Жаңалықтар

Фото: Ақорда

Президент Қасым-Жомарт Тоқаев классикалық шахмат бойынша әлем чемпионы атағы үшін сайысқа түскен Ян Непомнящий мен Дин Лижэньді, сондай-ақ Халықаралық шахмат федерациясының (ФИДЕ) президенті Аркадий Дворковичті қабылдады. Бұл туралы Ақорда хабарлады.

Мемлекет басшысы қонақтарға ілтипат білдіре отырып, ФИДЕ аясындағы әйгілі спортшылар қатысқан ең беделді турнирдің жоғары деңгейде ұйымдастырылғанын атап өтті.

«Мен, ең алдымен, Дин Лижэнь мырзаны тартысты өткен сайыста әлем чемпоны атағын жеңіп алуымен құттықтағым келеді. Сондай-ақ гроссмейстер Ян Непомнящийге көрсеткен шеберлігі үшін құрметімді білдіремін. Әлемнің бүкіл шахмат қоғамдастығы турнирге назар аударды. Шахмат жанкүйерлері шаршы тақтадағы ойынды жіті бақылады. Турнир сәтті өтті деп...

2023 жылы теңгенің долларға шаққандағы құны 453,6 теңге деңгейінде болады деп болжанады.

Қолданбалы экономикалық зерттеулер орталығы (AERC) кезекті макроэкономикалық шолуын жариялады. Онда сыртқы шоктар мен рецессия қаупіне қарамастан Қазақстан экономикасының алған бағыттан жаңылмай, өсім динамикасын көрсетіп келе жатқаны айтылған.

AERC сарапшыларының айтуынша, 2023 жылдың қаңтар-ақпанының қорытындысы бойынша қазақстандық экспорт тек 0,7 пайызға өскен. Ал жеткізу тізбегінің қалпына келуіне байланысты импорт көлемі 40 пайызға ұлғайған. Олардың мәлімдеуінше, Қазақстанның негізгі экспорттық өнімдері – мұнай, металл, астық негізінен Ресей территориясы арқылы тасымалданады. Ал бұл өз кезегінде соңғы геосаяси ахуалға байланысты үлкен тәуекел туғызып жатыр.

«Соңғы бір жыл ішінде Қазақстанның ТМД...

Темір жол арқылы тасымалданатын бидайдың 1% жолда қолды болады. Одан келетін шығын айына шамамен 900 миллион теңгені құрайды. Бұл туралы «KazGrain» ұлттық экспорттаушылар қауымдастығы, директорлар кеңесінің төрағасы Қанат Көбесов айтты.
Биыл логистика мен бидай құнына қатысты туындаған кедергілерге қарамасатан, Қазақстан астық экспортын өткен маусыммен салыстырғанда 35%-ға арттырған.

«Айына 1 миллион тонна астық тасымалданады. Бұл бидайдың шамамен 1%-ы тасымалдау кезінде ұрланып, әр вагондағы астық шамамен 700 кг азаяды. Яғни, саудагерлер ай сайын 10 мың тонна тауарын жоғалтады. Бір тоннасы 200 доллар тұратын бидай тасымалында, экспорттаушылар ай сайын 2 миллион долларға жуық шығынға ұшырайды», дейді Қанат Көбесов.

Автонесие беру бағдарламасына өзгерістер енгізу мәселесі қарастырылып жатыр. Бұл туралы Индустрия және инфрақұрылымдық даму министрі Марат Қарабаев хабарлады.

Оның айтуынша, қазір бұл бағдарлама бойынша бірнеше мәселе бар.

«Біріншіден, біз әр айда қайтарылған қаржы есебінен қосымша автонесиені жүзеге асырамыз дедік. Бірақ айына шамамен 1 млрд теңге қайтарылып отыр. Ол 100 көлікке жетеді. Осы уақытқа дейін шамамен 4 млрд теңге қайтарылды. Ол ең көп дегенде 400 көлікке жетеді. Бағдарлама жарияланғанда шамамен 5 млрд теңге қайтарылған соң, қайта басталуы керек», – деді министр Үкімет отырысынан кейін.

Министр автонесие бағдарламасына алғашқы жарна енгізу мәселесі де қаралатынын да айтты.

