен 2024 жылғы Әдебиет саласындағы Нобель сыйлығын Оңтүстік Корея жазушысы Хан Ган иеленді.

Академияның шешімі 10 қазанда жария болды. Қазылар алқасы автордың «тарихи азаптармен күресуге мүмкіндік беретін әрі адам өмірінің нәзіктігін бейнелейтін поэтикалық прозасын» жоғары бағалаған.

Хан Ган 1970 жылы Оңтүстік Кореяның Кванжу өңірінде дүниеге келген. Оның «Вегетариан қыз» романы 2016 жылы халықаралық Букер сыйлығын иеленген. 

«Вегетариан қыз» романы Ёнхе есімді қыздың қорқынышты түстері жайлы. Ол өз санасын тазарту үшін еттен мүлдем бас тартып, бұл әрекет оғаш оқиғалар тізбегін тудырады. Кітапты сарапшылар «еттен бас тарту туралы ғана емес, әйел адамның жан дүниесі мен қоршаған ортадағы...

Экспорт нарығы тұрақталып, көрші елдерде қазақстандық бидай мен арпаның бағасы өседі. Сонымен қатар Қазақстанда биыл дәнді-дақылдардың түсімі мол болмақ. Азық-түлік келісімшарт корпорациясы осындай болжам жасап отыр.

Импортерлердің қазақстандық астыққа деген қызығушылығын ескере отырып, Азық-түлік келісімшарт корпорациясы фермерлерге келісім-шарт жасасуға, шетелдік тасымалдаушылармен байланыс орнатуға жәрдем бермек.

«Экпорттау және жаңа нарықтарды іздеу үшін логистика шығындарын азайту тетіктері жасалып жатыр. Бұл қазақстандық өнімдердің әділ бағасын бекітуге мүмкіндік береді», – дейді корпорация өкілдері.

Бұған бірнеше фактор негіз болып отыр. Мәселен, биыл Ресейде арпа аз жиналған. Иран, Ирак секілді елдердің арпаға деген сұранысы бірте-бірте өсіп жатыр. Қыркүйек айында темір жол...

Алматы қаласында іс-түссіз жоғалып кеткен Lenovo компаниясының директоры Ермек Жақыпжановтың денесі табылды. Бұл туралы ақпаратты жоғалған азаматтарды іздейтін Lider.kz ұйымы хабарлады. Полиция оның өліміне кінәлі деген күдікпен 24 жастағы жігітті Қарағанды облысында ұстаған.

9 қазанда Жақыпжановтың жоғалып кеткені туралы ақпарат тарап, Lider.kz еріктілер ұйымы оған іздеу салған. Әзірге белгілі ақпаратқа сүйенсек, ер азамат 9 қазан күні таңғы сағат 07:30 шамасында әдеттегідей жұмысқа шығып кеткен. Ол өзінің Hyundai Genesis көлігінде болған. Осыдан кейін Жақыпжанов туралы ақпарат болмаған.

Linkedin желісіндегі ақпаратқа сүйенсек, азамат Lenovo компаниясында жұмыс істейді. IPMA жобаларының менеджері болған. Артында кәмелет жасына толмаған екі ұлы мен жары қалды.

Қызылша мен коронавирустан соң, бактериялық пневмониямен ауру жағдайлары жиілеп кеткен. Бұл аурулардан кейін иммунитет түрлі жұқпалы респираторлық вирусты инфекцияларға (ЖРВИ) дұрыс жауап қайтара алмауы мүмкін. Әсіресе, балалар арасында ЖРВИ аурулары жиі асқынады.

«Астана медицина университеті» балалар жұқпалы аурулар кафедрасының меңгерушісі, медицина ғылымдарының докторы, инфекционист-дәрігер Динагүл Баешева тұмау маусымы кезінде бір вирустың үстіне екінші вирус қосылып кетпеуі үшін барынша сақтанған жөн деп санайды. Әсіресе, балаларды мұндай кезеңде үйден шығармаған дұрыс деп санайды.

Орталық коммуникациялар қызметінде өткен жиында журналист өңірлерде бактериялық пневмониямен ауырған науқастар саны артқанын, тіпті кей аймақтардағы ауруханаларда орын тапшы екенін айтты.

13 қазан, жексенбі күні Astana City Marathon өтеді. Марафонда 15-тен астам елден келген 2000 қатысушы жарыс жолына шығады. Жарыс барысында таңғы 7:00-ден бастап, қаладағы бірнеше көшелер уақытша жабылады. Қозғалыс 13:00-ге дейін толық қалпына келтіріледі. Бұл туралы Астана қаласының әкімдігі хабарлады.

«Астана Марафон» маршруты EXPO алаңынан басталып, Есіл өзені жағалауы, «Бәйтерек» монументі, «Абу-Даби Плаза» және Ботаникалық бақ сынды қаланың көрнекті жерлерінен өтеді.

Ұйымдастырушылар марафон қатысушыларына жабылмаған көшелерге автобуспен жетуді ұсынады.

Жарыс өтетін күні жабылатын жолдардың учаскелерін толығырақ Астана әкімдігінің сайтынан көре аласыз.

Еске сала кетейік, бұған дейін Алматы қаласында марафон өткен еді. Жарысқа 56 елден 15 600-ге жуық спортшы...

