Жаңалықтар

АҚШ-тың Қаржы министрлігі «Россия сегодня» және оның еншілес компаниялары— «РИА Новости», RT, Ruptly және Sputnik атты бірқатар бұқаралық құралдарына санкция салды. Вашингтонның пікірінше, бұл ресейлік медиақұрылымдар АҚШ-тағы президент сайлауына ықпал етуге, сайлау кезінде дауыс берушілердің сеніміне селкеу түсіруге ұмтылып жатыр.

Құжатта осы ақпарат құралдары арқылы Ресей бүкіл әлемде, соның ішінде Молдовадағы ахуалға ықпал етуге, Украинадағы жағдайды ушықтыруға күш салып жатыр.

Санкциялық шектеуге RT бас редакторы Маргарита Симоньян, оның орынбасарлары Елизавета Бродская, Андрей Кияшко мен Антон Анисимов және RT сандық жобалар менеджері Константин Калашников, медиажобалар бөлімінің қызметкері Елена Афанасьева да іліккен.

АҚШ әділет министрлігінің мәлімдеуінше, Калашников пен Афанасьеваға қаржы жылыстату және...

Қазақстан Үкіметі дүниежүзілік көшпенділер ойындарын өткізуге бюджеттен қанша қаржы жұмсағалы отыр? Бұл сұраққа Көшпенділер ойындарын дайындау және өткізу жөніндегі дирекция басшысының орынбасары Абылай Қондыбаев жауап берді.

Халықаралық дүбірлі доданы өткізуге жауаптылардың бірі Абылай Қондыбаевтың мәлімдеуінше, көшпенділер ойындарына бюджеттен 5,7 млрд теңге бөлінген.

«Шығынның негізгі бөлігі қатысушылардың жатын орны мен тамақтануына жұмсалады. 2 430 қатысушы келетінін еске сала кетейін. Біз 5-ші көшпенділер ойынын өткізгелі жатырмыз. Қалыптасқан дәстүр бар. Ұлттық спорт түрлерінен Қазақстан құрамасы Түркиядан өткен 4-ші Дүниежүзілік көшпенділер ойындарына да қатысқан. Ол жерде қабылдаушы тарап қатысушылардың барлық шығынын өз мойнына алады. Біз әрбір қатысушының жатын орны мен тамақтануына...

Украина мен Ресей арасында шиеленіс күшеюі мүмкін. Осыған орай Қазақстанның Украиндағы елшісі Украинада жүрген қазақстандықтарға ел аумағынан кетуді ұсынды. Бұл жайлы елшіліктің баспасөз қызметі хабарлады.

«Шиеленістің күшеюіне байланысты және қауіпсіздік мақсатында Қазақстан Республикасының Украинадағы Елшілігі Қазақстан азаматтарына Украина аумағынан кету мүмкіндігін қарастыруды ұсынады»,- делінген хабарламада.

Елшілік Қазақстан азаматтарына ел аумағынан шығу бағыттарын ұсынған.

Украинадан Қазақстанға жету үшін азаматтар жерүсті бағыттары бойынша Польша немесе Молдова еліне жетіп алуы керек. Бұл елдерге жеткен соң, Қазақстан бағытында ұшатын коммерциялық әуе компанияларының қызметін пайдалана алады.

Польша арқылы кеткен жағдайда Қазақстан азаматтарына Шенген визасы қажет болады. Ал...

Қытай Халық Республикасы Африка елдерін жаңғырту жобасына 50 млрд доллар бөледі. Бұл туралы Си Цзиньпин бейсенбі, 5 қыркүйек күні Қытай-Африка ынтымақтастығы форумында мәлімдеді деп хабарлады Bloomberg.

«Алдағы үш жылға Қытай осы 10 тармақтан тұратын іс-қимыл жоспарын әзірледі. Оған ҚХР 50,6 млрд доллар қаржы бөлуге ниетті. Оның ішінде 29,5 млрд доллар несие түрінде беріледі. Ал 11,2 млрд доллар көмек ретінде бөлінбек. Билік сонымен қатар қытайлық компанияларды Африкаға 9,8 млрд доллар инвестициялауға көндіреді», – деп хабарлады агенттік.

