Жаңалықтар

2024 жылы Қазақстан армиясына 40 202 адам қабылданды. 2025 жылдың басында кредиті бар сарбаздардың 20,1 мыңына берешекті кейін өтеуге рұқсат берілді. Қаржы нарығын реттеу және дамыту агенттігі осындай мәлімет жариялады.

Мекеме мәліметінше, кейінге қалдырылған қарыздардың жалпы сомасы 7,5 млрд теңге. Бұдан шығатын қорытынды: 2024 жылы әскерге қабылданған азаматтардың шамамен 56%-ның берешегі бар.

Төлем мерзімін шегеру үшін не істеу керек

Ол үшін өтініш жазудың да қажеті жоқ. Әскерге шақыру туралы деректерді Қорғаныс министрлігі кредиттік бюроға, содан кейін банктер мен микроқаржы ұйымдарына жібереді. Банктер мен микроқаржы ұйымдары хабарламаны алған сәттен бастап 15 күн ішінде төлем мерзімін кейінге қалдыруды ресімдеуге міндетті.

Оған...

Неміс парламенті – Бундестаг екінші қайтара дауыс беру арқылы Фридрих Мерцті Германия канцлері қызметіне сайлады. Мерц алғашқы дауыс беру кезінде сәтсіздікке ұшыраған.

Бундестагтағы 325 депутат Мерцті қолдап дауыс берді. Саясаткердің канцлер атануына 316 дауыс қажет еді. 289 депутат оған қарсы дауыс берді.

Reuters мәліметінше, алғашқы дауыс беру науқанында саясаткер бар болғаны 310 дауыс жинаған. Оны коалициядағы кем дегенде 18 депутат қолдамаған.

Енді президент Франк-Вальтер Штайнмайер жаңа үкімет басшысы грамота тапсырады. Бұның алдында Христиан-демократиялық одағы мен Христиан-солциалистік одағы блогының кезектен тыс сайлаудағы жеңіске жеткен. Биліктің ауысуы жаңа канцлердің сайлауымен аяқталды.

Мерц Германияның жаңа канцлері ретінде сәрсенбі күні Франция мен Польшаға...

Алтынның бір унциясының биржадағасы бағасы 3400 доллардан асты. Инвесторлар әдетте нарықтағы дүрбелеңнен, сонымен бірге геосаяси ахуалдың ушығуынан сақтану үшін алтынға жүгінеді.

Оның үстіне АҚШ президенті Дональд Трамп жақын уақытта Қытаймен сауда келісімі жасалмайды деп мәлімдеген. Сол себепті қаржы нарығында құнды металл бағасы тағы көтеріліп жатыр.

Чикаго тауар биржасында (CME) алтынның маусымдағы фьючерстері 2,35%-ға қымбаттап, бір унция 3400 доллардан асып түсті. Биржада дәл осындай баға бұған дейін 2025 жылғы 22 сәуірде тіркелген. Одан кейін баға сәл түскен.

Трамптың тарифке қатысты жоспарлары инвесторларды тағы да алтынға назар аударуға мәжбүрледі деп жазды Reuters.

Алтынның қымбаттауының тағы бір себебі – қытай инвесторларыны...

Миллионер Айдын Рахымбаевқа тиесілі BI Development Ltd. компаниясы 2024 жылы 76 млрд таза табыс тапты. Оның 25 млрд теңгесі акционерлерге дивиденд төлеуге, қалғаны компанияны дамытуға жұмсалады.

Қазақстан қор биржасының (KASE) мәліметінше, акционерлердің 30 сәуірдегі жиналысында 2024 жылдың қаржы есебі бекітілді. Акционерлер 76 млрд теңге таза табысты бөлу тәртібі қабылданды. 51 млрд теңге компанияның өзін қалса, 25 млрд теңге акционерлерге дивиденд төлеуге жұмсалады. Осының алдында, 2024 жылдың тоғыз айының қорытындысы бойынша, акционерлер 4,6 млрд теңге алатыны жарияланған.

BI Development Ltd. компаниясы «BI Group» Ltd жеке компаниясына қарайды. Оны Айдын Рахымбаев басқарады. Бұл топ құрылыспен, жылжымайтын мүлікті басқарумен айналысады.