Наурыз айында Қазақстан банк секторының активтері 2,2%-ға немесе 967 млрд теңгеге көбейіп, 45,0 трлн теңгені құрады. 2023 жылғы наурызда активтер өтімді активтердің 2,7%-ға немесе 512 млрд теңгеге артуы нәтижесінде өскен. Бұл дерек ҚНРДА-ның қаржы нарығы туралы шолуында келтірілген.

Өтімділігі жоғары активтер 13,6 трлн теңгені немесе активтердің 30,1%-ын құрап, бұл банктерге клиенттер алдындағы өз міндеттемелеріне толық көлемде қызмет көрсетуге мүмкіндік береді.

Қазіргі кезде еліміздің банк секторында 21 екінші деңгейдегі банк бар, оның 12-сі шетелдік құрылымның қатысуымен, оның ішінде 8-і еншілес банк.

2023 жылғы наурызда екінші деңгейдегі банктерден экономикаға берілген кредиттер 1,1%-ға 23,2 трлн теңгеге дейін өсті (жыл басынан бері 1,5%-ға өсу). Жоспарлы өтеу нәтижесінде ұлттық валютадағы кредиттер 1,4%-ға 21,5 трлн теңгеге дейін ұлғайды...

Фото: Асқар Ахметуллин

Республикалық маңызы бар қалалар мен облыс орталықтарын сумен қамту үшін бюджеттен 25 млрд теңге қажет. Бұл туралы индустрия және инфрақұрылымдық даму министрі Марат Қарабаев мәлімдеді.

Президент 2025 жылдың соңына дейін сапалы ауыз сумен 100% қамтамасыз етуді тапсырды. Министрдің айтуынша, бұл тапсырма «Тұрғын үй-коммуналдық инфрақұрылымды дамыту» тұжырымдамасы шеңберінде орындалады.

2022 жылдың қорытындысы бойынша ауыз суға қолжетімділік қалаларда – 98,4% және ауылдарда 94,5% құрады. 9 өңірдің қала тұрғындары ауыз сумен 100% қамтылған. Олар: Актөбе, Алматы, Атырау, Жетісу, Маңғыстау, Солтүстік және Батыс Қазақстан, Қызылорда және Ұлытау облыстары.
Қалаларда ауыз сумен қамтудың ең төмен көресеткіші Жамбыл облысында – 91,9%.

Ал ауылды...

Фото: kursiv.media

Сәуір айында Ұлттық қордан республикалық бюджетке трансферт қамтамасыз ету үшін Ұлттық қордан 600 млн АҚШ долларына тең валюта сатылған. Ұлттық қордан сатылған валюта үлесі жалпы сауда-саттық көлемінің 20%-ын және күніне 30 млн АҚШ долларынан аспады, деп хабарлайды ҰБ баспасөз қызметі.

«Мамыр айында Ұлттық қордан валюта көлемі Қаржы министрлігінің республикалық бюджетке трансферттер бөлуге арналған өтінімдеріне байланысты болады. Қаржы министрлігінің қолда бар болжамды бағдарларының негізінде қажетті трансферттердің сомасы бойынша мамыр айында Ұлттық Банк Ұлттық қордан 750 млн АҚШ долларынан 800 млн АҚШ долларына дейінгі мөлшерде валюта сатуды жоспарлайды. БЖЗҚ зейнетақы активтерінің валюталық үлесін ұстап тұру үшін...

АҚШ үкіметі 12 мамырдан бастап Америкаға келетін шетел азаматтары үшін коронавирусқа қарсы екпе алуды міндеттейтін талаптың күші жойылатынын хабарлады.

«11 мамырдан кейін федералды ведомстволардың қызметкерлері, федералды келісімшартпен жұміс істейтіндер және халықаралық әуе рейстерімен келетін жолаушылар үшін міндетті COVID-19 вакцинациясы туралы талапты алып тастайтынын жариялаймыз», – делінген Ақ үй мәлімдемесінде.

АҚШ елге кіретін шетелдіктерден 2021 жылдың қараша айынан бастап COVID-19-ға қарсы вакцинаның толық егілгенің туралы куәлікті талап ете бастады. Бұл ретте АҚШ немесе ДДҰ мақұлдаған вакцина туралы анықтамалар ғана қабылданады.

2023 жылдың сәуірінде АҚШ президенті Джо Байден COVID-19 салдарынан 2020 жылы енгізілген ұлттық төтенше жағдай режимін жойды...

