Жаңалықтар

Сауда комитеті әлеуметтік маңызы бар азық-түлік тауарларының Ұлттық статистика бюросындағы былтырғы және биылғы тамыз айындағы бағаларына талдау жүргізді.

ӘМАТ тауарларына енетін өнімдердің басым бөлігінің бағасы былтырға қарағанда арзандаған.

Күнбағыс май. Елде жыл басынан күнбағыс майының бағасы 15% арзандаған. Былтыр тамызда күнбағыс майының 1 литрі 781 теңге болған болса, биыл бұл баға 626 теңгеге дейін арзандаған.

Пияз. Пияз бағасы былтыр 177 теңге болса, биыл дүкен сөрелеріне 129 теңгеден сатылуда.

Қырыққабат. Қырыққабат осыдан 1 жыл бұрын 159 теңгеден сатылған болса, қазір республика бойынша орташа бағасы 124 теңгені құрап тұр.

Қант. Былтыр қанттың 1 келісі 434 теңгеге дейін жетсе, қазір оның бағасы...

Шілдеде әлемдік нарықта электромобильдердің сатылымы 21%-ға өскен. Rho Motion зерттеу фирмасы мұны Қытайдағы электромобиль өндірісінің артуымен байланыстырады.

Зерттеу орталығының мәліметінше, эко-көліктер сатылымының артуына Еуропада бұл көлік түріне баж салығы салынғанына байланысты сұраныстың төмендегені еш әсер етпеген.

«Еуропадағы сұраныстың төмендеуіне қарамастан, осы жылы Қытайдағы өндіріс көлемінің айтарлықтай артуына байланысты электрлі және гибридті көліктердің жаһандық сатылымы шілде айында 21%-ға өсті», – деп хабарлайды Rho Motion фирмасы.

Шілде айында бүкіл әлем бойынша 1,35 млн электрлі және қосылатын гибридті көліктер сатылған. Соның 0,88 миллионы Қытайда өндірілген екен. Ал әлем бойынша жалпы сатылым көлемі өткен жылмен салыстырғанда...

15-28 тамыз аралығында Қазақстан-Ресей шекарасындағы «Құрманғазы» өткізу пунктінде көлікті өткізу кезінде қиындықтар туындауы мүмкін. Бұл туралы Ұлттық қауіпсіздік комитетінің баспасөз қызметі хабарлады.

«Көрсетілген кезеңде аумақта жол төсемін жөндеу жоспарланған. Осы мән-жайды ескеруді және қозғалыс бағдарын алдын ала түзетуді сұраймыз», – делінген хабарламада.

Басқа пунктер штаттық режимде жұмыс істейді, ешқандай шектеулер енгізілмеген.

Еске сала кетсек, 29 шілде мен 3 тамыз аралығында Ресейдің «Маштаково» бекетіндегі жол төсемін жөндеу жұмыстары жүргізілді.

7 шілдеде бұл бекетте жүк көліктерінің кептелісі пайда болды. Ол кезде 200-ге жуық жүк көлігінің шекарадан өтуі ұзаққа созылып кетті. ҚР Мемлекеттік кірістер комитетінің БҚО...

Израиль Иран мен «Хезболланың» шабуылына дайындалып жатыр. Аймақтағы шиеленістің күшеюіне байланысты АҚШ Израильге зымырандармен жабдықталған суасты қайығы мен ұшақ тасығышын жіберді.

Бұл жайлы АҚШ Қорғаныс министрі Ллойд Остин хабарлаған. Министр ядролық қуатпен жұмыс істейтін Georgia су асты қайығы мен F-35C жойғыш ұшақтарымен жабдықталған Авраам Линкольн ұшақ тасығыштары жіберілгенін айтқан.

Остин Американың Израильді Иранның кез келген шабуылынан қорғауға дайын екенін әрі Вашингтон өзінің одақтасын қорғау үшін аянбайтынын жеткізген.

Айта кетсек, Иран 31 шілдеде Тегеранда өлтірілген «Хамастың» саяси жетекшісі Исмаил Хания үшін қарымта қайтаруды жоспарлап отыр. Ал «Хезболла» әскери қолбасшысы Фуад Шукрдың өлімі үшін кек алмақшы. Екі тарап...