Екі апта...

Аралас жекпе-жектен Қазақстан туы астында өнер көрсетіп жүрген Ресей азаматы, этникалық қазақ Дамир Смағұлов «Вестник ММА» YouTube арнасына берген сұқбатында Қазақстанға ұрпағының болашағы үшін қоныс аударғанын мәлім етті.

Спортшы Ресейдің Орынбор аймағын өзінің кіші отаны санайтынын, ол жақта ата-анасы тұратынын, ата-бабасы жерленгенін атап өтіп, отбасының жайлылығы үшін Қазақстанға көшуді жөн көргенін айтады.

«Өзім үшін, отбасым, балаларым үшін осында жақсырақ. Біріншіден, Қазақстан мұсылман елі, мешіт, халал тағамдар бар. Сосын менің ұрпағым басқаша тәрбиеленгенін қалаймын. Менталитеті қазақы болып, қазақ тілін білсе деймін. Маған осы жер жайлы, ыңғайлы, ұнайды. Бірақ бұл мен туып-өскен жерімді ұмытып кеткенімді білдірмейді. Мен...

Қазақстан Мәжілісінің депутаты Дәулет Тұрлыхановтың інісі, 54 жастағы Марат Тұрлыханов ресми түрде банкрот деп танылды. Оның есімі бакроттар тізіміне енген. Мәжіліс депутатының інісі мемлекетке 13,5 млрд теңге қарыз.

Марат Тұрлыханов сот арқылы банкрот деп танылған. Сот ісі 9 қаңтарда аяқталғанымен, сот шешімі өз күшіне тек 22 сәуірде енген.

Оның мемлекетке қарызы 13,5 миллиард теңгеден асады. NRG_Monitor телеграм-арнасының жазуынша, Марат Тұрлыхановтың қарызы «Тас Май Рисорсиз» компаниясының қызметімен байланысты болған.

2006 жылы бұл компания мұнай мен газды барлау және өндіру құқығын алып, алғашқы жұмыстарды бастау үшін «Казкоммерцбанк»-тен 42,3 млн доллар көлемінде несие желісін рәсімдеген.

Алайда 2008 жылғы қаржы...

Қазақстанда «Келешек» балаларға арналған жаңа ерікті жинақтау жүйесі жұмыс істей бастады. Бұл бағдарлама арқылы ата-аналар балаларына жоғары немесе техникалық және кәсіптік білім алуға қаражат жинай алады.

Қатысушыларға мемлекет бастапқы капитал ретінде 235 920-дан 471 840 теңгеге дейін қаражат бөледі – бұл сома баланың санатына байланысты анықталады. «Келешек» жаңа жинақтау жүйесінің қатысушысы болу үшін Отбасы банкінен «AQYL» білім беру жинақтау салымын ашу қажет.

Отбасы банкінің мәліметінше, бастапқы капиталды сақтап, оны көбейту үшін ата-аналар жыл сайын қаражат жинап отыруы тиіс.

Қатысу шарттары мен шот ашу тәртібі

Бағдарлама 0-ден 5 жасқа дейінгі барлық балаларға арналған. Қатысу үшін «AQYL» депозитін ашу...

Кәрім Мәсімовтің зәулім сарайы Астана әкімдігінің меншігіне өтіп, білім мекемесіне айналады. Бұл туралы Kursiv.Media-ға Қайтарылған активтерді басқару жөніндегі компания хабарлады.

Мәсімовтің сарайы білім басқармасына өтеді

Үй мен жер телімі астана әкімдігінің білім басқармасына тегін беріледі.

«Мүлікті Астана әкімдігі аппаратының жееткшісі ресми өтінішпен сұратты. Онда «Астана қалалық білім басқармасы» мемлекеттік мекемесінің хаты бар. Өтініште нысанды әлеуметтік бастамаларды жүзеге асыру мақсатында пайдалану қажеттігі айтылған», — деп жауап берді қайтқан активтерді басқаратын компания.

