Жаңалықтар

Қазақстанның Ресейдегі елшісі Дәурен Абаев Шешенстан басшысы Рамзан Қадыровтың ұлының тойында қонақ болған. Бұл жайлы Қадыров телеграм арнасында хабарлады.

«Мен Грозный қаласында осы күндері өзім аса қадірлеп, құрметтейтін көптеген қонақтарды, сондай-ақ Иран, БАӘ, Түркия және Қазақстан елшілерін қарсы алғаныма қуаныштымын. Олардың барлығы Шешен Республикасының Тұңғыш Президенті, Ресей Батыры Ахмат-Хаджи Қадыровтың немересі Адамның үйленуіне байланысты біздің отбасымызды құттықтау үшін келді», – деп жазған ол.

Абаев 2023 жылы 3 шілдеде Қазақстанның Ресейдегі елшісі деп тағайындалды. Оған дейін Президент Әкімшілігінде жұмыс істеді, мәдениет және спорт министрі болды.

Осы жайлы Kursiv Media Дәурен Абаевқа сауал...

Қазақстан мен Ресей шекарасында әлі де көлік кезегі сейілмеді. Өткізу бекетінен тәулік бойы өте алмай тұрған азаматтарға Төтенше жағдайлар министрлігінің қызметкерлері көмекке келді.

ТЖМ мәліметінше, Мәртөк ауданындағы «Жайсан» шекаралық бақылау-өткізу бекетінде ауыр жүк көліктері жиналып қалған.

Кезек күтіп тұрған көпшілікке көмек көрсету үшін шекараға Төтенше жағдайлар министрлігінің құтқарушылары мен №20982 әскери бөлімінің әскери қызметшілері жіберілген.

Шекара маңына жеткен әскерилер мен құтқарушылар жүргізушілерді ыстық тамақпен, ауызсумен қамтамасыз етіп, медициналық көмек көрсеткен.

«Қазіргі таңда жағдай тұрақты бақылауда. Жүргізушілерге қажетті көмекті көрсету бойынша барлық шара уақтылы қабылданып, ахуалды тұрақтандыру жұмыстары жалғасуда», – деп хабарлайды...

Италия үкіметі 2026-2028 жылдар аралығында Еуроодаққа кірмейтін елдерге 500 мың жаңа жұмыс визасын береді. Елде жұмыс күші жетіспейді. Бұл туралы Reuters хабарлады.

2026 жылы 164 850 адам жұмыс визасын алады. 2028 жылға қарай шетелден қабылданған еңбек мигранттары саны 497 550 адамға жетеді.

Италия премьер-министр Джорджа Мелони үш жыл бұрын билікке келген уақытта 450 мың мигрантқа Италияда жұмыс істеуге рұқсат берген. Себебі бұл елде халық қартайып келеді. 2024 жылы өлім көрсеткіші ту көрсеткішінен 281 мыңға асып кетті. Халық саны 37 мыңға азайды. Қазір Италияда 58,93 млн адам бар.

Жергілікті үкімет жұмыс күшін тартудың заңды жолдарын іздестіріп жатыр. Халық санын қазірг...

2025 жылғы 4 шілдеде Алматы мен Қытайдың ірі мегаполисі Шанхайды байланыстыратын жаңа тікелей рейс ашылады. China Eastern Airlines әуе компаниясы іске қосатын бұл бағыт Қазақстан мен Қытай арасындағы туристік, мәдени және іскерлік байланыстарды нығайтудың маңызды қадамы болмақ. Бұл туралы Алматы қаласының туризм басқармасы хабарлады.

Алғашқы рейспен Алматыға аталған әуе компаниясының өкілдері, қытайлық бұқаралық ақпарат құралдары мен танымал блогерлер келеді. Бұл сапардың мақсаты – Алматыны Қытай нарығында кеңінен таныту. Осыған орай, Алматының туризм басқармасы «Алматының символы сыйлыққа» атты акция ұйымдастырып, алғашқы жолаушыларды естелік кәдесыйлармен қарсы алуды жоспарлап отыр.

Жаңа рейс 2025 жылдың ақпанында Алматы әкімдігі мен China Eastern Airlines басшылығы арасында...

