Жаңалықтар

Дональд Трамп ақ үйде Джо Байденмен кездесті. Бұл туралы BBC арнасы хабарлады. Кездесу барысында Байден келесі президентке билікті бейбіт түрде тапсыратынын мәлімдеді, ал Трамп бұл процестің «мүмкіндігінше сәтті өтетінін» айтты.

«Саясат — ауыр сала, ал, өмірде тіпті бәрі жағымды бола бермейді. Бірақ бүгін мен үшін бәрі жайлы, және мен қуыныштымын», — деді Трамп, содан кейін қос саясаткер қол алысты.

Сайлау алдындағы науқан кезінде Трамп пен Байден бір-бірін қатты сынға алған болатын. Соңғы рет олар маусым айында өткен дебаттарда кездесті. Алайда, сол дебаттардан кейін Байден жасы мен қызметтік міндеттерін атқару қабілетіне қатысты алаңдаушылықтардан соң сайлау науқанынан...

Мәжіліс депутаттары жол-көлік оқиғасынан (ЖКО) қаза тапқан қазақстандықтардың мұрагерлеріне, олардың асырауында адамдар бар-жоғына қарамастан, сақтандыру төлемін жасау туралы талап қойды. Сонымен қатар, міндетті автосақтандыру бойынша ең жоғарғы төлем мөлшерін арттыруды сұрады. Бұл туралы депутаттар Премьер-министр Олжас Бектеновке жолдаған сауалында мәлімдеді.

Қазіргі таңда, депутаттардың айтуынша, ЖКО салдарынан қайтыс болған адамның сақтандыру сомасы тек асырауында адамдар болса ғана мұрагерлеріне төленеді. Ал банк заңнамасына сәйкес, несиелік қарыздар мұрагерлерден асыраудағы адамдар бар-жоғына қарамастан өндіріледі.

«Жол апатында қаза тапқан баланың жағдайында сақтандыру заңнамасында ешқандай құқықтық салдар қарастырылмаған. Керісінше, ЖКО салдарынан үй жануарлары қаза тапса, сақтандыру төлемдері қарастырылған. Яғни, жануарлар үшін...

Келер жылы Астанада Молдова елшілігі ашылады. Президент Қасым-Жомарт Тоқаев дүниежүзілік климат саммиті аясында Молдова Президенті Майя Сандумен кездесті. Бұл туралы Ақорда хабарлады.

Ақорда мәліметінше, кездесуде Майя Санду келесі жылы Астанада Молдова елшілігінің ашылуы елдеріміз арасындағы ықпалдастықты дамытуға септігін тигізетініне сенім білдірді.

Тараптар екі ел арасындағы дәстүрлі достық қарым-қатынастарды, ең алдымен, сауда-экономикалық және мәдени-гуманитарлық салалардағы ынтымақтастықты кеңейтудің мүмкіндіктерін талқылады.

Еске сала кетейік, Майя Санду Молдованың ЕуроОдаққа қосылу процесін бастап президенттік сайлауда жеңіске жеткен еді. Сонымен қатар, референдум кезінде Молдова халқы ЕуроОдаққа кіру туралы шешім қабылдап, ел Конституциясына тиісті өзгерістер енгізілетін болған. 

Jaguar толық электромобильдерге көшу аясында Ұлыбританияда бензинмен жүретін жаңа көліктерін сатуды тоқтатты. 2024 ылдың 11 қарашасынан бастап британдық сатып алушылар тек электрлі Jaguar көліктерін сатып ала алады. Бұл шешім Jaguar Land Rover (JLR) стратегиясының бір бөлігі болып табылады. Компания Jаguar-ды премиум электрлі автокөлік бренді ретінде позициялауды көздейді, деп хабарлайды Autonews.com.

Алдағы 2 желтоқсанда JLR Майами қаласында Jаguar-дың болашақ модельдеріне негіз болатын жаңа электрлі көлік концепциясын таныстырмақ.

Қазанда JLR компанияны трансформацияның келесі кезеңіне дайындау үшін үш жаңа басшыны тағайындаған болатын. Электрлендіру кезеңі Jаguar-ды толықтай электрлі брендке айналдыруды көздейді.

Жоспарларына қарамастан, JLR соңғы уақытта кейбір қиындықтарға тап болды. Соңғы тоқсанда компанияны...

2024 жылдың қазан айында әлем бойынша электромобильдер мен гибридті көліктердің сатылымы өткен жылмен салыстырғанда 35%-ға артып, 1,72 миллионға жетті. Бұл өсімнің басым бөлігі Қытайдың үлесінде, онда сатылым 54%-ға өсіп, 1,2 миллион көлікті құрады. Ал Еуропада өсім небәрі 0,8%-ды құрап, 0,26 миллион электромобиль сатылды. Бұл туралы британдық Rho Motion зерттеу компаниясының деректерін негізге ала отырып, Reuters хабарлады.

АҚШ пен Канадада өсім 11,4%-ға жетіп, 0,16 миллион электромобиль сатылды. Қалған аймақтарда бұл көрсеткіш 10,9%-ға артты. Дегенмен, Еуропада қыркүйекпен салыстырғанда қазан айында сатылым 14%-ға төмендегендіктен, айлық көрсеткіштер әлсіз көрінеді.

Сарапшылар Еуропадағы автокөлік өндірісіне бірқатар қиындықтар барын атап өтті. Оларға өндіріс шығындарының жоғарылығы және...

«Самұрық Қазына» холдингі өзіне қарасты QazaqGaz мен Қытайдың PetroChina International Alashankou Company Limited арасындағы мәмілені мақұлдады.

KASE-де жарияланған құжат бойынша, газ сатып алу-сату шартының қосымша келісіміне қол қоюды көздейді. Бұл мәміле Қытай тарапымен 2023 жылдың қазан айында жасалған.

Құжатта келісімнің нақты сомасы көрсетілмеген. Бірақ QazaqGaz активтерінің жалпы құнынан 69,54 %-ға асатыны жазылған. Демек, келісім-шарт құны 1,9 трлн теңгеден кем болмауы тиіс.

Қазан айында Қазақстанның Қытайға газ тасымалын арттыратыны туралы ақпарат шықты. QazaqGaz Қытайға қосымша газ құбырын салуды жоспарлап отыр.

Мұның алдында Қазақстан мен Қытай экспорттың қазіргі көлемін айтпағанда, бұдан едеуір көп шикізат экспортына қатысты келіссөз жүргізіп жатқаны туралы жазғанбыз...

Қазақстан көмір станцияларын пайдаланудан шығаруды жеделдету үшін «жасыл» энергетика саласына шамамен 3,7 миллиард доллар инвестиция тартты. Бұл қаржыны Қазақстан Азия Даму Банкінен алады.

Бакуде өткен Қазақстанның энергетика министрі Алмасадам Сәтқалиев бірнеше ынтымақтастық құжатына қол қойған. Оның ішінде Қазақстанның көміртегі бейтараптылығы мақсаттарына жетуіне қолдау көрсету бойынша Азия даму банкімен (АДБ) өзара түсіністік туралы меморандум бар.

Құжат мақсаты – көмір станцияларын пайдаланудан шығаруды жеделдету және жаңартылатын энергия көздерін пайдалануды ұлғайту, энергия тиімділігін арттыру және электр энергиясы мен жылу энергиясын өндіруде жаңа технологияларды енгізу.

Қол қойылған құжаттардың қатарында Қытаймен жаңартылатын энергия көздері саласындағы жобаларды іске асыру туралы келісім де бар. Ол...

Ресейдің Орынбор облысында Қазақстаннан әкелінген 40 мың тонна жүгері ұрығы ұсталынып, кері қайтарылған. Ресейдің ауыл шаруашылығын қадағалау мекемесінің пікірінше, бұл ауыл шаруашылығы өнімі «заңсыз» тасымалданыпты.

«2024 жылы 8 қарашада Ресейдің ауыл шаруашылығын қадағалау басқармасының өкілетті тұлғалары құжаттық бақылау барысында Ресей мемлекеттік шекарасының қазақстандық-ресейлік бөлігінде Қазақстан Республикасынан әкелінген жоғары фитосанитарлық қатері бар карантинге жататын өнімді заңсыз тасу әрекетінің жолын кесті», – делінген ресейлік органның хабарламасында.

Ресейдің ауыл шаруашылығын қадағалау мекемесінің ақпаратына қарағанда, карантиндік өнімді фитосанитарлық және ұрықтық тексеру кезінде, Қазақстаннан жалпы көлемі 40,7 тонна жүгері ұрығы әкелінгені анықталыпты. Олар – Австрия және Франциядан шыққан «Норико...

Франция астанасындағы Париж Сент-Жермен бульварындағы орналасқан Louis Vuitton бутигі екі айда екінші рет тоналды. Ұрылар дүкенді көлікпен қағып, қымбат сөмкелерді алып кеткен.

RFI ақпаратына сүйенсек, оқиға 11 қараша таңғы сағат 4:30 шамасында орын алған. Бетперде киген төрт адам бутиктің алдыңғы есігін көлікпен қағып, тауарды алып кетеді. Ұрланған заттың нақты құны әлі нақтыланбаған.

Ұрлық видеоға түсіп қалған. Ұрылар камераға түсірілгенін байқаған. Бірақ сөмкелер және ішік тондарды заттармен жүк салғышқа салуды жалғастырған. Прокурорлар «былғарыдан жасалған бұйымдар» ұрланғанын хабарлады.

Әзірге бірде бер күдікті қамауға алынған жоқ

Париждің 6-шы ауданы, Сент-Жермен бульварындағы бутик осы күздің екі айында екі рет тоналған. Le Figaro мәліметінше

Туризм және спорт министрі Ербол Мырзабосынов Қайрат Боранбаевтың сотты болғанына қарамастан, Ұлттық паралимпиада комитетін басқаруда өзі міндетін жақсы атқарып жатқанын айтты. Бұл туралы министр мәжіліс кулуарында айтты.

Мәжілісте депутат Мұрат Әбенов спорт федарацияларын соттылығы бар, қаражат ұрлауға қатысы бар тұлғалардың басқаратынын тілге тиек етіп, мұның дұрыс емес тәжірибе деп бғалады. Депутат мысал ретінде Ұлттық паралимпиада комитетінің президенті Қайрат Боранбаевты келтірді. Әбенов спортта әділдік, адалдық сынды қасиеттерге мән беру қажет екенін, спортшыларымыз бен федерация өзгелерге үлге-өнеге көрсетуі тиіс екенін атап өтті.

«Қазір қоғамда федерация басшылары ауысады деген үміт бар. Паралимпиадалық спорт басшылығына жақында сотталған және соттылығы өтелмеген адам келді. Мұндай...

АҚШ-тың жаңадан сайланған президенті Дональд Трамп Fox News телеарнасының жүргізушісі Пит Хегсетті Қорғаныс министрі қызметіне үміткер ретінде ұсынды. Бұл туралы Трамптың өтпелі командасының мәлімдемесінде айтылды, деп хабарлайды Reuters.

«Пит — мықты, ақылды адам, ол «Америка бәрінен жоғары» деген ұстанымға шынайы сенеді… Пит басшылыққа келгенде, Американың жаулары біздің әскеріміз қайтадан қуатты болатынын және Америка ешқашан шегінбейтінін түсінеді», — делінген мәлімдемеде.

Айта кетейік, 44 жастағы Пит Хегсет — АҚШ Ұлттық гвардиясының ардагері, ол Ауғанстанда, Иракта және Кубадағы Гуантанамода қызмет еткен. Хегсет Fox арнасында 2014 жылдан бері жұмыс істеп келеді, соңғы жылдары Fox & Friends Weekend бағдарламасыны...

Орталық депозитарий қазақстандық инвестордың портретін жасаған. Депозитарийде шот ашқан клиенттердің дерегіне сәйкес, ол – 35-54 жас аралығындағы Алматы не Астана қаласының тұрғыны.

35-54 жас аралығындағы инвесторлардың үлесі 39,5%-ын құрайды. 25-34 жас аралығындағы топ екінші орында келеді. Олардың үлесі 32% деңгейінде тұрақтаған. Ал үшінші орындағы 18-24 жас аралығындағы инвесторлардың үлесі 14% құрап отыр.

Бұл ретте, гендерлік жағдай аса өзгермеген: шот ашқан әйелдердің үлесі – 49,8% болса, ерлердің үлесі – 50,2% Бұл тепе-теңдік 2023 жылдың сәуірінен бері сақталып келеді.

Инвесторлар басым бөлігі Алматы (20,7%) және Астана қаласында (11,2%) шоғырланған. Қос қаланың ізін ала Түркістан облысы (9,4%) келеді. Солтүстік Қазақстан облысында...

Ұлттық Банктің мәліметінше, қазан айында еліміздің 8 өңірінде инфляция күшейген. Қазір 8,5%-ға жетіп отыр. Ал өткен қыркүйекте 8,3% болған еді.

Жылдық инфляцияға келсек, оның Қазақстанның 10 өңірінде баяулағаны тіркеліп отыр. Ал 8 өңірде жылдамдай түскен. Екі өңірде көрсеткіштер өзгеріссіз қалыпты. Ұлттық банктің мәліметінше, инфляция бойынша Астана мен Маңғыстау көш бастап тұр.

Қазан айында азық-түлік тауарлары бағасының өсу қарқыны 4,9%-ға дейін азайған. Қыркүйек айында 5,1%-ға жеткен болатын. Алматы қаласында азық-түлік 7,4%-ға қымбаттаса, ең аз көрсеткіш Түркістан облысына тиесілі. Оңтүстікте баға небәрі 2,7 пайызға өсіпті.

Ұлттық банктің хабарламасын қарағанда, өткен айда азық-түлік емес тауарлардың бағасы қымбаттай...

Қазақстанның Туризм және спорт министрі Ербол Мырзабосынов елімізде қазақстандық кәсіпқой боксшы Жәнібек Әлімханұлының жекпе-жегін өткізу мүмкіндігін қарастырып жатқанын мәлімдеді.

Бүгінгі Мәжіліс отырысында депутат Ринат Зайытов ел назарын аударатын спорт жұлдыздарының жекпе-жектерін Қазақстанның өңірлерінде ұйымдастыру қажеттігін айтты.

«Әлемдік аренада елімізді танытып жүрген қос спортшымыз – Шавкат Рахмонов пен Жәнібек Әлімханұлы. Бұрын Геннадий Головкиннің Қазақстанда жекпе-жек өткізуін армандаған едік. Туризмді дамыту үшін осындай спортшылардың Астана мен Алматыдан бөлек өңірлерде де жекпе-жек өткізуге мүмкіндігі бар ма?» – деп сұрады депутат.

Сонымен қатар, министр Ербол Мырзабосынов UFC 310 турнирінде Шавкат Рахмоновтың Белал Мухаммадқа қарсы жекпе-жек өткізуі жоспарланғанын, алайда...

2024 жылы атмосфераға көтерілген газ қалдықтарының көлемі 2023 жылғы көрсеткіштен 0,8% асып, 37,4 млрд тоннаны құрады, деп хабарлайды Global Carbon Budget.

Global Carbon Budget зерттеуіне сүйенсек, әлем мұнай, табиғи газ және көмірді пайдалануды азайтудың орнына, қазба энергия көздерін көбірек тұтына бастаған. 2024 жылдың қалдықтар көлемі рекордтық көрсеткішке жетуі мүмкін. 

Зерттеуге сәйкес, 2024 жылы атмосфераға көтерілген газ қалдықтарының көлемі 2023 жылғы көрсеткіштен 0,8%  асып, 37,4 млрд тоннаны құрады. 

«Әлем қазба отындары арқылы шығарындыларды тез және байыпты түрде азайтуы керек, осылайша біз жылынуды индустрияға дейінгі деңгейден 2 градустан төмен ұстауға мүмкіндік аламыз», – деп ескертті британдық Экстер университетінің зерттеушісі Пьер...

Алматы қаласындағы қоғамдық кеңес пен мәслихат депутаттары Damubala бағдарламасының шеңберінде балалардың спорт және шығармашылық үйірмелеріне бөлінген бюджет қаражатының қалай жұмсалып жатқанын тексеру барысында бірнеше құқық бұзушылық фактілер анықтады. Анықталғандай, көптеген секциялар мен үйірмелер талаптарға сай жұмыс істемей, балаларға лайықты жағдай жасамаған.

Мәжіліс депутаты Сергей Понамаревтің айтуынша балалар лас, жасыл түсті суы ауыстырылмаған, бассейнде жаттығуға мәжбүр болған, онда тәулік бойы сауна, бильярд және автокөлік жөндеу шеберханасы да қатар жұмыс істеген. Спорттық гимнастика секциясы желдеткіші жоқ, төбесі аласа жертөледе өткізілсе, вокал мен домбыра сабақтары балаларға кішкентай, сусыз және дәретханасы жоқ бөлмелерде жүргізілген. Футбол секциялары душ пен киім ауыстыратын орындарсыз ашық алаңда орналасқан.

«Ақ жол» фракциясының депутаттары Қазақстанда салық жеңілдігіне ие инвестициялық жобаларды кеңейтуге инвестор салатын қаржы көлемін 5 млн АЕК-тен (18,5 млрд теңге) 1 млн АЕК-ке (3,7 млрд теңге) дейін түсіруді ұсынып отыр. Вице-премьер Нұрлан Байбазаровқа депутаттық сауал жолдаған мәжілісмен Ерлан Барлыбаев инвесторлар өндірісті кеңейтуге 1 млн АЕК көлемінде қаржы салса, салық жеңілдігін беру керек деп тұжырымдайды.

Мәселенің мәні

Депутаттың айтуынша, Қазақстанда қолданыстағы заңнама негізінде, ірі инвестициялық жобаларға түрлі жеңілдіктер қарастырылған. Мәселен, ірі инвесторлар технологиялық жабдықтар мен қосалқы бөлшектерін импорттағанда, кедендік баждан босатылады. Сонымен қатар, инвестжоба қолға алынған сәттен, 10 жылға корпоративтік табыс салығынан, 8 жылға мүлік салығынан, жер...

Қырғызстан өз экономикасын қолдау үшін Азия даму банкінен 50 млн доллар көлемінде несие алуға шешім қабылдады.

24kg басылымның ақпаратына сүйенсек, тиісті келісімді ратификациялау туралы заң жобасын елдің Жоғарғы кеңесінің арнайы комитеті үшінші оқылымда мақұлдады. Оған сәйкес, несие 24,5 жылға берілетін болды.

Айта кетейік, Азия даму банкі бөлген 50 млн доллардың барлығы толықтай несие емес, оның 7 млн доллары экономиканы қолдауға грант ретінде беріледі, қалған 43 млн доллар несие.

Несие бойынша соңғы төлемді Қырғызстан 2048 жылдың маусымында жасауы керек. Несиенің пайыздық мөлшерлеме – 1,5%.

Бұл қаржыны Қырғызстан көлік пен энергетикадан бастап білім беру, денсаулық сақтау және жеке секторға дейінгі көптеген салаларға инвестициялауы...

Бүгін Польшада зымыран қондырғысы бар америкалық әскери база ашылмақ. Редзиково қаласы маңындағы Aegis базасы Ресей шекарасынан небәрі 165 шақырым жерде орналасқан. Aegis жүйесінде баллистикалық зымырандарға қарсы тұратын SM-3 зымырандарын ұшыру қондырғысы мен радар орнатылған.

Polsat News-дің хабарлауынша, базаның салтанатты түрде ашылу рәсіміне НАТО өкілдері мен Польшаның қорғаныс министрі Владислав Косиняк-Камыш қатысады.

Польшалық ақпарат құралының мәліметіне қарағанда, Польшаның қорғаныс министрі Редзикова базасы Солтүстік альянстың басқаруына өтетінін айтқан.

Бұл база баллистикалық зымырандарды табу, бақылау және атып түсіру қызметін атқарады. АҚШ мұның алдында «база Ресей шекарасына жақын орналасқанымен, Мәскеудің әскери-стратегиялық потенциалын бәсеңдете алмайды» деп мәлімдеген болатын. Вашингтонның пікірінше, ол Батыс Еуропаны «Иран...

«Астана» велокомандасына жылына 31 млрд теңге жұмсалады. Команда мүшелері көбінде легионерлерден тұрады. Бұл туралы Мәжілісте депутат Мұрат Әбенов айтты.

Депутат шетелдік азаматтарға қомақты қаражат шығындауға қарсы. Айтуынша, бұл команда шетелдегі жарыстарда Қазақстан аты шығарып, туын желбіретіп жүрген жоқ. Сонымен бірге олимпиада ойындарында да еш нәтиже көрсете алмаған. Мұндай нәтиже көрсетпейтін командаға қомақты қараджат бөлуді Әбенов әбестік деп санайды.

«2020 жылы президент үлкен спортты квазимемлекеттік сектор есебінен қаржыландыруды қысқарту туралы тапсырма берген болатын. Осы орайда көпшілік «Астана» велокомандасын қаржыландыру шектеледі деп күткен еді. Алайда, олай болмады. Бұл бизнес жоба. Ылғи шетелдегі жарыстарға қатысады. Команда...

Футболдан Қазақстан құрамасының бас бапкері Станислав Черчесов қызметінен кете ме? Бұл сұраққа бас бапкер журналистермен баспасөз маслихатында жауап берді.

Қазақстан футбол жанкүйерлері арасында соңғы уақытта бас бапкер Станислав Черчесовтың қызметінен кету-кетпеуі туралы сұрақтар жиі туындап жүр.

Федерация мен Черчесовтың арасындағы қарым-қатынаста ешқандай кикілжің немесе жеке мәселелер болмағаны бас бапкер өз мәлімдемесінде атап өтті. Черчесовтың айтуынша, оның Қазақстан футбол федерациясымен ресми келісімшарты бар, және ол өз міндетін орындауды жалғастырады.

«Иә, қазір федерация президенті жоқ, Әділет Барменқұлов бұл қызметтен өз еркімен кетті. Бұл оның жеке шешімі, мен еншандай артық сұрақ қойған жоқпын. Менің білуімше жаңа...

Kaspi.kz бір қарапайым акциясына 850 теңге дивиденд төлеуі мүмкін. Осы мәселе компания акционерлерінің 18 қарашада өтетін кезектен тыс жалпы жиналысында қаралады. Сонымен қатар, директорлар кеңесіндегі өзгерістер талқыланады.

Kaspi.kz-тің қарапайым акциялары Қазақстан қор биржасында (KASE) саудаланады. Ал америкалық депозитарлық қолхаттары NASDAQ биржасында айналымда жүр. Төленетін дивидендтің жалпы мөлшері нақтыланбаған. 1 қазандағы жағдай бойынша, KASE-де 190 млн қарапайым акциясы айналымда жүр.

Бұған дейін компания І және ІІ тоқсан үшін бір акцияға 850 теңгеден дивиденд төлеген. Төленген дивиденд сомасы 161,5 млрд теңгені құраған.

Сонымен қатар, директорлар кеңесінің мүшесі және ірі акционердің өкілі Николай Зиновьевтің қызметтен кетуіне байланысты, орның орнына Ernst...

Баланың жоғары білім алуы үшін мемлекет тарапынан алғашқы жарна бөлінетін «Келешек» бағдарламасына бес жастан асқан балалар қатыса алмайды. Бұл туралы мәжілісте Ғылым және жоғары білім вице-министрі Талғат Ешенқұлов айтты.

«Заң қабылданған кезде алты, жеті және одан да көп жастағы балалар үшін бастапқы капитал көзделмейді»,- деді Ешенқұлов.

«Келешек» бағдарламасы бойынша әр балаға 60 АЕК (221520 теңге) көлемінде мемлекеттен алғашқы жарна төлейді. Ал ата-ана қамқорлығынан айырылған балалар үшін мемлекет жарнасы 120 АЕК-ті (443040 теңге) құрайды.

Депутаттар қазір оқудың қымбаттап жатқанын, ал бірнеше жыл жинақталған соманың жеткіліксіз болатынын айтты.

Қазақстан ОПЕК+-тің мұнай өндіру квотасын жүйелі түрде бұзып жатыр. Келесі жылы Теңіздегі өндіріс артпақ. Бұл жағдайды тым ушықтырып жіберуі әбден мүмкін.

Бұл туралы Bloomberg жазды. Оған сенсек, Қазақстан қазан айында мұнай өндіруді тәулігіне 1,29 млн баррельге дейін қысқартқан. Қыркүйек айымен салыстырғанда, 290 мың баррельге азайтып отыр. Десе де, мұның өзі ОПЕК+ квотасынан жоғары болып тұр. Дәлірек айтқанда, 87 мың баррельге. Сонымен бірге, Қазақстан үшін ай сайын жыл бойы артық өндіру өтемі үшін таргет азайып жатыр.

Bloomberg есебі бойынша, Қазақстанның биыл он айдың ішінде 1,11 млн баррель мұнайды артық өндіріп отыр. Оның үстіне, келесі жылы жағдай бұдан да ушығуы...