Қазақстанның шайбалы хоккейден әйелдер құрамасы 2025 жылғы Харбинде өткен Қысқы Азия ойындарында күміс жүлдеге ие болды. Бұл туралы Olympic.kz хабарлады.
Шешуші матчта қазақстандық хоккейшілер Оңтүстік Кореяны 3:0 есебімен жеңіп, жалпы есепте екінші орынға тұрақтады.
Ерлер құрамасы финалда ойнайды
Бүгін, 14 ақпанда, шайбалы хоккейден Қазақстанның ерлер құрамасы финалда Жапонияға қарсы ойын өткізеді. Финалдық матч сағат 11:00-де басталады.
Азия ойындарының жабылу салтанаты
2025 жылғы Қысқы Азия ойындарының ресми жабылу салтанаты бүгін 14 ақпан сағат 17:00-де өтеді.
