Жаңалықтар

Енді айырбастау пункттерінде 200 мың теңгеден жоғары сомадағы қаражатты айырбастағанда, жеке куәлік сұратуы мүмкін. Сондай-ақ клиенттің аты-жөнін арнайы реестрге енгізеді. Бұл жайлы Қаржы нарығын реттеу және дамыту агенттігі жариялаған құжатта жазылған.

«Қолма-қол шетел валютасын айырбастау операцияларын жүзеге асыру қағидаларының 51-тармағына және КЖ/ТҚҚ туралы Заңның 5-бабының 3-1-тармағының 1) тармақшасына валюталарды қолма-қол ақша нысанында 200 мың ₸ дейін айырбастау кезінде клиентті сәйкестендіру шегін төмендету арқылы түзетулер енгізілсін», – деп жазылған заң жобасында.

Қазір таңда Қазақстанда валюта айырбастау кезінде 500 000 теңгеден жоғары сомаға операция жасалса, клиент міндетті түрде жеке куәлік көрсетіп, сәйкестендіруден өтуі тиіс...

Оңтүстік кореялық  BNK Commercial Bank  Қазақстанның депозиттерге міндетті кепілдік беру жүйесіне ресми түрде қосылып, қорға қатысушы 20 банктің бірі атанды. Бұл туралы ақпарат Қазақстанның депозиттерге кепілдік беру қорының (ҚДКБҚ) ресми сайтында жарияланды.

ҚДКҚ басқарма төрағасы Әділ Өтембаевтың айтуынша, жаңа банк жүйеге қосылған сәттен бастап қ жеке тұлғалардың депозиттері басқа банктердегі салымдармен тең деңгейде қор кепілдігімен қорғалады.

«Жаңа банк жүйеге қосылғаннан кейін қабылдайтын жеке тұлғалардың барлық депозиттері ҚДКҚ кепілдігімен қорғалады. Бұл — барлық қатысушы банктерге ортақ шарт», — деді Өтембаев.

Мемлекет кепілдік беретін сома:

Азаматтық авиация комитеті 27 маусымнан бастап Қазақстанның авиациялық нарығына Қырғызстанның әуе компаниясы – «Asman Airlines» кіретінін хабарлады.

Компания Алматы – Ыстықкөл бағыты бойынша дүйсенбі және жұма күндері аптасына екі рет тұрақты тікелей рейстерді орындай бастайды.

Комитет сонымен қатар 3 шілдеден бастап қазақстандық «Fly Arystan» әуе тасымалдаушысы да Алматы – Ыстықкөл бағыты бойынша тікелей рейстерді іске қосатынын жеткізді.

Рейстер аптасына екі рет – бейсенбі және жексенбі күндері орындалады.

«Осылайша, жазғы кезеңде көрсетілген бағыт бойынша аптасына 4 тұрақты жолаушы рейсі орындалатын болады. Әуеқатынастың ашылуы екі ел арасындағы туристік, сауда-экономикалық және іскерлік ынтымақтастықтың одан әрі дамуына ықпал етед...

Қазақстан тумасы терроризмге көмектесті деген күдікпен Ресейде қамауға алынды. Ол теракт жасауға жәрдемдесті деген күдікке ілікті.

Коммерсантъ ақпаратына қарағанда, Қазақстан тумасы Ярослава Чумакованы Санкт-Петербургтің Қызылгвардиялық аудандық соты уақытша ұстау изоляторына қамауға санкция берді.

Чумакова 17 тамызға дейін қамауда болады. Бұл туралы қала соттарының бірыңғай баспасөз қызметі хабарлаған.

Тергеу нұсқасы бойынша, Ярослава Чумакова Ресей Қылмыстық кодексінде көзделген қылмыстық іс аясында күдікті болып танылған. Ол «мемлекеттік органдардың жұмысын тұрақсыздандыру» немесе «жоғары лауазымды әскери қызметкерге әсер ету мақсатында жасалған террористік әрекетке» көмектесті деген айып тағылып отыр.

Қазақстан тумасы Чумакова 19 маусым күні ұсталған. Бірақ әзірге ресми айып тағылған жоқ. Сот отырысында ол...

