Жаңалықтар

Қазақстандық екінші деңгейде банк төлемдерін жасай алатын ресейлік банктердің саны азайып келеді. Қараша айында АҚШ санкциялар тізімі жаңарып, оған 50-ден астам ресейлік банк енді. 

21 қарашада жаңарған тізімде қазақстандық банктердің корреспонденттері де бар. Дәлірек айтқанда, Синар Банкі, ББР Банк және БКС банк тізімге енді. Бұл үш банкте Қазақстандағы Еуразия банкінің Ресей рублімен операцияларын жасайтын корреспонденттері болған. Бұған қоса, БКС банк арқылы төлем жасауды қазақстандық Нұрбанк те ұсынатын.

Ресей банктерінің АҚШ санкцияларына енуі қазақстандық банктердің рубльмен жасайтын операцияларында қиындық тудырады. Себебі санкциядағы банктермен жұмыс жасау қайталама санкцияға ену қаупі бар.

Қарашада жаңарған санкциялар тізіміне Ресейдің аса ірі банкі Гразпромбанк пен...

Соңғы аптада Бішкек қаласы автогаздың айтарлықтай тапшылығын сезінді. Көптеген жанармай құю бекетінде газ таусылып, қалғандарында ұзын-сонар кезектер пайда болды. Бұл туралы қырғызстандық Kaktus media хабарлады.

Ассоциация мәліметінше, автогаздың тасымалына қажетті цистерналардың аздығы Ресей теміржол жүйесінде логистикалық қиындықтар туғызған. Бұл мәселе газ жеткізу кестесін кешіктірді.

Соңғы жылдары автогаздың бағасы бензинге қарағанда айтарлықтай төмен болғандықтан, сұраныс едәуір өскен. Әсіресе, Бішкекте бұл газбен жүретін көліктер жолаушы тасымалдау қызметінде кеңінен қолданылады.

Ассоциация өкілдерінің мәлімдеуінше, Қазақстан аумағынан жеткізіліп жатқан автогаз көлемі жақын күндері Қырғызстанға жетеді. Бұл мәселені толықтай шешуге көмектеседі деп күтіліп отыр. Қазақстан темір жолдары жеткізілімдердің кедергісіз өтуін қамтамасыз етуге қолдау көрсетіп жатыр.

Осыған...

Жетісу облысының шығысындағы Қазақстан-Қытай шекарасы аймағындағы өңірлерде жер сілкінді. Оқиға 25 қараша күні түнгі сағат 23:42 болған. Бұл туралы Төтенше жағдайлар министрлігі хабарлады.

Министрлік ақпаратына сүйенсек, зардап шеккендермен қираған ғимараттар туралы деректер түспеген.

Жер сілкінісінің негізгі ошағы Қазақстан аумағында, Алматыдан солтүстік-шығысқа қарай 257 км жердегі қазақ-қытай шекарасында орналасқан.

Тербеуді, әсіресе, осы аймақ тұрғындары қаттырақ сезінді. Алматыда 2 балл, Жаркент қаласында 4 балл, Шонжы ауылы мен Текелі қаласында 3 балл, Қырғызсай, Қарабұлақ, Жансүгіров, Көкпек ауылдарында, сондай-ақ Сарқант және Талдықорған қалаларында 2 балл сілкініс болған.

«Тіршілікті қамтамасыз ету нысандарын аралап, тексеру жұмыстарын жүргізді. Тексеру нәтижелері бойынша зақымдану табылған...

АҚШ теңіз жаяу әскерінің зымырандық бөлімшелері Тайваньды қорғау үшін Нансей аралдарындағы уақытша базаларда орналасады. Бұл жөнінде жапондық Kyodo ақпарат агенттігі жазды.

Вашингтон Тайвань мен Қытай текетіресінен қауіптеніп отыр. Егер жағдай күрт өзгерсе, АҚШ сол маңға қарай қару жеткізуге дайын. Бұл операция таяу күндері, желтоқсанда орындалуы мүмкін. Жалпы АҚШ пен Жапония ортақ әскери жоспар әзірлеп қойған.

