Жаңалықтар

Қазақстанда апатты және үш ауысымда оқитын мектептен жойылған. Бұл туралы Үкіметтің баспасөз қызметі хабарлады.

Ресми дерек бойынша, 2019 жылдан бері 1200-ден астам жаңа мектеп салынған. Оларда 1 млн оқушы білім алады.

Ең үлкен серпіліс 2023–2024 жылдары байқалды: бұл кезеңде 510 мың оқушыға арналған 422 жаңа мектеп пайдалануға берілді. Соның нәтижесінде 32 апатты және 71 үш ауысымды мектептің мәселесі шешілді. Сондай-ақ еліміз бойынша тағы 200-ге жуық мектептегі орын тапшылығы жойылды.

Қазіргі таңда елімізде «Жайлы мектеп» ұлттық жобасы жүзеге асырылып жатыр. Бұл бастама шеңберінде жаңа стандарттарға сай келетін кең, заманауи сыныптар, спорт залдар, шығармашылыққа арналған кеңістіктер қарастырылған.

Аталған жоба...

7 мамыр күні Астанадағы Тәуелсіздік алаңында, «Қазақ елі» монументі жанында Жеңістің 80 жылдығы мен Отан қорғаушылар күніне арналған әскери шеру өтеді. Ол бірқатар арнадан көрсетіледі.

Шеруге 4 мыңнан астам әскери қызметкер, 200-ден аса әскери техника және 66 ұшақ пен тікұшақ қатысады. Шараны республикалық телеарналар, еліміздің қалаларындағы LED-экрандар мен Қорғаныс министрлігінің YouTube-арнасынан көруге болады.

Бұл шара — Қазақстан Қарулы күштерінің қуатын көрсететін маңызды оқиға болмақ.

Әскери парадқа байланысты Астана көшелері уақытша жабылып, автобустардың жүру маршруты өзгерді.

Жеңіс күніне арналған әскери шеруге бюджеттен 2,5 млрд теңге бөлінген. Ұлттық экономика вице-министрі Арман Қасенов мұндай ірі шаралар туралы әңгіме болғанда, оған қанша қаржы жұмсалатынынан...

Риддер қаласындағы жылу электр орталығын (ЖЭО) жөндеуге Үкімет резервінен қосымша 1,7 млрд теңге бөлінді. Бұл қаражат Шығыс Қазақстан облысының бюджетіне мақсатты трансферт түрінде түседі. Қаражат жылу стансасының бұрын қамтылмаған тозығы жеткен қондырғыларын жаңартуға бағытталмақ.

Стансаға қанша қаржы кетті?

Кейінгі екі жылда Риддер ЖЭО-ға жалпы сомасы 15,5 млрд теңге бөлінген. Бұл қаражаттың есебінен қазандықтар мен турбиналар жөнделіп, жылу желілерінің 21,3 шақырымы жаңартылған. Нәтижесінде станса жабдықтарының тозу деңгейі 75%-дан 46%-ға, ал жылу желілерінің тозуы 82%-дан 67%-ға дейін төмендеген.

Әлі қандай жұмыс атқарылмаған

Бұған дейінгі жөндеу науқанына енбеген бірқатар маңызды тораптар – қазандық агрегаттары, турбоагрегаттар және электрмен тұрақты...

Петропавлда Ұлттық ұлан Академиясының курсанттары мен 6637 әскери бөлімінің сарбаздары майдангер Фёдор Щегловты арнайы құттықтап, құрмет көрсетті. Бұл туралы Ішкі істер министрлігі хабарлады

Бұл бастаманы курсанттар мен сарбаздар өздері көтерген. Ал Академия мен әскери бөлім басшылығы толық қолдаған.

Ұлттық ұлан сарбаздары 98 жастағы ардагердің үйінің алдында салтанатты саптық шерумен жүріп өтті. Әскери оркестр шеруді музыкалық сүйемелдеумен көркемдеді. Фёдор Щеглов жиналған жастарға соғыс жылдарындағы ауыр сәттер туралы әңгімелеп берді.