Президент Қасым-Жомарт Тоқаев Еуразиялық экономикалық форумға қатысу үшін Беларусь елінің астанасы Минскіге келді. Бұл туралы Ақорда хабарлады.

«Президент Қасым-Жомарт Тоқаев Жоғары Еуразиялық экономикалық кеңестің отырысына және Еуразиялық экономикалық форумға қатысу үшін Минск қаласына келді», – делінген хабарламада.

Аталмыш шараға ондаған елдің делегациялары қатысады деп жоспарланып отыр. Саммитке Беларусь президенті Александр Лукашенко төрағалық етеді.

Форум бүгін, 26 маусым күні басталды. Форум бағдарламасы алты негізгі тақырыптық блоктан тұрады. Жалпы, 35 іс-шара қамтылады деп жоспарланып отыр.

Ал ЕАЭО-ға мүше елдердің көшбасшылары 27 маусым күні өтетін саммитте бас қосады. Жиында еуразиялық экономикалық интеграцияны дамытудың стратегиялы...

Астанада «цифровой купол» жобасы аясында қуатты камералар орнатылып жатыр. Бұл туралы Ішкі істер министрлігі ақпараттандыру және байланыс департаментінің бастығы Сергей Варго мәлімдеді.

Оның сөзінше, қазірге дейін биік ғимараттарға бес камера орнатылды. Олар Abu Dhabi Plaza, Қазтелерадио, «Престиж» тұрғын үй кешені, «Томирис» тұрғын үй кешеніне орнатылған. Бұл камералар 10 шақырымға дейінгі радиусты қамтып, қаладағы маңызды нысандар мен болып жатқан оқиғаларды тәулік бойы бақылауға мүмкіндік береді.

«Былтыр бейнекамера көмегімен қылмыстың 56%-ы ашылып, 66% әкімшілік құқық бұзушылықтың жолы кесілді. Профилактикалық әсері де бар – кейінгі үш жылда қылмыс деңгейі 22%-ға төмендеді, ал биыл жыл басынан бері – 11%-ға азайды...

Нарықта бір клиентке 500 картаға дейін рәсімдеген фактілер болған. Осындай жағдайлардан кейін картаны ашу кезінде клиенттерге қойылатын талаптар күшейді. Бұл жайлы Қаржы нарығын реттеу және дамыту агенттігінің парақшасында жазылған.

Бір адамға оннан көп карталарды рәсімдеуді агенттік алаяқтық белгісі деп таныған.

«Барлық банктерде бір клиентке 5 төлем карталарын шығаруға шектеулер қойылып, олардың мониторингі онлайн режимінде қамтамасыз етілді. Нәтижесінде 10-нан астам карта ұстаушылардың саны 10 мыңнан 1 мың клиентке дейін қысқарды», – деп жазылған жарияланған құжатта.

Алаяқтық жағдайлар жиі тіркелгеннен кейін банктер мен төлем ұйымдары дропперлерді анықтау бойынша типология әзірленді. Оның аясында:

Freedom Telecom Operations LLP компаниясы Қазақстан Республикасы Цифрлық даму, инновациялар және аэроғарыш өнеркәсібі министрлігімен «Қолжетімді интернет» ұлттық жобасы аясында инвестициялық келісімге қол қойды.

Freedom Telecom — бұл жобаның бастамашысы және негізгі орындаушысы. Мақсат – елдегі мобильді байланыс нашар қамтылған автожолдар бойында заманауи телекоммуникациялық инфрақұрылым салу.

2025 жылдан 2027 жылға дейін Freedom Telecom 487-ден астам антенна-мачта құрылымдарын салады. Сонымен қатар, талшықты-оптикалық байланыс желілері, базалық станциялар және электрмен жабдықтау жүйелері орнатылады. Бұл жоба арқылы 40 мың шақырымнан астам автожол бойы 4G стандартындағы мобильді интернетпен қамтылады

Осылайша, шалғай аймақтарда тұратын азаматтар да интернетке қол жеткізе алады. Жобаға 120 миллиард теңгеден астам...

Қорғаста жүк әуежайын немістің Skyhansa компаниясы салатын болды. Бұл туралы премьер-министр Олжас Бектеновтың Skyhansa компаниясының негізін қалаушы және директорлар кеңесінің мүшесі, доктор Кристин Грётцбахпен кездесуі кезінде айтылған.

