Жаңалықтар

«Курсив» топ-менеджментке төлейтін қаржы бойынша қандай банктердің акционерлерін «жомарт» деп атауға болатынын анықтады. Есептеулер көрсеткендей, 2023 жылы Қазақстанның банк секторындағы басқарма мүшелерінің орташа жалақысы айына 24 млн теңгеден 63 млн теңгеге дейін құбылып отырған.

«Курсив» ашық деректер негізінде қазақстандық 15 банктің және Kaspi.kz финтех-холдингінің (Kaspi.kz банкінің бас компаниясы) топ-менеджерлерінің орташа жалақысын есептеп шықты. Орташа айлық сыйақыны есептеу үшін мынадай ақпарат көздері пайдаланылды: шоғырландырылмаған аудиттелген есептер (мұнда негізгі басшыларға ақшалай және ақшалай емес сыйақы туралы ақпарат бар), Қаржылық есептілік депозитарийі (ДФО) порталы (банктер басқарма мүшелерінің жалпы сыйақысын жариялауға міндетті) және аудиттелмеген жылдық есептер (банктер өз еркімен басшылыққа төленетін төлемдер туралы қосымша...

Еуропадағы автокөлік сатылымы кейінгі үш жылдағы ең төменгі деңгейге жетті. Электромобильдерге сұраныс азайып, гибридтерге керісінше артты. Бұл туралы Reuters басылымы жазды.

«Еуропалық Одақ автокөлік нарығы соңғы үш жылдағы ең төменгі деңгейге төмендеді», – деп жазды басылым.

Жаңа көліктердің сатылымы тамыз айында 18,3% төмендеді. Бұл негізгі нарықтар – Германия, Франция және Италиядағы сұраныстың күрт төмендеуіне байланысты.

Электромобильдерге деген қызығушылық 44%-ға дерлік төмендеді. Өндірушілер дабыл қағып, биліктен одан әрі құлдырауды тоқтату үшін шұғыл шара қолдануды талап етуде.

Электромобильдерге сұраныстың ең күрт төмендеуі тамыз айында Германияда тіркелді – 68,8%. Францияда сатылымдар үштен біріге, ал жалпы ЕО...

Демалысты пайдалы әрі қызықты өткізу үшін, ғылыми-танымдық Qalam порталында жарияланған материалдар топтамасын ұсынамыз. Осы аптада: Алматыдағы Aspan галереясында өткен Қазақстанның танымал заманауи суретшілерінің бірі Гүлнұр Мұқажанованың «Үміт шуағы» атты көрмесі, империяның бой түзеуіне әсер еткен балық, құпияға толы Войнич қолжазбасы және әдебиетті жақсы көретін жандарға арналған қызықты тест жарық көрді.

«ҮМІТ ШУАҒЫ» КӨРМЕСІ

Асқақ үміт пен совет заманының көлеңкесі. Алматыдағы Aspan галереясында Қазақстанның танымал заманауи суретшілерінің бірі Гүлнұр Мұқажанованың «Үміт шуағы» атты көрмесі өтіп жатыр. Оның жұмысы Германия, АҚШ, Ұлыбритания, Франция, Ресей секілді елдерде қойылған, ал 2007 жылы ол 52-ші Венециялық биенналеде көрсетілді. Көрмеге тек бір жұмыс...

Бразилияның Жоғарғы соты Илон Масктың X әлеуметтік желісіне елдегі бір күндік жұмысы үшін  920 000 доллар айыппұл салды. Бразилиялық пайдаланушылар провайдердің өзгеруіне байланысты қызметке қысқамерзімді қол жетімділік алды. Бұл туралы 19 қыркүйекте ресми мәлімдеме таратқан X өкілдері мәлім етті.

Бразилиялық ABRINT интернет-провайдерлер ассоциациясы  телефондардағы әлеуметтік желі қолданбасы автоматты түрде жаңартылғаннан кейін, Х парақшасын пайдалануға мүмкіндік туғанын айтты. Ассоцация X-тің үнемі өзгеріп тұратын IP мекенжайларын пайдаланатын Cloudflare бұлттық қызметіне ауысқанын түсіндірді. Бұл тәсіл бұғататуды әлдеқайда қиындатады, өйткені банктер мен мемлекеттік сайттар сияқты басқа сайттар мен қызметтер бірдей мекенжайларды пайдаланады.

