Жаңалықтар

«Азық-түлік корпорациясы» Ресейдің әрекетіне байланысты Ақтау портындағы астық терминалының негізгі капиталына салынатын инвестицияны 1,7 есе қысқартады. Бұл туралы құжат «Ашық НҚА» порталында жарияланды.

Бұл өзгерістер «Ақ Бидай-Терминал» компаниясының негізгі капиталына салынған инвестицияларға әсер етеді. Ұлттық компания геосаяси жағдайға байланысты Ақтау портындағы терминалдар арқылы Иран бағытында астық жөнелтілімдері күрт азайды деп түсіндірді .

Бұл Ресейдің өз экспортын Астрахань порты арқылы Иранға қайта бағыттауымен байланысты болды. Осының нәтижесінде «Азық-түлік корпорациясы» 2024–2030 жылдар аралығында Ақтау астық терминалының негізгі капиталына инвестиция көлемін 4,4 млрд теңгеден 2,5 млрд теңгеге дейін қысқарту туралы шешім қабылдады.

Сондай-ақ құжаттан комапния 2024 жылы стратегиялық сату нарықтарына астық жөнелтуд...

Елордадағы аялдамалардың бірінде автобус өртенді. «Министрліктер үйі» аялдамасы Астананың сол жағалауының маңызды даңғылдары – Мәңгілік Ел мен Дінмұхамед Қонаевтың қиылысында орналасқан.

Автобус кешкі қарбалас уақытта, министрлік үйінің қызметкерлері жұмысын аяқтап, үйлеріне қайтып бара жатқанда өртенген.

Төтенше жағдайлар министрлігінің мәліметінше, зардап шеккендер жоқ. Аялдама тұсында қоғамдық көліктің қозғалтқышы жанған.

«4 желтоқсан күні Мәңгілік Ел мен Дінмұхамед Қонаев көшелерінің қиылысында №54 маршрут автобусының жанып жатқаны туралы хабарлама келіп түсті. Бригада сағат 18:54-те оқиға орнына келіп жетті. Сағат 19:04-те өрт толығымен сөндірілді», – деп хабарлады Астана қаласы ТЖ департаменті 3-МӨСБ бастығы Мадияр Мұратов.

Маңғыстау облысындағы Жаңаөзен қаласында еңбек жағдайын жақсарту жөнінде талап қойған «Өзенмұнайгаз» АҚ жұмысшылары әлі күнге райынан қайтқан жоқ. 12 қарашада Бұрғылау жұмыстары басқармасының кәсіподағы ұйымдастырған акцияны компания заң шеңберіне сыймайды деп санайды.

Жұмысшылар бұған дейін «Қазмұнайгаз» ҰК басшылығын келіссөзге шақырып, өздерінің талап-тілегі орындалмайынша, діттеген мақсаттарынан қайтпайтынын мәлімдеген. 3 желтоқсан күні ҚМГ басқарма төрағасының орынбасары Бекзат Абайылданов наразылық акциясына қатысқандармен кездесті.

Осы жиын хаттамасына сүйенсек, төраға орынбасары Бұрғылау жұмыстары басқармасының қызметкерлерін жұмыс орындарына қайтуды сұраған. Егер осыған келіссе, ұлттық компания мен ӨМГ басшылығы ешқайсысын тәртіптік жауапкершілікке тартпайтынына уәде берген. Одан кейін бітімгерлік комиссия арқылы екі тарап мәмілеге келуі керек деп...

ҚР Президенті «2025-2027 жылдарға арналған республикалық бюджет туралы» Қазақстан Республикасының заңына қол қойды.

Жаңа заңға сәйкес жалақының ең төмен мөлшерi 85 000 теңге болып бекітілді.  2025 жылдың 1 қаңтарынан бастап, айлық есептік көрсеткіш 3 932 теңге болмақ.

Мемлекеттік базалық зейнетақы төлемінің ең төмен мөлшері – 32 360 теңге. Ең аз зейнетақы 62 771 теңге деп есептелінген. Ең төмен күнкөрiс деңгейiнiң шамасы 46 228 теңге деп белгiленді.

Жасына байланысты және еңбек сіңірген жылдары үшін зейнетақы төлемдері 8,5%-ға көтерілмек.

