Жаңалықтар

Жетісу облысында орналасқан Қызылтас археологиялық кешенінде диорит өндіруге тыйым салынды. Бұл жайлы Жетісу облысының әкімі Бейбіт Исабай айтты.

Талдықорған қаласының инфрақұрылымдық нысандарын аралау барысында қоғам белсенділері әкімнен облыс орталығының солтүстік-батыс бөлігінде орналасқан Қызылтас шатқалының жағдайын сұраған. Өңір басшысы петроглифтер тұрған жерлерде диорит өндіруге түбегейлі тыйым салынатынын мәлім еткен.

Әкім Қызылтастың бірегей петроглифтері жергілікті маңызы бар ерекше қорғалатын тарихи-мәдени нысандар тізіміне енгізілгеніне тоқталып:

«Ұлттық Құрылтайдың үшінші отырысында президент бай мәдени мұрамызды сақтау үшін бірегей тарихи нысандарымызды, атап айтқанда, петроглифтерді бүліну мен вандализмнен қорғау қажет екенін айтты. Экологтармен, жұртшылықпен, құзырлы органдармен бірлесіп, «Тасбақа» тас...

Goldman Sachs-тың бас стратегі Дэвид Костин АҚШ-тағы президент сайлауы қарсаңында акциялардың төмендеуін күтіп отыр. ОПЕК көптеген сарапшының пікірімен келіспей, мұнайға деген сұраныс болжамын көтерді. Ал АҚШ экономикасына деген тұтынушылар сенімі төмендеуді жалғастыру үстінде. Осы және өзге де тақырыптар туралы 24 қыркүйектегі шолудан оқи аласыз.

Дэвид Костин: S&P 500 келесі жылы 6000 деңгейіне жетеді

Goldman Sachs-тың бас стратегі Дэвид Костин АҚШ-тағы президенттік сайлаудан кейін, қор нарығындағы өсім жалғасатынына сенімді. Bloomberg-тің жазуынша, сарапшының болжамына сәйкес, бір жыл ішінде S&P 500 индексі 6000 деңгейіне жетеді. Бұл болжам индекстің шамамен 5%-ға өсетінін білдіреді, ал 2024 жылдың басынан бері индекс 20%-ға жақсарған.

Алайда...

Қытайлық компания Алматы облысында қуаттылығы жылына 300 000 тонна болатын астықты терең өңдейтін зауыт салады.  Жоба еліміздің агроөнеркәсіп кешенін дамыту аясында жүзеге асырылып жатыр. Бұл туралы Ауыл шаруашылығы министрлігінің баспасөз қызметі хабарлады.

Жаңа зауыт мальтозалық шырын, фруктозалық шырын, кристалды фруктоза, аллюлоза, кристалды дектроза, натрий глюканаты және басқа да өнімдер шығаратын болады.

Жобаның инвесторы – CITIC Construction деп аталатын Қытай компаниясы. Инвестицияның жалпы көлемі 1,07 млрд долларға жуық. Ал өнімнің жалпы құны – 1,87 млрд доллар. Жоба бойынша 2 000 жаңа жұмыс орнын ашу көзделіп отыр.

Зауыттың салынатын орны да белгілі. Ол үшін Алматы облысындағы «Қазбек бек» индустриалды аймақ таңдалынып алынған.  

Бұл жоба...

Air Astana Алматы-Лондон бағытында тікелей рейсті іске қосады деп хабарлайды әуе компанияның баспасөз қызметі.

Air Astana компаниясы Airbus серіктестігімен бірлесе отырып, өзінің алыс қашықтыққа ұшатын рейстерінің тиімділігін арттырып отыр. Airbus A321LR ұшағына қосымша жанармай бактарын орнату арқылы алыс бағыттарға техникалық тоқтаусыз тікелей ұшуға мүмкіндік жасалды.

Әуе компаниясы 2024 жылдың 4 қазанынан бастап, Air Astana Алматы – Лондон бағытындағы тікелей рейсті қайта іске қоспақ. Алматыдан бұл бағыт 2022 жылдың наурыз айынан бері Ақтау қаласында техникалық тоқтаумен орындалып келген. Жаңа өзгерістердің арқасында ұшу уақыты 1 сағат 30 минутқа қысқарып, жалпы ұзақтығы 9 сағат 35 минутты құрайтын болады.

