Жаңалықтар

2025 жылдың басында Apple iPhone SE смартфонын таныстырады. Жаңартылған смартфон «Home» батырмасынсыз және iPhone 16 моделіндегі сияқты Apple Intelligence жасанды интеллектінің функцияларын қолдайтын болады. Бұл туралы Bloomberg инсайдері Марк Гурман хабарлады.

Араға үш жыл салып Apple iPhone SE бюджеттік моделінің жаңартылған нұсқасын ұсынбақшы. Смартфонның дизайны iPhone 14 моделіне ұқсас болады — оның дисплейі толық экранды болады. Сонымен қатар Face ID және Apple Intelligence қолдауы енгізіледі, ал алдына орнатылған «Home» батырмасы алынып тасталады.

Айта кетейік, қазіргі iPhone SE бағасы 207 мың теңгеден басталады. Оның 2022 жылғы моделі үш түсте сатылымға шықты: қара, сұр және қызыл.

Сонымен қатар келесі жылдың басында...

Қазақстанға 300 мың доллардан артық инвестиция салатын шетелдіктерге виза 10 жылға берілуі мүмкін. Бұл жайлы Сыртқы істер министрлігінің «Ашық НҚА» порталына орналастырған құжатында жазылған.

Атап айтқанда, Қазақстан Республикасының экономикасына 300 мың доллардан астам инвестиция құйған шетелдік кәсіпкерлерге «А6» санатындағы визасын беруді көздеп отыр. Мұндай жеңілдіктер тек инвесторларға ғана емес, сонымен бірге Қазақстан үшін құнды саналатын мамандық түрлерін игерген шетелдіктер үшін де жасалады. Оларға «В9» санатындағы виза берілмек.

«В9» санатындағы виза – ғылым, білім беру, денсаулық сақтау, өнеркәсіп, IT, спорт және мәдениет және басқа да бағыттар саласындағы Қазақстан үшін құнды дағдылардың иегерлері үшін тұруға ықтиярхат алу құқығымен берілед...

Қазақстан он жылдық үзілістен кейін доллармен номинацияланған еурооблигациялар нарығына қайта оралды. Бұл туралы америкалық Bloomberg басылымы жазды.

Басылымның ақпаратына сүйенсек, Қазақстан 2015 жылдан бері алғаш рет доллармен номинацияланған еурооблигациялар орналастырған. Үкімет долларлық облигациялар нарығына жыл басында оралуды қалағанымен халықаралық соттардағы бірқатар шешілмеген істерге байланысты кейінге қалып келген.

Қазіргі таңда Үкімет ұзақмерзімді 10 жылдық долларлық облигацияларды ұсынады. Мәміленің бастапқы бағасы АҚШ қазынашылықа қағаздарынан шамамен 120 базистік тармаққа жоғары екені айтылған.

4 қазанда Қазақстанның Қаржы министрлігі 1,5 миллиард АҚШ долларын құрайтын шығарылымды 4,714% купондық мөлшерлеcімен орналастырғанын хабарлады.

Еурооблигациялар Лондон қор биржасында және «Астана» халықаралық қаржы орталығының биржасында орналастырылды. Үкімет нарыққа шығу үшін JPMorgan...

Президент Қасым-Жомарт Тоқаев бірқатар кадрлық ауыс-түйіс жасады. Ең алдымен мемлекет басшысы Марат Қожаевты ҚР Ішкі істер министірінің бірінші орынбасары қызметінен босатты. Артынша оны Сенат депутаты етіп тағайындау туралы жарлыққа қол қойды.

«Мемлекет басшысының өкімімен Марат Шәдетханұлы Қожаев Қазақстан Республикасы Ішкі істер министрінің бірінші орынбасары лауазымынан босатылды. Мемлекет басшысының Жарлығымен Марат Шәдетханұлы Қожаев Қазақстан Республикасы Парламенті Сенатының депутаты болып тағайындалды», – делінген Ақорда таратқан хабарламада.

Сондай-ақ Тоқаев Сенат депутаты Ләззат Қалтаеваның өкілеттілігін тоқтатты.  

Мемлекет басшысының Жарлығымен Қазақстан Республикасы Парламенті Сенатының депутаты Ләззат Молдабекқызы Қалтаеваның өкілеттігі тоқтатылды,- делінген құжатта.

Айта кетейік, Марат...

Елордалық «Астана» футбол клубы УЕФА Конференция лигасындағы алғашқы ойынында сербиялық «ТСЦ Бачка Топола» командасын 1:0 есебімен жеңіп, лигадағы жолын жеңіспен бастады.

3 қазанда Алматының Орталық стадионында өткен мачтағы жалғыз голдың авторы елордалық команданың қорғаушысы литвалық Кипрас Кажуколовас болды. Оған жартылай қорғаушы Ян Вогоровский пас берген.

Айта кетейік, елордалық команданың негізгі құрамында екі қазақстандық ойыншы болған. Оның бірі жоғарыда аталған Вогоровский болса, екіншісі қорғаушы Александр Марочкин.

Енді «Астана» командасы Уэльске аттанып, «Нью-Сэйнтс» командасына қарсы ойнайтын болады. Бұдан бөлек, елордалық команда ағылшындық «Челсимен», португалдық «Виториямен», кипрлік «Апоэль» командасы және «Пафоспен» командасымен кездеседі.

Сербиялық командамен «Астана» ойыны Алматы орталық стадионында кездесуіне байланысты беларусь әншісі Макс Коржды...

Иран Израиль шабуылдарынан кейін біржақты ұстамдылық танытпайтынын айтып, АҚШ-қа ескерту жасады. Бұл туралы Al Jazeera телеарнасы хабарлады.

Телеарна ақпаратына сүйенсек, Иран өзінің Израильге қарсы шабуылдау мүмкіндігі туралы ескертулерді АҚШ-қа Қатардағы байланыстары арқылы жеткізген. Дегенмен ел аумақтағы тыныштықты сақтау үшін шиеленісті бейбіт жолмен шешуді қалайтынын да хабарлаған.

«Вашингтонға өзге елдегі байланыс арналары арқылы жіберген хабарламамызда біздің қазіргі жағдайға шыдап отырғанымыз еліміздің ұлттық қауіпсіздігіне зиян келтіріп жатқанын және ұстамды саясатымыз жалғаса бермейтінін ескерттік», – дейді телеарнаға пікір білдірген Иран шенеунігі.

Бұған қоса, шенеунік Тегеранның Тель-Авив қарулы күштерінің әрекетіне «ерекше жауап» беруге уәде бергенін айтқан. Дегенмен Иран...

Қазақстанда судья қызметін атқарған Айгүл Сайлыбаеваның күйеуі туған жері – Ресейде түпкілікті тұруға бекінген. Ол қызымен бірге келгенін, екі аптада Жаклиннің Ресей азаматтығын алып үлгергенін хабарлады. Бұл жөнінде ресейлік телеарна хабар таратты.

«Мен Германияға көшіп келуді ешқашан ойлаған емеспін. Мен әрқашан Мәскеуге оралып, Ресейде өмір сүргім келді. Отбасымызды қолдаудың соңғы үміті осы болды», – деді Александр Донцов сұхбатында.

Маусым айында Астана қаласы Сарыарқа ауданының бұрынғы судьясы Айгүл Сайлыбаеваның Германияда жоғалып кеткені белгілі болды. Содан оның Қазақстандағы туыстары виза алып беру жөнінде Қазақстанның Сыртқы істер министрлігінен көмек сұраған.

Қазақстанның Сыртқы істер министрлігі Германияның Сыртқы істер...

Жиһаз өнеркәсібінің негізгі капиталына алдағы жылдары 8 млрд теңгеге жуық инвестиция тартылмақ. «QazIndustry» Қазақстандық индустрия және экспорт орталығының жобаларды іске асыруға мониторинг жүргізу және талдау дирекциясы кейбір жобаларды Қытай қаржыландыратынын хабарлады.

«Қазіргі таңда еліміздің жиһаз өнеркәсібінің инвестициялық портфелі құны 17 млрд теңгеден асатын 9 жобаны қамтиды.  Оларды іске асыру арқылы  шамамен 1000-ға жуық жұмыс орны ашылмақ», – деп мәлімдеді аталған орталық.

Биыл Түркістан облысында 4 жоба іске қосылды. Жалпы өндіріске 9,2 млрд теңге жұмсалды. Өнімдердің негізгі бөлігі ел аумағына таралады.

2024 жылдың соңына дейін Павлодар облысында бір жоба іске қосылады. Жоба құны – 388 млн...

Ұлыбритания мен ЕуроОдақ ынтымақтаса жұмыс істеуге келісті. Әрине, Лондон шекараны ашып, ортақ нарыққа қайта оралуға дайын емес. Бірақ энергетикалық қауіпсіздік және заңсыз көші-қон мәселелері бойынша ЕО-мен ынтымақтастыққа үміт артып отыр.

2 қазанда Британ премьер-министрі Кейр Стармер Брюссельде Еуропалық комиссия төрағасы Урсула фон дер Лейенмен кездесті. Страмер Еуропалық Одақпен қарым-қатынастың «жаңа сөресі» туралы хабарлады. Оның айтуынша, британ жұртшылығы жақын көршілерімен тең дәрежеде қарым-қатынасты нығайтқысы келеді.

Лондон мен Брюссель мына үш бағыт бойынша жұмыс істегісі келеді:

Тараптар «жоғары қарқынмен ынтымақтастықты нығайтудың күн тәртібін» жандандыруға уәде берді. Өзара қарым-қатынасты қалпына келтіруге арналған саммит келесі жылдың басында өтуге...

Павлодар облысында 1100 текше метр ағаш заңсыз кесілген. Мұны облыс прокурорлары анықтады.

Облыстағы орман қорының жартысынан көбі «Ертіс орманы» қорығының бірегей қарағайлы орманында шоғырланған.

«Мораторий алынған сәттен бастап 2021 жылы 1100 текше метрден астам орман заңсыз кесілген, бұл ағаш кесуге тыйым салу кезеңінің көрсеткіштерінен айтарлықтай асып түсті», – деп хабарлады Павлодар облыстық прокуратураның баспасөз қызметі.

Павлодар облысы  прокуратурасының бастамасымен 2024 жылдың 10 қыркүйегінен бастап 2029 жылдың 1 қаңтарына дейін бүкіл резерват аумағында ағаш кесуге тыйым салынды. Осыған байланысты Орман шаруашылығы және жануарлар дүниесі комитетінің бұйрығы жарияланды.

Шілде айында Антикор Павлодар облысында бюджет қаражатын жымқырды деп айыпталған «Ертіс...

Президент Қасым-Жомарт Тоқаев мопедтерді тіркеп, жүргізуші куәлігімен жүруге міндеттейтін заң жобасына қол қойды. Бұл туралы Ақорда хабарлады.

Тоқаев қол қойған «Қазақстан Республикасының Әкімшілік құқық бұзушылық туралы кодексіне жекелеген көлік құралдары түрлерінің жүруін ұйымдастыру және жол қауіпсіздігін цифрландыру мәселелері бойынша өзгерістер мен толықтырулар енгізу туралы» заң жобасы бойынша мопед жүргізушілеріне тіркеуден өту үшін 6 ай уақыт берілетін болады.

Мопед жүргізушілері мемлекеттік баж салығын төлейді, оның мөлшері 0,25 АЕК. Көлікті тіркеу үшін өтініш жазып, жеке куәлігін көрсетуі керек. Оларға А1 деңгейіндегі жүргізуші куәлігі беріледі.

Заң жобасын сәуір айында Мәжіліс қарап бастап, қыркүйекте Сенат қарауына келіп түскен. Сенаттағы заң жобасын таныстыру...

Күзді көбі қалың көрпеге оранып, фильм көретін мезгілге теңейді. Бұл ретте Kursiv Lifestyle алдағы айда қалың көпшілік назарына ұсынылатын фильмдер тізімін жасап шықты. Ендеше, қазандағы демалыстарыңызға жоспар құра берсеңіз болады…

Кейінгі жылдары отандық кино индустриясы жанданып, ай сайын бірнеше фильм премьерасымен қуантып жүр. Қыркүйекте «Менің папам тигр», «Үйлену оңай, үй болу қиын» фильмдері жарыққа шықса, қазанда режиссер Дәулет Ислямовтың «Айқай-шу», «Әнел» сынды фильмдер көрерменге жол тартады.

«Айқай-шу»

Екі дос туралы комедияда Шәріп Серік, Саят Мақұлбаев, Шархан Назар, Нұржан Садыбеков ойнайды. Басқа түскен жағдайға байланысты жасырынуға мәжбүр болған екі жігіт Ақсуға келіп тоқтайды. Тамақ ішуге тоқтаған дәмхананың иесі жігіттердің бірін...

Ұлттық Банк сарапшылар арасында жүргізілген кезекті макроэкономикалық сауалнаманың нәтижесін көпшілік назарына ұсынды.

Болжамға сүйенсек, қыркүйекте мұнай бағасы бойынша болжамдар қайта қаралды. Мамандар пайымынша, шикізат құны өспейді. Осылайша, Brent маркалы мұнай бағасы бойынша респонденттердің 2024 жылға болжамы барреліне – 83,5-тен 80 долларға дейін, 2025-2026 жылдарға – 80-нен 75 долларға дейін төмендеді.

2024 және 2025 жылдарға арналған Қазақстан экономикасының өсіміне қатысты болжамдар 4% және 5% деңгейінде сақталып отыр. Алайда 2026 жылға болжам 4,4%-дан 4,5%-ға дейін аздап өскен.

Сарапшылар 2024 жылға арналған инфляцияға қатысты болжамдарын 8%-дан 8,4%-ға дейін қайта қарады. 2025 жылға – 6,9%-дан 6,7%-ға дейін керісінше төмендетті. 2026 жылы инфляция бұрынғыдай 6% деңгейінде болады деп болжанған.

Сарапшылар базалық мөлшерлеме бұрын күтілгеннен сәл ұзағырақ жоғары деңгейде сақталады деп...

Грузия парламентінің төрағасы Шалва Папуашвили ЛГБТ насихатына қарсы заң жобаларының пакетіне қол қойды.

Қол қою кезінде төраға «заң ақылға, тарихи тәжірибеге, сондай-ақ христиандық, грузиндік және еуропалық құндылықтарға негізделген» деп мәлімдеді. 

DW ақпаратына сүйенсек, Папуашвили 3 қазанда ЕуроОдақ ЛГБТ-ға қарсы деп баға берген «Отбасылық құндылықтар және кәмелетке толмағандарды қорғау туралы» заңға қол қойған. Парламент төрағасы қол қойғандықтан, заң жобасы ресми күшіне енетін болады.

Заң жобасындағы негізгі өзгерістер:

Freedom Holding Corp пен  S&P Global PMI®-дің индексін талдау мәліметтері қыркүйек айында қызмет көрсету саласында белсенділіктің қайта өскенін көрсетіп отыр. Тамыз айындағы нашар көрсеткіштердің артта қалып, сұраныстың базалық үрдістері жақсарған. Бұл қазақстандық қызмет жеткізушілерге жаңа тапсырыстардың көбеюіне әкелген. Осыдан кейін іскерлік белсенділік те артқан.  

«Қызмет жеткізушілердің қыркүйек айына жасаған жағымды болжамдары дәл келді. Іскерлік белсенділікке оптимизм аймағына ауысуға мүмкіндік туды. Қызмет көрсету саласының бойына қан жүгірді. Сұраныс қалыпқа келіп, инфляциялық қысым азайды. Жаңа тапсырыстар легі толық қалпына келді. Және қайта өсімді көрсетіп отыр», – дейді Freedom Finance Global PLC  қаржы талдауы департаментінің директоры Ерлан Әбдікәрімов.

Қоғамда «бокс көбіне ерлерге арналған спорт» деген пікір қалыптасқанына қарамастан, мұны жоққа шығарып, жетістіктерге жетіп жүрген бұрымдылар баршылық. Kursiv Lifestyle кәсіпқой бокспен айналысатын және спорттың осы түрінен биік белестерді бағындырған ең сұлу қыздар туралы жазды.

Назым Қызайбай – Қазақстанның 13 дүркін, Әлемнің 2 дүркін ( Чеджу 2014 жыл , Астана 2016 жыл), Азия ойындарының чемпионы (Дубай 2021 жыл). 2024 жылы Парижде өткен олимпиада ойындарында асқан шеберлік көрсетіп, қола жүлдесін жеңіп алды. Қазақстанның еңбек сіңірген спорт шебері (2016). Боксшы 1993 жылы 14 қыркүйекте Алматы облысы, Жетіген ауылында дүниеге келген. Отбасында үшінші бала.

Алуа Балқыбекова – Әлем чемпионатының қола және күміс жүлдегер...

Ауыл шаруашылығы вице-министрі Бағлан Бекбауов осы саланы цифрландырудың арқасында 1 млрд теңгеден аса қаржы үнемделініп отыр. Әрі бұл сыбайлас жемқорлықтың жолын кеседі.  Бүгінде субсидия алғысы келген 123 мыңға тарта ауыл шаруашылығы еңбеккерлері электронды жүйелер арқылы өтінім берсе, соның 60 080-ні қазір мақұлданған. Қаржылай көмектің жалпы көлемі – 254 млрд 521 млн теңге. Әлі 40 858 өтінім қаралу үстінде.

Вице-министрдің айтуынша, цифрландыру ауыл шаруашылығы саласына кеңінен енгізіліп жатыр. Бүгінде төрт ақпараттық жүйе іске қосылған. Атап айтқанда, олар – субсидиялау, «Ауыл Аманаты» халықты кредиттеу, жануарларды бірдейлендіру ақпараттық жүйесі мен e-Agriculture агроөнеркәсіпті кешен салаларын басқарудың бірыңғай жүйесі.

Десе де, цифрландыру жұмыстары мұнымен шектелмейді. Өсімдік шаруашылығын...

Қазақстанда битум өндірісі 1,2 млн тоннаға дейін артады. Бұл жайлы Энергетика министрлігінің баспасөз қызметі хабарлады.

«Экономикалық өсім жоспарына сәйкес, 4 өндіруші зауыт 2023 жылы 0,85 млн тоннадан 2024 жылы 1-1,2 млн тоннаға дейін битум өндірісін арттыруға дайын екенін растады»,- делінген баспасөз хабарламасында.

Осы жылдың басынан бері битум өндірісінің көлемі 712 мың тоннаға жеткен. Бұл көлемнің 222 мың тоннасын – «CaspiBitum» ЖШС, 277 мың тоннасын – «ПНХЗ» ЖШС, 155 мың тоннасын – «QazaqBitum» ЖШС, 57 мың тоннасын «Асфальтобетон» ЖШС өндірген.

Жалпы өндіріс және жөнелту көлеміне жол құрылысы компанияларының өтінімдері мен өнімнің теміржол вагондары арқылы...

Алматы қаласының әкімдігі Жеңістің 80 жылдығына орай Ұлы Отан соғысы ардагерлеріне 5 млн теңгеден беруі мүмкін. Бұл туралы қалалық Ардагерлер кеңесімен кездесу кезінде қала әкімі Ерболат Досаев айтты.

Досаев Ардагерлер кеңесімен Ұлы Жеңістің 80 жылдығына дайындық мәселелерін талқылады. Кездесу кезінде ҰОС ардагерлеріне біржолғы төлем 2 млн теңгеден 5 млн теңгеге дейін, ал тыл еңбеккерлеріне 50 мың теңгеден 100 мың теңгеге дейін арттыру мәселесі сөз болды. 

«ҰОС ардагерлеріне біржолғы төлемдерді 5 млн теңгеге дейін арттыруға мүмкіндігіміз бар, тыл еңбеккерлеріне төлемді 100 мың теңгеге дейін жеткіземіз, яғни екі есеге арттырамыз. Сіздің өтінішіңіз негізінде келесі жылға арналған бюджетті қалыптастыру...

«Қашаған» кен орны жөндеу жұмыстарына жабылады. Бұл жайлы Энергетика министрлігінінің баспасөз қызметі хабарлаған.

Министрлік хабарлауынша, жөндеу жұмыстары бір айға созылады.

«Қашаған кен орнындағы жөндеу жұмыстары 7 қазанда басталып, күнтізбелік 30 күнге созылады»,- деп хабарлайды баспасөз қызметі.

Айта кетсек, «Қашаған» кен орнындағы күрделі жөндеу жұмыстарына байланысты мұнай-газ өңдеу кешені уақытша жұмысын тоқтататыны туралы 25 қыркүйекте хабарларланған. Ол кезде Энергетика министрлігі жөндеу жұмыстары 38 күнге созылатынын мәлімдеген.

Министрлік мәліметі бойынша жөндеу жұмыстары 3 қазаннан басталуы керек болған. Бұл газ тпшылығы туындуы мүмкін екені айтылды. Бұл кезең аралығында жетпейтін газ көлемі шетелден импортталады.

Ал экспортталатын...

