Жаңалықтар

Өзбек банкирі, Anorbank иесі Кахрамонжон Олимовті Парижде ұрлап кетті. Қарақшылар босату үшін 5 млн доллар талап еткен.

Курсивтің өзбек редакциясының ақпаратынша, Олимов Парижге іскерлік кездесуге барған.

Қаланың орталық көшелердің бірінде белгісіз адамдар оны  ұстап әкетіп, Ниццадағы бір вилланың жертөлесіне апарыпты. «Өлтіреміз» деп қорқытып, бірнеше сағат бойы ұрып-соққан.

«Өлтіреміз» деп қорқытқан

Куәгерлердің айтуынша, қылмыскерлердің бірі орыс тілінде шешен акцентімен сөйлеген көрінеді. Олар Олимовтан 10 млн доллар қарызды қайтаруды талап еткен. Адам ұрлаушылар Еуропадағы инвестициялары мен Anorbank-тің ішкі жағдайынан жақсы хабардар екен.

Делдалға 200 мың доллар

Азаптаудан кейін Олимов психологиялық және физикалық күйзеліске түскен...

Биылғы шомылу маусымында Алакөл жағалауындағы қауіпсіздік пен қоғамдық тәртіпті қадағалауда дрондар мен бейнекамералардың мүмкіндігі кеңінен пайдаланылады. Бұл туралы Жетісу облысы әкімінің баспасөз қызметі хабарлады.

Жетісу облысында тыйым салынған жерлерде су көліктерінің бақылаусыз қозғалысы мәселесін реттеу мақсатында Суды ортақ пайдалану ережесі бекітілген. Ережелердің сақталуын көліктік бақылау инспекциясы қадағалайды, бұл ретте инспекторлар саны ұлғайтылған. 3 су көлік тұрағы мен құқық бұзушыларға арналған арнайы 1 айыппұл тұрағы қарастырылған.

5 маусымнан бастап Алакөл ауданы Ақши және Көктұма ауылдарындағы көл жағалауларында қоғамдық тәртіпті қамтамасыз етуге полиция қызметкерлері жұмылдырылған. Бұдан бөлек жол патрулінде арнайы автоэкипаждар қызмет етеді.

– Осы жылды...

Қазақстанда шілде айының алғашқы жексенбісі — Ұлттық домбыра күні ретінде аталып өтеді. Биыл бұл мереке 6 шілдеге сәйкес келіп отыр. Домбыра күні 2018 жылы ҚР Президентінің жарлығымен бекітілген.

Еліміз бойынша 300-ге жуық іс-шара өтеді

ҚР Мәдениет және ақпарат министрлігі биылғы Домбыра күніне арналған республикалық деңгейдегі іс-шаралар жоспарын бекітті. Мереке аясында еліміз бойынша 300-ге жуық мәдени-көпшілік шара өтеді, оның ішінде 200-ден астамы өңірлерде ұйымдастырылады.

Алматы мен Астанадағы басты іс-шаралар:

Түркістан облыстық білім басқармасының бұрынғы басшысы Ғалымжан Жұмашевқа және онымен бірге істі болып жатқан бұрынғы прокурор Нұрсұлтан Тілешовтің ісі бойынша үкім шықты. Істі Шымкент қаласының қылмыстық істер жөніндегі мамандандырылған ауданаралық соты қарады. Сот Ғалымжан Жұмашевты 7 жыл 6 айға бас бостандығынан айырды. Ал Нұрсұлтан Тілешовті 2 жыл 8 айға бас бостандығын шектеді.

Ғалымжан Жұмашев Қылмыстық кодекстің «Алаяқтық» және «Қылмыстық жолмен алынған ақшаны және өзге мүлікті заңдастыру» бабымен кінәлі деп танылды. «Қылмыстық жолмен алынған ақшаны және өзге мүлікті заңдастыру» бабы негізінде Шымкент қаласы Достық ықшам ауданындағы «Жаннұр» жекеменшік мектебі мен ондағы жер телімін мемлекетке қайтаруды міндеттеді. Сондай-ақ оны өмір бойына мемлекеттік...

«Сейф-Ломбард» микроқаржы ұйымы еншілес компаниясы – Cashdrive Ltd-ны иелігінен шығарды. Cashdrive көлік кепілі арқылы шағын несие берумен айналысады. Бұл туралы мәлімет KASE (Қазақстан қор биржасы) сайтында жарияланды.

