Жаңалықтар

Ғылыми-танымдық Qalam жобасы апта соңын пайдалы өткізу үшін қызықты материалдарын ұсынады. Бұл жолы тарихтағы ең танымал дарға асу ағашы, батырманың қашан ойлап табылғаны, «Сидони Жапонияда» фильміне рецензия және жаңа айдармен танысуға мүмкіндік бар.

Әлемдегі ең танымал дарға асу ағашы

Бүгінде Лондон орталығы Гайд-паркке жақын жер — смартфондармен жүрген туристер, бес жұлдызды қонақүйлер, Оксфорд-стриттегі дүкендер және Наполеонның жеңіс құрметіне қойылған Мәрмәр аркасы арқылы әйгілі. Алайда бұл орынның тарихы өте ерекше. Қазіргі Мәрмәр арка маңындағы алаң бұрын Британия тұрғындары үшін өлім жазасымен байланысты болған. Шамамен алты ғасыр бойы бұл жерде жазықтылар дарға асылған. 50 000-ға жуық адам сол алаңда өлім жазасына...

Шымкенттік «Ордабасы» футбол клубы ресми Instagram парақшасында жеті легионерімен қош айтысқанын мәлімдеді. Команда құрамын жаңартып, жас ойыншыларға мүмкіндік беруді жоспарлап отыр.

«Ордабасы» биылғы маусымды трофейсіз аяқтады. Клуб Қазақстан чемпиондығын қорғай алмай, төртінші орынға ие болып, Конференциялар лигасына жолдама алды. Маусым соңында шымкенттік клуб бразилиялық қорғаушы Режинальдо, колумбиялық Кристиан Товар украиналық қорғаушы Игорь Пластун, хорватиялық жартылай қорғаушы Ловро Цвек, украиналық шабуылшы Артем Беседин және беларуссиялық ойыншылар Сергей Игнатович пен Всеволод Садовскиймен қоштасты. Сонымен қатар клубтан кеткен ойыншылар қатарында қазақстандық Максим Федин мен Айбол Әбікен бар. Барлық ойыншының келісімшарттары аяқталған.

«Ордабасы» басшылығы әр ойыншыға команданың жетістіктеріне қосқан үлестері үшін алғыс білдірд...

Алматыда өткен «Қазақ аруы-2024» байқауында дауыс беру нәтижесіне қатысты даудан кейін, қайта дауыс беру ұйымдастырылды. Алайда қайта дауыс беру нәтижесінде тағы да Қызылорда өңірінің өкілі Ақкербез Ысқаққызы жеңімпаз атанды. Бұл туралы «Қазақ аруы» байқауының ресми Instagram парақшасында жарияланды.

Байқау продюсері Баян Мақсатқызының айтуынша, мұның алдында байқауда дауыс беру жүйесі расымен де істен шыққан. Оның сөзінше, шамамен жарты миллион адам дауыс берген, бірақ Telegram-бот барлық дауысты қабылдай алмаған. Осыған байланысты байқау жеңімпазын анықтау үшін қайта дауыс беруге шешім қабылданды.

Байқау отандық телеарна эфирінде көрсетілді. Дауыс беру сілтемесі жаңартылып, 2,5 сағат берілді. Тікелей эфир барысында халық қайтадан дауыс беріп, нәтижесінде...

Ақмола облысындағы Сабынды ауылының мешітінде газ жарылып, үш адам қайтыс болды. Бұл туралы Ақмола облысының төтенше жағдайлар департаменті хабарлады.

ТЖД мәліметінше, үйінді астынан ер адамның, әйел адамның және 12 жасар баланың мүрделері табылды. Тағы 16 адам зардап шегіп, Астанадағы ауруханаға жеткізілді.

«Құтқарушылар 6 газ баллонын тапты. Оқиға орнында облыстық ТЖД-ның 30 құтқарушысы мен 5 техникасы, сондай-ақ жедел құтқару тобының, апат кезендегі медицина орталығының мамандары, психологтар мен кинологтар жұмыс істеп жатыр», – деп хабарлады өңірлік ТЖД.

Денсаулық сақтау министірлігінің мәліметтері бойынша 6 адам реанимация бөлімінде, 7 адам жарақаттар, эндопротездеу және комбустиология бөлімінде, ал 3 бала...