Telegram жұмысындағы ақаулар туралы Астана уақытымен 16:30 шамасында бір сәтте 18 мыңға жуық қолданушы шағым түсірген.

Шағымды Downdetector.su ресурсы тіркеп отырған. Мессенджердің мобильді қосымшасы мен компьютерлерге арналған нұсқасында да ауытқушылықтар байқалған.

Негізінен қолданушылар хабарламалардың кетпей және келмей жатқанына шағымданған. Telegram жұмысына шағымдар Ресейдің бірнеше облысы мен Орталық Азия елдері аумағынан түскен.

Айта кетейік, 24 тамызда Telegram мессенджерінің негізін қалаушы Павел Дуров Париж әуежайында тұтқындалды. Франция прокуратурасы оған 12 қылмыс бойынша айып тағып отыр. Соның бірі – заңсыз транзакцияларды жүзеге асыру үшін онлайн-платформаны басқаруда ұйымдасқан қылмыстық топ қызметіне қатысу. Сонымен бірге уәкілетті органдардың сұрауы бойынша заңсыз...

Дүниежүзілік көшпенділер ойындарында өнер көрсеткен көкпаршыларға федерация көлік сыйлады. Бұл туралы Әулие-ата көкпар клубы өзінің Instagram парақшасында жариялады.

Көкпардан Қазақстан құрамасының барлық 12 ойыншысына Көшпенділер ойындарындағы жеңісі үшін Chevrolet Cobalt автокөліктері табысталды.

Бұл сыйлықты команданың әрбір мүшесіне республикалық «Көкпар» федерациясы тарту еткен. Айта кетейік, федерацияны BI Group құрылыс холдингінің негізін қалаушылардың бірі әрі акционері Бауржан Исабаев басқарады.

Команданың ойыншылары бұл жеңіс үшін үлкен қолдауға ие болғанын айтып, федерацияға алғыс білдірді. Олардың айтуынша, көліктер спортшылардың жетістіктерін бағалаудың бір түрі және көкпар ойынына деген ұлттық мақтаныштың белгісі ретінде қабылданды.

Бұған дейін Мемлекет басшысы Қасым-Жомарт Тоқаев Көшпенділер ойындарына ат салысқан азаматтарды, оларды...

Израиль қорғаныс күштері (ЦАХАЛ) Газа секторындағы Хамас басшысының қаза тапқанын хабарлады. Израиль әскерінің ресми Telegram арнасында жарияланған ақпаратқа сүйенсек, Хамас тобын басқарған Раухи Муштаха мен қозғалыстың тағы екі мүшесі көз жұмған.  

ЦАХАЛ мәліметінше, олар шамамен үш ай бұрын өлтірілген. Газа секторындағы Хамас үкіметінің басшысынан басқа, қозғалыстың саяси бюросындағы қауіпсіздік министрі Самех әл-Саррадж және Хамас қолбасшысы Сами Одехтің де өмірі қиылған.

«Израиль әскери-әуе күштерінің жауынгерлері Газа секторының солтүстігіндегі бекіністі және жабдықталған жерасты кешенінде жасырынған террористерді соққыға жығып, жойды. Кешен «Хамас үшін  командалық-бақылау орталығы ретінде қызмет атқарды», – делінген Израиль армиясының хабарламасында.

Палестина қозғалысы олардың өлім...

Алматы қаласының прокурорлар суицидке итермелейтін сайтты анықтап, оны бұғаттау шараларын қабылдаған. Бұл жайлы прокуратураның баспасөз қызметі хабарлады.

«Бас Прокурордың тапсырмасын орындау мақсатында Алматы қаласының прокурорлары күйзелістік контенті бар Telegram-арнасын бұғаттау шараларын қабылдады»,- делінген хабарламада.

Баспасөз қызметінің хабарлауынша, Telegram арнасына тіркелген 67 оқырманға, канал әкімшілігінен суицидке қатысты тапсырмалар берілген.

2024 жылдың 23 қыркүйегінде сот Алматы қаласы, Алмалы ауданы прокурорының талабын қанағаттандырып, деструктивті чатқа тыйым салу туралы шешім шығарған. Сот үкімі шыққан соң, бұл зиянды арна жайлы ақпарат Мәдениет және ақпарат министрлігіне жіберілген. Аталмыш министрлік телеграм каналды өз құзыреттілігі шеңберінде бұғаттауы керек.

Осы...