Жаңалықтар

Samal бөтелкедегі суын өндіруші «Бизнес Парк Навигатор» компаниясы Алматының санитариялық-эпидемиологиялық бақылау департаментімен болған дауды түсіндірді. Компанияның «Курсивке» берген жауабына сүйенсек, санитариялық-эпидемиологиялық комиссия лицензияны кері қайтарып алу рәсімін Қазақстанның Әкімшілік рәсімдік-процестік кодексінің нормаларын бұза отырып жүргізген.

«Бизнес Парк Навигатор» компаниясы департаменттің шешім қабылдау туралы хабарламағанын, сондай-ақ компанияның түсініктемелері тыңдалмағанын хабарлады. 

«Бұл шешім бәсекелес – «Артезианская» суын өндіруші Direct Link компаниясының көптеген үндеуі әсерінен басталды», — деді Samal суын өндіруші компания хабарламасында.

Компанияның заңгері Надия Егізекова SAMAL суының сапасы лицензияны кері қайтарып алуға себеп болмағанын атап өтті. Сонымен қатар компанияның су алатын ұңғымасы барлық санитарлық нормаға сәйкес келетінін атап...

Сыбайлас жемқорлыққа қарсы іс-қимыл агенттігі жария еткен деректерде Қайрат Сатыбалды активтерінің тізімі толық емес.  Оның мұнай­-газ саласындағы активтері көрсетілмеген. Әртүрлі банктердегі үлестері туралы да ақпарат жоқ. Бұл туралы Мәжіліс депутаты Ермұрат Бапи мәлімдеді.

Тізімде тек қана шетелден қайтарылған ақша мен кейбір компаниялардағы үлесі көрсетілген.

«Жалпыбір триллионға жуық қаражат көрсетіліп отыр. Оның қайдан және қалай түскенін білмейміз. Оны бақылайтын, анық-қанығын нақтылайтын тетік жоқ. Биліктің, ресми ақпарат көздерінің дерек-дәйегіне сенуге мәжбүрміз»,– дейді Ермұрат Бапи.

Парламент бұдан бір жыл бұрын заңсыз шетелге шығарылған активтерді елге қайтару туралы арнайы заң қабылдады. Осы заңның аясында Қайрат Сатыбалдының да активтері қайтарылып...

Олимпиадаға баратын спортшыларға жұмсалған қаржы көлемі туралы ақпарат әралуан. Сондықтан «Курсив» ашық дереккөздерден зерттеу жүргізіп, бюджеттен бөлінетін қаражат көлемін есептеп көрді.

Үкімет спорттың бірнеше түрін республикалық бюджет арқылы қаржыландырады: ұлттық спорт, бұқаралық спорт және жоғары жетістіктер спорты. Осының ішінде кәсіби спортшыларға, атлеттерге бөлінетін қаржы «жоғары жетістіктер спортына»  кіреді.

Жоғары жетістіктер спортына бөлінетін бюджеттік шығыстар                 

ҚР туризм және спорт министрлігінің мәліметінше спорт түрлері бойынша республикалық бюджеттен жыл сайын  жоғары жетістіктер спортына мынадай бағыттарға қаржы бөлінеді:

-Олимпиадалық даярлық орталықтарының жұмыс істеуін қамтамасыз ету;

-Қазақстан Республикасының құрама командаларына олимпиадалық резервті дайындау;

– Республикалық және халықаралық спорттық іс-шараларды ұйымдастыру және спорт...

11 тамызда Ауыл шаруашылығы министрі Айдарбек Сапаров Қазақстанда астық және бұршақ дақылдарын, ірі қара мал терісін өңдеу, балмұздақ өндіру, ауыл шаруашылығына арналған техника өндірісін оқшаулау жөніндегі жобаларды дамытуға мүдделі түрік кәсіпкерлерімен келіссөздер жүргізді. Бұл туралы Ауыл шаруашылығы министрлігі хабарлады.

Министрліктің мәліметінше, балмұздақ өндірушілер Ресей, Қытай сияқты жақын маңдағы нарықтарға қызығушылық танытады. Онда қазақстандық өндірушілер үшін жеткізуді жүзеге асыруға мүмкіндік бар. Бұл жағдайда балмұздақ өндіру үшін жоғары сапалы лактоза сүті қажет. Министр Қазақстанда сүт-тауар фермаларын дамыту бағдарламасы іске асырылып жатқанын және өңдеу үшін шикізат жеткізуші бола алатын 65 заманауи сүт-тауар фермасы салынатынын айтты.

