Жаңалықтар

Бизнес, сарапшылар мен экологтар тұрақты даму қағидаттарын талқылайтын болады

«Ташкентте Курсив» басылымы ұйымдастырған «Бағадан байлыққа дейін. Тұрақты даму жолындағы экономиканың трансформациясы» аталатын ESG-форум басталды. Шараға ірі компаниялар мен билік өкілдері, сарапшылар шақырылған.

Форум барысында өтетін төрт сессия барысында түрлі тақырыптар талқыланады. Соның ішінде бизнесті дамытуда экологиялық құралдарға мән беру мәселесі де көтеріледі. Онда ESG стандарттарын Өзбекстанда енгізу мүмкіндіктері мен жасыл экономика ережелерін де талдау көзделген.

Сонымен қатар халықаралық даму инситуттарының тұрақты даму қағидасын ілгерілетудегі рөлі де талқыланады. Бұл сессияға қатысушылар Орталық Азия бойынша ACWA Power ұйымының вице-президенті және қаржы директоры Ахсен Саидпен бірге ESG саласындағы даму...

Астанада тәуелсіздік сарайында Қазақстан төрағалығымен Шанхай ынтымақтастық ұйымының (ШЫҰ) саммиті басталды. Саммитте Беларусь мемлекеті Шанхай ынтымақтастық ұйымына толыққанды мүше болды.

Саммит басталғанда ШЫҰ-ға мүше 9 елдің басшысы Беларусь Республикасын қабылдау туралы арнайы құжатқа қол қойды.

«Бірлескен күш-жігер, шанхайлық рухты нығайту және Шанхай қағидаттарын ілгерілету арқылы біз ШЫҰ-ны ең беделді халықаралық құрылымдардың біріне айналдырдық. Бүгін Астанада өтетін саммитте ұйымымызды одан әрі кеңейту туралы маңызды шешім қабылданады. Осыған байланысты Беларусь Шанхай ынтымақтастық ұйымына толыққанды мүшелікке өту үшін қажетті рәсімдерді аяқтады. Қарсылық болмаса, кездесуді Беларусь Республикасын ШЫҰ-ға қабылдау туралы құжаттарға қол қою рәсімінен бастауды ұсынамын», – деді Мемлекет басшысы...

АҚШ-тың Шетелдік активтерді бақылау басқармасы қайталама санкцияға ұшырататын компаниялар мен заңды тұлғалар тізімін жаңартты. Банктер немесе басқа да ұйымдар бұл компаниялармен тікелей жұмыс істесе, оларға автомартты түрде қайталама санкция салынуы мүмкін.

Бұған дейін АҚШ пен ЕуроОдақ санкциясына ұшыраған қазақстандық қос компания қайталама санкция қаупін төндіретін тұлғалар тізіміне енді. Атап айтқанда, бұған дейін Еуроодақ санкция салған – Da Group пен Elem Group компаниясы.

Сонымен қатар бұл тізімге ВТБ Қазақстан банкі де кірген. Бұл банк – санкцияға ұшыраған ресейлік банктердің Қазақстанда жұмыс істеп тұрған жалғыз еншілес ұйымы.

Жыл басында DA GROUP 22 компаниясы АҚШ санкциясының астында қалған. Ашық дереккөз мәліметінде бұл...

Ирандық компаниялар Қазақстанға әлемдегі ең ірі бөгеттердің бірі – «Бахтиари» ГЭС-не ұқсас су бөгетін салып беруге ниетті. Бұл туралы Иранның Энергетика министрі Әли Акбар Мехрабиа мәлімдеген.

Су ресурстары және ирригация министрлігінің хабарлауынша, министрлік басшысы Нұржан Нұржігітов Иранның Энергетика министрі Әли Акбар Мехрабианмен кездескен. Тараптар жаңа гидротехникалық нысандар құрылысы мен суармалы шаруашылықтағы су шығынын азайту мәселесін талқылаған.

Осы кездесуде Әли Акбар Мехрабиан ирандық компаниялар әлемдегі ең ірі бөгеттердің бірі саналатын – «Бахтиари» ГЭС-ке ұқсас ауқымды жобаны Қазақстанда жүзеге асыруға ниетті екенін жеткізген.

Нұржан Нұржігітовтың айтуынша, мұндай жобалар Қазақстанның оңтүстік өңірлері – Жамбыл, Қызылорда және Түркістан облысы үшін...

