Жаңалықтар

Енді мал етін ветеринариялық құжатсыз сатқандар қылмыстық жазаға тартылуы мүмкін. Ауыл шаруашылығы министрі Айдарбек Сапаров осындай заңсыз әрекетке барған шаруалар мен делдалдарға жазаны күшейтуді ұсынып отыр.

Министр ауыл шаруашылығы жануарларын тіркеуге қатысты бақылауды күшейту қажет деп санайды.

 «Жеткізушілер мен ветеринариялық құжаттарсыз өнім сатып алушыларға қатысты жауапкершілікті қылмыстық жауапкершілікке дейін қатаңдату қажет. Ветеринарияны одан әрі трансформациялау – цифрландыруды жетілдіруді, тауарлар қозғалысының қауіпсіздігі мен қадағалануы бойынша заңнаманы жақсартуды, жүкке ветеринариялық-санитариялық бақылауды күшейтуді, ЖАО өкілеттіктерін кеңейтуді, сондай-ақ сырғаларды ұйымдасқан шаруашылықтардың өз бетінше сатып алуы арқылы бюджет қаражатын азайтуды көздейді»,– деді министр үкімет отырсында.

Бүгінде ветеринариялық құжатсыз мал етін сатқандарға айыппұл...

Енді банктен несие алу уақыты созыла түседі. Несиеге рұқсат берген күннің өзінде оны тек 24 сағаттан кейін ғана аударады. Қаржы нарығын реттеу және дамыту агенттігі осындай заң жобасын жариялады. Бұл құжат қазақстандықтарды алаяқтар сырттай рәсімдеп жіберетін несиелерден қорғау үшін жасалған.

Егер азамат интернет арқылы 150 АЕК-тен жоғары сомаға (2025 жылғы есеппен 589 мың) тұтынушылық несие алса, банк «күту кезеңін» енгізуге міндетті. Оған сәйкес, банк ақшаны келісімге қол қойған сәтте емес, тек 24 сағаттан кейін ғана аударады. Ол үшін клиент egov арқылы қол қоюы керек.

Микроқаржы ұйымдарына да осындай талап қойылады. Егер қарыз алушы бір күн ішінде бірнеше микроқаржылы...

Осыдан біраз уақыт бұрын Астана базарларына «Сібір күйдіргісі» жұққан мал етінің сатылғаны туралы ақпарат тарады. Мұның анық-қанығын KursivMedia тілшісі Ауыл шаруашылығы министрі Айдарбек Сапаровтан сұрап білді. Министр Атбасар ауданында «Сібір күйдіргісін» жұқтырған мал табылғанын растады.

«Расымен, осындай жағдай болды. Ақмола облысы, Атбасар ауданында далада, ауылдан 7 км жерде екі ауылдың малын баққан. Ол жерде «Сібір күйдіргісімен» ауырған малды көмген жер болған. Малды сол маңайда баққан соң, 10 шақты мал ауру жұқтырған. Қазіргі таңда барлық ауру мал табылып, өртелді. Мал баққан кісілерді таптық. Қауіпті жерді жерді қоршауға алып, сақтық шараларын қабылдадық», – деді министр.

Қазақстандық көрермендер арасында өткен аптада голливудтық блокбастерлерге сұраныс артты. Алайда ел аузында жүрген Брэд Питт ойнаған Formula 1 туралы спорттық драма екінші орынға жайғасты. Көш басында — динозаврлармен оралған әйгілі «Юра дәуірінің әлемі» франшизасының жаңа бөлімі.

1. «Юра дәуірі: Қайта өрлеу» — 316 млн теңге (1 апта)

Динозаврлар экранды қайта жаулап алды. Танымал франшизаның жалғасы — «Юра дәуірі: Қайта өрлеу» еліміздегі прокатта ең көп касса жинап, бір апта ішінде 316 636 112 теңге тапты.

2. F1 — 251 млн теңге (2 апта)

Танымал голливудтық актер Брэд Питт ойнайтын F1 фильмі екінші аптада...

Қарағанды облысында экологиялық талаптарды бұзған кәсіпорынға 55 млн теңге айыппұл салынды. Бұл туралы Бас прокуратура хабарлайды.

