Үндістанның Раджкот қаласындағы ойын-сауық орталығынан өрт шығып, 27 адам мерт болды
Жарияланды
(жаңартылды )
![](https://cdn-kz.kursiv.media/wp-content/uploads/2024/05/f5363a43815f7163fa326e22bb52f65f.webp)
Үндістанның батысындағы Гуджарат штатында қайғылы оқиға болды. Сенбіге қараған түні Раджкот қаласындағы отбасылық ойын-сауық мекемесі өртке оранды. Соның салдарынан 30-ға тарта адам көз жұмды. Оның ішінде балалар қаза болды.
Өрт тұтанған кезде шамамен саябақтағы екі қабатты ғимаратта 300-дей адам болған. Түтін шыққаннан кейін, бәрі сыртқа қарай жүгірген. Бірақ жалын жан-жақтан қоршап алды. Өрт сөндірушілер жеткенше, ғимарат опырылып құлап түсті.
Құқық қорғау органдары тергеу амалдарын бастады. Алдын ала мәлімет бойынша оқыс оқиға кезінде 27 адам мерт болды.