Алдағы апта түрлі қызық іс-шараға толы болмақ. Жаңа жыл қарсаңында елдің түкпір-түкпірінде түрлі ойын-сауық шаралары ұйымдастырылып жатыр. Ал әртістер жылды қорытындылап, 2024 жылдағы ең соңғы кештерін өткізіп жүр. Жалпы желтоқсан – қорытынды есеп беру айы. Бұл айда тек әнші-бишілер емес, әзілкештер де белсенді. Афишаны шолып отырып, апта бойы елдің әр өңірінде әртүрлі форматтағы концерттер өтетініне көзіміз жетті. Арасынан ең ерекшелерін таңдап, дәстүр бойынша Kursiv.Мedia оқырманына арнап тізім әзірледік.
Заттыбек Көпбосынұлы мен Наркенже Серікбаеваның ән кеші
Ақтау қаласы, 10 желтоқсан.
Халықтың сүйікті әншісіне айналған Заттыбек Көпбосынұлы мен Наркенже Серікбаева Ақтау жұртына арнап ән кешін өткізеді. Халық арасында кеңінен тараған «Ақ маржан», «Немерем», «Бүлдірген» және тағы басқа көптеген хит әндердің орындаушысы Заттыбек пен жезтаңдай әнші Наркенже алдағы аптада, 10 желтоқсан күні Ақтаудағы Абай атындағы мәдениет үйінде халық сүйіп тыңдайтын ең тандаулы әндерін шырқап береді.
Заттыбектің ән кештері әдетте үнемі би кешімен жалғасып кетеді. Сондықтан сүйікті әншілеріңізге қосыла ән шырқап, бұрала билеп, тамаша кештің куәсі болу мүмкіндігінен құр қалмаңыз. Концерт сағат 19:00-де басталады. Билеттерді Ticketon.kz сайты арқылы сатып ала аласыз.
Мұрат Тхагалеговтің ән кеші
Орал қаласы, 9 желтоқсан.
Мұрат Тхагалегов – кез келген концертті ұмытылмас шараға айналдыратын, харизмасымен сахнаға жан бітіретін дарынды орындаушы. Оны жас та, кәрі де, ерлер де, әйелдер де сүйіп тыңдайды. Себебі оның шығармашылығы сезімдерді шебер жеткізіп, әрбір жанның жүрегіне жететін сырлы әнге толы. Мұраттың әндері түрлі музыкалық чарттарда алдыңғы қатардан көрінеді, ал оның бейнебаяндары миллиондаған қаралым жинайды. Ең бастысы, әнші жанкүйерлерімен тығыз байланыста, сүйікті тыңдарманын сағындырмай, жиі-жиі концерт өткізіп тұрады.
Мұрат Тхагалегов «Калым» деп аталатын суперхитінің арқасында танымал болды, ал «На дистотеку» әні Тхагалеговтің танымалдығын арттыра түсті. Содан кейін тыңдарман жүрегін бірден жаулап алған «Темная ночь», «Я с ней кайфую», «Украдёт и позовёт» сияқты хит әндер жарыққа шықты.
Әнші музыкалық мансабын 2000 жылдардың басында бастап, содан бері өз жанрындағы ең танымал орындаушылардың біріне айналды. Мұраттың бірегей дауысы ешкімді бей-жай қалдырмайды, ал оның әндері халық хитіне айналып, миллиондаған тыңдаушылардың жүрегінен орын алады. Оның әндерінде Кавказдың ұлттық мәдениеті мен атмосферасы, ұлтқа тән ерекше ырғақ әдемі үйлесім тапқан. Мұрат Тхагалегов көңілді және би тректерінен бастап, әсерлі балладаларға дейін бірегей, фирмалық композициялар жасай отырып, музыкалық стильдермен батыл эксперимент жасайды.