Мемлекеттік кеңесші Ерлан Қариннің Karga Seven Pictures продюсерлік компаниясының өкілдерімен кездесуінде Netflix-тегі танымал жобалардың авторлары Алтын Орданың негізін қалаушы Жошы хан туралы сериал түсіретіні белгілі болды.

Сценарийді танымал сценарис Джастин Поллард пен Клэр Морсум, сондай-ақ қазақстандық және халықаралық тарихшылар мен сарапшылар бірігіп әзірлеген. Жобаға қатысты маңызды дайындық жұмыстары жүргізіліп, түсірілім өтетін жерлер де таңдалып қойған.

Кастинг аяқталғаннан кейін, түсірілім жұмыстары басталады деп жоспарланып отыр.

«2024 жылдың көктемінде біз Жошы хан туралы шағын сериалдың шығатынын жарияладық. Қазір біздің әріптестеріміз Джастин Поллард («Викингтер») және Клэр Морсум («Outlow King») сияқты танымал жазушылардың қатысуымен жасалған сценарийді әзірлеуді аяқтады. Сценариймен қазақстанды...

АҚШ-тың жаңа сайланған президенті Дональд Трамп Ақ үйдің баспасөз қызметінің басшысы ретінде 27 жастағы Каролин Ливитті тағайындады. Бұл оны АҚШ тарихындағы ең жас президенттің баспасөз хатшысы етеді. Бұл туралы BBC арнасы хабарлады.

Ливитт Трамптың 2024 жылғы сайлауалды науқаны кезінде оның баспасөз қызметін басқарған. Сонымен қатар, ол Трамптың алғашқы президенттік мерзімінде сол кездегі баспасөз хатшысы Кейли Макинанидің көмекшісі қызметін атқарған.

Трамп Ливиттің «ақылды әрі табанды» екенін, сондай-ақ, халыққа президенттің көзқарасын тиімді жеткізе алатынын айтты. Оның айтуынша, Ливитт американдықтарға Трамптың елді қайта ұлы ету жөніндегі бастамаларын түсіндіруде үлкен үлес қоспақ.

Каролин Ливитт Нью-Гэмпшир штатындағы Жаңа Англия өңірінен шыққан және Сент-Ансельм католик...

Astana IT University қабырғасында Қазақстанның әр өңірінің мектеп командаларының басын қосқан II «Chess Class» Олимпиадасы өтті. Турнирді Freedom Broker компаниясының қолдауымен KazChess/Қазақстан Шахмат федерациясы мен «Chess Legends LTD» ЖК өткізді.

Биылғы жылы жарысқа Қазақстанның 12 аймағының 35 командасына және Астана қаласының 19 командасына өкілдік ететін 174 ойыншы қатысты. Турнирдің жүлде қоры 3 000 000 теңге, жарыс аясында швейцариялық жүйе бойынша 7 тур өтеді.

Турнирдің ашылу салтанаты басшылардың құттықтау сөзінен және KazChess пен Astana IT University арасындағы ынтымақтастық туралы меморандумға қол қоюдан басталды. Келісім студенттерге шахмат білімін беруді дамытуға және шахматты кеңінен таратуға бағытталған бірлескен іс-шараларды өткізуге бағытталған. 

Әлемдік кинопрокатта үлкен сәтсіздікке ұшыраған жаңа «Джокер» фильмі кино сыншыларының да, көрермендердің де көңілінен шықпады. Алдыңғы бөлімнің танымалдылығына қарамастан, жаңа сиквел өзін ақтай алмады. Warner Bros. студиясы фильмнің маркетингіне 100 млн доллар жұмсап, жалпы бюджет 300 миллионға жетті. Алайда фильмнің табысы өте төмен болып, студияға 200 миллион долларлық шығын келтіру мүмкін деген болжам бар.

Фильм алғашқы уикендте жаман көрсеткіш көрсетті және «Морбиус» секілді сынға алынған фильмнен де төмен табыс тапты. Екінші уикендте табыс 70%-ға төмендеді, нәтижесінде «Джокер» сиквелі кассалық сәтсіздік рекордтарының бірі ретінде танылып отыр.

Кино тарихында бұған дейін де осындай ауқымды коммерциялық құлдыраулар болған. Мысалы, 1982 жылы режиссер Теренс...