Израиль мен ХАМАС қозғалысы Газа секторындағы атысты тоқтату туралы келісімге келуі мүмкін. Бұл туралы CNN басылымы израильдік дереккөзге сілтеме жасай отырып хабарлады.

CNN жазуынша, қос тарап «шекті келісім жасау алдында» тұрған көрінеді. Израиль ХАМАС-тың соңғы жауабы тараптардың келісімге келу үшін «жан-жақты» келіссөз бастауына мүмкіндік береді деп санайды. Алайда CNN мәміле тағдыры әлі шешілмегенін баса айтады.

Бұған дейін Израиль премьер-министрі Биньямин Нетаньяху кеңсесі мен «Моссад» барлау қызметі Израиль арағайындары арқылы ХАМАС өкілдерінен кепілге алу келісімі бойынша жауап алғанын хабарлаған.

31 мамырда АҚШ президенті Джо Байден Газадағы бейбіт реттеу туралы жаңа келісім жобасының шарттарын жариялады.

Ал БҰҰ Қауіпсіздік кеңесі АҚШ-ты...

«Қазгидромет» Астана мен еліміздің 16 облысында дауылды ескерту жариялады. Еліміздің батыс бөлігінде қатты ыстық болса, шығыс, солтүстік және оңтүстік облыстарда жауын-шашын мен бұршақ жауады.

Астана мен Ақмола облысының шығыс жартысында найзағай, бұршақ, дауыл күтіледі. Солтүстік-батыстан, солтүстіктен жел соғады, облыстың оңтүстігінде, шығысында екпіні 15-20 м/с болады.

Ал еліміздің батыс өңірінде аптап ыстық тұр. 04-06 шілдеде күндіз Батыс Қазақстан, Атырау облысының оңтүстігінде ауа райы 40-42 градусқа көтерілсе, Маңғыстау облысының оңтүстігінде 43 градус аптап ыстық болады.  Атырау облыстың батысында, шығысында жоғарғы өрт қауіпі сақталады.

Бейсенбі күні Павлодар, Шығыс Қазақстан, Қарағанды, Қостанай, Солтүстік Қазақстан, Жамбыл, сондай-ақ Абай, Жетісу, Ұлытау облыстарында...

«ҚазТрансОйл» АҚ еншілес компаниясы «Магистральдық Суағызғысы» ЖШС (қатысу үлесінің 100%-ы «ҚазТрансОйл» АҚ-ға тиесілі) Еуразиялық даму банкінен 108 ай мерзімге 21 млрд теңге сомасында қарыз алды. Қарыз бойынша пайыздық мөлшерлеме – өзгермелі, Қазақстан Республикасы Ұлттық Банкінің базалық мөлшерлемесінің жылдық минусы –  2%.

«ҚазТрансОйл» АҚ KASE-ге  «Магистральдық Суағызғысы»  «Астрахань – Маңғышлақ» магистральдық су ағызғысын реконструкциялау және кеңейту 1 кезек» инвестициялық жобасы бойынша тартылған «Қазақстан Халық банкі» АҚ қарызын қайта қаржыландыру үшін алғанын хабарлады.

2022 жылдың қараша айында инвестициялық жобаны қаржыландыру үшін «Магистральдық Суағызғысы» ЖШС «Қазақстан Халық Банкі» АҚ-дан қарыз алған. Осы кредиттік желі шеңберінде 41,4 млрд теңге игерілді. Қарыз бойынша пайызды...

Ресей Федерациясы Президенті Владимир Путин ШЫҰ саммитіне қатысуға шақырғаны үшін Қасым-Жомарт Тоқаевқа алғыс айтты. Қазақстан осы маңызды іс-шараның дайындығына айтарлықтай күш салғанын жеткізді.

«Саммит, шын мәнінде, мазмұны жағынан халықаралық сипатқа ие. Елдеріміздің бірқатар халықаралық ұйымға төрағалық етіп отырғанын атап өткім келеді. Қазақстан ШЫҰ мен ҰҚШҰ-ға, ал Ресей БРИКС пен ТМД-ға төраға болып отыр. Сондықтан бір-бірімізді қолдап, көмектесеміз. Қазақстанға мемлекеттік сапармен келуге шақырғаныңыз үшін алғыс айтамын», – деді Путин.

Көрші мемлекет басшысы екі елдің арасындағы тауар айналымы жоғары екенін атап өтті. Путин өзара қарым-қатынас нығая түсетінін айтты.