«Менің ерлігімді ескеріп, құрмет көрсеткендеріңізге алғысым шексіз. Елімізде тыныштық пен бейбіт өмір орнасын. Ең маңыздысы – соғыстың беті аулақ болсын», – деді ардагер.

Щеглов...

Ұлттық Олимпиада комитетінің төрағасы Геннадий Головкиннің жаттықтырушысы болған Виктор Дмитриев дүниеден өтті.

Головкин Қазақстанның еңбек сіңірген жаттықтырушысы Виктор Дмитриевтің отбасына көңіл айтты.

«Бұл – бүкіл спорт қауымдастығы үшін ғана емес, оның шәкірті ретінде мен үшін де ауыр қаза. Виктор Константинович тек үздік жаттықтырушы ғана емес, нағыз тәлімгер, ұстаз, үлгі болатын жан еді.

Оның спортқа деген адалдығы, кәсібилігі және әрбір спортшыға ерекше көзқараспен қарай білуі біздің жадымызда мәңгі сақталады. Ол Қазақстандағы бокстың дамуына өлшеусіз үлес қосып, тұтас бір дарынды спортшылар буынын тәрбиелеп шығарды», – делінген көңіл айту хатында

Айта кетейік, Виктор Дмитриев 1953 жылы Қарағандыда туған.

«Ойыл-Несие» несие серіктестігі» ЖШС лицензиясынан айырылды. Бұл туралы Қаржы нарығын реттеу және дамыту агенттігінің баспасөз қызметі хабарлады.

«Ақтөбедегі өңірлік өкілдер басқармасы бастығының 2025 жылдың 25 сәуіріндегі бұйрығына сәйкес «Ойыл-Несие» несие серіктестігі» ЖШС микроқаржылық қызметті жүзеге асыруға арналған лицензиясынан айырылды», – делінген ақпаратта.

Мұндай шешімге ЖШС-ның заң талаптарын, уәкілетті органның, Ұлттық Банктің нормативтік құқықтық актілерін жүйелі түрде бұзғаны себеп болған.

Енді микроқаржы ұйымы лицензиядан айыру туралы шешім қабылдаған күннен бастап 30 күн ішінде атауынан «Несие серіктестігі» деген сөздерді, микрокредиттер беру жөніндегі қызметті жүзеге асыратынын көрсететін сөздерді алып тастау арқылы қайта тіркеу рәсімін жүргізуге, не қайта...

Ақын Мұқағали Мақатаевтың ұлы Жұлдыз Мақатаев әлеуметтік желіде әкесін «сорлы еркек» деп атаған блогер Әлішер Теменді сотқа берді. Қылмыстық іс Алматының Наурызбай аудандық сотында қаралып жатыр, деп хабарлайды KursivMedia.

Істі судья Бейнегүл Қайсина қарап жатыр. Басты сот талқылауы 2025 жылдың 2 мамырында басталды.

Блогерге қатысты іс Қылмыстық кодекстің 131-бабы 2-бөлігі (көпшiлiк алдында немесе масс-медианы, телекоммуникация желілерін немесе онлайн-платформаларды пайдалану арқылы қорлау) бойынша қаралып жатыр.

Айта кетейік, блогер бұған дейін әлеуметтік желіде видео жариялап, Мұқағали Мақатаевқа тіл тигізген.

Ақтөбедегі Қазақ-орыс халықаралық университеті лицензиясынан айырылған жоқ. Бұл туралы Ғылым және жоғары білім саласындағы сапаны қамтамасыз ету комитеті төрағасының орынбасары Артур Еділханов айтты.

Маманның сөзінше, 2024 жылы министрлікке университет құрылтайшысы атынан ресми мәлімдеме түскен.

«Мәлімдемеде оқу жылы аяқталған соң, білім беру қызметін тоқтатып, әрі қарай жоғары білімді кадрларды даярлау қызметіне шектеу қойылатыны айтылған. Дегенмен 2024-2025 оқу жылында бұл университет өз қызметін жалғастырды. Тек қана бірнеше білім беру бағдарламасы тоқтатылды. Биыл наурызда жүздеген студентті оқудан шығаруына байланысты түрлі мәселе көтерілді. Сәйкесінше министрлік сәуірде оқу орнына бақылау жүргізді. Нәтижесінде білімнің сапасына байланысты, студенттердің қажетті білім алуына жағдай...

