Жаңалықтар

ҚР Ұлттық банкі (ҰБ) кеңсе техникасы мен жеке компьютерлерді жаңартуға миллиардтаған қаражат бөледі. Қымбат тапсырыстар сатып алу порталында жарияланды. Қадағалаушы мекеме осындай шығынға шамамен 3-4 млрд теңге жұмсап отыр.

Екі мың компьютер мен ноутбук

Атап айтқанда, Ұлттық банк шілде айында 874 дана стационар компьютерді шамамен 900 млн теңгеге тапсырыс берді. Диагоналі 24 дюймдік мониторы бар стационарлық компьютердің бір данасының құны 1 млн теңгеден асады. Бұған қоса, ҰБ қос мониторлы стационар компьютерлерге тағы 264 млн теңге жұмсайды.

Қадағалаушы мекеме сатып алғалы жатқан ноутбуктердің жалпы құны 1 млрд теңгеден асып кетті. Диагоналі 27 дюймдік мониторы бар 370 ноутбукке ...

Volkswagen концерніне кіретін Қытайдың Jetta маркасы жаңа VS8 кроссоверін ұсынды. Бұл бренд тарихындағы ең ірі модель болмақ.

Volkswagen және FAW бірлескен кәсіпорны құрастыратын бұл жаңа модель Jetta маркасы үшін ең ірісі болып саналады. VS8 моделі өзге Jetta көліктерінен ерекше сыртқы дизайны және интерьер архитектурасымен ерекшеленеді, алайда бұрынғы қозғалтқышты сақтап қалады.

Кроссовердің сыртқы келбеті Jetta-ның дәстүрлі стилінде жасалған — жақтаусыз радиатор торы, Y-тәрізді жарық элементтерімен ерекшеленеді.

Жаңа модельдің габариттері:

Осы өлшемдер бойынша VS8 бұрынғы флагман VS7 моделінен сәл ғана ірі, дегенмен, ресми түрде...

Алматыда 18 жастағы Нұрислам Ақылбековтің мәйіті табылды. Ол 2 шілдеде тауға кетіп, содан бері хабар-ошарсыз болған.

Алматы полициясының хабарлауынша, жігіттің денесінде зорлық-зомбылық белгілері жоқ.

Өлімнің нақты себебін анықтау үшін сот-медициналық сараптама тағайындалды.

Айта кетейік, бұған дейін Алматыда тауға кеткен Нұрислам Ақылбеков бір аптадан бері табылмай жатқаны хабарланды.

Қазақстан президенті Қасым-Жомарт Тоқаев «Қазақстан Республикасының Ұлттық қорын басқару жөніндегі кеңестің кейбір мәселелері туралы» заңға қол қойды. Жаңа құжатқа сәйкес, Ұлттық қорды басқару туралы кеңестің төрағасы Тоқаев болады.

Бұл дегеніміз Ұлттық қорды және БЖЗҚ-ны басқару тікелей президенттің қарамағына өтеді. Тоқаевтан бөлек кеңес құрамына премьер-министрі, сенат төрағасы, Президент Әкімшілігінің басшысы, Ұлттық Банк төрағасы, Жоғары аудиторлық палатасының төрағасы, Қаржы министрі, Ұлттық экономика министрі енеді.  

Төрағаның міндеттері:

Ақтау қаласының жылу желілерін жөндеуге үкімет резервінен 3,6 млрд теңге бөлінді. Бұл туралы үкіметтің баспасөз қызметі хабарлады.

«Мемлекет басшысы Қасым-Жомарт Тоқаевтың жылыту маусымында халықты жылумен үздіксіз қамтамасыз ету жөніндегі тапсырмаларын іске асыру шеңберінде Маңғыстау облысы Ақтау қаласындағы 9,2 шақырым магистральдық жылу желілерін реконструкциялау жұмыстарын аяқтауға Үкімет резервінен шамамен 3,6 млрд теңге бөлінді. Премьер-министр Олжас Бектенов тиісті қаулыға қол қойды», – делінген үкімет хабарламасында.

