Жаңалықтар

2024 жылдың 3-тоқсанында АIX биржасында Джерси аралынан көшкен Solidcore Resources (бұрынғы Полиметалл) компаниясының акциялары ең көп саудалаған.

9 айда Solidcore Resources акцияларымен сауда-саттық 17 млн долларды құрады. Бұл туралы KursivMedia сауалына АIX биржасының берген жауабында жазылды.

Бұл компания акциялары былтыр да жақсы саудаланған: 2023 жылдың 9 айындағы сауда 370 млн долларға тең болды.

Жалпы қазіргі кезде АIX биржасында 131 эмитенттің 229 бағалы қағазы айналымда жүр. 2023 жылдың 31 желтоқсанымен салыстырғанда, бағалы қағаздар шығарылымы 150-ден 229-ға дейін жеткен.

Жыл басынан бері биржадағы сауда-саттық көлемі айтарлықтай өсіп, 922 млн құрады. 2024 жылдың ІІІ тоқсанында сауда 2023 жылдың сәйкес...

Қарағанды облысында бірнеше күнге жалғасқан табиғи өрт толыққанды сөндірілді. Бұл туралы Төтенше жағдайлар министрлігінің баспасөз қызметі хабарлады.

«Төтенше жағдайлар министрлігінің құтқару бөлімшелері Қарағанды облысындағы табиғи өртті сөндірді», – делінген хабарламада.

Айта кетейік, облыс аумағындағы 7 елдімекенге жақындап қалған. Онда шамамен 1,5 мыңнан астам адам тұрады. 11 шаруа қожалығында 33 мың бас мал бар. Құтқарушылар өртті елдімекендерге жеткізбей тоқтатып үлгерді.

Өрттің нақты аумағы әзірге белгісіз. Министрлік бұл туралы ақпараттың әлі толықтырылатынын хабарлады.

Табиғи өрт Қарағанды және Павлодар облыстарының шекарасында басталып, екі жаққа қарай тараған. Павлодарға қарай жылжыған өрт кеше түстен кейін сөндіріліп бітті. Кеше кешке...

Қазақстанда 2027 жылы Дзюдодан әлем чемпионаты өтеді. Бұл туралы Туризм және спорт министрлігі хабарлады.

Туризм және спорт министрі Ербол Мырзабосынов Будапешттегі сапар аясында Халықаралық дзюдо федерациясының (IJF) президенті Мариус Визермен кездесу өткізді. Министрліктің мәліметінше кездесу барысында Қазақстанда дзюдоны дамыту бойынша негізгі келісімдер жасалды.

«Дзюдо жанкүйерлері үшін керемет жаңалық! Қазақстанда 2027 жылы дзюдодан әлем чемпионатын өткізу туралы келісімдерге қол жеткізілді. Бұл еліміз үшін үлкен мәртебе ғана емес, сонымен қатар қазақстандық спортшылардың өзін көрсетуіне және Лос-Анджелесте өтетін Олимпия ойындарына дайындықтарын күшейтуге жақсы мүмкіндік», деді министр.

Сонымен қатар, Қазақстанда Халықаралық дзюдо федерациясының Академиясының өкілдігін ашу туралы...

Бұқаралық ақпарат құралдарының өкілдері Мәдениет және ақпарат министрлігі бекіткен «Журналистерді аккредитациялаудың үлгілік ережесіне» қарсы шағым түсірген. Журналистер бұл ереже сөз бостандығы мен конституциялық құқыққа қайшы келетінін айтады. Бұл жайлы «Әділ сөз» телеграм арнасында жазылған.

«Астананың азаматтық істер жөніндегі ауданаралық соты қазақстандық тоғыз журналистің Мәдениет және ақпарат министрлігінің «Журналистерді аккредитациялаудың үлгілік ережесін» бекіту туралы жаңа бұйрығының ережелеріне қарсы шағымданған ұжымдық талап арызын қабылдады. Талапкерлер бұл нормативтік құқықтық акт сөз бостандығы мен ақпарат таратудағы конституциялық құқығымызды өрескел бұзады», – делінген хабарламада.

Ережеде аккредиттелген журналистің мемлекеттік органдардан алынған ақпаратты басқа кез келген БАҚ арқылы таратуына...