Алматы қаласының Бостандық ауданында екі қабатты кафе өртенді. «Атакент» орталығының маңында түтін будақтағанын тұрғындар бірден аңғарды.

Жұмыс бригадасы өрт орнынан үш газ баллонын шығарды. Төтенше жағдайлар министрлігі өрт сөндірілгенін хабарлады. Зардап шеккендер жоқ.
Оқиғаның мән-жайы анықталуда.

16 шілде күні Алатау ауданындағы қойма өртенген еді. Солтүстік айналым, 78/1 мекенжайында орналасқан сауда алаңында қатар тұрған контейнерлер өртеніп кетті. Контейнерлердегі дүңгіршектер отқа оранды. «Қазавиақұтқару» тікұшағы сол кезде базар аумағына алты мәрте оралып, өрт ошағына 30 тонна су төкті.

Жоғарғы Соттың азаматтық істер жөніндегі сот алқасы Ұлттық Банктің Forbes тізіміндегі кәсіпкер Орифджан Шадиевке қатысты шағымы бойынша апелляциялық сот шешімінің күшін жойды. 

«2017 жылдың тамыз айында Capital Bank Kazakhstan Ұлттық Банктен мемлекеттік қолдау ретінде 20 млрд теңге алды. Қаражат сол жылдың қараша айында өтеліп қайтарылуы тиіс болған. Кейінірек келісімшарт мерзімі 2020 жылдың ақпанына дейін ұзартылған. Банк акционері Орифджан Шадиев осы қарыз бойынша кепілгер болған», – делінген іс материалдарында.

Ұлттық банк бөлген қаржы банкті аман алып қалмаған. 2021 жылы ол лицензиясынан айырылды. Банк қаражаттың бір бөлігін қайтарып үлгерген. 

19 наурызда шыққан бастапқы сатыдағы сот шешімі бойынша Шадиевт...

Шымкент қаласына тиесілі жер телімдерінің мәліметін өзгерткен ХҚО-ның екі маманы сотталды. ҰҚК баспасөз қызметінің ақпараты бойынша олар мемлекетке 50 млн теңгеден астам залал келтірген.

Шымкент қаласының қылмыстық істер бойынша мамандандырылған ауданаралық соты оларды кінәлі деп таныды. «Азаматтарға арналған үкімет» мемлекеттік корпорациясы» КЕАҚ жергілікті филиалының бұрынғы екі қызметкері мемлекеттік жер кадастрының автоматтандырылған ақпараттық жүйесінде мәліметтерді ауыстырған. Сол арқылы Шымкент қаласы жер телімдерінің шекарасын өзгерткен.

Қылмыстық кодекстің 206-бабының 3-бөлігі және 190-бабының 4-бөлігі бойынша екеуі де бес жылға бас бостандығынан айырылды. Оған қоса коммерциялық ұйымдарда бес жыл басшы лауазымдарды атқаруға тыйым салынды.

Грекия орманындағы өрт толастамай тұр. Екі күннен бері өрт сөндірушілер мен әскерилер жалынды өшіре алмай жатыр. Бұл жөнінде шетелдік ақпарат құралдары жазды.

Алапат өрт 11 тамыз күні Афина қаласынан 35 км жерде басталған. Күшті желден жалын одан сайын өрши  түсті. Табиғи апаттан орман зардап шекті.

Грекияның климаттық дағдарыс және азаматтық қорғау министрі Василис Кикилиа өрттің өте қауіпті екенін, ағаштар 20 сағаттан астам уақыт жанып жатқанын хабарлады. Афинаның солтүстік-шығыс жағындағы тауларда, адам аяғы баспаған учаскелерде өрт өршіген.

Тарихи Марафон қаласы мен Афина маңындағы елдімекендерде жүздеген тұрғынды көшіру басталды. Метеорология орталығы бұған дейін құрғақшылық пен аңызақ жел салдарынан өрт болуы мүмкін екенін...