Америкалық қаржы реттеушісі First Republic Bank-ті жапты. Оның активтерінің негізгі бөлігі мен депозиттері JPMorgan Chase & Co банкіне сатылды. Бұл туралы Интерфакс жазады.

First Republic Bank-тің банкроттығы 2008 жылғы дағдарыстан бері АҚШ-тың қаржы жүйесіндегі ең ірі оқиға.

Мәміле нәтижесінде First Republic клиенттерінің жалпы сомасы шамамен 92 миллиард долларлық депозиттері JPMorgan-ға өтеді, оның ішінде сақтандыру жөніндегі Федералды корпорацияда (FDIC) сақтандырылған және сақтандырылмаған да депозиттер бар.

Бұл сомаға First Republic наурыз айында АҚШ-тың 11 ірі банкінен депозиттер түрінде алған 30 миллиард доллар кіреді, делінген JPMorgan баспасөз хабарламасында. Бұл қаражат мәміле жабылғаннан кейін салымшыларға қайтарылады.

Сонымен қатар, JPMorgan First Republic активтерін...

Фото: Ақтөбе облысы төтенше жағдайлар департаменті

1 мамыр күні күндіззі сағат төрттер шамасында Аөтөбе облысы Жаңажол кен орнында «СНПС-Ақтөбемұнайгаз» АҚ №2 газ өңдеу зауытының аумағында қондырғысында өрт шыққан.

«Күйік алған 4 жұмысшы Темір ауданының орталық ауруханасына шұғыл түрде жатқызылды. Зардап шеккендердің жағдайы тұрақты» деп хабарлады Ақтөбе облысының төтенше жағдайлар департаментінен.

Өрт кешкі сағат 20:35-те оқшауланған. Өрттің ауданы мен  себептері анықталуда.

Өртті сөндіруге Ақтөбе облысы ТЖД және «Семсер өрт сөндіруші» ЖШС 50-ден астам өрт сөндіруші мен 9 бірлік техника жұмылдырылды.

ПЕК+ келісіміне мүше бірнеше мемлекет мамыр айынан мұнай өндіру көлемін ерікті түрде азайта бастады. Бұл процес 2023 жылдың соңына дейін жалғаспақ. Өндірістің қысқаратын жалпы көлемі тәулігіне 1,66 млн барельді құрайды. Бұл туралы ҚазАқпарат хабарлады.

Мұнай өндіруші алып Сауд Арабиясын қоса алғанда ОПЕК+ ұйымына мүше кейбір елдер 3 сәуір күні өткен альянстың министрліктер мониторингінде 2023 жылдың мамыр айынан бастап, жыл соңына дейін мұнай өндіру көлеміг ерікті түрде қысқартатыны туралы кенеттен мәлімдеме жасады.

Мониторинг мәжілісінен соң ОПЕК сайтында жарияланған мәлімдемеде мұнай өндіру көлемін қысқарту жөніндегі алдын алу шарасы мұнай нарығының тұрақтылығын қамтамасыз етуге бағытталғандығы айтылған.

Мұнай өндіру көлемін қысқартатынын ОПЕК...

Мемлекет басшысы Қасым-Жомарт Тоқаев ел тұрғындарын Қазақстан халқының бірлігі мерекесімен құттықтады. Бұл туралы Ақорданың ресми сайты хабарлады.

Қадірлі отандастар!

Сіздерді Қазақстан халқының бірлігі мерекесімен шын жүректен құттықтаймын!

Бұл – тұрақтылық пен тыныштықты, татулық пен келісімді дәріптейтін мейрам.

Ел бірлігі – біздің баға жетпес байлығымыз, мемлекеттілігіміздің берік негізі. Қазақ жері сан алуан этнос өкілдерінің құтты мекеніне айналған. Барлық азаматтарымыз өткен тарихы, бүгіні мен болашағы бір екенін терең ұғынады. Өйткені жұртымыздың құндылықтары да, арман-мұраттары да ортақ. Түптеп келгенде, бәріміз – үлкен қара шаңырақтың, біртұтас қазақ ұлтының перзенттеріміз.

Еліміздің өсіп-өркендеуі қолға алған реформалардың тиімді жүзеге асырылуына байланысты. Біз осы іргел...

Астанада өткен Ян Непомнящий мен Дин Лижэнь арасындағы тартысты ойын аяқталды. Нәтижесінде Қытайлық гроссмейстер Дин Лижэнь шахматтан он жетінші әлем чемпионы атанды.

Титулдың тағдыры тай-брейкте шешілді. Мамандардың айтуынша, экспресс шахматтан өткен жарыс жоғары деңгейде болған.

«Алғашқы үш ойын тең аяқталды. Төртіншісінде, Дин жеңіске деген ерекше ерік-жігерін көрсетіп, өзі үшін сәтсіздеу басталған жекпе-жектің бағытын өзгерте білді. Матчтың жалпы есебі 9,5:8,5. Жеңімпазды құттықтаймыз!»-,делінген хабарламада.

CEO Freedom Holding Corp., Қазақстан шахмат федерациясының президенті Тимур Турловтың айтуынша, Қазақстанда өткен әлем чемпионаты еліміз үшін үлкен мәртебе.

Жүлде қоры 2 миллион еуроны құрайтын іс-шараның бас серіктесі Freedom Holding Corp болып табылады.

Үндістанның ең ірі банктерінің бірі Kotak Mahindra  Bank  бас директоры Удай Котак долларды «әлемдегі ең ірі қаржылық террорист» деп атады. Ол рупийді резервтік валютаға айналдыруды ұсынды. Бұл туралы ол Делидегі ETAwards бизнес және қаржы саясаты сыйлығын тапсыру рәсімінде мәлімдеді, деп хабарлады Тhe Economic Times газеті.

«Мен әлемдегі ең ірі қаржылық террорист АҚШ доллары деп санаймын. Бүкіл әлем «баламалы резервтік валютаны іздейді», – деді банкир.

Оның айтуынша, рупий осындай валютаға айналуы мүмкін, бірақ бұл Үндістанға шамамен 10 жыл қажет.

Өзбекстанда Конституцияға өзгерістер мен толықтырулар енгізу жөніндегі республикалық референдумда дауыс беру өтіп жатыр.

Өзбекстанда сағат 8:00-де дауыс беруге арналған барлық 10 758 учаске ашылды. Тағы 55 учаскелік комиссия шетелде жұмыс істейді, онда 307 мыңнан астам азамат тұрады. ОСК мәліметтері бойынша, 19-26 сәуірде референдумда 611 мыңнан астам азамат мерзімінен бұрын дауыс берді.

Дауыс беруге сайлаушылардың бірыңғай электрондық тізімінде 19,7 млн адам тіркелген.

Естеріңізге сала кетейік, Өзбекстан Конституциясына түзетулер елдің басты заңының барлық бөлімдеріне бірқатар жаңа ережелер енгізеді. Егер құжат қабылданса, онда Өзбекстан Конституциясының қолданыстағы редакциясы 65% – ға жаңартылады, баптар саны 128-ден 155-ке, ал тараулар саны 26-дан 27-ге дейін артады. Түзетулер...

Еліміздегі онлайн білім платформалары жылдық қаржы айналымын 30 млн долларға жеткізді. Бұл туралы Хабар 24 хабарлады.

Мамандар мұндай технологияға сұраныстың күрт артқанын байқап отыр. Жағдай пандемия кезінде өзгерді. Яғни қашықтан білім беру үдерісі айти сала жұмысын жетілдіруге сеп болды. Қазір еліміз бұл сала бойынша Орталық Азияда көшбасшы.

  Мәселен Өзбекстанда «EdTech» өнімдерінің қаржы айналымы тек 50 мың долларды құрайды. Сондықтан көршіміз қазақстандық тәжірибені меңгеріп, қолданысқа енгізуге ниетті. Осы мақсатта «Орталық Азияның онлайн білім беру технологиялары» қауымдастығы құрылды. Оған Қазақстанның 8, ал Өзбекстанның 4 компаниясы бірікті. Тараптар алдағы уақытта онлайн білім беру бағдарламаларын бірлесіп жетілдіріп, ауқымын кеңейтпек.

Бас Прокурордың тапсырмасы бойынша Маңғыстау облысына орталық аппараттың неғұрлым тәжірибелі қызметкерлері қатарынан құрылған жұмыс тобы келді. Бұл туралы Бас прокуратураның баспасөз қызметі хабарлады.

Жұмыс тобының алдында «Өзенмұнайгаз» АҚ-да тендерлерді өткізу кезінде заңдылықтың сақталуы және ашықтықтың қамтамасыз етілуі мәселелерін зерделеу міндеті тұр.

Мердігер ұйымдардың қызметкерлері бұл мәселені жиі көтеріп, оны еңбек жағдайларының нашарлауымен және жалақының төмендеуімен байланыстыратыны белгілі.

Осыған байланысты қадағалау ведомствосының қызметкерлері «Өзенмұнайгаз» АҚ-ның қаржы-шаруашылық құжаттамасын және сатып алуларын ықтимал бұзушылықтар мен сыбайлас жемқорлық тәуекелдерінің болуы тұрғысынан талдайды.

Сонымен қатар, Жаңаөзен қаласының және жалпы Маңғыстау облысының әлеуметтік-экономикалық дамуына талдау жүргізілуде.

Талдаумен инженерлік инфрақұрылым және тұрғын үй құрылысы, кәсіпкерлік...

Еуроодақта Украинадан ауыл шаруашылығы өнімдерін импорттау бойынша ортақ шешімге келді. Бұл туралы «Хабар 24» хабарлады.

Бұған дейін аймақтың бірнеше елдері – Польша, Венгрия, Словакия және Болгария – астық пен басқа да тауарларды импорттауға тыйым салған. Осылайша үкіметтер бұрын наразылық акциясына шыққан фермерлерін қорғауға ниетті болды.

Естеріңізге сала кетейік, ЕО өткен жылдың мамыр айында Украинадан әкелінетін барлық өнімдерге кедендік баждарды тоқтатты. Бұл жергілікті еуропалық тауарлардың бағасының төмендеуіне әкелді.

Енді Еуропада олар украин өнімдерінің транзитіне кепілдік беру және шектеулерді алып тастау туралы келісті.

Еурокомиссия сонымен қатар бес елдегі зардап шеккен фермерлерге қосымша 100 миллион еуро көмек көрсетуге уәде...

Президент Қасым-Жомарт Тоқаев «Жасыл Астана» экологиялық айлығы аясында ұйымдастырылған қалалық сенбілікке қатысып, елордадағы Желілік саябақта ағаш отырғызды. Бұл туралы Ақорда баспасөз қызметі хабарлады.

Мемлекет басшысы сенбілік барысында волонтерлермен және студенттермен әңгімелесті.

«Қазақстан – біздің ортақ үйіміз. Сондықтан үйімізді таза ұстауымыз керек. Ағаш отырғызып, көшелерді тазалауымыз керек. Бұл – біздің азаматтық борышымыз. Бізде басқа ел жоқ. Сондықтан бәріңді жауапкершілігі мол азамат болуға шақырамын. Баршаңызға, әсіресе, еріктілерге алғыс айтамын», – деді Қасым-Жомарт Тоқаев.

 Сенбілікке қатысқандар 2 түп қарағай және 39 түп жөке көшетін екті.

2023 жылғы 1 сәуірдегі жағдай бойынша 8,8 млрд теңге сенімгерлік басқаруға аударылды

Біздің зейнетақы жинақтарымыз зейнетақы жарналары мен оларға есептелген инвестициялық кірістерден тұратыны белгілі. Зейнетақы активтерін инвестициялаумен Ұлттық Банк, ал 2021 жылдан бастап инвестициялық портфельді басқарушылар (ИПБ) да айналысады. Зейнетақы жинақтарын міндетті зейнетақы жарналары (МЗЖ) және міндетті кәсіптік зейнетақы жарналары (МКЗЖ) есебінен сенімгерлік басқарудың басты мақсаты – түрлі қаржы құралдарына инвестициялау және табыс алу.

2021 жылғы қаңтардан бастап заңнамаға сәйкес Қазақстанның әрбір азаматы МЗЖ және (немесе) МКЗЖ есебінен қалыптастырылған өзінің зейнетақы жинақтарының бір бөлігін жеке басқарушы инвестициялық компанияларға сенімгерлік басқаруға беруге құқылы. Бұл құқықты зейнет жасына толмаған, МЗЖ және МКЗЖ...