Нансей аралдары тізбегі немесе «Оңтүстік-батыс аралдары» Жапонияның Кагосима және Окинава префектураларынан Тайваньға қарай созылып жатыр. Kyodo дереккөздерінің хабарлауынша, АҚШ теңіз жаяу әскері арал базаларында орналасады. Қытай қауіп төндірген жағдайда теңіз жағалауы полкі HIMARS зымыран жүйелерімен қаруланады.

Жапонияның әскери күштері америкалық жасақтың материалдық-техникалық базасын нығайтуға...

Ресейлік «Газпром» кәсіпорны Қазақстан Үкіметімен келісімге келді.

«Газпром» ЖАҚ басқарма төрағасы Алексей Миллер мен ҚР Премьер-Министрінің бірінші орынбасары Роман Скляр жаңа жобаны талқылады. Екі тарап газбен жабдықтау және көгілдір отын тасымалдау мәселесін қаузады.

«Кездесуде 2025-2026 жылдарға арналған Қарашығанақ кен орнындағы газды өңдеу және сатудың негізгі шарттары туралы келісімге қол қойылды», – деп хабарлады «Газпромның» баспасөз қызметі.

2023 жылдың қазан айында Өзбекстан Республикасының тұтынушыларына Қазақстан Республикасының аумағы арқылы ресейлік табиғи газ жеткізіле бастады. Тасымал  «Орталық Азия – Орталық» газ құбыры арқылы жүзеге асты.

2023 жылдың қарашасында «Газпром» мен Қазақстан үкіметі стратегиялық ынтымақтастық туралы келісімге қол...

Ақмола облысында түзету мекемесі бастығы ірі айыппұл арқалап, қызметінен босады. Ол сот шешімімен екі бап бойынша жазаға тартылды.

Колония бастығы жазасын өтеп жатқан азаматты ерте бостандыққа шығарам деп алдаған. Сотталушы мерзімінен бұрын босату жөнінде өтініш жазған. Осыны шенеунік сәтті пайдаланған. Егер 6 миллион теңге тауып берсе, мәселесін шешетінін айтқан. Егер бұл қаражатты тауып бере алмаса, өтініші қаралмайтынын ескерткен.

Жәбірленуші дер кезінде құқық қорғау органдарына хабарлады. Ақша беріп жатқан кезінде күдіктіні ұстау операциясы жүргізілді.

Сотта шенеунік өз кінәсін мойындады. Заңсыз ақша мемлекет қазынасына құйылды. Одан бөлек жәбірленуші талап еткен ақшаны қайтарып берді.

Түрме бастығы Қылмыстық кодекстің 24-бабы 3-бөлігі, 190-бабы 3-бөлігін...

Алматы қаласында автобуста ер адам әйелмен сөзге келіп қол жұмсады. Оның ашулануына жолаушының телефонмен дауыс көтеріп сөйлесуі себеп болған.

Әлеуметтік желілерде тараған бейнежазбада ер адамның өте дөрекі сөйлегені байқалады. Бұл оқиға Алматыда №126 маршруты бағытындағы автобуста болған. Куәгердің айтуынша, ер адам жолаушыға ескерту жасағанымен, оның жауабы көңілінен шықпаған. Содан кейін әйелдің жағасынан ұстап, көліктен шығарып жібермек болған.

Полиция бұл оқиға бойынша іс қозғалғанын хабарлады.

«Аталған факт бойынша Алмалы аудандық полиция бөлімі тергеу жүргізіп жатыр. Кінәліге Қазақстан Республикасы заңнамасының талаптарына сәйкес шара қолданылатыны сөзсіз. Қазіргі уақытта мән-жай анықталуда», – деп мәлімдеді Алматы облыстық полиция департаменті.

Қазан айының соңынан бастап Қазақстанда медицина қызметкерлерінің кәсіби жауапкершілігін міндетті сақтандыру жүйесі енгізілді. Бүгінгі күнге дейін 155 мыңнан астам дәрігер өздерінің жауапкершілігін сақтандыру үшін 712 шарт жасап үлгерген. Бұл туралы Қаржы нарығын реттеу және дамыту агенттігі төрағасының орынбасары Мария Хаджиева айтты.

«Биыл 23 қазаннан бастап енгізілген медицина қызметкерлерінің кәсіптік жауапкершілігін жүктелген сақтандыруға жеке тоқталғым келеді. Сақтандырудың бұл түрі халықты медицина қызметкерлерінің кәсіби қателіктерінен, медициналық қызмет көрсетудің сапасыздығынан қорғауды күшейтуге бағытталған және пациенттердің көрсетілетін медициналық көмектің сапасына деген сенімін арттыруға мүмкіндік береді», – деп хабарлады Агенттік Төрағасының орынбасары.