Сондай-ақ Сапаров Қазақстандағы ірі қара мал терісін...

Ресейдің Орталық банкі жаңартылған орта мерзімді болжамын жариялады. Онда елдің ЖІӨ-ге шаққандағы импорт көлемі 17% деңгейінде болжанған. Сарапшылар импорттың төмендеуіне шетелдік банктердің санкцияға байланысты Ресейден төлем қабылдауды тоқтатқаны себеп болғаны айтылады.

Орталық банктің жаңартылған орта мерзімді болжамында Ресейде импорт үлесі 1-3%-ға төмендейтіні айтылған. Есепте бұл қиындықтардың уақытша екені, 2025–2027 жылдарға қарай тауарлар мен қызметтер импортының біртіндеп кеңейе түсетіні жазылған.

Жалпы шетел банктерінің төлем қабылдауды тоқтатуы елдегі бизнес жағдайын нашарлатуы мүмкін әрі инвестиция салымдарына теріс әсер етеді. Десе де бұл Владимир Путиннің 2030 жылға қарай ЖІӨ-дегі импорт үлесін 17%-ға дейін төмендету мақсатына жақындатады.

Атап өтсек, соғысқа дейін...

Жоғары аудиторлық палата «Назарбаев Зияткерлік мектептерінің» (НЗМ) 2019-2023 жылдары бюджет қаражатын қалай жұмсағанын тексерді. Тексеріс нәтижесінде ақшаның тиімсіз жұмсалуы, тендер өткізудегі былықтар мен маңызды жобаларға бөлінген қаржының игерілмеуі сияқты фактілер анықталды. Ал палата төрағасы Әлихан Смайылов қаржыны пайдалану мәселесінде НЗМ ашықтық көрсетпей отыр деп мәлімдеді.

Жоғары аудиторлық палата мүшесі Нұрлан Нұржановтың айтуынша, осы бес жыл ішінде НЗМ бірқатар оң нәтижеге қол жеткізген. Десе де оқу бағдарламалары мен орта білім беру жүйесіндегі тәжірибе қолдану бағытында айтарлықтай кемшіліктер анықталды.

Бес жылда Назарбаев мектептеріне бюджеттен 250 млрд теңге бөлінді

2019-2023 жылдар аралығында Назарбаев Зияткерлік мектептерінің жұмысына бюджеттен 250 млрд теңге бөлінген, оны...

Түркістан облысы полиция департаментінің ұйымдасқан қылмысқа қарсы күрес басқармасы жедел-іздестіру іс-шараларын жүргізу барысында Ш. есімді азаматты адам саудасы үшін 400 мың теңге алу барысында ұстады. Бұл туралы Түркістан облысының прокуратурасы хабарлады.

Прокуратура мәліметіне сүйінсек, «Ш. есімді азамат соңғы 2 жыл бойы мүмкіндігі шектеулі екі азаматты қайыршылық жасауға мәжбүрлеп, оларды Шымкент қаласында сату кезінде ұсталып, қамауға алынды», – деп жазылған хабарламада.

Сонымен қатар тағы 10 азаматтың адам саудасына қатысы бар-жоғы тексеріліп жатыр.

Естеріңізге сала кетейік, Қазақстанда биыл алғаш рет адам саудасымен күрес туралы заң қабылданды.

Атап айтқанда, Қылмыстық кодекске «адам саудасына байланысты қылмыстар» деген...

Мұнай бағасы, дүйсенбі, 12 тамыздағы сауда-саттықта бесінші сессия қатарынан 3%-ға көтерілген. Бағалардың көтеріле бастағанына АҚШ-тағы рецессияға қатысты қобалжулардың бәсеңдегені және Таяу Шығыстағы геосаяси жағдайдың шиеленісе түскені де себеп болған.

Апта басы, 12 тамызда, сауда Brent маркалы мұнай фьючерстерінің0,3%-ға көтерілуімен басталған. Солайша бұл маркалы мұнай барреліне 79,88 долларды құраған. Ал АҚШ-тың West Texas Intermediate мұнай фьючерстері 36 центке немесе 0,5%-ға өсіп, баррелі 77,20 долларға жеткен.