Мұрат Тхагалеговтің концертіне бұрын-соңды барып көрмесеңіз, осы жолы мұндай кештен құр қалуға мүлдем болмайды. Орал қаласының тұрғындарын тамаша орындаушыны құшақ жая қарсы алып, кешті көңілді өткізуге шақырамыз. Кеш Орал қаласындағы «Зенит» мәдениет үйінде өтеді. Басталуы сағат 20:00-де. Билеттерді Ticketon.kz сайтынан таба аласыз.
«Шаншар» әзіл-оспақ театрының 30 жылдық мерейтойы
Түркістан қаласы, 12 желтоқсан.
«Шаншар» әзіл-оспақ театры 30 жылға жуық уақыт бойы өнер көрсетіп, ел таныған елеулі ұжымға айналды. Алдағы жылы желіде танымал видео болып тарайтын керемет сахналық көрініс пен монологты бірінші болып тамашалау мүмкіндігіңіз бар. Себебі шығармашылық ұжым алдағы апта Түркістан көрерменіне арнап концерт береді.
«Шаншардың» әрбір қойылымы көрермен көңілінен шығады, әзілі ішек-сілені қатырып, күлкіге қарық қылып, өткір пародиялары арқылы ұжым үнемі маңызды мәселелерді көтереді. Сонымен қатар әр қойылым көрермен жадында жылдар бойы сақталып, тамаша естелікке айналады. Ал қойылымдағы астарлы әзіл сөздер мен тіркестер халықтың әзіл-әжуа лексиконына мықтап сіңіп те кетеді. Осы жылдар ішінде ұжым қазақстандық әзіл әлемінің символына айналды.
Алдағы концертте «Шаншар» өзінің адал көрермені үшін арнайы жасалған жаңа бағдарламасын ұсынады. Жаңа комедиялық жауһарларға куә болу мүмкіндігінен қапы қалмаңыз. Кеш 12 желтоқсан күні Түркістан қаласындағы Конгресс холлда өтеді. Басталуы сағат 18:30-да. Билеттерді Ticketon.kz сайтынан таба аласыз.
Amre-нің ән кеші
Қызылорда қаласы, 14 желтоқсан.
Әміре – вокалдық импровизация шебері, дарынды композитор және музыкант, «Славян базары 2018» фестивалінің жеңімпазы, «Голос» шоуының финалисі, ерекше дауыс иесі.
Әміренің лирикалық әндері әртүрлі жас өкілін қамтиды, оның әдемі туындылары мыңдаған тыңдарманның жүрегінен орын тапты. Әміре отандық «Маска» шоуында көрерменге мүлдем басқа қырынан танылып, өзінің экспериментке ашық, жаңалыққа құмар әрі ізденімпаз әнші екенін дәлелдеді. Оның сол шоудағы каверларының өзі хитке айналып, музыкалық чарттардың көшін бастады.
Қызылордадағы кешінде әнші лирикалық сырлы әндерін де, ырғақты туындыларын орындап, тыңдарманының көңілін көтеріп, естен кетпес кеш сыйлауға асық. Сіз де билет алуға асығыңыз. Кеш Қызылордадағы Бекежанов атындағы драма театрында өтеді. Басталуы сағат 19:00-де. Билеттер Ticketon.kz сайтына жүктелген.
Қазақша КВН. 25 жыл. Jaidarman
Астана қаласы, 15 желтоқсан.
Астанада жылдың ең күлкілі шоуы – Жайдарман тойы өтеді. Алдағы аптада еліміздің ең үздік әзілкештері бір сахнада бас қосады. Әзіл-сықақ шарасы 2024 жылғы маусымның финалистерінің қатысуымен өтеді. Бұл әзіл-әжуаға, қағытпа қалжың мен астарлы әңгімеге толы кеш болмақ. Талантты жастардың тартысты ойынына куә болыңыз.
Жайдарман кеші 15 желтоқсан күні сағат 18:00-де Астанадағы Бейбітшілік және келісім сарайында өтеді. Күлкі мен позитивке толы маусымның ең шешуші ойынын өткізіп алмаңыздар! Финалға кім өтетін өз көздеріңізбен көріңіздер! Билеттерді Ticketon.kz сайты арқылы сатып ала аласыз.