Құжаттарды рәсімдеумен Астана әкімдігі айналысып жатыр. Басқа да мемлекеттік мекемелерден немесе ұйымдардан зәулім үйге сұраныс түспеген.

Кімнің бастамасы?

Компания мәліметінше...

Абай атындағы қазақ ұлтттық педагогикалық университетінде 1 курс студенттеріне арналған жиынның соңы шуға ұласты.

Qumash instagram паблигінде студенттердің шағымы жарияланды. Онда 1 курс студенттерің қыздары өздерін шұғыл жинап, нақыл сөздер жазылған парақ таратып, тәрбиелік мағынасы бар видео көрсеткенін айтады. Сөздерінше, видеода түрлі жастағы ер адамдар қыздардың жүріс-тұрысы туралы пікір білдірген.

«Бейнероликтің негізгі тезисі – қыздарға ашық киім киюге, қатты сөйлеуге болмайды, ал ер адамдармен кездескенде иіліп дұрыс сәлемдесу керек дегенге саяды. Бұдан бөлек, аға оқытушының айтуынша, еуропалық әйелдерге тым көп еркіндік берілгендіктен, сол жақта ЛГБТ және басқа да құбылыстар кең таралған-мыс. Жиналыс біткенше залдан ешкімд...

Талдықорғанда жасөспірім Шерзат Полаттың қазасы бойынша сот отырысы өтіп жатыр. 2025 жылдың 6 мамырында сотталушылардан жауап алу басталды. Бірінші болып сотталушы Дархан Әскентайдан жауап алынды, деп хабарлайды KursivMedia.

Сот барысында мемлекеттік айыптаушының өтінішхаты негізінде қайғылы жағдай болған 2024 жылдың 3 қазанынан 4 қазанына қараған түні Талғардағы «Қамажай» дүкенінде түсірілген видео жарияланды.

Видеоны көрсету барысында техникалық ақау шықты. Істі қарап жатқан судья сол себепті үзіліс жариялады. Келесі сот отырысы 2025 жылдың 15-16 мамыры сағат 10:00-де басталады.

Сотталушы Дархан Әскентайдың сотта берген жауабын мына жерден оқи аласыздар.

Шерзат Полат ісі

Қылмыстық істі судья Ержан Жанұзақов қарап жатыр. Мемлекеттік айыптаушылар – Дана Сәрсенбай мен Ержан Құрақбаев.

Қазақстан мен Біріккен Араб Әмірліктері Жамбыл облысында «жасыл» энергетика саласындағы ірі жобаны іске асырады. Арабтар жел электр станциясына 1,4 млрд доллар инвестиция салады.

Жамбыл облысында қуаты 1 гигаватт болатын жел электр станциясы мен 300 мегаватттық энергия жинақтау жүйесін салу мәселесі парламентте талқыланды. Жоба туралы энергетика вице-министрі Сұңғат Есімханов баяндама жасады. Оның айтуынша, жоба халықаралық Masdar компаниясымен бірлесіп іске асырылады және өңірдегі ең ірі жобалардың бірі айналады.

Электр станциясы жылына 3,4 млрд киловатт-сағатқа дейін электр энергиясын өндіреді. Бұл ауаға таралатын көмірқышқыл газын 2 млн тоннаға дейін азайтуға мүмкіндік береді. Қуаты 300 мегаватт болатын энергия жинақтау жүйесі электр қуатына сұраныс жоғары...

Қайрат Әділгерей мен Қанат Әлжаппаров ойнайтын «Әзіл Әлемі» театрының сахнасында оқыс оқиға болды. Актерлер мүлде мұны күтпеген еді.

Сахнаға актерлерге гүл беруге шыққан әже актерлердің қасынан кетпей қойған. Қос әзілкешпен амандасып, беттерінен сүйеді. Гүл береді. Бірақ сахнадан кетуге асықпайды. Залдағы көрермендердің біріне бірдеңе айтып, әңгіме-дүкен құрып кетеді.

Бұл аз болғандай, актерлердің қолындағы микрофонды сұрап алып, театр сахнасында тұрып сөз бастайды.

«Армысыздар. Сіздерді теледидардан көруші едім. Бүгін, міне,  асығып, Атамекен ауылынан бес минут қалғанда келіп отырмын», – деп сөйлейді.