Бүгінге дейін 155 150 медицина қызметкері өздерін...

Жексенбі күні биткоин бағасы 95,8 мың долларға дейін төмендеді. Бұған дейін екі күн бұрын оның бағасы 100 мың доллар межесіне небәрі 300 доллар жетпей тоқтаған еді, деп жазды Bloomberg. Cointelegraph-тың мәліметінше, бағам кейін қайта көтеріліп, дүйсенбі күні 98 мың доллар деңгейінде тұрақтады.

Bloomberg-тің пікірінше, бұған Дональд Трамптың Қаржы министрі қызметіне Soros Fund Management-тің бұрынғы инвестициялар жөніндегі директоры және Key Square Group-тың негізін қалаушы Скотт Бессентті таңдауын инвесторлар оң қабылдады.

CoinGlass мәліметтері бойынша, соңғы 24 сағат ішінде трейдерлер криптовалюталар бойынша жалпы сомасы 489,85 млн долларлық позицияны жапқан. Оның басым бөлігі альткоиндерге (биткоиннен басқа криптовалюталар) тиесілі. Ал биткоин иелері 80 млн...

2025 жылы Қазақстан OPEC+ ұйымының «іштен шыққан жауына» айналуы ықтимал. Өйткені келер жылы Теңіз бен Қашаған кен орнындағы мұнай өндірісін арттыруды көздеп отырған ел ұйымның мұнай өндірісін шектеу туралы шешімін қатаң ұстана алмауы ықтимал. Бұл туралы Bloomberg басылымы жазады.

Басылым авторының пайымдауынша, 2025 жылы ұйым ішінде «мүдделер қақтығысы» орын алуы мүмкін. Себебі Қазақстанның Қарашығанақ кен орнын кеңейту жобасының бірінші кезеңі күзде аяқталып, ал 2026 жылы екінші кезеңді аяқтау жоспарланған. Оған қоса 2025 жылы Теңізді кеңейту жобасын аяқталуы тиіс. Ал Теңіз кен орнында өндірілетін мұнай көлемі мұнайға деген сұраныстың төрттен бір бөлігіне тең болмақ.

Алматы әкімдігі 2024-2026 жылдарға арналған бюджет жоспарына өзгеріс енгізеді. Оған сәйкес, қорғаныс саласы мен білімге, денсаулыққа кететін бюджет шығыны қысқармақ. Бұл туралы «Ашық НҚА» порталына енгізілген құжатта жазылған.

Қала мәслихатының шешімімен бюджет кірісі жоспарлы 1 594 067 590 900 теңгеден, 1 518 992 491 500 теңгеге қысқарған. Оның ішінде салықтық түсімдер – 1 463 847 154 000 теңгеден 1 383 649 508 600 теңгеге азайса, салықтық емес түсімдер сомасы, керісінше, 17,2 млрд теңгеден 19 млрд теңгеге дейін артқан.

Кірісі азайғаны себепті шығындар да қысқарған. Атап айтқанда, 1 753 098 999 900 теңгеден 1 674 161 511 500 теңгеге дейін азайған.

Жыл басынан бері Қазақстан бюджетіне салық жоспардан 28% кем түскен. Үкімет биыл 10 айда 12,4 теңге салық жинауды жоспарлағанымен, 9 трлн теңге салық түсті. Бұл Қаржы министрлігінің республикалық бюджеттің 10 айдағы атқарылуы жайлы есебінде жазылған. Есепті кезеңде жоспар бойынша жалпы бюджет кірісі 16,6 трлн теңгені құрауы тиіс еді, нақты кіріс 15,1 трлн теңге болған.

Соның ішінде мұнай саласындағы компаниялардан 3,5 трлн теңге корпоративтік салық жиналуы тиіс еді. Алайда түскен қаржы 2,5 трлн теңгеден аспаған. Қосылған құн салығынан 6 трлн алу жоспарланғанымен, тек 3,9 трлн теңге жиналды.

Жоспар бойынша тауар, жұмыс пен қызметке салынатын iшкi салық 7 трлн...