«Топар ГРЭС» кәсіпорны Топар кентіндегі күл үйіндісін қайта қалпына келтіру (рекультивация) жұмыстарын жүргізген. Алайда бұл жұмыстар экологиялық талаптарды сақтамай орындалғандықтан, қоршаған ортаға айтарлықтай зиян келді.

Күл үйіндісіндегі учаскелерді дұрыс суармау мен кезең-кезеңімен құрғату ауада шаң-тозаңның таралуына себеп болған. Бұл жағдай экологияға және жергілікті тұрғындардың денсаулығына қауіп төндірді.

Қарағанды облысының мамандандырылған табиғат қорғау прокуратурасы экологиялық жағдайға жүргізілген мониторинг барысында осыны анықтады.

Тексеру барысында күл үйіндісін қалпына келтіру жұмыстары қоршаған ортаға эмиссияларға рұқсатсыз және мемлекеттік экологиялық сараптаманың оң қорытындысынсыз жүргізілгені анықталды.

Бұған дейін...

Алматыда теріден желатин шығаратын зауыт салынып жатыр. Ал Ақтөбе облысында жүннен жылу оқшаулағыш материалдар әзірлейтін жоба жүзеге асырылуда. Бұл туралы Ауыл шаруашылығы министрі Айдарбек Сапаров мәлімдеді.  

Ведомство басшысы шетел валютасындағы түсімді арттыру мақсатында тері мен жүнге салынатын экспорттық кедендік баж салығы алынып тасталғанын атап өтті. Бүгінде тері мен жүн экспорттайтын 15 кәсіпорын шикізат сатып алу көлемін арттырған.  

Сондай-ақ, Айдарбек Сапаров елдің екі өңірінде тері мен жүн өңдеу жобалары іске асырылып жатқанын айтты.

 «Атап айтқанда, Ақтөбе облысындағы «КАЗФЕЛТЕК» ЖШС жүннен жылу оқшаулағыш материалдар өндіру жобасын жүзеге асыруда, ал Алматы қаласында «Iskefe Holding» ЖШС ауыл шаруашылығы...

Кеше кешке қарай Қапшағайдағы жағажайлардың бірінде әйел адам суға батып кетті. Мәжіліс депутаты Бақытжан Базарбек кездейсоқ жағдайдың куәсі болып қалған.

Instagram-дағы taldykorganec_kolesa парақшасында жарияланған видеода депутат жағажайда медициналық қызмет болмағанын, құтқарушылар кешігіп келгенін айтады.

Видеода құтқарушылардың «әйел адам суға түсуге рұхсат етілген аймақтан асып кетті» деп жатқаны естіледі.

Алматы облысының полиция департаменті аталған оқиғаға қатысты қылмыстық іс қозғалғанын мәлімдеді.

Департамент жағажайда құтқару техникасы мен кезекші құтқарушылардың бар-жоғы, демалыс аймағының белгіленген қауіпсіздік талаптарына сәйкестігі анықталып жатқанын жеткізді.

Полиция азаматтарды су айдынында демалу кезінде өте сақ болуға және шомылу үшін толық жабдықталған әрі күзетілетін орындарды ғана таңдауға шақырады.

Бұған дейін, Түркістан облысы...

Қазақстанда мал басы тұрақты өсіп келеді. Бұл туралы үкімет отырысында Ауыл шаруашылық министрі Айдарбек Сапаров айтты.

«Ауыл шаруашылығы жануарларының барлық түрлері бойынша мал басы тұрақты өсуде. Жыл басынан ірі қара мал басы 23,4%-ға артты (9,6 млн бас), ұсақ мал – 7,8%-ға (26,3 млн бас), жылқы – 12,2%-ға (5 млн бас), түйе – 8,5%-ға (321,3 мың бас), құс – 2,2%-ға (47,7 млн бас) өсті», – деді министр.

Бұл ішкі нарықты етпен және сүтпен қамтуға мүмкіндік берген. Министрдің айтуынша, Алматы, Ақмола облыстарында ет өндіру көлемі артып, сүт өндірісі бойынша – Солтүстік Қазақстан, Павлодар облыстары...

Алдағы уақытта азық-түлік арзандайды, коммуналдық қызметтер тарифі әзір өспейді, баға тұрақталады. Үкіметте бірінші жартыжылдықтағы инфляция қорытындысы шығару барысында осындай мәліметтер айтылды.

Вице-премьер – ұлттық экономика министрі Серік Жұманғариннің төрағалығымен Үкіметте өткен жиында бірінші жартыжылдықтағы инфляция қорытындысы қаралды.

Жиын барысында бірінші жартыжылдықта инфляция өсіміне ең көп ықпал еткен фактор – ақылы қызметтер екені айтылды. Бұл қызметтердің бағасы 16,1%-ға өскен.

Осыған байланысты коммуналдық қызмет тарифтерін көтеру қарқынын қайта қарап, олардың бір бөлігін кейінге шегеру туралы шешім қабылданды.

«Бұл шешім азаматтардың қаржылық жүктемесін азайтып, инфляция қарқынын тұрақтандыруға мүмкіндік береді», – делінген Үкімет хабарламасында.

Сондай-ақ жиында азық-түлік бағасы да қаралды...

Белгілі әзілкеш, блогер Елдос Қадырханов (желіде «Колобок» лақап атымен танымал) жұбайымен бірге көптен күткен қуанышты жаңалығын бөлісті. Ерлі-зайыптылар 10 жылдан астам уақыт бойы балалы болуды армандаған.

Елдос отбасы мен жақын достарының қатысуымен гендер-пати ұйымдастырып, көпшілікке болашақ баласының ұл болатынын жария етті. Әлеуметтік желіге жүктелген бейнекадрлар желі қолданушыларын тебірентіп, мыңдаған жылы пікірлер мен құттықтауларға толы болды.

Блогердің өзі осы қуанышты сәтке оңай жетпегенін жасырмайды. Бұған дейін, қыста, Елдос Түркияда бедеулікке...

АҚШ президенті Дональд Трамп БРИКС саясатын қолдайтын елдерге қосымша 10%-дық тариф салатынын мәлімдеді. Бұл туралы ол Truth Social атты желідегі парақшасында жазды.

«БРИКС-тің антиамерикалық саясатына қосылатын кез келген елге қосымша 10%-дық тариф енгізіледі. Ешкімге жеңілдік болмайды», – деп жазды ол.

Бұған дейін БРИКС елдері АҚШ-тың тарифтік шараларына қарсы шығып, ол әлемдік сауданың дамуына кедергі болады деп мәлімдеді.

Айта кету керек, 7 шілдеде өткен БРИКС саммитіне Қазақстан алғаш рет серіктес ел ретінде қатысты. Күні кеше Трамп Қазақстан тауарларына салынатын импорттық салықты 25%-ға көтерген еді. Егер оның БРИКС-ке қатысты саясатын күшіне енсе...

АҚШ президенті Дональд Трамп Қазақстан Республикасынан келетін тауарларға 25% көлемінде импорттық баж салығын енгізді. Ол туралы Қазақстан президенті Тоқаевқа арнайы хат жолдаған. Жаңа тариф 1 тамыздан бастап күшіне енуі мүмкін.

АҚШ президенті өз хатында сауда талаптарының қатаңдағанына емес (бұған дейін қазақстандық тауарларға 10% көлемінде уақытша баж салығы қолданылған), керісінше, Қазақстанмен сауданы жалғастыру туралы шешіміне назар аударады. Трамп Қазақстанды «ұлы мемлекет» деп атап, Вашингтон үшін екіжақты сауда балансы теріс күйінде қалып отырғанына қарамастан, ынтымақтастықты жалғастыру ниетін білдіреді.

Трамптың айтуынша, екі ел арасындағы сауда қарым-қатынастарын тиімді деуге келмейді.

Хат соңында Трамп Астанаға салыққа қарсы шаралар қабылдамауға шақырады. Олай...

АҚШ президенті Дональд Трамп 7 шілде күні Украинаға жаңа қару-жарақ жеткізілетінін мәлімдеді. Бұл туралы Трамп Ақ үйде Израиль премьер-министрі Биньямин Нетаньяхумен кешкі ас алдында журналистердің сұрақтарына жауап бере отырып айтты. Трамп Украинадағы жағдайға алаңдаушылық білдіріп, бұл елге көмектесу қажет екенін жеткізді.

Біз оларға тағы біраз қару жібереміз. Бұл қажет. Украина өзін-өзі қорғай алуы тиіс. Қазір Украинаға өте қатты соққы жасалып жатыр. Көп адам қаза табуда. Сондықтан біз қорғаныс мақсатындағы қаруларды жеткізуге мәжбүрміз, – деді Трамп және Ресей президенті Владимир Путиннің әрекетіне көңілі толмайтынын да қайталап айтты.

Трамп бұл мәлімдемесінде нақты қандай қару түрлері жеткізілетінін...

Астанада өтіп жатқан ауыр атлетикадан жасөспірімдер мен жастар арасындағы Азия чемпионатының төртінші күні Қазақстан құрамасы үшін аса табысты болды. Спортшыларымыз 6 алтын, 2 күміс және 1 қола медаль иеленіп, құрлық додасында тағы да ел мерейін үстем етті.

Барлық жүлде 79 келіге дейінгі салмақ дәрежесінде сынға түскен ерлер арасында сарапқа салынды.

Жасөспірімдер (U17) арасында Нұржан Жұмабай топ жарды

17 жасқа дейінгі атлеттер арасында өнер көрсеткен Нұржан Жұмабай үш бірдей нәтижемен көзге түсті. Жұлып көтеруде 140 келіні, серпе көтеруде 175 келіні еңсеріп, қоссайыс нәтижесі бойынша 315 келіні бағындырды. Бұл көрсеткішпен алтын медаль алып қана қоймай, серпе көтеруден Азия рекордын жаңартты.

2025 жылдың 7 шілдесінде Қытайдың Циндао қаласында Шанхай ынтымақтастық ұйымына (ШЫҰ) мүше мемлекеттердің мәдениет министрлерінің 22-кеңесі өтті. Ауқымды іс-шара аясында мәдениетаралық байланысты дамыту, гуманитарлық ынтымақтастықты нығайту және бірлескен жобаларды ілгерілету мәселелері талқыланды.

Кеңеске Қазақстан делегациясын бастап барған ҚР Мәдениет және ақпарат министрі Аида Балаева кездесу барысында сөз сөйлеп, ұйымдастырушыларға алғысын білдірді.

Мәдениет – бұл тек игі дәстүр ғана емес, болашақты жалғайтын рухани көпір. Біз ортақ бастамаларды неғұрлым белсенді дамытсақ, ШЫҰ мемлекеттерінің рухани бірлігі соғұрлым нығая түседі, – деді министр.

Аида Балаева өз сөзінде Қазақстан тарапынан қолға алынған бірқатар маңызды бастамаларды таныстырды. Олардың қатарында:

Қазақстан Республикасы Премьер-министрінің орынбасары – Сыртқы істер министрі Мұрат Нұртілеу БРИКС 17-ші Саммитіне алғашқы рет серіктес ел ретіндегі Қазақстан атынан қатысты. Бұл туралы СІМ хабарлады.

Саммиттің бірінші күніне бірлестікке мүше және серіктес елдердің мемлекет және үкімет басшылары, жоғары лауазымды өкілдері, сондай-ақ халықаралық ұйымдардың басшылары қатысты.

Іс-шараға қатысушылар көпжақты ынтымақтастықты нығайту, әділетті әлемдік тәртіп пен орнықты дамуды қамтамасыз ету қажеттілігіне баса көңіл аударды. Негізгі назар жаһандық басқару жүйесінде Ғаламдық Оңтүстік елдерінің өкілеттігін арттыруға бағытталды. Қарулы қақтығыстардың күшеюі, халықаралық саудадағы протекционизмнің өсуі және геосаяси қайшылықтардың ушығуы қатысушылардың алаңдаушылығын тудырды.

Өз сөзінде ҚР СІМ басшысы Қазақстан БҰҰ Жарғысы мен халықаралық құқық қағидаттарына...

Медеу мұз айдынында ерекше мәдени іс-шара өтті. Аламан құрақ қауымдастығының ұйымдастыруымен мұз айдын алаңын толық қамтыған құрақ көрпелер бірге жиналды, деп хабарлады Қазақпарат агентті.

Шеберлердің жұмысын GBR дүниежүзілік рекордтар кітабының өкілдері бағалаған.

Global Book of Records дүниежүзілік рекордтар кітабының Азия және Африка бойынша бас офицері Қуандық Құдайбергенов бастаманың қалай іске асқанын атап өтті.

– Әлемде әйгілі 4 дүниежүзілік рекордтар кітабы бар. Оның ішінде Global Book of Records мәдени рекордтарға көп көңіл бөледі. Біздің Мумбай мен Дубайдағы офистерімізге Қазақстанның Аламан құрақ қауымдастығынан этно-рекорд тіркеуге ұсыныс түсті. Бізді қызықтырғаны – Қазақстанның барлық 20 өңірінен 660 құрақшы келд...

Ресейде бұрынғы көлік министрі Роман Старовойт өлі табылды. Бұл туралы «112», Shot және Mash телеграм-арналары хабарлаған, деп жазады Настоящее время басылымы.

Shot дерегінше, оның жанынан қару табылған. Ал Mash жазуынша, Старовойт 2023 жылы ІІМ басшылығынан сыйлық ретінде алған марапаттық қарумен өзін атып өлтірген.

Марқұмның денесі Макинино ауылындағы үйінен табылған. Baza мәліметінше, алдын ала деректер бойынша, Старовойттың өзін-өзі өлтіруі оған қатысты қозғалған қылмыстық іспен байланысты болуы мүмкін.

Дереккөздердің айтуынша, Роман Старовойтқа қатысты бұрын Курск облысының әкімі болған, сондай-ақ оның орынбасары қызметін атқарған Алексей Смирнов куәлік берген.

Ресей Мемлекеттік думасының қорғаныс комитетінің басшысы Андрей Картаполов RTVI арнасына...

Ресей әуежайлары Украинаның дрон шабуылынан кейін біртіндеп штаттық режимге оралып жатыр.

Интерфакс агенттігінің мәліметінше, Сочиде кешіктірілген рейстер саны Мәскеу уақытымен 15:00-де 28-ге дейін кеміген.

Ал 12:00-дегі жай бойынша Мәскеуде 40 әуе рейсі кешігіп жатқаны хабарланған.

Ал Калиниградтағы «Храброво» әуежайында 20-дан астам рейс кешіккен.

6 шілде, жексенбі күні, Ресейде кемінде 393 әуе рейсі тоқтатылып не кешіктірілген. болатын.

Росваиация Санкт-Петербург және Нижний Новгородтағы әуежайларда қауіпсіздік мақсатында шектеулер енгізілгені туралы хабарлады. Ресей әскері ел аумағында 50-ге жуық дрон атып түсірілгенін мәлімдеген.

Шектеулер Мәскеудегі Шереметьево, Санкт-Петербургтегі Пулково және Нижний Новгородтағы Чкалов (Стригино) әуежайларын қамтыған. Сонымен қатар Иваново, Калуга, Псков, Тамбов және...

Абай облысының әкімі Берік Уәли «Xinjiang Huayuan Holding Group Co. Ltd» корпорациясының бас директоры Ли Цзюнь бастаған делегациямен кездесті, деп хабарлады облыс әкімінің баспасөз қызметі.

Кездесу барысында екі жақты инвестициялық ынтымақтастықты нығайту, бірлескен жобаларды іске асыру және жаңа өндіріс алаңдарын дамыту мәселелері талқыланған.

Аймақ басшысы Абай облысы делегациясының Шыңжаң Ұйғыр автономиялық ауданына жұмыс сапары барысында нәтижелі келіссөздер жүргізіп, көптеген меморандумдарға қол қойғанын атап өтті.

Корпорацияның бас директоры Ли Цзюнь болса, Абай облысымен бірлесе жұмыс істеуге дайын екенін жеткізді.

«Біздің делегация Семей қаласында бой көтеретін жаңа ықшам ауданның жобасымен танысты. Қытайға барған соң арнайы жұмыс тобын...

