Жаңалықтар

«Астана» халықаралық қаржы орталығы инвестиция тарту үшін құрылған, ол офшорлық аймақ емес. Сенат кулуарында Ұлттық банк төрағасы Тимур Сүлейменов осылай деп мәлімедеді.

«Жоқ, ол оффшор емес. Ешқандай оффшор емес. ол инвестицияны тартуға арналған құрал, сондықтан оны қолдау керек, дамыту керек. АХҚО-дағы AFSA деген тіркеуші орган Ұлттық банкпен бірге жұмыс істеуі керек, тығыз байланыс болуы қажет», – деді ол журналистер сұрағына.

«Астана» халықаралық қаржы орталығына қатысты дау ұлттық экономика министрі Серік Жұманғариннің пікірінен кейін шықты. Ол «Астана халықаралық қаржы орталығы» Қазақстанның ішіндегі офшор аймаққа айналуы қаупі бар деген еді. Жұманғаринның сөзінше, кейбір компаниялар...

Ұлттық тестілеу орталығы биыл грант конкурсына құжаттар қабылдау 13-20 шілде аралығында жүзеге асырылатынын хабарлады.

Орталық құжаттарды жоғары оқу орындарының қабылдау комиссиялары арқылы офлайн немесе eGov арқылы онлайн тапсыруға болатынын атап өтті.

Грант конкурсына қатысу үшін төмендегідей құжаттар қажет:

B167 «Ұшу аппараттарын және қозғалтқыштарды ұшырып пайдалану» мамандығы үшін дәрігерлік ұшу-сараптамалық комиссиясының медициналық куәландыруы керек.

Қосымша ақпарат бойынша ЖОО-лардың қабылдау комиссияларына хабарласуға болады.

ҰБТ-ның соңғы аралық қорытындысының нәтижесіне сай, тестілеуді түлектердің 74%-ы – қазақ тілін, 26%-ы – орыс...

«Самұрық-Қазына» мен «Бәйтеректің» жұмысына депутаттардың көңілі толмайды. Бұл туралы Парламент кулуарында депутат Бақытжан Базарбек айтты.

«Біздің «Бәйтерек» пен «Самұрық-Қазынаның» экономикаға тигізіп жатқан ықпалына қатысты жұмысына көңіліміз толмайды. Күзде аудиторлық палатаның есебі дайын болады. Соны күту керек. Сонда бұл компаниялардың жұмысы тиімсіз әрі экономикаға тигізіп жатқан әсері төмен десе, бұл мәселені толыққанды қарауымыз керек болады», – деді

Сонымен бірге депутат айтылмай қалған басқа да мәселелер көп екенін, соның бірі – утильалым екенін айтты.

«Утильалым мәселесін алдағы уақытта Мәжіліс мінберінде қатаң түрде қаралуы керек деп санаймын», – деді депутат.

Еске...

Атом электр станциясының құрылысына кемі 14 млрд АҚШ доллары қажет. Бұл жөнінде парламент кулуарында Атом энергиясы жөніндегі агенттіктің төрағасы Алмасадам Сәтқалиев мәлімдеді. 27 маусым күнгі ресми бағаммен есептесек, 7,2 трлн теңгеден асады.

«Құрылыс құнының нақты көлемі техникалық-экономикалық негіздеме дайын болған соң белгілі болады. Қазір бізде вендорлардан индикативті көрсеткіштер бар, бірақ олар келісімдермен қорғалған», – деді агенттік басшысы.

Оның айтуынша, бұл басқа елдердегі атом электр станциясының құрылысына кеткен қаржыға тең. АЭС құрылысына шамамен 7 жыл қажет болады.

Сәтқалиевтің сөзінше, Қазақстан биыл жыл соңына дейін АЭС салуға қатысты үкіметаралық келісімге қол қоюды жоспарлап отыр.

Бакуде Джафар Джаббарлы атындағы Әзербайжанфильм киностудиясының аумағында жарылыс болды.

1news.az сайты Төтенше жағдайлар министрлігіне сілтеп, киностудия аумағында шыққан өрт шұғыл шаралардың арқасында қысқа уақыт ішінде оқшауланғанын жеткізді.