 «Осы шаруаны бір жақты қылып алайын, сосын бәрі күшті болады» деп өзіңізге жиі айтасыз ба? Сол шешімі табылған мәселенің соңынан келесісінің төбесі көрініп, тағы да жаңағы сөзді қайталайсыз ба? Құдды осы кезең өткеннен кейін бақытты ғұмыр кешіп кететіндей, ұдайы бәрін алдағы уақыттың еншісіне бере беретін болсаңыз, бәлкім сізде өмірді кейінге қалдыру синдромы бар шығар? Ол қандай синдром? Оның нендей белгілері бар? Қалай құтылуға болады? Осы туралы айтамыз.

Кешіктірілген өмір не бәрін кейінге қалдыру синдромы деген не?

Қазіргі сүріп жатқан өмірін болашақта болатын бір маңызды дүниеге дайындық ретінде қабылдап, өзін соған сендіруді «кешіктірілген өмір немесе бәрін кейінге қалдыру синдромы...

Қазақстанда 25 шетелдік мұнай сервистік компаниясының бас мердігерлері 30 жыл ішінде 50 миллиард доллардан астам табыс тапты. Енді олар өздерінің халықаралық жобаларына еліміздің компаниялары мен мамандарын тартуы керек. Қазақстан мұнай сервистік компаниялар одағының төрағасы Алмас Құдайберген осылай деп мәлімдеді.

«Біз бұл компаниялардың қандай да бір моральдық борышы бар және олар өздерінің халықаралық жобаларына қазақстандық компаниялар мен мамандарды тартуы керек деп  есептейміз», – деді Алмас Құдайберген Орталық коммуникациялар алаңында өткен брифинг барысында.

Оның айтуынша, қазақстандық компаниялар қазірдің өзінде елімізде жұмыс істеп жатқан шетелдік бас мердігерлер арқылы Таяу Шығыс, Катар және Сауд Арабиясының мұнай-газ нарығына шыға...

11 тамыз күні Париж-2024 жазғы Олимпиада ойындары аяқталды. Ұлттық құрама қоржынында 1 алтын, 3 күміс, 3 қола – барлығы 7 медаль бар. Қазақстандық спортшыларға ақшалай сыйақыдан бөлек қандай сыйлықтар берілді?

Қазақстанда Олимпиададағы жеңісі үшін жүлде төлемдерінің өзіндік мөлшері белгіленген. Алғашқы үш орынға 250 мың доллар, 150 мың доллар және 75 мың доллар көлемінде жүлде беріледі. 4-ші орыннан 6-орынға ие болған спортшылар 30, 10 және 5 мың доллар алады.

Мемлекеттен төленетін сыйақыдан бөлек спортшыларға облыс әкімдігі, спорт федерациялар және Мәжіліс депутаттары сыйлақтарын жаудырды.

Солардың ішінде үстел теннисінен ерлер арасында 9-орын алған Кирилл Герасименкоға Қазақстанның үстел теннисі федерациясы Астанадан 2 бөлмелі пәтер...

Freedom Capital Markets Research директорының орынбасары Михаил Денисламовтың АҚШ қор нарығындағы оқиғаларға күнделікті шолуы мен болжамы.

Жұма күнгі нарық

9 тамыздағы америкалық қор алаңдарындағы негізгі сессия тыныш динамикамен сипатталды және негізінен қалыпты плюс деңгейінде аяқталды. S&P 500 индексі 0,47%-ға өсті, NASDAQ 0,51%-ға көтерілді, Dow Jones 0,13%-ға жақсарды, ал Russell 2000 шағын эмитенттерінің бенчмаркі 0,17%-ға төмендеді. VIX құбылмалылық индексі қалыпқа келуін жалғастырды және 14,38%-ға дейін төмендеді.

Айқын позитивті драйверлердің жоқтығына қарамастан, S&P 500-ге кіретін барлық дерлік сектор «жасыл аймақта» жабылды. Өсім көрсеткен көшбасшылар – ІТ индустрия (XLK 0,64%) және байланыс саласы (XLS: +0,97%). Шикізат және өңдеу компанияларының бағалары аздап түзетілді.

Украина әскері Курск облысына 30 шақырым ішкері енген. Бұл жаңалықтардан кейін рубль бағамы Forex-тегі саудада төмендеп кетті. Бұл жайлы Moscow Times, басылымы хабарлады.