Актер Бақыт Қажыбаев Қытайдың Чунцин қаласында өткен Шанхай ынтымақтастық ұйымы (ШЫҰ) елдері халықаралық кинофестивалінде «Үздік актер» аталымын жеңіп алды. Оған бұл марапат «Набат операциясы» фильміндегі басты рөлі үшін берілген.

Мәдениет және ақпарат министрлігінің мәліметінше, биылғы фестивальге қатысушы мемлекеттер екі толықметражды фильмнен ұсынып, байқаудық негізгі «Алтын камелия» бағдарламасына қатысқан.

Актердің айтуынша, бұл – тек өзінің ғана емес, фильмге жан-тәнімен еңбек сіңірген бүкіл шығармашылық топтың жеңісі. Ол шынайы оқиғаға негізделген бұл хикаяны жүзеге асырудың маңызын атап өтіп, барлық көрерменге алғыс білдірді.

«Набат операциясы» фильмі 1992 жылы Қазақстанда болған шынайы оқиғаға негізделген. Автобустағы 30 адамды кепілге алған лаңкестерге қарсы құқық қорғау органдарының арнайы...

АҚШ-тың сауда министрі Говард Лютник президент Дональд Трамп шетелдік тауарларға қатысты енгізген кедендік тарифтер 1 тамыздан бастап күшіне енуі мүмкін екенін айтты. Бұл туралы Bloomberg хабарлады.

Лютниктің айтуынша, тарифтердің күшіне ену мерзімі кейінге шегерілгенімен, Трамп кейбір елдер үшін баж мөлшерлемелерін қазірдің өзінде белгілеп, кей елдермен келісімдер жасап жатыр.

Жексенбі күндері АҚШ президенті журналистерге берген сұхбатында 9 шілдеге дейін көптеген елдермен келісімдер жасалатынын немесе оларға баж салығының өсетіні жөнінде хабарлама жіберілетінін айтқан.

Truth Social парақшасында АҚШ президенті жаңа тарифтер туралы хаттар 7 шілде күні шығыс америкалық уақытпен 12:00-де (Астанамен арадағы уақыт айырмасы – 10 сағат) жіберіле бастайтынын айтқан.

Сәуірдің басында...

6 шілдеде ғалым, саяхатшы және ағартушы Шоқан Уәлихановтың туғанына 190 жыл толуына орай, ғалымның жүріп өткен жолы бойынша бағыт алған халықаралық экспедиция басталды.

Экспедицияны Turan TV телеарнасы Almaty Management University (AlmaU)-мен бірлесіп, Қазақстан Республикасының Ұлттық музейінің қатысуымен ұйымдастырған.

Экспедицияның мақсаты – ұлы зерттеушінің тарихи жолын қалпына келтіру, оның мұрасын терең ұғыну және ғылым, мәдениет пен халықаралық байланыстарды дамытудағы үлесін қазіргі заманға сай қайта жаңғырту.

«Экспедиция маршруты Шоқан Уәлихановтың тарихи жолының негізгі нүктелерін қамтиды: Ош жазығы, Торугарт асуы, Қашғария, Хотан және ғалым болған өзге де қалалар. Бұл бағыт қатысушыларға саяхатшының жолын қайталап қана қоймай, оның идеялары қалыптасқан мәдени-тарихи контекске терең бойлауға мүмкіндік беред...

Ертіс жағасында балық аулап жүрген 12 жастағы баланы 14-15 жастағы жасөспірімдер соққыға жыққан. Аталған оқиғаға қатысты қылмыстық іс қозғалды, деп хабарлады Абай облысының бала құқықтары жөніндегі уәкілі Эльзира Солтабаева.

Оқиғаның мән-жайын әлеуметтік желіде зардап шеккен баланың әпкесі баяндаған. Оның сөзін жергілікті «Объектив Восток» басылымы таратты. Жағадағы оқиға 4 шілде күні Семей қаласындағы саяжай алабында болған. Бала әдеттегідей балық аулауға өзен жағасына барған. Сол жерге бірнеше жас үлкен жігіттер келіп, агрессивті әрекеттерге көшкен. Әуелі олар баланы таспен атқылаған, кейін суға итеріп жібермек болған.

«Ол қашып құтылуға тырысқан. Алайда қуып жетіп алды. Қармақпен қорғанғанында олар оны...