Жаңалықтар

«ҚазМұнайГаз» ұлттық компаниясы мен вьетнамдық Sovico Group арасында арнайы топ құрылмақ. Бұл туралы ҚМГ басқарма төрағасы Асхат Хасенов вьетнамдық Sovico Group компаниясының басқарма төрағасы Нгуен Тхань Хунгпен кездесуі барысында келісілді. Ақпаратты Ұлттық компанияның баспасөз қызметі таратты.

Еске саламыз, SOVICO Group Qazaq Air әуекомпаниясын сатып алуға ниетті. Аталған кездесуде осы жағдай ескеріліп, вьетнамдық компаниямен тұрақты авиациялық отын өндіру мәселесі қарастырылған. Сонымен қатар жиында карбонды кредит жобаларына қатысты ынтымақтастыққа ерекше назар аударылыпты. Сондықтан екі компания арасында топ құру көзделіп отыр.

Еске саламыз, «Самұрық-Қазына» қоры конкурстық рәсімдерді айналып өтіп, Qazaq Air әуекомпаниясын SOVICO Group-қа сату туралы шешім қабылдағанын жазған...

Қатарлық инвестор Хиуаз Доспанова атындағы Атырау жаңа аэровокзал кешенін 2026 жылы қолданысқа береді. Бұл туралы Көлік министрі Марат Қарабаевтың Атырау облысына жұмыс сапары барысында белгілі болды деп хабарлады Азаматтық авиация комитеті.

Ақпаратқа сәйкес, қатарлық QazAir Investments LLC компаниясы Атырау әуежайындағы жолаушылар терминалының құрылысын 2025 жылдың басында бастайды. Инвестор айлақ аумағындағы инфрақұрылымды толық жаңғырту мен кеңейтуді, сондай-ақ қазіргі әуежай ғимаратын жаңартуды көздеп отыр.

Азаматтық авиация комитетінің дерегінше, бұл жобаға шамамен 50 млн доллар инвестиция тартуды жоспарлап отыр.

Жалпы аумағы 16 500 шаршы метрді құрайтын аэровокзал 3 жаңа телескопиялық траппен жабдықталатын болады.

«Ғимараттың негізгі келбет...

Қырғызстан «Қамбар-Ата ГЭС-1» электр станциясы құрылысының техникалық-экономикалық негіздемесін жаңарту үшін Дүниежүзілік банктен 13,6 млн доллар алады. Бұл туралы Қырғыз Республикасы Қаржы министрлігінің баспасөз қызметі хабарлады.

«Қамбар-Ата ГЭС-1 жобасын 13,6 миллион долларға қаржыландыру үшін несиелік және гранттық келісімдерге қол қою рәсімі өтті. Оның ішінде 2,6 млн доллары – грант, 11 млн доллары – несие», – деп жазылған хабарламада.

Халықаралық даму қауымдастығы (Дүниежүзілік банк) бөлген қаражат су электр стансасын салу үшін қажетті физикалық модельдеу, жерді зерттеу және қажетті зертханалық сынақтарды іске асыруға бағытталады.

Еске сала кетсек, 2024 жылғы маусым айында Қырғызстан, Қазақстан және Өзбекстан...

Қаржы министрлігінің есебіне сәйкес, тамыз айында Ұлттық қорда жиналған ақша айтарлықтай көбейген. Шілде айының соңында қорда жалпы көлемі 29,7 трлн теңге жатса, бір айда қордағы қаражат 7,2% өсіп, 31,8 трлн теңгеге жеткен.

Өткен айда Ұлттық қорға 2,57 триллион теңге түскен. Соның ішінде мұнай компанияларынан түскен салық түсімдері 486 млрд теңгені құраған. Қорға түскен қаржының негізгі бөлігі қорды басқарудан түскен инвестициялық кіріс: жарты жылда 2,53 трлн теңге инвесттабыс түскен. Соның нәтижесінде Ұлттық қорға жыл басынан түскен қаржы 5,4 трлн теңгені құрады.

Тамыз айында Ұлттық қордан 451 млрд теңге жұмсалған. Оның басым бөлігі – республикалық бюджетке бөлінген(450 млрд теңге...

2024 жылдың бірінші жартыжылдығының қорытындысы бойынша Қазақстанның ЖІӨ өсімі төмен қалыптасып, 3,2%-ды құрады. Бұл туралы Ұлттық банктің 2024 жылдың тамыз айы бойынша ақша-кредит саясаты туралы баяндамасында жазылған.