Бұрынғы зерттеулерімізде біз тұтынушылық сенім индексі халықтың экономикалық және әлеуметтік күйзелістерге, ақпараттық тұтынуға, сондай-ақ қатысушылардың әлеуметтік-демографиялық сипаттамаларына байланысты өзгеретінін айтқан едік. Алайда кейбір елдерде тұтынушылардың неге пессимизм көрсететініне, ал кейбір елдерде оптимистік бағалаулар басым келетініне аз тоқталған едік. Бұл айырмашылықтардың негізі мәдениетке байланысты болуы мүмкін.

Қоғамның жаңаруы және мәдени эволюция

Жаһандану мен қоғамның жаңаруы түрлі елдерде әртүрлі нәтижелерге әкеледі. Әсіресе, физикалық және экономикалық қауіпсіздік деңгейі жоғары елдерде бұл өзгерістер айқын көрінеді. Жаңарған мемлекеттерде әлеуметтік өзгерістер орын алып, теңдікке негізделген құрылымдар қалыптасады. Мысалы, әйгілі зерттеуші Рональд Инглхарт мәдениеттегі өзгерістерді сипаттай отырып, қоғамның материалистік құндылықтардан (экономикалық өсім мен байлық) постматериалистік құндылықтарға...

27 жастағы блогер және боксер Джейк Пол сегіз раундтық жекпе-жекте аты аңызға айналған боксшы Майк Тайсонды жеңіп, өз мансабындағы он бірінші жеңісіне қол жеткізді. Джейк Полдың жеті жеңісі нокаутпен аяқталған. Бұл нәтижеге төрешілердің бір ауыздан шығарған шешімімен жетті. Тайсон үшін бұл жекпе-жек оның соңғы 20 жыл ішіндегі алғашқы ресми кездесуі болды.

Тайсонның қайта оралуы

58 жастағы «Темір Майк» Тайсон 2005 жылы рингтегі мансабын аяқтаған еді, бірақ 2024 жылы күтпеген жерден Джейк Полдың шақыруын қабылдап, рингке оралды. Осы жекпе-жек Тайсонның кәсіби мансабындағы жетінші жеңілісі болып саналады. Ол өз мансабында 50 жеңіске жетіп, оның 44-ін нокаутпен аяқтаған. Бұл жеңіліс Тайсон үшін...

Қазақстанда «Сапалы өнім» жобасы аясында жүргізілген ауқымды зерттеу нәтижелері 60%-дан астам өнімнің белгіленген нормаларға сай еместігін көрсетті. Бұл туралы Сауда және интеграция министрлігі хабарлады.

Әдемі жапсырмалардың артында не жасырылған?

«Сапалы өнім» жобасы тұтынушылардың құқықтарын қорғау және азық-түлік қауіпсіздігін қамтамасыз ету мақсатында басталған еді. Жобаның аясында қоғамдық ұйымдар Қазақстанның әртүрлі аймақтарында азық-түлік өнімдерін тексерді. Зерттеу барысында сарапшылар дүкендерден өнімдерді сатып алып, аккредиттелген зертханаларда талдаудан өткізді.

Зерттеу 1423 түрлі азық-түлік және тұрмыстық химия өнімін қамтыды. Нәтижелері алаңдатарлық: 69%-ында бұзушылықтар анықталды.

Ең көп кездескен кемшіліктер мыналар болды:

Маркировка: 83%-дан астам өнімде белгілеу талаптарына сай келмеу байқалды. Көп жағдайда құрам, өндіруш...

Абхазияның президенті Аслан Бжания оппозицияның қысымына қарамастан қызметінен кетпейтінін мәлімдеп, өз жақтастарына үндеу жасады. Бұл мәлімдемеден кейін оппозиция оған бір сағат ішінде отставкаға кету талабын қойған. Алайда, Бжанияның баспасөз қызметі оның өзінің туған ауылы Тамышта, Сухуми қаласынан 40 шақырым жерде орналасқанын растады. Кейбір мәліметтерге қарағанда, оппозиция оның Ресейдің әскери базасына орналасқанын алға тартқан, бірақ бұл ақпарат расталмады.

Сухумиде наразылық акциялары жалғасып жатыр. Митингке қатысушылар Ресей мен Абхазия арасындағы «инвестициялық келісімге» қарсылық білдіріп, үкімет ғимараттарының қоршауын бұзып, парламент пен президент әкімшілігінің аумағына кірді.

