Жаңалықтар

Қасым-Жомарт Тоқаев шетелдік спортшыларға азаматтық беріп, олимпиадаға легионерлер қосу тәжірибесін қолдамайды. Бұл туралы Президент Қасым-Жомарт Тоқаев Олимпиада жүлдегерлерімен кездесуде айтты.

«Кез келген легионер ұлттық құрамаға шақырту алғысы келетін жас әрі болашағынан көп үміт күттіретін атлеттеріміздің жолын кеседі. Одан гөрі қазір бізде дамуы кенжелеп тұрған спорт түрлерінен мықты шетелдік бапкерлерді тарту мүмкіндігін қарастырған жөн. Легионер-спортшылардың жетістігі бүгін мерейіңді өсіргенмен, ертең абыройыңды асқақтатпайды. Бұл жерде кәсіби бапкерге басымдық берген жөн»,– деді Мемлекет басшысы.

Сондай-ақ Президенттің айтуынша, спорт саласында жемқорлық фактілері жиілеп кеткен. Соңғы бес жылда спортқа бөлінген бюджеттің шығыны екі есе өскен, бірақ соған лайықты...

Үкімет отырысында Ұлттық банк төрағасы Тимур Сүлейменов салық реформасы бюджет кірісіне оң әсер етпесе, Ұлттық қордан қосымша қаржы алынатынын айтты.

«Қор параметрлерінің болжамы осы және келесі жылдары қосымша трансферт тарту туралы шешімдерге негізделген. Осылайша, Ұлттық қордың таза валюталық активтері 2025 жылы 57,8 млрд доллар деңгейінде бағаланады. Ал 2027 жылы 74 млрд долларға дейін өседі», – деді спикер.

Оның сөзінше, бұл сомаға облигациялық несилер мен «Қазатомөнеркәсіп» АҚ-ның акцияларын сатып алу кіреді. 2025 жылға 5,4 трлн теңге көлемінде қаражат тарту жоспарлануда.

Ал кейінгі болжам жасалған жылдары трансферт көлемі тарихи деңгейден едәуір төмен болады. Атап айтқанда, 2026-2027 жылдары трансферт сомасы тек...

Indian Tech & Infra таратқан мәліметке қарағанда, Үндістан үкіметі Telegram-ның түрлі қылмыстарға қатысы бары-жоғын тексеріп шыққан. Бұған Францияда Telegram негізін қалаушы Павел Дуровтың ұсталып, «аталған платформа арқылы ауыр қылмыстар жасалды» деген айыптар түрткі болып отыр. Десе де үнді тергеушілерінің қандай қорытындыға келгені туралы нақты мәлімет көрсетілмеген.

Павел Дуров не үшін тұтқындалған?

Франция билігінің айтуынша, Павел Дуров осы мессенджер арқылы жасалған кибер және қаржы қылмыстарына бейқам қарағаны үшін тұтқындалған. Париж қаласының прокурорының мәліметіне қарағанда, балалар порнаграфиясы, есірткі және криптоқылмыстық құралдарының таралуына қатысы бар «аты аталмаған тұлғаның» үстінен қылмыстық іс қозғалған. Осы іс бойынша Дуров тергеліп жатыр. Франция заңдары бойынша...

Kaspi.kz Humo төлем жүйесінің операторы болып табылатын «Ұлттық банкаралық процессинг орталығы» АҚ жарғылық капиталындағы 100% мемлекеттік үлесті сату бойынша саудаға қатысуға қызығушылық білдірді. Тиісті хат Өзбекстан Республикасының Мемлекеттік активтерді басқару агенттігінің кеңесшісі Deloitte халықаралық компаниясына жіберілді.

Humo – бұл Өзбекстан мен шетелде операцияларды жүзеге асыруға арналған банк төлем карталары негізіндегі төлем жүйесі. Humo төлем жүйесі аясында 27 миллион HumoCard шығарылған, 6 400 банкомат және 210 мыңнан астам терминал жұмыс істейді.

Михаил Ломтадзе, Kaspi.kz-тің басшысы және негізін қалаушылардың бірі:

«Өзбекстан экономикасы қарқынды дамып келеді және біз мемлекеттің нарықтық экономика қағидаттарына ашықтығы мен жақындық принципі жоғары деңгейде екенін көріп отырмыз.