О баста «Алов» зауытында жарылыс болды деген ақпарат шыққан. Қорғаныс өнеркәсібі министрлігі мұны жоққа шығарды. Министрлік өкілдерінің айтуынша, зауытта ешқандай жарылыс та, өрт те болмаған.

Ал жарылыс «Әзербайжанфильм» киностудиясының бұрынғы пиротехникалық учаскесінде болған. Оқиға орнына шұғыл қызметтер жұмылдырылып, өртті қысқа уақытта оқшаулаған.

Кеше СҚО-да қытайлық компания иелік ететін кәсіпорында жарылыс болып, 9 адам зардап шеккен.

Қостанай облысын су тасқынынан қорғау үшін Үкімет 1 млрд теңге бөлді. Бұл туралы Үкімет үйінің баспасөз қызметі хабарлады.

«Қостанай облысының Қарасу ауданында бұрма канал құрылысына Үкімет резервінен 1 млрд теңге көлемінде қаржы бөлінді. Тиісті қаулыға Премьер-министр Олжас Бектенов қол қойды», – делінген хабарламада.

Баспасөз қызметінің мәліметінше, 2024 жылғы көктемгі су тасқыны кезінде Қарасу ауданында Тімтуір, Қойбағар, Алабота, Биесойған және Жаншора көлдері қосылып, елдімекендерге жайылған. Су басқан жердің жалпы ауданы 621 шаршы шақырымды құраған. Салдарынан ұзындығы 38 шақырым болатын электр желілері мен 234 тірегі су астында қалған. Су басқа жердің электр беру желілерінің жалпы...

Жоғарғы сот «Азаматтарға арналған үкімет» мемлекеттік корпорациясы» КЕАҚ төрағасының атына жеке ұйғарым шығарды. Оған филиалдағы заң бұзушылық әрекет себеп болған.

Жоғарғы соттың әкімшілік істер жөніндегі сот алқасы азаматтың талап-арызын қарады. Сот барысында талап қоюшы КЕАҚ-ға мүлікті сату-сатып алу шартын мемлекеттік тіркеу үшін құжат тапсырғаны, бірақ шарттың нотариалды куәландырылмағандығына байланысты КЕАҚ-дан пәтерді тіркеуден бас тарту туралы хабарлама түскені анықталды.

Талап-арызды бұған дейін жергілікті соттар қараған. Олар жеке сот орындаушысы мен электрондық аукционның жеке жеңімпазы арасында жасалған жылжымайтын мүлікті сатып алу-сату шартын нотариалды куәландыру қажет емес екенін анықтаған. Оның үстіне, заңнамада оны тіркеу үшін басқа құжатты ұсыну қарастырылмаған.

Осылайша бұған дейін...

«ForteBank» АҚ Home Credit Bank-ты сатып алды. Қазақстан қор биржасына банктің 100% акциясын сатып алу туралы келісімге келгені жайлы ақпарат жариялады.

«ForteBank» АҚ (Қазақстандағы) «Home Credit Bank»
АҚ-тың акционерлерімен (Қазақстандағы) «Home Credit Bank» АҚ-тың 100%
акциясын сатып алу туралы түбегейлі келісімге келгенін хабарлайды», – деп жазылған хабарламада.

Банктің хабарлауынша, тараптар Қаржы нарығын реттеу және дамыту агенттігінің және Бәсекелестікті қорғау агенттігінің рұқсатын алғаннан кейін мәміле толық аяқталады. Әзірге қаржылай жай-жапсары белгісіз.

«ForteBank» хабарлауынша, екі банктің де клиенттеріне бұрынғыдай қызмет көрсетіледі, барлық шарттар күшінде қала береді. Ал банктердің міндеттемелері толық көлемде орындалады.

Forte Bank Қазақстандағы е...

АҚШ президенті Дональд Трамп Ақ үйдегі шарада Америка мен Қытай арасында сауда келісімі жасалғанын мәлімдеді.