Қазақстандық әнші Димаш Құдайберген жаңа бейнебаян түсірді. Бұл туралы әнші әлеуметтік желідегі парақшасында жазды.

«Тау ішінде» бейнебаянына халық алдында жүрген жұлдызды жұп Азат Сейтметов пен Данагүл Темірсұлтанова, олардың қызы Айым Сейтметова түскен.

Тыңдармандар жаңа бейнебаянды Алматыда өтетін фан-кездесуде көре алады.

«26 мамырда Almaty Arena-да өтетін фан-кездесуді күтіп жүргендеріңізді білемін. Сіздерге тосын сый ретінде «Тау ішінде» жаңа комедиялық бейнебаянын дайындадым. 26 мамырда осы әнді бәріміз бірге орындайық! Ресми демеуші – Freedom Bank», – деп жазды Димаш Құдайберген.

Тарихта 1 млн шақырым еңсерген автокөлік көп емес. Бұл межені күрделі жөндеусіз жүріп өткен автолар одан да аз. Төмендегі материалда солардың кейбірін ұсынамыз.

Toyota Tundra

АҚШ тұрғыны Вик Шепард Tundra автокөлігімен 1 млн миль (шамамен 1,6 млн км) жүріп өткен. Оның 2014 жылғы 5,7 литрлік V8 қозғалтқышы бар көлігі бұл жолды күрделі мәселесіз еңсерген. Тек қожайыны жоспарлы техникалық қызметке уақытылы апарып отырған. Тек 780 мың мильден кейін беріліс қорабын жөндеуге жібергені бар.

Қызығы – Вик бұған дейін 2007 жылғы Tundra-мен де 1 млн миль жүрген. Осы жетістіктен кейін Toyota оған жаңа 2016 жылғы пикап сыйлаған. Қазір ол...

Қазақстанда жазда тауарлық газдың көтерме бағасы қымбаттамақ. Энергетика министрлігі арнайы қаулыны ашық талқыға шығарды.

2025 жылдың 1 шілдесінен бастап тауарлық газ бағасы көтеріледі. Бұл өзгеріс алдымен ірі коммерциялық тұтынушылар мен майнинг компанияларын қамтиды. Алдағы үш жылда көтерме баға жыл сайын орта есеппен 33%-ға артып отырады. Алайда министрлік газдың көтерме бағасы қанша болатынын нақтыламаған.

Министрлік бұл шешімді ел ішіндегі газ тапшылығының алдын алу және салаға инвестиция тарту қажеттілігімен түсіндіреді. Себебі қазіргі баға газ өндірісі, тасымалы және инфрақұрылымын жаңартудың нақты шығындарын жаппай отыр.

«Болжам бойынша, 2026 жылдан бастап газ тапшылығы күшейеді. Тауарлық газдың қазіргі бағасы...

Астанада Ұлы Отан соғысындағы Жеңістің 80 жылдығына орай 9 мамырда мерекелік отшашу өтеді. Бұл туралы қала әкімдігі хабарлады.

Әкімдік отшашудың демеуші қаражатына ұйымдастырылатынын атап өткен.

Отшашу 9 мамыр сағат 22:00-де қаладағы екі жерде ұйымдастырылады. Олар: Ботаникалық бақ және «Атырау» көпіріне іргелес аумақ. Әр жерде 4 мыңға жуық рет отшашу атылады.

Сондай-ақ Астанада 7 мамыр – Отан қорғаушылар күні және 9 мамыр – Жеңіс күніне орай 100-ден астам түрлі іс-шара жоспарланған.

Мамырда қазақстандықтардың неше күн демалатынын мына жерден көре аласыз.

Олимпиада жүлдегерлеріне Алматыдан жаңа пәтер берілді. Бұл туралы Алматы әкімдігінің баспасөз қызметі хабарлады.