«Өткен аптада жарияланған АҚШ-тағы рецессияға қатысты қауіптің азаюы, мұнай бағасына қолдау көрсетті»,- дейді IG Markets сарапшысы Тони Сайкамор.

Сонымен қатар Иран «Хамас» пен «Хезболланың» негізгі басшыларын өлтірген...

Украинаның Запорожье атом электр станциясында өрт болды. 2022 жылы Ресей Украинаға басып кіргелі бері аймақ соғыс алаңына айналған. Екі ел станцияға жасалған шабуылды бір-бірінен көріп отыр.

Украина оқиғаны Ресей Федерациясының күштерін арандату деп мәлімдеді. Мәскеу Киевті оқ жаудырды деп айыптайды. МАГАТЭ АЭС салқындатқыш мұнараларының біріне ұшқышсыз дронның шабуыл жасағаны туралы хабарлады.

Қазіргі уақытта Ресей әскері бақылап отырған Запорожье атом электр станциясының салқындату мұнарасында өрт 11 тамызда болған. Кремль тағайындаған Запорожье облысының басшысы Евгений Балицкий оқиғаға Киевті кінәлады. 

«Энерго қалашыққа шабуыл жасалғаннан кейін ЗАЭС салқындату жүйелері объектісінде өрт болды», – деп жазды ол өзінің Telegram-арнасында.

16 айда алғаш рет тұтынушылық инфляцияның жылдық мәндегі тренді өзгерді: 2024 жылғы маусымның соңында 8,4%-ға жетіп, шілдеде бағаның өсуі 8,6%-ға дейін жеделдеді. Инфляцияның тағы қарқын алуына бизнес шығындары мен бюджет шығындарының өсуі себеп болып отыр.

Қазақстандағы жылдық тұтынушылық инфляция ақылы қызметтер бағасының (+14,5% ж/ж немесе айына +0,7 пайыздық тармақ) қатты өсу тенденциясына және азық-түлік тауарлары бағасының қайта көтерілуіне (5,5%-ға  ж/ж дейін +0,1 п.т) байланысты жеделдеді. Бұл ретте азық-түлікке жатпайтын тауарлардың бағасы жылдық мәнде аздап – айына 7,3%-ға немесе 0,1 пайыздық тармаққа төмендеді.

Ұлттық статистика бюросының ресми хабарламасында азық-түлік пен қызмет көрсету бағасының өсуіна баса назар аударылғанын көреміз. «Бір жыл ішінде...

Қазақстанның бұрынғы президенті Нұрсұлтан Назарбаевтың немере інісі Қайрат Сатыбалды мемлекетке 1,6 млрд доллар қайтарып берген. Бұл туралы Сыбайлас жемқорлыққа қарсы қызмет хабарлады.

Ақпаратқа сүйенсек, 2022 жылдан бастап қазіргі уақытқа дейін Қайрат Сатыбалды және онымен байланысты тұлғалардан 732,8 млрд теңге (1,6 млрд АҚШ доллары) сомасында активтер мен ақшалай қаражат қайтарылған.

«661,5 млн АҚШ доллары шетелде табылды, олар қысқамерзімде Қазақстанға қайтарылды, оның ішінде Қ. Сатыбалдыұлымен белсенді ынтымақтастық нәтижесінде Аустрия, Лихтенштейн, БАӘ, Түркия және т. б. елдерден қайтарылды», – делінген агенттік хабарламасында. 

Сыбайлас жемқорлыққа қарсы қызмет Сатыбалдыдан қайтарылған мүлікті тізіп шықты:

Олимпиадада спортшыларымыз бұдан да тәуір нәтиже көрсетуге мүмкіндігі болды. Осылай деп мәлімдеген Туризм және спорт министрі Ермек Маржықпаев ел құрамасының Париждегі Олимпиада ойындарындағы нәтижелеріне тоқталып, есеп берді.

Токиодағы нәтиже, Париждегі жетістік

Десе де министр Ұлттық құраманың бұл Олимпидадағы ойындарына дән риза. Айтуынша, спортшылар Токиодағы Олимпиададан қорытынды шығарған.

Төрт жылдықтың басты бәсекесінде Қазақстан құрамасы 1 алтын, 3 күміс, 3 қола жүлде олжалап, жалпы командалық есепте 43-орынға тұрақтады. Министр Франция астанасы – Парижде ұйымдастырылған XXXIII жазғы Олимпия ойындары аяқталғанын еске салды. Ермек Маржықпаев төрт жылдан соң, АҚШ-та өтетін бәсекеде ұлттық құрама бұдан да жақсы нәтижеге қол жеткізеді деп уәде берді.