«Барлығы мәміле жасап, қатысқысы келеді. Мысалы, кеше ғана Қытаймен келісімге қол қойдық. Солай емес пе?», – деді ол. Бірақ келісімнің толық-мән жайын айтқан жоқ.

Кейінірек АҚШ-тың сауда министрі Говард Лютник Bloomberg-ке берген сұхбатында келісімге екі күн бұрын қол қойғанын растады.

АҚШ қол қоятын келесі ел Үндістан болмақ. Трамптың сөзінше, осы мәміледен кейін Үндістан нарығы АҚШ бизнесі үшін ашылады. Бірақ Ақ үй басшысы барлық мемлекеттермен жаппай келісімге отырмайтынын атап өтті.

«Кейбіріне жай ғана хат...

Қасым-Жомарт Тоқаев Минскіде өткен Еуразиялық форумға қатысты. Сөзінде ЖИ-дің дамуы, цифрлы технологияны жетілдіруге ерекше назар аударды. ЕАЭО аясында ортақ технопарктер мен стартап-инкубаторларды бірлесіп құруға шақырды.

Президенттің айтуынша, дүние жүзінде жасанды интеллект саласындағы бәсекелестік күшейіп келеді. Еуразиялық экономикалық одақ ғаламдық үдеріс көшінен кеш қалмауы керек.

– Енді ғана қалыптасып келе жатқан цифрлық әлем тәртібіндегі рөлімізді күшейтуге орайлы сәт туды. Мұны дер кезінде пайдалану маңызды. Әрине, кез келген технологиялық революция сияқты жасанды интеллектінің де қатері жоқ емес. Технологияға қолжетімділік теңсіздігі, дәстүрлі жұмыс орындарының қысқаруы, цифрлық дербестіктің шектелуі, жаһандық цифрлық монополияға тәуелділік секілді қауіптер бар. Яғни дамуы...

Айгүл Иманбаева ұлының үйлену тойы мен немересінің тұсаукесерін қатар өткізді. Салтанатты шараға шоу-бизнес жұлдыздары түгел қатысты. Нұрғали Нүсіпжанов, Заттыбек Көпбосынұлы, Еркеш Хасен және Айгүл Иманбаеваның өзі ән шырқады.

Әншінің бұрынғы жолдасы Сәбит Әбдіхалық екеуінің Асылжан есімді ұлы бар. Баласының үйленгені жайлы бұрын жарияламаған еді. Енді әнші ұлы мен немересінің тойын қатар жасап, келінін көпшілікке таныстырды. Жас келіннің есімі – Жансая.

Тойға бұрынғы жұбайы Сәбит Әбдіхалық та келіп қатысты. Кішкентай немересінің тұсауын радиожурналист, дәстүрлі әнші Ерлан Рысқалидің жұбайы Жадыра Жұмакүлбай кесті.

» Жадыраның 2003-05 жылдар аралығында «Қазақ радиосы» эфирінде «Аты жоқ көкек» атты авторлы...

Стартаптар әлемінде бір қарағанда барлық идея аса маңызды әрі өміршең болып көрінеді. Бірақ өнімді жарыққа шығарып, іске қосу үшін көп уақыт пен күш салу керек. Бір қызығы, жаңа жобалардың жартысынан астамы сәтсіздікке тап болады да, жабылып тынады. Тіпті командасы, салынған инвестициясы, таудай амбициясына қарамастан соңы сәтсіз болып жататын кейс көп. Бұған не себеп? Бұл жерде фаундер мен продакт-менеджерге керек қабілет —  Product Thinking маңызды. Бүгінгі материалымызда осы машықты талдаймыз.

Фича қоса бермей, шешім ұсыну керек

Product Thinking — өнімнің функциясы көп болғаны оның мықты екенінің көрсеткіші бола алмайды. Одан қайта қолданушының қандай мәселесін шеше алатынына көбірек мән берген...

2025 жыл. Қазақстан қаржы нарығында көш бастап тұрған Halyk Bank — жай ғана банк емес, тұтас бір қаржылық экожүйе. Бұл банк тек несиелеу мен депозит ұсынатын классикалық институттан әлдеқашан алыстаған. Ол бүгінде инвестициялық қызметтен бастап, лизинг, сақтандыру, активтерді басқару, брокерлік қызметтер, тіпті күнделікті өмірге қажет сервистерге дейін ұсынатын мультисекторлы қаржы тобына айналды.