Қаланың жылу желілерін жаңғыртуға 13,8 млрд теңге жоспарланған. Жөндеу жұмыстары 2024 жылы басталды. Жаңғырту аясында 5,5 шақырым жылу желісі екі құбырлы жүйемен тартылған.

Атқарылып жатқан шаралар барысында ескірген болат...

Қылмыстық топ басшысы Арман Жұмагелдиевтің сыбайласы Біріккен Араб Әмірліктерінен экстрадицияланды. Бұл туралы Бас прокуратура хабарлады.

«Бас прокуратура мен ішкі істер министрлігі Дубай қаласынан Арман Жұмагелдиевтің қылмыстық тобының сыбайласы экстрадициялады. Ол 2022 жылғы 5-7 қаңтар аралығында Алматы қаласында Жұмагелдиевтің бандалық құрамында жаппай тәртіпсіздіктерге белсене қатысқан деген күдікке ілінді», – делінген ақпаратта.

Қылмыс жасалғаннан кейін күдікті жасырынған және шамамен 3 жыл бойы халықаралық іздеуде болған. Кейіннен Біріккен Араб Әмірліктері аумағында ұсталған.

Қазір күдікті Астана қаласындағы тергеу изоляторына қамалды. Оған тағылған айыптар бойынша 10 жылдан 15 жылға дейін бас бостандығынан айыру және мүлкін тәркілеу жазасы көзделген.

Айта кетейік, Арман Жұмагелдиев ...

Бір қарағанда жай ғана балаларға арналған ойыншықтар – миллиардтаған долларлық индустрияның қозғаушы күші. Барби, Лего, Монстр Хай, Лол, Лабубу немесе Squishmallows секілді брендтер – әлемдік нарықты бағындырған бизнес феномендер. Олар әлеуметтік желілерді жаулап алып, коллекционерлер арасында қызу талас тудырып, баладан бастап ересекке дейін баурап алды. Бұл материалда біз миллиардтық табысқа жеткен ең танымал ойыншықтар мен олардың артындағы компаниялар туралы сөз қозғаймыз.

Labubu – Pop Mart (Қытай)

Лабубу ойыншықтарын 2010 жылы Гонгонктағы Касинг Лунг есімді суретші иллюстратор ойлап тапқан. Кішкентай сүйкімді құбыжықтар ойыншық қана емес коллекциялық фигуралар, акссесуар брелоктар ретінде ойластырылған. Бастапқыда көпшілік арасына танымал бола қоймады. 2019 жылы қытайлы...

Төтенше жағдайлар министрлігінің хабарлауынша, 11 шілдеде Астана қаласында күндіз найзағай ойнап, бұршақ жауады. Алматы қаласында да бүгін найзағай ойнайды. Ал Шымкентте 11-13 шілдеде өрт шығу қаупі жоғары.

Бұған қоса, министрлік Қазақстанның бірнеше өңірінде қатты ыстық болатынын ескертті.

Астана уақытымен сағат 08:15-те биткоин шамамен 116,5 мың доллардан саудаланып жатыр. Осылайша BTC екі күн қатарынан тарихи жетістікті жаңартты.

Бір күн бұрын биткоин бағасы 112 мың долларға жетіп, рекорд орнатқан. Енді ол бұдан да биік межелерді бағындыра алатынын бүгін тағы дәлелдеді. Бұған дейін сарапшылар шілде айында Bitcoin құны көтеріледі деп болжаған.

Дәл қазір биткоинның нарықтағы құны 2,317 трлн доллар тұрады. Бағам көтерілген сайын оның капиталы да арта бермек.

Bitcoin тарихы 2008 жылдан бастау алады. Сол жылы әлем қаржы дағдарысынан ес жия алмай жатқанда, Сатоши Накамото деген бүркеншік атпен танылған адам (немесе адамдар тобы) биткоин жүйесін сипаттайтын ғылыми мақаласын...

