Қырғызстанда сел жүріп жатыр. Ош облысы төтенше жағдай жариялады.
Жарияланды
(жаңартылды )
![](https://cdn-kz.kursiv.media/wp-content/uploads/2024/04/1084437558_0_106_1079_713_1920x0_80_0_0_654b015688ca31dd8449da7ce3621c94.jpg-1024x576.webp)
Қырғызстан елінің бірнеше аймағында сел жүріп жатыр. Ноокен ауданындағы бір ауылда селге қарсы бөгетті су бұзып кетті. Соның салдарынан ауылдағы 300 үйден тұрғындар эвакуациялануда.
Талас ауданындағы Көк-Кашат, Ақ-жар, Қара-суу ауылдары сел зардабын тартуда. Оқиға орнында ТЖМ қызметкерлері жүр.
Қырғызстанның Ош облысында төтенше жағдай режимі жарияланды.
Ош облысының Қара-Құлджа, Алай, Ноокат және Қара-Суу аудандарында нөсер жауын салдарынан 100-ге жуық үйді су басты.
Мырзаке-Қара-Құлжа-Алайқуу тас жолының 41-ші шақырымында сел жүріп, көліктегі бір отбасы қаза болды.
Құбылмалы ауа райы салдарынан Ош, Жалал-Абад, Баткен облыстарында сел жүру қаупі жоғарылады.
Қырғызгидромет 22-28 сәуір күндері жауын-шашын жиілейтінін хабарлады.