Адамзаттың ғарышты игеруде жасаған алғашқы қадамдары коммерциялық себептерге қарағанда, негізі саяси себептерге байланысты болды. 1957 жылы «Спутник-1» серігін ұшыру, 1961 жылы Юрий Гагариннің ғарышқа аттану және 1969 жылы Айға «Аполлон 11» ғарыш кемесін қондыру – ғарышты игерудегі болашақ зерттеулер мен ұмтылыс үшін негіз болды, сондай-ақ КСРО мен АҚШ арасындағы «ғарыш жарысының» салдары болды. Кейінгі 30 жыл бойы ғарыштық бағдарламалар көбіне мемлекеттік салада қалды, NASA және «Роскосмос» сияқты ұйымдар пайда болды, бұл салаға ғылыми және коммерциялық емес құбылыс мәртебесін берді. Алайда бүгінгі күні ғарыш индустриясындағы коммерциялық сектордың үлесі мемлекеттік бағдарламалармен салыстырғанда 77%-ды құрады.

Жаһандық ғарыш секторына инвестициялар

Дереккөз: strategyand.pwc.com

2024 жылы жұмыс іздеген 804 мың Қазақстан азаматы ресми қызметке орналастырылған. Бұл туралы президент Қасым-Жомарт Тоқаевпен кездесу кезінде Еңбек және халықты әлеуметтік қорғау министрі Светлана Жақыпова айтты.

Министрдің сөзінше, жұмысқа тұрған адамдардың ішінде 200 мыңнан астам жастар, 9 мыңға жуық мүгедектігі бар азаматтар мен олардың қамқоршылары бар.

Жақыпова 2030 жылға дейін мүгедектік статусының әлеуметтік-құқықтық қорғау моделі дайын болып, енгізілетінін атап өтті.

«Атаулы әлеуметтік көмек көрсетудің жаңа тәсілдерін ұсынды. Бұл шаралар әлеуметтік қолдаудың тиімділігін арттырып, көмектің тиісті азаматтарға дәл жетуін көздейді. 2025 жылдың 1 қаңтарынан бастап Арнаулы әлеуметтік қызмет көрсету орталықтарында жан басына шаққандағы қаржыландыруды лицензиялау жүйес...

2030 жылдан кейін Қазақстанға қажет болатын төртінші жаңа мұнай өңдеу зауыты еліміздің батыс өңірінде салынуы мүмкін. Бұл жайында Энергетика министрі Алмасадам Сәтқалиев мәлім етті.

 «Алдын ала қарастырылып отырған алаң – Батыс Қазақстан. Ол мәселе қаралуда және жоспарға енгізілген. Біз мұндай зауытты 2030 жылдан кейін жылына 10 млн тоннаға дейінгі қуаттылықпен салуды жоспарлап отырмыз», – деді Сәтқалиев Мәжіліс кулуарында.

Министрдің айтуынша, мұнай өңдеу зауытын салу туралы түпкілікті шешім көлік құралдарын электрмен жабдықтау қарқынына, энергия ресурстарын тұтыну деңгейіне және Қазақстанның экспорттық мүмкіндіктеріне байланысты болады.

«Біз өнімнің бір бөлігін экспортқа шығаруды жоспарлап отырмыз. Бұл жай...

«Бәйтерек» холдингі дәнді және бұршақ дақылын өсірумен айналысатын «АқмолаАгро-1» компаниясының 49% үлесін иеленді. Бұл туралы ақпарат Қазақстан қор биржасының (KASE) сайтында жарияланған құжатта жазылған.

Аграрлық компанияның қалған 51% үлесі «Запорожье-Агро» компаниясына тиесілі. Ашық дереккөзде 2020 жылы негізі қаланған шаруашылықтың түпкі иесі – Болат Қабиев деп жазылған.

«Бәйтерек» холдингі былтыр да бірнеше агрокомпанияның 49% үлесін сатып алған болатын. Бұл шаруашылықтар да дәнді және бұршақ дақылын өсірумен айналысады.

Мәселен былтыр қазан айында холдинг «ТайыншаЖер Плюс», қараша айында «Авантюрин» және Qarqyn Group. компаниясындағы 49% үлесті сатып алған. «ТайыншаЖер Плюс» компанияның соңғы бенефициарлары – «Баян Сұлу» кондитерлік фабрикасының басшылары...