Қазақстандық жас теннисші Әмір Омарханов Уимблдон турнирінің жартылай финалына шықты. 17 жастағы қазақ спортшысы мен ресейлік Егор Плешивцев жұбы бейсенбі күні ширек финалда жеңіске жетті.

Әмір мен Егор жастар арасындағы турнирде Криш Тьяги/Доиг Коннор жұбын екі сетте ұтты. Матч 6:4, 7:6 есебімен аяқталды.

Енді Омарханов/Плешивцев финалға өту үшін Оскари Пальданиус/Алан Вазный жұбымен кездеседі. Ойын жұма, 11 шілдеде Астана уақытымен сағат 18.30-да басталады.

Уимблдон-2025 ірі турнирінде Қазақстаннан жалғыз Әмір Омарханов қана қалды. Қалған теннисшілер жарыс жолын ерте аяқтаған.

Әлемнің жетекші технологиялық компанияларының бірі — Apple биылғы 2025 жылдың екінші тоқсанында өз қаржылық есебін жариялап, тағы да әлем назарын өзіне аударды. Компанияның табысы мен пайдасы өсіп отырғанымен, бұл жетістіктің көлеңкесінде кейбір алаңдатарлық белгілер де байқалады.

 Табыс қайдан келіп жатыр?

Алты айда компанияның жалпы табысы 219,7 млрд долларды құрап, 4%-ға өсті. Бұл өсімнің басты қозғаушы күштері – iPhone сатылымдары (115,98 млрд доллар) мен қызмет көрсету сегменті (52,99 млрд доллар). Соңғысы – Apple-дің келешекте құрылғыға тәуелсіз табыс көзін арттыра бастағанын дәлелдейді.

Таза табыс 61,1 млрд долларға жетіп, былтырғы жылмен салыстырғанда (57,5 млрд доллар) айтарлықтай артқан. Компания өзінің зерттеу...

Әзербайжанда «Вагнер» құрамында соғысқан екі азамат қамауға алынды. Бакудің Сабайыл аудандық соты осындай шешім шығарды.

Әзербайжанның Мемлекеттік қауіпсіздік қызметі жүргізіп жатқан қылмыстық іс аясында Рамиль Алиев (1991 ж.т.) пен Исмаил Гасановқа (1974 ж.т.) қатысты бұлтартпау шарасын – қамауға алуды қолдану туралы сот отырысы өтті.

Oxu.Az. ақпаратына қарағанда, МҚҚ-ның жедел-іздестіру шаралары нәтижесінде шетелде және Әзербайжан аумағында түрлі қылмыс жасаған азаматтар анықталып, ұсталып, тергеуге берілген.

Бұл азаматтар шетелдік түрмелерде қасақана кісі өлтіру және өзге де ауыр қылмыстары үшін жазасын өтеп жатқан кезінде «Вагнер» қарулы тобының бұрынғы басшысы Евгений Пригожиннің жеке таңдауы бойынша бостандыққа шығарылып, келісілген ақша үшін әртүрлі әскери...

Бұрынғы дін қызметкері Қазақстанда Ресей православ шіркеуіне бағынбайтын жаңа православ шіркеу ашқысы келеді.

Orda ақпаратына қарағанда, Иаков Воронцов осы мақсатта қол жинауды бастаған.

Ол Константинополь патриархатының Қазақстанда өкілдігін ашу идеясын алғаш рет 2023 жылы ұсынған. Алайда ол кезде оған қатысты қылмыстық іс қозғалғандықтан, бұл бастама тоқтап қалған. Биыл көктемде іс жабылып, жақында Воронцов өз YouTube арнасында үндеу жариялап, барлық ниет білдірушілерді Константинополь патриархына хат жазып, қол қоюға шақырды.

