Жаңалықтар

Қытай Халық Республикасының (ҚХР) билігі жүрілген көліктердің экспортын қатаң бақылауға алу ережелерін енгізуді жоспарлап отыр. Бұл туралы CarNewsChina басылымы хабарлады. Басты себеп — шетелге көлік жөнелту көлемінің артуы және жаңа автокөліктердің формалды түрде «қолданылған» деп көрсетілу жағдайларының жиілеуі. Бұл өзгерістердің ықпалы Қазақстанға да әсер етуі мүмкін.

Қытайдың Сауда министрлігі қолданыстағы көліктер экспортына бақылауды күшейту қажеттігін мәлімдеді. Жаңа шаралар мәмілелердің ашықтығын қамтамасыз етіп, екінші нарыққа деген сенімді арттыруды көздейді. Сарапшылардың айтуынша, аз ғана жүрген немесе мүлде пайдаланылмаған жаңа көліктер «қолданыста болған» деп тіркеліп, жеңілдетілген жолмен экспортталып жатыр.  Осылайша көбі салық пен кедендік төлемдерді айналып өтуде.

2024 жылдың қорытындысы бойынша, Қытайдан...

Ұлытау өңірінде респиратор шығаратын зауыт ашылды. Бұл жайлы облыс әкімдігінің баспасөз қызметінен хабарлайды.

Жоба құны – 800 миллион теңге. Кәсіпорында жылына 5 миллион жеке қорғаныс құралы шығарылады, сондай-ақ 40-қа жуық азамат жұмыспен қамтылмақ. Жобаны жүзеге асырушы – «Ulytau Industrial Company» ЖШС.

Жалпы 2025 жылы өңірде жалпы құны 138 млрд теңгеге 17 инвестициялық жобаны іске асыру жоспарланған.

«Қазір Ұлытау облысының өндіріс, кәсіпорындарын қамтамасыз етеміз. Күзге қарай қуаттылығымызды арттырып, Қазақстан нарығына шығуды жоспарлап отырмыз. Ол уақытта өнімдеріміздің саны артып, қызметкерлер саны да көбеймек»-дейді инвестор Қалмұрат Мәдишев.

Экономиканы әртараптандыру мақсатында 2024 жылы Ұлытау облысында жалпы сомасы...

Кассациялық сот төрағалары тағайындалды/фото: Жоғарғы сот

Астанада қылмыстық, азаматтық және әкімшілік істер бойынша үш кассациялық сот жұмысын бастады. Тоқаев сот төрағаларын тағайындады.

​Азаматтық істер жөніндегі кассациялық сот төрағасы – Асқар Смайылов. Одан бөлек 37 судья жұмыс істейді.

Қылмыстық істер жөніндегі кассациялық сот төрағасы – Ақан Жұмағұлов және 20 судья бар.

Әкімшілік істер жөніндегі кассациялық сот төрағасы Берік Нәжімиденов және 18 судья жұмыс істейді.

Айта кетейік, 1 шілдеден бастап қылмыстық және азаматтық істерді алдын ала қарау жойылды.

Кассациялық соттар «жаппай кассация» принципі бойынша жұмыс істей бастады. «Жаппай» кассация, ең алдымен, істі іс жүргізуге қабылдау сатысымен ерекшеленеді.

Енді барлық келіп түскен шағым...

Қазақстан бүгінде 80-нен астам елге ауыл шаруашылығы өнімін экспорттауда. Мәселен, тек 2024 жылы Қатарға 750 мың доллардан аса сомаға қой мен ешкі етін жөнелткен.

Астанада Қазақстан мен Қатар арасындағы Сауда-экономикалық ынтымақтастық жөніндегі бірлескен үкіметаралық комитеттің жетінші отырысы өтті. Жиынға ҚР Ұлттық экономика вице-министрі Арман Қасенов пен Катардың халықаралық сауда жөніндегі мемлекеттік министрі Ахмед бин Мұхаммед әл Сайед төрағалық етті.

Кездесуде агроөнеркәсіптік кешенді дамыту және ет экспортының әлеуеті негізгі тақырыптардың бірі болды. Қазақстан бүгінде 80-нен астам елге ауыл шаруашылығы өнімін экспорттап отыр. Соның ішінде 2024 жылы Қатарға 750 мың доллардан астам сомаға қой мен ешкі еті жеткізілгені атап өтілді.