Инвесторлар мен...

Қарағанды облысы «Костенко» шахтасында қайтыс болған 46 кеншінің отбасына жалпы көлемі 200 млн теңге өтемақы төленген. Бұл туралы «Курсивке» «Қорғау» көміршілер кәсіподағы хабарлады.

Кәсіподақ ақпаратына сүйенсек, 2023 жылы 28 қазанда «Демеу Қазақстан қоры» шахтада қайтыс болған және жарақат алған кеншілердің отбасына көмектесу үшін «Қорғауға» 400 млн теңге аударған. 2023 жылдың 8-13 желтоқсаны аралығында кәсіподақ қордан түскен қаржының 200 млн теңгесін қайтыс болған кеншілердің отбасына, 200 млн теңгесін зардап шеккен кеншілерге бөліп берген.

«Түскен қайырымдылық көмек үшін кәсіподақ қор алдында толықтай, банк шоттарының көшірмесімен есеп берді. Қордан кәсіподаққа басқадай қаржы түскен жоқ», – делінген кәсіподақтың ресми жауабында.

Президент Қасым-Жомарт Тоқаев ХХХІІІ жазғы Олимпиада ойындарының жүлдегерлерімен кездесті, бұл туралы Ақорда баспасөз қызметі хабарлады.

Мемлекет басшысы, ең алдымен, Олимпиада чемпионы Елдос Сметовтің жеңісіне ерекше тоқталды.

Елдос Сметов байрақты бәсекенің алғашқы күндері Жақсылық Үшкемпіровтің даңқты жолын жалғады. Ел тарихында тұңғыш рет дзюдодан Олимпиаданың алтын медалін алды. Елдос бауырым, сен Олимпиадаға аттанар алдында маған және барлық спорт жанкүйерлеріне бар күш-жігерімді жеңіске жету үшін жұмсаймын деп уәде бердің. Сөзіңде тұрдың. Нағыз жігітсің! Біз бәріміз сені мақтан тұтамыз. Шын мәнінде, қатарынан үш рет Олимпиада жүлдегері атану – нағыз чемпионның қолынан келетін ерлік. Сенің жеңісті жолың спортшыларымызға жігер берд...

Air Astana әуе компаниясы Қазақстаннан Сауд Арабиясына жаңа рейстер ашады. Алматы-Медина, Шымкент-Мәдина, Шымкент-Жидда рейстері қазан айында іске қосылады.

«28 қазаннан бастап Шымкент-Жидда бір жиілігі аптасына 1 рет орындалатын Шымкент-Мәдина бағытына ауыстырылады. Сондай-ақ 29 қазаннан бастап Алматы-Мәдина бағытында аптасына 2 рет тікелей рейс іске қосылады», – делінген компания хабарламасында.

Рейстер бизнес-кластағы 16 орын мен эконом-кластағы 150 орын бар Airbus A321LR әуе кемесімен орындалады.

Ұшу ұзақтығы: Шымкент-Жидда және Шымкент-Мәдина рейстерінің ұшу ұзақтығы – 5 сағат 35 минут, Алматы-Мәдина – 6 сағат 10 минут.

Құны: Шымкент-Жидда бағыты бойынша екі бағытқа билет құны – 301 208 теңгеден басталса, Алматы-Мәдина – 336 882 теңгеден, Шымкент-Мәдина – 308 050 теңгеден басталады.

Айта кетейік, Қазақстан азаматтары Сауд Арабиясына сапар алдында электрондық виза...

Қаржы нарығын реттеу және дамыту агенттігі «Home Credit Bank» АҚ-ға 22,1 млн теңге әкімшілік айыппұл салды.

Екінші деңгейлі банк Қазақстан Республикасындағы кредиттік бюролар және кредиттік тарихты қалыптастыру туралы заңын бұзған. Сонымен қатар банк заңнамасын бұза отырып операциялар мен мәмілелерді жүзеге асырған.

«Әкімшілік құқық бұзушылық банктің кредиттік тарих субъектісінен алынған мәліметтерін кредиттік бюроға бермеуінен және уақытында бермеуінен тіркелді», – деп хабарлады Қаржы нарығын реттеу және дамыту агенттігі.

Еске сала кетсек, Home Credit Bank 2023 жылға дивидендтер төлемеу туралы шешім қабылдады, бірақ пайдасын 2 есеге арттырды. Банктің таза пайдасы өткен жылы 48,4%-ға өст...

БАҚ беттерінде футболдан Қазақстан құрамасының ойыншысы Бақтиер Зайнутдиновке іздеу жарияланды деген ақпараттар тараған еді. Бұл туралы бірінші болып «Бешикташ» футбол клубы жариялады.

Бақтиер Зайнутдинов із-түссіз жоғалып кетті, оған іздеу жарияланды.

Ол командада жоқ. Жолдастық кездесулерде ойнаған жоқ, жаттығуларға келмейді, матчтардың ресми тізімінде жоқ деп жазды «Бешикташ» футбол клубы

Алайда артынша бұл ақпаратты жоққа шығарып, жазбаны алып тастады.

26 тамыз күні Бақтиер Зайнутдинов ауруханада жатқан әріптесінің қал жағдайын білуге командаластарымен бірге барды.

Белгілі америкалық инвестор Росс Гербер Tesla акцияларын сатады. Ол Илон Масктың көліктері мен роботтарын енді ешкімге қажет емес деп санайды. Goldman Sachs алдағы үш аптада S&P 500 индексінен жаңа рекордтар күтеді. Алайда ұзақмерзімді перспективалардың жайы айқын емес. Осы және өзге де тақырыптар туралы 26 тамызға арналған шолудан оқыңыз.

IBM компаниясы China Research Labs-ты жауып, мыңнан астам қызметкерді жұмыстан шығарады

Американың технологиялық алпауыт компаниясы IBM 26 тамызда Қытайдағы ғылыми-зерттеу жұмыстарын тоқтататынын хабарлады. Компания өзінің ғылыми-зерттеу және тәжірибелік-конструкторлық бөлімшелерін жабады. Осылайша, IBM – америкалық санкциялар мен Бейжің мен Вашингтонның өзара шектеулері салдарынан Қытай нарығынан кеткен соңғы технологиялық фирма, деп жазды...

Qazaq Air әуе компаниясының 2023 жылғы жинақталған шығыны 7,5 млрд теңгеге өсіп, 43 млрд теңгеге жетті. Бұл туралы компания есебінде жазылған.

Құжатқа сүйенсек, әуе компаниясының кірісі 4%-ға, яғни 19,6 млрд теңгеге қысқарды.

«Кірістің азаюының негізгі себебі халықаралық ұшу бағдарламасының қысқаруы», – деп жазылған құжатта.

Компанияның жарғылық капиталы 34,2 млрд теңгені құрады. Көрсеткіш айтарлықтай өзгермеген. Ал қысқамерзімді сауда және басқа кредиторлық берешегі 1,5 млрд теңгеден 1,4 млрд теңгеге қысқарған.

Бұл ретте тасымалдаушының қысқамерзімді активтері 8,4 млрд теңгеден 6,8 млрд теңгеге азайған.

Qazaq Air – «Самұрық-Қазына» қорының портфельдік компаниясы, бас хабы Астана аэропортында...

2025 жылы бюджетке 21,7 трлн теңге түседі, әлеуметтік салаға 9,8 трлн теңге жұмсалады.  Бюджеттің негізгі үлесі әлеуметтік салаға бағытталады. «2025-2027 жылдарға арналған республикалық бюджет туралы» Заң жобасын таныстырған Қаржы министрі Мәди Такиев осылай деп мәлімдеді.

Министрдің айтуынша, келер жылы әлеуметтік салаға бөлінетін қаржы 2024 жылмен салыстырғанда 794 млрд теңгеге ұлғаяды. Мәди Такиев бюджет шығыстарының өсуіне әсер ететін бірнеше факторларды атады.

«Инфляцияның орташа деңгейіне әлеуметтік төлемдерді индекстеу: базалық зейнетақы мен жәрдемақыны 6,5 %-ға, ортақ зейнетақыны инфляцияның орташа деңгейінен 2%-ға асыра отырып, 8,5%-ға индекстеу. Индекстеуге және әлеуметтік төлемдерді алушылар санын ұлғайтуға қосымша 626 млрд теңге бағытталатын болады. Нәтижесінде 2025 жылы...

Павел Дуровқа көмек көрсету үшін алаяқтық жолмен ақша жиналып жатыр. Бұл туралы «Лаборатория Касперского» киберқауіпсіздік компаниясы хабарлады.

Киберқауіпсіздік компаниясының мамандары Telegram негізін қалаушы Павел Дуровты заңды қорғауға қаражат жинау мақсатында жіберілген ағылшын тіліндегі электрондық пошта хатын анықтады. Компания өкілдері бұл хаттарды алаяқтық әрекет ретінде сипаттап, оның мақсаты халықты алдап, олардың қаражатын иемдену екенін ескертті.

Хаттарда алаяқтар өздерін құқық қорғау ұйымдарының өкілдері ретінде көрсетіп, Павел Дуровтың бостандығын қамтамасыз ету және әлемдегі адамдардың құқықтарын қорғау үшін ақша жинау қажет екенін мәлімдейді. Алаяқтар адамдарды криптовалюта түрінде (BTC, ETH және TRX) қаражат аударуға шақырады, көрсетілген әмияндарға ақша жіберуд...

Премьер-министр Олжас Бектенов Үкімет сағатында министрлер кабинетіне АЭС салу бойынша референдум өткізу үшін жарлық жобасын әзірлеп, президентке ұсынуды тапсырды.

«Энергетика министрлігіне үкімет аппаратымен бірге жарлық жобасын президент әкімшілігіне енгізуді тапсырамын», – деді Үкімет басшысы.

Сонымен бірге Бектенов елде ядролық отын өндірісі толық игерілгенін, шағын реакторларды пайдалану тәжірибесі бар екенін айтты. Бұл бағытта мамандар мен ғалымдар дайындалып жатқанын, сондықтан атом энергетикасын дамытудың келесі кезеңіне көшу дұрыс қадам екенін атап өтті.

«Біз қазірдің өзінде энергетикалық қуат тапшылығын тартып отырмыз. Проблеманы осы бастан шешпесек, онда экономиканың әрі қарай өсуіне қажетті электр энергиясын...

Ресейде Украинаның Қазақстандағы бұрынғы елшісі Петр Врублевскийге сырттай үкім шығарылды. Бұл туралы РИА новости хабарлады.

«Петр Юрьевия Врублевский кінәлі деп танылсын. Оған жалпы режимдегі колонияда алты жылға бас бостандығынан айыру жазасы тағайындалсын», – деген үкім шығарды судья Тимур Вахрамеев.

Врублевскийдің адвокаты Дмитрий Кирсанов мәтінін алған соң, үкімге шағым түсіретінін айтқан.

Ресей соты Врублевскийге «жеккөрушілік, ұлтты және тілі бойынша жаулық туғызуға бағытталған әрекет жасады» деген айып тағып отыр. 

Бұған дейін 8 тамызда іс Мәскеудің Басман аудандық сотында сырттай қаралып жатқан. 

Ресей Бас прокуратурасының ақпаратына сүйенсек, сот Врублевскийге қатысты қылмыстық іс бойынша айыптау қорытындысын бекітті.

Есте...

Танымал актер Джеки Чан Паралимпиада ойындарының ашылу салтанаты қарсаңында алауды алып өтеді. Бұл туралы  South China Morning Post хабарлады.

Шетел басылымның мәліметінше, Джеки Чан әлемге танымал тұлға болғандықтан, оның бұл құрметті қызметті атқаруы спортқа, әсіресе, мүмкіндігі шектеулі жандарға деген қолдауды одан әрі нығайтуға үлес қосады деп күтіліп отыр.

Ұйымдастырушылардың айтуынша, Джеки Чан өз елінің мақтанышы және оның өмірі мен мансабы адамдарға шабыт береді. Ол өз іс-әрекеттерімен, қайырымдылық шараларына қатысуымен, қоғамға көмек көрсетуімен танымал. Осыған орай, оның Паралимпиада алауын алып жүруі де ерекше мағынаға ие болмақ.

Париждегі Паралимпиада ойындарының ашылу салтанатын ертең 28 тамыз...

Жыл басынан бері 95 полиция қызметкері жемқорлық үшін сотталған. Бұл жайлы Бірінші кредиттік бюро хабарлады.

Бюроның хабарлауынша, қаңтар-шілде айларында соттар 95 полиция қызметкерін сыбайлас жемқорлық фактілері бойынша кінәлі деп таныған. Олардың 80%-ы ҚР Қылмыстық кодексінің «Пара алу» және «Алаяқтық» баптары бойынша жазаға тартылған. Атап айтқанда, 47 адам пара алғаны үшін, 27 адам алаяқтық үшін сотталған.

Сонымен бірге сотталған полиция қызметкерлерінің әрекеттері басқаша жіктелген жағдайлар да кездескен. Оған сәйкес:

Қазақстанның бас мемлекеттік санитарлық дәрігерінің міндетін атқарушы Нұрқан Сәдуақасов «Қазақстан Республикасына маймыл шешегінің әкелінуі мен таралуының алдын алу бойынша санитарлық-профилактикалық іс-шараларды жүргізу туралы» қаулыға қол қойды.

Қаулыға сәйкес Денсаулық сақтау министрлігі мен бас санитарлық дәрігер мемлекеттік органдарға, соның ішінде әкімдіктерге, денсаулық сақтау басқармаларына, министрліктерге арнайы талаптар қойылған.

Мәселен, әкімдіктер ауру жұқтырған адамдар анықталған жағдайда науқастарды әкелу, диагностикалау, тасымалдау, есепке алу шараларын жүргізеді. Сондай-ақ ауруханалардың дайындығына, денсаулық сақтау ұйымдарында жеке қорғану құралдарының, дәрілік заттардың және дезинфекциялық құралдардың ең аз қорының болуына жауапты.

Ал Ұлттық сараптама орталығы, Қоғамдық денсаулық сақтау ұлттық орталығы және М.Айқымбаев атындағы Ерекше қауіпті инфекциялар...

Біріккен Араб Әмірліктерінің Сыртқы істер министрлігі Франциядан Әмірлік азаматы Павел Дуровқа барлық қажетті консулдық қызмет көрсетілуін сұрады. Бұл жайлы БАӘ-нің Сыртқы істер министрлігінің ресми сайтында хабарланған.

«Әмірліктер Ле Бурже әуежайында француз билігі ұстаған Telegram әлеуметтік желісінің негізін қалаушы Әмірлік азаматы Павел Дуровтың ісін мұқият қадағалап отыр. Сондай-ақ Франция үкіметіне оны барлық қажетті консулдық қызметпен шұғыл түрде қамтамасыз ету туралы талап қойылды», – деп мәлімдеген елдің министрлігі.

Сонымен бірге БАӘ Сыртқы істер министрлігі өз азаматтарының істерінің барлық аспектісіне қамқорлық жасау, қорғау және бақылау Әмірлік үшін басымдық болып қала беретінін атап өткен.

Еске сала...

Өзбекстан президенті Шавкат Мирзиёев екі ел арасындағы достық және стратегиялық қарым-қатынасты нығайтуға қосқан үлесі үшін алты қазақстандық шенеунікті «Дустлик» орденімен марапаттады. Өзбекстан президентінің сайтында осы жөнінде ақпарат жарияланды.

Алты қазақстандық жоғары лауазымды шенеунік Өзбекстанның мемлекеттік наградасы – «Достық» («Достық» деп аударылады) орденімен марапатталды.

Орден алғандардың қатарында ҚР Мемлекеттік кеңесшісі Ерлан Қарин, Президенттің ішкі саясат және коммуникациялар жөніндегі көмекшісі Руслан Желдібай, Премьер-Министрдің орынбасары Серік Жұманғарин, Мәдениет және ақпарат министрі Аида Балаева, Қазақстанның Өзбекстандағы елшісі Бейбіт Атамқұлов пен Қазақстан өзбектері этномәдени бірлестіктері қауымдастығының төрағасы Икрам Хашимжанов бар.

Көрші ел «Дустлик» орденін 1994 жылдан бастап үлестіре бастаған. Бұл – Өзбекстанның е...