Қатысушылар милиция қызметкерлеріне жұмыртқа мен бөтелке лақтырып, олар тарапынан қарсылық көрсетілгеніне қарамастан, ғимараттарға кіре алды. Протест барысында...

Қазақстанның көп өңірінде қарашада қар жауып, қыстың лебі есе бастайды. Ал солтүстік өңірлерде бұл кезеңде ауа райы да борап тұрады. Алматы десеңіз, алғашқы қар түскеннен-ақ ең әуелі аяқты жылы ұстау керек екені бәріне белгілі. Биыл алғашқы қар жауып үлгерсе де, ауа райы әлі қуантып-ақ тұр. Сондықтан қысқа қамданып үлгермесеңіз, ештеңе етпейді. Бүгінгі материалымызда қыстық гардеробқа қанша кететінін есептеп көрдік. Сіз де бюджетіңізге қарай жылы киім алып үлгере аласыз.

Жоғарыда айтылғандай, елімізде қысқы маусым әр өңірде әртүрлі өтеді. Соған орай нақты бір қысқы гардероб құрастыру да қиындау. Мысалы, оңтүстік өңірлер өзге өңірлер сияқты қалың тон мен қыстық етік сатып алып іуре...

Волонтерлік қозғалыс белсендісі Перизат Қайратқа қатысты тергеу аясында жаңа заңсыз әрекеттер анықталды. Бұл туралы Қаржылық мониторинг агенттігі хабарлады.

ҚМА тергеу мәліметіне сәйкес, 2023 жылдың қараша айында Перизат Қайрат Палестина тұрғындарына гуманитарлық көмек көрсету үшін қаражат жинауды ұйымдастырған.

Алайда, желтоқсан айында Перизат Қайрат жиналған қаражатқа «Sensata Plaza» элиталық тұрғын үй кешенінен 49 миллион теңгеге үш бөлмелі пәтер және 30 миллион теңгеге жаңа «Mercedes-Benz EQE500 4 Matic» автокөлігін сатып алғаны анықталды.

Сонымен қатар, қаражаттың бір бөлігі БАӘ-де «Rolex», «Prada» және «Fendi» брендтік бутиктерінен зергерлік бұйымдар, сағаттар және киім-кешек сатып алуға жұмсалған.

Осы жағдайға байланысты Перизат Қайрат 200 миллион теңгеден астам...

Талғар қаласында Шерзат Болатты өліміне байланысты күдіктілердің туыстары әлемеуттік желіде бейне үндеу жариялап, халықтан кешірім сұрады. Олар жағдайдың екіжақты қаралуын, тек өз балалары ғана емес, оқиғаға қатысы бар басқа адамдардың да жауапкершілікке тартылуын талап етті.

Күдіктілердің туыстарының айтуынша, жанжал кезінде Нұрқанат (Шерзаттың ағасы) көліктен мылтық алып шығып, жігіттерге бағыттап оқ атқан. Сонымен қатар Шерзат еш себепсіз жігіттердің бірінің жағын сындырған. Қақтығыстың алдында олар өздері пышақ пен мылтық алып шыққандықтан, жағдай ушыққан. Туыстары өз балаларының кінәсін мойындап, халықтан кешірім сұрағанымен, қақтығысқа тек бір жақтың ғана кінәлі еместігін жеткізді.

Халықаралық Fitch Ratings агенттігі Қазақстанның тәуелсіз кредиттік рейтингін «BBB» деңгейінде қалдырды, ал болжамы «Тұрақты» деп белгіленді. Бұл туралы Экономика министрлігі хабарлады.

Қазақстанның рейтингін қолдайтын негізгі факторлардың бірі — сыртқы буферлердің қуаттылығы, бұл басқа елдермен салыстырғанда еліміздің қаржылық икемділігін қамтамасыз етеді. Ұлттық қордың және алтын-валюта резервтерінің көлемі елдің ЖІӨ-сінің 38%-ына жетіп отыр. Бұған 8,4% деңгейіндегі инвестициялық кірістер мен алтын бағасының өсуі оң әсерін тигізуде.

Fitch аналитиктері Қазақстанның көлік және жаңартылатын энергия секторларын дамытуға бағытталған қадамдарын атап өтті. Бұл шаралар елдің мұнай саласына тәуелділігін біртіндеп азайтуға септігін тигізеді. Сонымен қатар, кең ауқымды екінші дәрежелі санкцияларға байланысты тәуекелдердің салыстырмалы түрде төмен екендіг...