Жоба үш кезеңде жүзеге асырылады

«Президент тапсырмасы бойынша Үкімет неміс инвесторларымен бірлесіп Жетісу өңірінде халықаралық жүк және жолаушылар әуежайын салады», – делінген үкімет хабарламасында.

«Қорғас-Шығыс қақпасы» арнайы экономикалық аймағында әуежай салу үш кезеңде жүзеге асырылады.

Бірінші кезең 2027 жылға дейін созылады. Бұл аралықта 1 сағатта 50 адамды адамды өткізетін жолаушылар терминалы салынады. 2032 жылға қарай оның қуаты 500 адамға жетуі тиіс. Сондай-а...

Колледжге түсушілер үшін eGov.kz порталында өтініш беру қызметі енді әлдеқайда ыңғайлы болды. Бұл туралы электрондық үкімет порталында хабарланды.

Қызметке жаңа мүмкіндіктер мен сүзгілер қосылып, талапкерге оқу орнын жылдам таңдауға, қателіктерден сақ болуға және уақытты үнемдеуге мүмкіндік береді.

Енді өтініш беру кезінде бірден жатақхана немесе тегін тамақтану қажеттігін көрсетуге болады. Әскери қызметін өтеп келген азаматтар тиісті құжатты қоса тіркей алады.

Оқу орнын таңдауда сүзгілеу жүйесі енгізілген. Портал пайдаланушы көрсеткен параметрлерге сәйкес (оқу тілі, өңір, бағыт, мамандық) колледждердің тізімін автоматты түрде құрастырады. Мысалы, талапкер оқытылатын тілді таңдағаннан кейін тек сол тілде бағдарлама ұсынатын оқу орындары ғана көрсетіледі.

Сонымен қатар, «Серпін» бағдарламасына...

Көлік министрлігі отандық әуе компаниялармен бірлесіп жолаушылардың багаж өткізу нормаларын біріктіру мәселесіне қатысты зерттеу жүргізіп жатыр. Бұл туралы депутаттық сауалға жауап берген вице-премьер Роман Скляр мәлім етті.

Роман Склярдың сөзінше, зерттеу халықаралық тәжірибені талдау, Еуропалық Одақ елдерінің, АҚШ-тың және басқа мемлекеттердің заңнамасын, сондай-ақ Халықаралық әуе көлігі қауымдастығының (IATA) ұсынымдарын зерделеу жұмыстарын қамтиды.

Вице-премьер жауабында багаждың нормалары, сондай-ақ олардың салмағы мен өлшемдері тасымалдаушы тарапынан белгіленетіні, оны «Көлік туралы» Заңның 13-бабы реттейтіні айтылған.

«Осыған байланысты, қолданыстағы заңнамада багаж нормаларын біріктіру қарастырылмаған және бұл мәселе әрбір әуе тасымалдаушының өз құзырында реттеледі. Сонымен қатар, жүргізіліп жатқан талдау нәтижелері бойынша...

Жұма, 27 маусымға арналған валюта бағамы анықталды. Қазақстан қор биржасының (KASE) мәліметінше, 1 АҚШ доллары 518,34 теңге тұрады. Бағам айтарлықтай өзгеріске ұшырамады.

Қазақстандағы валюта бағамы

Ұлттық валюта осы аптада шамамен 3 теңгеге нығайды. 23 маусымда ғана доллар 521,7 теңге тұрған.

Kurs.kz сайтының мәліметінше, Алматы қаласындағы ақша айырбастау пунктерінде бір доллар 520,5 теңгеден сатылып, 519 теңгеден қабылданып жатыр. Астана қаласындағы валюта саудасы – 517 және 523.

Криптовалюта

Bitcoin (BTC) құны қайтадан көтеріліп жатыр. Қазір BTC 107,3 мың доллар тұрады. 23 маусымда, Таяу Шығыстағы жағдай қатты ушыққан уақытта, оның құны 98 мың долларға дейін түсіп кеткен еді. Аз уақыттың ішінде Биткоин шамамен 10 мың долларға көтерілді.

Ethereum...