Қаржы министрлігі декларациясында кірісті төмендетіп, шығысын асыра көрсеткен компанияларға салық тексерісін жүргізетінін ескертті.

Мемлекеттік кірістер комитеті декларациясында қосылған құн салығы бойынша қате дерек көрсеткен кәсіпкерлерге хабарлама жіберген.

Бақылау хабарламалары кәсіпкерлердің 2021 жылдың 3-тоқсаны мен 2024 жылдың екі тоқсаны үшін тапсырған есептері негізінде жіберілген. Хабарламаға сәйкес, салық төлеушіге отыз жұмыс күні (немесе шамамен 45 күнтізбелік күн) беріледі.

Егер кәсіпкер комитет ескертпесімен келіссе, қосымша салық есебін тапсыруы керек. Ал хабарламада көрсетілген фактілермен келіспесе, есеп беру шарттары бұзылмағанын және дұрыс есеп бергенін түсіндіруі шарт.

«Салық кодексі нормаларына сәйкес, хабарламадағы анықталған бұзушылықтар жойылмаған жағдайда салық органдары салықтық тексеру жүргізуге құқылы...

8 қазан күні HBO арнасында көптен күткен биткоин тарихын зерттейтін Money Electric деректі фильмі жарық көрді.

Фильмде криптовалюта әлемінің көптеген өкілі – әзірлеушілер, алғашқы қолданушылар мен қаржы сарапшылары – сөз алып, көрермендерді қаржы саласында төңкеріс жасаған криптавалюта әлемімен таныстырады. Сонымен қатар фильмде биткоинді жасаушы Сатоши Накамотоның шынайы тұлғасы төңірегіндегі құпия да зерттеледі.

Деректі фильмде Сатоши Накамото есімінің артында тұрған басты тұлға ретінде бағдарламашы Питер Тоддты көрсетеді. Режиссер Хобактың фильмі сұхбаттар, тарихи дәлелдер мен сараптамалық қорытындыларды біріктіріп, ұзақ уақыт бойы шешілмей келе жатқан жұмбаққа жаңа көзқарас тудырды.

Тодд Биткоинның дамуына айтарлықтай үлес қосып, даулы рөл атқарғанымен, бұл...

Қыркүйек айында бас құрылысшылар мен авиация саласының инженерлеріне, тау-кен өнеркәсібіндегі қызмет басшыларына сұраныс артқан. Жұмыс берушілер мұндай маман иелеріне 500-700 мың аралығында жалақы ұсынған. Бұл жайлы Еңбек және халықты әлеуметтік қорғау министрлігі келтірген мәліметтерде жазылған.

Министрлік мәліметінше, қыркүйек айында бұл мамандықтарға жұмыс берушілер мынадай көлемде жалақы ұсынған:

Жалпы қыркүйек айында Enbek.kz электрондық еңбек биржасына 136,6 мың бос жұмыс орны орналастырылған. Бұл көрсеткіш тамыз айымен салыстырғанда 4%-ға артық. Бос жұмыс орны артқанымен, бұл айда жұмыс іздеушілер...

«Қайтарылған активтерді басқару компаниясы» электронды сауда алаңына «Тұлпар» ЖШС мен «Zharkent Su» ЖШС үлесін шығарған. Басқару компаниясы «Тұлпардың» бастапқы сомасы 991 млн теңге деп белгілесе, `»Zharkent Su» ЖШС-ны кемі 593 млн теңгеге бағалаған. Сауда-саттық 9 қазан, сағат 10-00 белгіленген еді. Алайда бұл компанияларды сатып алушы табылмай, аукцион өтпеді.

БАҚ «Тұлпар» ЖШС мен Zharkent Su ЖШС-ның Қайрат Шәріпбаевтың қызына тиелісі болғанын жазады. Ал аукцион құжаттарында екі серіктестіктің бұрынғы иелерінің есімі маркермен боялған.

Egov.kz мәліметінше, «Тұлпар» компаниясының құрылтайшысы «Bekem Partners» ЖШС болған. Ал бұл компанияның құрылтайшылары – «Asia W Partnership» ЖШС және «Stroy System Engineering» ЖШС.

Бұл компаниялар Қайрат...