Kursiv.kz апта сайынғы топтама айдарын жалғастырады. Бүгінгі материалымызда да алдағы аптада болатын ең қызық, ең ерекше іс-шаралар жайлы деректерді жинадық. Бұл жетіде көбіне жанкүйерлердің жүрегіне әлдеқашан жол тауып қойған аңызға айналғандар ән кешін өткізеді екен. Сол концерттер мен өзге де іс-шара жайлы  толығырақ төменнен оқыңыз.

Jigitter тобының ән кеші: 20 қараша, Семей қаласы

Поп жанрындағы шығармаларды орындайтын музыкалық вокалдық квартет, көптеген танымал әннің орындаушылары Jigitter тобы Семейге жол тартты. Құрамын жұрт жатқа танитын «Жігіттер» 20 жылдан астам Қазақстанның түкпір-түкпірінде гастрольдік сапар беріп, халықтың көңілін тауып, өнер көрсетіп келеді. Төрт жігіттен құралған бұл ұжым елдегі ең ұзақ және ең табысты...

Қазақстанның автокөлік нарығында қазан айында Chevrolet бренді ең көп сатылымға ие болды. «Қазақстанның Автокөлік Одағының» (ҚАО) деректері бойынша, осы айда 6,2 мың Chevrolet автокөлігі сатылған, бұл өткен жылдың қазан айымен салыстырғанда 64% артық.

Қазан айында ресми дилерлер 21,5 мың жаңа жеңіл және коммерциялық көліктерді сатты, бұл өткен жылдың сәйкес кезеңімен салыстырғанда 18,3% көп. Chevrоlet үлесіне барлық сатылымдардың 28,8%-ы тиесілі болды, яғни 6,2 мың көлік. Осылайша, Chevrоlet қазан айының сатылым рейтингісінде көш бастады.

Жалпы, Қазақстанда осы жылдың алғашқы 10 айында 158,6 мың автокөлік сатылды, бұл өткен жылмен салыстырғанда 1,5%-ға жоғары көрсеткіш.

«Қазан айында сатылымдар 20 мың автокөліктен...

Абхазия астанасы Сухуми қаласында оппозиция өкілдері президент әкімшілігінің ғимаратына басып кірді, деп хабарлады ресейлік ТАСС басылымы.

Ресейлік басылымның мәліметінше, ел президенті Аслан Бжания ғимаратта болмаған. Бүгін 15 қарашада Абхазия парламенті Ресеймен жасалған келісімді ратификациялау мәселесін қарастыруы тиіс еді, бұл келісім бойынша ресейлік компанияларға Абхазияда инвестициялық жобаларды жүзеге асыруға рұқсат берілмек. Оппозиция бұл келісімді елдің экономикалық егемендігіне қауіпті деп санап, наразылық акциясын ұйымдастыруды алдын ала жариялаған.

Полиция күшейтілген режимде қызмет атқаруға көшірілді. Парламент ғимаратының алдына екі жарым мыңға жуық адам жиналды. Наразы топ парламентке кіруге тырысып, темір қоршауды автокөлікпен бұзып өткен. Оқиға орнында полиция қызметкерлері мен митингшілер арасында қақтығыс болды...

UFC жартылай орта салмақтағы үшінші орынға жайғасқан қазақстандық файтер Шавкат Рахмонов 8 желтоқсанға қараған түні уақытша чемпиондық титул үшін сегізінші орында тұрған ирландиялық Иэн Мачадо Гэрримен жекпе-жек өткізеді. Бұл туралы Шавкаттың командасы ресми Instagram парақшасында хабарлады.

Аталған жекпе-жек UFC 310 турнирінің басты оқиғасы болмақ. UFC басшылығы бұл жекпе-жекке қатысты әзірге ресми пікір білдірмегенімен, ұйым президенті Дана Уайт ертең, 16 қарашада ресми хабарландыру жасайтынын айтты.

Айта кетейік, бұған Шавкат Рахмонов Белал Мұхаммадпен жартылай орта салмақ чемпионы титулы үшін кездесуі керек болған. Алайда, «Номадтың» қарсыласы аяқ сүйектеріндегі инфекцияға байланысты жекпе-жекке қатыса алмайтыны белгілі болды.