«Кек пен заң» фильмі 50 жылдан кейін жаңа финалмен экранға қайта оралмақ. Түпнұсқада бұл туынды Sholay деп аталады.

ВВС ақпаратына қарағанда, бұл фильм – Үнді кинематографиясының ең культты туындысы.  975 жылы Рамеш Сиппи түсірген бұл эпос Болоньядағы (Италия) Il Cinema Ritrovato кинофестивалінде толықтай қалпына келтірілген.

Цензура өтпей қалған көріністер бар

Бұл фильм Кеңес одағында «Кек пен заң» фильмі деп аталды. Жаңа нұсқада бұрын цензура салдарынан алынып тасталған өшірілген көріністер де бар. Бастапқы финал қосылған.

Оны Piazza Maggiore алаңындағы ашық аспан астындағы экранда көрсету жоспарланып отыр. Бұл – Еуропадағы ең үлкен киноалаңдарының бірі.

Аңызға айналған оқиға

Бұрындары кәсіпкер Қайрат Боранбаевқа тиесілі болған Phystech II мұнай компаниясы 2024 жылы 24,3 млн теңге пайда тапты. Бұл туралы Қазақстан қор биржасында (KASE) жарияланған есепте айтылған.

KASE мәліметінше, компания Қаржы министрлігі меншігіне 2024 жылғы 1 сәуірден 1 шілдеге дейінгі аралықта өткен. Сол себепті компания 2024 жылдың екінші жартысында мемлекет бақылауында жұмыс істеген.

Компания 2023 жылды 2,4 млрд теңге, ал 2022 жылды 4,6 млрд теңге шығынмен аяқтаған.

Phystech II-ның былтыр сатып алушылармен келісім бойынша түсімі 14,3%-ға артып, 5,6 млрд теңгеге дейін жеткен. Алайда сауданың өзіндік құны 29%-ға қымбаттап, 3,1 млрд теңгеден 4 млрд теңге болған. Осылайша, Phystech II жалпы табысы...

Иранның рухани көсемі аятолла Әли Хаменеи X әлеуметтік желісінде күтпеген жерден жазба жариялап, Иранды жеңісімен құттықтады.

Ол Тегеранды Израильге қарсы «жеңісімен» құттықтады. Араға уақыт салып, Иран телеарналарынан көрінген.

«Сионистік режим құлаудың аз-ақ алдында тұр. Ол Ислам Республикасының соққыларынан жаншылды», — деп мәлімдеді Хаменеи.

Айта кететін жайт, Иранға бұл қақтығыс оңайға түспеді. Жанжал кезінде – 12 күн ішінде 30-дан астам генералын жоғалтты. Олардың басым бөлігі – Ислам революциясы сақшылар корпусы (КСИР), «Басидж» жасағы мен барлау қызметінің жоғары шенді офицерлері.

Иран көсемі бұл үшін Израиль «сазайын тартады» деп мәлімдеген.

Сонымен қатар, АҚШ Ирандағы ядролық нысандарға

Қазақстан ауруханаларында енді жедел шақыру түймелері орнатылады және тұрақты түрде полиция кезекшілік етеді. Бұл туралы Денсаулық сақтау вице-министрі Тимур Сұлтанғазиев мәлімдеді.

Вице-министрдің айтуынша, аталған шаралар қазіргі уақытта Денсаулық сақтау министрлігі мен ІІМ бірлесіп әзірлеп жатқан медицина қызметкерлерінің қауіпсіздігін қамтамасыз ету тұжырымдамасына енеді.

 «Министрлік бұл бағытта жұмыстарды бастап кетті. Мысалы, жедел медициналық жәрдем қызметкерлеріне – дәрігерлерге, фельдшерлерге және басқа да медицина қызметкерлеріне арнайы кеуде жетондары орнатылып жатыр. Бұл жетондар бейнежазба жүргізеді және жазбалар сақталады. Бұдан бөлек, қазіргі уақытта ІІМ-мен бірлесіп, облыстық немесе қалалық балалар ауруханаларында, қабылдау бөлімшелерінің маңында немесе ішінде полиция қызметкерлерінің кезекшілігін ұйымдастыру мәселесі пысықталуда»,– дед...