Тараптар...

Ресейдің Санкт- Петербор қаласында 23 жастағы жігіт Екінші дүниежүзілік соғысқа арналған баннерге «Сені сүйемін» деп жазған.

Rbc ақпаратына қарағанда, сол ісі үшін қылмыстық жауапкершілікке тартылды.

Оқиға бейнебақылау камераларына түсіп қалған. Полицейлер сол жазба арқылы күдіктінің жеке басын анықтап, оны ізін суытпай ұстады. Жігіт Волгоград облысынан келіпті. Оқиға кезінде ол аздап мас болғаны анықталды. Баннердегі «сүйемін» деген жазуды ол 21 жастағы сүйіктісіне арнапты.

Жас жігітпен бірге қыз да полиция бөлімшесіне жеткізілді. Қазіргі уақытта олардың үстінен қылмыстық іс қозғалған. Алайда қай бап бойынша тергеу жүргізіліп жатқаны нақты көрсетілмеген.

Қазір Петербордағы оқиға бойынша тергеу амалдары жалғасып жатыр.

Мұның алдында Ресейде Украина үшін...

Сыбайлас жемқорлыққа қарсы іс-қимыл ұлттық бюросының бұрынғы басшысы Талғат Татубаев ұсталды. Бұл туралы Бас прокуратура хабарлады.

«2025 жылдың 3 шілдесіде Қылмыстық кодекстің 146-бабы 2-бөлігінің 1), 2) тармақтарында көзделген қылмысты (азаптау) жасады деген күдікпен Сыбайлас жемқорлыққа қарсы іс-қимыл ұлттық бюросының бұрынғы басшысы Талға Татубаев ұсталды», – делінген ақпаратта.

Қазір сотқа дейінгі тергеп-тексеру жалғасып жатыр. Қосымша дәлелдемелерді жинауға бағытталған тергеу әрекеттері жүргізіліп жатыр.

Қылмыстық-процестік кодекстің 201-бабына сәйкес сотқа дейінгі тергеп-тексерудің өзге деректері жария етілмейді.

Айта кетейік, 2015 жылы Сыбайлас жемқорлыққа қарсы іс-қимыл ұлттық бюросы құрылды. 2019 жылы Сыбайлас жемқорлыққа қарсы іс-қимыл агенттігі атауын алды 2025 жылдың 30 маусымында...

Оңтүстік Кореяның билік органдары Temu және AliExpress онлайн платформаларында сатылып жатқан бірқатар балалар тауарларын қауіпсіздік талаптарына сай келмегені үшін сатылымнан алып тастауды талап етті. Тексеру нәтижесінде ойыншықтар, киім және аяқ киім сияқты өнімдердің құрамында адам денсаулығына аса қауіпті улы химикаттардың мөлшері бірнеше есе асып кеткені анықталды.

Сеул билігі осы платформалардан сатып алынған 35 түрлі балалар тауарына сараптама жүргізіп, олардың 11-і қауіпсіздік талаптарына сай келмейтінін анықтады. Атап айтқанда, 6 түрлі балалар қолшатырынан фталат негізіндегі пластификаторлар табылған. Бұл заттардың концентрациясы рұқсат етілген мөлшерден 400 еседен астам жоғары болған.

Улы ойыншықтар тудыратын аурулар…

Фталаттар әдетте пластикті иілгіш ету үшін қолданылады, біра...

Қаржы нарығын реттеу және дамыту агенттігі (ҚНРДА) банктерді барлық жаңа өнімдер туралы, сондай-ақ ескі өнімдердің шарттарындағы өзгерістер жайында ақпарат беруге міндеттемек. Бұл туралы агенттік жариялаған қаулыда жазылған.

Егер жоба қабылданса, банктер, микроқаржы ұйымдары мен сақтандыру компаниялары жаңа өнімдерді бекіткенде, осы өнім бойынша шарттың үлгі нұсқасын және бекітілген шарттарын – сыйақы мөлшерлемесін, қолданылу мерзімін, ең төменгі және ең жоғарғы сомасын, мерзімінен бұрын бұзу, толықтыру шарттарын және басқа да параметрлерін (ҚНРДА) жолдауға міндетті болады. Жаңа өзгерістер жайлы ақпарат 10 күн ішінде жариялануы керек.