12 тамыз, дүйсенбіде рубльге қатысты доллар бағамы 4,4%-ға көтеріліп, 90,75 рубльге дейін құлдыраған. Бұл – LSEG индикативті баға белгілеулеріне сәйкес маусымның ортасынан бергі ең жоғары мән.

Ал еуро бірнеше сағаттық саудада 4,5%-ға өсіп, оның бағамы 99,13 рубльге дейін көтерілді, бұл 23 мамырдан бергі ең жоғары деңгей саналады.

Украина Қарулы Күштерінің Курск облысына шабуылы басталған күні Forex-тегі саудада доллар 6 рубльге, ал еуро 6,4 рубльге қымбаттаған болатын. Бұл күні Ресей валютасы құнының шамамен 7%-ын жоғалтқан.

7 тамыздан бастап Қазақстанда банк салымы және банк шоты шартының мазмұнына және рәсімделуіне қатысты ерекше талаптар күшіне енді. Бұл жайында Қазақстанның депозиттерге кепілдік беру қоры (ҚДКБҚ) хабарлады.

Енді банктер шартқа қол қою барысында клиенттерге банк шотының немесе салымының негізгі талаптары туралы хабарлауға міндетті. Оның ішінде:

—  салым бойынша кепілді өтемнің ең жоғары сомасы;

— салым мерзімі мен валютасы;

— салым бойынша пайыздық сыйақы мөлшерлемесі мен сыйақы төлеу талаптары;

—  қаражатты қайтарып алу және салымның мерзімін ұзарту талаптары;

— банктік шотына қызмет көрсету үшін комиссиялар.

Ақпарат кестелік және түсінуге қолайлы формада берілуі тиіс. Сондай-ақ ақпаратты банктер шарттың жазбаша немесе электронды түрде жасалғанына қарамастан...

Бішкек пен Алматы арасында жақын арада электр автобустары іске қосылады, сондай-ақ болашақта бағытын Қаракөлге дейін ұзартуы мүмкін. Бұл туралы Азия даму банкінің өкілі Кылыч Жақыпов хабарлады.

Оның айтуынша, қазіргі уақытта жоба тек Алматы мен Бішкек арасында дайындалып жатыр.

«Техникалық тұрғыдан қазір алыс қашықтыққа жүруге арналған электр автобустары бар. Зерттеу барысында Қордай асуын оның биіктігі мен маршруттың күрделілігіне басты назар аудардық. Алайда тәжірибеден өткен жаңа электр автобустары бұл жолдан қиындықсыз өте алатынын көрсетті», – деді Жақыпов.

Сонымен қатар Жақыпов электробустар бағытын Каракөлге дейін ұзарту әзірге тек жоспар ретінде талқыланып жатқанын атап өтті.

Естеріңізге сала кетейік, бұған...

Үндістандағы ең ірі өнеркәсіптік конгломераттардың бірі Adani Group-тың акциялары дүйсенбі, 12 тамызда, биржадағы сауда басталған сәтте төмендеді. Бағаның құлдырауы Нью-Йорктегі Hindenburg Research-тің Үндістанның нарықтық реттеушісінің басшысын мүдделер қақтығысы үшін айыптауынан кейін орын алып отыр.

Толығырақ

Топтың бас компаниясы Adani Enterprises акциялары Мумбайдағы сауда-саттық басталған кезде 5,5%-ға құлдырады. Adani Energy Solutions бағалары 17%-ға кеміді. Бірақ кейін жағдайды біршама түзеп алды. Bloomberg мәліметтері бойынша, Adani-дің құрамына кіретін компаниялардың он акциясының барлығы төмен саудаланған. Әрі бір сәтте шамамен 19 млрд долларға арзандады. Кейін шығын көлемі 9 млрд долларға дейін қысқарды, деп жазды Reuters.

10 тамызда Hindenburg Үндістанның бағалы қағаздар және...

 Астана айналасындағы айналма жолға шектеулер енгізіледі. «ҚазАвтоЖол» орташа жөндеу жұмыстарына байланысты «Астана айналма жолының» 10 шақырымдық учаскесінің уақытша жабылатынын хабарлады.