Ел экономикасының өсу қарқыны неліктен бәсеңдеді?

Есепке сүйенсек, экономиканың өсу қарқыны бәсеңдеуі тау-кен өнеркәсібінің дамуының қысқару мен көрсетілетін қызметтер секторындағы өсудің неғұрлым төмен қарқынының нәтижесі.

«Болжамдар бойынша ЖІӨ-нің өсуі 2024 жылы – 3,5-4,5%, 2025 жылы – 5,0-6,0%, 2026 жылы – 4,9-5,9% құрайды», – деп жазылған баяндамада.

Сондай-ақ есепте экономиканың өсіміне қатысты болжам бар. Ол 2025-2026 жылдары тиісінше 5,0-6,0%-ды және 4,9-5,9%-ды құрайды.

9 қыркүйекте Moody’s халықаралық рейтингтік агенттігі Қазақстан Республикасының ұзақмерзімді рейтингін Baa2-ден Baa1-ге дейін көтерді, болжам «Тұрақты». Берілген рейтинг – ел тәуелсіздігі жылдарындағы ең жоғарғы көрсеткіш.

Қазақстанның кредиттік рейтингінің жоғарылауы экономиканы әртараптандырудың тұрақты қарқынымен бірге институционалдық және саяси ортаның үздіксіз жақсаруымен байланысты. Бұл факторлар экономикалық тұрақтылықты нығайтуға және кредиттік тұрақтылықты жоғары рейтингі бар елдер деңгейіне дейін жақсартуға ықпал етеді.

Агенттік мемлекеттік басқару және сыбайлас жемқорлыққа қарсы күрес саласындағы прогресті атап өтті. Сарапшылардың пікірінше, жүргізіліп жатқан реформалар саяси тұрақтылыққа, азаматтық белсенділікке және қабылданып жатқан сыбайлас жемқорлыққа қарсы шаралардың ашықтығына оң әсерін тиігізеді.

Moody’s қарыздың төмен деңгейімен және оны төлеудің жоғары мүмкіндігімен сипатталатын...

Тамыз айындағы жағдай бойынша, екінші деңгейлі банктердің (ЕДБ) саны – 21.  ЕДБ активінің жиынтығы – 56,8 трлн теңге, ал несие портфелі 32,5 трлн теңге деңгейінде қалыптасты. Егер жыл басынан салыстыратын болсақ, банктердің несие портфеліндегі  90 күннен астам төлем мерзімі өткен берешектің үлесі артып келеді. Тамыз айында (NPL 90+) үлесі 3,14% дейін, ал сандық мәндегі көлемі 1 трлн теңгеге дейін  өскен.

Банктердің активі жыл басынан бері 10,4%-ға өсті

Ұлттық банк жариялаған тамыз айының есебіне назар аударсақ, екінші деңгейлі банктердің тамыз айындағы жағдай бойынша жиынтық актив көлемі 56,8 трлн теңгеге жеткен. Жыл басынан бері активтер көлемі 5,3 трлн теңгеге немесе...

TSARKA Group Орталық Азиядағы киберқауіпсіздік бойынша ең ауқымды конференция KazHackStan қарсаңында екінші деңгейлі банктердің мобильді қосымшаларының қауіпсіздігіне талдау нәтижелерін жариялайды.

Зерттеу аясында TSARKA сарапшылары мобильді қосымшаларды тестілеу, талдау әдістерін, автоматтандырылған сканерлеу құралдарын (MobSf, apkhunt және nuclei) пайдаланды. Бұл құралдар қауіпті бағдарламаларды талдауға және мобильді қосымшалардың (Android/iOS/Windows платформалары үшін) қауіпсіздігін бағалауға арналған автоматтандырылған, жан-жақты платформаның бөлігі.

Зерттеу барысында Қазақстандағы 11 жетекші екінші деңгейлі банктің қосымшалары талданды. Оның 4 санат бойынша 20 тұсы зерттелді.

«Бұл мобильді қосымшалардың кей тұстарын дереу түзету өте маңызды деп атап өтуге болады», – деп жазылған зерттеуде.

Мысалы, зерттелген қолданбаларды...