1 млн баррель мұнай тиелген Vilamoura танкері Ливия маңында жарылды. Кеменің басқару бөлімі суға толды. Танкер Грекия жағалауына жеткізіледі. Шығын көлемі сол жерде есептеледі. Бұл туралы Bloomberg хабарлады.

2025 жылғы сәуірдің басында ғана Vilamoura Ресейдің Усть-Луга портына кірген. Сол жерде оған қазақ мұнайы тиелген. Мамырда кеме Каспий құбыр желісі консорциумының терминалына тоқтаған. Новороссийск портында да оған қазақ мұнайы артылған.

TMS Tankers өкілінің хабарлауынша, жарылыс кезінде қоршаған ортаға лас зат төгілмеген. Экипаж мүшелері дін аман.

Vanguard Tech консалтинг компаниясының мәліметінше, жыл басында тағы төрт кеме жарылған. Олардың бәрі жақында Ресей порттарына кірген.

Украина көрші елмен арада соғыс басталғалы бері Ресейд...

Қазақстанның әйелдер теннисіндегі екінші ракеткасы Юлия Путинцева 2025 жылғы Уимблдон турнирін сәтсіз бастады. Әлемдік рейтингте 33-орында тұрған спортшы жарыстың алғашқы айналымында америкалық Аманда Анисимовамен кездесіп, ірі есеппен жеңілді.

Анисимова — Уимблдондағы 13-інші нөмірлі теннисші. Екі сетке ғана созылған матчта Путинцева бірде-бір гейм ұта алмады. Кездесу нәтижесі — 0:6, 0:6. Теннисшілер кортта небәрі 44 минут өткізді. Осы уақыт ішінде Юлия эйс жасай алмай, екі қос қате жіберді және бірде-бір брейк-пойнтқа жете алмады.

Осылайша, Путинцева Уимблдон-2025 турнирінен шығып қалды. Қазіргі таңда Қазақстан атынан әйелдер арасындағы жалғыз теннисші Елена Рыбакина ғана жарысты жалғастырады. Ол бірінші айналымда армяндық Элина Аванесянмен кездеседі.

Ал ерлер арасында...

Бұрын біреу сізге «бір батырманы басып-ақ қай жерде қалай емделгеніңізді, дертіңіздің тарихын анықтау мүмкін» десе, сену қиын еді. Ауылда салдырған екпеңіз жайлы ақпаратты Америкадағы дәрігер көре алады десе ше? Фантастика сияқты көріне ме? Болмаса, бір жерде оқыған курста алған сертификаттың қағаз нұсқасын сақтап жүрудің керегі жоқ десе қуанасыз, солай емес пе? Мұның бәрі қазірдің өзінде мүмкін болып жатыр. Алдағы 50 жылда емес, одан әлдеқайда жақын арада осыған жетеміз. Олай болса, білім мен медицина саласына NFT қалай еніп жатқаны туралы айтайық. 

NFT әлеміне қош келдіңіз!

Бұған дейін NFT десе, көбіне дижитал өнер жайлы деп қабылдайтынбыз. Көз алдымызға әрі кетсе Bored Apeмаймылдары келетін. Сөйтсек, бұл бергі жағы...

Балаларға қай тілде мультфильм көрсетіліп жүр? Телеарналар мен түрлі платформаларды ашқан сәтте алдымен қай тілдегі контент баурап алады? Бұл – баланың санасына, болашағына әсер ететін маңызды әрі өткір сұрақ. Себебі баланың тілі ғана емес, дүниетанымы мен ұлттық болмысы да медиа арқылы қалыптасады. Ал қазіргі таңда мемлекеттік тілдің балалар медиа кеңістігіндегі орны қандай және қандай мәселелер бар? Kursiv.Media тілшісі осы сұрақтардың жауабын іздеп көрді. 

Астана қаласының тұрғыны, төрт баланың анасы Гаухар Сүндет балаларының қазақтілді контентті көрмейтінін айтады. Айтуынша, оның түрлі себебі бар. 

«Балаларым қазақша контентті көп көрмейді. Өйткені қызық емес дейді. Көбі TikTok пен Instagram-ды қарайды...

Қазақстанның СІМ-і украин дрондарының Қазақстан аумағы арқылы ұшқаны, Ресейге соққы жасағаны туралы мәліметтерді жоққа шығарды.

Сыртқы істер министрлігінің ресми өкілі Айбек Смадияр Ресейдің сыртқы істер министрі Сергей Лавровтың «Қазақстан арқылы Украина дрондары Ресейге шабуыл жасап жатыр» деген сөзін терістеді.

«Ақпарат алмасу тиісті деңгейде жүріп жатыр. Бұл – әртүрлі қызметтердің арасындағы ақпарат алмасу. Сондықтан біз өз ұстанымымызды сақтаймыз. «Біздің аумақтан дрондар ұшырылды» деген ақпарат шындыққа сәйкес келмейді», – деді ол.

Сондай-ақ, Смадияр «дрондардың Қазақстан аумағынан ұшырылуын ғана емес, сондай-ақ «украин дрондарының еліміздің үстінен ұшып өтті» деген ақпаратты да жоққа шығарды.

Ол Қазақстанның Ресеймен де, Украинамен де...

Алматы облысында 750 млн теңгеге алаяқтық жасаған шенеунік ұсталды. Күдікті мемлекетке 1 млрд теңгеден аса зиян келтірген.  

Сыбайлас жемқорлыққа қарсы күрес агенттігі Алматы облысы Мемлекеттік мүлік және жекешелендіру департаментінің басшысын әшкереледі.

Ол жер қатынастары саласында алаяқтық жасап, 750 млн теңгеден астам қаржыны қалтасына басқан.

Шенеунік жер учаскелеріне өтімділік беру және оны сатудан табыс табу үшін қылмысқа барған. Қарасай ауданының жергілікті атқарушы органдарының лауазымды адамдарын да өз мақсатына пайдаланған. Олардың көмегімен нысаналы мақсаттардың кадастрлық құн айырмасын төлемей өзгертіп жүрген.

Соның кесірінен мемлекетке 1 млрд теңгеден астам материалдық залал келтірілген.

Бұдан бөлек, оған қатысты «ұрланған ақшаны жылжымалы және жылжымайтын мүлікт...

«Қажымұқан» фильмі Италияда өткен XXIX Халықаралық IPAAF – Apoxiomeno кинофестивалінде өте жоғары бағаланды.

Мәдениет және ақпарат министрлігінің ақпаратынша, кинокартина фестивальдің басты марапаттарына қол жеткізген. Нақты айтқанда, «Үздік фильм», «Ең үздік ер адам рөлі» (Ербол Төлепберген), «Үздік режиссура» (Қанағат Мұстафин) және «Үздік сценарий» (Қанағат Мұстафин, Жанат Қасабеков) номинациясын иеленді.

Режиссер Қанағат Мұстафин Қажымұқан Мұңайтпасов туралы фильм сценарийін 2012 жылы қолға алған.  Ал түсірілімі 2020 жылы басталыпты.  Он жылдан астам уақыт зерттеу жүргізілген туынды өткен жылы үлкен экранға ұсынылып, прокатқа шықты.

Әрине, Қажымұқан Мұңайтпасов секілді тұлғаны білмейтін қазақстандық жоқ болар. Ол – француз күресінен әлем чемпионы атанған тұңғыш қазақ. Ол дүниежүзілік...

Қазақстан үкіметі Қарашығанақтағы газды қайта өңдеу жобасын Eni мен Shell-ден алып, «ҚазМұнайГаздың» басқаруына бермек.

Upstream ақпаратына қарағанда, аталған екі шетелдік компания Қазақстандағы газ өңдеу жобасын ұлттық компанияға тапсырады.

«Қазақстан билігі газды қайта өңдеуге арналған басты жобаның жүзеге асуын кешіктірмей, бақылауды мемлекет қарамағына алуды талап етуде», – деп жазды ақпарат көзі.  

Upstream басылымының хабарлауынша, Қазақстан үкіметі аталған компаниялардан Қарашығанақ кен орнындағы газ өңдеу жобасын мемлекеттік ойыншы – «ҚазМұнайГаз» ұлттық компаниясына тапсыруды сұраған.

Екі дереккөздің айтуынша, үкімет екі шетелдік компаниядан жобаға қатысты басқару мен шарттық құқықтарды жүйелі түрде тапсыруды талап еткен.

Бұл талап жобаның құрылысына...

«Шығыс» өңірлік қолбасшылығы әскерлерінің бұрынғы қолбасшысы, зейнеттегі генерал-майор ұсталды. Бұл туралы Сыбайлас жемқорлыққа қарсы іс-қимыл агенттігінің ресми өкілі Данияр Бегайдаров Астанада өткен брифингте мәлім етті.

Оның сөзінше, генерал адал кәсіпкердің сенімін теріс пайдаланып, жоғары лауазымды әскери тұлғаның беделін қолдана отырып, ол аса ірі көлемде ақша қаражатын иемденген деген күдікке ілінген.

«Қылмыс әлеуметтік жобаларға инвестиция салудан жоғары табыс түседі деген желеумен, Қазақстан аумағында министрліктер мен шетелдік әріптестердің ықпалды өкілдерінің көмегімен жүзеге асады деп уәде беру арқылы жасалған», – деді ол.

Күдікті қамауға алынған. Данияр Бегайдаров оның осыған ұқсас өзге де құқықбұзушылықтарға қатысы бар-жоғы тексеріліп жатқанын жеткізді.

Алматы облысы Талғар ауданы, Талғар қаласы маңында орналасқан саяжайлар мен шаруа қожалықтары қазіргі аптап ыстықта суармалы сусыз қалған. Бұл туралы Ават және Азат елдімекендерінің тұрғындары хабарлады.

Тұрғындардың мәліметінше, Талғар қаласы маңындағы Р2 суару каналында апат болып, елдімекендер судан ажыратылған. Ал бұл канал осы аймақтағы ауыл шаруашылығы мақсатындағы жерлерді, шаруа қожалықтары мен 200 гектар аумақты қамтитын саяжай кооперативтерін суармалы сумен қамтамасыз етіп отыр.

Ал апат болған каналды қалпына келтіру шаралары алынбаған. Каналға жауапты «ТалғарИрригация» мекемесінің өкілдері апатты алға тартып, 2025 жылдың суару маусымына келісімшарт жасасудан бас тартқан. Су жеткізу мамыр айында басталуы қажет болған. Алайда екі айдан бері мәселе шешілмеген...

Мәскеу прокуратурасы журналист және блогер Юрий Дудьке қатысты қылмыстық қудалау бастады. Оған «шетелдік агент» ретінде өз міндеттерін орындаудан жалтаруы себеп болған. Бұл туралы ведомствоның Telegram-арнасында хабарланды.

Құқық қорғау органдарының мәлімдеуінше, Дудь жариялаған хабарламалар мен материалдарында «шетелдік агент» мәртебесін көрсетпеген. Бұған дейін журналист осы айыппен екі рет айыппұлға тартылған. Бұл жағдай қылмыстық іс қозғауға негіз бола алады деп түсіндіреді прокуратурадан.

2022 жылдың 15 сәуірінде Ресейдің Әділет министрлігі Юрий Дудьті «шетелдік агенттер» тізіміне енгізген. Кейінірек Дудь «шетелдік агент» деген таңбаны белгілеуді тоқтатып, Ресейден тыс кәсіпкерлерді өз жарнамасын сатып алуға шақырған.

Юрий Дудь – ресейлік журналист, деректі фильм режиссері, блогер. Ол «вДудь...

2025 жылдың мамыр айында Қазақстанның жалпы халықаралық резерві $112 млрд-тан асты. Бұл сомаға Ұлттық банктің валюта және алтын түріндегі резерві ($52,3 млрд) мен Ұлттық қордың валюталық активтері ($59,7 млрд) кіреді.

Соның ішінде Ұлттық банктің алтын-валюта резервтерінің ішінде алтын қоры $31,6 млрд деңгейіне жетіп, тарихи рекорд орнатты. Мамыр айында бұл көрсеткіш 2,8% өсіп, 865 млн долларға артқан. Жыл басынан бері Ұлтты банк резервіндегі алтын құны 32,7%-ға өсті.

Ал еркін айырбасталатын валютадағы резерв 20,7 млрд долларды құрады. Бұл сәуірмен салыстырғанда 4,3%-ға, ал жыл басымен салыстырғанда 5,9%-ға аз.

Осылайша, Ұлттық банктің валюта және алтын активтері бірігіп 52,3 млрд доллар болды. Бұл...

Шығыс Қазақстан облысы бойынша Сыбайлас жемқорлыққа қарсы қызметтің тергеушісі қамауға алынды.

Ол өзі тергеп жатқан қылмыстық іс бойынша тағылып жатқан айыпты жеңілдету мақсатында процеске қатысушыдан пара алған. Бұл туралы агенттіктің ресми өкілі Данияр Бигайдаров мәлімдеді.

«Сот санкциясы негізінде тергеуші қамауға алынды, пара беруші де қылмыстық жауапкершілікке тартылады. Тергеу жалғасып жатыр», – деді агенттіктің ресми өкілі.

Қылмыстық іс жүргізу кодексінің 201-бабына сәйкес басқа ақпарат жарияланбайды.

Бұған дейін сыбайлас жемқорлыққа қарсы іс-қимыл агенттігі Ұлттық қауіпсіздік комитеті құрамына кіргені белгілі болды.

Қазір барлығымыз дерлік гаджет ұстаймыз. Ал ондағы әрбір кликтің ізі қалып қояды. Осылайша технология өміріміздің айнымас бөлшегіне қалай айналып кеткенін байқамай қаламыз. Мұндайда интернетте приват болудың да мәні өзгереді. Яғни онлайн өміріміз конституциялық құқық емес, қызмет болып кеткен. Бұл қарқынмен жалғаса берсе, болашақта не күтуге болады? Дижитал төлқұжаттар, кликтер тарихы, үстімізден жасалатын бақылау қалайша қалыпты жағдайға айналып бара жатқаны туралы айтайық.

Приваттықты ұстанып үйренбесе болмайды

Бұрын интернет еркіндіктің алаңы сияқты көрінетін. Жұрт аноним аккаунт ашып, пікір жазып, фейк пошталарды емін-еркін қолданатын. Ал қазір ондай азайды. Бүгінде онлайн кеңістікте кімнің кім екені үтір-нүктесіне дейін көрініп тұрады. Ізіңіз барлық жерде...

Freedom Life мамандары Қазақстанда және әлемнің басқа да елдерінде спортшы өмірін сақтандыру нарығы қалай дамып келе жатқаны туралы зерттеу жүргізді.

Әлем халқының шамамен 40%-ы спортпен шұғылданады. Олардың арасында кәсіпқой ғана емес, әуесқой спортшылар да бар. Жедел жәрдем көмегіне жүгінетіндер санының 15-20%-ы спорт жарақатына байланысты дәрігер алдына келеді. Спортшылардың көбі сіңірін созып, бұлшықетін жарақаттап алады.

Бас сүйегін зақымдаған науқастарды емдеу қымбат тұрады. Америкалық денсаулық сақтау қауымдастығының мәліметінше, мұндай жағдайда медициналық көмек құны 75 мың доллардан асып кетуі мүмкін.

Медициналық жәрдем қымбаттаған сайын, әлемде спортшыларды сақтандыру нарығы да өсіп келеді.

Global Growth Insights сараптама платформасының есебіне қарағанда, 2024 жылы спортшыларды сақтандыру нарығыны...

Алматылық жүргізуші Рустам BYD Tang көлігін бір жыл пайдаланып, оның батареясы мен аспа жүйесінің жағдайын көрсетті.

Гибридті BYD Tang кроссовері Алматы жолдарында бір жыл ішінде 30 мың шақырымнан астам жол жүрген. Көлік иесі бұл үлгінің артықшылықтары мен кемшіліктерін айтып берді.

Бұл туралы «Автомобили из Китая» YouTube арнасы хабарлады.

Рустамның сөзіне қарағанда, ол көлікті 2024 жылдың көктемінде сатып алған. Сол кезде BYD Tang нарыққа жаңа шыққан кезі. Көлік иесі жеке дилерлерден қуатталатын гибридті күштік құрылғысы бар ең жоғарғы комплектациясын таңдаған. Ол көлікті қалада да, тас жолда да салып ұрып айдаған.

Сынақ нені көрсетті?

Сынақ жұмыстары ең алдымен әртүрл...

Қазіргі қазақстандық балалар театры дәстүрлі пішінмен шектелмей, заманауи бағытта да қарқынды дамып келеді. Балалар театрының қазіргі бағыты мен дамуы туралы біз сарапшылардан сұрап көрдік.

Жаңа мәдени кеңістік

Театр сыншысы Ольга Малышева балалар театры иммерсивті, инклюзивті және мобильді сипатқа ие жаңа мәдени кеңістікке айналғанын айтады. Яғни театр бүгінде қызықты қойылым ғана емес, бала мен жасөспірімнің тұлғалық қалыптасуына ықпал ететін қуатты құралға айналған.

«Қазіргі балалар үшін әсер алудың көптеген жолдары бар – спорт, кино, онлайн контент. Дәстүрлі театр оларға бәсекелес бола алмайтындай көрінуі мүмкін. Бірақ бүгінгі таңда театрдың жаңа түрлері бар: иммерсивті және инклюзивті қойылымдар...

Қазақстан Президенті Қасым-Жомарт Тоқаев қоғамдық орындарда адамның түр-сипатын тануға кедергі келтіретін киімдерді киюге тыйым салуды көздейтін заңға қол қойды. Бұл тыйым заңда көзделген ерекше жағдайлардан басқа барлық жағдайларға қолданылады.

Құжатқа сәйкес, бет-жүзді жабатын киімді кию тек кейбір жағдайларда рұқсат етіледі: Қазақстан заңнамасына сәйкес, қызметтік (лауазымдық, еңбек) міндеттерді орындау барысында, медициналық көрсетілімдер бойынша, қолайсыз ауа райынан қорғану үшін, азаматтық қорғаныс мақсатында, сондай-ақ спорттық және мәдени-көпшілік іс-шараларға қатысу кезінде.

«Қазақстан Республикасының заң талаптарын орындау, қызметтік (лауазымдық, еңбек) міндеттерді атқару, медициналық мақсаттар, азаматтық қорғаныс, ауа райының ерекшеліктері, сондай-ақ спорттық, спорттық-бұқаралық және мәдени-көпшілік іс-шараларға тікелей қатысатын адамдарды қоспағанда, қоғамды...

Сыбайлас жемқорлыққа қарсы іс-қимыл агенттігі (30 маусымнан бастап ҰҚК құрамына кірді – ред.) іздеу жарияланған экс-судья Қарлығаш Таткеева туралы ақпарат жолдағандарға сыйақы берілетінін мәлімдеді.

Бұл туралы агенттіктің ресми өкілі Данияр Бигайдаров айтты.

«Агенттік аса ірі мөлшерде алаяқтық жасағаны үшін Қазақстан азаматы Қарлығаш Таткееваны іздеп жатыр. Іздеудегі тұлғаның орналасқан жері анықталған не орналасқан жері туралы ақпарат болған жағдайда Сыбайлас жемқорлыққа қарсы іс-қимыл агенттігіне хабарлауды сұраймыз», – деді ол.

Байланыс нөмірі:

1424-Call – орталық

 8-7172-90-92-60-кезекші бөлім

8-701-972-06-05, 8-775-934-63-33.

Сондай-ақ іздеу жарияланған тұлғаны ұстауға ықпал ететін ақпарат жолдаған адамға сыйақы берілетінін мәлімдеді.

Айта кетейік, Таткееваға іздеу...

Былтыр Cемейде жаңа жыл қарсаңында шыршаны безендіру кезінде құлап, басынан ауыр жарақат алған мұғалім Қуат Айтқалиевтың оқиғасы бойынша тергеу әлі аяқталмаған. Бұл туралы KursivMedia тілшісіне оның жары Сымбат Аянқызы айтты.

Сымбаттың сөзінше, қазіргі кезде Қуаттың жағдайы жақсы, өз бетінше жүріп-тұра алады. Бүгінге дейін екі ота жасатқан. Алғашқы алғашқы отада күйеуінің бас сүйегінің жартысын алып тастап, кейін пластик қойған.

Қуат Айтқалиев жұмысқа әлі шықпаған, алайда жалақысы төленіп отыр. Ал оқиға бойынша ашылған іс аясында әлі де тергеу жүріп жатыр.

Іс қылмыстық кодекстің 362-бабы 4-тармағы (билiктi немесе лауазымдық өкiлеттiктерді асыра пайдалану) бойынша ашылған. Қала əкімінің орынбасары А. Хамзаев мұғалімдерді кəсіби міндеттерімен байланысы...