Жаңалықтар

Ұлттық қауіпсіздік комитеті Kursiv.media сауалына қатысты 11 жылға қамалған түрік кәсіпкері Тастан Эбубакирдің азаптау, істі бұрмалау және орган қызметкерлері тарапынан жемқорлық әрекеттер туралы мәлімдемесіне орай, қызметтік тексеріс өткенін хабарлады. Оның нәтижесі бойынша, бұл жайттар дәлелін таппаған.

Түрік азаматы Тастан Эбубакир заңсыз алтын сатып, істі болған екі досы пара арқылы жазадан құтылғанын, олардың орнына жаламен сотталғанын, азапталған соң, өзіне қарсы куәлік бергенін айтып, Президентке, Бас прокуратураға және басқа да құзырлы органдарға үндеу жасаған болатын. ҰҚК түрік кәсіпкерінің дәйектерін жоққа шығарып отыр.

«Тастан Эбубакир Қылмыстық кодекстің 234 және 264-баптарында көзделген құқық бұзушылықтар жасады деген күдікпен айыпталған. 2023 жылы...

Ұлттық банк 2025 жылға базалық мөлшерлеме бойынша шешім кестесін бекітті. Келесі жылы банк базалық мөлшерлемеге қатысты жалпы 8 сегіз рет шешім қабылдаса, оның төртеуі болжамдық талдау нәтижелеріне негізделеді.

«Базалық мөлшерлеме бойынша шешімдер аптаның соңғы жұмыс күні Астана уақыты бойынша сағат 12:00-де жарияланады және келесі аптаның бірінші жұмыс күнінен бастап күшіне енеді», – делінген ҰБ хабарламасында.

Шешім қабылданатын күндер:

Базалық мөлшерлеме – ақша-несие саясатының негізгі құралы, инфляция деңгейіне, ұлттық валюта бағамы және несие беру құнына тікелей әсер...

Мәжіліс депутаты Елнұр Бейсенбаев Biz Birgemiz Kazakhstan қорының құрылтайшысы Перизат Қайраттың ұсталуына қатысты пікір білдірді.

Перизат Қайраттың 1,5 млрд теңгені және палестиналықтарға арналған 200 млн теңгені жымқырды деген күдікке ілінгені белгілі болғаннан кейін, Елнұр Бейсенбаев бұл іске тергеу қорытындысы шықпайынша, түбегейлі баға беруге болмайтынын айтты.

«Әрбір қайырымдылықпен айналысатын адам жинаған қаржының дұрыс бағытта жұмсалуына жеке жауапты. Сондықтан мұндай істер бойынша әділ тергеу жүргізілуі керек», – деді ол.

Сондай-ақ депутат Перизат Қайратты ерікті ретінде танитынын айтып, қорға «Amanat» партиясының қатысы жоқ екенін мәлімдеді.

«Қордың партияға ешқандай қатысы жоқ. Үш жыл бұрын...

Қазақ тілді ақпарат құралдарындағы контентті оқитын/көретін аудиторияның сұранысын анықтау мақсатында жүргізілген зертттеудің нәтижелері жарияланды. Бұл зерттеуді Kursiv.media тапсырысымен URTG зерттеу компаниясы жүргізген болатын.

Мұнда негізгі мәселе соңғы кезде БАҚ-та жарияланатын контенттің қазақтілді аудитория сұранысына сай болмауы болды.

Осы мәселені нақтылау мақсатында жүргізілген зерттеу барысында қазақтілді оқырманның/көрерменнің жалпы портреті жасалды. Ақпаратты негізінен қазақ тілінде алатын жандар еліміздің қай аймақтарында тұратыны, табысы қанша екені, қандай іспен шұғылданатыны анықталды.

Қазақтілді медиа аудиториясы

Қазақ тіліндегі іскери  және ақпараттық медиа басылымдарды тұтынушылар аудиториясының елеулі бөлігі – 16-25 жас аралығындағы жастар, оқушылар, ауылдық жерлердегі тұрғындар, дегенмен негізгі тұтынушылар 25-34 жас аралығындағы жастар, сондай-ақ табыс деңгейі орташадан жоғары...