«Алматы әкімінің орынбасары Бейбіт Шаханов Париждегі жазғы Олимпиада ойындарында медаль жеңіп алған спортшыларға пәтер кілттерін табыс етті», – делінген баспасөз хабарламасында.

Баспасөз қызметінің мәліметінше, бес спортшыға пәтер берілген.

Спорттық гимнастикадан Олимпиаданың күміс жүлдегері Нариман Құрбановқа екі бөлмелі пәтердің кілті табыс етілген. Ал бокстан қола жүлде алып келген спортшы Назым Қызайбай мен атқыш Ислам Сәтбаевқа бір бөлмелі пәтерден берілген.

Ал қола медаль иегерлері дзюдошы Ғұсман Қырғызбаев және пневматикалық мылтықтан ату бойынша спорт шебері Александра Леге баспана кілттері кейін тапсырылады. Ек...

2 мамырда Абай облысының әкімі Берік Уәли Қытайдың Чанцзи мемлекеттік жоғары технологиялар индустриялық аймағынан келген делегация мүшелерімен кездесті. Өңір басшысы оларды облысқа инвестиция құюға шақырды.

Абай әкімдігінің хабарлауынша, делегация құрамында құрылыс, тау-кен өндірісі, электроника және көлік құрастыру, көпір салу бағытында жұмыс істейтін компания өкілдері болды.

Аймақ басшысы қытайларға облыстың әлеуеті мен мүмкіндіктері туралы айтып, өңірде көлік-логистика, машина жасау, құрылыс, ауыл шаруашылығы салаларында инвестициялық жобаларды бірлесе жүзеге асыруға болатынын атап өтті.

«Абай облысы тоғыз жолдың торабында тұрғандықтан, көлік-логистикалық әлеуеті зор. Семей мен Аягөз қалалары аумағындағы темір жол бойында логистикалық хабтар ашуға толық мүмкіндік бар. Облыс орталығына...

Дана Нұржігіт Ардақ Назаровқа уәж ретінде тағдырын алға тартты. Бұрынғы Сенат депутаты ажырасқандарға салық салуға қарсы шықты.

Қазіргі Мәжіліс депутаты Ардақ Назаровтың ұсынысын қолдамайтынын айтты. Дана Нұржігіт Ардаққа Назаров ұсынысына қатысты жеке көзқарасын жеткізді.

«Ажырасқаныма еш өкінбеймін»

«Ардақ Назаровтың депутаттық сауалын тыңдадым.Несіне таңғаламыз?! Дана Нұржігіт үшін Ардақтың ұсынысы қабылданбайды.

Жалпы, қоғамда ажырасқандар туралы пікір осындай. «Кең дүниеге сыя алмаған жамандар, соңғы трендерге ергендер…» Жалғызбасты әйелдің етегін иә ел ашады, иә жел ашады. Соны біле тұра өтірік «статусқа», екі жүзді өмірге бара алмайтын өзім тәуекел еттім кезінде! Еш өкінбеймін», – деп жазды Дана Нұржігіт.

Шығыс Қазақстан облысында Бұқтырма өзенінде су деңгейі көтеріліп, 10 үйдің ауласын су басқан. Бұл туралы облыс әкімдігінің баспасөз қызметі хабарлады.

«30 сәуірде екі күн бойы жауған жауын-шашын қардың қарқынды еріп, Бұқтырма өзені деңгейінің шектік деңгейден көтерілуіне әкелді. Сонымен қатар Зубовск кентінде жер асты суларының көтерілуіне және Поганка өзеніндегі бөгеттерден су төгілуіне байланысты 10 тұрғын үйдің және 3 ғимараттың іргелес аумақтарына су жайылды», – делінген баспасөз хабарламасында.

Бұл оқиғадан кейін, ШҚО әкімі Нұрымбет Сақтағанов жұмыс сапарымен Алтай өңіріне шыққан. Өңір басшысы Бұқтырма өзеніне барып, су деңгейінің және Поганка өзеніндегі жер асты суларының көтерілу барысын...