«ҚазАвтоЖол» ҰК» АҚ 2024 жылғы 13 тамыздан 16 тамызға дейінгі аралықта Р-10 «Астана айналма жолы» автомобиль жолының 36-46 шақырымы учаскесіндегі орта жөндеу жұмыстарына байланысты ішінара жол қозғалысына уақытша шектеу қойылатынын хабарлайды», – делінген хабарламда.

Жауапты компания көлік иелеріне балама жолдарды алдын-ала жоспарлауға кеңес берді.

Осыған дейін «ҚазАвтоЖол» жол жөндеуге қатысты құжаттарды ашық жариялауға уәде берген болатын. Нақтырақ айтсақ, халықаралық, республикалық маңызы бар автомобиль жолдарының қайта жаңарту мен жөндеу жұмыстарының техникалық-экономикалық негіздемесі және жобалық-сметалық құжаттамасын ресми интернет-ресурста ашық түрде жариялайды...

Қаржы министрлігі 2024-2026 жылдарға арналған республикалық бюджет жоспарына өзгеріс енгізбек. Бұл жайлы «Ашық НҚА» порталына орналастырылған министрлік құжатында жазылған.

«2024 – 2026 жылдарға арналған республикалық бюджет туралы» Қазақстан Республикасының Заңын іске асыру туралы» Қазақстан Республикасы Үкіметінің 2023 жылғы 12 желтоқсандағы № 1108 қаулысына өзгерістер енгізу туралы» Қазақстан Республикасы Үкіметінің қаулы жобасына өзгерістер енгізу көзделеді»,- делінген құжат түсіндірмесінде.

Құжатта «облыстық бюджеттерге, республикалық маңызы бар қалалардың, астананың бюджеттеріне «Жайлы мектеп» пилоттық ұлттық жобасы шеңберінде орта білім беру объектілерін салуға Қазақстан Республикасының Ұлттық қорынан нысаналы трансферт есебінен берілетін нысаналы даму трансферттері» деген бюджеттің кіші бағдарламасына...

«Самұрық-Қазына» қоры кезінде Қайрат Боранбаевқа тиесілі болған «АзияГаз Чунджа» ЖШС жарғылық капиталындағы 100 пайыз қатысу үлесін сатып алғалы жатыр. Бұл туралы Қазақстан қор биржасына «QazaqGaz ҰК» АҚ хабарлады.

Меншік құқығы «Самұрық-Қазына» АҚ-ға өткеннен кейін «QazaqGaz ҰК» акционерлік қоғамы нарықта 9,29 млрд теңгеге 1000 қарапайым акциясын орналастырылмақ. Бір қарапайым акцияның құны 9,29 млн теңге деп бекітілетін болады.

«АзияГаз Чунджа» ЖШС ­­– Алматы облысының Ұйғыр ауданын газбен қамтамасыз ететін жалғыз компания. Бұл компания тауарлық газды тасымалдау және сатумен айналысады. Компанияның нарықтық құнын Қаржы мониторингі агенттігі 14 млрд теңгеге бағалаған. Боранбаевқа тиесілі болған бұл компания қазір Қаржы министрлігінің Мемлекеттік мүлік және жекешелендіру комитетінің есебінде...

Ресейлік Wildberries маркетплейсінің жүктерін жеткізумен айналысатын Қазақстандағы «Быстро и точка» компаниясымен келісімшарт жасасқан жүргізушілер төлемдердің кешігуіне шағымданды. Бұл туралы ҚазТаг агенттігі жазады.

«2024 жылдың сәуір айынан бастап ақшамызды ала алмай отырмыз. 13 жүк көлігі мен 13 машина бар. Сәуір айының соңында «Быстро и точка» компаниясындағы қызметімізді аяқтадық. Аз-маз бөлігін төлейді, келісімге келеміз. Шағым жасаймыз, тағы бір бөлігін береді де, шілде айының соңына дейін төлеуге уәде береді. Бірақ ешқандай нәтиже, әрекет болмады», – дейді агенттікке пікір білдірген жүргізушілердің бірі. 

Жүргізушілердің айтуынша, екі бригадаға жалпы алғанда 30 млн теңге төленуі қажет. Wildberries компаниясы логистикалық компаниялардың міндеттемелерін...