«Әлбетте, мұны ҰҚШҰ саммитіне орайластырған...

Қасым-Жомарт Тоқаев Уттар-Прадеш штатының Хатрас қаласында болған қайғылы оқиғаға байланысты Үндістан Премьер-министрі Нарендра Модиге көңіл айтты.

«Уттар-Прадеш штатында өткен діни жиын кезінде көптеген адамның бастырылып, қайтыс болғаны туралы қайғылы хабарды терең күйзеліспен қабылдадым. Қазақстан халқының және өз атымнан қаза тапқан азаматтардың отбасыларына көңіл айтамын. Сондай-ақ зардап шеккендердің тезірек сауығып кетуіне тілектестік білдіремін», – деп жазылған жеделхатта.

Үндістанның орталық бөлігіндегі Уттар-Прадеш штатындағы Хатрас қаласында діни іс-шара кезіндегі жанжал салдарынан 107 адам қаза тапты. Мерекелік шара кезінде тұрғындар діни көсем Бхол Бабтың соңынан еруге тырысқан. Содан дүрбелең туып, жүзден астам адам мерт болды. Оқиға орнына дәрігерлер, полиция...

Бас директор Марк Цукерберг сәрсенбі, 3 шілдеде, Meta-ның жаңа әлеуметтік платформасы – Threads-ті айына 175 миллионнан астам аккаунт белсенді қолданатынын айтты. Цукерберг осы әлеуметтік желіге 1 жыл толуына екі күн қалғанда жазды.

Reuters басылымының жазғанындай, ақпан айында Threads MAU-ді қолданушылар саны 150 миллионнан асқан.

Марктің пікіріне сүйенсек, ай сайынғы қолданушылар саны Threads танымалдығының нақты көрсеткіші емес. Күнделікті белсенді пайдаланушылар және әрқайсының жұмсайтын орташа уақыт өлшемі жаңа желінің артықшылығын дәлелдейді.

6 шілдеде Meta Threads желісін іске қосты. Марк сол кезде оның Twitter-ге бәсекелес болатынын айтты.

Илон Маск Twitter платформасын сатып алып оны Х әлеуметтік желісіне айналдырды. Х бір жыл ішінде...

Қазақстан мен Қытай коммерциялық тұрғыда бір-бірінің ғарыш айлағын пайдалану мүмкіндігін қарастырмақ. Тоқаев пен Си Цзиньпин Астанадағы іскерлік кездесуде осы мәселені де талқылаған.

Екі ел ғарыш кеңістігін бейбіт мақсатта пайдалану, айды игеру, қашықтықтан зондтау деректерін қабылдау және алмасу мақсатында келісім жасады.

Қытай – ғарыш саласындағы алпауыттардың бірі. Ақпарат құралдары биыл Бейжің 100-ге тарта жер серігін ұшыруды жоспарлап отырғанын жазды.

Аспан асты елі жаңалықтар ашуға құмар. 2 маусымда  «Чаниэ-6» кемесі Айдың қараңғы бөлігіне жетіп, айдың беткі топырағын ғалымдарға жеткізді.

Көрші ел Вэнчан қаласында халықаралық коммерциялық ұшырулар үшін алғашқы ғарыш айлағын іске қосты. Ал Қазақстан ғарыш жобалары үшін хаб құруды жоспарлап отыр. Сонымен...

Швейцариялық трейдер Glencore Plc қазақстандық тау-кен өндіруші Kazzinc компаниясының 70 пайыздық үлесін әлеуетті сатып алушылар оның құнын дұрыс бағалай алмаған соң, сату жоспарынан бас тартты деп хабарлады Bloomberg агенттігіне жағдаймен таныс ақпарат көздері.

Басылымның хабарлауынша, Glencore қытайлық сатып алушылардың қызығушылығына орай 70,2% иелік ететін қазақстандық бизнестен кету мүмкіндігін қарастырған. Агенттік дереккөздерінің хабарлауынша, компания әлеуетті сатып алушыларға келісімшартты бұзу туралы хат жіберген. Glencore өкілі түсініктеме беруден бас тартты.

Kazzinc Қазақстан бойынша кен өндіруге де, дайын мырыш металын және одан жасалған бұйымдарды да өндіруге мүмкіндік беретін кеніштердің, өңдеу зауыттарының және металл өңдеу зауыттарының кең желісін иеленеді. Кәсіпорын 1997 жылы Шығыс Қазақстанда...