Hindenburg Research компаниясының шортистері Roblox ойын платформасы туралы зерттеу жүргізіп есеп жариялады. Зерттеу мобильді ойын пайдаланушылар санын асыра көрсеткені және балалар қауіпсіздігіне жеткілікті көңіл бөлмегенін көрсетті. Компания бұл айыптауларды жоққа шығарғанымен, зерттеу нәтижесінен кейін оның акциялары 9%-ға құлдырады.

Hindenburg Research 8 қазанда жариялаған есебінде Roblox биржаға шыққан кезінен бері пайда таппағанын, ал соңғы 12 айдағы шығындары 1,07 млрд долларды құрағанын мәлімдеді.

Hindenburg Roblox-ты 2021 жылы көпшілікке ашық компанияға айналғаннан бері күнделікті белсенді пайдаланушылар саны мен олардың белсенділік деңгейін инвесторларға асыра көрсетіп келген деп айыптайды.

«Біздің зерттеуіміз Roblox-тың инвесторлар, реттеушілер мен жарнама берушілерге платформадағы пайдаланушылар санын...

Миллиардер-инвестор Рэй Далио ФРЖ мөлшерлемелерді айтарлықтай төмендетпейді деп санайды. Қытай акцияларының өсімі бәсеңдеді. АҚШ Қытайды литий нарығында демпинг жасады деп айыптады.

Рэй Далио ФРЖ мөлшерлемелерді айтарлықтай төмендетпейді деп санайды

Миллиардер-инвестор Рэй Далио ФРЖ мөлшерлемелерді айтарлықтай төмендетпейді деп санайды. Бұл туралы Bloomberg жазды. «Қазір экономика салыстырмалы түрде жақсы жағдайда. Реттеушіге жеңілдету шараларын қабылдауда асығудың қажеті жоқ», – деді ол Гринвичтегі экономикалық форумда.

Ол АҚШ президенттігіне үміткерлер Дональд Трамп пен Камала Харристің экономикалық саясатына қатысты көзқарасын білдіріп, мемлекеттік қазынашылық облигациялар нарығына алаңдаушылық танытты. Инвестордың пікірінше, Трамптың корпорациялар үшін салықтарды төмендету және импорттық тауарларға баж салығын арттыру жоспары «америкалық нарық үшін...

KAZ Minerals акционері Владимир Ким Қазақстандағы ең ықпалды кәсіпкерлер тізіміне енді. Рейтинг бүгін, 9 қазанда сатылымға шыққан Forbes журналында жарияланған. Владимир Кимнің байлығы — 3,6 млрд долларды құрайды, осылайша ол ең бай қазақстандықтар тізімінде төртінші орынға жайғасты.

KAZ Minerals құрамына Павлодар облысындағы Бозшакөл және Шығыс Қазақстан облысындағы Ақтоғай, Шығыс Қазақстандағы үш жерасты кеніші және Қырғызстандағы Бозымшақ алтын-мыс кеніштері кіреді. Владимир Ким – Bank RBK акцияларының басым бөлігінің иесі.

Рейтингте екінші орында Вячеслав Ким. Ол 2023 жылғы ықпалды қазақстандықтар және 2024 жылдың ең бай рейтингінде көш басында тұрған. Кимнің байлығы 5,8 миллиард долларға бағаланып отыр. Вячеслав Ким Kaspi.kz финтехінде 23,4% үлеске ие. Сондай-а...

Мемлекет басшысы Қасым-Жомарт Тоқаев Ұлытау облысына жаңа әкім тағайындады. Бұл жайлы Ақорда хабарлады.

«Мемлекет басшысының Жарлығымен Дастан Адайұлы Рыспеков Ұлытау облысының әкімі лауазымына тағайындалды»,- делінген хабарламада.

Жаңа тағайындалған әкім осыған дейін Ұлытау облысы әкімінің орынбасары қызметін атқарған.

Дастан Рыспеков 1984 жылы Жезқазған қаласында дүниеге келген. Әл-Фараби атындағы Қазақ Ұлттық университетін және ҚазМЗУ Алматы заң академиясын тәмамдаған.  

Өзінің еңбек жолын Алматы қаласындағы Экономика және бюджетті жоспарлау департаментінің болжамдау және түсімдер бөлімінің бас маманы қызметінен бастаған.  

Солайша 2007-2016 жылдар аралығында Алматы қаласында Экономика және бюджеттік жоспарлау департаментінде, Алматы қаласы бойынша Тексеру комиссиясында, Астана...

