Қытай 15 наурыздан бастап шетелдік азаматтарға туристік виза беруді жалғастыруда, деп мәлімдеді ҚХР Сыртқы Істер Министрлігінің консулдық қызметі. Бұл туралы interfax.ru хабарлады.
«Қытайдың Шетелдегі консулдықтары 15 наурыздан бастап шетелдіктерге визалардың барлық санаттарын беруді жалғастырады. Шешім шекарадан өтуді жеңілдету үшін қабылданды», – делінген WeChat желісінде хабарламада.
ҚР Индустрия және инфрақұрылымдық даму вице-министрі Динара Щеглова АҚШ-тың Оңтүстік және Орталық Азия елдері бойынша сауда өкілінің көмекшісі Брендан Линчпен кездесіп, екіжақты өзара ынтымақтастықты арттырудың жолдарын талқылады. Бұл туралы ИИДМ баспасөз қызметі хабарлады.
Вице-министр Қазақстанда сирек кездесетін және сирек жер металдарының, атап айтқанда құрамында сирек жер металдары бар минералды шикізаттың айтарлықтай ресурсы жеткілікті екенін айтты. Сонымен қатар жаңа инвесторларға қатты пайдалы қазбаларды өндіру мүмкіндігі жер қойнауын пайдалануға құқық беретін аукционды өткізу арқылы жүзеге асыру көзделгенін жеткізді.
Өз кезегінде Б.Линч ҚР ИИДМ мен АҚШ-тың Геологиялық қызметі (USGS) арасындағы өзара түсіністік туралы меморандум шеңберінде пайдалы қазбаларды өндіру, геология және минералдық ресурстар...
Елордада Қазақстан мұсылмандары діни басқармасының төрағасы, Бас мүфти Наурызбай қажы Тағанұлы оразаға орай БАҚ өкілдерінің қатысуымен өткен баспасөз мәслихатында кәсіпкерлерге үндеу жасады.
«Кәсіпкер азаматтарды, сауда орталықтарының басшыларын қасиетті айдың құрметі үшін халқымыздың тұрмыс жағдайын ескеріп, әлеуметтік маңызы бар тауарлар мен азық-түлік бағасын мүмкіндігінше 10 пайызға дейін төмендетіп, жеңілдік жасауға үндеймін. Жақсы амалдарыңыз өздеріңізге еселеп жақсылық болып қайтатынында күмән жоқ. Мұндайда халқымыз: «Қайырымдылық жасасаң – қайырын өзің көресің» демей ме?!», – деді Бас мүфти БАҚ өкілдеріне арналған баспасөз мәслихатында.
Иран билігі былтыр күзде наразылық шерулеріне қатысқан тағы 22 мың адамға рақымшылық жариялады. Бұл туралы Хабар 24 сайты хабарлады.
Бұл туралы осы елдің сот жүйесінің басшысы Голамхоссейн Мохсени Эджей мәлімдеді. Жалпы жергілікті билік тәртіпсіздіктер басталғалы елде амнистияға іліккен азамттардың саны 82 мыңнан асады дейді.
Иранда толқулар былтыр қыркүйек айында бұрқ ете қалған еді. Оған Махса Амини есімді студент қыздың әдеп полициясының қолынан қаза табуы түрткі болды. Жаппай шерулер қақтығыстарға ұласып, жүздеген адам көз жұмды.
2023 жылғы қаңтарда Қазақстан Республикасының ЕАЭО елдерімен өзара сауда 2130,4 млн. АҚШ долларын құрап, өткен жылдың сәйкес кезеңімен салыстырғанда номиналды мәнде 19,1% көбейді. Бұл туралы Ұлттық статистика бюросы хабарлады.
2023 жылғы қаңтарда тауарлар экспорты 932,7 млн. АҚШ доллары (52,9% жоғары), импорт – 1197,7 млн. АҚШ доллары (1,7% жоғары) деңгейінде қалыптасты.
Қазақстан Республикасының ЕАЭО елдерімен сыртқы сауда айналымының жалпы көлемінде Ресей Федерациясына 92,4%, бұдан әрі Қырғызстанға – 4,2%, Беларуске – 3,3%, Арменияға 0,1% келеді.
2023 жылғы қаңтарда Қазақстан Республикасының ЕАЭО елдерімен өзара сауда 2130,4 млн. АҚШ долларын құрап, өткен жылдың сәйкес кезеңімен салыстырғанда номиналды мәнде 19,1% көбейді*.
2023 жылғы қаңтарда...
Ұлттық экономика вице-министрі Б.Омарбеков Ауылдық аумақтарды дамыту тұжырымдамасының негізгі бағыттары туралы баяндады. Бұл туралы Орталық коммуникациялар қызметінде өткен брифингте мәлім болды.
Ағымдағы жылғы 1 қаңтарда елімізде 7,5 млн. адам тұратын 6 295 ауылдық елді мекен бар. «Жалпы саннан даму әлеуеті жоғары 3,5 мың ауыл іріктеліп алынды. Онда ауыл тұрғындарының 90%-ы тұрады. Бұл ауылдарды қаржыландыру республикалық бюджеттен 2019 жылдан бастап «Ауыл – Ел бесігі» жобасы шеңберінде жүзеге асырылады.
Ағымдағы жылы аталған жоба бойынша 143 млрд.теңге бөлініп, 736 ауылда 1,5 мыңнан астам жоба іске асырылады», – деп нақтылады Бауыржан Омарбеков. Сондай-ақ, 2023 жылғы республикалық бюджетті нақтылау шеңберінде...
2022 жылғы деректерге сәйкес, елімізде ұшақ пен поездың арасында таңдау жасауға тап келген үш жолаушының біреуі негізінен ұшақты таңдайды. 2010 жылы бұл көрсеткіш жеті адамның арасында біреуі болатын. Яғни қазір, әрбір поезд жолаушысына 1,8 ұшақ жолаушысынан келеді екен.
Бірінші несие бюросының дерегінше жолаушылар арасында әуе кемесін дұрыс көретіндер саны артқан. Соңғы 13 жылда әуеде сапарлайтын жолаушылар саны 3,2 есе көбейген. (2010 жылы 3,4 млн болса, 2022 жылы 11 млн). Өсім қазір де байқалып отыр. 2023 жылдыің екі айы ішінде 1,8 млн адам ұшақпен сапарлаған. Өткен жылдың осы кезеңінде көрсеткіш 1,1 млн адам болған еді.
Ал, поездбен 2022 жылы...
Мемлекет басшысы Қасым-Жомарт Тоқаев Ресей елшісі Алексей Бородавкин мен Қытай елшісі Чжан Сяоны қабылдады, деп хабарлайды Ақорда.
Мемлекет басшысы Ресей Федерациясының елшісі Алексей Бородавкинмен әңгімелесу барысында Президент Владимир Путиннің Қазақстанға алдағы сапарының, сондай-ақ биыл күзде Қостанайда өтетін XIX Өңіраралық ынтымақтастық форумын өткізудің маңыздылығын атап өкен.
Бұдан бөлек, Қазақстан мен Ресей арасындағы жан-жақты стратегиялық серіктестіктің қазіргі жай-күйі мен перспективалары талқыланды.
Қытай Халық Республикасының Қазақстандағы елшісі Чжан Сяомен кездесуде биыл мамыр айында Сиань қаласында өтетін «Орталық Азия + Қытай» саммитінің және Президент Қасым-Жомарт Тоқаевтың ҚХР-ға жоспарланған мемлекеттік сапарының өзектілігі сөз болған.
Сондай-ақ екіжақты қатынастарды одан әр...
Байқоңырдағы «Роскосмос» активтеріне бірнеше миллиардтаған тиым салынғаны туралы БАҚ-та жарияланған ақпаратқа қатысты Цифрлық даму министрі Бағдат Мусин пікір білдірді.
Оның айтуына, шектеу тұтас «Байқоңыр» кешеніне емес, ЦЭНКИ (Жерүсті ғарыштық инфрақұрылым нысандарын қолдану жөніндегі орталықтың) кәсіпорнының мүлкіне қатысты екенін жеткізді.
«Екеуі екі мекеме. Біржағынан «Бәйтерек» БК» АҚ, екінші жағынан ЦЭНКИ. Астана халықаралық қаржы орталығындағы арбитражды сотта сот процессі өтіп, АХҚО үкім шығарды. Осыдан кейін сот орындаушы еліміздің заңы аясында сот шешімін орынауға көшті», деді Мусин.
Министрдің айтуынша, АХҚО сотының деңгейінде сот процессі жалғасуы тиіс.
«Сот процессі жалғасады. Қазіргі таңда, менің білуімше ЦЭНКИ кәсіпорнының басшылары Қазақстанда...
Гүлмира Сатыбалды Тұрсенғали Алагөзовке 6,5 млрд теңге шығын келтірген. Бұл туралы Астанада өткен сот процесінде мемлекеттік айыптаушы Азамат Сәрсенбаев айтты.
Прокурор сотта күдіктілерге қатысты айыптау актісін оқыды. Соған сәйкес, 2018 жылдың қарашасында Сатыбалды заңнамада белгіленген тәртіпке қарамастан «Galanz Bottlers» АҚ-ның ірі акционері болғысы келген.
«2018 жылдың қарашасында Сатыбалды заңнамада белгіленген тәртіпке қарамастан, өз еркімен ірі акционер болуға ұмтылған. Сатыбалды нақты иесі Алагөзов болған ірі акция пакетін алуды жоспарлаған. Екі азаматтың арасында қаржылық көмек орнына акцияларды беру туралы уағдаластық болмаған. Қылмыстық ойын іске асыру үшін Сатыбалды мемлекеттік аппаратта және коммерциялық құрылымдарда байланысы бар бұрынғы күйеуі Қайрат Сатыбалдының беделін пайдалануға...
Қытайдың интернет-дүкендерінен Қазақстанға және көршілес елдерге тауарларды жедел жеткізетін пойыз жүретін болады. Оны Қазақстан темір жолының мультимодальды жүктерді тасымалдаумен айналысатын еншілес кәсіпорны – «KTZ Express» қазақстандық «Atasu Group» логистикалық операторымен бірлесіп іске асыруда деп хабарлайды ҚТЖ сайты.
Бұл пойыз екі ел арасына апта сайын қатынап тұрмақ.
Компания өкілдері егер, тасымалданатын жүк көлемі артса, пойыздың қатынау жиілігі де артатынын айтады. Пойыз Қытайдың Үрімші қаласынан Алашаңқай-Достық шекара өткелі арқылы Ресей бағытында, сондай-ақ Өзбекстан мен Тәжікстан елдеріне де қатынайтын болады. Межелі станцияға жеткізу уақыты 7-10 күнді құрайды.
Сондай-ақ KTZ Express Қазақстан-Қытай шекарасында орналасқан Орталық Азиядағы ең ірі KTZE-Khorgos...
Армения үкіметінің басшысы Никол Пашинян ҰҚШҰ-ның «Армениядан кетіп жатқанына» алаңдаушылық білдірген. Бұл туралы Интерфакс агенттігі хабарлайды.
«ҰҚШҰ Бас хатшысы 2022 жылы Арменияға келгенде, маған Армения Ұйымнан шығып кетеді деп алаңдап отырғанын жеткізді. Мен алаңдауға негіз жоқ екенін айттым, бірақ біз ҰҚШҰ-ның өзі Армениядан шығып кете ме деп алаңдап отырмыз. Менің бағамдауымша, ҰҚШҰ өзі қаласын-қаламасын, Армениядан кетіп жатыр, бұл жайт бізді алаңдатады», – деді Пашинян сейсенбі күнгі баспасөз мәслихатында.
Оның айтуынша, «Арменияның қауіпсіздігі нығая түсетін болса, Армения ҰҚШҰ бас хатшысы орынбасары қызметін қуана атқармақ. Олай болмаса, халықтың қате түсінуіне жол береміз».
10 наурыз күні Армения...
Қазақстанда 2022 жылы Kids go Free бағдарламасы іске қосылды. Оның аясында бойынша былтыр 76 млн. теңгеге ұшақ билеттері субсидияланды. Осының арқасында балаларға ел ішіндегі әуе рейстермен тегін ұшу мүмкіндігі берілді. Бұл туралы Мәдениет және спорт министрлігінен хабарлады.
«Ақтау – Қазақстанның ең танымал туристік бағыттарының бірі және танымал отбасылық демалыс орны. Өткен жылы Kids go Free бағдарламасын 700-ге жуық отбасы пайдаланды, бұл 1500 балаға Қазақстанның басқа өңірлерін тегін көруге мүмкіндік берді. Биыл кем дегенде 2000 бала мен 1000 отбасын қамту міндеті тұр. Ол үшін туроператорларға қойылатын талаптар жеңілдетілді», – деді Мәдениет және спорт министрлігінің ресми өкілі Мөлдір Әбдуәлиева.
Азаматтардан университетке түскенде және жүргізуші куәлігін алғанда олардың есірткі қолданып-қолданбайтыны тексеріледі. Бұл туралы ішкі істер министрі Марат Ахметжанов мәлімдеді.
«Жоғары оқу орнына түскенде, мемлекеттік қызметке тұрғанда, жүргізуші куәлігін алғанда олардың биоматериалдары зерттеледі», – деді министр.
Министрдің айтуынша, бұл азаматтардың қауіпсізідігі үшін қажет.
«Қазір синтетикалық есірткі таралып жатыр, оларды алу да оңай. Бір дозасы 10 мың теңге тұрады. Есірткіні сататындар интернет арқылы есірткінің қайда екенін жібереді. Сараптама есірткіні тұтыну ерте анықталса, олардың 95%-ы қалыпты жағдайға оралуы мүмкін екені көрсетті. Үшінші кезеңде тек 15%-ы қалыпты жағдайға оралуы ықтимал», – деді Ахметжанов.
Оның айтуынша, қазір мектеп оқушылары...
KASE-дегі сауда-саттықтың жиынтық көлемі 2023 жылдың ақпанында 23,7 трлн теңгені құрап, қаңтарға қатысты 0,2 %-ға немесе 43,2 млрд теңгеге төмендеген. «Қазақстан қор биржасы» АҚ 2023 жылдың ақпан айындағы қызметтің негізгі қорытындыларын жариялады.
«Ай қорытындысы бойынша KASE индексінің мәні 1,2 %-ға өсіп, 3 338,90 тармақты құрады. Акциялар нарығын капиталдандыру 0,8 %-ға артып 21,9 трлн теңгеге дейін өскен. Ал саудаланатын корпоративтік борыш көлемі 7,8 %-ға 13,3 трлн теңгеге дейін төмендеді. 2023 жылдың 1 наурызындағы жағдай бойынша KASE сауда-саттық тізімдерінде 219 эмитенттің 576 атаудағы мемлекеттік емес бағалы қағаздары болды. 2023 жылдың 1 наурызындағы жағдай бойынша Орталық депозитарийде 575 мың жеке тұлғаға...
Елімізде бензин бағасы қымбаттамайды. Бұл туралы Энергетика министрі Болат Ақшолақов айтты.
«Бензин мен дизель отының қорын егіс маусымына дейін қалыптастырдық. Сондай-ақ импорттау қажет болатын көлем қосымша анықталды. Биыл бұл көлем Ресеймен екіжақты қарым-қатынас аясында шамамен 850 мың тонна деп бекітілді», – деді Болат Ақшолақов Үкімет отырысынан кейін.
Сондай-ақ министр бензин бағасының қымбаттауы жоспарланып отырмағанын айтты.
Қазақстанда кепілсіз тұтынушылық несие беру тәртібі қатайып, шағын несие мөлшерлемесі өзгереді. Қазақстан президенті Қасым-Жомарт Тоқаев халықтың шамадан тыс кредит алуын азайтуға бағытталған жарлығында ҚНРДА-ға осындай тапсырма берілген.
Халықтың шамадан тыс кредит алуын азайту үшін Қазақстан Республикасының Қаржы нарығын реттеу және дамыту агенттігі халыққа кепілсіз тұтынушылық кредит беруді қатаңдату шеңберінде 2023 жылғы 31 мамырға дейін: халықтың микрокредиттері бойынша мөлшерлемелерді реттеуді қатаңдату; екінші деңгейдегі банктердің, микроқаржы ұйымдарының және коллекторлық агенттіктердің халықтың проблемалы кредиттерін реттеу жөнінде жоспарлар қабылдауы бойынша талапты енгізу шараларын қабылдасын», делінген жарлық мәтінінде.
2023 жылғы 30 қыркүйекке дейін Қазақстан Республикасының Ұлттық Банкімен...
Қытайдағы карантиндік шектеулер алынғаннан кейін, елімізде сұраныс артып, рецессиялық тәуекелдер төмендеген. Нәтижесінде логистикалық маршруттар жақсарып, баға қысымы әлсіреп, бизнес-климат индексіне оң ықпал еткен. Бұл жайлы Үкімет отырысында Ұлттық банк Төрағасы Ғалымжан Пірматов мәлімдеді.
Сарапшылар 2023 жылдың ақпан айында әлемдік нарықтарда оң үрдістер қалыптасқанын айтады. Оған COVID-19 шектеулері алынғаннан кейін Қытай экономикасының қалпына келуі мен жаһандық тауар жеткізу тізбектерінің жақсаруы әсер еткен.
«Соңғы 7 айда алғаш рет іскерлік белсенділіктің жаһандық композиттік индексі (global PMI) оң аймаққа өтіп, осы ақпан айында 52,1-ге дейін өсті. Ақпан айында Қазақстандағы іскерлік белсенділік индикаторы 50-ді көрсетті. Бұл оң өзгерістердің де, теріс өзгерістердің де болмағанын...
Мемлекет басшысының ветеринария жұмысын реформалау жөніндегі тапсырмасын орындау мақсатында Ауыл шаруашылығы министрлігі ветеринариялық қызметке талдау және аудит жүргізген. Нәтижесінде ветерианрия саласын жетілдіру бойынша нақты шаралар әзірленгеніп, депутаттардың ұсынысымен, ветеринарияға қатысты жаңа заң жобасы дайындалған екен.
Онда мал шаруашылығында орталық пен өңірлер арасындағы өкілеттіктерді бөлу мәселесі, процестертді цифрландыру, кадрлар дайындау, мамандардың біліктілігін арттыру, деректерді жинау, ветеринария саласындағы мамандардың жалақысын артыру сынды мәселелер түгел қамтылған. Мамандар, бұл заң жобасы ветринария жүйесін реформалауға септесетініне сенеді.
Ауыл шаруашлығы миистрлігінің Ветеринариялық бақылау және қадағалау комитетінің төрағасы Асқар Жақыпбаев цифрландыру жұмысы оңтайлы жүргізіліп жатқанын, пилоттық режмде іске қосылған қосымша тиімділігін дәлелдегенін айтты.
Цифрлық шешімдердің жедел әрі сапалы енгізілуі сақтандыру нарығындағы процестерді одан әрі оңтайлы ете түседі және тұтынушыларға бұрынғыдан да түсінікті, қолайлы болады. Саланың басы-қасында жүрген сарапшылар осылай дейді.
Қазақстан Қаржыгерлері қауымдастығының басқарушы директоры Ерлан Бурабаевтың айтуынша, қазір бұл сала трансформация мен цифрландырудың белсенді кезеңін бастан өткеріп жатыр. Қаржы нарығын дамытудың 2030 жылға дейінгі тұжырымдамасында үш вектор берілген – redteh, supteh және insurteh. Мәселен, соңғысы бойынша сақтандырушылар мен сақтандыру сервисінің жұмысын онлайн режіміне толық көшіру жоспарлануда. Бұл бағыт қазір ең өзекті болып саналады, әсіресе сақтандыру қызметі туралы заңға түзетулер енгізілгеннен кейін. 2024 жылдың 1 қаңтарынан бастап еуропалық хаттама – сақтандыру жағдайын реттеуд...
Қазақстанда инфляция көрсеткіші құбылмалы болып тұр. Бұл туралы Ұлттық банк төрағасы Ғалымжан Пірматов айтты.
Оның айтуынша, Қазақстанда инфляцияның айлық динамикасы 2022 жылғы наурызда ең жоғары мәнге жеткен соң, біртіндеп төмендеудеп жатыр.
«Бірақ ол ақпанда 1,3%-ға дейін аздап жеделдеді. Осылайша, айлық инфляция құбылмалы болып тұр және 5 жыл ішіндегі орташа жылдық мәннен асатын деңгейде. Жылдық мәнде ақпандағы инфляция 21,3%-ға жетті», – деді Ғалымжан Пірматов Үкімет отырысында.
Ұлттық банк ақпанда кезекті болжамды раундты аяқтаған. Жаңа деректер мен сыртқы және ішкі факторларды ескеріп, инфляция болжамы биыл 9-12%-ға дейін, 2024 жылы 6-8%-ға дейін қайта қаралды, 2025 жылы өзгеріссіз – 4-6% деңгейінде...
Премьер-министрдің орынбасары – қаржы министрі Ерұлан Жамаубаев биыл қаңтар-ақпанда аралығында мемлекет қаржысын игере алмаған министрліктер мен өңірлерді айтты.
Республикалық бюджет бойынша 3,4 трлн теңге сомасына шығыс жүргізілді. Атқарылмаған қаржы 123 млрд теңгені құраған.
«Оның ішінде 22 млрд теңге – үнемдеу. Игерілмегені – 101 млрд теңге. Ең көп игерілмеу сомасы Ішкi iстер, Қаржы, Ғылым және жоғары білім, Ақпарат және қоғамдық даму министрліктерінде қалыптасты», – деді Ерұлан Жамаубаев Үкімет отырысында.
Игерілмеудің негізгі себептері төлем нақты көрсетілген қызмет көлемі бойынша жүргізілген; конкурстық рәсімдерді ұзақ мерзімде өткізу; шарттарды, қосымша келісімдерді ұзақ жасасуы; бюджеттік бағдарламаларды (кіші бағдарламаларды) іске асыру жөніндегі нормативтік...
Президент Қасым-Жомарт Тоқаев барша Қазақстан халқын бүгінгі Амал мерекесімен құттықтады.
«Көктемнің алғашқы лебін ала келетін бұл күнді жұртшылық ежелден асыға күткен. Елдік пен ынтымаққа шақыратын осы мейрам – ұлтымыздың бауырмалдық салтының жарқын көрінісі. Жыл берекелі болсын, ағайын!» деп жазылған Президенттің Twitter парақшасында.
14 наурызда Қазақстанда Көрісу күні, амал мерекесі тойланады. Бұл күні қазақ халқы бір-бірінің үйіне барып, өкпе-реніштерін ұмытып, бір-біріне жақсылық тілеп жатады. Жыл сайын халық «Амал келді – Жыл келді!» деп бір-бірін құттықтап, бір дастарханда дәм татып, ескі жылдан жаңа жылға аман-есен жеткеніне қуанған.
Әлем халқы қартайып барады. Қазақстан да бұл үрдістен шет қалмақ емес. Айталық, 2022 жылдың басында елімізде жасы 65-тен асқан әйелер үлесі 10,1%-ға жеткен. Ал соңғы он жылда жасы 65-тен асқан ер кісілердің үлесі 4,8%-дан 6,1%-ға дейін өсті, деп жазады ranking.kz.
Одан бөлек, БҰҰ болжамы бойынша, Қазақстанда егде жастың демографиялық салмақ коэффиценті де арта бермек. Мәселен, 2022 жылы бұл коэффициент мәні 12,9%-ды құраған. 2025 жылға қарай 14,1%-ға, 2030 жылға қарай – 15,9%-ға, 2040 жылға қарай – 17,1%-ға, 2050 жылға қарай – 19%-ға жетуі мүмкін.
БҰҰ мәліметі бойынша, дүние жүзінде бұл коэффициент 15,1% құрайды. Болашақта оның мәні жылдан-жылға тек өсед...