19 қыркүйекте әлеуметтік желі Cloudflare қызметтерін пайдалануды тоқтатты және Бразилияда X-ті қолдану...

Жаһандық вакцина және иммундау альянсы Африка үшін шешек ауруына қарсы жарты миллион вакцина сатып алады. Euronews жазуынша вакцина жыл аяғында жеткізілуге тиіс.

2023 жылы ең алғаш алғашы мутация Конгода тіркелді. Содан кейін маймыл шешегі Африканың басқа елдеріне де таралды. ДДҰ 12 елде әлемдік деңгейдегі төтенше жағдай жариялады.

Африканың ауруды бақылау және алдын алу орталықтарының мәліметі бойынша, 2024 жыл басынан бері құрлықтың 15 елінде 26 500-ден астам шешек ауруы дерегі тіркелді. Бұл дерттен 724 адам қайтыс болды. Вакциналардың жоқтығы сауықтыру шараларын жүзеге асыруға кедергі келтіреді, деп атап көрсетеді орталық.

Жаһандық альянс қор есебінен кедей елдер үшін вакцина сатып алуға...

Астана әкімдігі көпбалалы отбасылар мен әлеуметтік осал топтарға арналған бағдарламаның іске қосылатынын хабарлады. Сатып алу құқығынсыз жалға берілетін тұрғын үй бойынша жергілікті атқарушы орган 23 қыркүйек пен 7 қазан аралығында өтінім қабылдайды.

Бағдарлама бойынша жалдау шарты бес жыл сайын созылады. Ай сайынғы жалдау 5-10 мың теңге аралығында. Жалдамалы үйді тұрғындардың жекешелендіруге құқығы жоқ.

Қандай құжаттар қажет?

1. ЭЦҚ кілті;

2. Өтініш берушіге және отбасы мүшелеріне жылжымайтын мүліктің болмауы / болуы туралы анықтама (өтініш берілген күні EGOV.KZ арқылы алынған);

3. Балалардың туу туралы куәліктерінің және отбасы мүшелерінің жеке куәліктерінің сканер-көшірмелері (бар болса);

4. Неке/ажырасу/әке болу/қайтыс болу туралы...

Қазақстанның алғашқы президенті Нұрсұлтан Назарбаевтың інісі, марқұм Болат Назарбаевтың дүние-мүлкіне қатысты түсініксіз жайттар көп болып тұр. Мәселен, одан тәркіленген құны 2 миллиард теңгеге жуық ғимарат әлі сатылмай жатыр. Statsnet мәліметтінше, меншік иесі ауысқанмен, атышулы «ВN INVEST қаржы өнеркәсіптік холдингі» ЖШС бас кеңсесі әлі осы жерде орналасқан.

Болат Назарбаевтан тәркіленген бұл ғимарат 2021 жылдың 17 қаңтарынан бастап баға өсімімен аукционға қойылған еді. Бастапқы бағасы – 1 822 991 453,00 теңге. Ал кепілдікті жарна көлемі 110 760 000 теңге деп көрсетілген. Ғимаратты пайдалану мақсаты – офис. Алайда бұл ғимараттың саудасы қызбай тұр. Өйткені, аукцион басталғанға дейін тіркелген қатысушылар болмаған.

Бұл жылжымайтын мүліктің мекен-жайы –  Алматы қаласы Бостанды...

«ҚазМұнайГаз» компаниясы («Самұрық-Қазынаның» еншілес ұйымы) 17 қыркүйектен бастап «Ембімұнайгаз» және «Өзенмұнайгаз» компанияларының 100% акциясының иесі атанғанын хабарлады. Бұл туралы Қазақстан қор биржасында жарияланған құжатта жазылған.

«ҚазМұнайГаз» Ұлттық компаниясы» АҚ «Өзенмұнайгаз» АҚ және «Ембімұнайгаз» АҚ акцияларының 100 %-н иеленгені туралы KASE-ге хабарлады», – деп жазылған құжатта.