Қырғыз Республикасының Ұлттық қауіпсіздік комитеті Камчы Колбаев лақап аты Асанбек бастаған қылмыстық топты қаржыландыру фактісі бойынша қазақ кәсіпкері, «Симирам» демалыс орталығының иесі – Таиров Ясынжан Ниязұлы азаматына іздеу жарияланды деп хабарлайды.

Комитеттің мәліметінше, қылмыстық жолмен алынған кірістерді заңдастыру фактісі, сондай-ақ тіркелген сотқа дейінгі іс жүргізу материалдары бойынша қазақстандық кәсіпкер Таиров Ясынжан халықаралық қылмыстық топқа кірген Қ. Асанбектің «вор в законе» деп аталатын қылмыстық топты қаржыландырғаны анықталды.

Я. Таировтың Қ. Асанбектің қылмыстық тобын қаржыландыру мақсатында оған 200 мың АҚШ доллары сомасында ақша бергені анықталды.

Сондай-ақ Ыстықкөлдегі «Симирам» демалыс орталығының иесі бос уақыттары мен демалыстарын ұйымдастыру үшін қылмыстық топ өкілдеріне коттедждер...

Қытай банктері шетінен Ресейден төлем қабылдаудан бас тартып жатыр. Енді қытайлық шағын аймақтық банктер де төлем қабылдауды тоқтатқан. Бұл жайлы Ресейдің «Первая группа» акционерлік қоғамының бас директоры Алексей Порошин мәлімдеген.

Бұл ақпаратты басқа ресейлік компаниялар да растаған. Ресей кәсіпкерлері қытайлық банктердің мамыр-маусым айларына дейін төлем қабылдап келгенін айтады. Ал 20 шілдеден бастап қаржылай транзакция жүргізу қиындаған. Кәсіпкерлердің мәлімдеуінше, қазіргі уақытта қытайлық банктердің 98%-ы Ресейден төлем қабылдамайды. Осыған байланысты Қытай туарларының импортымен айналысатын кәсіпкерлер Ресейге тауар жеткізу қиындап, өнім бағасы қымбаттауы мүмкін екенін ескерткен.

Жалпы соғыс басталған 2022 жылдан бастап, Ресей компанияларына халықаралық транзакцияларды жүзеге асыру қиынға соқты...

Түркия билігі есірткі сату және құмар ойындарды насихаттау арналарының көбеюіне байланысты Telegram желісін бұғаттауы мүмкін. 

Sabah басылымының ақпаратына сүйенсек, Түркияның Ақпараттық технологиялар және коммуникациялар басқармасы мессенджерде «есірткі, жезөкшелік, құмар ойындар және педофилия туралы бейнелер еркін сатылатын» арналарды тапқан.

Реттеуші орган Англиядағы Telegram штаб-пәтеріне осы арналарды жабуды талап етіп 1000-нан астам хабарлама жіберген. Алайда желіден нақты жауап келмеген.

«Егер Telegram жақын арада бұл арналарға қатысты шара қолданбаса, әлеуметтік желінің жабылуы күн тәртібіне қойылуы мүмкін «, – дейді басылым тілдескен дереккөздердің бірі.

Түркия Telegram-ды ең көп қолданатын елдер арасында 10-орында (шамамен 8 миллион белсенді қолданушы бар...

12 тамызда Қазақстанның 18 өңірінде дауылды ескерту жарияланып, қатты жауын-шашын мен найзағай күтіледі. Бұл туралы «Қазгидромед» хабарлады.

«Қазгидромед» ақпаратына сүйенетін болсақ, бірнеше өңірде найзағай ойнайды. Астана қаласында, Алматы облысының оңтүстігінде, таулы аудандарында найзағай ойнайды. Оңтүстік-шығыстан соғатын жел солтүстік-батыс бағытқа ауысады, облыстың оңтүстігінде, таулы аудандарында екпіні секундына 15-20 метрге жетеді.