Бесік той – қазақ халқының ежелгі дәстүрлерінің бірі, жаңа туған нәрестені алғаш рет бесікке салу рәсімі. Бұл той баланың өміріндегі маңызды кезеңдердің бірін атап өтуге арналған, сондай-ақ отбасылық қуанышты бөлісу үшін жақындар мен туған-туыстарды жинайтын мереке.

Бесік той өткізуге кететін қаражат тойдың ауқымы, қонақтар саны және ұйымдастыру деңгейіне байланысты өзгереді. Kursiv Media орташа есеппен бесік тойға кететін шығындарды есептеп көрді.

Бесік және сыйлықтар

Қазіргі таңда бесіктердің түр-түрі бар. Сапасы мен жасалған материалына байланысты бесіктің нарықтағы бағасы 20 000–100 000 теңге аралығында кездеседі. Сонымен қатар баланы бесікке салу рәсімі кезінде қосымша киім-кешек, бесікке арналған жабдықтарға 10 000–50 000 теңге аралығында...

Алматы облысы Талғар ауданы аумақтық сайлау комиссия Талғар қаласы әкімі қызметіне үміткерлерді тіркеу қорытындысын жариялады. Оған сүйенсек, қала әкімі болуға әкімдіктің төңірегінде қызмет атқаратын үш кандидат іріктеліп тіркеліп отыр.

Атап айтқанда, олар – Amanat партиясының өкілі Арыстанбек Әбілхайырұлы «Талғар тұрғын үй» ЖШС басшысы (1983 жылғы), Қазақстанның халық партиясы өкілі Жәнібек Кәденов Талғар ауданы әкімі апаратының қаржы-шаруашылық бөлімінің бас маманы (1991 жылғы), өзін-өзі ұсынған Әлібек Рамазанов «Бесағаш» ауылдық округі әкімінің орынбасары (1982 жылғы).

Әкімдіктің сайтындағы мәліметте, 19 қарашада үш кандидат өз өтініші бойынша сайлау додасына түспейтінін жария еткен. Кандидатурасы алынғандар – Махсетбай Серікбаев, Ринат Сәдуақасов және Жарқын Амандосұлы.

Мұның алдында аумақты...

«ҚазМұнайГаз» компаниясы Жаңаөзен қаласында наразылыққа шыққан жұмысшылардың талабын орындай алмайды. ҚМГ басқарма төрағасы Асхат Хасенов олардың талабын орындайтын болсақ, жұмыссыздар тізімінде тұрғандарға қатысты әділетсіздік жасаймыз деп отыр.

«Біз әр талап бойынша себебін, қалай орындауға келмейтінін түсіндірдік. «Бұрғылау жұмыстары басқармасы» жұмысшыларының талабы дұрыс деп, зейнеткерлердің балаларын қызметке алар болсақ, Маңғыстау облысы бойынша қаншама адам тізімде тұр, оларға не деп түсіндіреміз?», – деді Хасенов.

«Өзенмұнайгаз» компаниясының жалпы 460 жұмысшысы наразылыққа шыққан. Қазіргі кезде Асхат Хасеновтің айтуынша, наразылыққа шыққандардың 210-ы жұмысына оралған.

ҚМГ басшысы компания құрамына кіретін кәсіпорын кәсіподақтарымен жүйелі түрде байланыс орнағанын айтып өтті. Бұған...

Тбилисидегі наразылық білдіруші топ Грузия парламенті ғимаратының алдындағы Руставели алаңында түнеп шыққан. Олар наразылық акциясын 24 қарашада бастап, шатырлар құрып, 26 қараша күнгі таңды алаңда атырған.

«Демонстранттар депутаттарды күтуде. Оларға Батуми студенттерінің бір бөлігі қосылды», – деп хабарлайды «Грузия line» басылымы.

25 қарашада таңертең Грузия парламентінің алдындағы жағдай тыныш болған. Акция басталғаннан кейін, полицейлер бір адамды ұстап алып еткен. Ол бұрын полиция қызметкерлеріне шабуыл жасады деген күдікке ілінген. 25 қараша таңертең Парламент ғимаратына маңына су атқыш көліктер келе бастаған.