Айта кететіні, 2023 жылы «Ембімұнайгаз» кірісі 402,7 млрд теңгені құрады. Бір жыл бұрын көрсеткіш 394,1 млрд теңге еді. 2023 жылдың аяғында «Ембімұнайгаздың» бас компаниясы «ҚазМұнайГаз» Барлау Өндіру» акционерлік қоғамы болды. Ал оның акциялардың 99,72%-ы «ҚазМұнайГазға» тиесілі.

Өз кезегінде, «Өзенмұнайгаздың» кірісі 2023 жылы 784,3 млрд теңгені құрады. Таза табыс 11,1 млрд теңге...

Әскери борышын өтеп жүрген сарбаздар арасында лудомандар саны артқан. Бұл жайлы Орталық коммуникациялар қызметінде өткен брифинг барысында депутат Константин Авершин айтты.

Қорғаныс министрлігінің мәліметінше, әскер қатарындағы жауынгерлердің жалпы қарызы 7 млрд теңгені құрайды. Қорғаныс министрлігінің тәрбие және идеологиялық жұмыс департаментінің бастығы Тілеухан Басқожаевтың айтуынша, сарбаздар әскерге келмей тұрып, банктерге қарызданады.

«Мерзімді әскери қызметке алынған жауынгерлерге кредиттік каникул беріледі. 18-19 жаста әскерге келген сарбаздардың қарызы 2 млрд теңге. Ал 40 мыңға жуық жауынгердің жалпы қарызы 7 млрд теңгені құрайды. Мен тек жауынгерлерді ғана айтып отырмын. Енді әскер қатарында жүрген әскери қызметкерлердің өзіне қол жұмсауы фактілеріне...

Алматы индустриялық аймағында Қазақстандағы алғашқы литий-ионды батареяларды өңдеу цехы ашылды, деп хабарлайды «ӘКК Алматы» баспасөз қызметі.

Әлеуметтік-кәсіпкерлік корпорациясының мәліметінше зауыттың аумағы 1000 шаршы метрді құрайды. Cондай-ақ, кәсіпорында 20 адам жұмыс істейді.

Зауыт ай сайын 20 тоннадан кем емес литий-ионды батареяларды өңдеп, олардан құнды материалдарды — литий бар ұнтақ, алюминий, мыс және басқа да компоненттерді қайта өндіріс үшін алып шыға алады.

Литий-ионды батареялары ұялы телефондарда, ноутбуктарда, электромобильдерде және жаңартылатын энергияны сақтау жүйелерінде кеңінен қолданылады. Соңғы уақытта литийге деген сұраныс артқандықтан, оның қайта өңдеу қажеттілігі өзекті мәселеге айналып отыр.

Цехтың ашылуы литийді өндіру қажеттілігін азайтуға мүмкіндік береді. Мамандардың айтуынша, қолданылған...

АХҚО Қаржылық қызметтер көрсетуді реттеу жөніндегі комитеті (AFSA) бөлшек инвесторлар үшін алғашқы Non-Exempt Fund, яғни босатылмаған қор – SBI Active Fund-ты тіркеді.

«Бұл дара инвесторларға жаңа жобаларға жол ашады», – деп хабарлады AFSA.

Мұның босатылған қорлардан айырмашылығы, босатылмаған қорларға қадағалау мен ашықтық бойынша анағұрлым қатаң талаптар қойылады. Олар инвесторлардың әртүрлі санаттарына арналған инвестициялық ұсыныс түрлерін арттырады.

Бұдан басқа ол қаржы нарықтарының дамуына ықпал етеді. Босатылмаған қорларда шектеу аз. Мұндай инклюзивтілік АХҚО шеңберінде нарықтың өтімділігі мен белсенділігін арттыруға ықпал етеді.

«AFSA дара инвесторларға активтерді бөлу, тәуекелге ұшырау және ықтимал кірістілік тұрғысынан...

Маңғыстау облысында мұнай өндіріп жатқан ұлыбританиялық Caspian Sunrise PLC-тің еншілесі BNG Ltd  ЖШС-дан 175 млн теңге өндірілді. Бұл серіктестік әлеуметтік міндеттемелерін орындамай келген. Бұл туралы Маңғыстау облысының прокуратурасы мәлімдеді.