10-24 қазан аралығында Қазақстан кинотеатрларында Мирлан Абдықалықовтың «Қыз алып қашу» атты көркем фильмінің тегін көрсетілімдері өтеді.

2023 жылы бұл туынды халықаралық Alternativa Film Awards кинопремиясында Spotlight номинациясында жеңімпаз атанды. Бұл жүлде көпшілік назарына түспейтін немесе жиі ескерілмейтін, қоғам үшін маңызды тақырыпты ашып көрсеткен туындыға беріледі.

«Қазақстан мен Қырғызстанда жыл сайын мыңдаған қыздарды ұрлап, мәжбүрлі түрде тұрмысқа беріп жатады. Бұл зорлық-зомбылық дәстүрмен жасырылып, қылмыстар саны азаймай отыр. Қыздар бұндай жағдайда не істерін білмей қоғам тарапынан сынға ұшырайды. Бұл үрдісті тоқтатудың бір жолы – жәбірленушілердің оқиғаларын ашып көрсету және қоғамның көзқарасын өзгерту», – дейді Alternativa Film Screenings...

Астана соты бұрынғы Әділет министрі Марат Бекетаевты қамауда ұстау мерзімін тағы 3 айға ұзартқан. Экс-министр 21 желтоқсанға дейін қамауда болады. Бұл ақпаратты Астана сотының баспасөз қызметі растады.

Экс-министрді қамауда ұстау мерзімі бірнеше рет ұзартылды: 2024 жылдың 21 қаңтарына, одан кейін 21 маусымға дейін.

Бекетаев осыдан 1 жыл бұрын, 2023 жылдың қазан айында қамауға алынған болатын. Оған «үлескер компанияның мүддесін қолдап, мемлекетке үлкен көлемде шығын келтірді» деген айып тағылған. Ол «Мемлекет басшысының заңсыз шығарылған активтерді іздеу және қайтару жөніндегі тапсырмасын орындау шеңберінде лауазымдық өкілеттіктерін асыра пайдаланды» деген күдікке ілінген.

Айта кету керек, Марат Бекетаев Назарбаев президент болып тұрған тұста 2016 жылғы...

Президент Қасым-Жомарт Тоқаев Ұлытау әкімі Берік Әбдіғалиұлын қызметінен босатты. Бұл жайлы Ақорда хабарлады.

«Мемлекет басшысының Жарлығымен Берік Әбдіғалиұлы Ұлытау облысының әкімі лауазымынан босатылды»,- делінген хабарламада.

Берік Әбдіғалиұлы облыс әкімі лауазымына дейін Қазақстан Республикасы Парламенті Мәжілісінің VII шақырылымдағы депутаты болған. Ал депутат мандатын алмай тұрып, 2019-2021 жылдар аралығында Қарағанды облысы Ұлытау ауданының әкімі қызметін атқарған.

Сонымен бірге әр жылдары Қарағанды облысы Теміртау қаласы әкімінің орынбасары, Жезқазған, Арқалық қалаларының әкімі, Қарағанды облысы әкімінің орынбасары лауазымдары бойынша қызмет еткен.

2007-2008 жылдары президент әкімшілігінде де қызмет етіп, онда ҚР Президенті Әкімшілігінің бас инспекторы, Ішк...

Арал теңізіне жыл басынан бері 2 млрд текше метр су жіберілген. Соның 977 млн текше метрі – вегетация кезеңінде жіберілген су. Бұл – кейінгі 5 жылдағы ең жоғары көрсеткіш. Мамандар биыл алғаш рет Аралға су жіберу жоспары 100%-ға жуық орындалғанын айтады.

Үкімет баспасөз қызметінің мәліметінше, жыл соңына дейін тағы шамамен 500 млн текше метр су жіберу жоспарланған.

«Қазіргі кезде Солтүстік Арал теңізінің су көлемі 22 млрд текше метрге жетті. Теңізге осыған дейін вегетация кезінде секундына 7-10 текше метр су жіберілген болса, биыл секундына 60-70 текше метр су жіберілді», — деп мәлімдеді Арал-Сырдария бассейндік инспекциясы...

Алматы облыстық полициясы Талғар ауданындағы қайғылы оқиға болған жерден бейнебақылау камераларының жазбалары жойылмаған деп мәлімдеді. Бейнежазбалар қылмыстық іске дәлел ретінде тіркелген көрінеді.