«2025 жылғы 1 қаңтардан бастап Әлеуметтік медициналық сақтандыру қорына төленуге жататын, мемлекеттің міндетті әлеуметтік медициналық сақтандыруға жарналарының мөлшері мемлекет жарналарын есептеу...

2025 жылдан кейін мұнайға деген жаһандық сұраныс құлдырайды деп хабарлайды Reuters басылымы.

Сарапшылар пайымынша, бұған 2025 жылдан кейін Қытайдың мұнай импортын азайтуы себеп болмақ. Себебі әлемдік «қара алтынның» 40%-ын тұтынып отырған ҚХР-да электромобильдер саны артып, шикізат қажеттілігі азаяды.

«Қытайдың электр көліктерге «күн санап» көшуі мұнай өндірушілер мен инвесторларды таңғалдыра бастады», – деп хабарлады Reuters.

World Energy компаниясының бағалауы бойынша, ресми Бейжіңді бұл тұрғыдан ешбір ел алмастыра алмайды. Өйткені әлемдік мұнай тұтынудағы Қытайдың үлесі 41%-ды құрайды.

Айта кететіні, 2024 жылдың шілде айында Қытайда алғаш рет жанармаймен жүретін көліктерге қарағанда, электрокарлар мен гибридтер көбірек сатылды.

Лондонның Орталық қылмыстық соты болжаммен Ресей тыңшылары Қазақстанның Лондондағы елшілігіне шошқа қанын шашу арқылы қастандық жасамақ болды деген айыптауларды тыңдады. Сонымен қатар қазақстандық экс-әкім Бергей Рысқалиевті аңдыды деген шағымға қатысты тыңдалым өткізді. The Evening Standard басылымының мәліметінше, бұл әрекеттер Ресейдің Қазақстанға көмек көрсеткендей көзқарас қалыптастыру мақсатында ұйымдастырылған.

Олд-Бейлидің мәліметінше, Болгария азаматтары – 33 жастағы Катрин Иванова, 30 жастағы Ваня Габерова және 39 жастағы Тихомир Иванчев – Орлин Русев жетекшілік ететін шпиондық желінің мүшелері болған. Русев «Джеки Чан» лақап атымен белгілі. 2022 жылдың тамызында топтың жетекшісі, аустриялық азамат Ян Марсалек («Руперт Тиц» лақап атымен танымал), бұрын банкротқа ұшыраған неміс төлем компаниясы...

Жазасын өтеп жатқан Мейіржан Төребаев пен Мейірхан Шерниязовтың әлеуметтік желідегі парақшасы неге ұдайы жаңарып тұратыны жайында Қылмыстық-атқару жүйесі комитеті түсініктеме берді.

Tengrinews.kz бұл мәселе жөнінде құзырлы органға арнайы сауал жолдаған. Қылмыстық-атқару жүйесі комитетінің мәліметінше, вайнерлерге мекемеден тыс жерде телефон қолдануына рұқсат етілген. Тек қана смартфонға тыйым салынған. Демек өздері парақшаларын жаңарта алмайды.

«Әлеуметтік желідегі парақшаларды жүргізу жайында осы тұлғалармен әңгіме жүргізілді. Оның барысында парақшаларын әйелі мен әкімгерлері жүргізетіні анықталды», – деп жауап берді комитет.  

Айта кететін жайт, 2023 жылы екі вайнер қаржы пирамидасын құрғаны және басқарғаны үшін кінәлі деп танылып, әрқайсысы бес жылға...

«Келешек» бағдарламасы 2025 жылдың 1 наурызында іске қосылады. Мемлекет бағдарлама негізінде балалардың есепшотына 60 АЕК (235 920 теңге), ата-ана қамқорлығынсыз қалған балаларға 120 АЕК (471 840 теңге) көлемінде ақша аударады. Бұл туралы Ғылым және жоғары білім министрлігі «Ашық НҚА» порталына орналастырған құжатта жазылған.

Бұл қаражат білім беру жинақ салымдарына немесе сақтандыру келісімшарттарына аударылады.

«Бастапқы білім беру капиталын есептеу салымшыға салым шарты бойынша немесе күнтізбелік жылы бес жасқа толған сақтандыру шарты бойынша пайда алушыға жүзеге асырылады. Бір салымшыға немесе пайда алушыға бастапқы білім беру капиталын қайта есептеуге жол берілмейді», – делінген құжатта.

Бастапқы білім...