Батыс Қазақстан облысының батысында, солтүстігінде, күндіз облыстың басым бөлігінде найзағай ойнайды. Күндіз облыстың солтүстігінде, шығысында бұршақ жауып, дауыл болады. Жел оңтүстік-батыстан солтүстік-батысқа, батысқа ауысып соғады, күндіз облыстың солтүстігінде, шығысында екпіні 15-20 м/с болады. Облыстың оңтүстігінде, шығысында, орталығында жоғары өрт қаупі сақталады.

Ақмола облысының батысында, солтүстігінде, шығысында найзағай ойнайды. Түнде және таңертең облысты...

FlyArystan баспасөз қызметі компанияның басшысы Ричард Леджере «Астана-Орал» рейсіне жіберілмеген 12 жасар қыздың анасы Жазира Мусинамен кездескенін хабарлады.

Ричард Леджере 21 шілдеде «Астана-Орал» рейсіне жіберілмей қалып қойған 12 жасар Зере Галиеваның анасымен кездесу үшін арнайы Орал қаласына ұшып келген.

«Тараптар болған жағдайдың себептерін егжей-тегжейлі талқылады. FlyArystan әуекомпаниясының ресми өкілі қыздың отбасынан кешірім сұрады», – делінген хабарламада

Ақпаратқа сәйкес, бұл кездесуге Көлік министрлігінің қызметкерлері де қатысқан.

Алайда тараптардың өтемақы төлеуге қатысты қандай мәмілеге келгені туралы нақты ақпарат берілмепті. FlyArystan баспасөз қызметінің дерегінше, бұл кездесу нәтижесі және қабылдаған шешімдер туралы қосымша хабарланады.

11 тамыз, жексенбі күні Парижде өтіп жатқан XXXIII жазғы Олимпиада ойындары аяқталды. Жарыста барлығы 32 спорт түрінен 329 медаль жиынтығы сарапқа салынды.

Қазақстаннан бұл додаға 80 спортшы аттанатыны хабарланған болатын. Ұлттық құрама спорттың 25 түрінен 92 лицензияға ие болған еді.

Алайда сайыс нәтижесінде медаль саны бойынша Қазақстан 43-орынға тұрақтады. Ұлттық құрама қоржынында 1 алтын, 3 күміс, 3 қола – барлығы 7 медаль бар.

Медаль саны бойынша алғашқы үштікте Қытай, АҚШ және Жапония тұр. Аспан асты елінде 40 алтын медаль бар. Құрама Штаттары 38, ал Күншығыс елі 20 алтын медаль жеңіп алған.

Қоржынында 8 алтыны бар Өзбекстан 13-орында...

Бразилияның Сан-Паулу штатында жолаушылар ұшағы апатқа ұшырап, ондағы экипаж мүшелері мен жолаушылардың түгел опат болуына байланысты Қасым-Жомарт Тоқаев осы елдің президенті Инасиу Лула да Силваға көңіл айту хатын жолдады. Бұл туралы Ақорданың баспасөз қызметі хабарлады.

«Осындай ауыр сәтте қайғы-қасіреттеріңізге ортақтасып, Қазақстан халқының және жеке өз атымнан Сізге және жақындарынан айырылған отбасыларға, сондай-ақ достас Бразилия халқына көңіл айтамын», – делінген жеделхатта.

Еске саламыз, жексенбі, 10 тамыз күні Бразилияның Сан-Паулу штатының Виньеду қаласы маңында жолаушылар ұшағы апат болғаны хабарланған еді. Оның бортында барлығы 62 адам болған: 58 жолаушы және экипаждың 4 мүшесі.

Ұшақ Каскавел қаласынан Гуарульхос әуежайына ұшып бара жатқан...

Шопоголик деген әдет бар. Алайда сауда орталықтарын тынымсыз аралап, себепті де, себепсіз ақша жұмсауға бейіл болу – жақсылық емес. Өйткені шопоголик болу да дерт. Бүгінгі материалымызда адамның бейсаналы ақша құрта беретін жаман әдеті һәм шопоголизм жайлы айтамыз.

Шопоголизм деген не?

Шопоголизм немесе ониомания, патологиялық шоппиң деп мінез-құлықта бар тәуелділік түрін айтады. Мұндай «дертті» адам бей-берекет ақша жұмсай береді, қаражатын мүлдем қадағаламайды. Ертеңгі күнін ойлағаннан гөрі қазіргі импульспен онсыз да тартпада толып тұрған бұйымға тағы біреуін қосып алғанды құп көреді. «Шопоголизм» диагноз ретінде тіркелмеген, мамандар тарапынан қойылмайды. Мұндай сатып алушылық мінез-құлықты көбіне әдеттер мен әуестік бұзылысы деп атайды. Бұл бұзылысқа...