Биткоинге ақша салатын АҚШ-тың биржалық инвестициялық қорлары 1,2 млрд доллар жоғалтты. Инвесторлар сегіз күн қатарынан биткоинге салған қаражатын шығарып алып жатыр. Әлемдік қор нарықтарындағы дабыл цифрлық активтерді де айналып өтпеді деп түсіндірді сарапшылар.

Толығырақ

Споттық ETF биткоиндары АҚШ-тағы сауда-саттық аясында жыл басынан бері күнделікті таза жылыстаудың ең ұзақ кезеңін бастан өткерді. Bloomberg мәліметтері бойынша, инвесторлар 28 тамыздан 6 қыркүйекке дейінгі сегіз күн ішінде 12 ETF-тен шамамен 1,2 млрд долларды шығарып алған. Қорларды капиталдандырудың төмендеуі экономикалық өсімге деген алаңдаушылыққа байланысты орын алып отыр. Бұл акциялар мен тауарлар үшін қиын кезең саналады. ETF биткоиндарынан қаражатты шығарып алу әлемдік нарықтар үшін...

«Отбасы банк» Жетісу облыстық филиалы Жетісу облыстық әкімдігінің қолдауымен ауылды жерлерге арналған «Жерұйық» тұрғын үй бағдарламасы басталғанын жариялады.

«Отбасы банкінің» мәліметінше, бағдарламаға қатысуға өтінімдер 10 қыркүйектен бастап 10 қазанға дейін жалғасады. Бағдарлама бойынша бастапқы жарна 10%, пайыздық мөлшерлемесі 5% ЖТСМ 5,2% дан 5,7% ге дейін.

Бағдарламаға кімдер қатыса алады?

Жетісу облысының аудандары мен ауылдық округтерінің тұрғындары: аудан, қала әкімдіктеріне қарасты мемлекеттік органдар мен кәсіпорындарда жұмыс істеп жүрген педагогтер, денсаулық сақтау ұйымдарындағы медицина қызметкерлері, мемлекеттік қызметшілер мен құқық қорғау органдарының қызметкерлері, халықтың әлеуметтік осал топтары және ауыл шаруашылығы саласының қызметкерлері.

Сонымен қатар міндетті зейнетақы жарналарымен расталған соңғы...

Интернет-алаяқтар Ғылым және жоғары білім министрі Саясат Нұрбектің атынан ақша жымқыруға ұмтылып жатыр. Аватарына оның суретін қойып, жұртқа хабарласуға көшкен. Бұл туралы Ғылым және жоғары білім министрлігіне қарасты Gylym.news тобы ескерту жасады.

«Әріптестер, қазіргі уақытта алаяқтар адамдарды алдау үшін мессенджерлер арқылы белсенді әрекет етуде. Олар министрдің және министрліктің басқа да қызметкерлерінің атынан хабарламалар жіберуде. Егер сіз күмәнді нөмірлерден хабарлама алсаңыз, олардың алаяқтар екенін біліңіз – оларға жауап бермеңіз және нөмірлерді бұғаттаңыз. Сақ болыңыздар және мұндай айла-шарғыларға алданбаңыздар», – делінген хабарламада.

Интернет алаяқтардың белсенді әрекетке көшкенін Цифрлық даму, инновациялар және аэроғарыш өнеркәсібі министрлігі де растап отыр...

Тамыз айында Қазақстанда жаңа тұрғын үй бағасы 0,3%-ға қымбаттаған. Ал бір жылда баға 2,7% өскен. Ел бойынша жаңа үйдегі 1 шаршы метрдің орташа құны – 490 мың теңге. Ұлттық статистика бюросының мәлметінше, тұрғын үй нарығында баға тұрақталып келеді.

Қазақстанда қайталама нарықта 1 шаршы метрдің бағасы жаңа үйлермен салыстырғанда қымбат: 510 мың теңге. Бір айда баға 0,2%-ға арзандағанымен, 2023 жылдың тамыз айымен салыстырғанда 5,9%-ға өскен. Жаңа үйлердің бағасы сәл арзан болғанымен, қазір жаңа құрылыстардың басым бөлігі қара сылақпен сатылады. Сатып алушылар жөндеу жұмыстарын жүргізуі керек.

Пәтер жалдау бір айда 1,4%, ал былтырғы тамызбен салыстырғанда 4,2% өсіп, 1 шаршы...