Си Цзиньпин өз сөзінде Бейжің Африкамен бірге «Жаһандық оңтүстік» елдерін жаңғыртудың жаңа толқынын бастау үшін жұмыс істейтінін айтты...

Қазақстан астық экспорттаушы ел ретіндегі статусынан болашақта айырылып қалуы мүмкін. Оған себеп, соңғы жылдары Қазақстанның экспорттық бағыты азайып кеткен. Мәселен, соңғы 10 жылда Қазақстан 19 экспорттық бағытын жоғалтқан. Осы мәселеге қатысты Сенат депутаты Арман Өтеғұлов Үкіметке сауал жолдады.

Сенатордың айтуынша, 2023 жылы ауыл шаруашылығы өнімдерінің жалпы тауар айналымы – 11,3 млрд теңгені құраған. Бұл 2022 жылдың сәйкес кезеңімен салыстырғанда 2,6%-ға төмен. Сонымен бірге өткен жылы дәнді және бұршақты дақылдар 17,4 млн гектар жерге егілген. Алайда егіс алқабы көбейгенімен, өнім көлемі 4,9 млн тоннаға аз болған.

«Биыл көктемгі дала жұмыстарына бөлінген қаражат екі есе...

Ауыр жүк көліктерін тізгіндейтін жүргізушілерге талап тағы да күшейді. Елорданың 7 негізгі кіреберісінде жүк көліктерінің салмағын өлшейтін автоматтандырылған жүйе ресми түрде іске қосылды. Бұл қондырғылар ірі көліктердің салмағын 90% дәлдікпен өлшейді. Ал шамадан тыс ауыр жүкпен жолды бүлдіргендерге автоматты түрде ұялы телефондарына айыппұл көлемі көрсетілген хабарлама келеді.

Көлік министрлігінің мәлімдеуінше, бұл жүйе жүк көліктерінің салмағын бақылауға, өзге де көліктердің кедергісіз жүруіне қолайлы жағдайлар жасауға мүмкіндік береді.

«Жүк көліктерінің шамадан тыс салмағын жүйе автоматты түрде анықтайды, содан кейін ақпарат көлік дерекқорының ақпараттық-аналитикалық жүйесіне беріледі. Бұл Көлік комитетіне салмақ нормаларынан асып кетуге байланысты құқық бұзушылықтар туралы хабарламаларды...

Энергетика және коммуналдық секторды жаңғырту жөніндегі ұлттық жобаға 10 трлн теңге қажет. Бұл туралы Astana Finance Days барысында Өнеркәсіп және құрылыс вице-министрі Қуандық Қажкенов мәлім етті.

Оның айтуынша, жылумен қамту саласын жаңғырту үшін 1,5 тлн теңгеге жуық қаражат қажет. Бұл сома 1,9 шақырым жылу желілерін жөндеуге жұмсалады. Сондай-ақ 5,3 шақырымдық сумен жабдықтау желілерін жаңғыртуға 700 млрд теңге қажет. Ал 400 млрд теңгеге жуық қаражат қажет кәріз желілерін жаңғырту үшін керек.

«Жалпы ұлттық жобаға шамамен 10 трлн теңгеден астам қаражат қажет», – деді Өнеркәсіп және құрылыс вице-министрі.

Бұл ретте ол қаржы әртүрлі көздерден тартылатынын атап...

«Сібір күйдіргісіне» байланысты Алматы облысындағы Үлкен Ақсу ауылы карантинге жабылды. Бұл жайлы Ауыл шаруашылығы министрлігінің баспасөз қызметі хабарлады.

«5 қыркүйекте Республикалық ветеринариялық зертхана 2 бас ІҚМ сынамаларында сібір жарасының болуын растайтын бактериологиялық зерттеулердің нәтижелерін алды. Үлкен Ақсу ауылында тірі жануарлар мен мал шаруашылығы өнімдерін әкелуге және әкетуге тыйым салынды», – делінген баспасөз хабарламасында.

Министрліктің хабарлауынша, аумақтық ветеринариялық инспекция жергілікті атқарушы органдардың ветеринариялық дәрігерлерімен бірлесіп жануарларды аулалық тексеру, вакцинациялау және жануарлар иелерімен түсіндіру жұмыстарын жүргізеді.