Алматыда орналасқан Шымбұлақ тау курорты мен Оңтүстік Кореяның MONA Yong Pyong курорты өзара туристер алмасу туралы келісімге келген. Сонымен қатар оңтүстік кореялық спортшылар оқу-жаттығу жиындарын өткізіп тұрмақ. Бұл туралы Шымбұлақ тау-шаңғы курортының баспасөз қызметі хабарлады.

Айталық, 2024-2025 жылғы маусымда Шымбұлаққа Оңтүстік Кореядан 15 мыңға жуық турист келеді деп жоспарланып отыр. Бұл келісімге Пхёнчхан қаласында қол қойылған.

« Сондай-ақ Оңтүстік Корея спортшылары Шымбұлақтағы тау шаңғысынан Азия Кубогы, фристайлдан Әлем Кубогының кезеңдері және басқа да маңызды спорттық шараларға белсенді қатысады. Осы серіктестік аясында Шымбұлақ курортында оңтүстік кореялық спортшылардың оқу-жаттығу жиындары өткізілмек» делінген хабарламада.

2024 жылды...

Елімізде ішкі көшіп-қону тенденциясы жыл сайын өсіп келеді. Бүгінде Астана, Алматы және өзге де ірі қалаларға қоныс аудару қазақстандықтар үшін үйреншікті жағдайға айналып үлгерген.

DATA HUB-тың республикадағы миграция мәселесіне қатысты статистикасына сүйенсек, бірінші жартыжылдықта 688,4 мың азамат Қазақстаннан шықпай тұрақты тұрғылықты жерін ауыстырған. Бұл өткен жылдың сәйкес кезеңімен салыстырғанда 73%-ға өскенін аңғартады.

Өткен үш жылдың қаңтар-маусым айларында бұл көрсеткіштер шамамен бұрынғы деңгейде қалып отыр. Нақтырақ айтсақ, қоныс аударғандар саны 384 мың. Соңғы рет ішкі көші-қонның өсуі 2021 жылы байқалған (12%).

Өңіраралық көші-қонды қарастыратын болсақ, көрсеткіштер 69%-ға өсіп, 306,8 мың адамға жетті. Бұл ретте тек төрт өңір – Астана (+29,3 мың), Алматы...

«Татнефть» Қазақстанның Сарань қаласында сериялық шина өндіре бастады. Бұл жайлы компания өкілі Андрей Пантюхов мәлімдеді.

«2024 жылдың маусымында жазғы шиналардың жаппай өндірісін іске қостық. Шілде айының ортасында Қазақстандағы дилерлік орталықтар мен Ресейдің шина орталықтарына Attar брендімен шиналар жеткізілді. Бұл шиналарды Қазақстан мен Ресейде бөлшек саудадан табуға болады», – деді Пантюхов.

Бұған дейін «Татнефть» компаниясының директорлар кеңесін басқаратын Татарстан басшысы Рустам Миннихановтың баспасөз қызметі «Татнефть» компаниясы мен қазақстандық Allur компаниясы бірлесіп ашқан «KamaTyresKz» ЖШС шина өндірісін бастағанын хабарлаған болатын. Бұл зауыттың жылдық өндірістік қуаттылығы 3,5 миллион шина, оның 3 миллионы жеңіл автомобильдер үшін, 500 мыңы...

«Таңдаулы жетілікті» есепке алмағанда, S&P 500 индексіне қарайтын компаниялардың кірісі екінші тоқсанның қорытындысы бойынша шамамен 7,4%-ға өсті. Бес тоқсан бойы құлдыраған көрсеткіш осы кезеңде ғана көтеріліп отыр. Бұл – нарық үшін жақсы белгі. Бірақ бигтех кірісінің төмендеуіне және Уолл-стриттегі жалпы белгісіздікке байланысты жалпы болжамдар әлі де болса күңгірттеу. Осы және басқа тақырыптар туралы арнайы шолуымыздан оқыңыз.

Уолл-стрит: инфляция мен кіріс болжамдары жағдайында ахуал біртіндеп реттеле бастайды

14 тамызда АҚШ-тың шілде айындағы инфляция туралы есебі жарияланады. Осы аптада қор нарығы үшін басты оқиға да сол болмақ. Сонымен қатар инвесторлар ірі америкалық ритейлерлердің тоқсандық кірістері туралы есептері мен бөлшек сауда туралы...