Төтенше жағдайлар министрлігі тұрғын үйді міндетті сақтандыру талабын енгізбекші. Бұл жөнінде министрлікте өткен баспасөз брифингінде ТЖМ Өртке қарсы қызмет комитеті төрағасының орынбасары Ерлан Төрегелдиев айтты.

Министрлік өкілінің айтуынша, өрттен зардап шеккен адамдарға өтемақы қайтару мәселесі қамтылмаған. Соның шешімі ретінде тұрғын үйлерді төтенше жағдайлардан міндетті сақтандыру тетігі ұсынылып отыр.

Тиісті заң жобасы Мәжілістің қарауына жіберілген. Егер депутаттар бұл жобаны мақұлдаса, министрлік бірінші кезекте ірі сауда нысандарын сақтандыруды көздеп отыр. Ал екінші кезеңде бұл норма барлық қазақстандыққа да міндеттелмек,

«Бүгінде өрт кезінде үшінші тұлғаларға жарақат алғанда немесе қаза тапқандардың отбасына келтірілген зиянды өтеу тетігі жо...

2 қыркүйекте Қырғызстаннан «Ақ Жол» бекеті арқылы Қазақстанға өтіп кетпек болған Дженго деген лақап атымен танымал қылмыс әлемінің серкесі Қадыр Досонов ұсталды. Бұл туралы Қырғызстанның Ұлттық қауіпсіздік мемлекеттік комитетінің баспасөз қызметі хабарлаған.

ҰҚМК хабарлауынша, 2023 жылдың қараша айында Жалал-Абад облысында ұйымдасқан қылмыстық топтармен күрес аясында қылмыстық құрылымдарды анықтау шаралары кең көлемде жүргізілген. Оның үйінен обрез бен оқтар табылған. Бірақ өзі құқық қорғау органдарынан бой тасалап үлгерген болатын.

Қырғыз БАҚ-тарының мәліметінше, Қадырбек Досонов Коля Қырғызбен (Қамшы Көлбаев) тығыз қарым-қатынаста болған. Дженго былтыр қаңтар айында Ош қаласындағы қылмыстық жанжал кезінде ұсталған.

Арнайы операция кезінде Көлбаевтың көз...

К.Аян есімді азамат жастарды әскерге міндеттеп әкетуге қарсы шығып, Қазақстанда міндетті әскери қызметтің күшін жою туралы петиция жариялады.

Петиция авторының айтуынша, әскерде көбейген жазатайым жағдайлар әлсіз жүйенің салдары. Өз петициясында автор әскерге міндеттеп әкетуді жоюға түрткі болатын себептерді жазған.

«Біріншіден. Әлімжеттік мен қарарға жатпайтын әрекеттер. Қазақстан әскеріндегі қайғылы оқиғалардың бірден бір себебі – қарарда жоқ әлімжеттік мәселесі. Тиісті психологиялық дайындықтан өтпеген жас сарбаздар үлкен әскерлердің қысымы мен зорлығына тап болады. Мұның салдарынан сарбаздың психологиясы бүлініп, тіпті, суицид жасауға бел буады», – деп жазған петиция авторы.

Сонымен қатар петиция авторы міндетті әскерді алып тастап, кәсіби...

Ұлттық банк 2023 жылғы Қазақстан экономикасындағы өзгерістерге талдау жасап, банк секторы мен микроқаржы ұйымдарының тәуекелдеріне бағалау жүргізді.

Есепке сүйенсек, 2023 жылы Қазақстан Республикасындағы қаржылық тұрақтылыққа әсер ететін тәуекел факторлары қалыпты деңгейде болды. Көрсеткіш жыл соңына қарай тұрақты деңгейге дейін төмендеген.

«Қаржы жүйесіндегі теңгерімсіздік кредиттеу қарқынының төмендеуі және жылжымайтын мүлік нарығындағы бағаның баяулауы аясында жыл бойына төмендеді», – деп жазылған талдауда.

Былтырғы көрсеткіштер

2023 жылы Қазақстанда инфляцияның 9,8%-ға дейін төмендеуімен қатар, экономиканың 5,1%-ға айтарлықтай өсуі байқалған. Бұл ретте Ұлттық банк теңге бағамының құбылмалылығына сыртқы факторлардың әсері шектеулі болды деп есептейді.

Sharp 17-18 қыркүйекте Токио халықаралық форумы аясында өтетін SHARP Tech-Day’24 Innovation Showcase көрмесіне LDK+ электр көлігінің тұжырымдамалық үлгісін таныстырмақ.