Сондай-ақ қаржы ұйымдары өз өнімдеріне енгізілген өзгерістер мен толықтырулар туралы ҚНРДА-ны хабардар етуі тиіс.

Аталған қаулы...

Шетел университеттерінің Қазақстандағы филиалдары есігін айқара ашады. Баклавриат, магистратура және доктарантураға да түсуге болады.

Ғылым және жоғары білім министрі Саясат Нұрбек қазақстандықтарға шетелге шықпай-ақ, әлемнің мықты университеттерінің дипломын алуға мүмкіндік ашылғанын жария етті.

Ол Қазақстанда ашылған шетелдің 24 университетінің филиалдарының тізімін, ондағы факультеттер мен үміткерлерге қойылатын талаптарды көрсетіп берді.

Қос диплом алғыңыз келсе, шетелдік оқу орындарының шарттарымен танысып шығыңыз.

Шетел университеттерінің ішінде француз, орыс, қытай және өзге де батыс ЖОО-лары бар.

Сорбонна-Қазақстан институты

Білім беру бағдарламалары: Менеджмент, Есеп және аудит, Қаржы, Маркетинг, Халықаралық құқық, Жаһандану жағдайындағы халықаралық қатынастар, Су дипломатиясы, Мемлекеттік аудит.

Бакалавриатқа қабылдау тәртібі:

Қазақстан...

Алматыда Райымбек даңғылының бір бөлігінде 5 шілде сағат 23:00-ден бастап 6 шілде сағат 08:00-ге дейін көлік қозғалысы шектеледі.

Райымбек даңғылы бойымен Ахрименко көшесінен бастап Өтеген батыр көшесіне дейін екі бағытта автокөлік қозғалысы жартылай тоқтайды.

«Уақытша шектеу жылумен жабдықтау желілерін алдағы жылыту маусымына дайындау мақсатында 1983 жылы пайдалануға берілген магистральдық құбыржол учаскесінде жөндеу жұмыстарының қауіпсіздігін қамтамасыз ету үшін енгізіледі», – делінген ақпаратта.

Сондай-ақ шектеуге қатысты барлық ақпарат @AlmatyJoly Telegram арнасында, «2GIS» және «Яндекс карталар» сервистерінде жазылған.

Айта кетейік, 10 шілдеге дейін Мамыр көшесінде Абай даңғылынан Медеубеков көшесіне дейінгі аумақта құрылыс-монтаж жұмыстары жүргізіліп жатыр. Жөндеу жұмыстары...

ForteBank пен Home Credit Bank арасындағы келіссөздер шамамен үш ай жүргізілген. Екеуін толық біріктіру бір жылға дейін созылады деп жазады Kapital.kz ForteBank қаржы ұйымына сілтеме жасап.

Банктің түсіндіруінше, Home Credit Bank-ты сатып алу арнайы стратегияның бір бөлігі.

«Бұл қадам — Forte-ның нарықтағы үлесін арттыруға бағытталған ұзақмерзімді стратегиясын көрсетеді. Біз органикалық даму мен мұқият таңдалған сатып алуларды ұштастыра отырып, сенімді түрде алға жылжып келеміз. Home Credit Bank-тің тәжірибесін, технологияларын және өнімдерін өз командамызда қарсы алуға қуаныштымыз. Екі банктің синергиясы өсім мен инновацияларға серпін береді деп сенеміз», – деп жазылған ForteBank жауабында.

Жаңа активті сатып алу...

Алдағы демалыс күндерге арналған валюта бағамы анықталды. Қазақстан қор биржасының (KASE) мәліметінше, қазір 1 АҚШ доллары 519,51 теңге тұрады. Ұлттық валюта бағамы айтарлықтай өзгермесе, крипто қайтадан арзандап жатыр.

Доллар бағамы тұрақты

Доллар бір тәулікте бар болғаны 0,06 теңгеге арзандады. Апта басында теңге сәл де болса нығайған. Бір күн бұрын Құрама Штаттар валютасы қайтадан күш алған. Жалпы алғанда, осы апта ұлттық валюта үшін айтарлықтай тұрақты болды. Салыстырар болсақ, бір ай бұрын доллар 508 теңге болған. 30 күннің ішінде АҚШ валютасы шамамен 11 теңгеге күшейгенін көріп отырмыз.

Kurs.kz сайтының мәліметінше, Алматы қаласындағы ақша айырбастау мекемелерінде бір доллар 520 теңгеден қабылданып, 521 теңгеден сатылып жатыр. Астана қаласындағы...

Президент Қасым-Жомарт Тоқаев қазақстандықтарды Ұлттық домбыра күнімен құттықтады. Бұл туралы Ақорда хабарлады.

«Домбыра – ұлт болмысы, халық қазынасы. «Қазақ – нағыз қазақ емес, нағыз қазақ – домбыра». Әсіресе, өскелең ұрпақтың домбыраға деген ықыласы ерекше. Жастар төл мәдениетімізді терең түсініп, салт-дәстүрімізге құрметпен қарайды. Бұл – өте жақсы үрдіс. Өйткені ата-бабаларымыздың мәдени мұрасын көздің қарашығындай сақтау – нағыз отаншылдықтың көрінісі. Отанға сүйіспеншілік – мемлекеттілігіміздің темірқазығы. Қазақстан жастарының мұны жақсы түсініп, қолдайтынына ризамын. Мемлекет руханият саласын барынша дамыта береді. Дәстүрлі өнердің дүлдүлдері Қайрат Байбосынов «Қазақстанның Еңбек Ері», Айгүл Үлкенбаева, Айгүл Қосанова «Қазақстанның халық әртісі» атағына ие болды...

Қазақ эстрадасының жарық жұлдызы Қайрат Нұртас 7 шілде күні Астана қаласында өтетін ән кешін тікелей эфирде көрсетуі мүмкін. Әнші бұл туралы өзінің Instagram парақшасында жариялап, тыңдармандарынан пікір сұрады.

«Ассалаумағалейкум, менің сүйікті тыңдармандарым 7 шілде күні Астана қаласында өтетін ән кешімді тікелей эфирде телеграмм арқылы көрсетілім жасасам қалай ойлайсыздар? ИӘ немесе ЖОҚ деп жауап қалдырыңыздар! Сіздер не айтасыздар – сол болады», – деп жазды Қайрат Нұртас.

Желі қолданушылары бұл жаңалықты жылы қабылдап, пікір қалдырып жатыр. Көпшілік Қайраттың ән кешін онлайн форматта да көруге мүмкіндік болатынына қуанышты.

Аrdingly Astana жекеменшік мектебі AIX биржасына 4,9 млрд теңге көлемінде облигация орналастырды. Мектепті Primus Education компаниясы арқылы бұрынғы Алматы қаласы әкімінің орынбасары Сапарбек Тұяқбаев пен кәсіпкер Нұрлан Құрақбай иелік ететін инвестициялық компания басқарады.

Облигациялар 2 маусымда орналастырылған. Әрқайсысы 1 000 теңгеден 4,9 миллион облигация шығарды. Бұл облигациялар 2030 жылға дейін, яғни бес жылға есептелген. Жылдық купондық мөлшерлемесі – 21,5%, төлем тоқсан сайын жүргізіледі.

Мектеп таратқан мәліметке сәйкес, тартылған қаражат жаңа кампус салуға жұмсалады. Оның ашылуы 2026 жылға жоспарланған. Кампуста 1 000-ға дейін оқушы білім алады. Жаңа ғимаратта бассейн, спорт алаңдары, музыка, драма, бейнелеу өнеріне арналған мамандандырылған кабинеттер мен...

Батыс Қазақстан облысы аумағында киік санын реттеу жұмыстары ресми түрде басталды. Бұл туралы облыс әкімінің баспасөз қызметі хабарлады.

Реттеу жұмыстары 30 қарашаға дейін жалғасады.

«Киік популяциясын реттеу – табиғи тепе-теңдікті сақтау, жайылым жерлерге зиян келтірмеу және ауыл шаруашылығы алқаптарын қорғау мақсатында ұйымдастырылып отыр», – деп түсіндіреді әкімдік.

Киік санын реттеу жұмысына 40-қа жуық маман тартылып, 4 арнайы бригада жасақталған. Әр бригада 3 техникамен қамтамасыз етілген, жалпы саны 12 техника жұмылдырылған.

Әкімдік 2025 жылы жүргізілген авиациялық есеп нәтижесінде Батыс Қазақстан облысы аумағында киіктердің жалпы саны 2,3 млн басқа жеткені анықталғанын айтады. Ғалымдар әзірлеген биологиялық негіздемеге...

Транснефть вице-президенті Андрей Бадалов биіктен құлап кеткен. Құзырлы органдар шенеуніктің өзіне қол жұмсағанын хабарлаған.

«Транснефть» вице-президенті Рублевское тас жолындағы пәтерінің терезесінен құлап кетті. Алдын ала болжам бойынша, «өлімге өз-өзіне қол жұмсау себеп болды», – деп хабарлады Ресей басылымдары.

Ресей БАҚ-тарының хабарлауынша, компания топ-менеджері оныншы қабатта тұрған. Бірақ оның ғимараттың 17-ші қабатынан құлағаны айтылады. Ресейдің құзырлы органдары Бадаловтың өзіне қол жұмсамас бұрын әйеліне хабарлама жіберіп, қоштасқанын мәлімдеген.

Айта кетейік «Транснефть» Ресейдегі және әлемдегі ең ірі мұнай мұнай компаниясы саналады. Андрей Бадалов компанияның цифрлық трансформациясы мен IT қызметін 2021 жылдан бері қадағалап келген...

iPhone 17 Pro Max флагмандық моделі Apple смартфондарының ішінде ең сыйымдылығы жоғары аккумулятормен жабдықталады. Бұл туралы MacRumors басылымы беделді инсайдер Instant Digital-ге сілтеме жасап хабарлайды.

Инсайдерлік ақпаратқа сүейнсек,  iPhone 17 Pro Max батареясының сыйымдылығы шамамен 5000 мА сағат болады — бұл Apple үшін рекордтық көрсеткіш. Қазіргі iPhone 16 Pro Max үлгісіндегі аккумулятормен салыстырғанда 324 мА сағатқа артық.

Жаңа үлгідегі аккумулятордың 5000 мА сағатқа дейін ұлғаюы 35 сағатқа дейінгі автономды жұмысқа мүмкіндік беруі мүмкін. Бұл дегеніміз  iPhone 16 Pro Max көрсеткішінен 2 сағатқа артық. Сондай-ақ, автономдылықтың артуына энергоүнемді Apple A19 Pro чипі мен жаңа Qualcomm Snapdragon X80 модемі әсер ету...

First Trust Financial AlphaDEX (FXO) америкалық қаржы қоры Тимур Турловқа тиесілі Freedom Holding Corp (FRHC) холдингінің қарапайым акцияларын өз индексіне қосты. Корпорацияның FXO-тегі 185 мың акциясының үлес салмағы 1,22% болды.

FXO Чикагодағы Arca қор биржасында саудаланады. Бұл биржа Нью-Йорктегі NYSE-ге тиесілі. Оның провайдері – америкалық First Trust.

Tradernet мәліметінше, ETF FXO-ның бір қағазы қазір 57,19 доллар тұрады. Биржадағы сауда барысында құнды қағаз бағасы 0,87%-ға көтерілді.

Ал FRHC акцияларының құны 3 шілдедегі сауда барысында 2,72%-ға, яғни 3,8 долларға қымбаттап, 143,33 долларға дейін жетті. Жыл басынан бері корпорация акцияларының құны 9,4%-ға өсті.

2025 жылғы мамырда FRHC америкалық ірі компаниялардың дамуын бақылайтын...

АҚШ президенті Дональд Трамп 2026 жылдың 4 шілдесінде Ақ үй аумағында UFC турнирін өткізетінін мәлімдеді. Бұл күн — Америка Құрама Штаттарының Тәуелсіздік декларациясының 250 жылдығына орай белгіленген ерекше дата.

«Біз UFC жекпе-жегін Ақ үйде өткізгелі отырмыз. Дана Уайт бұл іске кірісіп кетті. Біз 20–25 мың адамға арналған чемпиондық айқас ұйымдастырғымыз келеді», – деді Трамп журналистермен кездесуде.

Кейінірек Ақ үйдің баспасөз хатшысы Кэролайн Ливитт Трамптың бұл жоспарына шын мәнінде байыппен қарап отырғанын растады.

Трамп UFC-дің бұрыннан жанкүйері сондай-ақ, ұйым президенті Дана Уайтпен тығыз қарым-қатынаста. Трамп бірнеше мәрте UFC турнирлеріне қатысып, 2024 жылғы президент сайлауындағы жеңісінен кейін...