Еске сала кетейік, бұған...

Өткен жылы өрттен зардап шеккен  «Семей орманы» табиғи резерватындағы ағаштар 4,5 млрд теңгеге сатылып жатыр. Резерват басшылығы өрттен зардап шеккен ағаштарды «Электронды сауда алаңы» порталында сатылымға шығарды. 

Сайтта барлығы 51 лот орналастырылған, оның бастапқы бағасы 4,5 миллиард теңгеден асады. Ал ең төменгі баға 11 миллион теңге, бұл соммаға 1083 текше метр ағаш ұсынылған. 175,8 миллионға дейінгі сомаға 17 335 текше метр көлеміндегі ағаш ұсынылуда.

Бағалау ақпаратындағы мәліметтерге қарағанда, орман қорығындағы бұл ағаштар 2023 жылдың маусымында өрт кезінде зақымдалған.

Электрондық сауда алаңы платформасының сайтында орналастырылған лоттардың өзге аукциондардан айырмашылығы бар. Бұл аукцион құны төмендемейді, керісінше жоғарылайды. Осылайша, өрттен зардап шеккен орманның  сату құны 4,5 миллиард теңгеден...

Мәскеудегі Wildberries кеңсесіне шабуыл жасағандар өмір бойына бас бостандығынан айырылуы мүмкін. Бұл жайлы сот құжаттарында жазылған.

Мәскеудің Басманный соты шабуылға қатысы бар 30 күдіктіні қамауға алу туралы үкім шығарған. Сот құжаттарында оларға кісі өлтіру, сондай-ақ кісі өлтіруге оқталу, құқық қорғау органының қызметкеріне шабуыл жасау, заңсыз қару айналымы және озбырлық әрекеттер жасау баптары бойынша айыптар тағылған.

Аталған 5 қылмыстың үшеуі бойынша өмір бойына бас бостандығынан айыру нормалары қарастырылған. Шабуыл жасаушылардың «қоғамдық қауіпсіздік пен қоғамдық тәртіпке қарсы» «саналы түрде» әрекет ету фактісі олардың жазасын ауырлата түспек.

Еске сала кетсек, Мәскеудегі Романов көшесінде орналасқан Wildberries кеңсесінде 18 қыркүйек күн...

Астанада лицензиясыз жұмыс істеген майнинг фермасы 143 млн теңгенің цифрлық активін заңсыз өндірген. Қаржы мониторинг агенттігі майнерлер оған қоса электр энергиясына 23 млн теңге қарыз екенін анықтаған.

Заңсыз майнерлер 2022 жыл мен 2024 жылдың мамыр айына дейін ай сайын бір шағын ауданды қамтуға толық жететін тоқты жағып отырған.

«Сотқа дейінгі тергеп-тексеру барысында 1 300-ге жуық майнингке арналған аппараттық-бағдарламалық кешен (ASIC), оларды салқындатуға арналған құрылғылар және қосалқы трансформаторлық станция тәркіленді», – делінген хабарламада.

ҚМА мәліметі бойынша, 2024 жылы цифрлық активтердің заңсыз айналымы бойынша 7 үкім шығарылған. Сотқа дейінгі тергеу барысында 12 млрд теңген...

Өзбекстан шахмат олимпиадасында қола медаль еншілеген спортшыларға бағалы сыйлықтар табыс етті. Бұл туралы UzNews хабарлады.

Өзбекстандық басылымның хабарлауынша, Ташкенттің халықаралық әуежайында Будапешт қаласында өткен 45-ші Дүниежүзілік шахмат олимпиадасына қатысқан өзбек делегациясын салтанатты қарсы алу рәсімі өтті.

Қарсы алу рәсімі барысында қола медаль иегерлеріне президент атынан сыйлықтар табысталды. Оларға BYD Chazor маркалы автокөліктің кілттері мен 170 миллион сум көлемінде ақшалай сыйақы берілді.

Айта кетейік, Дүниежүзілік шахмат олимпиадасы екі жылда бір рет өткізіледі. Келесі, 46-шы олимпиада 2026 жылы Өзбекстанда өтеді.

Еске сала кетейік, Дүниежүзілік шахмат олимпиадасында Қазақстан әйелдер құрамасы күміс жүлдеге ие болды. Олимпиаданың соңғы ойындарында құрама АҚШ пен Польшаны жеңіп...

Президент Қасым Жомарт Тоқаев пойыз тамбурында Ұлттық ұлан сарбазын соққыға жыққандарды анықтап, Ішкі істер министріне кінәлілерді жазалауды тапсырды. Бұл туралы президенттің баспасөз хатшысы Берік Уәли мәлімдеді. Бұған дейін әлеуметтік желіде сарбазды ұрып жатқаны таспаланған видео тараған.

Баспасөз хатшысы жазбасының ізін ала Ішкі істер министрлігі сарбазды соққыға жыққандардың кім екені анықталғанын хабарлады.

«Мемлекет басшысы Ішкі істер министрі Ержан Сәденовке қаскөйлерді ұстап, заңнамаға сәйкес жауапқа тарту үшін шұғыл шаралар қабылдауды тапсырды», – делінген жазбада.

Берік Уәли әскердегі және басқа да күштік ұйымдардағы зорлық-зомбылықтың барлық фактісі бақылауға алынғанын айтып өтті.

Содан кейін Ішк...

Ең ірі криптовалюта биржаларының бірі – Bybit мұсылмандарға арналған криптовалюта есепшоттарын іске қосты. Бұл туралы платформа басшысы Бен Чжоу хабарлаған. Енді мұсылман инвесторлар осы биржада шариғатқа сай сауда жасай алады.

Жаңа өнім шариғат заңдарын сақтауы үшін ZICO Shariah кеңес беру орталығының қолдауымен әзірленген. Пайдаланушының қаражатын араластырмау және ашық комиссиялық құрылым ислам құндылықтарына сай сауда жасауға мүмкіндік береді.

Bybit-тің ислами қызметтеріне Spot Trading, DCA Trading Bot және Spot GRID Bot кіреді. DCA боты криптовалютаны белгілі бір уақыт кезеңінен кейін бағасына қарамастан сатып алады, нәтижесінде сатып алынған активтің құны орташаланады. GRID боты криптовалюталардың құбылмалы баға ауытқуын пайдалана отырып саудамен...

Түркістан қаласындағы XIV ғасырдың соңында тұрғызылған белгілі тарихи ескерткіш – Қожа Ахмет Ясауи кесенесі мемлекеттік қорғауға алынды. Премьер-Министр Олжас Бектенов тиісті қаулыға қол қойған.

«Әзірет Сұлтан» мұражай-қорығы енді мемлекеттік қорғауда болады.

 «Оның маңыздылығы мен тарихи-мәдени құндылығын ескере отырып, сондай-ақ оның сақталуын қамтамасыз ету мақсатында Үкімет «Әзірет Сұлтан» мұражай-қорығын мемлекеттік қорғауға жататын объектілер тізбесіне енгізу туралы шешім қабылдады», – делінген хабарламада.

Кесене – ЮНЕСКО-ның бүкіләлемдік мұра тізіміне енгізілген алғашқы қазақстандық нысан және ортағасырлық сәулет өнерінің бірегей ескерткіші. Кесене түркі ақыны және сопылық ілімнің негізін қалаушы Қожа Ахмет Ясауи жерленген жерде тұрғызылған.

2023 жылы Түркістан...

«Самұрық-Қазына» қоры Астана әкімдігі инфрақұрылымдық жобаларды аяқтау үшін қала бюджетіне 35 млрд теңге аударады деп хабарлады мемлекеттік холдинг.

«Самұрық-Қазына» ұлттық әл-ауқат қоры» акционерлік қоғамы Қазақстан Республикасы Үкіметінің 2020 жылғы 29 желтоқсандағы № 908 қаулысымен бекітілген 2021 – 2025 жылдарға арналған жекешелендірудің кешенді жоспары шеңберінде активтерді бәсекелес ортаға беруден түскен қаражат есебінен аталған қаулы қосымшасына сай Астана қаласының инфрақұрылымдық жобаларын іске асыру мақсатында тізбе бойынша 35 028 605 333,26 ( отыз бес миллиард жиырма сегіз миллион алты жүз бес мың үш жүз отыз үш теңге жиырма алты тиын) теңгеге Астана қаласының әкімдігін қаржыландыруды қамтамасыз етеді», — делінген...

Бірінші жартыжылдықта қазақстандық туроператорлар 285 млрд 700 мың теңге табыс тапты. DATA HUB  өткен жылмен салыстырғанда шамамен 40%-ға артық кіріс кіргізгенін хабарлады.

2023 жылдың қаңтар-маусым айларындағы инфляцияны есепке алмағанда, бұл көрсеткіш 3,2 есе өсті. Осы кезең қорытындысы бойынша туристік нысандар табысы бұрын-соңды мұндай жоғары болмағаны айтпаса да түсінікті.

Әдетте, бірінші жартыжылдық туроператорларға әлдеқайда аз ақша әкеледі. Туристік агенттіктердің мұншалықты мол табыс табуы – таңғаларлық нәтиже.

DATA HUB  шағын кәсіпорындарды зерттеу бойынша ресми статистиканың нәтижесі де орнықты екенін айтты. Бәлкім, осыдан қазақстандықтардың саяхаттаудан қаржы аямайтынын байқауға болады. Оған қоса басқа елдердегі инфляция ерекше әсер еткен болуы мүмкін. Мәселен, Түркияға арналған жолдама...

АҚШ Әділет министрлігі Visa компаниясына дебеттік карталар нарығындағы монополияға қарсы заңдарды бұзғаны үшін шағым түсіруі мүмкін, деп жазды Bloomberg ақпарат көзіне сілтеме жасап. Билік өкілдері Visa эксклюзивті келісімдер жасағанын, осылайша өзінің үстемдігін сақтап, нарықтағы бәсекелестікке кедергі келтіргенін алға тартып отыр. Осы жаңалықтың аясында Visa акцияларының құны төмендеді.

Толығырақ

Bloomberg агенттігінің хабарлауынша, АҚШ Әділет министрлігі 24 қыркүйекте Visa компаниясына дебеттік карталар нарығын монополиялады деген айыппен федералды сотқа шағым түсіруді жоспарлап отыр. Реттеушінің пікірінше, Visa эксклюзивті келісімдер жасасу арқылы нарықтағы үстемдігін сақтап, бәсекелестердің дамуына және жаңа ойыншылардың нарыққа кіруіне кедергі келтірген. Дереккөз бұл туралы Bloomberg-ке мәлімдеді.

Visa мен Әділет министрліг...

Қазақстан 2026 жылы бірінші өңірлік климат саммитін өткізеді. БҰҰ Бас Ассамблеясының 79-шы сессиясы ауқымында өткен  Болашақ саммитінде ҚР Премьер-Министрдің орынбасары, Сыртқы істер министрі Мұрат Нұртілеу осы жөнінде мәлімдеді. Министр елде Біріккен ұлттар ұйымының Өңірлік орталығын ашуды ұсынды.

– Мұздықтардың еруі, су тапшылығы, биоәртүрліліктің азаюы және шөлейттену сияқты мәселелерді тиімді шешу үшін біздің еліміз 2026 жылы Біріккен ұлттар ұйымының қолдауымен бірінші өңірлік климат саммитін өткізеді. Сонымен қатар Орталық Азия мен Ауғанстан үшін Тұрақты даму бойынша Біріккен ұлттар ұйымының Өңірлік орталығын ашуды ұсынамыз, бұл Тұрақты даму мақсаттарын іске асыруды үйлестіруді одан әрі нығайтуға көмектеседі. Дұрыс қолдаумен бұл идея...

«Жас қой» деп көп қателікке кешіріммен қарауға болатын кездер бар. Мұны «жастық максимализм» деп атайды. Яғни әлдебір баға берерде, пайым жасарда не өзі мен басқаларға талап қоярда біржақты болатын мінез. Көбіне жасөпірім және жас кезде, 12-22 жас аралығында айқын көріне бастайды. Бірақ одан да үлкен жастағы адамдардың бойынан да көріп қалуымыз мүмкін. Олай болса, максимализм деген не, оның қандай зияны мен пайдасы барын талдап көрейік.

Жастық максимализмнің басты белгілері

Ресей ұшағы бір күнде Жапонияның әуе шекарасын үш рет бұзды. Токио Мәскеуге наразылық білдірді.

Жапон ұшақтары ескерту мақсатында Ил-38-ге қарай зымырандар ұшырды. Күншығыс елі 60 жылдан астам уақыт ішінде алғаш рет дабыл қағып отыр деп жазады The Wall Street Journal (WSJ).

Жапония министрлер кабинетінің бас хатшысы Йосимаса Хаяшидің айтуынша, ресейлік Ил-38 патрульдік ұшағы 23 қыркүйекте жергілікті уақыт бойынша сағат 13:00 мен 16:00 аралығында солтүстік архипелагтағы Ребунна аралының үстінен ұшып, мемлекеттің  әуе кеңістігіне үш рет кірген.

Осыдан кейін Токио F-15 және F-35 жойғыш ұшақтарын әуеге көтерді. Әуе кемелері ресейлік әскери барлау ұшағына сес көрсеткен. Йосимаса Хаяши Жапонияның Ресейге бұл бұзушылыққа...

Қызылорда облысының Жаңақорған ауданы Кеңес ауылында 15 жастағы баланы ұрып өлтірген жасөспірімнің ісі сотқа жіберілді. Ақпаратты облыстық полиция департаментінің баспасөз қызметі растады.

«Письма президенту» телеграмм-арнасында жария болған ақпаратқа сүйенсек, Қызылорда облысының Кеңес ауылында жоғары сыныптың оқушысы 30 жасөспірімнің көзінше 15 жастағы баланы ұрып өлтірген.

Жергілікті тұрғындар мен оқушылардың айтуынша, жоғары сынып оқушылары төменгі сыныптағыларға тиісіп, оларға үнемі қысым көрсетіп отырған.

Оқиға орнында болған мектеп оқушыларының айтуынша, жоғары сынып оқушысы сағат 20:30 шамасында ұл балаларды жинап, бір оқушыны ұрған. Осы жағдайға қарап тұрған екінші оқушыны шақырып, оны да ұрып, соққыдан кейін оқушы қайтыс болған.

Полицияның ақпаратына сүйенсек, аталған дерек бойынша...

Қазақстан мен Google компаниясы Google for Startups бағдарламасы аясында өзара іс-қимылды кеңейтуді көздеп отыр. Тараптар отандық стартаптарды әлемдік нарықтарға жылжыту, елімізде цифрлық инфрақұрылым мен инновациялық экожүйені дамыту жөніндегі бірлескен жұмысты жалғастыруға уәделескен. Бұл компанияның жасанды интеллект пен бұлтты технологияларды интеграциялау саласында озық екені аян.

Бұған Қазақстан Республикасы премьер-министрінің орынбасары – сыртқы істер министрі Мұрат Нұртілеудің АҚШ-қа сапары барысында қол жеткізіліп отыр. Танымал америкалық компаниялардың өкілдерімен кездесу кезінде тараптар ұзақмерзімді және ұтымды әріптестікті дамыту мәселелерін талқылаған.

Сонымен қатар «PepsiCo» компаниясының басшылығымен кездесу кезінде азық-түлік өнеркәсібін дамыту, еліміздің экспорттық әлеуетін жақсарту мәселелеріне баса мән берілді. Өйткені бұл отандық өнімдердің халықаралық нарықта бәсекеге...

Ресейде бұғатталған «Флибуста» тәуелсіз кітапхана жүйесі біржола жабылды. Бұл туралы жобаның авторы хабарлады.

«Өзім глиобластоманың жоғары мөлшерімен ауруханаға түстім. Фибустада менің кейпімді киді. Сондықтан жұмысын аяқтады», – деп жазды автор.

Ол серверге бір айға жазылған адамдардың қаржысы күйіп кетпес үшін әрі бір-екі апта жұмысын жалғастыратынын атап өтті.

«Флибуста» – 2009 жылы іске қосылған электронды кітапхана. Қазір оның қорында шамамен 630 мыңнан астам шығарма сақталған. Жоба еріктілердің күшімен жасалған. Оны техникалық қолдаушылар жалақы алмай, тегін жұмыс істеуге келіскен.

2015 жылы Роскомнадзор Рэй Брэдберидің кітаптарын заңсыз таратты деп айыптаған «Эксмо» баспасының талабы бойынша онлайн кітапхананың шетел...