Біріккен Араб әмірліктеріндегі Қазақстан елшісінің бұрынғы кеңесшісі Сәкен Мамашқа қатысты сот үкімі өзгеріссіз қалатын болды.

Мамаш сот қаулысына қатысты апелляциялық шағым түсірген. Астана қалалық апелляциялық соты әйелі Каринаның әпкесіне күш көрсеткен дипломатқа қатысты бірінші инстанцияның шешімін өзгеріссіз қалдырды. Бұрынғы дипломат адам денсаулығына қасақана жеңіл зиян келтіргені үшін 15 тәулікке қамауға алынды. 

«Апелляция Сәкен Мамашты қамауға алу тұралы бірінші сатыдағы соттың қаулысын өзгеріссіз қалдырды», — деді жәбірленуші тараптың адвокаты Бибінұр Мұратова.

Айта кетейік, 28 маусымда Астана соты Сәкен Мамашты адам денсаулығына қасақана жеңіл зиян келтіргені үшін 15 тәулік қамауға алу жазасын тағайындаған. Іс материалдарынан отбасылық жанжал...

Азия даму банкі  жасыл ипотеканы дамыту үшін «Отбасы банкіне» 250 млн доллар бөлмек. Бұл туралы Қазақстан қор биржасы алаңында өткен KASE Talks іс-шарасы барысында «Отбасы банк» басшысы Ләззат Ибрагимова айтты.

«Біз Қазақстанда бірінші болып «жасыл ипотекалық» өнімді дамытып жатырмыз. Біздің елде тұрғын үймен қамтамасыз ету мәселесі өте өзекті. Сондықтан тұрғын үйде энергия үнемдеу мәселесі соңғы орында. Бұл туралы ешкім ойламайды. Сонымен қатар электр энергиясының тарифтері мемлекет тарапынан субсидияланады. Қазақстан да нарықтық негізде баға белгілеу тетіктеріне біртіндеп көшеді», – деген Ибрагимова құрылыс компанияларын үйлерінің энергия тиімділігіне назар аударуға шақырды.

Алайда ол энергия тиімділігі стандарттары өте қымбат екенін атап...

Қазақстан мен Әзербайжан SK-AIH Investment Fund Ltd бірлескен инвестициялық қорын басқаратын болады. Қор маусым айының соңында АХҚО-да тіркелген. Бұл туралы «Самұрық-Қазына» баспасөз қызметі хабарлады.

3 шілдеде ШЫҰ саммиті қарсаңында «Самұрық-Қазына» басқармасының төрағасы Нұрлан Жақыпов пен Әзербайжан экономика министрі Микаил Чингиз оғлы Жаббаров келісімге қол қойылды. Құжатқа қол қою рәсіміне Қазақстан президенті Қасым-Жомарт Тоқаев пен Әзербайжан президенті Ильхам Әлиев қатысты.

«Қазақстан-Әзербайжан инвестқорының қызметі екі ел экономикасының түрлі секторларына инвестициялар жұмылдыруға, соның ішінде Транскаспий халықаралық көлік бағытын (ТХКБ) дамытуға арналған инвестициялық жобаларды іске асыруға бағытталатын болады», – деп жазылған хабарламада.

Естеріңізге сала кетейік, 2024 жылдың наурыз айында Әзербайжанда «Самұрық-Қазына...

Арнайы жұмыс киімін шығаратын Lakeland Industries компаниясының акция бағасы 2 шілде күні 6%-дан аса қымбаттады. Компания Германиядағы бәсекелесі LHD Group Deutschland-ты және оның Гонконг пен Аустралиядағы еншілес компанияларын сатып алғанын хабарлады.

Толығырақ

Lakeland акциялары сейсенбі, 2 шілдеде, Nasdaq-та 6,26% – ға қымбаттап, бір қағаздың бағасы 22,39 долларға дейін көтерілді.

Сейсенбіде компания өрт сөндіру және құтқару бизнесімен айналысатын германиялық LHD Group Deutschland компаниясы мен оның Гонконг пен Аустралиядағы еншілес кәсіпорындарын сатып алғанын хабарлады. LHD сайтында 1 шілдеден бастап оның жалғыз иесі Lakeland екені жазылған.

Мәміленің құны шамамен 16,3 млн доллар болған. Осы қадамның арқасында Lakeland компаниясыны...

