Қазақстандық әнші Димаш Құдайберген Біріккен Араб әмірліктерінің Дубай қаласында халықаралық DIAFA сыйлығын алды. Бұл туралы әнші әлеуметтік желідегі парақшасында жазды.
«Өнерге қосқан үлесі үшін DIAFA-ға рахмет. Рахмет, Дубай! Рахмет, DIAFA!» – деп жазды ол.
Distinctive International Arab Festivals Awards (DIAFA) – жыл сайын Дубайда өтетін Таяу шығыс аймағындағы беделді халықаралық сыйлық. Мұнда әлемдік деңгейдегі көрнекті тұлғалар, ұйымдар мен компаниялар жетістіктері мен қоғам өмірін жақсартуға қосқан үлесі үшін марапатталады.
Жыл сайын Араб елдері мен әлемнің музыка, өнер, мәдениет, экономика, бизнес, кәсіпкерлік, журналистика, табыс тарихы, гуманитарлық қызметтер және т.б. сияқты түрлі салалардағы үздіктерді 25 Бұқаралық ақпарат құралдарының өкілдерінен құралған арнайы комиссия таңдайды.
Айта кетейік, 27 қарашада Димаш өз жанкүйерлерін Қазақстан табиғаты туралы жаңа бейнебаянмен қуантқан еді.