«Маңғыстау облысының прокуратурасы Жер қатынасы басқармасын тексеру барысында кен және кен орнын пайдалану туралы заңнаманың бұзылғанын анықтады. BNG Ltd кен пайдаланушы 2022-2023 жылдарға арналған кен өндіру кезеңінде өңірдің әлеуметтік-экономикалық дамуына шығындану міндеттемесін орындамаған», – деп көрсетілген хабарламада.

Прокурорлық қадағалау органы шара қолданып, серіктестіктен мемлекетке 175 млн теңге өндіріп берген.

Caspian Sunrise – Ұлыбританияның мұнай мен газ барлау, өндіру ісімен айналысатын ірі компания.

Бұған дейін бұл компания...

Бұған дейін салмақ қуу барысында есінен танып қалған қазақстандық боксшы Жәнібек Әлімханұлы жаңа зеландиялық спортшы Андрей Михайловичпен 4 қазан күні жекпе-жекке шығатын болды, бұл туралы спортшы өзінің Instagram парақшасында бөлісті.

Құрметті жанкүйерлер! Қолдауларыңызға, жылы пікірлеріңізге рақмет!

Бұл жолы бәрі басқаша болады, бұйыртса! 2 әлем чемпионы титулымды қорғаймын! Міндетті қарсыластан өтіп, қалған екі титулға әрекетті бастаймыз! Бізге 4 титул керек! 4 қазан, деп жазды боксшы.

Gold Stone LLP 2025-2032 жылдар аралығында Жамбыл облысы Мойынқұм ауданындағы Кеңгір кенішінен жылына 200 мың тонна алтын кенін өндіруді жоспарлап отыр.

Кен ашық тәсілмен өндіріледі. Яғни қопарғыш, жарылғыш заттар қолданылмақ. Тау-кен жұмыстары екі ауысым бойынша жыл бойы жүргізіледі. Әр ауысым 12 сағаттан жұмыс істейтіні көрсетілген. Жұмысшылар вахта тәсілімен – 15 тәулік жұмыс істейді. Жарылыс жұмыстары аптасына бір мәрте орындалмақ.

Карьердің ұзындығы – 780 метр, тереңдігі  – 159 метр, ені – 740 метр.

Кеңгір Ақбақай ауылынан 9 шақырым жерде орналасқан. Аумағы 3,68 шаршы шақырым жерді алып жатыр. Пайдалы қазбалар қорлары жөніндегі комиссия бекіткен кеніштің теңгерімдегі қоры – 1,5 миллион тонна алтын...

«Азық-түлік корпорациясы» ҰК» АҚ форвардтық сатып алу бағдарламасы шеңберінде 2024 жылғы астық өнімін қабылдау бағасын белгіледі. Бұл азық-түлік қауіпсіздігін қамтамасыз ету және ауыл шаруашылығы тауарын өндірушілерді қолдау мақсатында іске асырылады.

Бұл ретте форвардтық келісімшарт – міндетті мерзімді келісім. Оған сәйкес сатып алушы мен сатушы болашақта белгілі бір күнге келісілген сападағы және көлемдегі астықты жеткізуге келіседі.

Астық өнімін қабылдау бағасы мынадай:

Ауыл шаруашылығы өнімдерін корпорация белгілеген кәсіпорындар қабылдайды...

Аягөздегі әскери қызметкердің суицид жасауына басқа өңірден қоныс аударуы немесе басқа да тұрмыстық жағдайлар әсер еткен болуы мүмкін. Бұл жайлы Орталық коммуникациялар қызметіне өткен брифинг барысында Қорғаныс министрлігінің тәрбие және идеологиялық жұмыс департаментінің бастығы Тілеухан Басқожаев айтты.

«Бүгін таңертең Аягөзде әскери қызметкер өзіне қол салып қайтыс болды. Бұл азамат әскери бөлімде небәрі 10 күн қызмет еткен. Осы он күн ішінде оның осындай жағдайға баруына не себеп болды деп ойлайсыз?», – деп сұрады журналист.

Қорғаныс министрлігінің өкілі әскерилерге қатысты келеңсіз жағдайлардың барлығын «әскер қатарында болған оқиға» деп қарастыруға келмейтінін атап өтті. Өйткені әскерилер қызметтен...