АҚШ-тың қор индекстерінің өсуі жаһандық нарықтардың табыстылығын төмендетіп жатыр. АҚШ нарығы үшін шешуші рөлді әлі де «Таңдаулы жетілік» деп аталатын ірі технологиялық компаниялар атқарып отыр. Алдыңғы күні олар Ресей тарапынан ядролық қауіптің салдарынан туындаған сатылым толқынынан кейін, индекстерді қайта қалпына келтіруге көмектесті. Осы және өзге де тақырыптар туралы 19 қарашадағы әлемдік БАҚ шолуынан оқи аласыз.

АҚШ акциялары ядролық эскалация қаупін елеген жоқ

Алдыңғы күнгі таңғы сессияның қомақты сатылымдарына қарамастан, АҚШ қор биржалары кешке қарай шығындарын қалпына келтірді. S&P 500 0,4%-ға, Nasdaq 1,04%-ға өсті, ал Dow Jones, керісінше, 0,28%-ға төмендеп, теріс аймақта қалды.

Таңертең трейдерлер Украина мен Ресей арасындағы соғыс...

Қазақстан мұсылмандарының діни басқармасы Бас мүфти Наурызбай қажы Тағанұлының Түркістанға сапарына байланысты өңірдегі имамдардан алдын ала ақша жинау фактісі бойынша тергеу жұмыстарын аяқтаған.

Мүфтият жанынан құрылған арнайы комиссия тергеу нәтижесінде ақпаратты жоққа шығарған. Яғни ақшаны имамдар емес, демеушілер жинағаны туралы мәлімдеме жасады.

«Түркістан облысында Бас мүфтидің келуіне орай имамдардан ақша жинау әрекеті орын алмаған. KaspiGold арқылы жіберілген қаражат демеушілер тарапынан берілгені және сол қаражат қайырымдылық жұмыстарға, ауызашар дастарқанына, республикалық Құран жарысына, конференция ұйымдастыруға, баспасөзге жазылу сынды іс-шараларға жұмсалғаны анықталды», – делінген мәлімдемеде. 

Ақпаратқа сүйенсек, бұл қаржыдан өңірге аттестация өткізу келген мүфтият өкілдеріне қаламақы төленбеген...

Испанияның Андалусия аймағындағы Херес-де-ла-Фронтера трассасында Lamborghini Squadra Corse ұйымдастырған Lamborghini Super Trofeo халықаралық чемпионатының финалы өтті. Жарыста қазақстандық ARTLine Kazakhstan командасы екі бірдей титулға ие болып, айрықша табысқа жетті.

Қазақстандық автожарысшы Егор Оруджев PRO санатында чемпион атағын жеңіп алса,
Шота Абхазава Lamborghini Cup санатында үздік атанды.

Lamborghini Huracan Super Trofeo EVO2: жарыс көлігінің ерекшеліктері неде?
Бұл чемпионатта барлық спортшы арнайы жасалған Lamborghini Huracan Super Trofeo EVO2 көліктерімен жарысады. Бұл модель жарыстарға арналған, ерекше технологиялық мүмкіндіктері мен жетілдірілген аэродинамикаға ие.

Көліктің негізгі сипаттамалары:
• Қозғалтқышы: 5,2 литрлік V10 атмосфералық қозғалтқыш, 620 а.к.
• Беріліс қорабы: 6 жылдамдықты X-Trac, қуатты артқы дөңгелектерге жеткізеді.
• Аэродинамика: жаңартылған фаралар...

Мемлекетке қайтарылған активтер есебінен 28 млрд теңгеден астам қаражат  Шығыс Қазақстан облысы Риддер қаласында аурухана құрылысын аяқтауға жіберіледі.

Үкімет ақпаратына сүйенсек, 28,2 млрд теңге Риддерде салынып жатқан бір ауысымда 500 адам қабылдай алатын емханасы бар 200 орындық аурухана құрылысын аяқтауға жұмсалады. 

2021 жылы басталған аурухана құрылысына бұған дейін 6,6 млрд теңге бөлінген. Оның 2 млрд теңгесі республикалық бюджеттен болса, 4,6 млрд теңге Шығыс Қазақстан облысы бюджетінен алынған. Мемлекетке қайтарылған активтер есебінен бөлінген 28,2 млрд теңгені қосқанда, жобаның жалпы құны 34,8 млрд теңге шығады.

«Шығыс Қазақстан облысына жұмыс сапары барысында премьер-министр Олжас Бектеновке құрылыс алаңын қарау кезінде жұмысты аяқтау...

Қазақстан аумағы арқылы 2024 жылдың 10 айы ішінде Ресейден Қытайға 8,4 млн тонна мұнай өнімдері тасымалданған. Жалпы осы уақыт ішінде ел аумағы арқылы тасымалданған мұнай көлемі 8,4 млн тонна болған. Оның ішінде 8,2 млн тонна Ресейден Қытайға, 217 тонна Ресейден Өзбекстанға жіберілген.

Ал магистральды мұнай құбырлары арқылы тасымалданған мұнай көлемі 57,8 млн тонна болған. Оның тек 15,1 млн тоннасы, яғни 26% қазақстандық мұнай. Каспий құбыр консорциумынан 46,3 млн тонна, «Атырау – Самара» учаскесінен 7,2 млн тонна, Ақтау портынан 3,1 млн тонна, «Атасу – Алашанькоу» мұнай құбыры арқылы 1 млн тонна тасымалданған.

Қазақстандық мұнайды негізінен Италия, Нидерланд, Қытай, Корея Республикасы, Румыния, Франция...

Қазақстаннан Түркияға құны 5 млрд теңге болатын алтын бұйымдарды заңсыз өткізген екі азамат 11 жылға бас бостандығынан айырылды.

Астана қаласының қылмыстық істер жөніндегі соты Еуразиялық экономикалық одақ арқылы алтын контрабандасымен айналысқан төрт азаматты соттады. Олар 2016 жылдан бастап бірнеше жыл Қазақстаннан Түркияға алтын бұйымдарды заңсыз жеткізіп отырған.

2016 жылы екі азамат Түркияға алтын жеткізу схемасын құрып, оған екі ел азаматтарын тартқан. 2020 жылы топта курьер де пайда болған. Ол бұйымдарды түрік шекарасынан өткізуге жауапты болған.

Жұмысы жүріп тұрған 3 жыл ішінде қылмыскерлер салмағы 190 келіден астам алтынды заңсыз шығарған. Шығарылған алтынның жалпы құны 5 млрд теңгеге жуық. Кедендік ережелерд...

Ең ірі ұшақ жасаушылар

АҚШ аэроғарыштық сектордағы қуатты орталық болып отыр. Үздік 10 компанияның алтауы Америкада орналасқан.

Honeywell-тен басқа, Boeing, Raytheon Technologies және Lockheed Martin сияқты басқа да ірі америкалық ойыншылар рейтингте ерекше орын алады.

Бұл фирмалар АҚШ-ты коммерциялық авиация мен қорғаныс саласындағы жаһандық көшбасшы ретінде нығайтуға көмектесіп, әлемдік нарыққа жүздеген миллиард долларды біріктірді.

Нарық капиталы 136,5 млрд долларды құрайтын Airbus – әлемдегі ең ірі ұшақ өндірушісі. 1970 жылы негізі қаланған бұл компания заңды түрде Нидерландыда орналасқан (бірақ операциялық штабы Францияда) коммерциялық және әскери ұшақтар өндірісінде басым күш болып отыр.

1906 жылы ашылған және АҚШ-та орналасқан Honeywell International...

Шығыс Қазақстан облысында Өскемен – Самар тасжолының 75-ші шақырымында Volvo жүк көлігі жарылды деп хабарлайды ШҚО полиция департаменті.

Ресми мәліметтерге сәйкес, көлікте Самар ауданындағы тау-кен жұмыстарына арналған жарылғыш заттар болған. Жарылыс салдарынан көлік жүргізушісі мен жолаушысы оқиға орнында көз жұмды.

«Қазіргі таңда оқиғаға қатысты қылмыстық іс қозғалып, қажетті тергеу амалдары жүргізілуде. Жарылыстың себептері мен мән-жайларын анықтау үшін сараптамалар тағайындалды. Оқиға облыстық полиция департаменті басшылығының бақылауына алынды», – деп хабарлады ШҚО полиция департаментінің баспасөз қызметі.

Тиісті органдардың мәлімдеуінше, тасымалдау қауіпсіздігі ережелері мен жарылғыш заттарды қолдану талаптары мұқият тексеріліп жатыр. Қайғылы жағдайдың нақты себептері тергеу аяқталғаннан кейін...

Өткен аптада касса бойынша ең көп қаражат жинаған фильм «Шекер: Соңғы мүмкіндік» болса, қазір көшбасшылықты жақында ғана шыққан «Гладиатор 2» фильмі иемденді. Бұл туынды көрермендердің үлкен қызығушылығын тудырып, касса мен рейтинг жағынан алдыңғы орынға шығып отыр.

«Гладиатор 2» – 308 752 197 теңге

«Гладиатор 2» фильмі аты аңызға айналған Максимус Децим Меридиустың оқиғасын оның ұлының өмірімен жалғастырады. Алғашқы бөлімнен кейін 25 жыл өткен уақытты қамтитын сюжет көрерменді Ежелгі Рим әлеміне жетелейді. Басты кейіпкердің Римді қорғау жолындағы ерлігі, әділдік үшін күресі, қызықты шайқастар мен интригалар фильмнің тартымдылығын арттырған. Қызықты оқиғалар мен керемет көріністер «Гладиатор 2»-ні экран алдында ұстап отыр.

«Шымбұлақ» тау-шаңғы курортының жаңа маусымы техникалық ашылуын 23 қарашада бастайды. Бұл туралы курорттың ресми Telegram-каналында жарияланды.

Тау-шаңғы курортының баспасөз-қызметінің мәлімдеуінше, алғашқы кезеңде қонақтар үшін мына трассалар ашылады: сол Талғар трассасы, «Комби-2» арқылы Талғар трассасы, балаларға арналған «Ақ аю» және «Жылан» трассалары.

Алайда толыққанды ашылу желтоқсан айына жоспарланған, өйткені барлық трассаны дайындау үшін қалың қар мен қосымша уақыт қажет. Сонымен қатар түнгі сырғанау да желтоқсан айына қарай басталады.

Канат жолдарының жұмыс уақыты:

Медеу – Шымбұлақ: 08:30-18:00,
«Комби-1»: 09:00-17:00,
«Комби-2»: 09:00-16:30,
Сол Талғар: 09:30-15:30,
ККД-4: 09:30-17:30.

«Шымбұлақтың» толық ашылуы мен түнгі сырғанау маусымының басталуына қатысты ақпарат желтоқсан айында қосымша жарияланатын болады.

Еске сала кетейік, 2 қарашадан...

Қырғызстан Президенті Садыр Жапаров депутаттарға қызметтік көліктерді қайтару туралы ұсынысты қолдамады. Бұл туралы Конституциялық заңнама, мемлекеттік құрылым, сот-құқықтық мәселелер және регламент жөніндегі парламент комитетінің отырысында белгілі болды.

Жоғарғы кеңес депутаттары «Жоғарғы кеңес депутатының мәртебесі туралы» заңға өзгерістер енгізу жөніндегі заң жобасын қабылдамады. Бұған дейін Қырғызстан басшысы заң жобасын ескертулермен қайтарып, қайта қарауды тапсырған болатын. Алайда келісу комиссиясы ортақ шешімге келе алмады.

Қаржы министрінің орынбасары Жібек Дүйшеева заңды іске асыру үшін қосымша көліктер сатып алу мен жүргізушілер штатын көбейту қажеттігін айтты. Алайда 2025-2026 жылдарға арналған республикалық бюджетте бұл мақсаттарға қосымша қаржы бөлу қарастырылмаған.

Дүйшееваның айтуынша, 2021 жылдың желтоқсанында Садыр Жапаров президент...

Талғар ауданының аумақтық сайлау комиссиясы бүгін, 19 қарашада, сағат 18.00-де Талғар қаласы әкіміне үміткерлерді тіркеуді аяқтады. Қорытынды бойынша, кандидаттардың саны – 9. Саяси партиялардан Amanat пен ҚХП бір-бірден үміткер ұсыныпты. 7 үміткер өзін-өзі ұсынған. Оның үшеуі мемлекеттік қызметкер болса, екеуі бюджеттік ұйымда жұмыс істейді. Бір қызығы, уақытша жұмыссыз жүрген 4 адам қала әкімі болуға бақ сынамақ.

Үміткерлердің арасында әйел адам жоқ. Сегіз үміткердің білімі жоғары. Бірінің ғана орта арнаулы білімі бар.

Сонымен қатар Талғар ауданының аумақтық сайлау комиссиясы 2 үміткер талапқа сай келмейді деп тіркемеген. 4 кандидат өз еркімен сайлауға түсуден орта жолда бас тартқан.

Комиссияның мәліметінше, сайлауға дайындық жұмыстары...

Активтер мен міндеттемелер туралы декларация тапсырудан нақты кімдер босатылады? Сондай-ақ кірістер мен мүліктер туралы декларацияны қандай санаттағы тұлғалар тапсыруға міндеттеледі? Бұл сұрақтарға Мемлекеттік кірістер комитетінің жеке тұлғалардың кірістерін әкімшілеу басқармасының бас сарапшысы Ерсайын Көптілеуұлы жауап берді.

«Шетелде жылжымайтын мүлкі және көлігі, шетелдік банктердегі банктік есепшоттарда 3,7 млн теңгеден (1 000 АЕК) астам ақша қаражаттары, инвестициялық  алтындары, шетелдік компанияға қатысу бойынша үлесі болмаса, тұрғын үй құрылысына қатысу үлесі, цифрлық активтері, дебиторлық/кредиторлық берешегі, сонымен қатар шетелде құны 1 000 АЕК-тен асатын бұйымы болмаған жағдайда олар 250 салық есептілігі нысанын тапсырудан босатылады. Яғни шетелде мүліктері болмаса, декларация тапсыру міндет...

Денсаулық сақтау министрлігі «Зираттарға және жерлеу мақсатындағы объектілерге қойылатын санитариялық-эпидемиологиялық талаптар»  санитариялық қағидаларына өзгерістер әзірледі.

Соның ішіне крематорийлер мен колумбарийлерге, жерлеу бюросы, жерлеу қызметін көрсететін бюро-дүкендерге қойылатын талаптар көрсетілген жаңа бөлім қосылып отыр.  

Жаңа ереже бойынша, оқшауланған жер телімінде зираттың шегінен тыс жерде колумбарийлер мен қабырғаларды тұрғызуға болады. Бірақ тұрғын үйлер, емхана, балабақша және басқа да нысандардың ауласынан кем дегенде 50 метр қашықта орналасуы тиіс.

Кремациядан кейін қалдықты колумбарийлар мен зираттарда сауыт ыдыста жерлеуге  рұқсат. Крематорийлер мен колумбарийлер құрамында міндетті үй-жайлар тізімі де жарияланып отыр. Марқұмның денесін қабылдайтын бөлмеде тамбуры, вестибюлі, мұздатқыш камера және кремацияға дейін өлікті сақтайтын бөлек...

Қазақстандағы ірі алтын өндіруші компаниялардың бірі – «Алтыналмас АҚ» қарапайым акцияларына 68,9 млрд теңге дивиденд төлемек. Бұл туралы Қазақстан қор биржасына орналастырылған хабарламада жазылған.

68,9 млрд теңге дивиденд 2023 жылдың І жартыжылдығындағы қызмет нәтижесі үшін төленеді. Әр акцияға 7155 теңгеден келеді. Қаржы 2 желтоқсаннан бастап аударыла бастайды.

Компания бұған дейін де 2023 жылдың І тоқсаны үшін 52,9 млрд теңге төлейтінін хабарлаған. Ал 202 жыл үшін дивиденд төлемеген.

«Алтыналмас» Қазақстандағы ең ірі 3 алтын өндіруші компанияның қатарына кіреді.

Қазақстан қор биржасындағы мәліметке сәйкес, компания қарапайым акцияларының 67,5%-ы GOUDEN RESERVES B.V. компаниясы тиесілі. Ал 22,5%-на – миллиардер...

18 қараша, дүйсенбі күні, энергетика секторына қызмет көрсетумен айналысатын Liberty Energy компаниясының акциялары шамамен 5%-ға қымбаттап, бір акцияның бағасы 17,7 долларға жетті. Мұндай өсім Дональд Трамптың компанияның негізін қалаушы әрі бас директоры Кристофер Райтты АҚШ энергетика министрі қызметіне тағайындау туралы ұсынысынан кейін байқалды деп хабарлады MarketWatch.

Әлбетте, Кристофер Райт бұл ұсынысты қуана қабылдады. «Мен үшін мұндай қызметке кандидат болу – үлкен мәртебе. Елге қызмет етуге және азаматтарды арзан әрі сенімді энергиямен қамтамасыз ету миссиясын жалғастыруға мүмкіндік алғаныма ризамын», – деді ол.