2025 жылдың алғашқы тоқсанында Air Astana компаниясының жалпы түсімі 292,4 миллион АҚШ долларына жетіп, өткен жылмен салыстырғанда 10,4%-ға артты. EBITDAR көрсеткіші де 37,1%-ға өсіп, 59,9 млн долларды құрады.

Компания үш ай ішінде 2 млн жолаушы тасымалдады. Бұл — былтырғы көрсеткішпен салыстырғанда 7,1%-ға көп. Ұшақтар саны да артты: 2024 жылдың осы кезеңінде 50 әуе кемесі болса, қазір олардың саны 60-қа жеткен. Сонымен қатар жүктеме коэффициенті 81,5%-ға дейін көтерілді.

Компания түсімінің өсуіне шетелге бағытталған рейстерге деген сұраныстың артуы, ұшақтар паркін кеңейту және шығындарды тиімді басқару себеп болған.

Алайда Қазақстан қор биржасында жариялаған мәліметте 2025 жылдың 3 айында әуе компаниясы...

Халық банк акционерлерінің 30 сәуірдегі жылдық жиналысында 2024 жыл үшін қарапайым акциялар бойынша 323,5 млрд теңге дивиденд төлеу туралы шешім қабылданды. Бұл туралы Қазақстан қор биржасы (KASE) хабарлады. Ақшаның көп бөлігін Тимур мен Динара Құлыбаевтар алады.

KASE мәліметінше, дивиденд төлеу туралы шешім «сырттай дауыс беру» нәтижесінде қабылданған. Бір қарапайым акцияға шаққандағы дивиденд мөлшері – 29,64 теңге. Банк акционерлеріне төленуге тиісті дивидендтер сомасы – 323 490 914 502,60 теңгеден аспайды.

Акционерлерге тиесілі ақшаны төлеу 22 мамырда басталады. Дивиденд алуға құқығы бар акционерлер тізімі 5 мамырда дайындалады.

Қор биржасының мәліметінше, Халық банктің қарапайым акцияларының 69,77%-на Holding Group Almeks JSC компаниясы иелік...

Астанада 7 мамырда өтетін Жеңістің 80 жылдығына арналған әскери парадқа байланысты 3 мамырдан бастап көшелер уақытша жабылып автобустардың жүру маршруты өзгереді. Бұл туралы Астана қаласының әкімдігі хабарлады.

«Астанада Отан қорғаушылар күніне және Ұлы Отан соғысындағы Жеңістің 80 жылдығына арналған шеруге ауқымды дайындық басталды. Осыған байланысты 3 және 4 мамыр күндері бірқатар көшеде уақытша шектеулер енгізіледі», – делінген баспасөз хабарламасында.

3 мамырда қандай көшелер жабылады?

Әкімдік хабарлауынша, 3 мамыр күні таңғы сағат 5-тен 6:30-ға дейін А-334 көшесі бойымен, Ақжол даңғылы-Қошқарбаев даңғылы-Момышұлы даңғылы-Тәуелсіздік даңғылы арқылы әскери техника жүріп өтеді. Сол күні 6:30-дан...

Қарағанды қаласының Әлихан Бөкейхан ауданы сотында «Костенко» шахтасында қаза тапқан 46 кеншінің ісі бойынша сот отырысы жалғасып жатыр. Сот процесі барысында қорғау тарабы іс бойынша мемлекеттік айыптаушыларды ауыстыруды сұраған, деп хабарлайды KursivMedia.

2025 жылдың 22 сәуіріндегі сот отырысында адвокат О.Васильев қылмыстық істегі айыптау тарабы – прокурорлар Әділ Садықов және Бекзат Әшірбековке қарсылық білдіру (отвод) туралы өтінішхатпен жүгінген.

Бұл өтінішхатына негіз ретінде прокурорлардың сотта қаралып жатқан іске қатысы жоқ сұрақтар қойғанын көрсеткен. Мысал ретінде прокурорлардың сотталушылардан «Костенко» шахтасында құжат бойынша тіркеліп, бірақ ол жерде жұмыс істемеген жұмысшылар болды ма?», «Шахта басшылығы құрал-сайман сатып алуға ақша жинады ма?» деген сұрағын келтірген.