Қырғызстан мен Тәжікстан екі ел арасындағы мемлекеттік шекараны анықтап, келісімге келді.

«Бүгін, 4 желтоқсанда, Қырғыстан мен Тәжікстан үкіметінің қырғыз-тәжік мемлекеттік шекарасын делимитациялау және демаркациялау жөніндегі делегациясының тең төрағалары Қамшыбек Ташиев пен Саймумин Ятимов Баткенде кездесу өткізді. Кездесу барысында тараптар келісімге келіп, қырғыз-тәжік мемлекеттік шекарасының қалған бөлігін сипаттау толық аяқталды», – делінген Қырғызстан министрлер кабинетінің хабарламасында.

Соның нәтижесінде жұмыс топтарына мемлекеттік шекараны делимитациялау жөнінде қорытынды құжатты бекітуге тапсырма берілген.   

Қырғызстанның ҰҚМК төрағасы Қамшыбек Ташиев мемлекеттік шекараны бекітуді тарихи күн деп атады.

«Тәжікстанмен арадағы шекарамызды толық келісіп, түбегейлі шешімге келдік. Бұл...

4 желтоқсанда Чехияға ресейлік «Дружба» құбыры арқылы мұнай жеткізу тоқтатылды деп хабарлады Ceske Noviny порталы.

Бұл ақпаратты Чехияның Индустрия және сауда министрлігінің басшысы Лукаш Вльчек растады. Дегенмен «қара алтын» тасымалының тоқтау себебін атамады.

Бұл ретте Вльчек мұнай тапшылығы жоқ, өйткені Италиядан TAL құбыры арқылы шикізат тасымалы тұрақты түрде іске асырылып жатқанын жеткізді.

«Ресейден тасымал қалпына келтірілмесе, Үкімет Unipetrol компаниясына мемлекеттік қордан мұнай жеткізу мүмкіндігін мақұлдауды ұсынып отыр», – деді Чехия Индустрия және сауда министрі.

Алайда «Транснефть» компаниясының баспасөз қызметі Ресей аумағымен «Дружба» құбыры арқылы мұнай жеткізу штаттық режимде іске асырылып жатқанын хабарлап, Чехия тарапыны...

2024 жылдың желтоқсан айынан бастап Freedom Holding Corp.-тың Қазақстанның өңдеу және қызмет көрсету салаларына арналған іскерлік белсенділік индекстері (PMI®) мемлекеттік тілде жариялана бастады. Осылайша, мемлекеттік тілдегі коммуникацияларды жөн санайтын кәсіпкерлер, менеджерлер мен сарапшылар нарықтық жағдайды бағалауда индекс ұсынған мәліметтерді кеңінен қолдана алады.

Америкалық S&P Global корпорациясы Қазақстандағы өңдеу және қызмет көрсету салаларының іскерлік белсенділік индекстерін 2019 жылғы наурыздан жүргізе бастады. S&P Global – талдау және іскери ақпарат беру нарығындағы әлемдік көшбасшылардың бірі.

Қазақстанның өңдеуші салаларының PMI индексі 250-ге жуық кәсіпорындағы сатып алу жөніндегі менеджерлерінің сауалнамаға берген жауабы негізінде ай сайын шығарылады. Респонденттер тобы компанияның ЖІӨ-дегі үлесі мен қызметкер саны...

Бәсекелестікті қорғау және дамыту агенттігі ұялы байланыс операторларына қатысты тергеу бастады. Олардың қатарында «Кселл» АҚ, «Мобайл Телеком – Сервис» ЖШС (Тele2/Altel) және «Кар-Тел» ЖШС-да (Beeline) бар. Олар 2023 жылы өзара келісіп, тарифті көтерді деген күдікке ілініп отыр. Бұл жайт Кәсіпкерлік кодекстің 170-бабында қарастырылған.

Агенттіктің мәлімдеуінше, 2024 жылдың желтоқсанынан бастап операторлардың бағаны көтеруі – заңсыз. Сондай-ақ бәсекелестікті қорғау заңнамасын бұзады.

«Оның үстіне 18 теңге көлемінде тариф жоспарында бір минут сөйлесу үшін қоңыраулардың бірыңғай құны бекітілген. Ұялы операторларға анықталған белгілерді тоқтатуға хабарлама жіберілді», – делінген агенттіктің хабарламасында.

Агенттік операторлардан бағаны түсіруді талап етіп отыр. Қазіргі кезде ұялы...

ҚР Премьер-министрінің орынбасары Роман Скляр депутаттардың ақылы автотұрақтар мен әкімшілік құқық бұзушылықтарды тіркейтін техникалық бақылау құралдарына қатысты сауалына жауап берді.

Автотұрақ мәселесі

Қазақстанның ірі қалалары — Астана мен Алматыда ақылы автотұрақ жүйелері ұйымдастырылған. Олардың операторлары ретінде жергілікті коммуналдық кәсіпорындар мен мемлекеттік-жекешелік әріптестік (МЖӘ) негізінде құрылған компаниялар жұмыс істейді.

Жеке сектор қатысатын МЖӘ келісімшарттарының талаптарына сәйкес, бұл жобаларды бұзу операторлар үшін шығынды өтеу қажеттілігіне алып келеді.

Техникалық бақылау құралдары

Жол қозғалысының қауіпсіздігін...

Солтүстік Қазақстанда сепаратизмге қарсы қолданылатын шаралар нәтижесін беріп жатыр. Өткен жылмен салыстырғанда биыл сепаратизмге қатысты оқиғалар аз тіркелген. Бұл туралы Орталық коммуникациялар қызметінде өткен баспасөз жиынында облыс әкімі Ғауез Нұрмұхамбетов айтты.

Жиында журналист өңірде сепаратизмге қатысты жағдайлар жиі тіркелетініне тоқталып өтті. БАҚ өкілі өткен жылы Халықтық кеңес құрып, «тәуелсіздігін» жариялаған Зудерманның оқиғасын, сонымен бірге қарашада екі өңір тұрғынының сепаратизм үшін жауапқа тартылғанын еске салды.

«Қараша айында Қазақстанды екіге бөлуді ұсынған екі өңір тұрғыны жауапқа тартылғаны туралы ақпарат тарады. Жалпы өңірде мұндай жағдайлардың жиілеп кетуіне не себеп? Халықтың сепартистік көңіл-күйін бақылап отыру үшін әкімдік...

Енді квазимемлекеттік сектор кірістері туралы парламент пен қоғамға есеп беріп отырады. «Самұрық-Қазына» қорының кем дегенде 50%, ал квазимемлекеттік компаниялардың 70% табысы бюджетке аударылатын болады. Сондай-ақ Ұлттық қор қаражатын пайдалануға да бірқатар шектеу қойылады. Бірнеше рет түзету енгізілген Бюджет кодексінде осы мәселелер негізге алынған.

Мәжілістің жалпы отырысында төменгі палата депутаттары аталған Бюджет кодексін мақұлдап, оны Сенат қарауына жіберді. Палата төрағасы Ерлан Қошанов жаңа кодекстегі негізгі нормаларға тоқталды.

«Қазір Мәжілісте Салық кодексі қаралып жатыр. Бүгін міне, жаңа Бюджет кодексін қабылдап отырмыз. Бұл мәселе жан-жақты талқылаудан өтті. Өткен аптада ел бюджетін қарау кезінде де бюджет саясаты төңірегінде қызу пікірталас болды...

Оңтүстік Кореяның Қорғаныс министрі Ким Ён Хён 3 желтоқсанда елде енгізілген әскери жағдайға байланысты халықтан кешірім сұрап, президентке отставкаға өтініш бергенін мәлімдеді. Бұл туралы кореялық Yonhap хабарлады.

«Ұлттық қорғаныс министрі ретінде мен толық жауапкершілікті мойындаймын және қоғамда алаңдаушылық пен түсінбеушілік тудырғаным үшін өкінемін,» – деді министр.

Президент Юн Сок Ёль әскери жағдайды «солтүстіккореяшыл антимемлекеттік күштерді» жою мақсатында енгізгенін мәлімдеген болатын.

Әскери жағдай жарияланғаннан кейін арнайы әскерилер парламент ғимаратына кіріп, баррикадалар құрды. Алайда 190 депутат жиналып, шұғыл отырыс өткізіп, әскери жағдайды жою туралы шешім қабылдады. Президент Юн Сок Ёль әскери жағдайды жарияланғаннан алты сағаттан кейін...

Бүгін Алматыда сағаттың алға жылжуына қарсы бір топ белсенділер «Ұрланған уақытымды қайтар!» деген ұран көтеріп, Үкіметтің үстінен Конституциялық сотқа шағым түсіретінін мәлімдеді. Олардың пікірінше, уәждерін бейтарап орган емес, дәл осы уақыт ауыстыруға мұрындық болған Сауда және интеграция министрлігі қарапты. Астана соты министрліктің ұстанымын қайталаудан әрі аспаған.

«Сандж зерттеулер орталығы» президенті, әлеуметтанушы Жанар Жандосованың айтуынша, сағаттың алға жылжуы Шығыс және Орталық Қазақстан тұрғындарына ауыр тиіп тұр.

«Павлодар, Қарағанды, Шығыс Қазақстан облысы, Абай, Жетісу және Алматы облыстарында, сондай-ақ Алматы қаласында адамдардың 85%-ы уақыт ауысуы кері әсерін тигізгенін айтты. Орталық Қазақстанда сұралғандардың 54%- ы «жағымсыз» әсерін алға тартты. Бұл...

Депутат Ерлан Саиров бюджет тапшылығын Қазақстанның ЕАЭО бойынша кедендік түсімнен алатын үлесі арқылы толтыруды ұсынды. Ол үшін елдің кедендік түсімнен алатын үлесін арттыру қажет деп санайды. Бұл туралы депутат мәжіліс отырысында айтты.

Жиында Сауда және интеграция вице-министрі Қайрат Төребаев Еуразиялық экономикалық одақ пен Иран Ислам Республикасы арасындағы еркін сауда туралы келісімді ратификациялау туралы Қазақстан Республикасы Заңының жобасын таныстырды.

Министрлік өкілі келісімнің Иранмен сауданың қолайлы жағдай қалыптастыру мақсатында жасалғанын, келісім негізінде тауар номенклатурасының 90%-ға дейін бажсыз сауда жүргізу көзделіп отырғанын айтты.

Депутат Ерлан Саиров Төребаевтан Қазақстанның бұл келісімнен нақты қандай пайда көретінін, анықтап сандармен атап беруін сұрады.

Halyk bank жасыл қаржыландыру бойынша нарықтан 20 млрд теңге қарыз алды. Қазақстан қор биржасында «Қазақстан Халық Банкінің» жасыл облигацияларын шығару бойынша арнайы сауда өтті. Сауда ұйымдастырушысы «Қазақстан Халық Банкі» АҚ-ның еншілес ұйымы – HaLyk Finance

Жалпы көлемі 20 млрд теңге болатын құнды қағаздар 1,25% жылдық мөлшерлемемен сатылымға шығарылды. Облигациялардың 12,5%-ын брокерлік ұйымдар, 87,5%-ын басқа институционалдық инвесторлар сатып алды.

Қазақстан қор биржасындағы дерек бойынша, облигациялар бір лотпен шығарылды, саудаға қатысушылар саны – үшеу.

Бұған дейін Қазақстан биржаларындағы ең өтімді деген акциялар тізімі жарияланған еді. Осы жылдың қазан айының қорытындысы бойынша, Halyk bank акциялары 1,429 млн теңгеге саудаланып, алғашқы ондыққа кірді.

Ұлттық банктің дерегіне сүйенсек...

Жаңа тапсырыстар өсімінің жаңғыруы іскерлік белсенділікті ары қарай дамытуға ықпал ете бермек. Қарашадағы деректерге сәйкес, негізгі сұраныс тенденцияларының қайта жақсаруына байланысты Қазақстанда қызмет көрсету саласындағы белсенді өсім қайта жаңғырған. Freedom Holding Corp. және S&P Global indicated ұсынған соңғы PMI® деректері көрсеткендей, қарашада қазақстандық қызмет көрсетушілер алған жаңа тапсырыстар саны өсе түсті. Осылайша бір ай бұрынғы құлдыраудан кейін жағдай қайта оңалды. Соңғы сауалнама кезеңінде де белсенділіктің қайта өскені байқалған еді. Сол аралықта шығындар қысымы бәсеңдеді, бұл компаниялардың бәсекеге біршама қабілетті баға стратегиясын ұстануына мүмкіндік берді.

Іскери белсенділік индексі қалай анықталады?

Қазақстандағы қызмет түрлерінің орташа бағасы 2020 жылдың қарашасынан бер...