Белал Мұхамадтан кейін, Камару Усманмен

Осы уақытқа дейін бос тұрған Талғар ауданы әкімі аппаратының басшысы қызметіне Нұржан Әбдәлімов тағайындалды. Бұрын бұл қызметті қазір адам ұрлау, денсаулыққа қасақана зиян келтіру айыптары бойынша қамауға алынған Хасан Қасымбаевтың туған ағасы Аслан Қасымбаев атқарған болатын.

«Талғар ауданы әкімі аппаратының басшысы лауазымына Әбдәлімов Нұржан Диханбекұлы тағайындалды. Нұржан Диханбекұлы, жаңа қызметіңізде табыс пен сәттілік тілейміз!» – делінген Талғар ауданы әкімінің әлеуметтік желілердегі парақшасында.

Жаңа басшыға келсек, Нұржан Әбдәлімов 1988 жылы дүниеге келген. Қазақ қатынас жолдары университетінде білім алып, кеден ісі мамандығын алып шыққан. Бұдан кейін «Қайнар» академиясында құқықтану магистрі дәрежесіне ие болды.

2011 жылы Алматыдағы...

Ұлттық банк Төрағасы Тимур Сүлейменов еркін криптовалюта саудасы пен крипто айырбастау пункттеріне рұқсат беру керек деп тұжырымдайды. Оның айтуынша, қазақстандықтардың криптовалюталарға еркін инвестиция салуына жағдай жасайтын кез жетті. Бұл туралы бас банкир Қаржыгерлер конгресіндегі пленарлық жиын барысында айтты.

Қазір Қазақстанда криптовалюта саудасымен Астана халықаралық қаржы орталығында (АХҚО) тіркелген биржаларда айналысуға болады ҰБ басшысы криптовалютаны АХҚО-да ғана емес, арнайы айырбастау пунктттерінде сатуды ұсынады. Өйткені Қазақстан криптобиржа АХҚО алаңында ғана саудаланады деп шектегенімен, қазақстандықтар түрлі крипталарға әртүрлі жолмен инвестиция салып отыр. Сүлейменов оларды заңды айналымға енгізу ұсынады.

«Бізді осы бағытта либерализация күтіп тұр. Бұл мәселеге біз...

Қазіргі уақытта қаржы саласы толық цифрландырылып, бақылау күшейген. Осы орайда президент Қасым-Жомарт Тоқаев азаматтарды декларация тапсыруға міндеттеудің орындылығын тағы да бағамдау қажет деп санайды.

«Бір мәселені ескеру қажет. Жаппай декларация тапсыру тұжырымдамасы осыдан 14 жыл бұрын қабылданған. Содан бері елімізде цифрландыру ісі және финтех саласы қарқынды дамып келе жатыр. Түрлі мемлекеттік мекемелерге ортақ мәліметтер базасы пайда болды. Қаржы және салық бақылауы күшейді. Демек осындай ауқымды өзгерістерден кейін төртінші, яғни, соңғы кезеңде азаматтарды декларация тапсыруға міндеттеу қаншалықты орынды деген сұрақ туады. Үкімет бұл мәселені жан-жақты пысықтауы қажет»,- деді президент.

Айта кетейік, декларациялаудың алғашқы...

Қасым-Жомарт Тоқаев атаулы әлеуметтік көмекті негізсіз алып отырған адамдардың еңбек етуге құлықсыз екенін және мемлекеттен түсетін жәрдемге сеніп алғанын айтты. Бұл жайлы президент Ауыл шаруашылығы еңбеккерлерінің бірінші форумында мәлімдеді.

Тоқаев мемлекеттен негізсіз, бір отбасыдан бірнеше адамның атаулы әлеуметтік көмек алуын дұрыс емес деп санайтынын жеткізді. Айтуынша, мұндай адамдар қоғамға масыл болып отыр. Сол үшін әлеуметтің көмек беру жүйесін қайта қарауды тапсырды.

«Үкімет азаматтарға әлеуметтік көмек беру жүйесін қайта қарауы керек. Соған сәйкес, тиісті тапсырма берілді. Мемлекеттен берілетін атаулы әлеуметтік көмекті шын мәнінде мұқтаж азаматтар алуға тиіс. Алайда кейбір ауылдық жерде бір отбасыдан бірнеше...