Sharp компаниясының алғашқы автокөлік концепциясы басқа екі технологиялық компаниямен бірлесіп әзірленді.

Бұл ретте LDK+ – тұрақта тұрған уақытта автокөліктің ішкі бөлігі «кеңейтілген қонақ бөлме» ретінде ұлғайтылатын электрокар. Өндірушілер CE-LLM *4 және AIoT жасанды интеллект технологияларын, әртүрлі сенсорларды электрлі үйді, дәлірек айтсақ, электрлі көлік-қонақ бөлмесін жасау үшін пайдаланған.

Бұл тұжырымдамалық модельде артқы орындықтар артқа бұрылады. Есіктер жабылған кезде, жеке кеңістік жасау үшін бүйірлік терезелердегі СКД жалюзи жабылады. Жасанды интеллект көліктегі температураны бақылайды және көліктің артқы жағындағы дисплей экранының жарығын реттейді.

Бұл...

ҚР Өнеркәсіп және құрылыс министрі Қанат Шарлапаев утильалымға қарсы петиция жарияланған кезде, бұл алым түрінің автоөндірушілер үшін қажет екенін, қазіргі таңда өндірісте оң өзгерістер бар екенін айтқан болатын. Министр отандық өндірушілердің автомобиль креслолары мен шиналар шығарып жатқанын жеткізді. Кейін утильалымға қарсылық білдірген көпшілік Шарлапаев айтқан шиналарды базар мен дүкендерден таппағанын айтты. Осыған орай «Курсив» бұл отандық өнімдерді қандай зауыт және қанша көлемде шығарып жатқанын білу үшін министрлікке сауал жолдаған болатын.

Автокреслолар қайда шығарылады?

Министрліктің хабарлауынша, автомобиль креслоларының өндірісі 2024 жылдың 4-тоқсанында Алматы қаласындағы зауытта басталады. Яғни әлі өндіріс іске қосылмаған.

Бұл зауыт жылына 100 мың автокресло шығаратын болады...

V Дүниежүзілік көшпенділер ойындарының алғашқы жарыс күнінде жамбы ату спортының мажар стилінен жеңімпаздар белгілі болды деп хабарлайды Ұлттық және ат спорты түрлері орталығының баспасөз қызметі.

Ат спорты түрлері орталығының мәліметінше, жамбы ату сайысына 27 мемлекеттен 78 спортшы қатысты. Спортшылар 11 топқа бөлініп, өз араларынан ең мықтыны анықтады. Жарыс нәтижесі бойынша Франция құрамасының спортшысы Рафаэль Малет Көшпенділер ойындарының алғашқы алтын медаліне ие болды. Күміс жүлдені моңғолиялық спортшы Алтануягу Нэргүй иеленді. Ал қола медальді Франция елінен Гаэтан Бло алды.

Қазақстан ұлттық құрамасының мүшесі Абзал Тұлыбеков болса үздік бестікке кірді.

Айта кетейік, Қазақстан құрамасы сапында Айтбек Сарыбай, Ералхан Айкөз, Батыр...

KEGOC Қазақстанның батыс аймағындағы электр желісін бірыңғай электр жүйесімен біріктіреді. Бұл туралы компанияның баспасөз қызметі хабарлады.

Директорлар кеңесі «Батыс Қазақстанның энергия жүйесін Қазақстан БЭЖ-імен біріктіру. Электр желілік объектілерді салу» жобасы бойынша EPC-келісімшартты мақұлдаған.

«Батыс аймақты Қазақстан БЭЖ-нің негізгі бөлігімен республика аумағы бойынша біріктіру елдің батыс облыстарының энергия қауіпсіздігін қамтамасыз етеді, сонымен қатар энергия жүйесінің Солтүстік және Оңтүстік аймақтарының электр энергиясы мен қуатының теңгерімсіздігін өтеу үшін батыс аймақтың маневрлік генерациясын пайдалануға мүмкіндік береді», – делінген компания хабарламасында.

Соның нәтижесінде батыс аймақтың өткізу қуаты 500 МВт-қа дейін артады. Жоба шеңберінде ұзындығы 604,3 км...

Ішкі істер министрлігі Қарағанды облысының №31 түрмесінде тұтқындарды әскерилердің азаптауына қатысты ақпаратты жоққа шығарды. Бұл жайлы Қарағанды ​​және Ұлытау облыстары бойынша Қылмыстық іздестіру департаментінің баспасөз қызметі хабарлады.