Қазақстан қытайлық Suzhou Eavision Robotic Technologies Co компаниясынан интелектуалды дрондар сатып алмақшы. Бұл технологиялық өндірісті шаруалар ауыл шаруашылығы бағытындағы өсімдіктерді қорғау мақсатында пайдаланбақшы. Қазақстан билігі Қытайдың ет қауымдастығымен де ынтымақтастық меморандумына қол қойды.

Қазақстан мен Қытай ауыл шаруашылығы саласында екі меморандумға қол қойды. Соның бірі Ауыл шаруашылығы министрлігі мен қытайлық Eavision компаниясы арасындағы техникалық ынтымақтастық меморандумы.

«Бұл жоғары технологиялық өндіріс кәсіпорны интеллектуалды ұшқышсыз ұшу аппараттарын және күрделі сыртқы орталарға жарамды интеллектуалды роботтарды әзірлеуге және өндіруге арналған. Eavision интеллектуалды машиналары, жабдықтары мен бағдарламалық қамтамасыз етулері көптеген салада, соның ішінде ауыл шаруашылығында қолданылады», – деп хабарлады Ауыл шаруашылығы...

Алматы қаласы Медеу аудандық соты Қайрат Боранбаевқа тиесілі болған Esentai Tower бизнес орталығы маңындағы мүліктің жартысын оның жұбайы Шолпан Боранбаеваның бөліп алуына рұқсат бермеді. Бұл жылжымайтын мүлікті 2023 жылы Боранбаевтан мемлекет тәркілеген.

Шолпан Боранбаева Алматыдағы Әл–Фараби даңғылы 77/7, корпус 1 мекенжайында орналасқан мүлкін бөліп алу туралы Қайрат Боранбаевтың үстінен сотқа шағымданған. Желідегі карта мәліметтеріне сүйенсек, бұл мекенжайда Esentai Tower бизнес орталығы мен Esentai Mall сауда орталығының арасында орналасқан 2 қабатты ғимарат тұр. Онда екі мейрамхана бар: Tor және Cafeteria. БАҚ ақпаратына сүйенсек, бұл ғимараттың құны – 686 млн теңге.

Алайда істі сот талқылауына дайындау барысында «Алматы қаласының мемлекеттік активтер басқармасы» коммуналды...

Bloomberg сауалнамасына қатысқан қаржыгерлердің пікірінше, Қытайдың «көгілдір фишка» индексі CSI 300 биыл 2020 жылдан бері алғаш рет жылдық өсімді көрсетеді. Жағдайды жақсартуға корпоративтік кірісті қалпына келтіру және шетелдік инвестиция ағыны ықпал етуі мүмкін.

Толығырақ

Bloomberg сауалнамасына қатысқан сарапшылар мен қаржы менеджерлері Қытай қор нарығына екінші жартыжылдық жағымды болады деп топшылайды. Олар CSI 300 индексі 2020 жылдан бері бірінші рет жылдық өсімді көрсетеді, ал Гонконгтың Hang Seng индексінің төрт жылға созылған сәтсіз кезеңі аяқталады деп болжайды.

Сауалнамаға қатысушылардың Қытайда тұратын бөлігі алдағы алты айда MSCI China мен CSI 300 индексіндегі компаниялардың табысы ең төменгі шегіне жетеді деп санайды. Ал...

2025 жылы Қытайдың Қазақстандағы туризм жылы өтеді. Бұл туралы Қазақстан Президенті Қасым-Жомарт Тоқаев пен Қытай Халық Республикасының Төрағасы Си Цзиньпин бірлескен мәлімдесінде айтты.

Ақордада екі ел басшылары шағын және кеңейтілген құрамда келіссөздер жүргізді. Келіссөздерден кейінгі баспасөзге арналған жиында мемлекет басшысы достық пен тату көршілік қатынастар жайын сөз етті. Сондай-ақ Тоқаев Қазақстан мен Қытай азаматтары үшін екі ел арасында визасыз режим қолданыла бастағанын еске салды.

«Қазір оның игілігін азаматтарымыз көріп отыр. Әсіресе, екі елдің көршілес аймақтарының халқына, кәсіпкерлер мен туристерге, жастар мен шетелдік әріптестерге тиімді болды. Биыл наурызда Бейжіңде Қазақстанның Қытайдағы Туризм жылы салтанатты түрде ашылды...