Істі қарап жатқан судья Бахтияр Ақанов...

Кеңес одағының батыры атанған қазақстандықтар аз емес. Олардың ерлігі ұрпақтар үшін аңызға айналып та үлгерді.

Жалпы, Екінші дүниежүзілік соғыс кезінде КСРО-ның жауынгерлік орден-медальдарымен жүз мыңнан астам сарбаз марапатталған.

Ұшқыштар ерлігі

Ал 113 қазақстандық ІІІ дәрежелі Даңқ орденінің толық иегері атанды, арасында Кеңес одағының батыры атанғандар да бар.

Мәдениет және ақпарат министрлігінің мәліметінше, 499 қазақстандық жауынгерге Кеңес Одағының Батыры атағы берілген.

Олардың қатарында ұшқыш Нұркен Әбдіров, Петр Теряев және Михаил Янко да бар. Олар капитан Николай Гастеллоның ерлігін қайталаған. Оқ тиіп, құлдырай бастаған ұшақтарын жаудың техникасына, оқ-дәрісі мен әскері тиелген эшелонына бұрып, ерлікпен қаза тапқан.

Е...

2024 жылы 11 млн 287 мың адам туристік сапарға шыққан. Оның ішінде 9 млн 903 мың адам (87,7%) ел ішін араласа, 1 млн 383,4 мың адам (12,3%) шетелге сапарлаған. 

Сапарлардың негізгі үлесі жеке мақсаттарға тиесілі – 10 млн 532,8 мың адам). Іскерлік және кәсіби мақсатта – 754,2 мың адам жолға шыққан.

Ел ішінде қатынағандар негізінен Астана (10,5%), Алматы (10,2%) қалаларына, сондай-ақ Түркістан (8,8%), Қарағанды (7,9%) және Алматы (7,4%) облыстарына барған.

Қазақстан бойынша сапарлау кезінде туристердің көпшілігі жатын орны тегін – туыстары не таныстарына (64,2%) баруды жөн көрген. Қонақ үйлерде (15,2%), жалдамалы тұрғын үйлерде (11,6%) және санаторилерде (3,3%) тоқтағандардың үлес...

2030 жылға дейін мемлекеттің үлесі бар 475 компания сатылады не таратылады. Үкімет шешімімен олар жекешелендіру тізіміне енбек. Осылайша Үкімет мемлекеттің экономикадағы үлесін қысқартуды жоспарлап отыр.

Премьер-министр Олжас Бектенов арнайы комиссия отырысын өткізіп, жекешелендіру бағытындағы нақты қадамдарды пысықтады. Жоспар бойынша кәсіпорындардың жартысынан астамы 2025–2026 жылдары жекенің қолына беріледі. Жалпы жұмыс 2030 жылға дейін жалғасады.

Вице-премьер – Ұлттық экономика министрі Серік Жұманғарин қазіргі таңда мемлекеттің экономикадағы рөлін азайтуға және орта бизнестің жалпы ішкі өнімге (ЖІӨ) қосатын үлесін арттыруға бағытталған шаралар атқарылып жатқанын баяндады.

Мемлекетте тек әлеуметтік маңызды салалар ғана қалады

Жаңа жоспар бойынша, мемлекет тек стратегиялық маңызы бар...

Алматыда шахматтан Қазақстанның юниорлар чемпионаты өтіп жатыр. Жарысқа 20 жасқа дейінгі 115 шахматшы тіркелген. Оның 80-і ұл балалар болса, 35-і қыздар. Бұл туралы Қазақстан шахмат федерациясының (Kazchess) баспасөз қызметі хабарлады.

Бұл сайыстан сүрінбей өткендер Азия чемпионатында ел намысын қорғай алады және Қазақстанның ересектер арасындағы чемпионаты финалына қатысу құқығына ие болмақ.

Сайыс қалай өтеді?

Бұл сайыс швейцариялық жүйе бойынша өтіп, тоғыз турға созылады. Турнир шарттары келесідей: