Жаңалықтар

АҚШ Сирияға салынған ұзақмерзімді экономикалық санкцияны алып тастады. Бұл шешімді АҚШ президенті Дональд Трамп қол қойып бекітті. Санкциялар алғаш рет 2004 жылы енгізілген және жиырма жыл бойы ел экономикасын сыртқы әлемнен оқшаулап келді.

Соңғы жарты жылда Сирияда саяси ахуал түбегейлі өзгерді. Елде жаңа өтпелі үкімет құрылып, билік басына Ахмед әл-Шараа келді. Оның бастамасымен ел ішінде тұрақтылық орнай бастады. Осы өзгерістерді ескерген АҚШ Сирия халқына қолдау білдіру үшін санкцияларды алып тастау туралы тарихи шешім қабылдады.

Соның ішінде:

Жаркенттегі 74261 әскери гарнизонында капитан Дархан Дәулет қаза болғаннан кейін қамауға алынған майор Дархан Қазтай сотта сөйледі, деп хабарлайды KursivMedia.

Айта кетейік, іс Астанадағы қылмыстық істер жөніндегі мамандандырылған ауданаралық әскери сотында қаралып жатыр. 2025 жылдың 1 шілдесінде сот тергеуі аяқталып, тараптардың жарыссөзі басталды.

«…Бәрін түсінемін. Сіздер де түсініңіздер. Біз оны әдейі өлтірген жоқпыз. Төбемізде Құдай бар ғой. Жаман ниетпен істеген жоқпын. Жақсылық істегім келді. Әскерилермен жұмыс істеу қазір қиын. (…) Әрбір айтқан сөзімді бұрмалап, басқаша жеткізіп жатыр бәрі. Жауыз қылып көрсетіп жатыр. Түсінесіз бе оның бәрін? Ақталып жатқан жоқпын. Өз кінәмді бірінші болып мойындадым. Өзім әскери...

Президент Қасым-Жомарт Тоқаев Шанхай ынтымақтастық ұйымының (ШЫҰ) бас хатшысы Нұрлан Ермекбаевты қабылдады, – деп хабарлайды Ақорда.

Кездесу барысында Қазақстанның ШЫҰ аясында ықпалдастықты одан әрі дамытатыны туралы айтқан. Сонымен бірге өзара ықпалдастық жөніндегі перспективасы талқыланған.

Қасым-Жомарт Тоқаев Қазақстан ШЫҰ-ның тиімді әрі теңгерімді халықаралық ұйым ретіндегі рөлін нығайтуға баса мән беретінін жеткізген. Бұл қазіргі әлемдік саясаттағы сын-қатерлерге жедел жауап беруге ықпал етпек.

«Президент Қытайдың ШЫҰ-ға төрағалығын жоғары бағалап, Ұйым тетіктерін жетілдіруге қолдау көрсететінін айтты. Бұдан бөлек, Қазақстанның Ұйым аясында ұсынған басты бастамаларын іске асыру жолдары қаралды», – деп хабарлайды Ақорда.

Ақсу ферроқорытпа зауыты («Қазхром» құрамына кіреді) экология талаптарын бұзғаны үшін 855 млн теңге айыппұл төледі. Бұл туралы Павлодар облысы прокуратурасының баспасөз қызметі хабарлады.

Зауыт 1990 жылдан бері Ақсу қаласын жылумен қамтамасыз етіп келеді. Бұрын ол бұл үшін заңды түрде рұқсат алып, эмиссиялар үшін төлем жасап отырған.

2021 жылы зауыт 10 жылға салық жеңілдігін алды. Бірақ бұл үшін шығарындыларды азайтатын жаңа технологияларды енгізуге міндеттелді. Алайда 2025 жылдың қаңтар-наурыз айларында зауыт қазандығы шамамен 700 тонна артық қалдық шығарған.

Осыған байланысты прокуратура әкімшілік құқық бұзушылық туралы іс қозғады. Бастапқыда айыппұл сомасы 1,2 млрд теңге болған. Алайда зауыт кінәсін мойындағаны және әлеуметтік...

2025 жылдың маусым айында Қазақстанның өңдеу өнеркәсібіндегі жағдай сәл нашарлады. Бұған себеп – өндіріс көлемінің қысқаруы. Бұл соңғы 16 айда алғаш рет тіркеліп отыр. Freedom Holding Corp. пен S&P Global компаниялары бірлесіп жасаған арнайы индекс (PMI) 49,7-ге дейін төмендеді. Еске салсақ, бұл индекс 50-ден жоғары болса – жағдай жақсарды, ал 50-ден төмен болса – жағдай нашарлады дегенді білдіреді.

Сарапшылар бұл жағдайға бірнеше себепті келтіреді:

Мұхаммед пайғамбар карикатурасын салған LeMan журналының төрт қызметкері ұсталды. Бұл туралы Түркия полициясы мәлімдеді.

CNN ақпаратына қарағанда, оларға «Мұхаммед және Мұса пайғамбарларға карикатура салды және таратты» деген күдік келтірілген.

Карикатурада не бейнеленген?

Мұхаммед пайғамбар туралы карикатура саяси сатиралық журналға басылған. Онда қанаттары мен шапағат нұры бар мұсылман мен яһуди кездесіп, қол алысады. Ал төменде бомбалар жарылып жатыр.

Бұл сурет төрт күн ішінде әлеуметтік желілерде кең тараған. Стамбұлдың ең танымал туристік көшесіне жүздеген адам жиналып, «Алла ұлық» деп ұрандап карикатураға наразылық білдірген.

Түрік билігінің ұстанымы

Түрік билігі журналдың бұл әрекетін айыптады. Наразылар көшеге шыққан кезде, Түркияны...

«Қазақстан электролиз зауытының» былтырғы түсімі 288 млрд теңгені құрайды, бұл 2023 жылмен салыстырғанда 11 млрд теңгеге артық. Бірақ түсімі артқанмен кәсіпорын 2024 жылы қарыз беруін де көбейтіпті. Бұл жайлы жариялаған қаржы есебінен көруге болады.

Былтыр зауыттың таза табысы (салықты және басқа да операциялық шығындарды есептегеннен кейін бір жыл ішіндегі пайда) 59,046 млрд теңге болды. Бұл көрсеткіш 2023 жылмен салыстырғанда (16,897 млрд) 3,5 есе өскен.

Табысы жағынан жақсы өсім көрсеткенмен, компаниядағы ақша ағыны 73%-ға төмендеген. 2023 жылы зауыттағы ақша ағыны 158 млрд теңге болса, былтыр бұл көрсеткіш 42 млрд-қа тең.

Бұған салық пен банктерге пайыз бойынша төлемдердің артуы...

Танымал әнші Ұланғасыр Қамидің хитке айналған «Қызыл раушан» әні көптің көңілінен шығып, әлеуметтік желіде кеңінен таралған еді. Алайда бұл әннің жарыққа шығуына қатысты көпшілік біле бермейтін шындық бар. Әншінің продюсері Назерке Жартын шығармашылық жолдағы шынайы тарихымен бөлісіп, продюсерлік жұмыстың көлеңкеде қалатын тұстарын айтып берді.

Бәрі Қарағандыда басталды

«2021 жылы Қарағанды қаласында шағын фильмнің түсірілімінде таныстық. Ұланғасыр басты рөлдердің бірін сомдаса, мен режиссердің көмекшісі болдым. Сол кезде-ақ: «Арманым жұлдыз болу, кино түсіру», – деп айтып жүретін», – дейді продюсер.

Назеркенің айтуынша, олар шығармашылық серіктестікке бірден кірісіп кеткен. Ұланғасыр әнші атанып, Назерке продюсерлік жолға...

Жаркенттегі әскери гарнизонда қаза тапқан капитан Дархан Дәулет ісі бойынша сот тергеуі аяқталып, сот жарыссөзі басталды.

2025 жылдың 1 шілдесінде өткен сот отырысында мемлекеттік айыптаушы Саят Баймұсаев сотталушыларды 12 жылдан 16 жылға дейінгі мерзімге бас бостандығынан айыруды сұрады, деп хабарлайды KursivMedia тілшісі сот залынан.

Істің мән-жайы

Марқұм Дархан Дәулет Жамбыл облысы Қордай ауданы Отар ауылында 5 жыл қызмет еткен. 2024 жылдың қыркүйегінде Жаркентке инженерлік бөлімнің бастығы болып ауысқан.

2024 жылдың 13 қарашасынан 14 қарашасына қараған түні тәуліктік кезекшілікке түскен, әскери сол түні қайтыс болған.

Іс Астанадағы қылмыстық істер жөніндегі мамандандырылған ауданаралық әскери сотта қаралып жатыр.

Сотталушылар қатарында 4 адам бар: майор Дархан Қазтай 1988 жылы туған...

Су ресурстары және ирригация министрлігі жыл басынан бері көктемгі су тасқынын алдын-ала болжайтын заманауи жетілдірілген Tasqyn жүйесі іске қосылатынын хабарлаған болатын. Алайда көктемгі су тасқынына қауіпті кезеңде жүйе небары 2 ғана су тасқынын болжай алған. Бұл туралы үкімет отырысынан кейін өткен брифингте айтылды.

Брифинг барысында журналист Су ресурстары және ирригация министрі Нұржан Нұржігітовтен Tasqyn жүйесінің тиімділігі жөнінде сұрады.

«Жақында Бозымбаев жиын өткізіп ел аумағында көктемгі мезгілде 16 су тасқыны тіркелгенін, оның ішінде 10-ын «Қазгидромет», 2-уін жаһандық GloFAS негізінде жұмыс істейтін Tasqyn жүйесі болжағаны айтылды. Сонда жүйе 16 су тасқынының тек екеуін болжай алып...

Алматы қаласы Алмалы ауданының әкімі Сайран көліндегі қайғылы жағдайлар байланысты пікір білдірді.

Алмалы ауданының әкімі Арман Шамшин ауданның жарты жылдықтағы дамуына қатысты брифинг өткізген. Соның барысында KursivMedia тілшісі ауданға қарасты Сайран көлінде бір күнде болған қос бірдей адам қазасына байланысты сұрақ қойды.

«Жаңартылған Сайран толық ашылмай жатып, екі адам суға кеткені белгілі. Бұл жерде жауапкершілікті кім арқалайды? Тыйым салынған жерде суға түскен тұрғындардың өзі кінәлі ме, әлде тыйым салынған жерде адамдардың шомылуына жол берген, тиісті деңгейде қауіпсіздікті қамтамасыз етпеген белгілі бір тұлға ма?», – деп сұрады KursivMedia тілшісі.

Арман Шамшин азаматтық тұлға ретінде тергеуге...

Өнеркәсіп және құрылыс министрі Ерсайын Нағаспаев елдегі су бұру жүйелері мен кәріз тазарту құрылғыларына жаңғырту жұмыстары жүргізіліп жатқанын айтты. Өйткені олардың дені тозып кеткен.

Министрдің айтуынша, кәріз тазарту құрылғыларының басым бөлігі 1950-1960-шы жылдары салынған. Қазір олардың орташа тозу деңгейі 65%-ға жеткен.

«Ағымдағы жылы осы бағытта жаңарту жүргізу үшін республикалық бюджеттен 25  млрдтеңге бөлінді. Соның ішінде Қызылорда қаласының кәріз тазарту құрылғысына – 720 миллион теңге және Ленгер қаласына – 1 млрд теңге қарастырылды»,– деп мәлімдеді министр Үкімет отырсында.

Ерсайын Нағаспаев Ақтау, Атырау, Қарқаралы және Қаражал қалаларында осы бағытта 4 жоба іске асырылып жатқанын мәлімдеді.

Сондай-ақ министр...

Таиланд Жоғарғы соты премьер-министр Пхэтхонгтхан Чиннаватты қызметтен шеттету жөнінде шешім шығарды. Сот саясаткер әрекетін этикаға жат деп тапты. Бұл туралы Bloomberg хабарлады.

Шешімді тоғыз судьяның жетеуі қолдады. Чиннаваттың билікке келгеніне бір жыл толған жоқ. Ол елдің бұрынғы ықпалды премьер-министра Таксин Чиннаваттың кенже қызы.

Бұған дейін саясаткердің Камбоджаның бұрынғы жетекшісі Хун Сенмен телефон арқылы әңгімесі жарияланып кеткен. Премьер тай армиясын сынаған. Соның өзі елде халық наразылығының артуына түрткі болды. Мыңдаған азамат 38 жастағы премьердің биліктен кетуін талап етіп жүр. Саясаткердің халық арасындағы беделі күрт түсіп кетті.

Осының алдында Чиннават биліктен өз еркімен кетуден бас тартқан. Ол халық алдында кешірім сұрап, саяси...

Бұрынғы еңбек және халықты әлеуметтік қорғау вице-министрі Ақмәди Сарбасов ұсталды, деп хабарлайды KursivMedia.

Ақпаратты министрліктің баспасөз қызметі растады.

«Еңбек және халықты әлеуметтік қорғау министрлігі «Еңбек ресурстарын дамыту орталығы» АҚ басшысының ұсталғанын растайды. Министрлік тергеу органдарына заңнамада белгіленген тәртіппен көмек көрсетіп жатыр», – деп хабарлады министрлік.

Айта кетейік, Сарбасов 1977 жылы Батыс Қазақстан облысында туған. Ол 2020-2025 жылдары еңбек және халықты әлеуметтік қорғау бірінші вице-министрі болған.

2025 жылдың сәуірінде Ақмәди Сарбасов басқа жұмысқа ауысуына байланысты еңбек және халықты әлеуметтік қорғау бірінші вице-министрі қызметінен босатылды. 

Содан кейін «Еңбек ресурстарын дамыту орталығы» АҚ басшысы болып тағайындалды.

2025 жылдың алғашқы жартысында АҚШ доллары 10% әлсіреді. Бұл – 1973 жылдан бергі ең үлкен құлдырау. Бұл туралы Financial Times газеті жазды.

Доллар индексі дегеніміз – АҚШ валютасының негізгі алты валютаға (еуро, иена, фунт және басқаларға) қатысты бағамын көрсететін көрсеткіш. Сол индекс жыл басынан бері 10%-дан аса төмендеген. Сарапшылардың айтуынша, бұған бірнеше себеп бар:

Танымал вайнер әрі блогер Жека (Жеңіс Омаров) артық салмақтан арылу үшін фитнес-бапкер Айтым Жакуповтың Janamen атты бағдарламасына қатысатын болды. Бұл туралы Жека Instagram парақшасында бөлісті.

Жека видеода өз салмағының артуы мен дене белсенділігінің азайғанын мойындап, енді бұл жағдайды түбегейлі өзгертуге бел буғанын айтты.

Айта кетейік, Айтым Жакупов – еліміздегі танымал фитнес-мамандардың бірі. «Janamen» бағдарламасы бірнеше айда артық салмақтан арылып, салауатты өмір салтын ұстануға бағытталған.

Желі қолданушылары Жеканы...

АҚШ президенті Дональд Трамп әлемнің ең бай адамы Илон Маск жұмысын тексеру керек деп есептейді. Бұл туралы ол өзінің Truth Social әлеуметтік желісіне жазды.

Құрама Штаттар президентінің пікірінше, Маск мемлекет субсидиясынсыз «дүкенін жауып», отанына оралар еді.

«Илон тарихта ең көп субсидия алған адам шығар. Бірақ ол мұндай көмексіз дүкенін жауып, ОАР-дағы үйіне қайтар еді», – деп жазды Трамп.

АҚШ президенті зымыран ұшырмай, электромобиль өндірмесе, ел әлдеқайда көп қаражат үнемдер еді деп есептейді.

«Бәлкім бізге DOGE-ден осы мәселені дұрыстап тексеруді талап ету керек шығар? Үнемдеуді талап ететін қомақты ақша!» – деп...

Ливия жағалауында жарылған танкерге қатысты министрлік пікір білдірді. Ведомство танкерде қазақ мұнайы болмаған, ал танкер жекеменшік деп отыр.

«Ақпарат құралдарында «Ливия жағалауында жарылған танкер Қазақстан мұнайын тасымалдауы мүмкін» деген ақпарат тарап жатыр. Оқиға жекеменшік танкермен байланысты. Нақты ақпаратқа сүйенсек, соңғы жүк Ливия портында тиелген. «Танкерде Қазақстан мұнайы болған» деген ақпарат шындыққа сәйкес келмейді», – деп жазылған энергетика министрлігі таратқан хабарламада.

Еске салайық, Ливия маңында 1 млн баррель мұнай тиеген танкер жарылғанын хабарлаған еді. Қазір танкерді Грекия жағалауына жеткізді, әзірге қанша мұнай төгілгені белгісіз.

Апатқа ұшыраған Vilamoura танкері осы жылы сәуірде Ресейдің Усть-Луга...

«№81 Astana English School халықаралық мектебінің» директоры бухгалтермен сөз байласып, 900 млн теңге көлемінде бюджет қаражатын жымқырған. Бұл туралы Қаржы мониторингі агенттігінің баспасөз қызметі хабарлады.

Ата-аналардан жинаған ақшаны да, бюджет қаражатын да қатар жымқырған

«Қаржы мониторингі агенттігінің Астана қаласы бойынша департаменті Астана қаласы әкімдігіне қарасты «№81 Astana English School халықаралық мектебі» КММ-нің лауазымды тұлғаларына қатысты бюджет қаражатын жымқыру фактісі бойынша тергеу жүргізуде», – делінген баспасөз хабарламасында.

Агенттік Ұлттық қауіпсіздік комитетінің Астана қаласы бойынша департаментімен бірлесіп, тексеріс жүргізген. Нәтижесінде мектептің бұрынғы директоры мен бас бухгалтердің сөз байласу арқылы 900 млн теңгеден астам...

«ҚазМұнайГаз» ұлттық компаниясының еншілес ұйымы «KMG PetroChem» ЖШС 30 жылдық еурооблигацияларын шығаратынын хабарлады. Құнды қағаздардың жалпы сомасы 546,79 млн долларды құрайды. Бұл жайлы AIX сайтында жазылған.

Өтеу мерзімі – 2055 жылғы 12 желтоқсан. Еурооблигациялар AIX алаңында орналастырылады.

Хабарламада нақтыланғандай, онарықтан тартылған қаражат Атырау облысындағы алғашқы интеграцияланған газ-химия кешенінің екінші кезеңінің құрылысын және оны пайдалану жұмысын қаржыландыруға жұмсалады. Зауыт құрылысы 2029 жылы аяқталуы керек.

«KMG PetroChem» ЖШС (бұрынғы атауы – «KLPE» ЖШС) – «ҚазМұнайГаз» компаниясының 100% еншілес кәсіпорны. Компания ҚМГ тобы аясында мұнай-газ химиясы саласындағы жобаларды іске асырады және үйлестіреді. «KMG PetroChem» қызметі полиэтилен өндіретін зауыт пен...

Түркістанда ауыл шаруашылығы министрлігіне қарасты облыстық жер ресурстарын басқару департаментінің басшысы пара алды деген күдікке ілінді. Бұл туралы 30 маусым күні кешке сыбайлас жемқорлыққа қарсы іс-қимыл агенттігі хабарлады.

Агенттіктің телеграмм каналындағы мәліметте сыбайлас жемқорлыққа қарсы қызмет жасырын тергеу кезінде Түркістан облысының жер ресурстарын басқару департаментінің басшысын «пара алу» кезінде ұстағаны айтылған. Департамент басшысы «жер учаскелеріне мемлекеттік актілерді ресімдеуге жәрдемдескені үшін Түркістан қаласының тұрғынынан 1 млн теңге көлемінде пара алды» деген күдікке ілінген.

28 маусым күні күдікті сот санкциясымен қамауға алынған.

Ауыл шаруашылығы министрлігі жер ресурстары комитетінің ресми сайтында Түркістан облысы жер ресурстарын басқару департаментінің басшысы ретінде 44 жастағы Бауыржан Сыздықовты...

2025 жылдың маусым айында Ұлттық қордан республикалық бюджетке трансферт қамтамасыз ету үшін 800 миллион АҚШ доллары көлемінде валюта сатылды. Бұл көрсеткіш Қазақстан қор биржасындағы жалпы сауда-саттық көлемінің 17%-ын немесе күн сайын орта есеппен 40 млн долларды құрады.

Ұлттық банктің мәліметінше, валюта нарығындағы операциялар аясында теңге бағамы бір айда 1,7%-ға әлсіреп, 1 АҚШ доллары үшін 519,73 теңге деңгейінде қалыптасты. Сауда-саттықтың орташа күндік көлемі де біршама азайып, мамырдағы 238 млн доллардан маусымда 235 млн долларға түсті. Ал бір айдағы жалпы сауда көлемі 4,7 млрд доллар болды.

Маусым айында интервенция жүргізілмеді. Дегенмен, квазимемлекеттік сектор субъектілері міндетті сату нормасы аясында шамамен 322 млн...

Жәңгір хан атындағы Батыс Қазақстан аграрлық-техникалық университетінде киік етінен жасалған шұжықтың тәжірибелік өндірісі іске қосылды, деп хабарлады жергілікті Надежда басылымы.

Киік етінен жасалған алғашқы шұжықтар партиясы Жәңгір хан атындағы университеттегі жас ғалымдардың ғылыми жобасы аясында өндірілген. Ғалымдар өндіріспен қатар өнімнің тұтынушылық қасиетін де зерттеген.

«Жобамыздың негізгі мақсаты – өнімнің тұтынушылық қасиетін анықтау. Алдымен біз киік етінің сапалық көрсеткіштерін зерттедік, кейін қауіпсіздік көрсеткіштерін, яғни микробиологиялық қауіпсіздікті, ішек таяқшаларының, патогенді және шартты-патогенді бактериялардың болмауын қатаң бақылады, – деді «Азық-түлік қауіпсіздігі» ғылыми-зерттеу зертханасының меңгерушісі Аян Оразов.

Шұжықты өндіруде университет жанындағы «Ақбөкен» тәлімбағында өсірілген киіктердің еті пайдаланылған. Сонымен...

Қазақстандағы 260 ауыл әлі құдық суын пайдаланып отыр. Ал кейбіріне су тасымалдау арқылы жеткізіледі. Бұл туралы Өнеркәсіп және құрылыс министрі Ерсайын Нағаспаев мәлімдеді.

Десе де министр  қала халқының 99.3%-ы, ал ауыл тұрғындарының 97,5%-ы ауыз сумен қамтамасыз етілген деп сендірді.  

«10 өңірде бұл көрсеткіш 100%-ға  жетті.  Бұлар – Алматы, Ақтөбе, Атырау, Батыс Қазақстан, Қызылорда, Маңғыстау, Солтүстік Қазақстан, Түркістан, Жетісу және Ұлытау облыстарыныңқалаларымен  Маңғыстау облысыныңауылдары», – деді министрі Үкімет отырсында.  

Министрдің мәліметіне сенсек, қала халқын да сумен қамту әлі толық шешімін таппаған. Бүгінде 90 қаланың 17-інде ауыз сумен қамту – ауқымды мәселе. Ведомство басшысы  жыл соңына...