Қорғаныс министрлігі әскери-техникалық мектептердегі оқу ақысын көбейтпек. Тиісті бұйрық жобасы ашық талқылауға шығарылды.

«Қоса беріліп отырған «Қазақстан Республикасы Қорғаныс министрлігінің әскери-техникалық мектебі» республикалық мемлекеттік қазыналық кәсіпорны шығаратын және өткізетін тауарға (жұмысқа, көрсетілетін қызметке)  баға бекітілсін»,– делінген құжатта.

Жобада азаматтарды әскери-техникалық және басқа да әскери мамандықтар бойынша даярлау ақысын 100 (369 200 теңге)айлық есептік көрсеткіш деңгейінде бекіту ұсынылған.

Қорғаныс министрлігінің дерегінше, осы уақытқа дейін бұл мектептерде оқу ақысы 305 мың теңгені құраған.

Құжатқа сәйкес, аталған мектептердегі баға уәкілетті орган бекіткен калькуляцияға сәйкес жыл сайын айлық есептік көрсеткіш бекітілгеннен кейін қалыптастырылады.

Жоба ашық талқылауда 23 тамызға дейін...

Жапония мен Орталық Азия елдері дипломатиялық қатынасты 1992 жылы ресми түрде бастады. Бүгінде Токио ОА елдері үшін маңызды донор мемлекет. Ол ДРК – дамушы
елдерді дамытуға ресми көмек көрсету үкіметтік бағдарламасы негізінде аймаққа экономикалық, техникалық және қайтарымсыз көмек көрсетеді. Ол – ақшалай немесе заттай нысандағы гранттар немесе кредиттер түрінде қайтарымсыз немесе жеңілдікті негізде ұсынылады.

Сауда байланысы

Жапония мен Орталық Азия елдерінің сауда айналымы жылдан-жылға артып келеді. Жапония үшін Қазақстан осы аймақтағы бас сауда серіктесі болып отыр. Мәселен, 2023 жылы Орталық Азия елдерінің Жапониямен тауар айналымы 2,82 миллиард АҚШ доллары болса, оның ішіндегі Қазақстан-Жапония арасындағы тауар айналымы 2,2 миллиард...

Ұлттық Олимпиада комитеті Париж олимпиадасының соңғы күніндегі жарыс кестесін ұсынды. Оған сәйкес, екі қазақстандық атлет сайысқа түседі.

Әлемдік доданың соңғы күні жеңіл атлетикадан Мамажанова Жанна марафонда жүгіреді. Сайыс Астана уақытымен сағат 11.00-де өтеді.

Ал еркін күрестен 97 келі салмақ дәрежесінде ерлер арасында Ерғали Әлішер сынға түседі. Бұл сайыс Астана уақытымен сағат 14.00-де болады.

Ақпаратқа сәйкес, жарыс кестесінде өзгерістер болуы мүмкін. Тікелей көрсетілімді Qazsport, Qazaqstan, «Хабар», El Arna және Jibek Joly арналарында тамашалауға болады.

Айта кету керек, тректегі велоспорттан Қазақстан командасының мүшесі Андрей Чугай ширек финалға шыға алмады. Жұбаныш айналымында Чугай мәреге үшінші болып келген.

Әлемде құмар ойынның шырмауына шалынып, шыға алмай жүрген лудоман көп. Әлбетте, бұған бәс пен казиноның жылт еткен жарнамасын жиі кездестіру де бір себеп. Бірақ одан бөлек, адам бойындағы құмар ойынға деген қызығушылық, өзін-өзі басқара алмайтын дерт те бар. Бәрін тастап, өмірін жаңадан бастауға неше рет талпынып, қайта-қайта ойнап кететіндер де аз емес. Әдетте мұндай жағдайда лудоманға яки құмар ойынға басы кеткен адамға оңалту орталығына не психотерапевтке барып емделген жөн деген кеңес айтады. Бүгінгі материалымызда лудомания деген не, оның симптомдары қандай, қалай айығуға болады деген сұрақтарға жауап іздейміз.

Лудомания деген не?

Лудомания — құмар ойындарына тәуелділік. Ойнамаса тұра алмай...