Енді «Сейф-Ломбард» микроқаржы ұйымының иелігінде 5 компания қалған.

2024 жылдың ақпанында «Сейф-Ломбард» компаниясының экс-құрылтайшысы, ресейлік банкир Игорь Ким Ұлыбританияның санкциясына іліккен болатын. Сол себепті ресейлік банкир Қазақстандағы «Сейф-Ломбард» ЖШС мен «Береке» микроқаржы компаниясындағы өз үлесінен бас тартатынын мәлімдеген. 

Биыл 31 наурызда ол «Сейф-Ломбард» ЖШС-дағы 98,9% үлесін Эдуард Лиге сатып, компания қатысушылары қатарынан шықты.

«Сейф-Ломбард» – Қазақстандағы ірі ломбардтардың бірі. Актив көлемімен тізімде төртінші орында тұр. 2024 жылы 4,7 млрд теңге таза пайда тапқан

Орталық Еуразия елдерінің стартаптары TechCrunch Startup Battlefield финалына қатыса алады. Бұл туралы Silkroad Innovation Hub баспасөз қызметі хабарлады.

«Silkroad Innovation Hub TechCrunch және Freedom Holding-пен серіктестікте Орталық Еуразиядағы стартаптар үшін Сан-Францискодағы TechCrunch Disrupt HUB 2015 дейін өтініш берген ең ірі технологиялық конференцияда TechCrunch Startup Battlefield стартап алаңының финалына қатысуға тікелей жол ашатын бірінші аймақтық іріктеу кезеңі басталды» , – делінген баспасөз хабарламасында.

Компания мәліметінше, бұл шараға қатысу үшін 15 шілдеге дейін өтінім беріп үлгеру керек. Конкурсқа Әзербайжан, Грузия, Қазақстан, Қырғызстан, Моңғолия, Тәжікстан, Түркия және Өзбекстан елдерінің стартаптары қатыса алады.

Бұл конкурста үздік...

Қасым-Жомарт Тоқаев Көлік министрі Нұрлан Сауранбаевты қабылдады. Бұл туралы Ақорда хабарлады.

Кездесуде елдің көлік-транзит әлеуетін арттыру мәселелері талқыланған.

Президент Қазақстан аумағы арқылы жүк тасымалын ұлғайту мәселесінде автомобиль жолдары мен авиахабтарды дамыту маңызды екенін айтқан. Сондай-ақ жүк тасуда әлеуеті жоғары теміржол саласындағы ауқымды инфрақұрылымдық жобаларды жүзеге асыру мәселесіне ден қоюды тапсырды.

Президент тапсырмасына сәйкес, Сауранбаев көлік-логистика секторының ЖІӨ-дегі үлесін ұлғайту үшін бұл жұмыстарға кедергі келтіретін факторларды сараптап, саланы дамыту тәсілдерін қайта қарауы қажет.

Мемлекет басшысы көлік дәліздерінің өткізу мүмкіндігін кеңейтіп, Қазақстанның Еуразиядағы негізгі сауда-логистика торабы ретіндегі рөлін нығайту үшін жан-жақты әрі тиімді шаралар қабылдауды міндеттеді.

Жұма, 4 шілдеге арналған валюта бағамы анықталды. Қазақстан қор биржасының (KASE) мәліметінше, 1 АҚШ доллары 519,57 теңге тұрады. Ұлттық валюта сәл арзандаса, крипто құны күрт көтерілді.

Доллар қымбаттады

Доллар бір тәулікте 1,09 теңгеге қымбаттады. Апта басында теңге сәл де болса нығайған. Енді Құрама Штаттар валютасы қайтадан күш ала бастады. Салыстырар болсақ, бір ай бұрын доллар 508 теңге болған. 30 күннің ішінде АҚШ валютасы шамамен 11 теңгеге күшейгенін көріп отырмыз.

Kurs.kz сайтының мәліметінше, Алматы қаласындағы ақша айырбастау мекемелерінде бір доллар 519,5 теңгеден сатылып, 521 теңгеден қабылданып жатыр. Астана қаласындағы валюта саудасы – 524 және 518 теңге.