Инфографика 01: Халық тобы: экожүйе

Банк географиясы мен нарықтағы орны

Halyk Bank қызмет аясын Қазақстан шеңберімен шектемейді. Бүгінде банк Грузия мен Өзбекстан нарығында да белсенді жұмыс істеп жатыр, бұл оның халықаралық деңгейдегі қаржы институтына айналғанын көрсетеді. Ел ішінде банк 542 филиал мен бөлімшеге ие, бұл...

Президент Қасым-Жомарт Тоқаев Беларусь астанасы Минскіде өткен Еуразиялық экономикалық форумның пленарлық отырысына қатысып, маңызды баяндама жасады.

Президент өз сөзінде ЕАЭО-ның халықаралық беделі артып келе жатқанын және ұйымның жалпы экономикалық әлеуеті 2,6 трлн АҚШ долларына жеткенін атап өтті. 2023 жылы мүше мемлекеттер арасындағы өзара сауда көлемі 98 млрд долларды құраған. Бұл көрсеткіштер Одақ ішіндегі экономикалық байланыстардың артып келе жатқанын көрсетеді.

Бұдан бөлек, Президент цифрландыру мен жасанды интеллект (ЖИ) технологияларының маңыздылығына да тоқталды. Бұл салалардың экономиканы түбегейлі өзгертіп, жаңа мамандықтардың пайда болуына жол ашатынын айтты. Сонымен қатар, ЖИ-дің жанама әсерлеріне де назар аударды. Айтуынша, ChatGPT сынды құралдарды бүгінде студенттер ғана...

АҚШ президенті Дональд Трамп Ресей басшысы Владимир Путин келіссөзге қатысатын болса, Украинадағы соғысты тоқтату мақсатында Түркияға келуге дайын екенін жеткізді. Бұл туралы Түркия президенті Режеп Тайып Ердоған журналистермен кездесуде мәлімдеді.

Трамп егер Путин келетін болса, өзі де Түркияға келуге дайын екенін айтты. Біз шын мәнінде бейбітшілікке мүдделі барлық тарапты қарсы алуға әзірміз, — деді Ердоған.

Ердоғанның айтуынша, Анкара қазіргі уақытта қақтығысты дипломатиялық жолмен шешу үшін белсенді түрде жұмыс жүргізіп жатыр. Түркия президенті жуырда жоғары деңгейдегі кездесу ұйымдастырылып, оның тұрақты бейбіт процестің бастамасына айналатынына үміт білдірді.

Ердоған Түркияның бұған дейін де Украинадағы соғысқа қатысты бейбіт...

Алматыда BRT жобасын жүзеге асыруға байланысты Желтоқсан көшесінің бір бөлігінде көлік қозғалысы уақытша шектеледі. Бұл туралы қала әкімдігі хабарлады.

27 маусым күні сағат 08:00-ден 22:00-ге дейін Бөгенбай батыр көшесі мен Жібек Жолы көшесінің аралығы көлік қозғалысына жабылады. Уақытша шектеу құрылыс-монтаждау жұмыстарының жүргізілуіне байланысты енгізіліп отыр.

Жүргізушілерге бұл аумақты Наурызбай батыр көшесі және Абылай хан даңғылы арқылы айналып өту ұсынылады.

Жөндеу жүретін аумақта арнайы ескерту белгілері қойылып, мердігер ұйым басшысының байланыс нөмірі жазылған ақпараттық тақта орналастырылады. Қала тұрғындары мен қонақтарынан маршруттарын алдын ала жоспарлауды сұрайды.

Қозғалысты шектеу туралы толық ақпарат @AlmatyJoly Telegram арнасында, қала әкімдігінің әлеуметтік желілерінде, сондай-ақ 2GIS және «Яндекс...

24 жастағы қазақстандық теннисші Бейбіт Жұқаев іріктеу кезеңінің финалында франциялық Лука Павловичті 3:6, 6:3, 6:2, 7:6 (7:5) есебімен жеңіп, «Үлкен дулыға» жарысына жолдама алды.

Бұл кездесу екі сағат 26 минутқа созылды. Жұқаев матч барысында 52 виннер орындап, 63 пайыз бірінші допты сәтті енгізді. Еркін қателіктер саны – 24. Осылайша сет бойынша 3-1 есебімен қазақстандық теннисші жеңіске жетті.

Бейбіт Жұқаев қазіргі таңда ATP рейтингінде 251-орында тұр. Ең үлкен жетістіктерінің бірі – 2023 жылы Шанхайда өткен ATP 1000 турнирінің екінші кезеңіне өтуі. Сол жылы АҚШ-тың Шарлотсвилл қаласында өткен Challenger жарысында чемпион атанды. Оның ATP рейтингіндегі ең жоғары көрсеткіші – 171-орын. Қазірге...

Халықаралық экономика және бейбітшілік институты (IEP) жыл сайынғы «Жаһандық бейбітшілік индексін» (GPI) жариялады.

Биылғы рейтингте Қазақстан 56-орынға көтерілді. Өткен жылмен салыстырғанда 5 саты жоғары шыққан.

Орталық Азия мемлекеттері ішінде Қазақстан тұрақты түрде ең бейбіт ел ретінде аталып жүр. Көршілес елдердің рейтингіне тоқталса, Өзбекстан 67-орынды иемденіп отыр. Қырғызстан 78-орында. Одан кейін 79-орында Тәжікстан тұр. Түркіменстан 87-орынды алған.

Солтүстік көршіміз Ресей ең соңғы орынға жайғасыпты. 2025 жылғы есепке сәйкес, 163-орынды имденген Ресей әлемдегі ең агрессивті мемлекет ретінде танылды. Украина болса, 162-орынға орналасып, Ресейден бір саты ғана жоғары тұр.

Ең бейбітсүйгіш елдер санатына  Исландия, Ирландия және Жаңа Зеландия кірген. Алғашқы үштікті бастап отырған...

19 жастағы қазақстандық Тұран Устюгов Ресейде Украина жағында соғысуды жоспарлады деген айыппен 12 жылға бас бостандығынан айырылды. Үкім 25 маусым күні Ростов-на-Донудағы Оңтүстік округтік әскери сотында шықты.

Алматылық жас жігітке Ресей билігі «террористік ұйымның қызметіне қатысу» және «террористік әрекетке дайындық мақсатында оқу курсынан өту» баптары бойынша айып таққан.

Айыптау тарабы Туранға 25 жыл жаза сұраған. Ақырында 12 жылға үкім кесілді.

Устюгов 2024 жылдың қазан айынан бері Ресейде қамауда отыр. Оны Қырымда ұстаған. Тергеу мәліметінше, ол Украина жағында соғысып жатқан «Орыс еріктілер корпусы», «Ресей еркіндігі» легионы немесе «Азов» бригадасына қосылмақ болып, Қырым арқылы Украинаға өтпек болған. Бұл құрылымдарды...

Енді айырбастау пункттерінде 200 мың теңгеден жоғары сомадағы қаражатты айырбастағанда, жеке куәлік сұратуы мүмкін. Сондай-ақ клиенттің аты-жөнін арнайы реестрге енгізеді. Бұл жайлы Қаржы нарығын реттеу және дамыту агенттігі жариялаған құжатта жазылған.

«Қолма-қол шетел валютасын айырбастау операцияларын жүзеге асыру қағидаларының 51-тармағына және КЖ/ТҚҚ туралы Заңның 5-бабының 3-1-тармағының 1) тармақшасына валюталарды қолма-қол ақша нысанында 200 мың ₸ дейін айырбастау кезінде клиентті сәйкестендіру шегін төмендету арқылы түзетулер енгізілсін», – деп жазылған заң жобасында.

Қазір таңда Қазақстанда валюта айырбастау кезінде 500 000 теңгеден жоғары сомаға операция жасалса, клиент міндетті түрде жеке куәлік көрсетіп, сәйкестендіруден өтуі тиіс...

Оңтүстік кореялық  BNK Commercial Bank  Қазақстанның депозиттерге міндетті кепілдік беру жүйесіне ресми түрде қосылып, қорға қатысушы 20 банктің бірі атанды. Бұл туралы ақпарат Қазақстанның депозиттерге кепілдік беру қорының (ҚДКБҚ) ресми сайтында жарияланды.

ҚДКҚ басқарма төрағасы Әділ Өтембаевтың айтуынша, жаңа банк жүйеге қосылған сәттен бастап қ жеке тұлғалардың депозиттері басқа банктердегі салымдармен тең деңгейде қор кепілдігімен қорғалады.

«Жаңа банк жүйеге қосылғаннан кейін қабылдайтын жеке тұлғалардың барлық депозиттері ҚДКҚ кепілдігімен қорғалады. Бұл — барлық қатысушы банктерге ортақ шарт», — деді Өтембаев.

Мемлекет кепілдік беретін сома:

Азаматтық авиация комитеті 27 маусымнан бастап Қазақстанның авиациялық нарығына Қырғызстанның әуе компаниясы – «Asman Airlines» кіретінін хабарлады.

Компания Алматы – Ыстықкөл бағыты бойынша дүйсенбі және жұма күндері аптасына екі рет тұрақты тікелей рейстерді орындай бастайды.

Комитет сонымен қатар 3 шілдеден бастап қазақстандық «Fly Arystan» әуе тасымалдаушысы да Алматы – Ыстықкөл бағыты бойынша тікелей рейстерді іске қосатынын жеткізді.

Рейстер аптасына екі рет – бейсенбі және жексенбі күндері орындалады.

«Осылайша, жазғы кезеңде көрсетілген бағыт бойынша аптасына 4 тұрақты жолаушы рейсі орындалатын болады. Әуеқатынастың ашылуы екі ел арасындағы туристік, сауда-экономикалық және іскерлік ынтымақтастықтың одан әрі дамуына ықпал етед...

Қазақстан тумасы терроризмге көмектесті деген күдікпен Ресейде қамауға алынды. Ол теракт жасауға жәрдемдесті деген күдікке ілікті.

Коммерсантъ ақпаратына қарағанда, Қазақстан тумасы Ярослава Чумакованы Санкт-Петербургтің Қызылгвардиялық аудандық соты уақытша ұстау изоляторына қамауға санкция берді.

Чумакова 17 тамызға дейін қамауда болады. Бұл туралы қала соттарының бірыңғай баспасөз қызметі хабарлаған.

Тергеу нұсқасы бойынша, Ярослава Чумакова Ресей Қылмыстық кодексінде көзделген қылмыстық іс аясында күдікті болып танылған. Ол «мемлекеттік органдардың жұмысын тұрақсыздандыру» немесе «жоғары лауазымды әскери қызметкерге әсер ету мақсатында жасалған террористік әрекетке» көмектесті деген айып тағылып отыр.

Қазақстан тумасы Чумакова 19 маусым күні ұсталған. Бірақ әзірге ресми айып тағылған жоқ. Сот отырысында ол...

Президент Қасым-Жомарт Тоқаев Еуразиялық экономикалық форумға қатысу үшін Беларусь елінің астанасы Минскіге келді. Бұл туралы Ақорда хабарлады.

«Президент Қасым-Жомарт Тоқаев Жоғары Еуразиялық экономикалық кеңестің отырысына және Еуразиялық экономикалық форумға қатысу үшін Минск қаласына келді», – делінген хабарламада.

Аталмыш шараға ондаған елдің делегациялары қатысады деп жоспарланып отыр. Саммитке Беларусь президенті Александр Лукашенко төрағалық етеді.

Форум бүгін, 26 маусым күні басталды. Форум бағдарламасы алты негізгі тақырыптық блоктан тұрады. Жалпы, 35 іс-шара қамтылады деп жоспарланып отыр.

Ал ЕАЭО-ға мүше елдердің көшбасшылары 27 маусым күні өтетін саммитте бас қосады. Жиында еуразиялық экономикалық интеграцияны дамытудың стратегиялы...