2025 жылға жоспарланып отырған Қазақстаннан АҚШ-қа тікелей рейс ашу мәселесін екі тарап қызу талқылауда. 26 тамыз күні АҚШ Федералды авиациялық әкімшілігінің (FAA) өкілдері осы мақсатта елге келді. ҚР көлік вице-министрі Талғат Ластаев пен Қазақстанның авиациялық әкімшілігінің бас директоры Каталин Раду Федералды авиациялық әкімшілігінің делегациясымен кездесті. Бұл жөнінде Азаматтық авиация комитеті хабарлады.

Қазақстан FAA аудитінен сәтті өтсе, 2025 жылы Қазақстанға Boeing-787 Dreamliner үлгісіндегі әуе кемелері жеткізіледі. Сарапшылар тамыз айының аяғына дейін авиация жүйесінің халықаралық стандарттарға сай екенін тексермек. Аудиторлар Air Astana-ның жағдайын да бағамдамақ.

«FAA аудиторлары Қазақстанның авиациялық индустриясының кешенділігін және ұшу қауіпсіздігін қадағалау жүйесін бағалайды. Шолу шеңберінде...

Парижде  Telegram негізін қалаушы Павел Дуровтың ұсталғаны қызу талқыға түсті. Дүние жүзіне танымал адамдар, белгілі қауымдастықтар оны жақтап, пікір жазып үлгерді. 26 тамызда Франция Президенті Эммануэль Макрон алғаш рет пікір білдіріп, Дуровтың ұсталуы саяси шешім емес екені жөнінде Х парақшасында жазба қалдырды.

Президент мұның төңірегіндегі алып-қашпа әңгімелерді өтірік ақпарат деп жариялады. Макрон Франция еркін пікір білдіру мен коммуникацияны, инновация мен кәсіпкерлікті қашанда қолдайтынын мәлімдеді. Бірақ шынайы өмірде және әлеуметтік желіде азаматтар құқы мен қауіпсіздігін қамтамасыз ету заң аясында іске асатынын ескертті.

«Францияда Telegram басшысын қамауға алу бұған дейін жүргізіліп  келе жатқан сот тергеуі аясында қолға алынды...

Алматылық бір топ оқушы Мәскеудегі Шереметьево әуежайынан ұша алмай қалды. Балалардың және олармен бірге жүрген лагерь директорының Санкт-Петербургке және кері қайтуға арналған билеттері жойылды. Бұл туралы «Курсивке» «Романтик» лагерінің директоры Александр Шевченко айтты.

Қазақстандықтар Санкт-Петербург қаласына саяхаттамақ болған. Жергілікті «Аэрофлот» филиалы оларға Санкт-Петербургке тікелей рейс бағасынан сәл арзан Мәскеу арқылы баратын рейсті ұсынды. Мәскеудің Шереметьево әуежайына жеткенде балалар мен Александрды ұзақ тексерген. Сондықтан жолаушылар кешігіп, ұшақ Санкт-Петербургке көтерілуіне 20 минут қалғанда шығатын қақпаға жақындады.

«Төлқұжатты тексерген кезде бізді әуре-сарсаңға салды. Содан кейін тағы да ұзақ тексерді. Әрбір жүкті, әрбір сөмкені мұқият қарап шықты. Рейстің басталуына...

Қаржы министрлігі білім саласы бойынша ішкі мемлекеттік аудит жұмысын жүргізді. Талдау нәтижесінде 36 мекемеде заңсыз қаржы операциялары анықталды.

Көбінде қосарлы (екі түрлі) есепке алу мен еңбекақыны бірнеше есе өсіру деректері дәлелденді. Ақтөбе қаласындағы №48 орта мектептің құжатында есепшінің жалақысы жылына 700 мың теңгеден астам деп көрсетілген. Шын мәнінде, оның картадағы шотына ай сайын шамамен 3-5 млн теңге аударылып отырған.

Жымысқы жолмен табыс табудың тағы бір тәсілі – штатта жоқ қызметкерлерге қыруар қаражат төлеу. Қарағанды қаласындағы №33 мектеп-балабақша кешенінде ондаған қызметкерге «жалақы беріліп келген». Тексеру кезінде екі есепшінің өз карталарына аударып, қалталарына ақшаны басқаны анықталды. Нақтысын айтқанда, мекеменің 207,4 млн...