Сонымен бірге елдімекенде дезинфекция жүргізу үшін министрліктің Республикалық эпизоотияға қарсы отряды жұмылдырылады. Жағдайды бақылау үшін ол жерге Ветеринариялы...

Футболдан Қазақстан құрамасының капитаны Асхат Тағыберген Ұлттар лигасы аясында Норвегияға қарсы өтетін ойынға құраманың дайындығы туралы баспасөз мәслихатында айтып берді.

Баспасөз мәслихаты барысында ол норвегиялық команда көшбасшылары Эрлинг Холланд пен Мартин Эдегор туралы пікір білдірді.

«Норвегиялық ойыншылардың тәжірибесі ешқандай қиындық тудырмайды деп ойлаймын. Біз өз ойын мәнерімізді көрсетеміз. Маған көптен бері хабарласпай кеткен адамдар хабарласып менен ойынға билет сұрап жатыр, мен оларға: Сендер ұлттық құраманы қолдауға келесіңдер ме, әлде Холландты көруге ме? деймін. Сондықтан, біз үшін жанкүйерлердің қолдауы маңызды » – деді Қазақстан құрамасының капитаны.

Сондай-ақ команда капитаны «Ұлттық құрама бұрын өз ойындарын Астанада...

2 млн қазақстандықтың жеке дерегін таратып жіберген «Робокэш» микроқаржы ұйымы жалғыз акционеріне 2022 жыл үшін 1,3 млрд теңге дивиденд төлейді. Бұл МҚҰ Қазақстан нарығында Zaimer.kz және TezCredit.kz атымен жылдам несие береді.

Компания акционерінің Сингапурда өткен жиналысында компанияның 2022 жылғы таза пайдасынан 1,3 млрд теңге дивиденд төлеу туралы шешім шығарылған. Қаржы шешім шығарылған күннен бір ай ішінде аударылмақ. Акционерге дивиденд сол күнгі бағам бойынша еуро немесе доллармен төленеді.

Микроқаржы ұйымының 2022 жылғы аудиттелген қаржы есебіне сүйенсек, 2 жыл бұрын МҚҰ-ның меншігіндегі актив көлемі – 18,5 млрд теңге, ал міндеттемелері 8 млрд теңге болған. Сол жылы 8,4 млрд теңге таза пайда...

«Қазақтүрікмұнай» ЖШС Ақтөбе облысы Байғанин ауданы Қаражар ауылының маңында мұнай барлау жұмысын бастамақ. Қаражарда 31,5 млн тонна мұнай және 3 241 млн шаршы метр газ табылады деп болжанып отыр. Бұл туралы Экопорталда жарияланды.  

Қаражар аумағында көмірсутегін іздеу жөніндегі барлау жұмыстарының жобасы бойынша, бір ұңғыма бұрғылау және сейсмобарлау жұмыстарын жүргізу қарастырылып отыр. Геологиялық жұмыстардың жалпы көлемі 5 жылға арналып отыр. Оған 13 065 476 552 теңге жұмсалмақ.

«Қазақтүрікмұнай» ЖШС-ның былтырғы қаржы есебінде 3, 669 мың теңге, ал 2022 жылы 7, 929 мың жиынтық табыс тапқаны көрсетілген.

Компанияның жалғыз қатысушысы – «ҚазМұнайГаз» ұлттық компаниясы» АҚ. Ал «Қазмұнайгаздың» өзі толықтай «Самұрық-Қазына...

Ресей президенті Владимир Путин Владивостоктағы Шығыс экономикалық комиссиясының пленарлық отырысында Павел Дуровқа қатысты пікір білдірді. Жиында ол Telegram негізін қалаушы Павел Дуровпен бір-ақ рет кездескенін айтты.

«Мен Дуров мырзамен бірнеше жыл бұрын бір-ақ рет кездескенмін. Ол кезде Дуровтың бизнесіне қатысты жоспары туралы сөйлестік. Мен жыл сайын бизнес өкілдерімен кездесу өткіземін», – деді Путин.

Путин Дуров қаласа Мәскеуде онымен кездесуге болатынын, ірі бизнес өкілдерімен үнемі кездесіп тұратынын атап өтті.

Сондай-ақ Ресей президенті Дуров Мәскеуде тұрады деп ойлаған. Алайда кәсіпкер Ресейден 2014 жылы көшіп кеткен.