«ҚазАгроқаржы» 100 млрд теңгеге облигация шығармақ. Бұл облигацияларды «Бәйтерек холдингі сатып алады. Ал түскен қаржы ауылшаруашылық техникасын лизингке беруге жұмсалады.

Компанияның жалғыз акционері – Аграралық несие корпорациясының шешімі Қазақстан қор бижасында орналастырылған. Облигациялар ұлттық валютада сатып алынады. Өтініш беру мерзімі 7 жыл деп белгіленген. Ал сыйақы мөлшелемесі жылдық 16 пайыздан аспайды.

Бұған дейін «ҚазАгроқаржының» директорлар кеңесі 100 млрд теңгеге облигация шығару арқылы өз міндеттемесін арттыру туралы шешім қабылдаған. Бұл міндеттеме көлемі компанияның меншікті капиталының 56,69 пайызын құрайды.

«Бәйтеректен» алынатын 100 млрд теңге отандық өндірістен шыққан ауылшаруашылық техникасы мен балық өнімдерін тасымалдауға арналған көліктің лизингіне жұмсалады. Лизинг...

Shell энергетика компаниясы биоотынға көшу жөніндегі ірі жобасының бірін тоқтатқанын хабарлады.

Сұраныс аз болғандықтан, компания Роттердамдағы ірі зауыттың құрылысын тоқтатып қойды. Бұл зауыт қалдықтарды авиаотынға және биодизельге айналдыруы тиіс болатын. Shell-дің бұл шешімі компанияның акция бағасына әсер ете қойған жоқ.

Толығырақ

Еуропалық және әлемдік нарықта сұраныстың азаюына байланысты, Shell Роттердамдағы биоотын жасайтын зауытының құрылысын тоқтатты. Британиялық энергия алпауыты өзінің голландиялық еншілес кәсіпорны Shell Energy and Chemicals Park жобасына құнсыздануға қатысты арнайы тексеріс жүргізетінін мәлімдеді. Сонымен қатар жұма күні компания екінші тоқсанға есебін жариялап, толығырақ ақпарат береді деп хабарлады The Wall Street Journal.

Компанияның айтуынша, құрылысты тоқтату нысандағы мердігерлерд...

Қытай Қазақстанның БРИКС ынтымақтастық механизміне қосылуын қолдайды, деп мәлімдеді ҚХР төрағасы Си Цзиньпин Қазақстан президенті Қасым-Жомарт Тоқаевпен келіссөздердің қорытындысы бойынша.

«Қытай Қазақстанның БРИКС ынтымақтастық механизміне қосылуын қолдайды», – деді Си Цзиньпин.

2022 жылы да Қытай Қазақстанды БРИКС-ке шақырды. Сол тұста Қытайдың БҰҰ жанындағы Тұрақты өкілі Чжан Цзюнь твиттерде Қазақстан, Сауд Арабиясы, Аргентина, Египет, Индонезия, Нигерия, Сенегал, БАӘ және Таиландтың БРИКС+ диалогына қосылуын құптайтынын жазған.

БРИКС – бес мемлекеттен тұратын топ. Оған Бразилия, Ресей, Үндістан, Қытай және Оңтүстік Африка Республикасы мүше.

Еске сала кетсек, Қытай басшысы 2 шілдеде Қазақстанға мемлекеттік сапармен келді. Сонымен қатар...

АҚШ-та жұмыс орындарының саны ақырын өсіп келеді, бұл мөлшерлеменің тезірек төмендеуіне әсер етуі ықтимал. Алайда ФРЖ төрағасы Джером Пауэлл ақша-несие саясатын жұмсартуға әлі ерте деп санайды. ЕОБ, керісінше, 2024 жылдың соңына дейін мөлшерлеме тағы бір рет төмендейді деп болжайды. Осы және басқа тақырыптар туралы 2 шілдедегі әлемдік БАҚ шолуын оқыңыз.

Пауэлл: Инфляцияның беті қайтты, бірақ бұл әлі де жеткіліксіз

Сейсенбі, 2 шілдеде, АҚШ Федералды резерв жүйесінің төрағасы Джером Пауэлл инфляцияға қарсы күресте «азғантай жеңіске» қол жеткенін және ФРЖ-ға пайыздық мөлшерлемені төмендету үшін «көбірек дәлел керек» екенін айтты деп жазады FOX Business.

Португалиядағы форумда сөйлеген сөзінде Пауэлл сәуір мен...