Соңғы кезде жеке деректердің таралу жағдайлары мен интернет алаяқтық жиілеп кетті. Бұл мәселе ҰҚШҰ назарынан да тыс қалмаған. Ұйым Қырғызстанда ақпараттық қауіпсіздікке қатысты арнайы жиын өткізген.

ҰҚШҰ-ның Компьютерлік инциденттерге ден қою жөніндегі консультативтік үйлестіру орталығы Кеңесінің XIX отырысы Қырғызстанның Ыстықкөл облысының Бөстері қаласында өткен.

Жиында ұйым мүшелері ақпараттық қауіп пен оларға қарсы әрекет ету әдістерін талқылаған.

Кездесу барысында интернеттің өз сегменттерінде ботнеттерді пайдаланып, шабуыл жасау жағдайлары жиілеп кеткені айтылған. Сонымен бірге әлеуметтік инженерия әдістерін пайдалана отырып, ашық RDP қызметтері арқылы шифрланған қауіпті жүйелер саны да көбейген.

Фишингтік шабуылдар және оларды жүзеге асыруға әртүрлі өзара әрекеттесетін...

Ақмола облысында Biolife Proprevit атты экосүт кешенінің құрылысы басталды. Инвестиция көлемі 62,5 млн доллар құрайды деп хабарлайды ауыл шаруашылық министрлігі.

Емдік-профилактикалық азық-түлік пен алкогольсіз сусындарды өндіру бойынша кешен «Қоянды» өнеркәсіп аймағында орналасады. Аумағы 12,6 гектарды құрайды.

Кәсіпорын сүт және сүт қышқыл сусындары, шырын, жеміс езбесі және пребиотик, пектин мен дәрумендермен байытылған балалар тағамын шығарады. Жоба нәтижесінде 100 жұмыс орны ашылады деген жоспар бар.

Жоба инвесторы – БАӘ-нен шыққан халықаралық Exim Finance инвестициялық компаниясы. Әлемнің 38 елінде жұмыс істейді.

Зауыттан шыққан өнімдер ішкі нарыққа ғана емес, ЕАЭО, Еуропа, Таяу Шығыс, Қытай, Түркия және Африка елдеріне...

S&P Global Ratings агенттігі Freedom Holding Corp. компаниясының негізгі еншілес қаржы ұйымдарының рейтингі бойынша болжамды «тұрақтыдан» «оң» деңгейіне өзгертті. Бұл өзгеріс тәуекелді басқару және комплаенс жүйесін күшейтуге бағытталған нақты қадамдармен байланысты.

Агенттік ұзақ және қысқа мерзімді рейтингті «B+/B» деңгейінде сақтап қалды. Сонымен қатар ұлттық шкала бойынша «Фридом Финанс» АҚ мен «Фридом Банк Қазақстан» АҚ-тың рейтингтері «kzBBB-» деңгейінен «kzBBB+» деңгейіне көтерілді.

Freedom Holding Corp. компаниясы үшін халықаралық рейтинг «B-» деңгейінде расталды.

S&P мамандары холдингтің тәуекелдерді басқару саясатын, санкциялық тәуекелдер мен киберқауіпсіздік бағыттарындағы құжаттарын, сондай-ақ комплаенс талаптарын бүкіл еншілес ұйымдарға енгізу бойынша атқарылған жұмысты оң бағалаған

«Егер...

22 жастағы Ақнәр Гүлістанның қазасына қатысты іс бойынша жаңа тергеу тобы жұмысын бастады. Бұл туралы қоғам белсендісі Инга Иманбай әлеуметтік желіде хабарлады.

Ақнәр әділетке лайық! Бүгін Гүлстан ханым Астанадан арнайы келді. Қызының шындығы ашылсын деп ештеңеден тайсалмай жүрген батыр ананы қолдайық,– деп жазды Иманбай.

Еске салайық, қайғылы оқиға 2024 жылдың жазында болған. Ресми нұсқа бойынша, Ақнәр жетінші қабаттың терезесінен құлап кеткен. Алайда марқұмның туыстары бұл нұсқаға сенбейді. Ақнәрды алдымен азаптап, кейін терезеден итеріп жіберген деп санайды.

Бұған дейін Ақнәрдің құрбысы Рано Асқар оқиға жайында өз нұсқасын айтып берген еді.

Интернет-басылым Kursiv.Media журналисі Айгерім Тукушева Қазақстан парламентінің қызметін көп жылдан бері тұрақты түрде жариялап жүргені үшін беделді парламент сыйлығына ие болды.

Айгерім Тукушева он жылдан астам уақыт бойы заң шығару үдерістерін зерттеп, өткір мәселелерді көтеріп, қоғам үшін маңызды тақырыптарды ашып көрсетіп келеді. Бұл оның іскерлік журналистиканың дамуына қосқан елеулі үлесін айғақтайды.

– 10 жылдан аса уақыт бойы парламент жұмысы туралы жазып келемін. Тек ақпарат беріп қана қоймай, қабылданған шешімдердің салдарын талдап, қолайсыз сұрақтар қойып, маңызды қоғамдық мәселелерді көтеруге тырысамын, – деді журналист.

2025 жылғы сәуір айында Айгерім Тукушева Қазақстандағы вейптердің қара нарығы туралы резонанстық зерттеу жариялаған. Ол орыс және ағылшын тілдерінде жарық көрді. «Тыйым салынғанына бір жыл өтсе де, Қазақстанда...

Оқ тиген Шымкент қаласы әкімінің орынбасары Руслан Берденов маңызды мәлімдеме жасады. Партиядан неден кеткенін түсіндірді.

Мәлімдемесінде Respublica партиясының тең төрағасы ретіндегі миссиясын аяқтағанын хабарлады.

«Бұл шешім саналы түрде және өзіме қатысты бірқатар объективті себептерге байланысты қабылданды», – деді ол.

Берденов мұның үш себебін атап көрсеткен.

Үш себеп

Біріншіден, ол қазір Шымкент қаласы әкімінің орынбасары қызметін атқарып жүр.

«Қолданыстағы заңнама талаптарына сәйкес, мемлекеттік қызметті саяси партиядағы жетекшілік қызметпен қатар алып жүруге жол берілмейді. Мен заң талаптарын құрметтеймін және оны қатаң сақтаймын», – деп мәлімдеді шенеунік.

Екіншіден, партияның ішк...

Арменияда «мемлекеттік төңкеріс жасамақ болды» деген күдікпен 15 адам ұсталды. Бұл туралы Арменияның басылымдары хабарлады.

Басылымдар елдің тергеу комитеті Мемлекетке, конституциялық құрылыс негіздеріне және қоғамдық қауіпсіздікке қарсы қылмыстар бойынша тергеу жүргізіп жатқанын, соның ішінде «Қасиетті күрес» қозғалысының жетекшілері мен қатысушыларының лаңкестік әрекетін тексеру жүріп жатқанын хабарлайды.

Тергеу комитеті мемлекеттік төңкеріс жасауды ойластырғандардың мекенжайынан электр және интернет байланысын қамтамасыз ететін кабельдерді зақымдауға арналған көптеген жарылғыш құрылғыларды тапқан. Бұдан бөлек топтың қай жерде әрекет ететіні көрсетілген карта да табылған.

Нәтижесінде бұл іске қатысы бар 15 күдікті қамауға алынған. 16-шы күдікті – архиепископ Баграт (Вазген) Галстанян. Дін өкілі терроризм...

«Отбасы банк» АҚ 2024 жылғы қаржы есебі мен аудиторлардың қорытындысын жариялады. Есепке сәйкес, банктің таза пайдасы бір жыл ішінде 18%-ға азайған.

Егер 2023 жылы банктің таза пайдасы 147,5 млрд теңгені құраса, 2024 жылдың қорытындысы бойынша бұл көрсеткіш 120,8 млрд теңгеге дейін төмендеген. Яғни, бір жылда банк 26,7 млрд теңгеге аз пайда тапқан.

Бұл өзгеріс табыстылық көрсеткіштеріне де әсер еткен:

Таза пайдасы азайғаныммен банк қаржылық тұрақтылығын сақтап отыр. Оның жиынтық активтері 2024 жылдың соңында 4,28 трлн теңгеге жетіп, бір жылда 7,1%-ға өскен. Оның ішінде негізгі үлесті клиенттерге...