Бұл ретте 2024 жылы Telegram негізін қалаушы Forbes нұсқасы бойынша ресейлік...

Қазақстандық шахматшы Меруерт Камалиденова Қарағанды ​​облысы әкімінің Кубогында жеңіске жетті, деп хабарлайды Қазақстан шахмат федерациясы.

Турнир ойындары 27 тамыз бен 4 қыркүйек аралығында өтті.

Федерацияның мәліметіне сүйінсек, Masters турниріне ерлер арасында Қазақстанның алдыңғы қатарлы ойыншылары мен Армения, Ресей, Үндістан, Швеция, Украина, Польша, Моңғолия және Испаниядан келген шетелдік гроссмейстерлерден құралған 10 шахматшы қатысты. Камалиденова ерлер арасында жалғыз әйел ойыншы ретінде ерекше нәтиже көрсетіп, 9 мүмкіндіктен 5,5 ұпай жинады. Соңғы турда ол Арыстанбек Уразаевпен кездесіп, ойын 72-ші жүрісте тең аяқталды. Бұл нәтиже Меруертке турнирде таза жеңіс әкеліп, екінші орынды иеленген гроссмейстер Денис Махнёв пен басқа да мықты қарсыластарынан басым түсуіне...

Түркістан облысы Шақпақ баба асуында Қазақстандағы алғашқы автожол тоннелінің құрылысы аяқталды.

«Тоннель осы айда халық игілігіне пайдалануға беріледі», – деп хабарлады Көлік министрлігі.

Бұған дейін министрлік Қазақстандағы ең ұзын автомобиль тоннелі шілде-тамыз айында пайдалануға беріледі деп хабарлаған. Алайда жоба тағы кешіктірілді.

Жалпы өткелдің құрылысы 2014 жылы басталған. Оның ұзындығы 840 метрді құрайды. Жерасты өткелі Шымкент пен Тараз арасын жалғайды. Ведомство тоннелді пайдалануға бермес бұрын арнайы оқу-жаттығу сабақтарын өткізді. Аталған оқу-жаттығуға тоннельге қызмет көрсетуге жауапты мамандар, Түркістан облысы ТЖД, полиция қызметкерлері (100 адам мен 15 бірлік арнайы техника) жұмылдырылды.

Оқу-жаттығу барысында...

Үкімет қантты Қазақстанға автокөлікпен әкелуге тыйым салу мәселесін қарастырып жатыр. Бұл тыйымның қант бағасына қалай әсер ететіні туралы журналистер Сауда және интеграция министрі Арман Шаққалиевтен сұрады.

«Қазақстанның қант өндірушілері Ресейден келетін қант импортына тыйым салуды талап етіп жатыр. Бәрімізге белгілі, Қазақстанда 4 зауыт қана бар. Оның біреуі жұмыс істемей тұр. Ал Ресейде 65 зауыт бар. Осы орайда, отандық өндірушілер қанттың Ресейден нарықтық құнынан төмен бағада жеткізілетінін айтады. АШМ қантты көлікпен әкелуге тыйым салу мәселесін қарастырып жатқанын хабарлады. Бұған қатысты сіздің пікіріңіз қандай»,- деп сұрады журналистер Сенат кулуарында.

Арман Шаққалиев АШМ тарапынан мұндай мәселе...

«Астана ЭКСПО-2017» жел электр станциясы өндіретін энергияның тарифі ерекше шарттармен, өзге жел станцияларымен салыстырғанда 3 есе жоғары бекітілмек. Бұл станция миллиардер Александр Клебанов пен Сергей Канға тиесілі «ЦАТЭК Green Energy» компаниясының меншігінде.

Энергетика министрлігінің «Ашық НҚА» порталында жариялаған қаулы жобасында жаңартылатын энергия көздері (ЖЭК) есебінен өндірілетін электр энергиясына тіркелген тариф бекітілетіні жазылған.

«Қоса беріліп отырған жаңартылатын энергия көздерін пайдалану жөніндегі объектілер өндіретін электр энергиясын жеткізуге тіркелген тарифтер бекітілсін», – делінген Энергетика министрлігі қоғамдық талқылауға жариялаған құжатта.

Бұйрық ресми жарияланғаннан кейін, күнтізбелік он күн өткен соң қолданысқа енеді. Бұл ретте бұйрықтың орындалуын бақылауға...

Қырғызстан азаматтарын Ресейге барудан уақытша бас тартуға шақырды. Бұл туралы республика елшілігі хабарлады.

«Қырғызстан елшілігі өз азаматтарына әзірге Ресейге барудан бас тартуға кеңес берді», – деп жазылған республика Сыртқы істер министрлігінің сайтында.

Ведомство бұл ұсынысын «Ресей аумағында енгізілген қосымша қауіпсіздік шараларының жалғасуымен және мемлекеттік шекара арқылы кіруге бақылаудың күшейтілген режимімен» байланыстырды.

Бірнеше күн бұрын ведомство баспасөз хатшысы Алмаз Иманғазиев Crocus City Hall ғимаратында 140-тан астам адамның өмірін қиып, 500-ден астамы жараланған теракттен кейін ондаған қырғызстандық азаматтың «қара тізімге» іліккені туралы хабарлаған болатын.

Лаңкестік әрекеттен кейін, Ресей билігі мигранттарға қатысты заңдарын күшейтті. Дума заң бұзған шетелдіктерд...

Astana International Exchange 2024 жылғы тамыз айының қорытындысы бойынша ең танымал акциялар тізімін жариялады.

Сауда-саттықтың жалпы көлемінің 59%-ын Solidcore Resources (бұрынғы Polymetal) компаниясымен жасалған мәмілелер құрады, жалпы алғанда, шілдеде сауда көлемі 4,7%-ға өсіп, 17,7 млн ​​долларға жетті. Алайда биржадағы жалпы сауда көлемі екі есеге, яғни 32,1 млн долларға дейін төмендеді.

«Жалпы сауда көлемі 32 187 145 долларды (15 402 001 675 теңге) құрады. Оның 55% немесе 17 711 817 доллары – үлестік құралдар», – деп хабарлады сауда алаңы.

Бұл ретте Қазақстан қор биржасына тоқталсақ. Тамызда биржадағы акциялар саудасының көлемі шілдемен салыстырғанда 83,4%-ға...

Бұдан былай мейрамхана, дәмхана және басқа да қоғамдық демалыс орындары өз меймандарынан көрсетілген қызмет үшін қосымша 10%-дық ақыны ала алмайтын болады. Сауда және интеграция министрі Арман Шаққалиев міндетті қызмет ақысын алып тастауға қатысты арнайы ереже әзірленіп жатқанын мәлімдеді.

Сенат куларында БАҚ өкілі мейрамханалар мен өзге де қоғамдық тамақтану орындары көрсетілген қызмет үшін тұтынушылардын 10% ақы алатынын еске салды. Алайда оған тұтынушылар наразылық білдіріп жатады. Клиент чегіне 10-15% мөлшерінде қызмет көрсету бағасын қосу қаншалықты заңды екенін сұрады?

Министрдің мәлімдеуінше, егер тұтынушы ондай қоғамдық орынға қызмет көрсету шарттары жазылған ақпаратты көріп ғимарат ішіне кірсе, онда ол сол мекеменің талабымен келіскенін білдіреді.

Қазақстанның ЕАЭО бойынша кедендік түсімнен алатын үлесі артуы мүмкін. Бұл жайлы Сенат кулуарында өткен брифинг кезінде Сауда және интеграция министрі Арман Шаққалиев айтты.

Журналистер геосаяси ахуалдың өзгеруіне байланысты Ресейдің ЕАЭО бойынша кедендік баж алымынан түсетін пайда үлесі төмендеуі керек екенін айтты. Соғыс басталғалы Ресейдің сыртқы экономикалық айналымы құлдырап кетті. Сонымен бірге қазіргі таңда логистикалық бағыттар мен сауда тізбектері де өзгерген. Сәйкесінше Ресейдің кедендік түсімнен алатын үлесі азаюы керек.

«Қазір Ресейдің үлесі 85%-дан асады. Соғыс басталды, санкциялар қосылды. Осыған орай сауда тізбегі өзгерді. Енді заңды негізде Қазақстанның кедендік түсімнен алатын үлесі артуы керек қой. Осыған...

Кcell компаниясы AIX – Астана халықаралық биржасына 30 миллиард теңгенің облигацияларын орналастырды. Бұл туралы компанияның Қазақстан қор биржасындағы хабарламасында жазылған.