Райт кандидатурасын Сенат мақұлдағанша, Liberty Energy компаниясындағы директорлар кеңесінің төрағасы және бас директоры қызметтерін жалғастыра береді.

Алайда, сейсенб...

Қазақстан территориясының тұтастығына күмән келтіріп, оның бөлінуін насихаттаған Петропавл қаласының екі тұрғыны сепаратизм үшін түрмеге қамалды.

Бас прокуратураның ақпаратына сүйенсек, Петропавл қалалық соты 2 қала тұрғынын сепаратистік әрекеті үшін бас бостандығынан айырған. 19 қарашада осы сот шешімі күшіне еніп, 2 азамат орташа қауіпсіз қылмыстық атқару жүйесіне жіберілген.

«Чат Рулетка» сайтындағы «YouTube» бейнехостингі арқылы Қазақстан Республикасының тұтастығын, оның аумағына қол сұғылмауын және бөлінбеуін бұзуды насихаттағанын жоққа шығарды», – делінген хабарламада.

Айыпталған азаматтар өз кінәларын мойындамағанымен «Instagram» және «TikTok» желісінде тараған бейнежазбалар олардың кінәсін растап, бұлтартпас дәлел болған.

Олар Қылмыстық кодекстің 180-бабына сәйкес бас бостандығынан айырылған...

Ресей президенті Владимир Путин бүгін өз елінің жаңартылған ядролық доктринасын бекітті. Батыс елдері де осындай қадам жасап жатыр. Таяуда ғана АҚШ пен Қытай ядролық салада жасанды интеллектіні қолданбау, ядролық қару қолдануды тек қана адамның еншісіне қалдыру жөнінде келісімге келген болатын. Әлем енді ядролық соғыс қаупіне бір табан жақындай түскендей. Қазақстандық сарапшылар ядролық соққы жасалуын түбегейлі жоққа шығармайды. Тікелей ядролық қақтығысты айтпағанда, ядролық қарудың басқару тетігі теріс пиғылды адамдардың қолына түсуі, қате дабыл және басқа да кездейсоқ жайттар қауіпті қоюландырып отыр.

Ресей ядролық доктринасы нені көздейді?

Известия басылымының хабарлауынша, Ресейдің жаңа доктринасында басты төрт өзгеріс бар.

Біріншісі, ядролы...

Ірі алтын өндіруші Solidcore Resources plc (бұрынғы Polymetal) Bai Tau Mineral (BTM~ компаниясына геологиялық барлауға 96 миллион доллар (шамамен 48 млрд теңге) кредит берген. Бұл туралы компанияның баспасөз хабарламасында жазылған.

Solidcore мәліметінше, BTM Қазақстанда 15-тен астам мыс және алтын кен орынына иелік етеді. Бұл кен орындарының аумағы жалпы 1000 шаршы шақырымнан асады. Қарағанды облысындағы Бесшоқы және Жетісу облысындағы Шығыс Балқаш-2 кен орны – кен қоры мол, даму қарқыны жоғары негізгі активтер.

Қарыз BTM мен осы қаражат есебінен қаржыландырылатын еншілес компаниялардағы үлесін кепілдікке қою арқылы берілген. Solidcore бұл компаниялардағы үлесті иеленуге қатысты кез келген мәміледе басымдыққа ие болады.

Несие...

Вьетнам билігі елде жұмыс істеуге рұқсат алмаған қытайлық Тemu маркетплейсіне тыйым салмақ. Қазан айында Индонезия үкіметі Google-ге қытайлық жобаны бұғаттау туралы талаппен жүгінді. Сайт Еуропалық одақта да осындай проблемаларға тап болып отыр. Қосымшаға контрафакті және қауіпті өнімдерді саудалады деген айып тағылған. Маркетплейстің сыртқы нарықта осындай проблемаларға тап болуына басты себеп – жергілікті шағын және орта бизнеске қауіп төндіруінде болып отыр.

The Guardian жазуынша, Вьетнам үкіметі қытайлық арзан тауарлар  жергілікті сатушылар мен өндірушілерге зиян келтіреді деп сескеніп отыр. Соңғы бірнеше айда сайт әлеуметтік желілерде «миллиардер ретінде сатып ал» деген ұранмен төмен бағалар ұсынып, агрессивті жарнама жүргізуінің арқасында аймақта танымал бола...