Мәжіліс кулуарында ҚР Сыртқы істер министрінің орынбасары Әлібек Бақаев Оңтүстік Кореядағы қазақстандықтардың жағдайы туралы айтып берді.

Сыртқы істер министрлігінің мәліметінше, Қазақстан ешқашан үшінші елдердің ішкі істеріне араласпайды, сондықтан Оңтүстік Кореядағы жағдай – бұл елдің ішкі мәселесі. Алайда СІМ-нің басты міндеті – шетелде жүрген Қазақстан азаматтарының құқықтарын барынша қорғауды қамтамасыз ету.

Бақаевтың айтуынша, Оңтүстік Кореядағы жағдайға байланысты елшілікке ешбір қазақстандық жүгінбеген.

«Егер азаматтар тарапынан өтініштер түссе, елшілік қолдау көрсетеді», – деді ол.

Бүгінде Оңтүстік Кореяда түрлі мақсаттармен 30 мыңнан астам Қазақстан азаматы жүр. Соншалықты көп азаматтың бұл елде болуына Қазақстан мен Оңтүстік Корея арасындағы визасыз...

Келесі жылы «Қазпошта» ішінде Temu, Pinduoduo сияқты қытайлық маркетплейстердің бондтық қоймасы ашылады. Осылайша азаматтар тапсырыстарын «Қазпоштадан» барып ала алатын болады. Бұл жайында басқарма төрағасы Әсел Жанасова айтты.

Мәжілістің жалпы отырысында депутаты Руслан Берденов пошта қоймасына қатысты мәселе көтеріп, «Қазпошта» АҚ басқарма төрағасына сауал жолдады. Мәжілісмен пошта қоймасы өте үлкен екенін және «Қазпошта» жұмысының шығыны көп екенін айтады.

«Зейнетақы, жәрдемақы, яғни тариф сіздерде 247 теңге. Ал оның өзінің бағасы 477 теңге. Сіздердің 2023 жылы 5 млрд-қа жуық шығындарыңыз бар. Бұл шығын азая ма, көбейе ме? Себебі сіздер келесі жылы ауылдарды көбейтеміз деп жатсыздар. Сіздердің Астанадағы үлкен хабтарыңызда...

Халықаралық ғылыми конкурс жеңімпаздары елдегі ЖОО-ларға ҰБТ тапсырмай грантқа түсіп, «Болашақ» бағдарламасымен шетелде бакалавриатқа тапсыра алады. Тиісті заң жобасы Мәжілісте талқыланды.

«Жоба бірқатар маңызды мәселелерді шешуге бағытталып отыр. Біріншіден, дарынды оқушыларды қолдау. Жаңа заң жобасы бакалавриат деңгейінде оқу мүмкіндігін беруді қарастырады. Бірақ бұл мүмкіндік тек халықаралық олимпиадалар мен ғылыми конкурстарда жеңіске жеткен дарынды балаларға арналған», – деді жобаны таныстырған депутат Асхат Аймағамбетов.

Депутат дарынды балаларға мұндай жеңілдік беру арқылы талантты азаматтардың шетелге кетпей, еліне қызмет етуіне жағдай жасалатынын айтты. Өйткені әлемдік деңгейдегі жарыстарда жеңіске жеткен оқушыларға шетел университеттері грант ұсынып, қазақстандық дарын иелері сол...

Декларация тапсыруға міндетті бола тұра уақытылы тапсырмаған 68,3 мың жеке кәсіпкер мен өз-өзін жұмыспен қамтушы тұлғаның банк шоты бұғатталды. Қазір 17,5 мыңнан астам салық төлеуші декларациясын қайта өткізгеннен кейін бұғаттау шешілді деп хабарлайды мемлекеттік кірістер комитеті.

Ведомствоның мәлімдеуінше, егер декларацияда салық органының коды, салық кезеңі немесе декларация тапсырылған күн тәрізді қажетті мәліметтер болмаса немесе құжатқа «өңдеуден бас тару» деген статус берілсе, декларация қабылданбайды. Ондай жағдайда салық төлеуші азамат құжатты қайтарып алып, өз бетінше түзете алады.

Жеке тұлғаның кірістері мен мүлкі туралы декларация тапсыруға 2024 жылдың 1 қаңтары мен 16 қыркүйек арасы яғни 8,5 ай уақыт берілді. Аталған мерзім аралығында...