Qurt деген лақап атпен өнер көрсететін рэпер Дамир Қойшыбаевтың әйелі Аружан Қойшыбаева күйеуі соққыға жыққанын мәлім етіп, көгерген санының суретін жариялады.

Аружан Қойшыбаеваның айтуынша, 27 маусым күні күйеуі өзін таңғы сағат 10 шамасында белдікпен бір сағат бойы ұрған.

«Белдік үзіліп қалғаннан кейін, басқа белдікпен ұруын жалғастырды. Мен пәтерден жүгіріп шыға алмай қалғандықтан, айқайлай бастадым. «Көмектесіңіздер, құтқарыңыздар, мені өлтіріп жатыр» деп айқайлаған даусымды естіген көршілер сыртқа шығып, мені құтқарып қалды», – деп жазды рэпердің әйелі.

Ол күйеуін қатты жақсы көргендіктен бұл жағдайды жария етуге қорыққанын, алайда күйеуінен еш өкініш көрмегенін айтады.

Биыл жарты жылда Шымкентте 530 адамды кене шаққан. Бұл өткен жылмен салыстырғанда шамамен 30%-ға артық. Бұл туралы қалалық санитарлық-эпидемиологиялық бақылау департаменті басшысының орынбасары Айгүл Тұрымбетова мәлім етті.

Айгүл Тұрымбетова Шымкент қаласы құтыру, Сібір жарасы, Конго-Қырым геморрагиялық қызбасы, бруцелез ауруының қолайсыз аумағына жататынын айтады.

Оның айтуынша, көрші жатқан Түркістан облысы Сібір жарасы мен Конго-Қырым геморрагиялық қызбасының табиғи ошақтары орналасқан. Оған қоса тұрғындар ауыл шаруашылығы малдарымен тығыз байланыста. Сондықтан қала тұрғындарына бұл ауруларды жұқтыру қаупі әрдайым бар.

6 айда қалада оба, тырысқақ, құтыру, Сібір жарасы ауруы тіркелмеген. Конго-Қырым геморрагиялық қызбасы ауруын 2 адам жұқтырған, бруцеллез ауруымен 7 адам ауырған.

Утилизациялық алымдардан түскен қаражат Алматыдағы қоқыс таситын көлік паркiн жаңартуға жұмсалды.

 «Жасыл даму» АҚ хабарлауынша, қалалық қатты тұрмыстық қалдықтарды жинау және шығарумен айналысатын «Ақ Тәртіп» ЖШС-не 50 бірлік арнайы техника табысталды. Бұл техника утилизациялық төлемдер есебінен қаржыландырылатын жеңілдетілген мемлекеттік бағдарлама аясында 3,3 млрд теңгеге сатып алынған.

Бұл машиналар «Еуро-5» экологиялық стандартына сай дизельді қозғалтқыштармен, көлемі 12 текше метр болатын артқы жүктеме жүйесімен жабдықталған. Сондай-ақ, түрік өндірісінің гидравликасымен және 6,3 метрге дейін жететін кран-манипулятормен жабдықталған, оның ішінде көмілген контейнерлерге қызмет көрсетуге мүмкіндік береді.

«Бұл жоба кәдеге жарату алымының ел экономикасына қайта оралуының және бизнеске экологиялық маңызды...

Алматы қаласында Әл-Фараби мен Назарбаев даңғылдарының қиылысында испан мүсіншісі Жауме Пленсаның алып мүсіні ашылды. Бұрымды қыздың алып басы миллионер Нұрлан Смағұловтың Almaty Museum of Arts ғимараты алдына орнатылды.

«Надэс» деп аталатын мүсіннің биіктігі 12 метр. Қос бұрымды әйелдің көзі жұмулы. Туынды — түйсікке терең үңілу, ішкі тыныштық пен жан-дүние символы.

«Мен нақты адамдармен жұмыс істеймін – олардың жүздерін сканерлеп, бейнені тұлғалық ерекшеліктер жойылғанша трансформациялаймын. Мен әр көрермен сол бейнеден өзін көрсе деймін. Бұл жүздер айнаға айналады», – дейді Жауме Пленса.

Мүсін авторы осы тәріздес мұндай туындыларын «жанның портреті» деп атайды. Олар қаланың қарбалас дыбысын бәсеңдетіп...