Әскерде жүріп бас-миы жарақаттанған сарбаз Ербаян Мұхтар емделу үшін  Германияға арнайы санавиациямен жеткізілетін болды. Бұл туралы сарбаздың қорғаушысы Инга Иманбай хабарлады.

Қорғаушының айтуынша, Ербаянның ата-анасы Германияға емге жіберуге алдын ала дайындық жасау үшін сарбазды 23 қыркүйектен бастап Астанадағы нейрохирургия орталығына жатқызуға келіскен. Олар балаларымен бір палатада қалуға рұқсат алған.

«Дәрігерлер үй жағдайында ұзақ жолға дайындау мүмкін емес екенін айтады. Денсаулық сақтау министрі Ақмарал Әлназарованың өзі емін жеке бақылауына алып, қауіпсіздігіне кепілдік берді. Министрдің өзі уәде беріп тұрғанда Ербаянға ешкім ол жерде қиянат жасауға батпайды деп үміттенеміз», – деді қорғаушы. 

Инга Иманбай Ербаянның қазіргі жағдайы бірқалыпты екенін, емін жалғастыру үшін Германияға баруға алдын ала...

Apple 2024 жылғы қыркүйектің 9-ы күні iPhone 16 гаджеттерінің жаңа нұсқасын таныстырды. Оның басты ерекшелігі Apple Intelligence жүйесі, яғни жасанды интеллект функциясы еді. Алайда әлемнің 60-тан аса елінде сатылымға шығарылған смартфондардың алғашқы партиясында бұл функция орнатылмағаны анықталды.

«Apple Intelligence жүйесі тек қазан айында дайын болады», – деп хабарлады Bloomberg агенттігі.

Bloomberg сарапшысы Марк Гурман өзінің соңғы ақпараттық шолуында Apple Intelligence мүмкіндіктерін іске қосу үшін бағдарламалық жасақтаманы жаңарту қажет ететінін айтады.

Сонымен қатар компания жыл соңында жаңа мүмкіндіктерді іске қосу үшін қосымша жаңартуларды әзірлейді.

2024 жылғы 20 қыркүйек Apple 60-қа жуық елде, соның ішінде АҚШ...

Қазақстан мен испандық «Атлетико Мадрид» футбол клубы Алматы облысының Талғар ауданында футбол мектебін құру туралы келісімге қол қойды деп хабарлайды испандық EFEcomunica басылымы.

Он жылға арналған келісімге «Атлетиконың» бас директоры Мигель Анхель Хил Марин, сондай-ақ қазақстандық тараптан Шалқар Нұртлеов (Doscar Group) пен Фаррух Охонов (Sport Asset Management) қол қойды. Құжатқа қол қою рәсімі Испаниядағы Қазақстан елшісі Данат Мусаевтың қатысуымен өтті.

Испандық EFE Comunica басылымының мәліметі бойынша, жаңа футбол мектебінің инфрақұрылымы Мадридтегі «Атлетико» академиясына ұқсас болады. Онда табиғи шөпті стадион, бес жасанды алаң және мыңнан астам балаға арналған жаттығу нысандары салынады. Қазақстандағы мектептің ашылуы 2025 жылдың желтоқсанына жоспарланып отыр.

Еске...

PR Forum Astana атты форумда Мәдениет және ақпарат вице-министрі Қанат Ысқақов елімізде АЭС-ке қарсыларға ешқандай кедергі жоқ екенін айтты.

«Біз, Өзбекстан және басқа елдер АЭС құрылысын инвестициялық жоба ретінде ғана жүзеге асырып жатыр. Сіздер оны байқамадыңыздар ма? АЭС-ке қарсы тақырып тек қана әлеуметтік желіде ғана қозғалады деген пікірмен келіспеймін. Бізде көп интернет ресурстар, БАҚ-тар мен газеттер бар. Олар АЭС-ке қарсыларға алаңқай беріп отыр. Олардың дені – экологтар. Ал кейбір АЭС-ке қарсылардың бұған саяси реңк беруі – басқа мәселе», – деді министр.  

Оның пікірінше, референдум алдында мемлекет үшін қарсы тарап пен жақтаушылар болып елдің екіге...

Мейрамхана, дәмхана және басқа да қоғамдық демалыс орындарында депозиттерге тыйым салынады. Бұл туралы Сауда және интеграция министрі Арман Шаққалиев «Атамекен» Ұлттық кәсіпкерлер палатасының өкілдерімен кездесуде айтты.

Министрдің айтуынша, депозит алу бұрыннан заңсыз. Сондай-ақ Азаматтық кодекске сәйкес, мейрамханаға келушілер үшін кіру тегін болуы керек.

«Келушілерге қызмет көрсеткені үшін заңсыз ақы алуды болдырмау мақсатында Ішкі сауда ережесіне өзгерістер енгізілді. Енді мейрамханалар қызмет көрсету ақысын тек мәзірде көрсетілген жағдайда ғана ала алады. Сондай-ақ «депозиттік жүйеге» тыйым салатын ережелер де енгізілді. Мейрамханаға келетін меймандар үшін кіру тегін болуы керек. Алайда қосымша қызметтерге, мысалы, VIP-кабина, караоке-кабина үшін ақы алуға...

Алматы қаласындағы екі мектеп оқушысы суицид жасаған соң, Оқу-ағарту министрлігі ата-аналарға арнап баланың интернеттегі қауіпсіздігіне қатысты нұсқаулық шығарды.

Министрлік ата-аналарға баланы онлайн кеңістікте қорғау маңызды екенін ескертеді. Осы орайда баланың интернетті, қосымшалар мен контентті пайдалануын мұқият қадағалап, бақылауға арналған құралдар мен бағдарламаларды пайдалануды ұсынған.

Сол себепті ата-аналарға жағымсыз сайттар мен қосымшаларды бұғаттау, кілт сөздермен іздеу тапсырмаларын сүзгіден өткізу, интернетте уақытты шектеу, баланың онлайн белсенділігін бақылау, әлеуметтік желілер мен хат алмасуларын бақылау, спам және вирус хабарламаларына, алаяқтық әрекеттерден қорғау ұсынылған.

Министрлік 0-5 жас аралығындағы баланы қорғау үшін үйдегі барлық құрылғыға ата-ана бақылауын орнатуды ұсынады. Ол үшін келесі қадамдарды...

YouTube платформасы оқырмандары аз авторларды қолдау мақсатында «Хайп» атты жаңа функцияны таныстырды. «Хайп» функциясы арқылы оқырманы 500 мыңнан аз авторлар өз аудиториясын көбейте алады.

YouTube-тің жаңа «Хайп» функциясы қалай жұмыс істейді?

Hype батырмасы жаңа жарияланған бейнеге лайк басқаннан кейін ғана пайда болады, ал бейне неғұрлым көп «хайп» жинаса, сол бейне топ-100 апталық ең хайпты видеолар қатарына көтеріледі. Бұл функция оқырмандары аз авторлар үшін жаңа бейнелерін кеңінен танымал етуге көмектеседі.

Сонымен қатар пайдаланушылар аптасына үш рет қана «хайп» жасай алады. Апта соңында олар өздері «хайптаған» видеолардың нәтижелерін көре алады. Авторлар «хайп» арқасында қосымша ақша таба алады...

Қазақстандағы коммерциялық банктердің активтері қыркүйек айының басында жылдық мәнде 24,8%-ға өсіп, 57,8 трлн теңгеге жетті. Айлық есепте көрсеткіш 1,8%-ға өсті. Бұл туралы Ұлттық банк хабарлады.

Активтердің көлемі бойынша Halyk Bank – 16,6 трлн теңге, Kaspi Bank – 7,4 трлн теңге, «ЦентрКредит Банк» – 5,9 трлн теңгемен алдыңғы қатарда.

Бұл ретте қаржы ұйымдарының міндеттемелері 22,7%-ға өсіп, 49,8 трлн теңгеге жетті. Айлық көрсеткіш 1,6%-ға артты.

Банктердің капиталы 8 трлн теңгеге немесе 3,5%-ға артты. Бір жылда көрсеткіш 31,3% динамика көрсетті. Банктердің міндеттемелері бір айда 1,8%-ға немесе 57,8 трлн теңгеге, ал өткен жылдың сәйкес кезеңімен салыстырғанда 23,8%-ға өсті.

Қыркүйек айының басында банктердің айлы...