Тоқаев жақында Ұлытау облысының әкімін ауыстырды. Берік Әбдіғалиұлы қызметінен кеткенімен, Ұлытау облысының тұңғыш әкімі ретінде аты тарихта қалды. Ол 2022 жылдың маусым айында «Жаңа Қазақстанның» жаңа келбеті, жаңа тұлғаларының бірі ретінде тағайындалған еді. Бірақ саясаттанушы бұл орынға ұзақ тұрақтай алмады. Өңірді небәрі 2 жылдан аса уақыт басқарды. Бұдан «Жаңа ауыс-түйістерге түрткі бола ма? Тоқаев тұсында әкімдік орынтағында ұзақ отырған кімдер?» деген сауал туындайтыны – заңдылық.

Әріден бастасақ. Қаңтар оқиғасынан кейін, Қасым-Жомарт Тоқаев облыс әкімдерін қайта тағайындап шықты. Бұл дүрбелеңде көп зардап шеккен қала Алматы болғаны мәлім. Алғашқы болып осы шаһардың жаңа басшысының тағайындалуының сыры осыдан болса керек.

Тоқаев е...

Алматыда футболдан Қазақстан – Словения матчы күні жанкүйерлер үшін тегін автобустар қатынайды, бұл туралы Алматы спорт басқармасы хабарлады.

Қалада қосымша 8 автобус бөлініп, тегін экспресс-маршруттар мына мекенжайлар бойынша қатынайтын болады:

Автобустар сағат 16:00-де жүріп, 20:30-да кері қайтады. Орталық стадионнан шығатын автобустар Абай даңғылы мен Сәтбаев көшесінің арасындағы Байтұрсынов көшесінің бойындағы тұрақта тұрады.

Сонымен қатар жолаушылар легінің артуына байланысты қала тұрғындары мен қонақтарына ыңғайлы болу үшін Орталық стадион арқылы өтетін №34, 92, 118, 120, 120а...

Қазақстанда кешенді даму жоспары аясында машина жасау саласы әлі қаржыландырылмай келеді. Алайда соған қарамастан «Өнеркәсіпті дамыту қоры» (ӨДҚ),  қазірдің өзінде несие мөлшерін 9%-ға дейін өсіріп жіберді. Осылай деп мәлімдеген Сенат депутаты Евгений Больгерт машина жасау саласындағы кемшіліктерді атады. Ол Үкіметтің саланы дамыту бойынша кешенді жоспарынан күтетін үміті, шын мәнінде орындалмай қалуы мүмкін екенін айтады.

Сенатор алдымен шағын және орта  бизнесті қолдау мәселесіне үңілді. Айтуынша, дамыған елдерде шағын және орта бизнес жұмыспен қамтудың 60%-ы мен қосылған құнның 50%-дан астамын қамтамасыз етеді. Сондықтан оларда жеңілдетілген қаржыландыру мен мемлекеттік сатып алу процесі оңайырақ.

«Қазақстанда ШОБ үлесі небәрі 35%, ал несиелеу көлемінде...

Ұлттық банк 11 қазан күні базалық мөлшерлемеге қатысты кезекті шешімін шығарады. «Halyk Finance» сарапшылары бас банк мөлшерлемені 0,25%-дық тармаққа дейін төмендетуі мүмкін десе, Қазақстан қаржыгерлер қауымдастығының сауалнамасына қатысқан нарық өкілдері ҰБ базалық мөлшерлемені өзгеріссіз қалдырады деген пікірде.

Тамыздағы шешімінде Ұлттық банк базалық мөлшерлемені 14,25% деңгейінде сақтап қалды. Реттеуші бұл шешімін Қазақстандағы инфляциялық үрдістердің баяулауымен байланыстырған болатын. Банктер беретін несие мен депозиттің пайыздық мөлшерлемесі базалық мөлшерлемеге тәуелді.

Қаржыгерлер қауымдастығының сауалнамасына жауап берген сарапшылардың 76%-ы Ұлттық банк базалық мөлшерлемені тағы да өзгеріссіз қалдырады деген пікірде. Себебі сарапшылардың пайымдауынша, ел экономикасындағы проинфляциялық тәуекелдер инфляциялық болжамды қайта қарау қажеттігін тудырған...

Әлемде жарқанаттардан тарайтын қауіпті Марбург вирусының ошақтары анықталды. Қазақстанда бұл вирустың алдын алу шаралары қалай жүргізіліп жатыр? Инфекциядан қалай сақтану керек? Бұл сұрақтарға Орталық коммуникациялар қызметінде өткен брифингте бас санитарлық дәрігер Сархат Бейсенова жауап берді.

Бейсенованың айтуынша, Марбург – қауіпті инфекция. Осыған байланысты Дүниежүзіліқ денсаулық сақтау ұйымы да барлық елге ескерту жіберген.

Бұл вирустың ошақтары – Оңтүстік, Батыс және Орталық Африка елдері. Яғни Оңтүстік Африка, Габон, Судан, Конго, Либерия, Гвинея, Зимбабве, Руанда, Кения сынды елдерде таралған.

«Марбург безгегі ауыр жүреді. Өлімге әкелу қаупі жоғары. Инфекция бауырдың, асқазан-ішек жолдарының, орталық жүйке-жүйесінің зақымдалуына алып...