Воронцов бұл жаңа шіркеу Ресей православ шіркеуіне қарсы емес екенін атап өтті. Оның айтуынша, бұл әрекет бәсекелестікке емес, таңдау еркіндігіне бағытталған.

Ол жаңа шіркеуді Ресей православ шіркеуінің ұстанымымен келіспейтін, әсіресе Украинадағы...

Қазақстанда жасанды интеллект зертханасы ашылады. Бұл Қазақстан мен Қытай арасындағы ынтымақтастық аясында іске аспақ.

Vecher ақпаратына қарағанда, Президент жанындағы Ұлттық ғылым академиясы мен Қытайдың Чжэцзян провинциясынан келген делегация ғылыми ынтымақтастықты дамыту туралы келісімге келді. Екі жақ жоғары технологияларды трансферлеу, зерттеу жобаларын жүргізу және инновациялық инфрақұрылым құру жөніндегі бастамаларды талқылады.

Кездесуге Чжэцзян провинциясының жоғары оқу орындары мен ғылыми ұйымдарының басшылары, қазақстандық академиктер, ғалымдар және бизнес өкілдері қатысты.

Басты назар цифрлық экономика, жасанды интеллект, логистика, геоақпарат, агротехнология және тұрақты даму мәселелеріне аударылды. Алғашқы нақты қадам – Қазақстан Президенті жанындағы ҰҒА жанынан кеңістіктік-уақыттық жасанды интеллект зертханасын құру болды.

Бұл бастама «Қытай...

Алматының екі ауданында 1965-1984 жылдары пайдалануға берілген құбырларды ауыстыру үшін жол жүру уақытша шектелмек.

«Алдағы жылыту маусымына дайындық аясында Алматыда инженерлік желілерді жоспарлы түрде қайта жаңарту жалғасып жатыр. Осыған байланысты қаланың екі ауданында автокөлік қозғалысы екі бағытта да уақытша жабылады», – делінген «Алматы жылу жүйесі» ЖШС хабарламасында.

Әкімдіктің ақпаратына қарағанда, 2025 жылы 11 шілде сағат 22:00-ден 14 шілде сағат 06:00-ге дейін Наурызбай ауданында – Райымбек даңғылынан Базарбай Жуманиязов көшесіне дейін –  Әшімов көшесінде 521 метр құбыр ауыстырылады.

Ал Түрксіб ауданында – Сүйінбай даңғылынан Майлин көшесіне дейін -Бекмаханов көшесінде 2 шақырым жылу желісі ауыстырылады.

Уақытша шектеулер...

Кеңес Рақышев Shoqan мектебіндегі үлесін жұбайы Әсел Тасмағамбетоваға сыйға тартты. Мектеп алғаш рет 2020 жылы ашылған.

Bes.media ақпаратына қарағанда, белгілі кәсіпкер Кеңес Рақышев Shoqan School – Шоқан Уәлиханов атындағы жекеменшік мектептегі 9% үлесін жұбайы Әсел Тасмағамбетоваға сыйлады. Бұл үлес оған тікелей тиесілі болған. Ал қалған 91% үлесті ол «Fincraft Group» компаниясы арқылы жанама түрде иеленіп келген.

2020 жылдан бастап осы уақытқа дейін Тасмағамбетова онда ресми үлеске ие болмаған. Енді Рақышев компания құрылтайшылары қатарынан толықтай шығып отыр.

2024 жылы мектеп 460 млн теңге шығынға ұшырағанымен, инвесторлардың қолдауы, операциялық табысы мен даму стратегиясының арқасында жұмысын жалғастырып келеді.

2024 жылдың маусым айында...

UFC жұлдызы Шавкат Рахмонов люкс санаттағы Mercedes-Benz Gelandewagen көлігін сатып алды. Бұл туралы ол Instagram парақшасында хабарлады.

Жекпе-жек шебері осылайша өзіне қымбат сый жасауды шешкен.