Крипто да қымбаттады

Bitcoin (BTC) қымбаттап жатыр. Қазір BTC...

Перизат Қайрат басқарған Biz Birgemiz Qazaqstan 2030 қорын тарату туралы шешім өзгеріссіз қалды. Ақпаратты Астана қаласы сотының баспасөз қызметі растады.

Істі Астананың апелляциялық сот алқасы 2025 жылдың 2 шілдесінде қараған. Нәтижесінде бірінші сатыдағы сот актісі өзгеріссіз қалды.

Biz birgemiz Qazaqstan 2030 қоры 2025 жылдың наурызында жабылды. Ол кезде қорды жою туралы талаппен Астана қаласының мамандандырылған ауданаралық экономикалық сотына Әділет департаменті жүгінген.

Қылмыстық іс сотқа жіберілді

2024 жылдың 14 қарашасында «BizBirgemiz Qazaqstan» қайырымдылық қорының жетекшісі Перизат Қайраттың ұсталды.

Қаржы мониторингі агенттігінің мәліметінше, Қайрат 2021-2024 жылдар аралығында қайырымдылық көмек көрсету мақсатында халықтан ақша жинаған. Ол бұл қаражаттар мұқтаж балаларға, Палестина және су...

Олимпиада жүлдегері болған Жазира Жаппарқұлды қосымша кәсіп ашқаны үшін жұмыс істеп жүрген спорт мектебінен қудалап жатыр. Журналист Ақырыс Сейтқазы фейсбуктегі парақшасына осылай жазды.

«Енді Шымкент қалалық спорт басқармасы базарда істейтін болсаң, мындағы орынды босат деп, қиғылық салып жатыр. Қазір Жазира Жапарқұл денсаулық жағдайына байланысты демалыс алған. Егер жағдайы бес боп тұрса, Жазира базар аралап жүрмейді ғой. Артспортқа алған спорттық құрылғылардың біразын арзан бағаға, біразын тегін беріп жіберіпті. Әлі біраз кілем, татамилері шаң басып, қорада тұр. Мемлекеттің бағдарламасынан опық жеген спортшыға осылай бас салу дұрыс па?», – деп жазды журналист.

Өзінің кәсібі жайлы спортшы...

6 шілде — Астана күні. 2025 жылы бұл мереке ұзағырақ тойланады. Олай дейтініміз, қазақстандықтар үш күн қатарынан демалады. Оған қоса, бас қала күніне орай мәдени бағдарламаның да неше түрі жоспарланып отыр. Жаңа қоғамдық орындардың ашылуы да мерекеге орайластырылған.

Мерекенің шығу тарихы

Астана күні ресми түрде 6 шілде күні тойланады. Олай болса, бұл мерекенің тарихына аз-кем тоқтала кетсек.

Бас қаланың Алматыдан орталыққа көшірілуіне не себеп болды?

90-жылдардың басында, Қазақстан тәуелсіздік алған кезде ресми астанамыз Алматы болған екен. Дегенмен уақыт өте келе әкімшілік орталықты ауыстыру керек деген шешім шығарылады. Оған мына нәрселер себеп болған:

Ұлттық компаниялар жарғылық капиталын арттыруға бөлінген қаржыны жыл соңына дейін игермесе, бюджетке қайтаруға міндетті. Бұл туралы Жоғары аудиторлық палата (ЖАП) хабарлады.

Аудиторлық палата пайдаланылмаған қаражатты бюджетке қайтару механизмі бекітілгенін және ол қолданыстағы Салық кодексіне енгізілгенін жазады.

«Бұл қадам мемлекет қаражатын пайдалану тиімділігін арттыруға мүмкіндік береді. Ұлттық компаниялардың шоттарында «қажетсіз бос жатудың» орнына қаржы бюджетке қайтарылады. Нәтижесінде қаражат анағұрлым маңызды және шұғыл міндеттерге, мысалы, ұзақ мерзімді инвестициялық жобаларды іске асыруға бағытталуы мүмкін»,- делінген ЖАП хабарламасында.

Мұндай тәсіл бюджет қаражатын мақсатсыз немесе тиімсіз пайдалану тәуекелін азайтуға, ашықтық пен есептілікті күшейтуге мүмкіндік бермек.