Араға бірнеше минуттан кейін әлгі әже сахнаға қайта шығып, театр әншісімен қосылып ән айтады.

Әженің тосын қылықтары...

ARMADA мен Grand Park сауда орталықтарына иелік ететін 58 жастағы кәсіпкер Ғабит Бейсенбаев былтыр 6 млрд теңгеден аса табыс тапқан. Ол 2024 жылы Forbes.kz нұсқасы бойынша Қазақстандағы ең табысты жалға берушілер рейтингінде 9-орынға тұрақтады.

Журналист Дмитрий Шишкиннің жазуынша, Бейсенбаев өз жалға беру бизнесін 2015 жылы 70 мың шаршы метрлік «Армада» сауда орталығынан бастаған. Қазір ол осы орталықтың жартысына, сондай-ақ Grand Park және «Золотой» сауда орталықтарына иелік етеді. Бұл нысандардың жалпы коммерциялық ауданы 250 мың шаршы метрден асады.

Бүкіл сауда орталықтар бұрынғы Алматы мақта-мата комбинатының (АХБК) аумағында орналасқан. Сауда нысандары орналасқан жер телімдерінің жалпы көлемі 35 гектардан асады. Кадастрлы...

Жамбыл облысының инвесторлары үшін электр энергиясының тарифтері негізсіз көтерілген. Бұл туралы Бас прокуратураның баспасөз қызметі хабарлады.

«Жамбыл облысы прокурорларының шараларымен екі ірі инвестордың құқығы қорғалды. Мемлекеттік қолдау шараларының негізінде әлеуметтік маңызы бар азық-түлік тауарларды өңдірушілерге электр энергиясының құны жеңілдетілген бағада төленуге жатады», – делінген баспасөз хабарламасында.

Прокуратура мәліметінше, екі инвестор құны 2,28 млрд теңгені құрайтын жобаны жүзеге асырған. Бұл жоба әлеуметтік маңызы бар азық-түлік тауарларды өңдірушілер тізбесіне енгізілген. Алайда екі инвестор да жеңілдік алуға құқы бола тұра, электр энергиясы үшін 1 кВт сағатына 38,44 теңге төлем келген. Ал жеңілдетілген тариф бойынша 35,85 теңге төлеу керек болған...

Америкалық Ford Motor президент Дональд Трамптың салық саясаты компанияға шамамен 1,5 млрд долларға түседі деп болжады. Бұған қоса, автогигант электромобиль өндірісіне тағы 5,5 млрд долларға шығындалғалы отыр. Бұл туралы Reuters жазды.

Трамптың 25 пайыздық баж салығынан АҚШ-тағы автоөндірушілер биыл 100 млрд долларға шығындалуы мүмкін. Өндірісі Қытай, Мексикада орналасқан америкалық Ford Motor компаниясы да қосымша ақша шығаруға мәжбүр. Автогигант тиын санап отыр.

Дүйсенбі күні Ford компаниясы 2025 жылға арналған болжамын жариялаудан бас тартты. Себебі автогигант АҚШ президенті Дональд Трамптың салық саясаты өндіріске қалай әсер ететінін болжай алмай отыр. Бірақ оның ықпалы шамамен 1,5 млрд доллар шамасында болады деп топшылады.

Қазақстандық архитекторлар Біріккен Араб Әмірлгінің Дубай қаласында биік ғимараттар жобасын жасады.

Finratings.kz хабарлағандай, отандық сәулет тарихында алғаш рет қазақстандық INK Architects компаниясы Дубай қаласында екі зәулім ғимараттың жобасын әзірледі.

Azizi Milan жобасы аясында мамандар биіктігі 48 және 25 қабатты және жалпы ауданы 70 мың шаршы метрден асатын екі мұнараның жобасын әзірледі. Кешен Біріккен Араб Әмірліктеріндегі ең ірі тұрғын үй жобаларының біріне айналады.

«Бұл – қазақстандық сәулетшілердің ел аумағынан тыс жердегі осындай ауқымдағы алғашқы іске асырылып жатқан жобасы», – деді INK Architects компаниясының негізін қалаушы Нұрлан Камитов.