«Сотқа дейінгі тергеп-тексеру шеңберінде барлық қолда бар бейнежазба полиция тарапынан тәркіленіп, қылмыстық іс материалдарына заттай дәлел ретінде тіркелгенін хабарлаймыз. Қазіргі уақытта тергеу барысында барлық бейнежазба зерттеліп, оқиғаға қатысушылардың әрекеттеріне құқықтық баға берілетін болады», –делінген хабарламада.

Бейне жазбаның полиция қолында екенінің дәлелі ретінде скриншотын қоса берген.

Бұған дейін қайтыс болған Полат Шерзаттың әкесі оқиға орнынан бейнежазбалардың бәрі жойылғанын айтып, күдіктілер толық ұсталмағанын жеткізген. 7 қазан күні жасөспірімнің туған-туыстары әділ тергеуді, ашық сот...

Шетелге шыққанда ақша мәселесі үнемі ойда тұрады. Жоғалып қалмасын деп бір, жетпей қалмасын деп тағы уайымдаймыз. Әсіресе, бұрын-соңды саяхаттап көрмегендер қолма-қол ақша көбірек керек пе, әлде банк картасымен төлей береміз бе деп те екіойлы болады. Олай болса, бүгінгі материалымызда саяхатқа шыққанда ақшаны қалай ұстау керегін айтамыз. 

Ақша бар, бірақ төлей алмайсыз

Мұндай жағдай жиі кездесуі мүмкін. Айталық, банк картасында ақшаңыз бар. Бірақ такси тек қолма-қол ақша аламын дейді. Болмаса, өтіп бара жатып базар көріп қалдыңыз. Жеміс-жидектердің бағасы судай арзан екен. Енді көп қылып алып алайын десеңіз, қолыңызда жергілікті валюта жоқ. Болмаса, елден шығатын кезде ақша айырбастап үлгермей, өз елін...

Милан қаласында екі елдің компанияларының байланысын нығайтуға арналған «ҚАЗАҚСТАН – ИТАЛИЯ: Қазақстан жолындағы сауда және инвестициялық мүмкіндіктер» атты форум басталды. Оған Қазақстаннан бір топ шенеунік қатысты.

Форум аясында энергетика, агроөнеркәсіп кешені, туризм, фармацевтика және технологиялық инновациялар бойынша тәжірибе алмасу көзделген.

«Сауда министрі Арман Шаққалиев Италия Қазақстан үшін Еуропалық Одақтағы негізгі сауда серіктестерінің бірі екенін және тауар айналымы бойынша үздік үштікке кіретінін атап өтті. Ынтымақтастықты нығайту аясында Қазақстан италиялық компаниялардың қатысуымен бірлескен кәсіпорындарда өндірілген өнімді ілгерілетіп, тауарлардың халықаралық нарықтағы позициясын күшейтетін «Made with Italy» тұжырымдамасын енгізуді ұсынды», – деп хабарлады министрліктің баспасөз қызметі.

Миландағы алғашқы сауда-экономикалы...

Ғарыштан бақылау нәтижесінде Ақмола облысында заңсыз қоқыс полигоны анықталды. Осы себепті Әкімшілік құқықбұзушылық туралы кодекстің 324-бабы 1-бөлігі бойынша Красный Яр және Стационарный ауылдық округтерінің әкімдері әкімшілік жауапкершілікке тартылды.

Бурабай, Ақкөл, Зеренді, Астрахан, Егіндікөл, Аршалы, Бұланды, Біржан сал, Қорғалжын аудандары әкімдерінің орынбасарлары, Целиноград ауданы ТКШ бөлімінің лауазымды қызметкерлері де әкімшілік жазадан тыс қалмады.

Ақмола облысының аумағында қатты тұрмыстық қалдықтар полигонына арналған 130 жер учаскесі ресімделді. Тек 25 учаске бойынша рұқсат құжаттары бар болып шықты. Яғни табиғат қорғау прокуратурасы жалпы жер телімдерінің 19,2%-ы заңдастырылғанын анықтады. Облыс бойынша 617 елдімекен бар.

 «Қазақстан Ғарыш Сапары» ҰК АҚ геопорталына мониторинг жүргізу барысында...