Дүниежүзілік денсаулық сақтау ұйымы тәтті сусындар алкоголь және темекі өнімдерінің бағасын 2035 жылға дейін 50%-ға көтеруге шақырды. Осы шешімнің арқасында қант диабеті, жүрек аурулары мен қатерлі ісіктен болатын өлім-жітімді азайтуға болады деп санайды.  

Дүниежүзілік денсаулық сақтау ұйымының (ДДҰ) жаңа бастамасы «3-ке 35» деп аталады. Ол темекі, алкоголь және тәтті сусындармен күресуге бағытталған.

Бұл 10 жылдық бағдарламаның мақсаты — диабеттен, жүрек ауруларынан және онкологиялық сырқаттардан болатын өлім-жітімді азайту, сондай-ақ денсаулық сақтау саласын қаржыландыруды арттыру.

ДДҰ-ның жақында жариялаған есебінде айтылғандай, бұл өнімдерге бағаны бір реттік 50%-ға көтеру алдағы 50 жыл ішінде 50 млн мезгілсіз өлімнің алдын алуы мүмкін.

3 шілде күні Қазақстанның үздік теннисшісі Елена Рыбакина Уимблдон турнирінің екінші кезеңінде өнер көрсетеді. Қарсыласы грекиялық спортшы Мария Саккари.

Матч Астана уақыты бойынша 18:30-ға жоспарланған. Кездесуді sportplus телеарнасынан және ресми сайтынан онлайн көруге болады.

26 жастағы Рыбакина — әлемнің бұрынғы үшінші ракеткасы, қазіргі таңда ол WTA рейтингінде 11-орында тұр. Елена «Үлкен дулыға» турнирлерінің бірін — 2022 жылы осы Уимблдонды жеңіп алған. Сондай-ақ, 2023 жылы Australian Open финалына дейін жетіп, шешуші матчта беларусьтік Арина Соболенкоға жол берген еді.

Қарсыласы — 29 жастағы Мария Саккари де 2022 жылдың наурызында WTA рейтингінде үшінші орынға көтерілген. Алайда қазіргі уақытта ол 77-сатыға төмендеген. Грек...

Қытай көліктері мен корей көліктерінің сапасы салыстырылды. Ұлыбританияның көлік сарапшылары тест-драйв өткізді.

Сarwow ақпаратына қарағанда, олар Қытай көліктері мен кәріс көліктерін сынақтан өткізіп, қайсысы жақсырақ екенін анықтап, қорытынды шығарды. Бұл көлік сатып алғысы келетіндерге жақсы кеңес болмақ.

Қытай көліктерінің ерекшелігі

Қытай автокомпаниялары бүгінде Еуропа нарығын бағындырып жатыр. BYD, Omoda, Jaecoo, Leapmotor сияқты түрлі брендтер көздің жауын алатын көліктерін ұсынады. Қытай көліктері көбіне қолжетімді бағасы және сансыз көп жабдықтары арқылы ерекшеленеді. Сарапшылар сапасы мен жүрісін сынақтан өткізіп, жақсы және жаман тұстарын айқындаған.

Артықшылығы неде?

Қытай көліктері Еуропа, Жапония немесе Оңтүстік Корея көліктерімен салыстырғанда арзан немесе бағасы...

Жамбыл облысының бұрынғы әкімі Кәрім Көкірекбаев 12 жылға сотталды. Бұл туралы Алматы облысы сотының баспасөз қызметі хабарлады.

Іс Алматы облысының қылмыстық істер жөніндегі мамандандырылған ауданаралық сотында алқабилердің қатысуымен өткен.

Кәрім Көкірекбаев пен Ахатаевқа қатысты іс қылмыстық кодекстің 366-бабы (аса ірі мөлшерде пара алу), ал Поплавскийға 195 және 367-баптары (аса ірі мөлшерде пара беру, сондай-ақ ұрлау мақсатынсыз мүліктік залал келтіру) бойынша айып тағылған.

Сот Көкірекбаев пен Ахатаевтың лауазымды тұлғалар бола отырып, ЖШС директоры Поплавскиймен сөз байласып, орындалған жұмыстар актілеріне кедергісіз қол қою үшін одан аса ірі мөлшерде пара алғанын анықтады. Сондай-ақ Поплавский, шын мәнінде, орындалмаған құрылыс-монтаж жұмыстарының актілеріне қол қоюды...

Мәжіліс депутаты Самат Нұртаза бір топ депутат Астанадағы LRT-мен сапар шеккенін хабарлады.

Депутат сапар қорытындысы бойынша есеп жариялап, алған әсерін бөліскен.

«Жоба құны 1 миллиард 880 миллион доллар. Иә келісем, сұмдық сома. Бекеттердің саны – 18. Бекеттер арасындағы қашықтық әр қилы. 400 метрден 2 километрге дейін. Бекеттерде эскалатор мен лифттер қарастырылған. Бір құрамның ішінде 4 вагон, бір-бірінің арасы ашық. Құрам саны – 19 дана. Поездардың интервалы 2-4 минут деп отыр», – дейді ол..

Самат Нұртаза вагондардың сапасы жақсы, пластигі жұмсақ екенін айтады. «Әуежай – Нұрлы Жол Вокзал” маршрут ытолық аяқталып, іске қосылған соң, «Қосшы...

2025 жылы Астана халықаралық қаржы орталығының биржасы (AIX) бөлшек инвесторлар үшін жаңа өнім – Ұлттық банктің алтын монеталарын сатып алу мүмкіндігін енгізген. Сауда-саттық Tabys мобильді қосымшасы арқылы жүргізіледі. Осы уақыт аралығында Ұлттық банктің алтын монеталары 8 млрд теңгеге сатылған.

AIX өкілдерінің айтуынша, бұл өнім – алтынмен қамтамасыз етілген активтерге инвестициялаудың ыңғайлы тәсілі. Сауда халықаралық алтын бағасы мен теңге бағамына байланған.

Алтын монеталардан бөлек, 2025 жылдың алғашқы жартыжылдығында биржада 86 жаңа қаржы құралы листингке шығарылды. Олардың қатарында еурооблигациялар, құрылымдық өнімдер, биржалық қорлар (ETF) және БАӘ дирхамындағы алғашқы облигациялар бар. Мәселен жақында АҚШ-тың ірі банкі – JPMorgan Chase Bank өз ноталарын...

«Баян Сұлу» компаниясы Ресейдегі жалғыз филиалын жабады. Бөлім Челябі қаласында орналасқан еді. Бұл жайлы Қазақстан қор биржасында жарияланған хабарламада жазылған.

Бұл шешімді «Баян Сұлу» компаниясының директорлар кеңесі 1 шілдеде қабылдаған, алайда оның себебі белгісіз. 2024 жылдың қарашасында компания Алматыдағы филиалының жабылғанын хабарлаған.

Өткен жылдағы қаржы есебіне сүйенсек, жалпы компанияның үш филиалы болды. Қазір оның екеуі Алматы және Қостанайда жұмыс істейді. Филиалдар – компанияның негізгі тіркелген мекенжайынан тыс орналасқан, жеке заңды тұлға болып саналмайтын, құрылымдық бөлімшелері.

Өткен жылдың қорытындысы бойынша, «Баян Сұлу» компаниясы таза пайдасын 23,1%-ға арттырып, 3,45 млрд теңгеге жеткізді. Алайда компанияның негізгі нарығы – Қазақстандағы сатылымы 9,2%-ға...

Португалия құрамасы мен Англияның атақты «Ливерпуль» клубының шабуылшысы Диогу Жота жол-көлік апатынан қаза тапты. Бұл туралы испандық беделді Marca басылымы хабарлады.

Қайғылы оқиға Испанияның батысындағы Самора провинциясында орын алған. Футболшының жасы небәрі 28-де еді. Жол апатында оның туған інісі де көз жұмған.

Диогу Жота футбол мансабындағы ең жарқын кезеңін «Ливерпуль» сапында өткізді. Англия Премьер-лигасының чемпионы атанып, ел кубогын және Англия лигасының кубогын жеңіп алды. Португалиялық ойыншы 2020 жылдан бастап «қызылдардың» намысын қорғап келді.

Оған дейін Жота «Вулверхэмптон», Испанияның «Атлетико Мадрид», Португалияның «Порту» және «Пасуш де Феррейра» клубтарында өнер көрсеткен.

Сондай-ақ, Жота бір апта бұрын ғана 22 маусыда отау құрған...

Қазақстанның Бірыңғай жинақтаушы зейнетақы қоры (БЖЗҚ) мамырдың екінші жартысында Израильдің мемлекеттік қарызына 7,5 млрд теңге инвестиция салған. Ұлттық банктің қазіргі курсымен есептегенде 14,9 млн долларға тең. Бұл жайлы қордың инвестпортфеліндегі есебінде жазылған.

БЖЗҚ облигациялары үш траншпен алынған. Әрқайсысына шамамен 2,5 млрд теңгеден төлеген. Барлық қаржы он жылдық облигацияларды сатып алуға бағытталған.

Бұл қағаздардың купондық мөлшерлемесі – 5,625%, купон төлемі жылына екі рет жүргізіледі. Облигациялар 2035 жылғы ақпанда өтелуі тиіс. Олар номиналынан төмен бағамен (98,01%) орналастырылған.

Қор алғашқы екі траншты бір күнде – 2025 жылғы 15 мамырда жүзеге асырды. Business Insider дерегінше, сол кезде облигациялар номинал құнының 98,3%-мен...

Түркістан облысы Төле би ауданы Қасқасу ауылы маңындағы Сайрам су өзенінде 27 жастағы әйел суға батып қайтыс болды. Марқұм отбасымен өзен жағасына демалуға барған. Бұл туралы облыстық төтенше жағдайлар департаменті хабарлады.

«Төле би ауданы Қасқасу ауылы маңында Сайрамсу өзенінен 1998 жылы туған әйелдің денесі табылды. Марқұм туыстарымен бірге «Сайрам-Өгем» ұлттық паркіне демалуға барған. Ол белгісіз жағдайла өзенге құлап кеткен», – делінген облыстық төтенше жағдайлар департаментінің хабарламасында.

Бейресми ақпаратқа қарағанда, әйел жүктіліктің төртінші айында болған.
Қайғылы оқиға 29 маусым күні болған. Марқұмның денесін құтқарушылар сол күні кешке тапқан.

Биыл Түркістан облысында шомылу маусымы басталғалы 5 адам суға кеткен...

Соңғы төрт айда елдегі іскери белсенділік рекордты деңгейге жетті. Осы уақыт аралығында алғаш рет кадр саны артқан. Бұл жайлы Freedom Holding Corp. PMI зерттеуінде жазылған.

Freedom Holding Corp. PMI сарапшылары 2025 жылдың бірінші жарты жылдығы қазақ қызмет көрсетушілері үшін сәтті аяқталды деп есептейді.

Маусымда Қазақстанның қызмет көрсету саласында жаңа тапсырыстар саны ауқымды әрі тұрақты түрде өсті. Оған қоса, қызмет көрсету саласында жұмыспен қамту қайта артып, қызметкерлер саны аздап ұлғайды.

Негізгі көрсеткіш – Іскери белсенділік индексі. Бұл көрсеткіш қазақ қызмет көрсету секторында қатарынан алтыншы ай өсім болғанын көрсетті. Сонымен қатар индекс
мамырдағы 54,3-тен 55,1-ге көтеріліп, қатарынан төртінші ай бойы өсіп...

Оқу-ағарту министрлігінің ресми өкілі Мереке Амангелдіқызы мессенджерлер мен әлеуметтік желілерде ақылы негізде «Педстарт» атты олимпиада өткізілетіні жөніндегі ақпаратқа түсінік берді.

Оның сөзінше, Оқу-ағарту министрлігінің бұл олимпиаданы ұйымдастыру мен өткізуге ешқандай қатысы жоқ.

«Аталған ақпарат шындыққа жанаспайды. Ал министрліктің фирмалық бланкісін заңсыз пайдаланып, жалған хабарлама таратқан тұлғалардың әрекеті – заңға қайшы. Осыған орай, білім беру ұйымдарының басшыларын және педагогикалық ұжымдарды қызметкерлер арасында түсіндіру жұмыстарын жүргізіп, Оқу-ағарту министрлігі ұсынбаған, ақылы әрі күмәнді олимпиадалар мен байқауларға қатысуға жол бермеуге шақырамыз», – дейді Мереке Амангелдіқызы.

Ведомство ресми өкілі министрлік ұсынған олимпиадалар мен байқаулардың тізімі №514 бұйрықпен бекітілгенін атап...