Жобаның тұсаукесері Дубайда өтті, оған 10 мыңнан астам...

Netflix компаниясы көпшілік күткен «Кальмар ойыны» (Игра в кальмара) телехикаясының үшінші маусымына арналған алғашқы ресми тизерді ұсынды. Жаңа маусым 2025 жылдың 27 маусымында жарық көреді деп жоспарланып отыр. Бұл жолы көрермендер жаңа ережелер мен қатыгез ойындарға куә болады.

Тизерде көрермендерді ойландыратын кадрлар көп көрсетіледі: тизердің басы ойыншылар бөлмесіне табыт әкелумен басталып, видео соңында баланың жылаған дауысы естіледі. Бұл маусымда басты кейіпкер Сон Ги Хун аман қалған ойыншылармен бірге одан да қатігез және жан түршігерлік ойындарға тап болады.

«Кальмар ойыны ешкім үшін аяқталған жоқ. Сон Ги Хун үмітін үзбей, аса маңызды шешім қабылдауға мәжбүр болады. Әр...

Әскери оқу орындарының бұрынғы студенттері оқу орнына қайта қабылдау үшін eGov.kz порталында өтінім бере алады. Бұл туралы порталдың желідегі парақшаларында хабарланды.

Жаңа қызметті қолдану үшін курсант әскери оқу орнында кемі бір семестрді аяқтаған болуы керек. Қызметті пайдалану тегін.

«Енді қызметке өтінім онлайн түрде беріледі, ал қажетті құжаттардың басым бөлігі мемлекеттік дерекқорлардан автоматты түрде жүктеледі» делінген ақпараттық хабарламада.

Қызметті пайдалану үшін eGov.kz порталында төмендегідей әрекеттерді қадам-қадам бойынша орындау керек:

Талдықорғанда жасөспірім Шерзат Полаттың қазасы бойынша сот процесі жалғасып жатыр. Сот залында сотталушы Дархан Әскентайдан жауап алынып жатыр, деп хабарлайды KursivMedia.

Жәбірленушінің адвокаты «соққы алғаннан кейін жедел жәрдем шақыруға толық мүмкіндігіңіз болды ма?» деп сұрады.

Әскентай «досым көлікпен жүргендіктен, бірінші соған хабарластым. Мені алып кетсін деген мақсатта хабарластым. Бірінші жедел жәрдемге емес, досым Нұрболға хабарласқаным үшін қамауда отырмын», деді.

Бұған дейін Әскентай өзіне тергеу барысында қысым көрсетілгенін айтты. Мемлекеттік айыптаушы нақты кімнің қысым көрсеткенін сұрады. Сотталушы нақты адамды атамады, сондай-ақ сотқа дейінгі тергеу барысында нақты қандай құжаттарға қол қойғанын білмегенін жеткізді.

Содан кейін мемлекеттік айыптаушы Ержан Құрақбаев сотқа дейінгі тергеу барысында...

Қасым-Жомарт Тоқаев Вьетнам Коммунистік партиясы Орталық комитетінің Бас хатшысы То Ламды І дәрежелі «Достық» орденімен марапаттады.

Президент екі елді талай жылдан бері үзілмей келе жатқан достық қарым-қатынас байланыстыратын айтқан. Сондай-ақ достыққа негіз болған тарихи оқиғалардың бірі ретінде 1959 жылы Қазақстанға Вьетнам елінің тұңғыш gрезиденті Хо Ши Миннің келуін атап өткен. Сол уақыттан жалғасқан ынтымақтастық негізінде екі ел шынайы стратегиялық әріптестік орната алған.

«Сіздің Қазақстанға мемлекеттік сапарыңыздың тарихи маңызы зор. Бұл қазақ-вьетнам қатынасын дамытудың маңызды кезеңі басталғанын көрсетеді. Бүгінгі келіссөздер қорытындысы бойынша екіжақты ынтымақтастықты жаңа деңгейге көтеретін стратегиялық серіктестік орнатуға келістік. Бұл үшін мол...