Астана қалалық сотының әкімшілік істер жөніндегі сот алқасы «C.» тауар белгісінің күшін жоюды мақұлдады. Сонымен мамандандырылған ауданаралық әкімшілік сотының 2024 жылдың 12 шілдеде қабылдаған шешімі өзгеріссіз қалдырылды.

2023 жылғы 19 маусымда Қазақстан азаматына тіркелген «C.» тауар белгісіне Rolex SA компаниясы шағым түсірді.

Rolex SA осы тауар белгісінің күшін жоюды талап етті. Шағымданушы «C.» және COSMOGRAPH тауарлық белгілерінің ұқсас екендігін, сондықтан өз брендімен жаңылыстыруға алып келетінін алға тартқан.

Астана қалалық соты баспасөз қызметінің мәліметі бойынша 2024 жылдың 20 ақпанында ҚР Әділет министрлігінің апелляциялық кеңесі «C.» тауар белгісінің күшін жоюдан бас тартқан.

Сот істі қарау кезінде швейцариялық Rolex SA компаниясыны...

8 қазан күні Ресей астанасы – Мәскеуде Тәуелсіз Мемлекеттер Достастығы ұйымына мүше мемлекеттер басшылары кеңесінің отырысы өтті. ҚР Президенті Қасым-Жомарт Тоқаев 1991 жылы Алматы Декларациясының негізінде құрылған ТМД-ның әлеуетін нығайтуға мән беру керек екенін айтты. Осы отырыста Президент «Мемлекеттер басшылары деңгейінде бір-бірімізді негізсіз сынап-мінеуден аулақ болуымыз керек», –деді.

– Өткен ғасырдың 90-шы жылдарында Балқан түбегіндегі секілді күрделі жағдайларға посткеңестік аумақта жол берілген жоқ. Мұнда Тәуелсіз Мемлекеттер Достастығының үлесі зор деуге болады. Сондықтан Достастықты сақтау керек деп ойлаймын. Осы мақсатта өзара сенімді нығайтудың ең тиімді шараларын қабылдап, мемлекеттер басшылары деңгейінде бір-бірімізді негізсіз сынап-мінеуден аулақ болып, ұстамдылы...

Қазақстан егін жинайтын кезеңде алма импортына тыйым салады. Ауыл шаруашылығы министрлігі отандық өндірушілер осы уақытта дағдарып қалатынын, сол себепті осындай шешім қабылдағандарын мәлімдеді. Сыртқы сауда саясаты және халықаралық экономикалық ұйымдарға қатысу мәселелері жөніндегі ведомствоаралық комиссия 2024 жылдың 31 желтоқсанына дейін автомобиль көлігімен үшінші елдерден алма әкелуді шектеуді мақұлдады.

«Фермерлер импорттық өндірушілер тарапынан демпингке ұшырауда, жоғары бәсекелесттік импорттық өнім рентабельділігін төмендетеді. Егін жинау кезінде алма импорты қатар болғанда қазақстандық бағбандар өнімді өткізуде қиындықтарға тап болады. Бұл жағдай олардың қаржылық жағдайын нашарлатады», – деп түсіндірді министрліктің баспасөз қызметі.

Импорттың дені  – Польша, Иран, Өзбекстан, ҚХР үлесінде. Жалпы...

Франция парламентінің төменгі палатасы президент Эммануэль Макронға импичмент жариялау туралы ұсынысты қабылдамады.

LeMonde басылымының ақпаратына сүйенсек, «Жеңілмеген Франция» партиясы президент Макронға импичмент жариялау туралы бастаманы парламенттің төменгі палатасына ұсынған.

8 қазанда болған парламент отырысында комиссия мүшелерінің көпшілігі бұл бастамаға қарсы шығып, импичмент жариялаудан бас тартқан.

Комиссия мүшелері мәселені ашық отырыста қарау туралы да бастаманы қолдамаған. Осылайша импичмент туралы ұсынысты парламент жалпы отырысында қарамайтын болып шешкен.

Шілдеде Францияда парламентіне кезектен тыс сайлау болған. Сайлау қорытындылары жария болғаннан кейін Париж орталығында жаппай тәртіпсіздіктер басталған. Сайлау қорытындысы бойынша «Халық майданы» партиясы бірінші, Макронның жақтастары «Бірге» партиясы екінші, «Ұлтшылдар бірлестігі» үшінш...