«Өзіңе өзің осылай сыйлық жасап тұрмасаң ешкім сені ойламайды», – деп жазды Рахмонов әзілдеп желідегі парақшасында.

Mercedes-Benz-тің Қазақстандағы ресми дилерінде аталған көліктің құны 103 млн теңгеден басталады.

UFC жұлдызы бұған дейін жарақаты жазылып жатса, желтоқсан айынша сегізбұрышқа оралып қалуы мүмкін екенін айтқан.

Оның алдында спортсүйер қауып асыға тосып жүрген Шавкат Рахмонов пен Белал Мұхаммад арасындағы жекпе-жек қашан өтуі мүмкін екенін хабарлағанбыз.

Украинаны қалпына келтіру мен жаңғыртуға 14 жыл және 1 трлн доллар қажет. Мұны Украина премьер-министрі Денис Шмыгаль айтты.

Униан ақпаратына қарағанда, ол бұл деректерді Римде өткен қалпына келтіру жөніндегі конференцияда жария еткен.

Жоспарға сәйкес екі қор құру ұсынылып отыр.

Бірі – 540 миллиард долларлық қор. Ол Ресей активтерін тәркілеу және Ресейден экспортталатын шикізатқа арнайы салық енгізу есебінен құрылады.

Екіншісі – 460 миллиард долларлық қор. Бұл Еуропаның жекеменшік секторының украиналық өндірістерге инвестиция салуына арналған платформа болмақ.

Айта кететін жайт, АҚШ Украинаға қару жеткізуді қайта бастайды.

Алматының Бағанашыл ықшамауданында орналасқан Алматы облыстық арнаулы әлеуметтік қызметтерді қажет ететін балаларды қолдау орталығы (Алматы облыстық №1 балалар үйі) Қонаев қаласына көшіріледі. Бұл туралы KursivMedia-ға қоғамдық белсенді Юлия Нестерова айтты.

Ақпаратты орталықтың басшылығы растады.

Орталық басшысының орынбасары Жұмагүл Батталова Алматы облыстық Білім басқармасынан 10 тамызға дейін орталық тәрбиеленушілерін Қонаев қаласына көшіру туралы бұйрық алғанын мәлім етті.

«Алматы облысының білім басқармасы» мемлекеттік мекемесінің «»Алматы облыстық арнаулы әлеуметтік қызметтерді қажет ететін балаларды қолдау орталығы» коммуналдық мемлекеттік мекемесінің орналасқан жерін келесі мекенжайға өзгерту: индекс 040800, Қазақстан Республикасы, Алматы облысы, Қонаев қаласы, Д.А. Қонаев даңғылы, №33/4″, – делінген бұйрық мәтінінде.

Олжас Бектенов Президенттің сынынан кейін Ермек Көшербаевты өңірге жіберді. Бұл жайында үкіметтің шұғыл жиынында белгілі болды.  

Премьер-министр Олжас Бектенов Президент Қасым-Жомарт Тоқаевтың туристік саладағы тапсырмаларының орындалу барысы туралы жиын өткізді.

Алакөл туралы баяндамада не айтылған?

Онда Премьер-министрдің орынбасары Ермек Көшербаевтың, туризм және спорт министрі Ербол Мырзабосыновтың Алакөл көлінің жағалауындағы ахуал туралы, сондай-ақ туристік инфрақұрылым, сервис және қауіпсіздік мәселелерін қоса алғанда, еліміздің туристік аймақтарында жазғы демалыс пен қолайлы жағдайларды ұйымдастыру жөніндегі баяндамалары тыңдалды.

Лауазымды тұлғалар жауапкершілікке тартылады

Премьер-министр өңір әкімдері мен министрлерге бұл бағыттағы жұмысты күшейтуді тапсырды. Бірқатар тапсырма берілді.

Мемлекет басшысы берген ескертулерді жедел жою...

2026 жылдан бастап туристер Emirates әуе компаниясының рейстеріне билетті криптовалюта арқылы сатып алуға болады. Тура солай Dubai Duty Free дүкендеріндегі тауарларды да крипто арқылы сатып алуға мүмкіндігі бар. Бұл туралы әуе тасымалдаушының сайтында жазылған.

Криптовалюта арқылы төлем жасау мүмкіндігі барлық бағыттағы рейстерге қолжетімді болады, яғни сіз қай елден ұшқаныңызға қарамастан қолдана аласыз.

Билетті криптовалюта арқылы сатып алу Crypto.com Pay платформасы арқылы жүзеге асады. Компания бұл процестің қауіпсіз әрі қарапайым болатынын уәде етті. Сонымен қатар, Emirates туристерге жаңа төлем тәсілін қалай қолдану керегін түсіндіру үшін арнайы жарнамалық кампания бастамақ.

Emirates Алматыдан Дубайға тікелей рейстер орындайды. Ұшақтар күн сайын қатынайды...

Қазақстандықтар зейнетақы жинағын баспана алуға жиі пайдалана бастаған. 2025 жылғы маусымда осы мақсатта 82,5 мың өтініш орындалған. Бұл бір ай бұрынғы көрсеткішпен салыстырғанда 35%-ға көп артық.

Бірінші несие бюросының мәліметінше, бұл соңғы жарты жылдағы ең жоғары көрсеткіш.

Алайда бір адамға тиетін орташа сома азайып отыр. Маусымда бір өтінішке орта есеппен 528 мың теңге берілген: 2023 жылдан бері тіркелген ең төмен көрсеткіш. жалып бір айда қазақстандықтар БЖЗҚ-дағы артық жинағынан баспана алуға 43,6 млрд теңге теңге шешкен.

Емделуге деп өтініш бергендер де көбейді. Олардың қатары 40 мыңнан асқанымен, төлеген орташа сома азайған: 797 мың теңге. Жалпы осы бағытта зейнетақы...

Бес жыл бұрын жүргізілген саяси реформа ауылдарды басқару ісіне айтарлықтай өзгеріс әкелген. Бұл салада жүргізілген жұмыс нәтижелері туралы өзінің телеграм арнасында мемлекеттік кеңесші Ерлан Қарин жазған.

«Бес жыл бұрын саяси реформалар аясында Президент Қасым-Жомарт Тоқаев ауыл әкімдерін тікелей сайлау механизмін енгізу туралы бастама көтерген болатын.
Соның нәтижесінде, кейінгі жылдары ауыл әкімдерінің корпусы 100 пайыз жаңартылды», – дейді ол.

Айтуынша, елдің 17 облысында жалпы саны 2 969 әкім сайланған. Соның ішінде 864 әкім өзін-өзі ұсынған. Ал 283 ауыл мен ауданды әйел-әкімдер басқарып отыр. Бір қызығы, сайланған әкімдердің дені бұған дейін мемлекеттік қызметте істемеген. Яғни...

Жақында актер Мейірхан Шерниязов бостандыққа шықты. Ол 2023 жылы Mudarabah Capital қаржы пирамидасына қатысты іс бойынша 5 жылға сотталған. Онымен бірге вайнер Мейіржан Төребаев та сотталды. KursivMedia Мейіржан Төребаев туралы ақпарат пен вайнерге қатысты қылмыстық іс туралы ақпаратты жинақтады.

Актер әрі вайнер

Мейіржан Төребаев – актер, сценарист, продюсер, вайнер. НТК арнасындағы «Патруль» телехикаясында Берік рөлі арқылы танымал болды. Сондай-ай Instagram желісінде отбасылық вайн түсіреді. Әйелі Дана Есеева да блогер ретінде белгілі. Ерлі-зайыптының бес баласы бар.

Қаржы пирамидасына қатысы бар

Төребаев 2022 жылы «Mudarabah Capital» қаржы пирамидасын ұйымдастырды деген күдікпен ұсталды.

Мейіржан Төребаев компания...