Байланыс операторы әрқайсысының номиналды құны 100 миллион теңге болатын 300 купондық облигация шығарған. Купондық мөлшерлеме – Ұлттық Банктің базалық мөлшерлемесіне +0,5%. Бұл – облигациялардың үшінші шығарылымы.

Нарықтан тартылған қаржы компанияның «несие портфелінің параметрлерін жақсартуға» жұмсалады.

«Облигацияларды орналастырудан түскен қаражат стратегиялық мәселелерді одан әрі шешу және «Кселл» АҚ қаржылық тұрақтылығын қамтамасыз ету мақсатында несие портфелінің параметрлерін жақсартуға бағытталады», – делінген компания хабарламасында.

Алғашында Kcell нарыққа 700 облигациясын шығарып, сырттан 70 млрд теңге...

АҚШ-тың еңбек нарығындағы жағдайдың нашарлауы қыркүйек айында ФРЖ пайыздық мөлшерлемесінің бірден 50 базистік тармаққа төмендеу ықтималдығын арттырады. ОПЕК+ бағаның құлдырауына байланысты мұнай өндіру көлемін арттыруды кейінге қалдыруы мүмкін. Ал Goldman Sachs-тың ұзақмерзімді болжамдарына сүйенсек, өндіру технологиясына ЖИ-дің енгізілуімен өндіру көлемі одан әрі төмендемек. Осы және өзге де тақырыптар туралы 4 қыркүйектегі шолудан оқыңыз.

Макродеректер АҚШ-тың еңбек нарығында проблемалар барын көрсетіп отыр

Шілде айында АҚШ-тағы ашық жұмыс орындарының саны күтілгеннен де көп қысқарды деп жазды Yahoo Finance. Статистика бюросының жаңа деректері шілде айының соңында 7,67 млн жұмыс орны ашылғанын көрсетті. Бұл маусымдағы көрсеткіштен аз – 7,91 млн (қайта қаралғаннан...

2025-2026 оқу жылында қолданысқа енгізілетін жаңа оқулықтардың жобасы қоғамдық талқылауға шығарылды, бұл туралы Оқу-ағарту министрлігі хабарлады.

Министрлік талқылауға мұғалімдер, ата-аналар, қоғамдық ұйымдардың өкілдері мен мектеп оқулықтарының сапасына бей-жай қарамайтын барлық азамат қатыса алатынын айтады. Ол үшін Білім мазмұнын сараптау орталығының сайтындағы «Оқу әдебиеттерін қоғамдық талқылау» бөліміне өтеді.

«Сайтта келесі пәндер бойынша оқулықтардың мазмұнымен танысуға болады: «Орыс тілі» (оқыту қазақ тілінде жүргізілетін мектептер үшін); «Еңбекке баулу», «Бейнелеу өнері», Шет тілдері (ағылшын, неміс, француз), сондай-ақ «Цифрлық сауаттылық» бойынша электронды оқулық нұсқалары. Барлық келіп түскен сын-ескертпе, оқулықтардың сапасы мен мазмұнын жақсартуға қатысты ұсыныстар сараптама барысында ескеріледі. Талқылау...

Астанада 8 қыркүйекте Дүниежүзілік көшпенділер ойындары басталады. Қырғызстаннан бастау алған спорт жарысы әр екі жыл сайын өтіп тұрады. UNESCO-ның материалдық емес мәдени мұрасының тізіміне енген. Жыл өткен сайын ойынға қызығушылық танытып жатқандар саны артып келеді. Биыл шамамен жүзден астам елден 3000-ға жуық қатысушы бақ сынайды. 

Тамыры тереңде жатқан көшпенділер ойындары

Көшпелі өмір салты дәстүрі бөлек, бірақ тұрмыс ұқсас сан халықтың басын біріктіреді. Өйткені өзіне ғана тән мәдениеті, қайталанбас салт-дәстүрі тарих қойнауында қалып қоймай, бүгінгі заманға сай жаңғырғаны құба-құп. Оңай жығылып, жылдам тігілетін киіз үй, маусымға қарай жайлау мен қыстауға көшіп жүретіні көшпенділерге ортақ. Тіпті тереңге үңілсек, қазіргідей туризм...