Бүгін, 25 қараша жаңа сайланған Парламенттің алғашқы отырысы өтуі тиіс. Онда заң шығарушы органның төрағасы...

2024 жылы «ҚазМұнайГаз» компаниясы 350 млрд теңге көлемінде дивиденд төлемекші. Бұл соманы ҚМГ төрағасы Асхат Хасенов рекордтық көрсеткіш деп атады.

Өйткені, 2022-2023 жылдары ҚМГ өз акционерлеріне 300 млрд теңге көлемінде дивиденд төлеген. Ал биылғы көрсеткіштер 50 млрд тенгеге артық.

«2022 және 2023 жылдары Компания акционерлерге әр жылға тиісінше 300 млрд теңге мөлшерінде рекордтық дивидендтер төледі. 2024 жылы 350 млрд теңге мөлшерінде дивидендтер төлеу жоспарлануда»,- деді Хасенов.

Хасенов «ҚазМұнайГаз» кредиттік тетіктің қолайлы деңгейін сақтап, қарыз міндеттемелерін жоспарлы азайту бойынша тұрақты түрде жұмыс жүргізілетінін айтты. Сондай шаралардың негізінде 2017 жылдан бастап, топтың қарызы...

Дәрі-дәрмек бағасы 25%-ға дейін арзандауы мүмкін. Бұл туралы депутат Асхат Аймағамбетов өзінің телеграм парақшасында жазды.

«Денсаулық сақтау министрлігі дәрі-дәрмек бағасын қалыптастыру механизмдеріне өзгерістер енгізуді қолға алды. Бұл шаралар бағаны төмендетуге көмектеседі», – деді депутат.

Депутат кейбір дәрілердің құны көршілес елдерге қарағанда, жоғары екенін айтады. Осы олқылықтарды түзету үшін министрлік бағаны тіркеуде бірыңғай тәсіл енгізуді көздеп отыр. Сонымен бірге шекті бағаларды қалыптастыру үшін бірыңғай базалық баға белгіленбек. Бұл дәрі-дәрмек бағасының бірнеше есе негізсіз қымбаттатуына жол бермейді. Бұған қоса, қосымша шығындарды алып тастау көзделген.

«Негізсіз шығындар алып тасталады. Бұрын...

Сенат Төрағасы Мәулен Әшімбаев жүргізген Taldau Talks подкасында Ұлттық қордан алынып жатқан қаржының өзі тиімді жұмсалмай жатқаны туралы айтылды. Экономист Айдархан Құсайновтың пікірінше, мұның басты себебі – мемлекеттің бағаны реттеу, ұстап тұру саясаты. Өйткені нарықтық экономикада бағаның маңызы өте зор.  

«Егер бағаны (кәсіпкерлер сұраған – ред) бермесеңдер, салық жинай алмайсыңдар. Салық жиналмаса, Ұлттық қорға қол саласыңдар. Ұлттық қордан ақша алсаңдар, импорттың бағасын қысасыңдар. Сондықтан тағы да салық жинай алмайсыңдар. Бұл аз болса, ол жабылып қалмас үшін оған да ақша бересіңдер. Өйткені нарықтық баға жоқ. Біз ұлттық қордан алған ақша арқылы импортты арзандатып отырмыз. Бізде...

«ҚазМұнайГаз» ұлттық компаниясы 9 айдағы таза пайдасын 8,4%-ға қысқартқан. Қаржы есебіне сәйкес, ҚМГ 2024 жылдың қаңтар-қыркүйек айларында 867 млрд теңге таза пайда алған.

«Бірлесіп бақыланатын кәсіпорындар мен қауымдасқан компаниялардың пайдасындағы үлесті қоса алғанда, компанияның таза пайдасы 946 млрд теңгемен (2 089 млн АҚШ долл.) салыстырғанда 867 млрд теңгені (1 890 млн АҚШ долл.) құрады», деп жазылған компания есебінде.

9 айда компания түсімі 2023 жылдың қаңтар-қыркүйек айларымен салыстырғанда 4,2% өсіп, 6,08 трлн теңгеден 6,6 трлн теңгеге жеткен. EBITDA көрсеткіші 4,6%-ға азайып, былтырғы 1,7 трлн теңгемен салыстырғанда, 1,6 трлн теңгені құрайды.

EBITDA көрсеткішінің азаюына...