«Мекемеге әскер кірді деген ақпарат шындыққа жанаспайды. Қазіргі уақытта мекемедегі жағдай тұрақты, колония қалыпты жұмыс істеуде», – делінген баспасөз хабарламасында.

Баспасөз қызметінің хабарлауынша, Қарағанды ​​облысы Қылмыстық іздестіру басқармасына қарасты Долинка ауылында және Ұлытау ауданында орналасқан №31 мекемеде жоспарлы іздестіру шаралары жүргізілген. Мұндай тінту шаралары қоғамдық бақылау комиссиясы, прокуратура және әскери прокуратура өкілдерінің қатысуымен жүзеге асырылған.

Департамент жедел-іздестіру шаралары колониялардағы құқықтық тәртіпті нығайтуға, сондай-ақ сотталғандардан тыйым салынған...

2024 жылғы қыркүйектің 9-ы, яғни бүгін түнде АҚШ-та Apple компаниясы гаджеттерінің жаңа нұсқасын таныстырады. Оның ішінде iPhone 16 смартфоны бар.

Корпорация алғаш рет дәстүрлі шараны дүйсенбіде өткізгелі отыр

Айта кету керек, таныстырылым күнін таңдаудың өзі жаңалық болды. Себебі сарапшылардың барлығы жиын қыркүйектің 10-ы өтетініне сенімді еді. Өйткені Apple таныстырылымды ешқашан дүйсенбіде өткізбеген. Дегенмен гаджеттер саясатқа қарағанда маңызды емес болып шықты. АҚШ президенттігіне кандидаттардың пікірсайысы 10 қыркүйекке жоспарланған. Apple саяси жиынға кедергі жасамау туралы шешім қабылдады.

Өндіруші биыл қандай жаңалық ұсынады?

Биыл да көптеген жаңалық бар. Біріншіден, компания смартфондардың жаңа желісін – iPhone және оның Plus, Pro және...

Қазақстанның экс-президенті Нұрсұлтан Назарбаевтың қыздары Дариға Назарбаева мен Динара Құлыбаева Қазақстандағы ең ықпалды 25 әйелдің қатарына енген жоқ. Рейтингті алғаш рет Forbes Woman Kazakhstan ұсынған.

Жалпы тізімге ұзын-ырғасы 110 адам еніп, соның ішінде 42-сі іріктеліп алынған. Қысқа тізімге енгендерді сарапшылар бағалап, олардың арасынан ең ықпалды 25 әйелдің тізімі жасалған.

«Бұл рейтингтің көш басында Үміт Шаяхметованың (Halyk bank басшысы) тұрғаны ешкімді таңғалдыра қоймас», – деп жазады Forbes Woman Kazakhstan журналының бас директоры Зульфия Хайбуллина.

Рейтинг те қаржы секторынан Шаяхметовадан бөлек, ҚР Қаржы нарығын реттеу және дамыту агенттігінің төрайымы Мәдина Әбілқасымова (2-орын), «Отбасы банкінің» басшысы Ләззат...

Мемлекет басшысы Қасым-Жомарт Тоқаевтың төрағалығымен Қазақстанның Қауіпсіздік кеңесінің кезекті отырысы өтті. Бұл туралы Ақорданың баспасөз қызметі хабарлады.

Отырыс барысында Премьер-министрдің орынбасары – Ұлттық экономика министрі Нұрлан Байназаровтың, Қорғаныс Министрі Руслан Жақсылықовтың, Өнеркәсіп және құрылыс министрі Қанат Шарлапаевтың еліміздің қорғаныс қабілетін бекіту шараларын жүзеге асыру мәселесі бойынша баяндамалары тыңдалды.

Қауіпсіздік кеңесі мемлекеттің әскери қуатын арттыру, әскерді заманауи қару-жарақпен және әскери техникамен жабдықтау бойынша шешімдер қабылданды. Отандық қорғаныс кешендері мекемелері өндірген техникаларға да баса мән берілді.

Отырыс соңында Президент – Қауіпсіздік кеңесінің төрағасы Қасым-Жомарт Тоқаев Үкіметке және мүдделі мемлекеттік органдарға мемлекеттің әскери ұйымдарын жетілдіру жөнінде бірқатар тапсырма берді.