Миллиардер Илон Масктың анасы Мэй Маск Алматыдағы Ықылас атындағы халық музыкалық аспаптар мұражайын аралап шықты.
Мэй Маск мұражайда экскурсияға қатысып, 50-ден астам ұлттың музыкалық аспаптарын көріп, олардың әуезімен танысқан. «Steppe Sons» модерн этно-джаз тобы өнер көрсетсе, шетелдік қонақтардың бірі топпен бірге ән шырқаған.
Маск өзін құрметпен қарсы алған мұражай бірлестігіне алғыс айтып, жұмыстарына сәттілік тілеген.
Ол Алматыға 17 қазанда өтетін «Be Woman» форумына қатысу үшін келген.
1981 жылы ашылған Ықылас атындағы халық музыкалық аспаптар мұражайы Орталық Азиядағы аспаптарды жинаған. Музей Алматыдағы 28 Панфиловшылар саябағының аумағында орналасқан.