«Самұрық-Энерго» Алматының ЖЭО-2 және ЖЭО-3 көмір энергоблоктарын жоюға арналған резервтерді газға көшіру жөніндегі жобалар аяқталғаннан кейін қарастырылды. Бұл туралы компанияның шоғырландырылған аудиттелген есебінде көрсетілген.

Құжатта Алматының ЖЭО-2-ні газға ауыстыру жобасын қаржыландыру үшін инвестициялық келісім жасасу және қуаттылыққа жеке тариф алу 2023 жылдың соңына дейін күтілетіні атап өтілген. ЖЭО-2 жаңғырту жобасы газдағы жаңа станция іске қосылғаннан кейін ЖЭО-2 қолданыстағы қуаттарын консервациялауды көздейді. «Самұрық-Энерго» басшылығы ЖЭО-2-ні газға ауыстыру жобасын 2026 жылдың 31 желтоқсанына дейін аяқтауды жоспарлап отыр.

«Топ 2021 жылы бу-газ қондырғысы пайдалануға берілгеннен кейін консервациялауға немесе бөлшектеуге жататын көмір энергия блоктарын қоса алғанда, ЖЭО-2 негізгі активтерінің 20,7 млрд...

ҚР Премьер-Министрі Әлихан Смайылов пен АҚШ елшісі Дэниел Розенблюм Қазақстан Республикасы мен Америка Құрама Штаттары арасындағы екіжақты ынтымақтастықтың өзекті мәселелерін талқылады. Бұл туралы Премьер-министрдің баспасөз қызметі хабарлады.

Қазақстан АҚШ-ты екіжақты және көпжақты форматтағы стратегиялық серіктесі санайды. Бүгінде ҚР-да 900-ден астам бірлескен кәсіпорын табысты жұмыс істейді.

«Біз Америка Құрама Штаттарымен бұған дейінгі тиімді ынтымақтастығымызды күн тәртібіндегі кең ауқымды өзара іс-қимыл бойынша одан әрі тереңдетуге және нығайтуға ниеттіміз», — деді Әлихан Смайылов.

Былтыр елдер арасындағы тауар айналымы шамамен 40%-ға өсіп, $3,1 млрд болды. Осы ретте Қазақстан сауда көлемін одан әрі арттыруға әлеуетті және құны $800 млн...

Бас прокуратура «қаңтар оқиғалары» кезінде билігін асыра пайдаланғаны үшін 10 жылға бас бостандығынан айырылған Алматы облысы полиция департаментінің бұрынғы бастығы Серік Күдебаевқа шыққан сот үкіміне түсініктеме берді.

Талдықорған қалалық сотының үкіміне сәйкес, С.М. Күдебаев «қаңтар оқиғалары» кезеңінде ауыр зардаптарға (ҚК-нің 362-бабы 4-бөлігі) және азаптауларға (146-бабы 2-бөлігі) әкеп соққан билікті асыра пайдаланғаны үшін кінәлі деп танылып, орташа қауіпсіздік мекемесінде жазасын өтей отырып, полиция генерал майоры арнайы атағынан айырыла отырып, 10 жылға бас бостандығынан айырылған болатын.

Бас прокуратураның мәлімдеуінше, С.М. Күдебаев Конституцияның, Мемлекет басшысының «Төтенше жағдай енгізу туралы» Жарлығының, «Құқық қорғау қызметі туралы» және «Ішкі істер органдары туралы...

Қытай Батыс елдерімен саудаға тәуелділікті азайту үшін Қытайды Пәкістанмен байланыстыратын «Бір белдеу және бір жол» аясында ең ірі көлік жобасын ұсынды. Бұл туралы Гонконгтың ағылшын тіліндегі South China Morning Post газеті хабарлады.

Құны $57,7 млрд (400 млрд юань) болатын жобамен China Railway first Survey and Design Institute Group Co Ltd мемлекеттік компаниясының сарапшылары танысты. 3000 км болатын теміржол жүйесі Пәкістанның Гвадар портын Қытайдың Шыңжаң-Ұйғыр автономиялық ауданындағы Қытайдың Қашғар қаласымен байланыстырады.

3000 км теміржол Қытайдың батыс аймақтарын Араб теңізімен байланыстырады, Малакка бұғазын айналып өтіп, Оңтүстік Қытай теңізіне тәуелділікті төмендетеді.