«Қазақтелеком» компаниясының акциялары кейінгі күндері қатты қымбаттап барады. Қазір қор биржасында оператордың бағалы қағаздары 61 800 теңгеден сатылып жатыр. 5 мамырда бірден 15 пайыз өсім көрсеткен.

Құнды қағаздардың күрт қымбаттауына «Қазақтелекомның» былтырғы 74,2 теңге таза табысын түгел дивиденд ретінде төлеуі мүмкін деген жаңалық әсер етуі ықтимал. Бір жай акцияға 6 741,14 теңгенден келеді.

Қазақстанның жеке инвесторлар қауымдастығының (QAMS) инвесторларға арналған ақпаратында алдыңғы жылдардағы бөлінбеген табыстан да дивиденд төленуі мүмкін екені жазылған. Оның көлемі 219 млрд теңгеден аспақ. Бөлінбеген пайда да дивидендке жұмсалса, жай акцияға 19 923,74. теңгеден келеді. Нәтижесінде бір жай акцияға шаққанда 26,7 мың теңге дивиденд...

Мамыр айы елімізде тек мерекелермен ғана емес, жарқын премьералармен де есте қалмақ. Кинотеатрлар көрерменге түрлі жанрдағы фильмдер мен ерекше жеңілдіктер әзірлеп отыр. Солардың бірі – 7-11 мамыр аралығында Freedom Ticketon платформасында кинобилеттерге 30% жеңілдік жүреді. Ол үшін билет сатып алу кезінде KINO30 промокодын енгізу қажет.

Мамыр айының басты премьералары:

7 мамырдан бастап SASYQ фильмі көрерменге жол тартады. Танымал актер Ерден Телемісовтың алғашқы режиссерлік жұмысы. Дәстүр мен еркіндік туралы терең философиялық драма.

«ADAM: Нартәуекел» – Анимациялық фантастика. Әкесін іздеп ғарышқа аттанған бала қатыгез билеушіге қарсы тұрады.

«Пёс из будущего» – Балалар мен ересектерге арналған көңілді оқиға. Уақыты мен...

Freedom Holding Corp. зерттеуіне сәйкес, қазақ қызмет көрсету секторы кейінгі тоғыз айда ең жоғары өсім көрсетті. Іскерлік белсенділік пен жаңа тапсырыстар айтарлықтай артты. Дегенмен секторда қысқарту жүріп жатыр.

Freedom анықтаған іскерлік белсенділік индексі

Freedom қолдауымен S&P Global әзірлеген PMI® индексіне сәйкес, Қазақстан қызмет көрсету секторында іскери белсенділік екінші тоқсанда өсті. Сәуірдегі өсім — кейінгі тоғыз айдағы ең жоғары көрсеткіш. Оған негізінен сәуір айында жаңа тапсырыстың көп болуы ықпал етті.

Басты көрсеткіш — іскерлік белсенділік индексі. Сәуір айындағы іскерлік белсенділік индексі – 51,4. Бұл наурыздағы көрсеткіштен (50,3) жоғары. Сонымен бірге 2024 жылғы шілдеден бергі ең жоғарғы нәтиже.

Қазақстан мен Вьетнам өзара тауар айналым көлемін 2 млрд долларға жеткізуді көздеп отыр. Бұл туралы Ақордада өткен жиында айтылды.

Ақордада Қасым-Жомарт Тоқаев Вьетнам Коммунистік партиясы Орталық комитетінің Бас хатшысы То Ламмен кеңейтілген құрамда келіссөз жүргізген. Президент Вьетнамның 2040 жылға дейін әлемдегі ең ірі 25 экономиканың қатарына кіруді көздеп отырған стратегиялық мақсатын қолдай келе, бұл жоспарды орындауда Қазақстан тарапының да атсалысатынын атап өткен.

«Қазір Қазақстан мен Вьетнам арасындағы сауда-экономикалық және инвестициялық ынтымақтастық қарқынды дамып келеді. Біз аз уақыт ішінде бірқатар ірі жобаны жүзеге асырдық. Алдағы уақытта да өзара тиімді байланыстарымызды кеңейтуге толық негіз бар...