Интернетте, әсіресе, әлеуметтік желі арқылы зат сатып алу кезінде сақ болыңыз. Ақша аударудан бұрын сатушының репутациясын және мәміленің шарттарын мұқият тексеріңіз. Тұтынушылардың құқықтарын қорғау комитеті осындай ескерту таратты.

«Бүгінгі таңда интернет пен әлеуметтік желі зат сатып алу үшін маңызды алаңға айналды, бірақ, өкінішке орай, мұнда мәмілелер әрдайым сәтті өтпейді»,- деген комитет БҚО-дағы оқиғаны мысал ретінде ұсынған.

А. есімді азамат қыстық техниканы әлеуметтік желіден көріп, жеке кәсіпкер К. -дан 550 000 теңгеге сатып алмақ болған. Сатушымен ауызша келіссөздер жүргізгеннен кейін, ақшасын бөліп аударды. Алайда тауар жоқ, ақша қайтпаған. Сатып алушы Тұтынушылардың құқықтарын қорғау департаментіне жүгініп, сот алаяқ сатушыға...

Президент Қасым-Жомарт Тоқаев премьер-министр Олжас Бектеновті қабылдады деп хабарлайды Ақорда. Кездесу барысында премьер-министр еліміздің әлеуметтік-экономикалық даму көрсеткіштері, күзгі жиын-терім мен жылыту маусымына дайындық барысы туралы есеп берген.

Бектенов биылғы қаңтар-тамыз айлары аралығында экономиканың өсімі 3,7%-ды құрағанын бұл орайда құрылыс саласы 8,8%, көлік және қойма ісі 7,9%, байланыс 7,4%, сауда 5,5%, өңдеу өнеркәсібі 4,9% құрағанын айтқан.

Сонымен бірге кездесу барысында аграрлық салада жеңілдікпен қаржыландыру көлемі 3 есе ұлғайып, 580 млрд теңгеге жетіп, нәтижесінде еліміз бойынша дәнді және бұршақты дақылдар алқабының 70,2%-ы жиналып, 17,2 миллион тонна астық бастырылғаны айтылған.

Үкімет басшысы алдағы жылыту маусымына дайындық жұмыстары уақтылы жүргізіліп...

Қазақстанда қант зауытын салуға Қытай инвесторлары тартылуы мүмкін. Бұл мәселе вице-премьер Серік Жұманғариннің Қытай инвесторларымен кездесу барысында қозғалған.

Жұманғарин бүкіл қытайлық өнеркәсіп және сауда федерациясы төрағасының бірінші орынбасары Шэнь Инмен кездесу барысында қант саласын дамыту – Қазақстан үшін маңызды бағыттардың бірі екенін айтқан. Вице-премьер ел үкіметінің ұқсас және басқа да инфрақұрылымдық жобаларды жүзеге асыруға барынша қолдау көрсетуге дайын екенін мәлімдеген. Сондай-ақ Қазақстанның астықты терең өңдеу кәсіпорындарының санын арттыруға ден қоятынын жеткізген.

«Бүгінде ел аумағында Қытай капиталының қатысуымен 3000-ға жуық бірлескен компания табысты жұмыс істеп келеді. Олардың төрттен біріне жуығы соңғы жылы ғана қосылған. Бұл...

Бірыңғай жинақтаушы зейнетақы қорының шоттарындағы зейнетақы активтері 20,9 трлн теңгеден асты. Жыл басынан бергі 8 ай ішінде 3 трлн теңгеге немесе 17% өсті. БЖЗҚ зейнетақы жинақтарының жылдық өсімі – 4,1 трлн теңгені құрады деп хабарлады.

Қордың хабарлауынша, жинақтардың 96,25%-ы міндетті зейнетақы жарналары. 1 қыркүйекте оның көлемі шамамен 20,1 трлн теңге болды. Бір жылдық өлшеммен алғанда 23,9%, жыл басынан бері – 16,3% өскен.

Ал міндетті кәсіптік зейнетақы жарналары – 627 млрд теңгені құрап, бір жылдағы өсім – 17,7%, ал жыл басынан бері 10,3% артқан. Ерікті зейнетақы жарналарының өсімі ең жоғары – жылдық 49,2%, жыл басынан бері – 33,2%. Жалпы көлемі 7 млрд теңге.

1 қаңтардан бастап...